Алматы, 11 қараша 2026 жыл — Canon фотографтар мен контент жасаушыларға арналған екі жаңа аксессуарды таныстырды. Canon DM-E10D цифрлық микрофоны видеоға дыбысты сапалы жазуға көмектеседі әрі кабельсіз қосылады. Ал таймері бар Canon TC-N3 қашықтан басқару пультін пайдалану ыңғайлы бола түсті. Оның экраны анық көрінеді. Сонымен қатар кадрларды белгілі бір аралықпен және ұзақ экспозициямен түсіруге арналған жаңа мүмкіндіктер қосылды. TC-E3 нұсқасының шығуымен пульт үйлесетін камералар қатары кеңейді.
Пульттің екі нұсқасын да штативке бекітуге болады. Әрқайсысы екі AAA батареясымен жұмыс істейді. N3 және E3 қосқыштары бар нұсқалар Canon камераларының көбірек үлгісімен пайдалануға мүмкіндік береді.
Екі аксессуар фото және видео түсіру кезінде әртүрлі міндет атқарады. Canon қолдануға ыңғайлы жабдықтар жасауды жалғастырып келеді. Жаңа құрылғылар видеода дыбысты сапалы жазуға және фототүсірілімді дәлірек басқаруға көмектеседі.
Артық сымсыз сапалы дыбыс
Canon DM-E10D микрофоны ең алдымен камера алдында сөйлеп видео түсіретіндерге арналған. Шағын әрі жеңіл болғандықтан, ол видеоблогқа, тікелей эфирге және студиядан тыс түсірілімге қолайлы. Микрофон дауысты анық жазып, айналадағы шудың әсерін азайтуға көмектеседі.
CanonDM-E10Dсуперкардиоидты бағытталу диаграммасы бар микрофонмен жабдықталған. Ол негізінен камера алдындағы дыбысты қабылдайды. Соның арқасында автордың дауысы анық естіледі. Дыбыс Canonкамерасының көпфункциялы бекіткіші (Multi-functionShoe) арқылы цифрлық форматта беріледі. Кабель қажет емес. Үйлесімді камера микрофонға қуат беріп, оны басқаруға мүмкіндік жасайды. Сондықтан бөлек батарея, таратқыш немесе қабылдағыш керек болмайды. Бұл түсірілімге дайындалуды жеңілдетеді.
Микрофонның салмағы шамамен 59 г, ұзындығы небәрі 53,7 мм. Бұл Canon компаниясының камераның «ыстық башмагына» бекітілетін ең шағын микрофоны. Ол түсірілім жиынтығының көлемін айтарлықтай арттырмайды. Арнайы MENU түймесі арқылы камерадағы дыбыс жазу баптауларын жылдам ашып, түсірілім кезінде өзгертуге болады.
Фототүсірілімді дәл басқаруға арналған мүмкіндіктер
Canon TC-N3 пульті кадрларды белгілі бір аралықпен түсіруге, ұзақ экспозицияны басқаруға және уақытты дәл белгілеу қажет басқа да түсірілімдерге арналған. Ол TC-80N3 моделін алмастырды. Жаңа пульттің интерфейсі ыңғайлырақ. Ұзаққа созылатын және бірнеше кадрдан тұратын күрделі түсірілімдерді баптау мүмкіндігі де кеңейді.
Пультте қызғылт сары түспен жарықтандырылатын үлкен сұйықкристалды экран бар. Ондағы баптаулар жарық аз жерде де анық көрінеді. Басқаруды жеңілдету үшін түймелер мен айқыш тәрізді ауыстырғыш жаңартылды. Құрылғыны қосуға, автоматты түсіруге және уақытты баптауға арналған жеке түймелер пайда болды. Пультті оң қолмен де, сол қолмен де ұстауға ыңғайлы.
Жаңа функция арқылы түсірілімнің басталатын және аяқталатын уақытын алдын ала белгілеуге болады. Кадрлар арасындағы аралық пен ұзақ экспозицияның ұзақтығын да орнатуға болады. Осылайша фотограф түсірілім барысын дәлірек басқарады. Canon TC-N3 жұлдызды аспанды түсіруге, кадрларды белгілі бір аралықпен түсіруге және камера ұзақ уақыт бойы фотографтың тұрақты қатысуынсыз жұмыс істеуі тиіс жағдайларға қолайлы.
Canonфото және видео түсіруге арналған аксессуарлар қатарын кеңейтуді жалғастырып келеді. Жаңа құрылғылар камерамен жұмыс істеуді жеңілдетіп, фотографтар мен контент жасаушыларға қалаған нәтижеге жетуге көмектеседі.
Сатылымның басталуы
Canon DM-E10D микрофоны мен таймері бар Canon TC-N3/TC-E3 қашықтан басқару пульті 2026 жылғы желтоқсанда сатылымға шығады. Толығырақ canon-europe.com сайтында.