Шығыс Қазақстан облысында Қазақстан Республикасындағы Польша Республикасының Уақытша сенімді өкілі Михал Лабендамен кездесу өтті. Ол өңірге өнеркәсіптік және инвестициялық ынтымақтастық мәселелерін талқылау мақсатында келді.

Кездесу барысында Шығыс Қазақстан облысының экономикалық және инвестициялық әлеуеті, өнеркәсіпті дамытудың негізгі бағыттары, сирек металдарды өндіру, атом энергетикасы саласындағы перспективалар, сондай-ақ бірлескен жобаларды іске асыру мүмкіндіктері таныстырылды.

Келіссөздер барысында туризм саласындағы ынтымақтастықты дамытуға және Шығыс Қазақстан облысының туристік жобаларына поляк инвестицияларын тартуға ерекше назар аударылды.

Кездесу қорытындысы бойынша тараптар өзара іс-қимылды жалғастыру және өнеркәсіп, инвестициялар және туризм салаларындағы ынтымақтастықтың нақты бағыттарын одан әрі пысықтау туралы уағдаласты.

Сапар аясында мемлекеттік органдардың, ғылыми және сараптамалық ұйымдардың, сондай-ақ поляк бизнесінің өкілдерінен құралған Польша делегациясы өңірдің ірі өнеркәсіптік кәсіпорындарына барады. Кездесулер барысында өнеркәсіп, геология, стратегиялық маңызды шикізат ресурстарын өндіру және өңдеу салаларындағы ынтымақтастықтың перспективалы бағыттары қарастырылады.

Ақпарат көзі : https://www.gov.kz/memleket/entities/tourism-vko/press/news/details/1295762?lang=ru