Бүгін Қазақстан Республикасының Мәдениет және ақпарат вице-министрі Айзада Құрманованың төрағалығымен кемсітушілікке қарсы заңнама мәселелері жөніндегі ведомствоаралық жұмыс тобының кезекті отырысы өтті. Іс-шараға мемлекеттік органдар, азаматтық қоғам және құқық қорғау ұйымдарының өкілдері қатысты.Күн тәртібінің негізгі тақырыбы нәсілдік кемсітушіліктің барлық түрлерін жою туралы халықаралық конвенцияны қоса алғанда, Қазақстан Республикасының халықаралық міндеттемелерін орындау шеңберінде кемсітушілікке қарсы заңнамаларды әзірлеу мәселелері бойынша тұжырымдамалық тәсілдерді талқылау болды.Жұмыс тобының мүшелері биылғы қорытынды отырысқа одан әрі ұсынымдар беру үшін мемлекеттік органдардың ұстанымдарын білдірді. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/876067

Денсаулық сақтау министрлігі медицина кадрларының тапшылығын шешу жолдарының бірі ретінде медициналық ЖОО-лардың түлектерін бөлу тетігін тиімдірек етуді ұсынады.«Қазіргі уақытта медициналық ЖОО-лар түлектерінің үштен біріне жуығы бөлу бойынша жұмыс істемейді, негізінен жұмысқа орналасу үшін жеке медициналық ұйымдарды артық көреді. Сонымен қатар, мемлекеттік білім беру тапсырысы шеңберінде кадрларды даярлау мен жергілікті бюджет қаражатының есебінен кадрларды даярлаудың арасында үйлесімділік жоқ (ЖАО гранттары), бұл медицина кадрларын тиімді жоспарлауға әсер етеді, мамандардың жергілікті жерге жетуі бойынша мониторинг те әлсіз жүргізілуде»,-деп атап өтті Денсаулық сақтау бірінші вице-министрі Тимур Сұлтанғазиев өз сөзінде Абай облысындағы Парламент Сенатының көшпелі отырысында.Жағдайды өзгерту үшін пәрменді шаралар ретінде Денсаулық сақтау министрлігі кадрлармен қамтамасыз етуде нақты үйлестіруді белгілеу қажет болған жағдайда жас мамандарды жұмысқа дербес бөлуді уәкілетті органның деңгейіне қайтаруды ұсынады.Екінші - түлектердің жекелеген санаттары үшін жұмыс істеуді кейінге қалдыру, резидентурада оқуды жалғастыруды енгізу, МСАК деңгейінде кемінде үш жыл жұмыс өтілі бар медицина қызметкерлері үшін ерте (алдын ала) бөлу рәсімін енгізу.Сонымен қатар, кадрларды бөлуді реттеу және әлеуметтік қолдау шараларын көрсету жөніндегі жұмысты үйлестіру үшін жергілікті жерлерде өңірлік комиссиялар құрған жөн.Бұдан басқа, ведомство кадрларды жергілікті жерлерде ұстап тұру және ауылдық жерлерде дәрігерлік қызметтің беделін арттыру үшін қосымша ынталандыру шараларының тұтас пакетін бастамашылық етеді. Олардың қатарында интерн дәрігерлеріне арналған білім беру бағдарламаларын жаңарту, психологиялық қолдау бағдарламаларын ұйымдастыру және ұзақ тәжірибесі бар медицина қызметкерлерін ынталандыру жүйелерін енгізу және басқа да материалдық емес ынталандыру шаралары бар.Бұл бастамалар денсаулық сақтау жүйесін нығайтуға және ауылдық жерлерден медицина кадрларының кетуін азайтуға жағдай жасауға бағытталған.Хирургиялық топтың ең көп сұранысқа ие 5 мамандығына анестезиолог-реаниматологтар кіреді, қажеттілік – 306-ны, хирургтар – 210-ды, офтальмологтар – 112-ні, оториноларингологтар – 83-ті, ангиохирургтар – 44-ті құрайды. Босандыру қызметінің ең сұранысқа ие мамандары: акушер-гинекологтар – 253, неонатологтар – 87.Дәрігерлерге деген жоғары қажеттілік Астана (702 дәрігер), Алматы (497 дәрігер), Шымкент (234 дәрігер) сияқты ірі қалаларда бар. Ауылдық елді мекендер деңгейінде медицина қызметкерлеріне ең үлкен сұраныс Ақмола (116 дәрігер), Түркістан (135 дәрігер), БҚО (89 дәрігер) байқалады.Ақпарат көзі : https://www.gov.kz/memleket/entities/dsm/press/news/details/876050

