Жаңа жыл қарсаңында Жамбыл ауданы Ерназар ауылында ауызсу жүйесі ел игілігіне пайдалануға берілді.Аудан әкімі Ерлан Қыдыралыұлы тұрғындарды қуанышымен құттықтады.Елді мекендегі ауызсу құбырының тозығы жеткен. Бірде су сорғыш насосы істен шықса, енді бірде құбырдан ақау табылған. Бүгінде 25 шақырымға жуық ауызсу құбыры жаңартылып, ауызсу мұнарасы салынды. Енді Ерназар ауылының 1643 тұрғыны жаңа жылды сапалы ауызсумен қарсы алады.Жалпы биыл Бектөбе, Қызылшарық, Өрнек, Жаңаөткел ауылдарында осы бағыттағы жұмыс атқарылуда. Нәтижесінде 2025 жылы аудан халқы 100 пайыз сапалы ауызсумен қамтылады деп күтілуде.Тұрғындарының атынан Төрехан Қырқымбаев сөз алып, ризашылығын жеткізді.- Ескірген су жүйелері берекемізді алды. Жаңа жыл қарсаңында сапалы ауыз суға қол жеткізіп, қуанышымыз еселеніп отыр, – деді ауыл қариясы.Ерназар ауылындағы ауызсу құрылысын "Байсын-А" ЖШС-сы жүргізіп, 8 айда аяқтады.Айта кетейік, Жамбыл облысында биыл 25 елді мекенге тіршілік нәрі тартылды. Оның ішінде 10 елді мекенге құрылыс жұмыстары жүргізіліп, 15 ауылға кешенді блок-модуль орнатылды. Нәтижесінде өңір халқын ауыз сумен қамту деңгейі 97,1 пайызға (2023 ж. - 94,9%) ұлғайды.Ақпарат көзі : https://www.gov.kz/memleket/entities/zhambyl/press/news/details/910063

Жамбыл облысының әкімі Ербол Қарашөкеев зиялы қауым өкілдерімен кездесті. Қабырғалы қаламгерлермен өңірді дамытудың мүмкіндіктерін талқылап, ұсыныс-тілектерін тыңдады.Өңір басшысы өтіп бара жатқан жылды қорытындылап, өңірдің әлеуметтік-мәдени дамуы мен 2025 жылға арналған жоспарларды кеңінен тарқатып айтып берді. Көркем сөз шеберлерін Қазақстан Жазушылар Одағының 90 жылдығымен құттықтады.Жергілікті қауырсын қалам иелерін қолдау мақсатында 24 ақын-жазушының кітабы жарық көрді.- Мемлекет басшысы «Әдебиет – ойымыздың тереңдігі мен рухымыздың асқақтығын айғақтайтын ұлы қазына» деп атап өткендей, қай кезеңде болмасын әдебиет ұлтты тәрбилеуші басты құрал болып қала береді. Біздің басты міндетіміз – жастарды ұлттық құндылықтар мен салт-дәстүрімізге сай тәрбиелеу. Әсіресе, қазіргі жаһандану кезеңінде ұлттық бірегейлігімізді сақтап қалудың маңызы зор деп білемін. Бұл аса жауапты мәселеде Сіздердің салмақты ойларыңыз бен әрбір шығармаларыңыз өскелең ұрпаққа рухани азық, – деді облыс әкімі.Ербол Қарашөкеев Жамбыл облысында «Тараз - кітап оқитын қала» жобасы аясында 2025 жыл «Кітап оқу жылы»болып жарияланғанын хабарлады.Келер жылы тарихи жер-су атауларына байланысты «Әулие Ата аңыздары» атты жинақ жарыққа шығады.2025 жылы Таразда Мемлекет басшысы Қасым-Жомарт Тоқаевтың бастамасымен ТМД елдерінің «Достастық жәрмеңкесі» өтеді.Сонымен бірге келер жылы белгілі тұлғалар мен жазушылардың мерейтойларын атап өтуге арналған іс-шаралар жоспары талқыланды.Кездесу барысында жазушы Пернебай Дүйсенбин, жазушы, драматург Елен Әлімжан, ақын Шырын Мамасерікова, ардагер журналист Бекет Момынқұл, жазушы Сабырғали Рысбай, қос ақын Үміт Битенова мен Ғайни Әлімбекқызы сөз сөйледі.Оқушыларға тарихи экскурсиялар ұйымдастыру, тарихи және сәулеттік мұра – Әулиата кезеңіне тиесілі ғимараттарды сақтау, аты аңызға айналған алып тұлға, әскери қолбасшы, жазушы Бауыржан Момышұлының 115 жылдық мерейтойы аясында іс-шаралар өткізу, жергілікті ақындар мен жазушылардың шығармашылығын дәріптеу туралы ұсыныстар айтылды.Облыс әкімі барлық ұсыныс-тілек ескерілетінін атап өтіп, алдағы уақытта әдебиет пен мәдениетті дамытудың өзекті мәселелері дәстүрлі кездесулерде талқыланатынын жеткізді.Ақпарат көзі : https://www.gov.kz/memleket/entities/zhambyl/press/news/details/910266

