Қарсы жолаққа шығу жол-көлік оқиғасын тудыруы мүмкін елеулі бұзушылықтардың бірі болып табылады. Жаңа ережелерге сәйкес, мұндай қасақана бұзушылық үшін жүргізуші 6 айға көлік құралын жүргізу құқығынан айырылады.

Бірақ тіпті құқығынан айыру кейбір жүргізушілерді тоқтатпайды, олар қарсы жолаққа шығып, қатты жолақты немесе мұндай маневр жасауға тыйым салатын белгіні байқамай, басып озады, осылайша өздеріне ғана емес, жол қозғалысының басқа қатысушыларына да қауіп төндіреді.

- 2025 жылдың басынан бастап 53 жүргізуші жауапкершілікке тартылып, 6 ай мерзімге жүргізуші куәлігінен айырылды. Мәселен, облыс орталығында Толстой көшесінің бойында жүргізуші "Lexus" маркалы автокөлікті жүргізіп келе жатып, қарсы қозғалысқа арналған жолдың жағына шықты. Енді жүргізушінің өз іс - әрекетін ойлауға көбірек уақыты болады, өйткені ер адам 6 айға жүргізуші куәлігінен айырылады,- деді Павлодар облысы ПД.

Полицейлер тұрғындардың назарын жол ережелерін қатаң сақтауға аударады. Балалар, оқу орындары, жаяу жүргіншілер өткелдері мен қоғамдық көлік аялдамаларының жанында барынша мұқият болу қажет.

"Заң және тәртіп" қағидатын басшылыққа ала отырып, полицейлер жол жүру ережелерін бұзудың барлығы жол қозғалысының басқа қатысушылары үшін қауіпсіз емес екенін және жалпы қаладағы жол жағдайын қиындататынын еске салады.

Ақпарат көзі : https://www.gov.kz/memleket/entities/mvd-pavlodar/press/news/details/971939?lang=kk