Жетісу облысында шалғайдағы Көпбірлік ауылына апаратын жолдың жөндеуі аяқталды. Қаратал ауданына барған жұмыс сапары барысында «Үштөбе – Алмалы – Көпбірлік» автомобиль жолының жөндеу жүргізілген учаскелерін жүріп өткен облыс әкімі Бейбіт Исабаев құрылыс жұмыстарының нәтижелерін көріп қайтты, - деп хабарлайды Жетісу облысы әкімінің баспасөз қызметі. «Үштөбе – Алмалы – Көпбірлік» автомобиль жолының жалпы ұзындығы 176 км, соның 137 шақырымы жөнделді, оның 78,5 шақырымына жөндеу биыл жүргізілді. Жолдың қалған бөлігі жақсы және қанағаттанарлық жағдайда.Атап айтқанда, Көпбірліктен Алмалы ауылына дейінгі ұзындығы 28 км жол учаскесіне 2021 жылы орташа жөндеу жасалды. Жолдың қалған бөлігінің құрылысы төрт бөлікке бөлінген.- Өткен жылы жалпы ұзындығы 30 км болатын 5 км-ден 35 км-ге дейінгі учаске жөнделді. Бүгінде автотрассаның 40 шақырымына, яғни 90-147 шақырым учаскесіне асфальт төселді. Қазіргі кезде абаттандыру жұмыстары жүріп жатыр. Атап айтқанда, жол жиегі нығайтылып, белгілер орнатылуда. Жұмыстар 10 қарашаға дейін бітеді. Жөндеу жұмыстары трассаның екінші және үшінші учаскелерінде де аяқталды. Бұл нысандар пайдалануға берілді. Сөйтіп «Үштөбе – Алмалы – Көпбірлік» жолының барлық аталған учаскелеріне асфальт төселді. Жобаның құны 4,9 млрд. теңгеден асады. Жол 3-ші санатты, жүру бөлігінің ені 7 метр, - деді Бейбіт Исабаевқа жол құрылысы туралы баяндаған облыстық жолаушы көлігі және автомобиль жолдары басқармасының басшысы Ғалымжан Дәрібаев.Басқарма басшысының баяндамасын тыңдаған облыс әкімі жөндеу жұмыстарының сапалы атқарылғанын атап өтіп, мердігер компания жұмысшыларына істі уақытылы аяқтағаны үшін ризашылығын жеткізді.- Халықпен кездесу кезінде тұрғындар Көпбірлік ауылына баратын жолдың мәселесін көтерген болатын. Осыған байланысты жолды жөндеуге қатысты нақты шаралар қабылдадық. Қазір жол толық жөнделіп бітті. Бұл трассамен жүк көліктері көп жүрмейтіндіктен және жұмыс сапалы орындалғандықтан, жол кемінде он жыл қызмет етеді. Көпбірлік – шалғайда жатқан ауыл. Алдымен оның жолытн жасадық, сосын ауыз су сапасын жақсарттық. Біздің бұдан әрі де шалғайдағы және шекаралық ауылдарды дамытуға бағытталған нақты жоспарларымыз бар, - деді Б. Исабаев.Бұл ретте тұрғындар да пікір білдірді:- Өзім Байшегір ауылында тұрамын. Отыз жыл көлемінде жолымыз жөндеу көрмеді. Біздің де, Көпбірлік ауылы тұрғындарының да жолдың сапасына көңіліміз толды. Қазір мен сияқты көлік жүргізушілері аудан орталығына 1 жарым сағатта жетеміз, - дейді тұрғын Түтінтай Мүсәпіров.Атап өтсек, келесі жылы «Үштөбе – Алмалы – Көпбірлік» жолының 145-ші учаскесіндегі Алмалы көпірі жаңғыртылады.Жалпы жақсы және қанағаттанарлық жағдайдағы облыстық маңызы бар жолдардың үлесі жылдың соңына қарай 94% жетеді. Жетісу облысы әкімінің баспасөз қызметі.Фотограф: Жеңіс ЫсқабайАқпарат көзі : https://www.gov.kz/memleket/entities/zhetysu-oblysy/press/news/details/876022

Жетісудағы Қаратал ауданының ең шалғай елді мекені – Көпбірлік ауылының тұрғындары сапалы ауыз суға қол жеткізді. Ауылда орталықтандырылған су құбыры болғанымен, соңғы жылдары тұрғындар тұзды су ішуге мәжбүр болған еді. Мәселенің қалай шешілгенін бүгін облыс әкімі Бейбіт Исабаев Қаратал ауданына барған жұмыс сапары барысында арнайы көріп қайтты, - деп хабарлайды Жетісу облыс әкімінің баспасөз қызметі.Еске салсақ, 2010 жылы ауылда сумен жабдықтау жүйесі қайта жаңғыртылған еді, атап айтқанда жаңа желілер салынып, тереңдігі 100 метрден асатын ұңғыма қазылып, тұщыландыру қондырғысы орнатылды, ысырмалары ауыстырылды. Қабылданған шараларға қарамастан, соңғы жылдары судың тұздылығы литріне 5,9 грамнан 8 грамға дейін өскен, сондықтан бұл ауыл халқын мазалаған мәселеге айналған болатын.Осыған байланысты облыс әкімі Бейбіт Исабаевтың тапсырмасына сәйкес бюджеттен қаражат бөлініп, мәселені шешуге қажетті шаралар қабылданды. Атап айтқанда, 2 км желіге қайта жаңғырту жүргізіліп, жаңа су мұнарасы тұрғызылды, оған қоса тұздану деңгейі литріне тіпті 12 граммға жеткен күнде де суды тұщыландыруға қуаты жететін жаңартылған тұщыландыру қондырғысы орнатылды.Облыс әкімі Көпбірлік ауылына барған сапарында судың сапасын көріп, тұрғындармен жолықты. Осы орайда кездесуге қатысқан ауыл тұрғындарының бірі Зәмзәгүл Несіпбаева:- Ауыз су – тіршіліктің негізі көзі, денсаулықтың кепілі. Сондықтан оның сапасының жақсы болғаны маңызды. Бізде бірнеше жылдан бері ауыз су сапасы нашар болатын. Биыл бұл мәселе сіздің қолдауыңызбен шешімін тапты, халық риза. Ауылымызға бұдан былай да көңіл бөлінеді деп сенеміз, - деді.Атап өтсек, Көпбірлік ауылда 179 аула бар, соның 168-і орталық сумен жабдықтау жүйесіне қосылған. Ауылда тұратын халық саны 900-ден асады. Жетісу облысы әкімінің баспасөз қызметі Фотограф: Жеңіс ЫсқабайАқпарат көзі : https://www.gov.kz/memleket/entities/zhetysu-oblysy/press/news/details/876033

Қаратал ауданының Алмалы ауылында үш бірдей әлеуметтік нысан салынады. Атап айтқанда, мәдениет үйі, блокты-модульді дәрігерлік амбулатория және спорт кешені бой көтермек. Бұл туралы бүгін Қаратал ауданына барған жұмыс сапарында Жетісу облысының әкімі Бейбіт Исабаев Алмалы ауылының тұрғындарымен кездесуі кезінде айтты, - деп хабарлайды Жетісу облысы әкімінің баспасөз қызметі.Бәйшегір ауылдық округінде 1200 адам тұрса, округ орталығы Алмалы ауылында 800-ден астам тұрғын бар. Ауылдағы ескі мәдениет үйі 2000 жылдан бері қолдануға жарамсыз күйде тұрған болатын. Бұл тозығы жеткен нысан сүріліп, ауылда халықтың өтініші негізінде биылғы жылы блокты-модульды конструкциядан мәдениет үйі тұрғызыла бастады. Енді ауыл тұрғындары мәдени іс-шаралар өткізуге, ал балалар мен жастар түрлі үйірмелерге қатысуға мүмкіндік алады. Бейбіт Исабаев ауыл тұрғындарымен әңгімелесу барысында мәдениет үйінің құрылысы келесі жылы жазда аяқталатынын айтты.Сонымен қатар ауылдық аурухананың жанынан бір ауысымда 50 адам қабылдай алатын дәрігерлік амулатория бой көтереді. Қазіргі кезде конкурстың қорытындысы шығып, құрылысын жүргізетін мердігер ұйым анықталды.Жаңа дәрігерлік амбулаторияның салынатынын ауылдық аурухананың мамандары қуана құптаған:- Елді мекендегі ауылдық аурухананың ғимараты 1980 жылы салынған. Оған тек ағымдағы жөндеу жұмыстары жүргізілген еді. Ғимараттың өзі ескіріп, материалдық-техникалық базасы тоза бастағандықтан, жанынан жаңа стационар дәрігерлік амбулатория салу туралы шешім қабылданғанын естіп қуандық. Енді қазіргі аурухана ғимараты стационар ретінде, ал жаңа нысан ауылдық емхана ретінде қолданылады. Қазір ауруханада 14 медициналық персонал жұмыс істейді, - дейді Алмалы ауылдық ауруханасының меңгерушісі Мақпал Сұлтан.Сол сияқты оөңір басшысы келесі жылы «Үштөбе – Алмалы - Көпбірлік» автожолының 145-ші шақырымындағы Алмалы көпірі де жасалатынын жеткізді.- Ауылдарыңызда мектеп пен аурухана бар, енді замауани дәрігерлік амбулатория мен мәдениет үйі салынады. Өткен жылы Көпбірлік ауылына, биыл Алмалыға жедел жәрдем көлігін бердік. Сонымен қатар ауылдың ішкі көшелерін жөндеуге, жарықтандыруға көңіл бөлеміз. Оған қоса сіздердің өтініштеріңізге орай типтік жобамен халық санына сәйкес спорт кешенін саламыз деп шештік. Осылайша ең алдымен ауылдың инфрақұрылымын жақсарттық, екінші кезекте қажетті әлеуметтік нысандар салынуда, ендігі кезекте шағын және орта бизнесті және ауыл шаруашылығын дамытуға ерекше назар аудару керек. Ол үшін «Ауыл аманаты» сияқты мемлекеттік бағдарламалардың қолдау мүмкіндіктерін кеңінен пайдалану қажет, - деді облыс әкімі Бейбіт Исабаев. Жетісу облысы әкімінің баспасөз қызметіФотограф: Жеңіс ЫсқабайАқпарат көзі : https://www.gov.kz/memleket/entities/zhetysu-oblysy/press/news/details/876037