«ҚазПроТемір» компаниясы «Тараз» индустриялық аймағының аумағында қара металды балқыту, шаршы дайындамаларды шығару, жұқа мырышталған және полимерлі жабыны бар болатты өндіру бойынша зауыт салуда.Өндіріс ошағы жылына 500 мың тонна болат дайындамаларын шығаруға қуатты. Жобаның құны 55,4 млрд. теңгені құрайды.Қазіргі уақытта зауыт аймағы толығымен бетон қоршаумен қоршалған. Ішінара жолдар салынуда. Ұңғымалар орнатылып, іргетас шұңқыры қазылды. 2025 жылдың мамыр айында іске қосылатын жобаның бірінші кезеңін салу үшін жер жұмыстары аяқталды.Металлургиялық зауытта тек отандық шикізат пайдаланылмақ.Құрылыс жұмыстарына 50 адам жұмылдырылған.Кәсіпорын Қытайдан келетін құрал-жабдықтардың алдын ала төлемін жасады.Ақпарат көзі : https://www.gov.kz/memleket/entities/zhambyl/press/news/details/910401

800 мыңнан астам облыс тұрғындары қатысқан экологиялық акция дәстүрлі түрде жалғасын табуда.Облыс орталығы Тараз қаласында экологиялық акция шеңберінде «Таза Қазақстан – біздің қолымызда» атты жастар арасында дөңгелек үстел отырысы ұйымдастырылды. Жамбыл политехникалық жоғары колледжінде ұйымдастырылған шара барысында жастарға экологиялық акцияның мақсаты түсіндіріліп, қоршаған орта тазалығының маңыздылығы насихатталды.«Еліміздегі аса өзекті проблемалардың қатарына қоршаған ортаны қорғау мен экологиядағы өзекті мәселелер жатады. Таза қаланың тынысы кең. 2024 жылы басталып, үрдіске айналған сенбілік қаламыздың көркейуіне көп үлесін қосты. Осы орайда біздің жастар адамдардың қоршаған ортадағы, ағаш егу мен қоқысты сұрыптауға үйретуді, экологиялық еріктілер қозғалысымен өзара әрекеттесуді мақсат етті. Өзін және отбасын сыйлайтын адам тазалық жұмыстарын жылдың барлық мезгілінде жүргізеді. Осы жағдайға қатысты бүгінгі таңда елімізде түрлі ауқымды шаралар жүзеге асырылып келеді. Қаланың әр тұрғыны өзі тұратын үйдің ауласын таза ұстаса, бұл олардың қала тазалығына қосқан үлесі» - деді сенбілікке қатысушы Д. Байпақ.Акция аясында аталған бағыттағы шаралар облыстың барлық аудандарында өткізілді.Жамбыл ауданында жастармен алдын алу профилактикалық шарасы ұйымдастырылса, Жуалы ауданында «Таза Қазақстан – таза әлем» атты, Қордай және Талас аудандарында «Таза Қазақстан» тақырыбында жастармен кездесу өтті.Мойынқұм ауданының жастарымен «Таза Қазақстан» челленджі бастау алса, Т. Рысқұлов және Шу ауданының белсенді жастары студенттермен кездесу ұйымдастырды.Бүгінгі күнге акция аясында 60 тарихи-мәдени ескерткіш, 143 саябақ пен сквер аумағы, 829 шақырым каналдар мен арық жүйесі, 137,5 мың аулалар мен 4,8 мың шақырым көше жолдары тазартылды. 30 146 тонна қоқыс шығарылды. 60 мыңға жуық көшеттер отырғызылды.Бұл жұмыстарға жалпы 1104 бірлік техника қатысты.Ақпарат көзі : https://www.gov.kz/memleket/entities/zhambyl/press/news/details/910646

