«Біз көктемгі егін егу мен күзгі жиын-терім жұмыстарын жүргізу үшін қаржыландыруды ерте іске қосамыз. Алғашқы 100 миллиард теңгеге өтінім қабылдау қараша айында басталады. Сонымен қатар, мемлекеттік қолдау шаралары сақталады және фермерлер несиелерін бұрынғы шарттармен төлей алады», - деді «Аграрлық несие корпорациясы» АҚ Басқарма төрағасы Алмат Әшірбеков.Айта кету керек, биыл Аграрлық несие корпорациясы көктемгі егін егу мен күзгі жиын-терім жұмыстарына 320 млрд теңге бөлді. 2023-жылы 140 млрд теңге берілген еді.ҚР Президентінің тапсырмасын орындау аясында, Үкіметтің қолдауымен 2025-жылдың көктемгі егін егу және күзгі жиын-терім жұмыстарына 700 млрд теңгеге жуық қаржы бөлінеді. Оның 560 млрд теңгеге жуығын "Бәйтерек" ҰБХ" АҚ мен Аграрлық несие корпорациясы нарық капиталынан тартатын болады.Осылайша, ауыл шаруашылығы тауарын өндірушілер мемлекеттік қолдау шараларының арқасында барынша қолайлы жағдайда қаржылық қолдауға ие болады.Бірінші. Олар үшін Кең дала 2 бағдарламасы бойынша жылдық сыйақы мөлшерлемесі 5% деңгейінде сақталды.Екінші. Көбінесе АӨК субъектілері Корпорациядан несие алуға келгенде кепілдік жетіспеушілігі проблемасына тап болады. Бұл – ауыл шаруашылығы саласының барлық кәсіпкерлері мен қоғамдық ұйымдар айтып жүрген мәселе.Мемлекеттік қолдаудың сынақтан өткен механизміне сәйкес «Кең дала 2» бағдарламасы бойынша «Даму» кәсіпкерлікті дамыту Қоры кепілдендіретін құрал қолданылады.Өз кезегінде, Аграрлық несие корпорациясының еншілес компаниясы «ҚазАгроҚаржы» АҚ жылдық сыйақы мөлшерлемесі 5% болатын жеңілдетілген лизинг бағдарламасын іске қосты. Бағдарлама отандық өндірушілердің ауыл шаруашылығы техникасын сатып алу үшін 7 жылға дейінгі мерзімге қаржыландырады.Бүгінде көптеген қаржы институттары ауыл шаруашылығын қаржыландырады. Дегенмен, АӨК қаржыландыруды қамтамасыз етудегі негізгі үлес Аграрлық несие корпорациясына тиесілі. Бірнеше жылдан бері Корпорация өз қызметін біртіндеп жақсартып келеді және секторды қаржыландыру көлемін арттыруда. Ақпарат көзі : https://www.gov.kz/memleket/entities/moa/press/news/details/875833

ҚР Қаржы министрлігі Қазақстанның өңірлеріндегі ірі бизнеспен, ШОБ және жергілікті билік өкілдерімен бірқатар кездесулерді жалғастыруда. Бүгін Қарағандыда еліміздің тау-кен металлургия саласына салық салу мәселелеріне арналған кездесу өтті.Қарағанды облысы көмірдің, темір-марганец және полиметалл кендерінің және басқа да пайдалы қазбалардың едәуір қоры шоғырланған Қазақстанның минералдық-шикізат өңірі болып табылады.Өңірде 604 жер қойнауын пайдаланушы жұмыс істейді, оның ішінде Қазақмыс және Qarmet. Тау-кен өндіру және өңдеу салаларына 113 мың адам немесе облыстың жұмыспен қамтылған халқының 20% - дан астамы жұмылдырылды. Ағымдағы жылдың 10 айында өңір кәсіпорындарынан түсетін салық түсімдері 507 млрд теңгеден асты.Қаржы министрі Мәди Тақиев пен Қарағанды облысының әкімі Ермағанбет Бөлекпаев үш өңірдің (Қарағанды, Павлодар және Ақмола облыстары) кәсіпкерлеріне жаңа Салық кодексі салықтық әкімшілендіруді оңтайландыру есебінен бизнеске қолдау көрсетуге бағытталғанын хабарлады.Атап айтқанда, жаңа Салық кодексі маңызды фискалдық кірісі жоқ төлемдерді алып тастауды ұсынады."Мемлекет басшысы Қазақстан халқына Жолдауында Үкіметке бизнес жүргізу үшін жағдайды жақсарту бойынша жұмыс істеуді тапсырды. Жаңа Салық кодексі бірыңғай жер салығын (ЕҚБ) жеке табыс салығына ауыстыруды ұсынады. 3 төлемді біріктіру ұсынылады: су ресурстарын пайдалану үшін, орманды пайдалану үшін және жануарлар әлемін пайдалану үшін. Жалпы, төлем ставкаларының саны 77-ге қысқарады. Алымдардың 6 түрін қысқарту ұсынылады. Олар бойынша ставкалардың 34 түрі алынып тасталады. Сондай - ақ мемлекеттік баждардың 5 түрі алынып тасталады, олар бойынша мөлшерлемелер 51-ге қысқартылады", - деді ҚР Қаржы министрі Мәди Такиев.Салық төлеушілердің барлық санаттары үшін, субъективтілік мөлшеріне қарамастан, инвестициялар үшін "әмбебап" ынталандырулар берілетін болады.Ғимараттарды, құрылыстарды, машиналарды, жабдықтарды, бағдарламалық қамтамасыз етуді сатып алу/салу шығындарын оның функционалдық мақсатына байланыстырмай біржолғы 100% шегеру түрінде инвестициялық салық преференциялары ұсынылады. Сонымен қатар, жеке өндіріс өнімдерін өндіру және сату үшін табыс салығының төмендетілген ставкасы ұсынылады.ҚР ҰЭМ салық және кеден саясаты департаментінің директоры Ерлан Сағнаев жаңа Салық кодексінің жобасы таусылып жатқан кен орындарында өндірісті сақтап қалуға мүмкіндік беретін шараларды көздейтінін айтты. "Техногендік минералды түзілімдердің құрамынан пайдалы қазбаларды өндіру үшін ХДПИ төмендетілген мөлшерлемелерін белгілеу ұсынылады. Біз бұл шаралар қаржы көрсеткіштерін жақсарту және өндіру көлемін ұлғайту есебінен бюджетке қосымша түсімдерді қамтамасыз етеді деп күтеміз", - деп атап өтті ҚР ҰЭМ салық және кеден саясаты департаментінің директоры.Кездесуге қатысушылар ашық диалог пен ынтымақтастық тау-кен металлургия саласының одан әрі тұрақты өсуін, бюджетке тұрақты түсімдерді және жалпы ел экономикасын нығайтуды қамтамасыз ететін тиімді шешімдерді табуға мүмкіндік беретініне сенім білдірді.Бизнес өкілдерімен кездесуден кейін Қаржы министрі еліміздің ең ірі болат және тау-кен компаниясы Qarmet цехтарына барды.Ақпарат көзі : https://www.gov.kz/memleket/entities/minfin/press/news/details/875835