Костанай облысы өзінің зор мүмкіндіктері мен қарқынды дамып келе жатқан инфрақұрылымының арқасында инвесторлардың назарын аударуды жалғастыруда. Жақында ALUMCRAFT брендімен алюминий қорытпасынан жоғары сапалы пруттар мен профильдер шығаратын зауыт салуға байланысты бастама осының айқын мысалы болып табылады.Бүгін Астана қаласында өткен 2024 ЖЫЛҒЫ ЖАҺАНДЫҚ ИНВЕСТИЦИЯЛАР БОЙЫНША ҚАЗАҚСТАНДЫҚ ДӨҢГЕЛЕК ҮСТЕЛ аясында облыс әкімі Құмар Ақсақалов пен қытайлық серіктес Yin Xingqian (Ин Синцьен) арасында қуаттылығы жылына 29 000 тонна алюминий пруттары мен профильдерін өндіретін зауыт салу туралы меморандумға қол қойылды. Жобаның серіктесі — Қытайдың алюминий бұйымдарын өндіру саласындағы көшбасшысы болып табылатын Conglin Aluminium Technology (Shandong) Co., Ltd. деп күтілуде. Зауыт аймақ экономикасының дамуына елеулі үлес қосып, бюджетке қосымша түсімдер мен өнім экспорттау мүмкіндіктерін қамтамасыз етеді.Өңірдің инвестициялық тартымдылығын арттыратын маңызды фактор — жаңартылатын энергия көздерін енгізу және Ақтөбе облысынан газ құбырын тарту жобалары.Бұл инфрақұрылымдық жобалар сенімді энергетикалық ағындарды қамтамасыз етеді, бұл өз кезегінде жаңа өндірістердің дамуына және инвестицияларды тартуға қолайлы жағдай жасайды.Костанай облысы жаңа өнім түрлерін дамытуға және озық технологияларды енгізуге ұмтылған инвесторлар үшін орталыққа айналуда. Мұндай тәсіл тек өңір экономикасын нығайтып қана қоймай, жергілікті тұрғындар мен бизнес үшін жаңа мүмкіндіктер ашады деп сенеміз.Ақпарат көзі : https://www.gov.kz/memleket/entities/kostanay/press/news/details/876017

Астана қаласы мәслихатының депутаттары «Әрекет ету уақыты» өзін-өзі басқару көшбасшыларының республикалық құрылтайына қатысушылармен кездесіп, әлеуметтік бастамаларды талқылады, деп хабарлайды елорда әкімдігінің ресми сайты.Іс-шараға ҚР өңірлерінен мектеп парламенттерінің 20-ға жуық президенті мен елордалық мәслихат депутаттары қатысты. Ашылу салтанатында Астана қаласы мәслихаты төрағасының м.а. Асқар Смағұлов құттықтау сөз сөйледі.«Бүгін біз жастарды, мектеп қауымын толғандыратын мәселелерді талқылау үшін жиналдық. Әріптестерім мәслихаттың қызметі туралы айтып, өз тәжірибелерімен бөліседі. Сіздердің әрқайсыңыз өз мектебіңізде түрлі мәселелер мен қиындықтарға кезігіп, оларды шешудің бірегей жолдарын тауып, жаңа идеялар енгізіп, мектеп өмірін қызықты әрі мазмұнды етуге көмектесетін іс-шаралар мен жобаларды ұйымдастырып жатқандарыңызға сенімдімін. Сіздердің күш-жігерлеріңіз қазірдің өзінде жемісін беріп жатыр, бірақ бұл сапардың басы ғана екенін түсіну маңызды», - деді ол.Асқар Смағұлов сондай-ақ мұндай кездесулер жастар үшін өзекті мәселелерді жақсы түсінуге ықпал ететінін және қалалық деңгейде шешім қабылдау жүйесі туралы білуге көмектесетінін атап өтті.«Құрметті қатысушылар, осы уақытты белсенді пайдалануға шақырамын: жобаларыңызбен, тәжірибелеріңізбен бөлісіңіз, сұрақтар қоюдан қорықпаңыз, толғандыратын тақырыптарды талқылаңыз. Бұл кездесу сізге жаңа достар мен пікірлестерді табуға, сіздің ұмтылыстарыңызда жалғыз емес екеніңізді, әлемді жақсырақ етуді қалайтын және басқа жігіттердің бар екенін көруге мүмкіндік болсын. Ал біз өз кезегімізде сіздердің идеяларыңыздың жүзеге асуын жеңілдетіп, істеріңізде табысқа жетуге бар күшімізді саламыз», – деп түйіндеді сөзін Асқар Смағұлов.Іс-шараны ұйымдастырушылар атап өткендей, кездесудің негізгі мақсаты – жастар мен мәслихат өкілдері арасындағы байланысты нығайту, сондай-ақ балалар мен жасөспірімдердің әлеуметтік бастамаларға белсенді қатысуы үшін жағдай жасау. Ақпарат көзі : https://www.gov.kz/memleket/entities/astana/press/news/details/875938