Жамбыл облысының әкімі Ербол Қарашөкеев 300 орындық балалар мен жасөспірімдердің шығармашылығын қолдау орталығының жұмысымен танысты.Әлеуметтік нысан Тараз қаласы Құмшағал тұрғын алқабында орналасқан.Орталық ғимараты 1975 жылы пайдалануға берілген, 2 қабатты. Биыл күрделі жөндеу жүргізіліп, балалардың игілігіне тапсырылып отыр. Құрылыс жұмыстары 6 айда аяқталды.Мұнда оқушылардың бос уақытын тиімді ұйымдастыру үшін қолайлы жағдай жасалған. Атап айтқанда, домбыра, бейнелеу өнері, қолөнер, вокал, би, робототехника, театр, шахмат, таэквандо сынды үйірмелер бар.- Бұл ғимаратта балаларымыз білім алды. 2016 жылы жаңа мектеп қолданысқа беріліп, ұл-қыздарымыз сонда ауысты. Әкімдік бос тұрған ғимаратты ұтымды пайдаланып, замануи орталық ашып отыр. Енді балаларымыз телефонға телмірмей, бос уақытын тиімді өткізетініне сенімдіміз! – дейді Тараз қаласының тұрғыны Хансұлу Исабаева.Ербол Қарашөкеев ғимарат ішін толық аралап, бүлдіршіндердің өнері мен олардың дайындаған қолөнер бұйымдарын тамашалады. Ол тұрғын алқаптағы барлық балаға орталықтың қолжетімді болуын ескертіп, алдағы уақытта сұранысқа сай үйірмелердің санын арттыруды тапсырды.Айта кетейік, Жамбыл облысында 78 қосымша білім беру мекемесі жұмыс істейді.Ақпарат көзі : https://www.gov.kz/memleket/entities/zhambyl/press/news/details/910768

Ақтау қаласындағы әуежай маңында жолаушылар ұшағының апатқа ұшырауы салдарынан зардап шеккен 29 адамның 27-сі Маңғыстау облыстық ауруханасына жеткізілді.Пациенттер әртүрлі жарақаттармен, негізінен бірнеше зақымдармен келіп түсті, бұл мидың жабық жарақаты, мидың шайқалуы, кеуде қуысының жабық жарақаттары, травматикалық шок.26 желтоқсан күні таңертең 11 пациент реанимация бөлімшесінде, 13 - травматология бөлімшесінде, 2 - нейрохирургия бөлімшесінде, 1 – хирургия бөлімшесінде ем алды.Пациенттердің жағдайы бойынша: екеуі аса ауыр жағдайда, 11 ауыр жағдайда, 14 – орташа ауырлық дәрежесінде, 2 пациенттің шағымы жоқ, қанағаттанарлық жағдайда.11 пациенттің сегізі өкпені жасанды желдету аппаратында жатыр және дәрілік седация, тониктер қабылдауда. Келіп түскен кезде барлық зардап шеккендерге қажетті зерттеп-қарау түрлері жүргізілді, жағдайы тұрақтанғаннан кейін бейіні бойынша емдеуге жатқызылды.Денсаулық сақтау министрлігі зардап шеккендерге медициналық көмек толық көлемде көрсетілетінін атап өтті.Дәрігерлер ауыр пациенттердің жағдайын тұрақтандыру үшін барлық мүмкін шараларды қабылдауда, аурухана дәрі-дәрмектермен, жабдықтармен жеткілікті түрде қамтамасыз етілген.Бұған дейін хабарланғандай, Астанадан Ақтауға әуе апатынан зардап шеккендерге медициналық көмек көрсету үшін санитариялық авиация ұшағы жіберілген.Бортта құрамында екі реаниматолог, 4 травматолог, нейрохирург және комбустиолог бар ҚР Денсаулық сақтау министрлігінің Ұлттық шұғыл медицинаны үйлестіру орталығының мобилдік бригадасы келді.Зардап шеккендердің жағдайы және олардың емделу барысы туралы қосымша деректер ақпарат жаңартылған сайын ұсынылатын болады.Ресей тарапымен келіссөздерден, мамандардың консультацияларынан кейін бүгін РФ Апаттар медицинасының бортымен Ақтаудан Мәскеуге 9 пациент, Ресей азаматтары жіберілді.Ақпарат көзі : https://www.gov.kz/memleket/entities/dsm/press/news/details/910016

Бүгін, 26 желтоқсан күні ұшақ апатынан зардап шеккен әзірбайжандық 14 азамат пен күні кеше Ақтауға келген Әзірбайжан делегациясының 20 мүшесі өз елдеріне оралды. Оның ішінде аман қалған 2 бортсерік пен 1 бала бар. Олар ауруханада қажетті ем алып, жағдайлары тұрақталған соң Бакуге аттанды.Зардап шеккендерді шығарып салуға Маңғыстау облысы әкімінің орынбасары Тілеген Әбішев, Ақтау қаласының әкімі Әбілқайыр Байпақов, Қазақстан халқы Ассамблеясының мүшелері, ел ақсақалдары, жастар және қоғам өкілдері қатысты.Маңғыстаулықтар бауырлас елге жылы тілектерін білдіріп, қолдау білдірді.Қазіргі таңда Маңғыстау облыстық көпбейінді ауруханасында 6 науқас ем алуда. Оның ішінде 4 адамның жағдайы ауыр, 2 адамның жағдайы орташа. Жарақат алғандарға барлық қажетті медициналық көмек көрсетілуде.Айта кетейік, апат себебін анықтау мақсатында Ақтауда Вице-премьер Қанат Бозымбаевтың басқаруымен Үкіметтік комиссия жұмыс істеп жатыр.Маңғыстау облысының әкімі Нұрдәулет Қилыбай зардап шеккендерге мемлекет тарапынан барлық қажетті қолдау көрсетіліп жатқанын атап өтті.Маңғыстау облысы әкімінің баспасөз қызметіАқпарат көзі : https://www.gov.kz/memleket/entities/mangystau/press/news/details/910395