Төтенше жағдайлар министрлігінің басшылығы аумақтық бөлімшелердің материалдық-техникалық базасын жаңартуға ерекше көңіл бөлуде. Бүгінгі таңда адам өмірін құтқару, төтенше жағдайларға ден қою мен жоюға арналған арнайы техникалармен аумақтық өңірлердің ТЖД автопаркілері толығуда.Солтүстік Қазақстан облысының ТЖД жедел-құтқару жасағына ауа-райының ең қолайсыз жағдайында да жұмыс істейтін заманауи кеме – «Marlin 830» қайығын алды. Берікті дизайн, тамаша маневрлік және сенімділік, қазіргі заманғы байланыс және навигация құралдары оны құтқару жұмыстарын жүргізу кезінде тиімді пайдалануға мүмкіндік береді. Бұл қайықты пайдалану арқылы облыстың су айдындарындағы жету қиын жерлерде төтенше жағдайларды жою жылдамдығын айтарлықтай арттыруға мүмкіндік беріледі.Сонымен қатар СҚО ТЖД өрт сөндіру қызметіне жоғары қабатты ғимараттардағы өрттерді сөндіруге және адамдарды эвакуациялауға арналған Германияда шығарылған «MAGIRUS» баспалдақ көлігі алынды. 55 метрге дейін тартылатын баспалдақ, құтқару лифті, автономды генератор, жетілдірілген басқару жүйесі тұрғын үйлер тығыз орналасқан қалалық құрылыс жағдайында ТЖ және өрттерді жою кезінде осы арнайы техника жедел пайдалануға мүмкіндік береді, авариялық-құтқару жұмыстарын жүргізу уақытын қысқартады.ТЖМ аумақтық бөлімшелерге әлемдік брендтердің заманауи үлгілерін сатып алу бойынша жұмысты жүзеге асыруда. Республикалық бюджет есебінен алынатын осындай құтқару техникалары басқа да өңірлерге беріледі. Ақпарат көзі : https://www.gov.kz/memleket/entities/emer/press/news/details/875820

[12:01, 31.10.2024] Murat Tokashbayev: Алматы облысының әкімі мен Оңтүстік Корея өкілдері көпсалалы аурухана құрылысын талқыладыАлматы облысының әкімі Марат Сұлтанғазиев «Шин-Лайн» компаниясының және Оңтүстік Кореяның Hyundai ауруханасының өкілдерімен кездесті. Кездесуде өңірдегі медициналық қызмет сапасын арттыру мен денсаулық сақтау саласын дамытуға арналған ауқымды жоба – жаңа көпсалалы аурухананың құрылысы – басты назарда болды.Байсерке ауылындағы әлемдік деңгейдегі аурухана«Hyundae Shin-Line Hospital» деп аталатын жаңа жоба, Байсерке ауылында 14 781 шаршы метр аумақта заманауи емхана салуды көздейді. Көпсалалы аурухана 200 төсек-орынға есептелген және пациенттерге ортопедия, травматологиядан бастап, кардиология мен нейрохирургияға дейінгі қызметтердің кең спектрін ұсынатын болады.Құрылыс бюджеті 72 миллион АҚШ долларына бағаланып, жоба қазақстандық Shin-Line компаниясы мен оңтүстіккореялық Hyundai ауруханасының бірлескен кәсіпорны ретінде жүзеге асырылады. Жаңа аурухана 2027 жылы есігін айқара ашады деп күтілуде, ол Алматы облысының тұрғындарына жоғары сапалы қызмет көрсетуге мүмкіндік беретін, маңызды медициналық орталыққа айналады.«Шин-Лайн және Hyundai ауруханасы сияқты ірі серіктестермен ынтымақтастық біз үшін бірегей мүмкіндіктерге жол ашады. Заман талабына сай аурухана мен жаңа жұмыс орындарының ашылуы өңірдің дамуына үлкен үлес қосады», – деді Марат Сұлтанғазиев.Назарда әлеуметтік жауапкершілік пен тәжірибе алмасу«Шин-Лайн» компаниясының президенті Андрей Антонович Шин компания өз рөлін тек бизнесті дамытуда ғана емес, сонымен қатар әлеуметтік бастамаларда да көретінін баса айтты:«Біз үшін халықтың өмірін жақсартатын жобаларға инвестиция салу маңызды. Жаңа аурухана медициналық қызметтердің қолжетімділігін арттырып қана қоймай, сонымен қатар білім алу мен тәжірибе алмасу алаңына айналады деп ойлаймыз», - деді ол.Hyundai ауруханасының президенті Ким Бу Соп Қазақстан олардың компаниясы үшін стратегиялық маңызды серіктес екенін және бірлескен жобалар халықаралық байланыстарды нығайта түсетінін айтты:«Біз Қазақстанның денсаулық сақтау саласын дамытуға қатысу мүмкіндігіне ие болғанымызды мақтан тұтамыз. Жаңа медициналық орталық маңызды нысан ғана емес, сонымен қатар біздің мамандар арасындағы білім алмасу кеңістігі болады», - деді ол.Ынтымақтастық туралы меморандумға қол қоюКездесу «Shin Line» және «Hyundai» ауруханасы арасындағы ынтымақтастық туралы меморандумға қол қою рәсімімен аяқталды. Құжат медицина саласындағы бірлескен бастамаларды және тәжірибе алмасуды көздейді, бұл тараптардың пікірінше, аймақтағы медициналық қызметтердің сапасын арттыруға ықпал етеді.«Hyundai Shin-Line Hospital» жобасы Алматы облысының медициналық инфрақұрылымына елеулі үлес болып, оның тұрғындарының сапалы емделуге қолжетімділік деңгейін арттырады.[12:04, 31.10.2024] Murat Tokashbayev: 1. «Байсеркеде әлемдік деңгейдегі медицина: Алматы облысында 72 миллион долларға бірегей аурухана салынады!»2. «200 төсек және үздік технологиялар: Алматы облысында жаңа медициналық алпауыт қалай бой көтереді!»3. «Қазақстандағы халықаралық серпіліс: Оңтүстік Корея ауруханасы Алматы облысында есігін айқара ашады!»4. «Шин-Лайн Hyundai ауруханасы қазақстандықтардың өмірін қалай өзгертеді: әкімдік пен инвесторлар не уәде етеді?»5. «Байсеркедегі 14 мың шаршы метрлік аурухана: Алматы облысындағы ең өршіл жоба туралы барлық нәрсені білуіңіз керек!»Ақпарат көзі : https://www.gov.kz/memleket/entities/almobl/press/news/details/875759

