Алжир, 2026 жылғы 5 тамыз - Қазақстан Республикасының Алжирдегі Елшісі Әнуарбек Ахметов Блида вилайясының губернаторы Джамель Эддин Хашаспен кездесу өткізді. Кездесу барысында тараптар Қазақстан-Алжир ынтымақтастығын сауда-экономикалық және өңірлік салаларда одан әрі кеңейту перспективаларын талқылады.

Кездесу барысында қазақ дипломат Мемлекет басшысы Қасым-Жомарт Тоқаевтың басшылығымен елімізде жүзеге асырылып жатқан саяси және әлеуметтік-экономикалық реформалары, жаңа Конституцияның күшіне енуі туралы, сондай-ақ алдағы Құрылтай сайлауына дайындық барысы жөнінде ақпарат берді. Қазақстан өңірлері мен Блида вилайясы арасындағы өзара іс-қимылды кеңейту мүмкіндіктеріне ерекше назар аударылды.

Губернатор Қазақстанда жүзеге асырылып жатқан реформалардың нәтижелеріне жоғары баға беріп, екі елдің іскер топтары мен өнеркәсіптік кәсіпорындары арасында тікелей байланыстар орнатуға көмектесуге дайын екенін білдірді.

Кездесу қорытындысы бойынша тараптар өзара тиімді жобаларды өңірлік деңгейде іске асыру мақсатында қарым-қатынастарды одан әрі нығайтуға өзара мүдделі екендерін растады және тұрақты диалогты жалғастыруға уағдаласты.

Блида вилайясы Алжирдің экономикалық тұрғыдан неғұрлым дамыған өңірлерінің бірі болып табылады. Ол елдің орталық бөлігінде, астананың оңтүстігіне қарай шамамен 50 км қашықтықта орналасқан. Блида вилайясының халқы 1,2 млн. адамнан асады. Өнеркәсіптік аймақтардың болуы және астанаға жақын орналасуы вилайяны инвестициялар тарту және жаңа өндірістік нысандарды орналастыру үшін тартымды өңірлердің біріне айналдырады.

Ақпарат көзі : https://www.gov.kz/memleket/entities/mfa-algeria/press/news/details/1269545?lang=ru