Премьер-министрдің орынбасары Төтенше жағдайлар, Ішкі істер, Денсаулық сақтау министрліктері, Азаматтық авиация комитеті өкілдерінің есептерін тыңдады.Төтенше жағдайды реттеу үшін Қазақстан Үкіметі барлық қажетті шараларды қабылдайды.Вице-премьер құтқару жұмыстарын жалғастыру, зардап шеккендерге қолдау көрсету және қаза тапқандардың отбасыларына көмек көрсету бойынша тапсырма берді.Ұшақ апатынан қаза тапқан қазақстандықтардың отбасыларына қаржылай көмек көрсетіледі. Сондай-ақ, Маңғыстау облысына келген қайтыс болған шетелдік азаматтардың жақындарына да қажетті көмек беріледі.Ақпарат көзі : https://www.gov.kz/memleket/entities/mangystau/press/news/details/909768

Қостанай облысы әкімінің 2024 жылғы 24 желтоқсандағы өкімімен және Сарыкөл ауданы мәслихатының келісімімен Сарыкөл ауданының әкімі болып Марат Лесбекұлы Шымырбеков тағайындалды.Марат Лесбекұлы 1973 жылы Оңтүстік Қазақстан облысының Ордабасы ауданында туған. Шымкент университетін «Химия және биология» мамандығы бойынша және Қазақстан инженерлік-педагогикалық халықтар достығы университетін «Мемлекеттік және жергілікті басқару» мамандығы бойынша тәмамдаған. Бұған дейін Златоуст ауылдық округінің әкімі және Сарыкөл ауданы әкімінің орынбасары қызметтерін атқарған.Қостанай облысы әкімінің 2024 жылғы 25 желтоқсандағы өкімімен және Қостанай ауданы мәслихатының келісімімен Қостанай ауданының әкімі болып Олжас Жомартұлы Нұрғалиев тағайындалды.Олжас Жомартұлы 1986 жылы Қостанай облысы Қостанай ауданында туған. Л.Н. Гумилев атындағы Еуразия ұлттық университетін «Халықаралық қатынастар» мамандығы бойынша, Заманауи гуманитарлық академияны және М.Дулатов атындағы Қостанай инженерлік-экономикалық университетін «Экономика» мамандығы бойынша тәмамдаған. Экономика ғылымдарының магистрі дәрежесіне ие. Бұған дейін Қостанай облысы әкімдігінің жолаушылар көлігі және автомобиль жолдары басқармасының басшысы қызметін атқарған.Қостанай облысы әкімінің 2024 жылғы 25 желтоқсандағы өкімімен және Жангелдин ауданы мәслихатының келісімімен Жангелдин ауданының әкімі болып Дінмұхамбет Серікұлы Бидашев тағайындалды.Дінмұхамбет Серікұлы 1981 жылы Қостанай облысы Жангелдин ауданында туған. А.Байтұрсынов атындағы Қостанай мемлекеттік университетін «Экономика және менеджмент» мамандығы бойынша тәмамдаған. Бұған дейін Жангелдин ауданы әкімінің орынбасары қызметін атқарған.Барлық тағайындалған әкімдер мемлекеттік басқару саласында үлкен тәжірибеге және тиімді басшылық жасауға қажетті практикалық білімдерге ие.Ақпарат көзі : https://www.gov.kz/memleket/entities/kostanay/press/news/details/909507