Алматының Қала құрылысын бақылау басқармасы Розыбакиев көшесі, 63 мекенжайында орналасқан ірі техникалық қызмет көрсету орталығын бұзу туралы хабарлады.Бұған дейін жоспардан тыс тексеру барысында басқарма «АҚЖОЛ» ЖШС иесіне қатысты әкімшілік шаралар қабылдап, анықталған бұзушылықтарды жою туралы нұсқама берген болатын.Алайда нұсқама талаптары орындалмағандықтан, осы жылдың 13 қыркүйегінде басқарма Алматы қаласы мамандандырылған ауданаралық экономикалық сотына нысанды бұзу туралы талап-арыз жіберді.Сот процесі аяқталмаса да, нысанның иесі нысанды өз еркімен бұза бастады.Естеріңізге сала кетейік, Алматы қаласының әкімі Ерболат Досаевтың құрылыс бақылауын күшейту тапсырмасы аясында өткен жылдан бері қалада 49 заңсыз нысан, оның ішінде «Мечта», KHAN, «Алма Гарден» тұрғын үй кешендері және басқа да құрылыстар толық немесе жартылай бұзылды.Ақпарат көзі : https://www.gov.kz/memleket/entities/almaty/press/news/details/875797

Алматы мегаполисінің агломерациямен көлік байланысын нығайту мақсатында 1 қарашадан бастап тағы үш қала маңы маршруты іске қосылды.№245 маршрут: Ұзынағаш ауылының автобекетінен – Төле би-Яссауи автобекетіне дейін. Бұл бағытта үлкен сыйымдылықтағы 25 автобус қызмет көрсетеді. Қозғалыс уақыты: 5:45-тен 23:00-ге дейін. Тасымалдаушы – «Ecobus service» ЖШС.№254 маршрут: Қаскелең – «Сәлем» базары. Мұнда үлкен сыйымдылықтағы 16 автобус жұмыс істейді. Қозғалыс уақыты: 5:50-ден 23:00-ге дейін. Тасымалдаушы – «Мәдина» ЖШС.№239 маршрут: «Б.Момышұлы» метро бекеті – Долан ауылы. Бұл бағытта 18 автобус қызмет көрсетеді. Қозғалыс уақыты: 5:30-дан 23:01-ге дейін. Тасымалдаушы – «Neo City Trans» ЖШС.Жол ақысы қала ішіндегі сияқты 120 теңге, барлық автобус «Onay» электронды билеттеу жүйесімен жабдықталған.Айта кету керек, жолаушылар мен жүкті автокөлікпен тасымалдау ережесіне сәйкес, бұл маршруттар тасымалдаушыларға байқау өткізілгенге дейін уақытша берілді және сынақ режимінде жұмыс істейді. Мониторинг нәтижесі бойынша маршруттардың қозғалыс сызбалары жолаушылар легі мен халықтың қажеттілігіне қарай түзетіледі.Естеріңізге сала кетейік, өткен жылы мегаполис басшысы Ерболат Досаевтың тапсырмасымен 600 автобус пен 100 троллейбус сатып алынып, 50-ге жуық елді мекенді қамтитын 22 жаңа бағыт, соның ішінде 10 қала маңы маршруты ұйымдастырылды. Биыл тағы 600 автобус, 112 троллейбус және 100 электр автобусы сатып алынды.Ақпарат көзі : https://www.gov.kz/memleket/entities/almaty/press/news/details/875802

Қазақ құрылыс және сәулет ғылыми-зерттеу және жобалау институтында «Iqurylys» ЖШС компаниясының өкілдерімен жұмыс кездесуі өтті. Сапардың негізгі мақсаты – «бір терезе» қағидаты бойынша құрылысты ұйымдастыруға арналған порталға (kds.eQurylys.gov) жеке ақпараттық жүйелерді қосу.Қазақстан Республикасы Өндіріс және құрылыс министрлігінің Құрылыс және тұрғын үй-коммуналдық шаруашылық істері комитеті бір терезе» қағидаты бойынша құрылысты ұйымдастыруға арналған порталдың иесі, ал «ҚазҚСҒЗИ» АҚ — оның операторы болып табылады.Кездесу барысында «ҚазҚСҒЗИ» АҚ мамандары құрылыс саласындағы процестерді жақсарту үшін цифрлық шешімдерді белсенді әзірлейтін және порталмен ынтымақтастықта маңызды перспективаларды көздейтін «Iqurylys» компаниясының презентациясымен танысты.«ҚазҚСҒЗИ» АҚ және «Iqurylys» ЖШС өкілдері құрылыс саласында бірыңғай цифрлық платформа құру үшін жеке ақпараттық жүйелерді порталмен интеграциялау бойынша мүмкіндіктерді талқылады.Атап айтқанда, компанияның шешімдерін портал функционалына бейімдеудің техникалық талаптары мен мүмкіндіктері қарастырылды, бұл құрылыс процестерінің тиімділігі мен ашықтығын арттыруға мүмкіндік береді. Кездесу қорытындысы бойынша бірлескен жұмыстарды жалғастыру туралы шешім қабылданды. Ақпарат көзі : https://www.gov.kz/memleket/entities/mps/press/news/details/875790

Қазақстан Премьер-министрі Олжас Бектенов қытайлық Fufeng Group компаниясының басқарма төрағасы Ли Сюэчунмен агроөнеркәсіптік кешен және көмір химиясы саласындағы ынтымақтастықты талқылады. Терең өңдеуге баса назар аудара отырып, ұзақмерзімді инвестициялық ынтымақтастық мәселелеріне ден қойылды.Fufeng Group Company Limited – аминқышқылдары мен олардың туындыларын өндіруге, сондай-ақ осы саладағы зерттеулер мен әзірлемелерге маманданған био-ферменттеу индустриясындағы әлемдік көшбасшы. Компания әлемдегі ең ірі натрий глутаматы мен ксантан шайырын өндіруші саналады.Fufeng Group-тың Қазақстанда крахмалды қант өндіру және аминқышқылдарын ашыту зауыттарын, сондай-ақ көмір жылу электр стансасы мен ағынды суларды тазарту стансасын қамтитын жүгеріні терең өңдеуге арналған тігінен интеграцияланған өнеркәсіптік парк құру туралы ұсынысы талқыланды. Бидай мен жүгеріні терең өңдеу крахмал, аминқышқылдары, натрий глутаматы және ксантан шайырының қосылған құны жоғары өнімдерді алуға мүмкіндік береді, олардың бағасы шикізат құнынан 10-15 есе жоғары. Жоба аясында 1 мың жұмыс орнын ашу жоспарлануда, инвестиция көлемі шамамен $300-350 млн-ды құрайды.Ли Сюэчунь компанияның ауыл шаруашылығы дақылдарын өсіру үдерісіне қатысуға, сапалы тыңайтқыштар беруге және қазақстандық мамандармен заманауи агротехнологиялар бойынша тәжірибе алмасуға дайын екендігін атап өтті. Сондай-ақ инвестор көмір-химия секторындағы ынтымақтастыққа қызығушылық білдірді.Қазақстан Премьер-министрі Мемлекет басшысының экономиканың өсуін қамтамасыз ету жөніндегі алға қойған мақсатына қол жеткізу шеңберінде агроөнеркәсіптік кешенге инвестициялардың маңыздылығын атап өтті.«Қазақстан қосылған құны жоғары өнім өндірісін ұлғайтуға ұмтылуда, ал астықты терең өңдеу кешендерін салу басым бағыт саналады. Бұл – экономиканы әртараптандыруға және экспорттық мүмкіндіктерді кеңейтуге мүмкіндік беретін стратегиялық бағыт. Бізде бұл үшін қажеттінің бәрі бар: инфрақұрылым, шикізат ресурстары және мемлекеттік қолдау шаралары. Жоба агроөнеркәсіптік секторда қосымша құн құрудың және озық технологиялар енгізудің жарқын үлгісі болмақ. Үкімет тарапынан қажетті қолдау көрсетіледі», — деді Олжас Бектенов.Қазақстан нарығында Fufeng Group сияқты ірі ойыншының пайда болуы ауыл шаруашылығы дақылдарын, әсіресе, астық егетін солтүстік өңірлерде әртараптандыруға ықпал ететін болады. Компанияның қазақстандық фермерлермен жоспарлы оффтейк-келісімшарттар жасасуы тиімді ынтымақтастыққа кепілдік береді.Кездесу қорытындысы бойынша Премьер-министр Ауыл шаруашылығы, Өнеркәсіп және құрылыс министрліктеріне Fufeng Group компаниясымен инвестициялық келісімді жедел түрде дайындауды тапсырды.Ақпарат көзі : https://www.gov.kz/memleket/entities/moa/press/news/details/875674

