Қазіргі заманғы құрылыс пен өндірістің тынысы – дәнекерлеу ісімен тығыз байланысты. Металл мен болатты балқытып, бүтін бір ғимараттар мен жүйелерді біріктіретін дәнекерлеушінің еңбегі – көзге көрінбесе де, қоғам үшін аса маңызды.

Газ құбырынан бастап көпірге дейін, ауыр техникадан бастап күнделікті қолданыстағы құрал-жабдыққа дейін дәнекерлеу жұмыстарының ізі жатыр. Бұл кәсіп – дәлдік пен шеберлікті, жауапкершілік пен қауіпсіздікті қатар талап ететін нағыз ер азаматтың ісі.

Дәнекерлеуші мамандығы – кәсіби тұрақтылықтың кепілі. Қай кезеңде де бұл мамандық иелеріне сұраныс жоғары. Құрылыс, өнеркәсіп, инфрақұрылым секторы қарқын алған сайын, дәнекерлеушіге деген қажеттілік те арта түсуде.

Бұл саланың бір артықшылығы – қолыңда кәсіп болса, қай жерде жүрсең де еңбек ете аласың. Жұмыссыз қалу қаупі төмен, ал табысы – тұрақты. Бүгінде дәнекерлеу ісін меңгерген жастар қалада да, ауылда да сұранысқа ие.

Бұл – ерінбегенге, үйренем дегенге ашық сала. Бүгінгі таңда нәзікжанды арулар да бұл мамандыққа бет бұрып, еңбек адамы атанып келеді. Өйткені еңбек – жыныс талғамайды, талапты ұнатады.

Дәнекерлеуші – қолымен еңбек етіп, қоғамға нақты үлес қосатын абыройлы маман.
Бұл – нағыз кәсіптің иесі атанғысы келетіндер үшін сенімді таңдау.