Астанадан Ақтауға ұшақ апатынан зардап шеккендерге медициналық көмек көрсету үшін санитариялық авиация ұшағы келіп қонды.Бортта құрамында екі реаниматолог, 4 травматолог, нейрохирург және комбустиолог бар ҚР Денсаулық сақтау министрлігінің Ұлттық шұғыл медицинаны үйлестіру орталығының мобилдік бригадасы келді.Қазіргі уақытта Маңғыстау көпбейінді ауруханасына 27 зардап шегуші жеткізілген, Денсаулық сақтау вице-министрі Тимур Мұратов бар. Ол зақым алған және жарақаттанған пациенттерді қарап-тексереді, келген мамандарды тарта отырып, медициналық көмекті ұйымдастыру мәселелерімен айналысады.Ақтау әуежайы маңындағы жолаушылар ұшағы апатқа ұшыраған жерден облыстың медициналық мекемелеріне 29 зардап шегуші жеткізілді. Оның ішінде Маңғыстау облыстық ауруханасына 27 зардап шегуші жеткізілді.Ауруханаға жеткізілген 27 ауыр пациенттің 11-і реанимацияға жатқызылды.Облыстық балалар ауруханасына 11 және 16 жастағы 2 бала келіп түсті, оларға операция жасау жоспарлануда.Ақпарат көзі : https://www.gov.kz/memleket/entities/dsm/press/news/details/909590

25 желтоқсан күні шамамен сағат 11:00-де, Ақтау қаласының аумағына Бакудан Грозныйға ұшып бара жатқан ұшақ құлады.Аймақ басшысы Нұрдәулет Қилыбай оқиға орнына барып, облыс әкімінің төрағалығымен жедел штаб құрылды. Апат орнында ТЖД, ДВД, жергілікті әкімдік құтқару жұмыстарына қажетті жағдайдың барлығын жасауда.Қазақстан ТЖМ-нің 52 қызметкері мен 11 техникасы жұмыс істеуде. Оқиға орнына келген құтқарушылар әуе кемесінің өртеніп жатқанын анықтап, өртті сөндіру жұмыстарын бастады. Қазіргі уақытта зардап шеккендер туралы ақпарат нақтылануда, алдын ала мәлімет бойынша аман қалғандар бар.Денсаулық сақтау басқармасы басшысы Бекболат Ізбасаровтың айтуынша 28 адам аман қалған. Оның 26 облыстық ауруханаға жеткізілді, 2 бала балалар ауруханасына жатқызылды.Айта кетейік, апатқа ұшыраған бортта 62 адам және 5 экипаж болған.Ақпарат көзі : https://www.gov.kz/memleket/entities/mangystau/press/news/details/909346

Теріарқылы коронарлық араласу (ТКА) — жүрекке қан жеткізетін коронарлық артерияларды ашу немесе қалпына келтіру үшін тері арқылы жасалатын хирургиялық әдіс. Бұл әдіс жүрек ауруларын емдеудің ең тиімді тәсілдерінің бірі.Орталықта 34 ота жасалынды. Оның ішінде 15 науқасқа стенд (стентирование) қойылып, 19 науқасқа коронография жасалды. Бұл орталықта бір профессор, бір интервенционный кардиолог,кардио реаниматолог, төрт ортабуын қызметкері жұмыс істейді.Жылыойда ашылған орталықтың басты ерекшелігі — осы жоғары технологиялық медициналық қызметтерді тек ірі қалаларда ғана емес, шалғай аудандарда да тұрғындарға ұсыну.Орталықтың ашылуы жүрек ауруларының алдын алу мен емдеуді жеңілдетіп, уақытында көмек көрсетуге мүмкіндік береді. Күрделі хирургиялық араласуларды жергілікті жерде жүргізу аурудың асқынуын болдырмауға, науқастарды көшіру кезінде болатын қауіптерді азайтуға септігін тигізеді.Орталық заманауи аппараттармен жабдықталған. Атап айтқанда ангиограф, дефибриллятор, кардиомонитор және өкпені жасанды желдету құрылғылары бар.Ақпарат көзі : https://www.gov.kz/memleket/entities/dsm/press/news/details/910354

Премьер-Министрдің орынбасары Қанат Бозымбаев бастаған үкіметтік комиссия Ақтауға келіп, ТЖ орнына жіберіледі. Бұдан Әрі Қанат Бозымбаевауруханада зардап шеккендерге барады, шетелдік әріптестерімен кездеседі, сондай-ақ штаб отырысын өткізеді.Барлық қызметтер-ТЖ, криминалист-сарапшылар, прокуратура органдары шұғыл режимде жұмыс істейді.Ақпарат көзі : https://www.gov.kz/memleket/entities/mangystau/press/news/details/909761