Қазақстан Республикасы әділет министрінің бұйрығымен Венера Қамысбайқызы Калимова Тіркеу қызметі және заңгерлік қызметтер көрсетуді ұйымдастыру комитетінің төрағасы қызметіне тағайындалды. Бұл туралы ҚР Үкіметінің Баспасөз қызметі хабарлайды.Венера Калимова Қ. Жұбанов атындағы Ақтөбе педагогикалық институтын, Қазақ мемлекеттік заң академиясын бітірген.1995–2001 жылдары — Ақтөбе облысы Әділет басқармасы заңды тұлғаларды тіркеу бөлімінің жетекші маманы, бас маманы.2001–2017 жылдары ҚР Әділет министрлігі Тіркеу қызметі комитеті Заңды тұлғаларды тіркеу басқармасында жұмыс істеп, бас маман қызметінен бастап департамент директоры болып жұмыс істеді.2017-2019 жылдары «Азаматтарға арналған үкімет» мемлекеттік корпорациясы» КеАҚ басқармасы аппаратының Жылжымайтын мүлік департаментінің директоры қызметін атқарды.2023 жылдан бастап осы уақытқа дейін ҚР Әділет министрлігі Тіркеу қызметі және заң қызметтерін ұйымдастыру департаментінің директоры болып қызмет етті.Ақпарат көзі : https://www.gov.kz/memleket/entities/adilet/press/news/details/875780

Қаржылай қолдау «Ұлытау» әлеуметтік-кәсіпкерлік корпорациясы арқылы жүзеге асты.Алғашқы несие алушы — Ұлытау облысының Қаракеңгір ауылдық округінде 400 гектар жерге мал азығы мен көкөніс өсіруді жүзеге асыратын «Исмаил А.Б.» шаруа қожалығы.Жоба бойынша өндіріс қуаты 3 800 тонна картоп пен 3 000 тонна жоңышқа өндіруді көздейді. Кәсіпорын өндірісте суды үнемдейтін заманауи технологияларды (жаңбырлату, тамшылатып суару) пайдалануды жоспарлап отыр.Жеңілдетілген несие сомасы 637,6 млн теңгені құрайды, жылдық мөлшерлеме 2,5%. Өтеу мерзімі 120 ай. Сонымен қатар, жеңілдетілген несие бағдарламасында 24 айлық жеңілдікті кезең де қарастырылған.Ақпарат көзі : https://www.gov.kz/memleket/entities/ulytau/press/news/details/875673

Ақкөл ауданының тұрғындары жаңа баспанаға ие болды. Тұрғын үй құрылысын дамыту және халықтың әлеуметтік осал топтарын қолдау аясында аудан әкімдігі көпбалалы отбасылар үшін 16 пәтер сатып алды. Әрбір абаттандырылған үйдің ауданы 81 шаршы метрді құрайды.Ақмола облысының әкімі Марат Ахметжанов салтанатты түрде аналарға пәтер кілттерін табыс етті. Олардың кейбіреулері баспана алуды 10 жылдан астам күтті.«Мемлекет басшысының тапсырмасы бойынша тұрғын үй сатып алудың жаңа тетігі енгізілді. Пәтерлерді сатып алу кезінде жайлылық пен инфрақұрылымға ерекше назар аударылады. Ақкөл ауданында бұл алғашқы үйлер. Өңір бойынша барлығы 2 мыңға жуық отбасының тұрғын үй жағдайын жақсарту жоспарлануда», - деді өңір басшысы.4 баланың анасы Күлаш Шаймерденованың отбасы жаңа үй алып қуанышқа бөленді.«Бұл - біздің отбасымыз үшін өте қуанышты оқиға. Біз мемлекетке қолдау көрсеткені және өмір сүруге қолайлы жағдай жасағаны үшін алғыс айтамыз», – деді К. Шаймерденова.Жыл соңына дейін аудан орталығында тағы 18 екі пәтерлі үйдің құрылысын аяқтау жоспарлануда. Бұл 36 отбасын тұрғын үймен қамтамасыз етеді және аудандағы тұрғын үй кезегін қысқартуға мүмкіндік береді.Ақпарат көзі : https://www.gov.kz/memleket/entities/aqmola/press/news/details/875704

Шығыс Қазақстан облысының әкімі Ермек Көшербаев Басқарма төрағасы Қайрат Мақсұтовтың жетекшілігімен келген «Самұрық-Энерго» АҚ делегациясымен кездесті.➤ Кеңесте «Өскемен қаласында Жылу электр орталығын салу» жобасын іске асыру мәселелері талқыланды. Қазіргі уақытта ЖЭО құрылысына арналған алаң анықталды. Тараптар станцияның өндірістік инфрақұрылымына (күл үйіндісі, су жинау) жер учаскелерін анықтау, жобалау және бастапқы деректерді алу мәселелерін талқылады. Сондай-ақ, ЖЭО үшін сыртқы инфрақұрылым құрылысы да талқыланды.➤ Кездесу барысында «Самұрық-Энерго» АҚ осы өңірде іске асырылып жатқан басқа да инвестициялық жобалардың: Шүлбі ГЭС-інің II кезегінің құрылысы және Өскемен ГЭС-інің 4-гидроагрегатын жаңғырту барысы туралы хабардар етті.➤ Кездесу қорытындысы бойынша тараптар бірлесіп бірқатар іс-шаралар өткізуді жоспарлап отыр. Өз кезегінде облыс басшылығы жергілікті атқарушы органдарға жобаларды іске асыру үшін барлық қажетті қолдауды ұсыну жөнінде нақты тапсырмалар берді.Ақпарат көзі : https://www.gov.kz/memleket/entities/akimvko/press/news/details/875680

