«Таза Қазақстан» бағдарламасы және «Алматы — біздің ортақ үйіміз» атты науқаны аясында Алмалы ауданында кең ауқымды тазалау және абаттандыру шарасы өтті.
Ауданның барлық бөліктерінде жергілікті сенбіліктер ұйымдастырылды: алмалықтар саябақтарды, даңғылдарды және ғимараттардың маңайындағы аумақтарды ретке келтірді.
Әсіресе Гагарин даңғылына ерекше көңіл бөлінді. Мұнда тазалау жұмыстарына коммуналдық қызметтер, Алмалы ауданы әкімі аппаратының қызметкерлері, сондай-ақ Алмалы комьюнити орталығының жастары қатысты — барлығы 120-дан астам адам.
Экоакцияға келесі медицина мекемелерінің қызметкерлері қатысты:
ШЖҚ «Қалалық кардиология орталығы» МКК, ШЖҚ «Алмалы ауданының Қалалық алғашқы медициналық-санитарлық көмек көрсету орталығы» МКК, №1 Перзентхана,
№30 қалалық емхана және басқа да мекемелер.
Бизнес өкілдері мен кәсіпкерлер де белсенді түрде қатысып, жалпы саны 1500-ге жуық адамды құрады.
Атқарылған жұмыстар:
🌳 Мәселе тудырған аймақтарда ағаштарды санитарлық қырқу және кесу жүргізілді.
🧹 Жаяу жүргінші жолдары мен қоғамдық кеңістіктер тазартылды.
🌿 Жасыл аймақтар ретке келтірілді.
🚚 80 м³-ден астам қоқыс шығарылды.
🛣 Белгілі бір учаскелерде жол жабындысына ағымдағы жөндеу жүргізілді.
Аудандық экоакцияға жалпы 1700-ден астам адам қатысып, 20-дан астам техника бірлігі жұмылдырылды. Аудан тұрғындары да шарадан шет қалмай, белсенді қатысып қолдау көрсетті.
Осы маңызды шараға қатысқан барлық азаматтарға алғысымызды білдіреміз!
Ауданымызды одан әрі таза әрі көрікті етейік!

Ақпарат көзі : https://www.gov.kz/memleket/entities/almaty-almaly/press/news/details/1014989?lang=kk