Маңғыстау облыстық денсаулық сақтау басқармасының сағат 10:30 дағы мәліметі бойынша ауруханаға келіп түскен барлық пациенттер ҚР ДСМ диагностика және емдеу хаттамасына сәйкес толық көлемде ем алып жатыр.Тергеу органдары 2 пациенттің жеке басын анықтау бойынша жұмыс жүргізді, олардың біреуі анықталып, Әзірбайжан азаматтығы анықталды.Сондай-ақ, санитарлық авиация желісі бойынша Астана қаласынан Ұлттық шұғыл медицина үйлестіру орталығының және жетекші республикалық орталықтардың жоғары білікті мамандары келді.Жоғарыда аталған мамандардан басқа, Әзірбайжан Республикасының Денсаулық сақтау министрлігі мен ТЖМ арнайы кеңесі, санавиация бригадасы келді.Барлық зардап шеккен науқастарға тексеру жұмысы жүргізілді. Сондай-ақ зардап шеккендермен және олардың туыстарымен психологтар тобы жұмыс істеп жатыр.Бүгін 26.12.2024 жылы таңертең Ақтау уақытымен сағат 08:30-да Ресей Федерациясының ТЖМ орталық аппаратының санитарлық авиация бортында Ресей Федерациясының азаматтары эвакуацияланды.Қазіргі уақытта ауруханада 20 науқас БАҚЫЛАУДА, оның 6-ы реанимацияда: 5-і МОБ ЦОР-да және 1-і Маңғыстау облыстық балалап ауруханасының реанимациясы бөлімінде. МОБ ЦОР-дан 2 пациент травматология бөлімшесіне ауыстырылды.Ақпарат көзі : https://www.gov.kz/memleket/entities/mangystau/press/news/details/909819

Бүгін, 26 желтоқсанда Әзірбайжан Республикасының Құрық портындағы "Zarifa Aliyeva"паромында "Құрық Порт" ЖШС директоры Серік Ахметов, кәсіпорын қызметкерлері, аудан әкімдігі және БАҚ өкілдері Ақтау қаласының маңында болған қайғылы оқиғаға байланысты көрші елге көңіл айтты.- Құрметті Әзірбайжан халқы, біз сіздерге шын жүректен көңіл айтамыз. Бұл қайғылы оқиға бүкіл аймаққа қатты әсер етті. Біз сіздермен бірге қайғырамыз, осы қиын уақытта сізге шыдамдылық пен шыдамдылық тілейміз. Алла тағала өлгендерге тыныштық пен тыныштық пен туыстарына күш жіберсін. Сіз бен біз сіздің қайғыңызбен бөлісетінімізді біліңіз, - деді Құрық портының бас директоры Серік Ахметов.Паром капитаны Тахмирас Исмаилов қазақстандық әріптестеріне алғысын білдіріп, Әзербайжан халқы үшін қиын сәтте оларға көмектесіп, жігерлендіргендерге алғысын білдірді.Ақпарат көзі : https://www.gov.kz/memleket/entities/mangystau/press/news/details/910394

Петропавл Жаңа жылды мереке мен сиқыр атмосферасында қарсы алуда. Бүгін қаладағы басты алаңда басты жаңа жылдық шыршаны жағу рәсімі өтті! Мерекелік шараны облыс және қала басшылығы, тұрғындар мен қонақтар тамашалады.Кеш жарқын мерекелік бағдарлама мен көңілді атмосферада басталып, жағымды эмоция сыйлаған әдемі салютпен аяқталды.Ақпарат көзі : https://www.gov.kz/memleket/entities/sko/press/news/details/908872

Талдықорған қаласында өткен 11 айда өнеркәсіп өндірісінің көлемі 5,1% өсіп, 147,7 млрд. теңгені құраған. Жыл басынан 5 жаңа өндіріс іске қосылып, жұмыс істеп тұрған бір өндіріс кеңейтілді. Соның нәтижесінде 209 жаңа жұмыс орны құрылды. Бұл туралы бүгін Талдықорған қаласының тұрғындарымен кездесуі барысында облыс әкімі Бейбіт Исабаев айтты, - деп хабарлайды Жетісу облысы әкімінің баспасөз қызметі.Облыс басшысының сөзіне сүйенсек, Талдықорған индустриялық аймағында тоқтап тұрған екі кәсіпорын, атап айтқанда, «Жетісу Мажико» ЖШС, «Жетісу Май» ЖШС биыл жұмысын қайта жандандырған. Сондай-ақ стационарлық аккумуляторлық батареялар шығаратын «ASMA Industrial» зауыты ашылды, оған 8,5 млрд. теңге инвестиция тартылып, 180 жұмыс орны ашылды.- Сонымен қатар газбетонды блоктар өндіретін «Стальбетон» зауытының және жылдық қуаттылығы 110 бірлікті құрайтын «BNK irrigation» жаңбырлатып суғару қондырғыларын шығаратын шағын зауыттың құрылысы келесі жылдың бірінші тоқсанында аяқталады, - деді Б. Исабаев. Атап өтсек, жыл басынан қалаға 58,2 млрд. теңге инвестиция тартылған.Сол сияқты өз сөзінде облыс орталығында 11 айда жұмыс істеп тұрған 19 мыңға жуық шағын және орта бизнес субъектісінде 35 мыңнан астам адам еңбек ететінін атап өтті. Шағын және орта бизнесті мемлекеттік қолдау аясында биыл 4,3 млрд. теңгеге 110 жоба субсидияланып, 42 жобаға 1,5 млрд. теңге сомасына кепілдік берілген. Оған қоса 1 жобаға инженерлік инфрақұрылым жүргізілген.Жетісу облысы әкімінің баспасөз қызметі.Фотограф: Жеңіс Ысқабай Ақпарат көзі : https://www.gov.kz/memleket/entities/zhetysu-oblysy/press/news/details/909024

