⚜️1 мамыр күні Қарақия ауданы, Құрық ауылындағы  орталық Ынтымақ алаңында Қазақстан халқының бірлігі күніне арналған «Бірлігі жарасқан берекелі ел» атты мерекелік шара жоғары деңгейде ұйымдастырылып, кең көлемде тойланды.

⚜️Мерекелік іс-шараға аудан әкімі Сымбат Қуанышұлы бастаған мекеме басшылары, білім беру ұйымдарының қызметкерлері мен оқушылары, сондай-ақ, тұрғындар мен қонақтар қатысты.

⚜️Іс-шара барысында аудан мектептері мен бөбекжайларынан әр ұлттың мәдениетін, ұлттық тағамдары мен салт-дәстүрлерін таныстыратын көрмелер ұйымдастырылып, түрлі этностардың өнері паш етілді. Қазақ, орыс, татар, беларус, өзбек, украин, қырғыз, тәжік, корей, грузин ұлттарының өнері мен мәдениеті көрермен назарына ұсынылды.

⚜️Аудан әкімі Сымбат Қуанышұлы салтанатты шараны ашып, жиналған қауымды еліміздегі бірлік пен ынтымақтың символына айналған айтулы мерекемен құттықтады.

⚜️Мерекелік кеш аудан өнерпаздарының концертімен жалғасты. Әндер шырқалып, билер биленіп, ұлттық әуендер мен заманауи қойылымдар көрермендердің ерекше ықыласына бөленді.

⚜️Қазақстан халқының бірлігі – ел тұрақтылығының негізі. Бұл шара – аудан жұртшылығының ынтымағы мен татулығын тағы бір мәрте айқындап берді.

Қарақия ауданы әкімдігінің баспасөз қызметі

Source : https://www.gov.kz/memleket/entities/akimat-karakiya/press/news/details/987913?lang=kk