Ұлы Отан соғысындағы Жеңістің 80 жылдығын мерекелеу аясында ҰОС ардагерлеріне 5 млн теңге көлемінде біржолғы материалдық көмек төлеу жоспарлануда.
Қазіргі жағдай бойынша. Ағымдағы жылдың 20 қаңтары. Қазақстанда 120 Ұлы Отан соғысының (бұдан әрі – ҰОС) ардагері, сондай-ақ Ұлы Отан соғысындағы Жеңіске үлес қосқан 42 545 азамат тұрады. Олардың ішінде: қоршауда қалған Ленинград тұрғындары – 67 адам; концлагерьлердің бұрынғы кәмелетке толмаған тұтқындары – 139 адам; Ұлы Отан соғысы жылдарында алған жарақаты, контузиясы, зақымдануы немесе сырқаттануы салдарынан мүгедек болған қайтыс болған адамның жұбайлары – 743 адам; Ұлы Отан соғысында қаза тапқан (қайтыс болған, хабарсыз кеткен) жауынгерлердің жесірлері – 2 адам; тыл еңбеккерлері – 41 594 адам.
Ардагерлер мен тыл еңбеккерлеріне қамқорлық көрсету, олардың өмір сүру сапасын арттыру – мемлекеттің әлеуметтік саясатының басты басымдылықтарының бірі. Қарт адамдарды әлеуметтік қорғау шаралары орталық деңгейде де, жергілікті деңгейде де жүзеге асырылуда.
Біріншіден, зейнетақы мен басқа да әлеуметтік төлемдердің мөлшері жыл сайын артып келеді. 19 санаттағы азаматтарға (соғысқа қатысушылар, тыл еңбеккерлері, ақталған азаматтар және т.б.) басқа әлеуметтік төлемдерге қарамастан арнаулы мемлекеттік жәрдемақы төленеді.
2025 жылғы 1 қаңтардағы жағдай бойынша алынған ай сайынғы әлеуметтік төлемдердің жалпы сомасы, ҰОС қатысушыларының зейнетақысын есепке алғанда 262 334 теңгені және Ұлы Отан соғысы жылдарында алған жарақаты, контузиясы, зақымдануы немесе ауруына байланысты мүгедектерге 279 330 теңгені құрады.
Екіншіден, ардагерлерге қосымша әлеуметтік қолдау шаралары қарастырылған. . Олардың барлығының әскери қызметшілерге қатысты құқықтары мен кепілдіктері бар. Олар салық жеңілдіктерін пайдаланады, Астана және Алматы қалаларындағы мамандандырылған ауруханаларда білікті медициналық көмек алып, санаторий-курорттық емделуде.
Үшіншіден, жыл сайынғы біржолғы материалдық көмекті төлеу дәстүрге айналды.
Биылғы жылы жергілікті мәліметтер бойынша. Жеңіс күнінің 80 жылдығын мерекелеуге орай облыстардың, астананың және республикалық маңызы бар қалалардың атқарушы органдарына Ұлы Отан соғысының 120 ардагеріне 5 миллион теңгеден біржолғы материалдық көмек көрсетіледі.

Source : https://www.gov.kz/memleket/entities/enbek/press/news/details/923751