Аудан өміріндегі айтулы оқиғалардың бірі – Жаңарық ауылында 300 орындық мектептің ашылуы болды. Нысан «Жайлы мектеп» ұлттық жобасы аясында пайдалануға берілді.
Салтанатты шараға сенаторлар Наурызбай Байқадамов, Руслан Рүстемов және Мәжіліс депутаттары Мархабат Жайымбетов, Мұрат Ергешбаев, Мұрат Әбенов, сондай-ақ Білім министрі Ғани Бейсембаев, облысқа жұмыс сапарымен келген.
Аймақ басшысы Нұрлыбек Нәлібаев, ауыл тұрғындарын жаңа нысанмен құттықтады.
– Елбасының бастамасымен қолға алынған «Жайлы мектеп» ұлттық жобасы аясында әрбір оқушының білім алуына және жан-жақты дамуына қолайлы жағдай жасалуда, – деді. облыс әкімі. – Бүгінде облыс тұрғындары Мемлекет басшысы мен Үкіметтің қолдауымен жүзеге асырылып жатқан жобалардың жемісін толықтай сезінді. 2024 жылы білім беруді қаржыландыру көлемі 264 миллиард теңгеге жетіп, өткен жылмен салыстырғанда 9,3 пайызға өсті. Облыста алты мектеп пен бес мектептің қосымшасы салынды. Биыл Қызылордада Шығармашылық академиясы, музыкалық колледждің жаңа ғимараты, физика-математика интернаты пайдалануға берілмек. Аудандарда да жаңа нысандар пайда болады. Өткен жылы облыстағы сегіз мектеп толықтай жөндеуден өтті. Мемлекет басшысының тапсырмасы бойынша алдағы үш жылда 51 мектепті күрделі жөндеуден өткізу жоспарлануда.
Ғ.Бейсембаев пен М.Әбенов жаңақорғандықтарды жаңа нысанның ашылуымен құттықтады.
Еңбек ардагерлері мен мердігер құрылыс компаниясының өкілдері облыс әкімінің Алғыс хатымен марапатталды.

Ақпарат көзі : https://www.gov.kz/memleket/entities/kyzylorda/press/news/details/914902