«Астана Тазалық» ЖШС БАҚ өкілдері арасында «Таза Қазақстан – таза Астана» байқауын өткізеді, деп хабарлайды елорда әкімдігінің ресми сайты.Байқаудың мақсаты – Астана қаласының, оның маңындағы және елді мекендердің санитарлық жағдайын қамтамасыз ету, қалдықтарды жинау және кәдеге жарату (көшелерді, жолдарды, алаңдарды, тротуарларды, көлік жүретін жолдарды және басқа да қоғамдық орындарды қолмен және механикаландырылған тазалау); су тасқынына қарсы іс-шараларды жүргізу (жылжымалы сорғы қондырғыларының көмегімен су басқан аумақтардан суды айдау; елді мекендерден қарды қар полигонына шығару); «Таза Қазақстан» мемлекеттік экологиялық бағдарламасы шеңберінде «Астана Тазалық» қызметінің қалыптасуы, дамуы, жетістіктері мен келешегі туралы айту.Конкурсқа қатысуға қазақстандық БАҚ өкілдері, авторлар мен блогерлер шақырылады.Конкурс келесі номинациялар бойынша өткізіледі:1) «Үздік телевизиялық материал»;2) «Әлеуметтік желілердегі үздік жарияланым»;3) «Баспа басылымындағы үздік мақала»;4) «Интернет-басылымдағы үздік жарияланым».Конкурсқа қатысу үшін 2024 жылғы 7 қазан мен 10 желтоқсан аралығында шыққан мемлекеттік немесе орыс тілдеріндегі жұмыстар қабылданады. Конкурсқа ұсынылатын жұмыстардың саны шектелмейді.Жұмыстарды тәуелсіз комиссия бағалайды, оған қаланың коммуналдық қызметтері саласындағы сарапшылар мен мамандар және беделді журналистер кіреді. Қазылар алқасы келесі критерийлерді басшылыққа алады:1) берілген тақырыптың өзектілігі мен сәйкестігі;2) тақырыпты ашу тереңдігі және ұсынылған ақпараттың дұрыстығы;3) презентация стилі;4) авторлық пайымдаудың өзіндік ерекшелігі.Конкурсқа қатысу үшін материалдар мына электрондық пошта арқылы қабылданады: astana_tazalyk@mail.ru. Байланыс телефоны: +7 778 700 4324.Жұмыстар 2024 жылғы 10 желтоқсанға дейін Астана уақыты бойынша сағат 18:00-ге дейін қабылданады.Байқау қорытындысы 2024 жылғы 11-13 желтоқсанда шығарылады.Жүлде қоры 3 млн теңгені құрайды.Ақпарат көзі : https://www.gov.kz/memleket/entities/astana/press/news/details/875946

Астанада мәслихат депутаттарының оқушылардың өзін-өзі басқару көшбасшыларымен кездесуі өтті. Қала мәслихатының заңдылық, құқықтық тәртіп және жұртшылықпен жұмыс мәселелері жөніндегі тұрақты комиссиясының төрағасы Азамат Айтқожин қатысушыларға есірткі қылмыстарымен күрес туралы айтты, деп хабарлайды елорда әкімдігінің ресми сайты.Депутаттың айтуынша, есірткі трафигіне көбірек жастар тартылуда."Надандық пен заңнама туралы білімнің болмауы жауапкершіліктен босатпайды. Сіз біздің мектептердің оқушылары есірткі трафигіне қатысып, бұл үшін 10 жылға дейін бас бостандығынан айыру жазасын алған жағдайлар туралы естіген шығарсыз", - деді ол жастарға.Оның айтуынша, есірткі бизнесіне қарсы күрестің тиімділігін арттыру және алдын алу әдістерін өзгерту қажет."Біз жастарға есірткіні қолдану тұлғаның деградациясына және денсаулықтың ауыр проблемаларына әкелетінін жеткізуіміз керек. Нашақорлық адамның денсаулығына қауіп төндіріп қана қоймай, айналасындағыларға да қауіп төндіреді, өйткені ол азғындық пен агрессивті мінез-құлыққа әкелуі мүмкін", - деді ол.Қорытындылай келе, Азамат Айтқожин жастарға бос уақытын тиімді өткізуге, дамуға, жаңа білім алуға кеңес берді."Әр ауданда сіз спорт алаңдары мен өнер орындарын таба аласыз. Сіздің міндетіңіз - осы артықшылықтардың барлығын пайдалану", - деп түйіндеді ол.Ақпарат көзі : https://www.gov.kz/memleket/entities/astana/press/news/details/876039