Бүгін Абай облысының әкімі Нұрлан Ұранхаев «Вайнах «Қазақстан шешендері мен ингуштары қауымдастығы» заңды тұлғалар бірлестігінің тең төрағасы Юсуп Келиговпен кездесті. Кездесуде өңірдегі ұлтаралық татулық, этномәдени бірлестіктердің жұмысы туралы сөз болды. Сонымен қатар, Абай облысының әлеуметтік-экономикалық дамуы жайлы сөз болды.Бүгінгі таңда Абай облысында 50-ден астам этнос тұрады. Өңірде 49 этномәдени бірлестік жұмыс істейді. Этномәдени бірлестік басшылары мен мүшелері консультативтік-кеңесші органдардың құрамына кіреді. Аймақтағы этносаралық қатынастар саласындағы сарапшылар ретінде әрекет етеді.Қазіргі уақытта этномәдени бірлестіктердің көпшілігі облыстық Достық үйінің ғимаратында орналасқан. Этномәдени бірлестіктерді, Қазақстан халқы Ассамблеясының қоғамдық институттары (Ақсақалдар кеңесі, Аналар кеңесі, «Жомарт жан» және этномедиация орталықтары, ғылымыи-сараптамалық тобы, Ассамблея жастары) мен облыстық Достық үйін алдағы уақытта облыстың кешенді даму жоспарына сәйкес салынатын облыстық «Конгресс-холл» ғимаратына орналастыру жоспарланған.Ақпарат көзі : https://www.gov.kz/memleket/entities/abay/press/news/details/875705

ҚАЗҰУ-ДА QS ПРЕ-САММИТІ ӨТТІ Әл-Фараби атындағы Қазақ ұлттық университетінде жоғары білім беру мәселелеріне арналған QS Higher Education: Asia Pacific 2024 пре-саммиті өтті. Халықаралық шара QS Азия-Тынық мұхиты саммитінің 20 жылдық мерейтойына орай ұйымдастырылды. Жиынға ҚР Ғылым және жоғары білім министрі Саясат Нұрбек, QS Quacquarelli Symonds сараптама агенттігінің коммерциялық бас директоры Джейсон Ньюман, ҚР Президентінің кеңесшісі Мәлік Отарбаев, әл-Фараби атындағы ҚазҰУ-дың Басқарма Төрағасы-Ректор Жансейіт Түймебаев, Алматы қаласының әкімі Ерболат Досаев, ЕАЭО елдеріндегі клиенттермен серіктестік жөніндегі және QS Жаһандық үкіметіндегі аймақтық директоры Сергей Христолюбов қатысты. Сонымен қатар 150 мемлекеттен, атап айтқанда, Қытай, Жапония, Индонезия, Үндістан, Малайзия, т.б. өзге елдерден келген 350-ге жуық ЖОО ректорлары, халықаралық сарапшылар және қазақстандық жоғары білім басшылары қатысты. Іс-шара барысында ҚР Ғылым және жоғары білім министрі Саясат Нұрбек отандық университеттердің жоғары білім мен ғылым саласын дамыту бағытында жүргізіп жатқан жұмыстары туралы баяндама жасады. Министр QS әлемдік рейтингіне қазақстандық 21 жоғары оқу орны қатысатынын және жақсы нәтижелерге қол жеткізіп отырғанын атап өтті. «Бүгінде Қазақстан ЖОО-лары әлемдік университеттермен серіктестікті арттыру бағытында жүйелі жұмыстар жүргізіп келеді. Біз өзгерістерге жақын болуымыз қажет. Бұл университеттердің беделін арттыруға мол мүмкіндік береді. Биылғы оқу жылында 30 мыңға жуық шетелдік студент Қазақстанға оқуға келді. Соңғы екі жылмен салыстырғанда 10 мың студентке көп. Әлемде ауқымды үш рейтинг бар. Ең маңыздысы – QS халықаралық рейтингі. Бұл рейтингке Қазақстанның 21 университеті қатысады. Соның ішінде әл-Фараби атындағы ҚазҰУ отандық университеттер арасында көш бастап, 163-орында тұр. Биыл министрлік тұңғыш рет отандық ұлттық университеттердің рейтингін жасап шығарды. Бұл әлемдік рейтингтердің сарапшыларымен бірлесіп дайындалды. Яғни, ұлттық рейтингте көрсеткіші жоғарылаған ЖОО-лардың QS жаһандық рейтингіндегі орны көтеріледі. Аталған ұлттық рейтинг елімізде алғаш рет қолға алынды», - деді Саясат Нұрбек. Әл-Фараби атындағы Қазақ ұлттық университетінің ректоры Жансейіт Түймебаев: «Мемлекет басшысы Қасым-Жомарт Тоқаев: «Білім мен ғылымға озық халықаралық тәжірибе ауадай қажет. Университеттер мен ғылыми ұйымдар елдің әлеуметтік-экономикалық дамуына зор үлес қосатын стратегиялық орталық болуы керек», - деп атап өткен болатын. Бүгінде жаhандық экономиканы дамытуда университеттік ғылым маңызды рөл атқаруда. Жаһандық трендтер мен заманауи сын-қатерлер жоғары білімнің дамуын айқындайды. QS – әлемдегі университеттердің көрсеткіші мен нәтижесін көрсететін ең беделді халықаралық рейтингтердің бірі. Сондықтан білікті маман даярлауда, ғылыми зерттеу нәтижелерін өндіріске енгізуде озық тәжірибелерді жетілдіріп отыру қажет», - деді. Өз кезегінде QS Quacquarelli Symonds сараптама агенттігінің коммерциялық бас директоры Джейсон Ньюман шараның Қазақстандағы көшбасшы университет – ҚазҰУ-да өтіп жатқанының маңыздылығына тоқталды. Ол өз сөзінде пре-саммит білім беру сапасын жақсартуға және ресурстарды жұмылдыруға бағытталған негізгі үрдістер мен стратегияларды анықтауға мүмкіндік беретін озық тәжірибелер мен идеялармен алмасу алаңы болатынын атап өтті. «QS пре-саммитін Қазақстанда, соның ішінде көшбасшы жоғары оқу орындарының бірі – әл-Фараби атындағы ҚазҰУ-да өтіп жатқанына қуаныштымын. Жаһандық мәселелерді жалғыз шеше алмаймыз, барлығымыз бірге жұмыс істеуіміз маңызды. Бүгінгі іс-шара әлемдегі университет ректорларының басын қосып, жоғары білім мен ғылым саласындағы халықаралық деңгейдегі мәселелерді шешуге мұрындық болып отыр. QS рейтингі барлық ЖОО-лардың бір-бірімен тығыз жұмыс істеу, академиялық ұтқырлық бағдарламасын дамыту, ғалымдардың тәжірибе алмасу, әлеуетін арттыру бағытындағы жұмыстарын жандандыруға серпін берді», - деді Джейсон Ньюман. Пленарлық отырыста Мәлік Отарбаев Мемлекет басшысы Қасым-Жомарт Тоқаевтың ыстық ықыласын жеткізді. Өз сөзінде Президент кеңесшісі отандық ғылым мен білімді дамыту мәселесі тікелей Мемлекет басшысының бақылауында екенін баса айтты. «Президентіміз «Озық ойлы ұлтқа айналуымыз керек» деген негізгі мақсатты Ұлттық құрылтайда айқындап берді. Ғылым мен жоғары білімді дамыту – еліміз үшін стратегиялық маңызы бар басымдық. Жоғары білім инновациялық және тұрақты экономиканы құруға әсер етіп, мемлекеттің бәсекеге қабілеттілігін арттырады. Білікті мамандардың білімі мен дайындығына қатысты мәселелер халықаралық ынтымақтастықты, диалогты және тәжірибе алмасуды талап етеді. Пре-саммит Азия-Тынық мұхиты аймағында және одан тыс жерлерде білім беру жүйесін жетілдіруге, жоғары оқу орындарының бәсекеге қабілеттілігін арттыруға бағытталған», - деді Мәлік Отарбаев. Пленарлық отырыс «Білім беру саласына жаһандық мақсаттарды интеграциялау», «Жаһандық байланыстар», «Навигациялық технологиялар: жасанды интеллект және жаңа технологиялар саласындағы үздік тәжірибелер» тақырыбына арналған секцияларда жалғасты. Шара соңында Сергей Христолюбов сөз сөйлеп, QS World University Rankings 2025 рейтингінде жоғары орын алған бірқатар қазақстандық университеттерді марапаттап, арнайы сертификаттар табыстады. Айта кетейік, Азия-Тынық мұхиты аймағындағы жоғары білім беру мәселелері бойынша QS саммиті алдағы 5-7 қараша күндері Макао қаласында жалғасады. Қорытынды жиын ретінде QS пре-саммиті 8 қарашада Гонконгта өтеді деп жоспарланған.Ақпарат көзі : https://www.gov.kz/memleket/entities/sci/press/news/details/875665