Өңір басшысы оқиғаның мән-жайын біліп, құтқару жұмыстарының барысымен танысты.Сонымен қатар барлық құзырлы органға тиісті тапсырмалар берді және барлық жағдай облыс әкімінің жеке бақылауында.Маңғыстау облысы әкімінің баспасөз қызметіАқпарат көзі : https://www.gov.kz/memleket/entities/mangystau/press/news/details/909330

Осы жылдың наурыз айында Қарағандыда облыстық мемлекеттік және сервистік қызметтер орталығы (МСҚО) іске қосылды. Ол республика бойынша іске қосылған бірінші ұйым болды. Орталық әлеуметтік қызметтер, жұмыспен қамту, жастарды қолдау және отбасыларға көмек сияқты түрлі мәселелер бойынша халыққа консультативтік көмек көрсетеді.Бір жерде мемлекеттік және үкіметтік емес ұйымдар жинақталған, бұл азаматтардың қажетті қызметтерге қол жеткізуін едәуір жеңілдетеді.Осы уақыт ішінде не істелгені және МСҚО-ның өңір тұрғындары үшін қандай пайдасы бар екендігі туралы оның қабырғасында орналасқан ұйымдардың басшылары айтып берді.Жұмыспен қамту және әлеуметтік қорғау саласын қолдауЕгер жұмысқа орналасуға көмек қажет болса, қарағандылықтар Мемлекеттік және сервистік қызмет көрсету орталығына келе алады. Облыстың еңбек ұтқырлығы орталығы мен қалалық Мансап орталығы жұмыссыздықты азайту үшін түрлі шараларды ұсынады. Бұл субсидияланған жұмыс орындары, бизнесті бастау гранттары және "Жастар тәжірибесі", "Қоғамдық жұмыстар", "Күміс жас" және т.б. сияқты әртүрлі жобалар.– Жыл басынан бері 55 мыңнан астам адам мансап орталықтарына жүгінді. Оның 22 900-і тұрақты жұмыс тапты, – дейді Қарағанды облысы бойынша еңбек ұтқырлығы орталығының басшысы Нұржан Сыздықов. – Бүгінгі таңда көпбалалы отбасылар мен мүгедектігі бар адамдар үшін 178 грант бөлінді. Біз сондай-ақ 481 адамды жұмыс берушілердің сұранысы бойынша қысқа мерзімді курстарға жібердік. 2025 жылы зейнеткерлерді жұмысқа орналастыруға бағытталған "Алтын жас" жобасын іске қосу жоспарлануда.Орталық тек жұмысқа орналасуға ғана емес, сонымен қатар атаулы әлеуметтік көмекті ресімдеуге, жұмыссыз ретінде тіркелуге көмектеседі және түрлі мәселелер бойынша кеңес береді. Сенім телефоны жұмыс істейді: 60-50-50, мұнда әрбір сұрау жедел өңделеді.Жастарды қолдауМСҚО-да жас қарағандылықтарға да көмек көрсетіледі. Мұнда жастарға арналған мемлекеттік бағдарламалар туралы білуге болады, еріктілер қозғалысына қосылуға мүмкіндік бар, жұмысқа орналасу жобаларымен және тағы басқалармен таныса аласыз.Қазан айының соңында мұнда жастар кәсіби қолдауымен өз жобаларын тегін әзірлей алатын қауымдастық орталығы ашылды. Жеті тақырыптық аймақ жабдықталған. Олардың қатарында дизайн студиясы, подкаст жазу және мобилография аймағы, коворкинг бар. Жастар үшін психологтар мен заңгерлердің қызметтері де қол жетімді.– Қарағанды облысында 306 мыңнан астам жас тұрады. Бүгін біз NEET-жастармен белсенді жұмыс істейміз. Еңбек ұтқырлығы орталығымен бірлесіп бос орындар жәрмеңкелерін және ақпараттық-түсіндіру жұмыстарын жүргіземіз. Нәтиже жақсы. Облыста NEET-жастардың саны 7,9%-ға дейін төмендеді. Сондай-ақ, еріктілер қозғалысы белсенді дамып келеді – өңірде 63 ұйым жұмыс істейді, – деді жастар саясаты мәселелері басқармасының бас маманы Жасұлан Хамитов.2022 жылдан бастап облыста жастарға арналған ипотекалық бағдарлама жұмыс істейді. Биыл Қарағандыға Саран мен Теміртау қосылды. 