Үкіметте вице-премьер Серік Жұманғариннің төрағалығымен өткен кеңесте ветеринария жүйесін реформалау бойынша ұсыныстар қаралды.Ауыл шаруашылығы министрлігі ұсынған тұрақты және барлық жерде дамыған ветеринария жүйесін құру тәсілдері іс жүзінде соңғы жылдары басталған ветеринария жүйесін реформалаудың жалғасы саналады. Екі негізгі құрамдас бөлікке негізделген – БАБЖ және АЖС цифрлық жүйелері арқылы ауыл шаруашылығы жануарларын толық сәйкестендіру және жергілікті жерлердегі эпизоотиялық жағдайды тұрақты бақылау. Соңғы жылдары кезең – кезеңімен қабылданған шаралардың арқасында ветеринария саласында белгілі бір жақсартуларға қол жеткізілді – бұл бруцеллез, сібір жарасы, пастереллез сияқты қауіпті аурулардың 2022 жылмен салыстырғанда 2,3 есе және 2023 жылмен салыстырғанда 28,5%-ға төмендеуі. Қазақстанның бес өңірінде Дүниежүзілік жануарлар денсаулығы ұйымында әл-ауқат мәртебесі қалпына келтірілді және Ресейге, ҚХР-ға, Түркияға, Беларуське ет экспортына шектеулер алынып тасталды. Ауыл шаруашылығы жануарларын бірдейлендіру АЖ-да (АЖС) «ӘАЭ» модульдері (жануарлардың орнын ауыстыруды, союды және ет сапасын тұтынушыға дейін бақылау), «процессингтік орталық» (жануарлардың жеке нөмірлерін беруді бақылау) құрылды. Бұдан әрі импорттық-экспорттық операцияларды кейіннен ел бойынша бақылаумен цифрландыру, сондай-ақ «өндіруші – қайта өңдеу – нарық – тұтынушы» қағидаты бойынша қадағалауды ұйымдастыру жоспарлануда.Сонымен қатар қолданыстағы материалдық-техникалық проблемалар, ветеринарлық дәрігерлердің жалақысы мен біліктілігінің төмендігі, ветеринарлық нысандардың интернетпен нашар қамтылуы өңірлерде ветеринарияның тиімді жүйесін құруға елеулі кедергілер туғызады.Ауыл шаруашылығы вице-министрі Аманғали Бердалин атап өткендей, қазіргі уақытта 75 ветеринарлық стансада (жалпы санының 36%) және 1607 ветеринарлық пунктте (жалпы санының 77%) жеке ғимараттар жоқ. Ветеринариялық стансалар мен пункттердің теңгеріміндегі арнайы техниканың 70%-дан астамы қанағаттанарлықсыз жағдайда. Мысалы, жақында сібір жарасы анықталған Алматы облысының Ақсу ауылында ветеринариялық пункт ауылдық округ әкімдігі ғимаратының бір кабинетінде орналасқан, дегенмен бұл ретте 25,5 мыңнан астам мал басына қызмет көрсеткен.«Ветеринарлық дәрігер жұмысының үлкен көлемімен – бұл шаруашылықтарды аулалық аралау, жануарларды қарау, АЖС базасын жүргізу, мемлекеттік қызметтер көрсету, ветеринариялық-профилактикалық және диагностикалық зерттеулер және басқалар, жоғары білімі бар ветеринардың жалақысы 175 мың теңгені құрайды. Өңірлерде қаражаттың болмауына байланысты ветеринарлардың біліктілігін арттыруға мүмкіндігі жоқ, бұл сөзсіз диагнозды анықтауда, эпизоотиялық талдау жүргізуде және өңірдегі эпидемиологиялық жағдайды болжауда қателіктерге әкеледі», — деп атап өтті вице-министр.Уақтылы диагностика және сапалы зертханалық зерттеулер елдің эпизоотиялық әл-ауқатының екінші құрамдас бөлігі саналады. Бүгінгі таңда елімізде 167 ветеринариялық зертхана және 21 сынама алу пункті жұмыс істейді. Олардың жартысына жуығы жөндеуді қажет етеді, 167 бірлік зертханалық жабдық қажет. Мұның бәрі елдің биологиялық және азық-түлік қауіпсіздігін қамтамасыз ету деңгейін арттыру үшін қажет. Бұдан басқа, Маңғыстау және Шығыс Қазақстан облыстарында жүк автотасымалдарының өсуіне және теңіз порттары арқылы және шекарадағы азық-түлік және биологиялық қауіпсіздікті бақылауды күшейтуге байланысты ветеринариялық зертханаларды салуға және жөндеуге жобалау-сметалық құжаттама әзірленуде. Жергілікті жерлерде ветеринариялық бақылауды күшейту үшін облыстардағы және Республикалық маңызы бар қалалардағы қолданыстағы ветеринария басқармаларынан басқа, аудан орталықтары мен облыстық маңызы бар қалаларда тиісті бөлімдер құрылғанға дейін ветеринария желісін каскадтау ұсынылады. Бұл ауылдар мен елдімекендердегі ветеринариялық-санитариялық объектілердің (мал қорымдары, сою пункттері, ветстансалар және т.б.) қызметіне бақылауды күшейтуге мүмкіндік береді. Ақпарат көзі : https://www.gov.kz/memleket/entities/moa/press/news/details/876018

ҚР Қаржы министрлігі «Мемлекеттік сатып алу туралы» жаңа Заңның ерекшеліктерін түсіндіруге байланысты жұмысты Қарағанды қаласында жалғастырды. Кездесуге қатысқан өңірдің бизнес қауымдастық өкілдері, мемлекеттік органдар мен бюджеттік ұйымдардың қызметкерлері, сондай-ақ ШОБ пен «Атамекен» ҰКП өңірлік филиалының өкілдері сатып алу процесін жеңілдету арқылы отандық тауар өндірушілерді қолдау тетіктері туралы тың мәліметпен танысты.Аталған заң 2025 жылдың 1 қаңтарынан бастап күшіне енеді. «Сондықтан да бұл өзгеріске дайын болу үшін оның ерекшеліктерін қазірден бастап білу маңызды», деді ҚР Қаржы министрі Мәди Такиев пен Қарағанды облысының әкімі Ермағанбет Бөлекпаев.«Тұтастай алғанда, заң сатып рәсімдерін жеңілдетіп, мемлекет есебінен сатып алынатын тауарлардың, жұмыстар мен көрсетілетін қызметтердің сапасын арттыруға, мемлекеттік сатып алуға қатысушылардың жауапкершілігін күшейтуге және бәсекелестікті дамытуға бағытталған. Мысалы, Заңның бірінші бөлімі сатып алу процедураларын жеңілдетуге және оларды қысқартуға бағытталған. Осылайша, сатып алуды жедел жүргізу, тапсырыс берушілерге үлкен өкілеттіктер беру, сондай-ақ сатып алу рәсімдерінің ұзаққа созылуының алдын алу мақсатында шағымдарды енді сатып алуды ұйымдастырушының өзі тікелей қарайтын болады. Сатып алу қорытындыларына шағымдану веб-портал арқылы және конкурстық комиссиямен айқындалған жеңімпаздың сатып алулар бойынша ғана жүзеге асырылады», деді Мәди Төкешұлы.Өнім беруші туралы ақпарат мемлекеттік органдардың жүйелерінің ақпараттарын кеңінен пайдалану арқылы қалыптастырылатын болады.Тиісті реформадағы тағы бір жаңашылдық бәсекелестікті дамытуға арналған. Мәселен, мемлекеттік сатып алудың бірыңғай операторы – «Электрондық қаржы орталығы» АҚ базасында Бірыңғай сатып алу платформасы заңнамалық түрде енгізілді. Бұл арқылы мемлекеттік әрі квазимемлекеттік сектор субъектілерінің сатып алуларының электронды қызметтерін пайдаланудың бірыңғай нүктесі жолға қойылады. Сонымен қатар тендерлерді өткізу мерзімі 2 айдан 10 жұмыс күніне дейін қысқартылды. Сондай-ақ мемлекеттік сатып алу нәтижелеріне шағымдану тәртібі қайта қаралып, жеңілдетілді.«Мемлекет басшысының құрылыс нарығын монополиядан арылту жөніндегі тапсырмасын орындау бойынша жаңа заңды іске асыру аясында экономика салаларындағы монополияны төмендету жөніндегі шаралар көрініс тапты. Атап айтқанда, шартты жеңілдіктерді есептеу кезінде аумақтық белгі (1 пайыздан 2 пайызға дейін көтерілді) мен теріс мәндер (0.1 пайыздан 0.2пайызға дейін көтерілді) түріндегі баға критерийлерін қолдану жалғасын тапты. Аталған шаралар мемлекеттік сатып алу көлемін біркелкі және әділ бөлуге және жекелеген ірі компаниялардың монополиясын болдырмауға септігін тигізеді», деді Қаржы вице-министрі Дәурен Кеңбейіл.Бұдан бөлек отандық тауар өндірушілерді қолдау мақсатында Қаржы министрлігі тек шағын және орта кәсіпкерлік субъектілерінен сатып алынатын тауарлардың, жұмыстар мен көрсетілетін қызметтердің жекелеген тізбесін бекітті.Бұл ретте «Мемлекеттік сатып алу туралы» жаңа Заң мемлекет есебінен сатып алынатын тауарлардың, жұмыстардың, көрсетілетін қызметтердің сапасын арттыруға, әлеуетті өнім берушілердің жауапкершілігін күшейтуге және отандық тауар өндірушілерге қолдау көрсетуге жол ашатынын айта кетейік. Ақпарат көзі : https://www.gov.kz/memleket/entities/minfin/press/news/details/875914

