2025 жылғы 13 мамырда Александр Макаренконың төрағалығымен әлеуметтік-экономикалық даму, бюджет, қала және тұрғын үй-коммуналдық шаруашылық мәселелері жөніндегі тұрақты комиссияның жоспарлы отырысы өтті.

Комиссия жұмысына Рудный қалалық мәслихатының төрағасы А.К. Искаков және мәслихат депутаттары, Рудный қаласы әкімінің орынбасары Т.С. Сақтағанов, Қашар кентінің әкімі М.Қ. Раймбекова, Горняцк кентінің әкімі З.А. Абилов, Қостанай облысы бойынша Тексеру комиссиясының мүшесі Р.С. Байғабылов, Рудный қаласы бойынша мемлекеттік кірістер басқармасының басшысы Б.М. Шуинов, «Рудненские Тепловые сети» ЖШС директоры О.Ю. Абылкаиров, «Рудненский водоканал» ЖШС директоры Ғ.А. Жұбикенов, мемлекеттік мекемелердің басшылары қатысты.

Рудный қаласының 2024 жылғы қалалық бюджетінің атқарылуы туралы; Қашар кентінің 2024 жылғы бюджетінің атқарылуы туралы; Горняцк кентінің 2024 жылғы бюджетінің атқарылуы туралы жоспарлы мәселелер, жоспардан тыс мәселелер қатарында  мемлекеттік атаулы әлеуметтік көмек көрсету жөніндегі және мұқтаж азаматтардың жекелеген санаттарына әлеуметтік көмек көрсету жөніндегі комиссиялардың, сондай -ақ  «Мерейлі отбасы» ұлттық конкурсының қалалық турының жеңімпаздарын анықтау жөніндегі ведомствоаралық комиссияның жеке құрамдарына енгізілетін өзгерістер қаралды.

Қала бюджеті 2024 жыл ішінде 6 рет нақтыланды. Бір жыл ішінде бюджетке түсетін түсімдер шамамен 41 миллиард теңгені құрады. 2024 жылғы қалалық бюджет шығындары жоспарға шамамен 51 миллиард немесе 99,3% құрады. Қалалық бюджет шығындарының негізгі үлесі тұрғын үй-коммуналдық шаруашылық, абаттандыру және әлеуметтік салаға тиесілі.

Рудный қаласы бюджетінің барлық шығындарының 63,6%-ы облыстық бюджетке бюджеттік алып қоюларды құрады. 2023 жылмен салыстырғанда облыстық бюджетке аударылған бюджеттік алып қою 2 миллиард теңгеден астамға ұлғайды.

Бюджеттің атқарылуы туралы есепті талдау және Тексеру комиссиясы жүргізген аудиторлық іс-шаралар қорытынды жасауға мүмкіндік берді – қаланың әлеуметтік-экономикалық даму көрсеткіштері оң серпінге ие. 2023 жылмен салыстырғанда өз кірістерінің өсуі 5,4% немесе 1 миллард теңгеден асты. Шығыстар бойынша бюджет 99,5%-ға орындалды. Шығыстар көлемі 2023 жылмен салыстырғанда 32%-ға өсті. Шығыстардың негізгі үлесі (79%) ағымдағы шығыстарды, даму бюджетін және экономиканың дамуына әсер ететін өзге де шығыстарды алады. 2023 жылмен салыстырғанда экономиканы дамытуға арналған шығыстардың 47%-ға өсуі байқалады. Игерілмеу үлесі бар, бірақ бұл мердігерлік ұйымдардың міндеттемелерін орындамауына байланысты. Бағалау нәтижелері бойынша жергілікті атқарушы органдар үшін тиісті ұсынымдар әзірленді.

Қашар кентінің бюджеті кірістер бойынша 112,2%-ға орындалды. Қашар кентінің кірістер құрылымына сәйкес шамамен 399 миллион теңге түсті, оның 76%-ы трансферттер, ал 20,7% салықтық және салықтық емес түсімдер құрайды. Осылайша, кент бюджеті жоғары тұрған бюджетке байланысты. Шығындар бойынша бюджет 100%-ға орындалды, ал игерілмеу өнім берушілердің шарттар бойынша міндеттемелерді тиісінше орындамауынан туындады.

Өз кезегінде, Горняцк кентінің бюджеті кірістер бойынша 102,8%-ға орындалды. Салық түсімдері бойынша жоспарланған 5 кіріс көзінен жоспар 3 кіріс көзі бойынша орындалды. Кент кірістерінің негізгі бөлігін трансферттер түсімдері құрайды – 87,6%, салық төлемдерінің түсімдері – 12,1% құрады. Бюджет шығындары 100%-ға орындалды.

Қарастырылған жоспардан тыс мәселелер кадрлық өзгерістерге байланысты ведомствоаралық комиссиялардың жеке құрамдарына енгізілетін өзгерістерге қатысты болды.

Отырыс қорытындысы бойынша комиссия мәслихаттың кезекті оныншы сессиясының күн тәртібіне барлық қаралған мәселелерді енгізуге қаулы етті.

Ақпарат көзі : https://www.gov.kz/memleket/entities/maslihat-rudnyy/press/news/details/994827?lang=kk