Қазіргі таңда білім беру жүйесін жетілдіру, педагогтердің кәсіби әлеуетін арттыру, инклюзивті ортаны дамыту және еңбек нарығының сұранысына сай білікті мамандар даярлау – маңызды міндеттердің бірі.

Мемлекет басшысы Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Жолдауында мұғалімдердің жұмысын жеңілдетіп, қызметіндегі артық жүктемені азайту қажеттігі атап өтілді. Бұл педагогтерге қолайлы жағдай жасап, білім сапасын арттыруға бағытталған маңызды қадам.

Мұғалімдерді қолдау – сапалы білімнің негізі. Педагогтердің кәсіби дамуына жағдай жасау, қағазбастылықты азайту және заманауи оқыту әдістерін енгізу – білім беру сапасын арттырудың басты шарттары.

Инклюзивті білім беру – тең мүмкіндік кепілі. Әрбір баланың сапалы білім алуына жағдай жасау, ерекше білім беру қажеттіліктері бар балаларға қолайлы орта қалыптастыру және арнайы педагогтердің кәсіби қолдауын күшейту маңызды.

Білікті мамандар даярлау – ел болашағына инвестиция. Білім беру бағдарламаларын жаңарту, теория мен тәжірибені ұштастыру, заманауи технологияларды меңгерту және жұмыс берушілермен байланысты нығайту еңбек нарығына қажетті мамандар даярлауға мүмкіндік береді.

Аталған бағыттар білім беру жүйесінің сапасын арттырып, адами капиталды дамытуға негіз болады.

Басты мақсат – мұғалімнің еңбегін бағалау, әр балаға сапалы білім алуға мүмкіндік беру және бәсекеге қабілетті, білікті мамандар даярлау.