Қазақстан Республикасы Мемлекеттік орталық музейінде «Қазақстан. Қытай. Ресей. Қуат палитрасы» халықаралық фотокөрмесі ашылды. Іс-шара Қазақстан, Қытай және Ресей арасындағы мәдени, стратегиялық, серіктестік қарым-қатынастар мен ынтымақтастық байланыстарды нығайтуға бағытталған.Фотокөрмеге үш ел табиғатының сұлулығы мен мәдени мұрасын, сондай-ақ, ұлттық құндылықтары мен даму жетістіктерін көрсететін 600 фотосурет ұсынылды.Іс-шараны Қазақстан Республикасы Мемлекеттік орталық музейі, Қытайдың ғылыми-танымдық фильмдер мен телебағдарламалар қауымдастығы, жетекші басылымдарының бірі «Фото және видеотүсірілім» журналы, Ресейдің кәсіби фотографтар лигасы және «Фотографтар мен цифрлық фотосуретшілер одағы» ҚБ ұйымдастырды.Фотокөрме 2024 жылдың 17 қарашасына дейін жалғасады. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/875998

Қызылордада ҚР Мәдениет және ақпарат министрлігінің қолдауымен «Тәрбие тал бесіктен» атты ІХ Республикалық әкелер форумы өтті. Оған республикалық Әкелер одағының өңірлік басшылары, зиялы қауым өкілдері, отбасы саясаты саласындағы сарапшылар, халықаралық ұйымдардың, жергілікті атқарушы органдардың, ҮЕҰ өкілдері – жалпы 200-ге жуық адам қатысты. Кездесу тақырыбы Мемлекет басшысының өз Жолдауында берген бағдарына сүйене отырып айқындалды.«Мемлекет басшысы Қасым-Жомарт Тоқаев биылғы жолдауында «Мектепке дейінгі тәрбие беру және оқыту ісіне мемлекетпен қатар ата-аналарда жауапты» дегені белгілі. Отбасы – өскелең ұрпақ құндылықтарының қалыптасуының негізгі көзі. Бұл базалық әлеуметтік институт, оның жұмыс істеуі мемлекеттің әл-ауқаты мен тұрақтылығына тікелей әсер етеді», – деді ҚР МАМ Жастар және отбасы істері комитеті төрағасының орынбасары Біржан Әлімжанов.Форумның мақсаты – әкелер мен отбасы институтын дамыту, балаларды тәрбиелеудегі әкелер рөлінің маңызын анықтау, сондай-ақ тәрбие беруде тәжірибе алмасу.Форумда «Ер адамның бейнесін қалыптастырудағы әкенің рөлі: жауапкершілік, батылдық, құрмет», «Отбасы және қауіпсіздік», «Саналы түрде ата-ана болу», «Ерлер үшін спорт пен денсаулықтың маңызы» атты тақырыптар аясында бірқатар талқылаулар өткізілді.Сондай-ақ, форумның әр қатысушысы отандық баспагер, Forbes Kazakhstan журналының қазақ тіліндегі бас редакторы Бақытжан Бұқарбайдың «Заманмен санасқан 30 әкенің хикаясы» атты кітабын сыйлық ретінде алды. Кітапта бала тәрбиесі туралы бүгінгі әкелердің әңгімелері мен ойлары жинақталған. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/876029

Бүгін Астанада ҚР Мәдениет және ақпарат министрлігі Қоғамдық кеңесінің кезекті отырысы өтті.Қоғамдық кеңес отырысында 2030 жылға дейінгі отбасы және гендерлік саясат тұжырымдамасын іске асыру, халық арасында медиа сауаттылық жүйесін дамыту, БАҚ үшін гранттар жүйесін енгізу және газеттерді субсидиялау мәселелері талқыланды.Сондай-ақ, Қоғамдық кеңес мүшелері отбасы құндылықтарын ілгерілетуге қатысты мемлекеттік бағдарламаларды сапалы іске асыру, халықтың және БАҚ саласы мамандарының медиа сауаттылығын арттыру, бұқаралық ақпарат құралдарында отандық контенттерді кеңінен жүргізу бағытында ұсыныстар енгізді. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/876046

Министрлік «Электр энергетикасы туралы» Қазақстан Республикасы Заңының 5-бабының 70-2) тармағына сәйкес электр қуатының әзірлігін ұстап тұру бойынша көрсетілетін қызметке шекті тарифтерді бекітеді.Электр энергиясына шекті тарифті және электр қуатының әзірлігін ұстап тұру бойынша көрсетілетін қызметке шекті тарифті бекіту қағидаларының 15-тармағына сәйкес электр қуатының әзірлігін ұстап тұру бойынша көрсетілетін қызметке шекті тариф жылдық инфляция деңгейлерін ескеретін индексация коэффициентін ескере отырып, формула бойынша есептеледі.Мәселен, 2023 жылы электр қуатының әзірлігін ұстап тұру бойынша көрсетілетін қызметке шекті тарифтерді түзету кезінде 2023 жылға арналған инфляцияның болжамды деңгейі Қазақстан Республикасы Ұлттық Банкінің болжамдық деректеріне сәйкес 14 % деңгейінде алынған болатын.Бұл ретте, Қазақстан Республикасы Ұлттық Банкінің статистикалық мәліметтеріне сәйкес 2023 жылдың қорытындысы бойынша Қазақстандағы инфляцияның нақты деңгейі 9,8 % құрады.Жоғарыда жазылғандардың негізінде электр қуатының әзірлігін ұстап тұру бойынша көрсетілетін қызметке шекті тарифті Заңға сәйкес айқындау мақсатында 2025 жылға арналған электр қуатының әзірлігін ұстап тұру бойынша көрсетілетін қызметке шекті тарифті айына 1215 мың теңге/МВт мөлшерінен 1169 мың теңге/МВт мөлшеріне төмендету бойынша түзетілді.Бұйрық жобасы "Ашық НҚА" порталында жарияланды.Ақпарат көзі : https://www.gov.kz/memleket/entities/energo/press/news/details/876031