Жаһандық инвестициялар жөніндегі KGIR-2024 қазақстандық дөңгелек үстел жұмысына ҚР Өнеркәсіп және құрылыс министрі Қанат Шарлапаев қатысты. Ол панельдік сессияда «Әлемдік нарықтар мен салалардағы ағымдағы үрдістер, олардың инвестициялық стратегияларға әсері» тақырыбында сөз сөйледі.Министр бүгінгі таңда Қазақстан инвесторлар үшін ең тартымды және стратегиялық маңызды алаңдардың бірі ретінде халықаралық инвестициялық аренада сенімді орын алатынын атап өтті.«Бұл көбінесе Шығыс пен Батыстың қиылысында біздің ерекше географиялық орналасуымызға байланысты, бұл үлкен мүмкіндіктер ашады. Біздің ел Еуропаға, Қытайға және басқа да қарқынды дамып келе жатқан аймақтарға шығуды қамтамасыз ететін әлемдегі ең ірі нарықтар арасындағы көпір ретінде қызмет етеді. Бұл фактор бізді халықаралық сауда жүйесіндегі маңызды хабқа айналдырады және инвесторларға Қазақстанды Еуразияның перспективалы нарықтарына шығу алаңы ретінде пайдалануға мүмкіндік береді», - деді Қ.Шарлапаев.Қазақстанның өнеркәсіптік өндіріс секторы тез өсуде, әртараптандыруға және тұрақты өсуге баса назар аудара отыр. Бұл сектор ЖІӨ-нің шамамен 29% және жұмыспен қамтудың 19%-дан астамын қамтамасыз етеді. Қазақстан жоғары технологиялық өнімдерді өндіруге, атап айтқанда машина жасау, IT-сектор, электроника және тамақ өнеркәсібіне инвестицияларды белсенді тартады.Ағымдағы жылдың 9 айында өнеркәсіптің өсуі 4,8%-ға (17,1 трлн теңге) жетті. Қазақстан инвесторларды салықтық жеңілдіктермен және преференциялармен, әсіресе экспортқа бағдарланған жаңа өндірістер құру үшін қолдауға дайын. Отандық өндірістік әлеуетті дамыту импортқа тәуелділікті төмендетуге және Орталық Азия нарықтарында және одан тыс жерлерде мықты позицияларды қамтамасыз етуге мүмкіндік береді.Қазақстанның құрылыс саласы халықаралық инвесторлар үшін кең мүмкіндіктер ұсынады. Бұл секторды өте тартымды ету үшін, тұрғын үй және коммерциялық құрылыстың инфрақұрылымын дамытуды талап етеді. «Біз құрылыс жобаларымен, көлік маршруттарын дамытумен, логистикалық және өндірістік орталықтарды салумен айналысатын компаниялар үшін одан да қолайлы жағдайлар жасауға ниеттіміз», - деді министр.Бұл бағытта Қазақстан рұқсат алу процестерін жеңілдетуге және инфрақұрылымды барлық мүдделі тараптар үшін неғұрлым қолжетімді және сенімді етуге ұмтылады.«Біздің еліміз табиғи ресурстарға бай, олар қазірдің өзінде металлургия мен тау-кен өнеркәсібіне қомақты инвестиция тартуда. Сонымен бірге. Қазақстан көліктен ауыл шаруашылығына және жасыл энергетикаға дейінгі огт шикізаттық емес секторларын белсенді дамытуда. Біз тұрақты дамуға міндеттіміз, көміртегі шығарындыларын азайтуға және энергия тиімділігін арттыруға ықпал ететін жобаларға инвестицияларды құптаймыз», - деп атап өтті Қ.Шарлапаев.KGIR-2024 аясында министр әлеуетті серіктестермен және инвесторлармен бірқатар кездесулер өткізеді деп күтілуде.Ақпарат көзі : https://www.gov.kz/memleket/entities/mps/press/news/details/875698

