Мемлекет басшысы Қасым-Жомарт Тоқаев жасанды интеллектті дамытуды елдің стратегиялық басымдығы ретінде айқындады. Алайда зияткерлік жүйелердің тиімді жұмыс істеуі үшін деректерді жылдам әрі тұрақты жеткізу қажет. Жаңадан құрылатын инфрақұрылым - қаланың «жүйке жүйесі» іспетті, ол коммуналдық және энергетикалық желілерді тиімді басқаруға мүмкіндік береді.
Жобаның басты ерекшелігі - барлық қатысушылар арасындағы нақты үйлестіру. Цифрландыру басқармасы әдіснамалық бағыт беріп, қаланың деректерге негізделген дамуын қамтамасыз етеді. Әкімдік инженерлік желілерге қолжетімділік ұсынады, «Көкшетау Энерго» тірек инфрақұрылымын береді, ал байланыс операторлары жобаның техникалық іске асырылуын жүзеге асырады.
Жобаның негізгі нәтижесі - «ақ дақтарды», яғни сапалы интернетке қолжетімділігі шектеулі аймақтарды толық жою. GPON технологиясына көшу тұрғындарға жоғары жылдамдық пен тұрақты байланыс ұсынып, жұмыс істеу мен цифрлық ортада білім алу үшін қолайлы жағдай жасайды.

Ақпарат көзі : https://www.gov.kz/memleket/entities/aqmola-digital/press/news/details/1215207?lang=kk