Алматы облысының әкімі Марат Сұлтанғазиевтің қолдауымен Кеген ауданын үш жыл абыроймен басқарған Нұрбақыт Молдахметұлы енді елдік деңгейдегі үлкен жауапкершілікке қадам басып, Құрылтай депутаты атанды. Үш жыл ел сенімін ақтайтын, нақты істің нәтижесін көрсететін кезең. Осы уақыт ішінде ауданның әлеуетін арттыруға, елді мекендердің еңсесін көтеруге, халықтың мұң-мұқтажын тыңдап, түйінді мәселелердің шешімін табуға бар күшін салды. Оның еңбегіне Кеген жұрты куә, бағасын ел беруде. Кегеннің қоңыр төрінен қанат қаққан азамат енді күллі Қазақстанның игілігі жолында қызмет етпек. Елге жақын әкім — елдік мәселеге араласар депутат болуға тілекші. Нұрбақыт Молдахметұлына жаңа қызметінде абырой, толағай табыс, ел сенімін еселейтін биік белестер тілейміз! Кегеннің ақ тілегі Сізбен бірге! Жолыңыз болсын, ел ағасы!

Ақпарат көзі : https://www.gov.kz/memleket/entities/kegen-kegen/press/news/details/1281269?lang=ru