Мектептердегі алғашқы әскери және технологиялық дайындық пәнін қалай қызықты әрі тиімді етуге болатыны оқушылардың инновациялық шығармашылық орталығында өткен консультативтік кездесуде талқыланды.Диалог алаңы қорғаныс істері жөніндегі департаментінің өкілдерін, жоғары оқу орындарының әскери кафедраларының бастықтарын, Десанттық-шабуылдау әскерлерінің әскери қызметшілерін, жалпы білім беретін мектептер мен колледждердің педагогтарын біріктірді. Қатысушылар өскелең ұрпаққа патриоттық тәрбие берудің проблемалары мен перспективаларын атап өтті. Өйткені дәл осы мектеп жылдарында азаматтықтың негізі қаланады.Алматы қаласы білім басқармасының басшысы Сайран Сайфеденов пән оқытушыларының біліктілігін арттырудың, сондай-ақ оқушыларды іс-шаралармен және практикалық сабақтармен қамтуды кеңейтудің маңыздылығын атап өтті. – Бастапқы әскери және технологиялық дайындық оқушылардың базалық дағдылары мен білімдерін қалыптастыруға бағытталған. Ал оқушылардың пәнге деген қызығушылығы оқу-жаттығу жиындарына қатысқаннан, әскери бөлімдерге барғаннан, спорттық бағдарлау жарыстарынан және тактикалық ойындар өткізгеннен кейін артады, – деп жалғастырды Сайран Сайфеденов. – Алайда, Алматы қаласының барлық мектептері әскери-патриоттық және бұқаралық іс-шаралармен қамтылмаған. Жеткіліксіз қамту мен уәждеменің себептері – педагогтердің тәжірибесі мен біліктілігінің болмауы.Жағдайды жақсарту үшін Алматы қаласы білім басқармасының басшысы бастапқы әскери және технологиялық дайындық пәні мұғалімдеріне өзекті білім алып, тәжірибе алмасатын тұрақты семинарлар мен курстар өткізуді ұсынды. Мұндай іс-шараларға әскери саланың сарапшыларын шақыру қажет. Басқарма басшысының пікірінше, ол курстар мен семинарлар тактикалық ойындар, жергілікті жерлерде жиындар, командалық жаттығулар және алғашқы медициналық көмек көрсету курстары форматында өткізілуі керек.Айта кету керек, Алматыда балалардың спорттық дамуына, серіктестік пен көшбасшылық сезімін тәрбиелеуге барлық жағдай жасалған. Қалада альпинистік клуб бар. Онда жасөспірімдер кәсіби альпинистермен бірге Іле Алатауының шыңдарына шығады.Оқушылармен өтетін осындай жұмыстың нәтижелерін халықаралық және республикалық жарыстар бойынша бағалауға болады. Мәселен, жазда Қарулы күштердің, басқа да әскерлер мен әскери құралымдардың әскери-патриоттық клубтары арасындағы күрестің қорытындысы бойынша «Айбын» X халықаралық әскери-патриоттық жастар жиынында Десанттық-шабуылдау әскерлерінің Алматыдағы «Жас десантшылар» командасы үздік атанды. Ал ағымдағы жылдың қыркүйек айында Байқоңыр қаласында өткен зымыран үлгісіндегі спорт бойынша әлем чемпионатында Алматыдағы «Жас сарбаз» әскери-патриоттық клубының тәрбиеленушілері 3-ші орынды иеленді. Ақпарат көзі : https://www.gov.kz/memleket/entities/mod/press/news/details/875520

Қазақстан Республикасының Қорғаныс министрі генерал-полковник Руслан Жақсылықов еліміздегі жоғары оқу орындары әскери кафедраларының басшыларымен кеңес өткізді.Қорғаныс ведомствосының басшысы кеңеске қатысушыларға әскери білім беруді дамыту туралы өз көзқарасын жеткізді. Ол әскери кафедраларда офицерлер мен запастағы сержанттарды әскери даярлау бағдарламаларын Қарулы күштер ұсынған критерийлерді ескере отырып қайта қарауды тапсырды.– Қалыптасқан геосаяси жағдайды ескере отырып, ел Президенті – Қазақстан Республикасы Қарулы күштерінің Жоғарғы Бас қолбасшысы азаматтарды әскери қызметке дайындауды дамыту мәселелеріне ерекше назар аударып отыр. Әйтсе де біз запастағы офицерлерге тиісті көңіл бөле бермейміз. Әскери кафедралардың барлық қызметі әскери іс бойынша берік білім алуға бағытталуы тиіс. Әскери кафедралардың қызмет аясы кеңеюі керек. Олар жастарды әскери даярлау және әскери-патриоттық тәрбиелеу орталықтарына айналуы тиіс, – деп атап өтті Қорғаныс министрі.Қазіргі уақытта Қазақстан Республикасының кейбір заңнамалық актілеріне әскери міндеттілерді әскери дайындау мен қайта дайындауды жетілдіру бойынша толықтырулар мен өзгерістер енгізу жөнінде жұмыс жүргізіліп жатыр. Жаңа талаптар шеңберінде Қорғаныс министрлігіне білім беру ұйымдарында әскери дайындықты мониторингілеу және талдау құзыреті берілетін болады. Сонымен қатар әскери кафедраларда жекелеген тапшы мамандықтар бойынша запастағы қатардағы жауынгерлерді дайындау енгізілетін болады. – Әскери кафедра бұл әскери билет алудың немесе қызметтен жалтарудың мүмкіндігі емес. Біріншіден, бұл біздің резервіміз. Әскери кафедраны бітірген офицерлер мен келісімшарт бойынша әскери қызметшілер әскерлерге келіп, алған білімдерін іс жүзінде қолдануы керек. Ал сіздердің міндетіңіз – оларды жоғары патриотизм рухында тәрбиелеу, – деп жалғастырды Қорғаныс министрі.Кеңес барысында әскери кафедраны бітірген запастағы офицерлер мен сержанттарды есепке алудың қазіргі жағдайы және оларды әскери қызметке шақыру туралы баяндамалар жасалды. Astana IT университеті әскери кафедрасының бастығы генерал-майор Александр Әшіров әскери кафедрада өткізілетін оқу-жаттығу жиындарын «Сардар» курсына ұқсас бағдарламаларға бейімдеу және оқу бағдарламаларын өзгерту жөнінде баяндады.Оқу-әдістемелік жиын Кеңес Одағының Батыры армия генералы Сағадат Нұрмағамбетов атындағы әскери колледжде жалғасты. Онда әскери кафедралардың бастықтары нормативтік-құқықтық актілерді білуден тест тапсырды. Естеріңізге сала кетейік, еліміздегі жоғары және жоғары оқу орнынан кейінгі білім беру ұйымдарында 41 әскери кафедра жұмыс істейді. Онда запастағы офицерлер мен сержанттар бағдарламасы бойынша 15 мыңға жуық студент дайындықтан өтіп жатыр. Ақпарат көзі : https://www.gov.kz/memleket/entities/mod/press/news/details/875662

Алматыда Жамбыл атындағы Қазақ мемлекеттік академиялық филармония сахнасында халық ақыны, әнші-композитор, «Алатаудың бұлбұлы» Жетісу ән мектебінің көрнекті өкілі Кенен Әзірбаевтың 140 жылдығына орай Н.Тілендиев атындағы академиялық фольклорлы-этнографиялық «Отырар сазы» оркестрінің концерті өтті.Концерттік бағдарламада Кенен Әзірбаевтың «Қордай», «Анама», «Бозторғай» әндері, сондай-ақ, ақынның оркестрге өңделген және Н.Тілендиев пен Қазақстан композиторларының шығармалары орындалды. Іс-шарада Қазақстанның халық әртісі, әнші-композитор Алтынбек Қоразбаев қазақ дүлділінің өнегелі өмірі мен шығармашалығы жайында сөз сөйледі.Сонымен қатар, Қазақстанның Халық әртісі Рамазан Стамғазиев, Қазақстанның еңбек сіңірген қайраткері Нұржан Жанпейісов, Мәдениет саласының үздігі Шолпан Даржанова, Бейбіт Мұсаев және филармония солистері өнер көрсетті.Іс-шараға Қазақстанның еңбек сіңірген қайраткері Жалғасбек Бегендіков дирижерлік етті. Оркестрдің көркемдік жетекшісі – Қазақстанның еңбек сіңірген қайраткері Дінзухра Тілендиева.Концертке Кенен Әзірбаев мұрасын халық арасында насихаттап жүрген Төрткен Кененқызы бастаған ұрпақтары қатысты. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/875668