Қазақстан Республикасы Энергетика министрлігі 2024 жылғы 14 тамыздағы Қазақстан Республикасы Премьер-Министрінің төрағалығымен өткен Мұнай-газ саласы мәселелері жөніндегі кеңес хаттамасының 2-тармағының 6) тармақшасына сәйкес «Мұнай-газ химиясы өнеркәсібі туралы» Қазақстан Республикасы Заңының жобасына және «Мұнай-газ химиясы өнеркәсібі туралы» және «Қазақстан Республикасының кейбір заңнамалық актілеріне мұнай-газ химиясы өнеркәсібін дамыту мәселелері бойынша толықтырулар енгізу туралы» Қазақстан Республикасы Заңының жобасына реттеуші саясаттың консультативтік құжатын (РСКҚ) әзірледі.Осы заңды қабылдаудың мақсаты-саланы шикізатпен қамтамасыз етуге байланысты мәселелерді шешу, сондай-ақ инвестициялар тартуды ынталандыру және мұнай-газ химиясы саласына мемлекеттік қолдау көрсету. Осы Заңның қабылдануы мұнай-газ химиясы өнеркәсібін дамыту және Қазақстанның тұрақты экономикалық өсуін қамтамасыз ету жолындағы маңызды қадам болмақ.РСКҚ «Kazenergy» Қазақстандық мұнай-газ және энергетика кешені ұйымдарының қауымдастығы» ЗТБ және «Мұнай-газ-химия өнімдерін өндірушілер мен тұтынушылар қауымдастығы (Мұнай-газ-химия Қауымдастығы)» ЗТБ қатысуымен әзірленгенін атап өтеміз.Министрлік барлық мүдделі тұлғаларды жобаны талқылауға қатысуға шақырады. РСКҚ «Ашық НҚА» интернет-порталында орналастырылған.Ақпарат көзі : https://www.gov.kz/memleket/entities/energo/press/news/details/876036

ҚР Еңбек және халықты әлеуметтік қорғау министрі Светлана Жақыпова бұқаралық ақпарат құралдарының өкілдерімен «галстуксіз кездесу» өткізді, оның барысында халыққа қолдау көрсету шараларының тиімділігін және мүгедектігі бар адамдардың өмір сүру сапасын арттыруға бағытталған жаңа цифрлық құралдардың жұмысын көрсетті.Атап айтқанда, ЕХӘҚМ басшысы Отбасының цифрлық картасында жинақталатын әртүрлі мемлекеттік органдардың деректері қолдау шараларын көрсетудің еліктеу моделіне көшуге және өмірлік қиын жағдайға тап болған азаматтарға мемлекеттік қызметтерді белсенді түрде ұсынуға қалай көмектесетінін нақты көрсетті.Сондай-ақ, Светлана Жақыпова мүгедектік тобын проактивті форматта беру үшін медициналық-әлеуметтік сараптама жүргізу қағидаттарын көрсетіп, сырттай проактивті куәландыру үшін дәрігерлерді тәуелсіз сарапшылар ретінде тарту жөніндегі пилоттық жобаны енгізу туралы айтты.Министр мүгедектігі бар адамдарға көрсетілетін техникалық оңалту құралдары мен санаторий-курорттық емдеу қызметтерінің сапасын бақылауды күшейтуге мүмкіндік беретін әлеуметтік қызметтер порталындағы жаңалықтар туралы хабардар етті.Светлана Жақыпова арнайы әлеуметтік қызметтер көрсететін ұйымдарды лицензиялау олардың стандарттарға сәйкестігін қамтамасыз етуге және ерекше қажеттіліктері бар адамдардың құқықтарын қорғауға мүмкіндік беретінін атап өтті.Сонымен қатар, Еңбекминінің басшысы әлеуметтік қызметкерлер тізілімін қалыптастыру, мүгедектігі бар адамдар үшін әлеуметтік нысандардың қолжетімділігіне мониторинг жүргізу, үйде мүгедек балаларды оңалту үшін цифрлық күнделік енгізу және басқа да цифрлық шешімдер туралы айтып берді.Ақпарат көзі : https://www.gov.kz/memleket/entities/enbek/press/news/details/875999

Мемлекет басшысының төрағалығымен өткен Шетелдік инвесторлар кеңесінің 36-шы пленарлық отырысында Премьер-Министрдің орынбасары – Ұлттық экономика министрі Нұрлан Байбазаров инвестициялық климатты жақсарту бойынша қабылданып жатқан шаралар туралы айтты.Қазақстанның жаңа инвестициялық цикліне арналған іс-шараға трансұлттық компаниялар, мемлекеттік органдардың басшылары мен халықаралық ұйымдардың өкілдері қатысты.Нұрлан Байбазаровтың айтуынша, санкциялық текетірестің күшеюіне, логистикалық жүйенің бұзылуына, жоғары инфляцияға байланысты әлемдегі инвестициялық белсенділіктің баяулауы аясында Қазақстан посткеңестік елдер, оның ішінде Орталық Азия мен теңізге шыға алмайтын елдер арасында тікелей шетелдік инвестицияларды тарту бойынша жетекші орынға ие болды.«Бүгінде Қазақстан Үкіметінің алдында экономиканың көлемін екі есеге арттыру міндеті тұр және оны жүзеге асырудың негізгі факторы инвестиция тарту болып табылады», - деді вице-премьер.Осы мақсатқа қол жеткізу үшін 2029 жылға дейінгі Инвестициялық саясат тұжырымдамасы өзектендірілді, оның шеңберінде экономика салаларының нақты қажеттіліктеріне бағытталған инвестицияларды тартудың жаңа тәсілі енгізілуде.«Атап айтқанда, инвестицияға «тапсырыс» жергілікті бизнес пен квазимемлекеттік компаниялардың жекелеген салалардағы қажеттіліктері негізінде қалыптасады. Алынған мәліметтер Аймақтық инвестициялық бағдарламаларда көрсетіледі және шетелдік мекемелер нақты шетелдік инвесторларды таргеттеуі үшін пайдаланылады», - деп қосты Нұрлан Байбазаров.Сонымен қатар жаңа жоғары өнімді инвестициялық жобаларды инфрақұрылыммен одан әрі қамтамасыз ету экономикалық белсенділік факторларының бірі болады.Биыл 2029 жылға дейінгі Ұлттық инфрақұрылым жоспары қабылданды. Жалпы құны шамамен $86 млрд болатын 204 жоба жүзеге асырылатын болады. Жоспар энергетикалық, көліктік, цифрлық инфрақұрылым, сондай-ақ сумен жабдықтау және су бұру инфрақұрылымы сынды 4 бағытты көздейді.Бұл ретте экономиканы ырықтандыру бойынша құрылымдық өзгерістер жалғасын табады. Мемлекет бәсекеге қабілетті салаларға мемлекеттің қатысуын азайту жөніндегі жұмысты жалғастырады.«Жаңа Салық кодексі инвестициялық циклды жандандыруға, тиімді салық преференцияларын белгілеу мен шетелдік және қазақстандық инвесторлар үшін қолайлы әрі тұрақты жағдай жасауға мүмкіндік беретін болады», - деп түйіндеді сөзін вице-премьер.Ақпарат көзі : https://www.gov.kz/memleket/entities/economy/press/news/details/875986