200-ге жуық қарыз берілді. Бағдарламаны кеңейту жоспарында Абай мен Шахтинск қамтылуы тиіс.Мүгедектігі бар адамдарға көмек2022 жылдың соңында МСҚО-да Ten Qogam мүгедектерді әлеуметтік бейімдеу орталығы ашылды. Орталық әлеуметтік қамсыздандыру, жұмысқа орналастыру мәселелері бойынша көмек көрсетеді, сондай-ақ оңалтудың техникалық құралдарын бейімдеу мен іріктеуге жәрдемдеседі.Мүгедектігі бар адамдар үшін заңгерлер мен психологтардың тегін кеңестері, сондай-ақ компьютерлік сауаттылық, қазақ және ағылшын тілдері бойынша курстар қолжетімді.– 2024 жылы біз мүгедектігі бар адамдарға 5 мыңнан астам қызмет көрсеттік. Көбінесе бізден мүгедектікті растау, жәрдемақы алу және жұмысқа орналасу бойынша көмек сұрайды. Мемлекеттік порталдармен жұмыс істеу бойынша көптеген сұрақтар бар, – дейді Ten Qogam басшысы Нияз Сүндеталиев. – Біз үшін жұмысқа орналасу мәселесі басты назарда. Өйткені, мүгедектігі бар адам үшін жұмыс экономикалық тұрғыдан тәуелсіз болу мүмкіндігі болып табылады. Орталықтың статистикасы бойынша, осы жылы мүгедектігі бар 70 адамға жұмыс орнын табуға мүмкіндік туды.Отбасы – басты назарда2023 жылы МСҚО-да Қарағанды облысы полиция департаментінің жанынан республикадағы алғашқы отбасыларға көмек көрсету бірыңғай орталығы ашылды. Ол қиын жағдайға тап болған отбасыларға кешенді көмек көрсетеді. Мұнда полициядан, заңгерлерден, психологтардан, сот орындаушыларынан, теологтардан және еріктілерден қолдау алуға болады. Сондай-ақ, медиатор, қаржылық кеңес беру мамандары және дағдарыс орталықтарының өкілдері жұмыс істейді.– Біздің орталықтың мақсаты – отбасылық-тұрмыстық қатынастар саласындағы құқық бұзушылықтардың санын азайту. Биыл біз 1200-ден астам азаматты қабылдадық. Оларға түрлі көмек көрсетілді. Биыл бізде жұмыс істейтін жеке сот орындаушысы алимент алушы балалардың пайдасына 40 млн теңгеден астам қаражат өндіріп алды. 28 отбасы қайта қауышты, 21 адам психокоррекциялық жұмыстан өтті, 15 медиативтік келісім жасалды. Дағдарыс орталығына 47 адамды орналастырдық, оның ішінде 37 бала, – деді отбасына көмек көрсету бірыңғай орталығының басшысы Гүлбану Сәтпаева-Алпысбаева.Отбасыларға қатысты барлық мәселелер жедел шешіледі. Бұған көптеген ұйымдар мен қызметтерді бір жерге орналастыру ықпал етеді.МСҚО мекен-жайы: Тәттімбет көшесі, 709 ғимарат.Ақпарат көзі : https://www.gov.kz/memleket/entities/karaganda/press/news/details/909246

Қарқаралыда балаларға арналған "Толағай" мемлекеттік шағын орталығы ашылды. Ол Ә. Ермеков атындағы № 2 мектепте орналасқан.Орталық 45 орынға есептелген. Онда екі және үш жастағы балаларға арналған екі топ жұмыс істейді.– Біздің орталық таңғы сегізден кешкі жетіге дейін жұмыс істейді. Бұл жұмыс істейтін ата-аналарға ыңғайлы. Оқыту тілі – қазақ тілі. Қызметкерлер штаты тез жиналды. Тоғыз адам жұмыс істейді. Тәрбиешілер білікті – санаттары және тәжірибесі бар. Ата-аналар балаларды дамыту мүмкіндігінің пайда болғанына өте қуанышты, – дейді орталықтың әдіскері Мерей Абзал.Сондай-ақ, биыл Қарқаралыда 50 орындық жеке балабақша ашылды. Осылайша, билік аймақтағы мектепке дейінгі мекемелердің тапшылығын шешуге тырысуда.Бүгінгі таңда қалада балабақшаға кезекте 300 сәби тұр.Ақпарат көзі : https://www.gov.kz/memleket/entities/karaganda/press/news/details/908257