ҚР Қаржы министрі Мәди Такиевтің қатысуымен ведомствода 25 қазан – Республика күніне орай салтанатты іс-шара өткізіліп, еліміздің дамуына атсалысқан бірқатар қызметкерге мемлекеттік марапаттар тапсырылды.

Жиында сөз алған Мәди Төкешұлы бұл күннің мән-маңыздылығына айрықша тоқталды. Министр айтқандай, аталған мереке отандастарымыздың ауызбірлігін арттырып, елдігімізді ұлықтаудағы сипаты бөлек.

Бұдан кейін ведомство басшысы мемлекеттік қаржы жүйесін өркендетуге табжылмай еңбек етіп, үлес қосқан бірқатар азаматқа мемлекеттік марапат пен министрліктің атынан құттықтау хаттарын табыстады.

Салтанатты жиын мерекелік концертке ұласып, еліміздің дарынды өнерпаздары көпшіліктің алдында патриоттық әндерді шырқады.
ҚР Қаржы министрлігінің баспасөз қызметі

Ақпарат көзі : https://www.gov.kz/memleket/entities/minfin/press/news/details/871704