Бүгін Қазақстанның Денсаулық сақтау министрлігі мен «Orhun Medical» (Түркия) компаниясы онкологиялық аурулары бар пациенттер үшін емдеу мен диагностиканың сапасы мен қолжетімділігін жақсартуға бағытталған ауқымды жобаны іске асыру туралы келісімге қол қойды.«Жабдықталған орталықтардың ашылуы онкологиямен ауыратын науқастарға шетелге шықпай-ақ, ел ішінде әлемдік стандарттар деңгейінде жоғары тиімді диагностика мен қауіпсіз ем алуға мүмкіндік береді. Жаңа технологиялардың көмегімен обырды дұрыс және уақтылы емдеу аурудың анықталуын жақсартуға, өмір сүрудің бес жылдық шегі бар пациенттердің үлесін арттыруға, онкологиялық науқастардың өмір сүру сапасын арттыруға мүмкіндік береді», - деп атап өтті қол қою барысында Денсаулық сақтау министрі Ақмарал Әлназарова.Келісімнің шеңберінде Алматы қаласында ПЭТ/КТ, БФЭКТ/КТ үшін талап етілетін радиофармпрепараттарды өндіру үшін ғимарат салу және арнайы жабдықпен - циклотронды кешенмен жарақтандыру көзделген.Ақтау, Ақтөбе, Қарағанды, Қызылорда және Өскемен қалаларында компьютерлік томографиямен (ПЭТ/КТ) біріктірілген позитрондық-эмиссиялық томографияның жаңа орталықтары құрылатын болады.Алматы қаласында қатерлі ісіктерді диагностикалау мен терапияның прогрессивті кешенді әдістерін енгізу үшін бір фотондық-эмиссиялық томографиямен және компьютерлік томографиямен ұштастыра отырып радиоизотоптық препараттар қолданылатын Тераностика орталығын ашу жоспарлануда.ПЭТ/КТ зерттеуі КТ, МРТ және ультрадыбыспен анықтау қиын онкологиялық ауруларды ерте кезеңдерде анықтауға, аурудың күрделілік дәрежесін, оның ағзада таралуын анықтауға және дұрыс емдеуді тағайындауға мүмкіндік береді.Жыл сайын елімізде 35 мыңнан астам адам обырға шалдығады, 14 мыңнан астам адам қайтыс болады, есепте 200 мыңнан астам қазақстандық тұрады. ҚР-да онкологиядан өлім көш бастап тұр және үшінші орында.Қазақстанда онкологиялық қызметті жаңғырту жөніндегі кешенді бағдарлама онкологиялық қызметті елеулі техникалық қайта жарақтандыруды көздейді, ал бұл қолда бар диагностикалық жабдықты жаңғырту, жаңа желілік үдеткіштерді орнатудың және ескірген аппараттарды ауыстырудың есебінен сәулелік емдеуді кеңейту және жетілдіру, сондай-ақ ядролық медицина орталықтарын ұйымдастыру; аз инвазивті хирургияны және емдеудің интервенциялық әдістерін дамыту, жеке терапияны таңдау, ісікке қарсы жаңа дәрілік заттардың қолжетімділігін арттыру, заманауи онкологиялық орталықтар құру, жаңа буын кадрларын даярлау және т. б. мақсатында толық геномдық бейіндеуді енгізу болып табылады.Ақпарат көзі : https://www.gov.kz/memleket/entities/dsm/press/news/details/876020

Аталған жиынға облыс әкімінің орынбасары Жолдас Батырхан, облыстық ішкі саясат басқармасының басшысы Әлібек Байнешов, сондай-ақ үкіметтік емес ұйымдардың жетекшілері мен мүшелері қатысты.Іc-шара барысында облыстағы заңды тұлғалар бірлестігі және үкіметтік емес ұйымдардың қызметі туралы көрмелер ұйымдастырылып, презентациялар көрсетілді.«Ақтөбе облысының азаматтық орталығы» заңды тұлғалар бірлестігінің президенті, облыстық қоғамдық кеңес мүшесі Әлішер Мәжит биыл өңірде үкіметтік емес ұйымдардың бірлесіп атқарған іс-шаралары мен жүзеге асырған жобалары жайлы айтты.Бұдан кейін Байғанин, Қарғалы, Темір аудандарындағы белсенді ұзақ өмір сүру орталықтарының мүшелері ортаға шығып, Ақтөбе жоғары гуманитарлық колледжінің хор ұжымымен бірге халық әні «Гүлдер-айды» шырқады.Конференция барысында жартылай стационар және үйде күтім жасау жағдайында арнаулы әлеуметтік қызмет көрсететін орталықтардың, әлеуметтік инватакси қызметінің, сондай-ақ «Жасыл ел» еңбек жасағының жұмысы туралы бейнероликтер көрсетілді.Іс-шара соңында облыс әкімінің орынбасары Жолдас Батырхан сөз сөйлеп, үкіметтік емес ұйымдардың қоғамда алар орны мен жас ұрпаққа ұлттық-патриоттық тәрбие берудегі рөлі айрықша екенін жеткізді. Белсенді үкіметтік емес ұйым өкілдеріне ҚР Мәдениет және ақпарат министрі мен облыс әкімінің Алғыс хаттарын табыстады.Ақпарат көзі : https://www.gov.kz/memleket/entities/aktobe/press/news/details/875961