Министр мектепке дейінгі, орта, техникалық және кәсіби білім беру ұйымдарын аралап, әріптестерімен кездесті. Олардың қатарында ардагер ұстаздар, «Қазақстанның еңбек сіңірген ұстазы» атағының иегерлері, педагог шеберлер, педагог-зерттеушілер және «Үздік педагог» республикалық байқауының жеңімпаздары да болды. «Қоғамдағы және оқушылар алдындағы педагог мәртебесі бірінші кезекте оның адами қасиеттерімен, содан кейін ғана кәсіби деңгейімен анықталады. Егер ұлттық құндылықтар білім мен тәрбиенің негізі болса, бұл құндылықтарды бала бойына сіңіретін мұғалім адалдық, әділеттілік, әдептілік және еңбексүйгіштік қаситеттеріне ие болуы тиіс. Осы қасиеттер кәсіби біліммен ұштасқанда ғана оны нағыз ұстаз деп атауға болады. Мектептің табыстылығы мен баланың болашағы мұғалімге байланысты екенін есте сақтау керек, себебі мұғалім қандай болса, мектебі сондай болмақ. Сіздердің еңбектеріңіз мемлекетіміздің жарқын әрі бақытты болашағының негізі. Сондықтан, әрбір мұғалім үздіксіз білім алуға ұмтылуы тиіс», - деді министр.Ғани Бейсембаев сондай-ақ білім сапасын арттыру, сапалы педагогикалық құрам қалыптастыру, білім беру инфрақұрылымын жақсарту және тағы басқа білім саласының сұрақтарын әріптестерімен бірге талқылады. Педагогтер министрмен еркін сұқбаттасып, өз сұрақтарын қойды.Министр білім жүйесінде жаңа басшылар құрамын іріктеу мен қалыптастыруға ерекше көңіл бөлді. Өңірлік білім басқармасының басшысына педагогтерді қолдау, жас мамандар үшін қолайлы жағдай жасау бойынша жұмыстарды күшейту және педагогикалық қауымдастық арасында ақпараттық-түсіндіру жұмыстарын жүргізуді тапсырды.Қазіргі таңда Жамбыл облысында 40 мыңға жуық педагог еңбек етуде, оның ішінде 436-сы педагог-шебер.Жұмыс сапарын қорытындылай келе, министр бірқатар білім беру ұйымдарын, оның ішінде «Жайлы мектеп» ұлттық жобасы аясында салынған мектептерді тексерді. Ақпарат көзі : https://www.gov.kz/memleket/entities/edu/press/news/details/875676

Жетісу облысында «Таза Қазақстан» бағдарламасының аясында тек сенбілік шаралар ғана ұйымдастырылып қоймай, ақпараттық-түсіндірмелі және қайырымдылық бағытта да жұмыстар жүргізілуде.Соның бірі жастарға қызмет көрсету орталығында 1 қараша күні «ЭКОtime» тақырыбында жастармен кездесу өтіп, қатысушыларға қоқысты қалай дұрыс сұрыптау және сол арқылы қайырымдылықпен айналысу жолдары түсіндіріліп, іс жүзінде көрсетілді.Өңірдегі экобелсенді, волонтер Аманжолұлы Ғазиз 2021 жылдан бері өз үйінің ауласында целлофан, қағаз, металл, тұрмыстық қалдықтар және пластик бұйымдарын бөшкеге бөлек сұрыптап, барша азаматтарды аталған істен үлгі алуға шақырады.Экобелсенді сұрыпталған қоқысты – ай сайын шикізатты қабылдап алушы компанияларға өткізіп, түскен қаржыны қайырымдылық қорларына өткізіп келеді, соның бірі «Харекет» қоры. Бұл бастама бір оқпен екі қоянды атқандай деп есептейді.2024 жылдың тамыз айында республикалық акцияға қолдау білдіру мақсатында экобелсенді өзінің жеке бастамасымен спонсорлық көмекпен Талдықорған қаласындағы аз қамтылған отбасыларға 100 дана қоқыс сұрыптайтын контейнерді тегін таратып, қоқысты дұрыс сұрыптау жолдары түсіндірді. Сонымен қатар, сұрыпталған қоқысты қабылдайтын компаниялардың тізімін де қосып берген. Жақсымен пайдалы іске барша жетісулықтарды шақырамыз!Жалпы, өздеріңізге мәлім, тек ел аумағында ғана емес, табиғаттың қоқыспен ластануы барлық мемлекеттердің жерлеріне де мұхиттарға үлкен зардаптарын тигізуде. Жанған қоқыстар улы химикаттар бөліп, адам денсаулығының асқынуына бірден бір себеп болып отыр. Өкінішке орай, адамдардың қоқысты сұрыптау мәдениетіне әлі де алшақтау болып тұр, керісінше қоқысты целлоффанға салып, тастай салу немесе жолда кетіп барып, кез-келген жерге лақтыра салу сынды жағдайлары азаймай тұр.Сонымен қатар, Жетісу облысының Жастарға қызмет көрсету орталығының мамандары ұйымдастырумен «Таза орта» акциясын ұйымдастырды. Акциясының мақсаты, ғимарат тазалығын сақтау барысында артқарылатын тазалық жұмыстарын жүргізу, жұмыс орнында қауіпсіздік пен жайлылықты қамтамасыз ету. Акцияға Жастарға қызмет көрсету орталығының мамандары, техникалық қызметкерлері қатысты.Таза болса табиғат – аман болса адамзат деген ұранды ұстай келе, адамзат баласын табиғатты таза ұстау әрқайсымыздың міндетіміз деп есептейміз. Айта кету керек, «Таза Қазақстан» акциясы аясында Жетісу облысында жалпы 1990 техника жұмылдырылып, нәтижесінде 10714 тонна қоқыс шығарылып, 2445 км арық желісі тазаланды. Облыс аумағында акция кезінде 38003 түп көшет отырғызылды.«Таза Қазақстан» республикалық экологиялық бағдарламасы Жетісу облысында белсенді түрде ұйымдастырылып, тұрғындар тарапынан зор қолдауға ие болды. Бүгінгі күннің өзінде жалпыұлттық тазалық шарасына облыс бойынша 226 мыңнан астам адам атсалысты.Ақпарат көзі : https://www.gov.kz/memleket/entities/zhetysu-oblysy/press/news/details/875653