Құрметті салық төлеушілер! Құрметті әріптестер!

Сіздерді барлығымыз үшін маңызды мереке–

Қазақстан Республикасы күнімен құттықтаймын!

Республика күні – басты ұлттық мереке, бостандық пен бірліктің символы. Тек бірлік, Заңға құрмет, халықтар арасындағы достық арқылы ғана Қазақстанның өркендеуінің негізі болып табылатын бейбітшілік пен тұрақтылықты сақтауға болады.

Бұл мереке біздің ортақ жауапкершілігімізді және Қазақстанның әл-ауқатына деген ұмтылысымызды білдіреді. Салық қызметінің үйлесімді жұмысының және салық төлеушілердің адал қарым-қатынасының арқасында біз экономиканың тұрақты дамуы мен әрбір азаматтың өмір сүру сапасын арттыру үшін берік негіз жасаймыз.

Құрметті салық төлеушілер, сіздердің түсіністіктеріңіз бен ынтымақтастықтарыңыз үшін ризашылығымды білдіремін. Біз бірге бизнес пен қоғамның дамуына ықпал ететін ашық және тиімді салық жүйесін құрудамыз.

Әріптестерге, кәсіпқойлық, жауапкершілік және адалдық үшін алғыс айтамын. Сіздердің еңбектеріңіз – республикамыздың тұрақтылығы мен өркендеуінің кепілі.

Осы мереке күні сіздерге және сіздердің отбасыларыңызға денсаулық, әл-ауқат, сәттілік және жаңа жетістіктер тілеймін!

Павлодар облысы бойынша мемлекеттік кірістер

Департаментінің басшысы, Ержан Тоқтарханов

Ақпарат көзі : https://www.gov.kz/memleket/entities/kgd-pavlodar/press/news/details/1092998?lang=kk