Аукционды ұйымдастырушы — Қазақстан Республикасының Ыстанбұл қаласындағы Бас консулдығы, заңды мекенжайы: Şenlikköy, Yeşilyurt Cad., Bakırköy/İstanbul — автокөлікті сату бойынша ашық аукцион өткізілетіні туралы хабарлайды.

Аукцион өткізу әдісі: бағаны көтеру арқылы.

Аукцион 2026 жылғы 1 қазанда сағат 11:00-де мына мекенжайда өтеді: Şenlikköy, Yeşilyurt Cad., Bakırköy/İstanbul.

Сату объектісі туралы мәлімет:

Лот:
Жеңіл автомобиль

Маркасы: Mercedes-Benz E-Class
Түсі: Қара
Шығарылған жылы: 2016
Жүрісі: 203 053,00 км
Қозғалтқыш көлемі: 1 991 см³, бензин
Жалпы жағдайы: техникалық ақаулы, жөндеуді қажет етеді
Бастапқы бағасы: 1 000,00 АҚШ доллары (бір мың АҚШ доллары)
Бастапқы бағаның 15%-ы мөлшеріндегі кепілдік жарна: 150,00 АҚШ доллары (жүз елу АҚШ доллары)
Аукциондағы бағаны көтеру қадамы — 5%: 50,00 АҚШ доллары (елу АҚШ доллары)

Аукционға қатысу шарттары және өтінімдерді беру тәртібі:

Аукционға белгіленген мерзімде өтінім берген және кепілдік жарнасын төлеген жеке және заңды тұлғалар қатыса алады.

Өтінімдерді қабылдау және қатысушыларды тіркеу жазбаша түрде мына мекенжайда жүзеге асырылады: Şenlikköy, Yeşilyurt Cad., Bakırköy/İstanbul.

Өтінімдерді қабылдау мерзімі: 2026 жылғы 28 қыркүйек сағат 18:00-ге дейін.

Аукцион жеңімпазы ең жоғары бағаны ұсынған қатысушы болып танылады.

Жеңімпаздың төлеген кепілдік жарнасы автомобильдің сатып алу құнына есептеледі. Қалған қатысушылардың кепілдік жарналары 15 жұмыс күні ішінде қайтарылады.

Аукционға қатысу үшін ұйымдастырушының жоғарыда көрсетілген мекенжайына мына құжаттарды ұсыну қажет:

• Белгіленген нысан бойынша өтінім.
• Жеке тұлғалар үшін — жеке басын куәландыратын құжаттың көшірмесі.
• Заңды тұлғалар үшін — заңды тұлға өкілінің жеке басын куәландыратын құжаттың көшірмесі және заңды тұлғаның Түркия Республикасының заңнамасына сәйкес мемлекеттік тіркеуден өткенін растайтын құжат.
• Кепілдік жарнасының төленгенін растайтын төлем құжатының көшірмесі.

Аукционға қатысушылар кепілдік жарнасын төлеп, өтінім бермес бұрын осы хабарландырумен, шарт жобасымен мұқият танысуға және автомобильдің техникалық жағдайын тексеруге міндетті.

Қатысушылар автомобильді жақсартуды, өзгерістер енгізуді немесе жөндеуді, сондай-ақ қандай да бір салықтар мен алымдардан немесе автомобильді қайта тіркеуге, меншік құқығын қайта рәсімдеуге байланысты өзге де шығындардан босатуды талап ете алмайды.

Аукцион жеңімпазы шарт талаптарын белгіленген мерзімде орындамаған жағдайда, ол автомобильді сатып алу құқығынан бас тартқан болып есептеледі және кепілдік жарнасын қоса алғанда, енгізілген барлық төлемдер қайтарылмайды.

Кепілдік жарнасын аудару кезінде алынатын банктік комиссиялар аукционға қатысушыларға қайтарылмайды.

Аукцион барысында сөз байласуға (bid rigging) және заңсыз араласудың кез келген басқа нысандарына қатаң тыйым салынады.

Кепілдік жарнасын аударуға арналған банк деректемелері:

Алушы: Қазақстан Республикасының Ыстанбұл қаласындағы Бас консулдығы
Мекенжайы: Şenlikköy, Yeşilyurt Cad., Bakırköy/İstanbul

Шот нөмірі: TR 5600 0100 2057 8185 2949 5004

Алушы банкі: ZİRAAT BANKASI

Төлем мақсаты: Лот бойынша аукционға қатысу үшін кепілдік жарнасы.

Сатып алушының міндеттері және автомобильді алу тәртібі:

Ең жоғары бағаны ұсынған сатып алушы аукцион аяқталғаннан кейін дереу аукцион қорытындылары туралы хаттамаға қол қоюға міндетті.

Сатып алушы бұрын төленген кепілдік жарнасын шегергендегі автомобильдің толық құнын сатып алу-сату шартына қол қойылған күннен бастап 10 жұмыс күні ішінде аударуға міндетті.

Меншік құқығын қайта рәсімдеуге, салықтарды, әкімшілік алымдарды, кедендік баждарды және автомобильді сатып алуға байланысты өзге де төлемдерді төлеуге қатысты барлық шығындарды толық көлемде сатып алушы көтереді.

Мүлікпен танысу және байланыс ақпараты:

Автомобильдің техникалық жағдайымен, құжаттар топтамасымен танысуға және өтінім бланкісін алуға мына мекенжай бойынша жұмыс күндері 09:00-ден 17:00-ге дейін болады:

Şenlikköy, Yeşilyurt Cad., Bakırköy/İstanbul

Анықтама телефондары: +90 (212) 662 53 47, +90 (506) 398 45 18

Электрондық пошта: kazidare.ist@gmail.com

Ақпарат көзі : https://www.gov.kz/memleket/entities/mfa-istanbul/press/news/details/1292364?lang=ru