Мемлекет басшысының тапсырмасы бойынша табиғи өрттердің алдын алу жүйесін жаңғырту және орман саласының материалдық-техникалық базасын нығайту бағытында ауқымды жұмыс жүргізілуде.Қостанай облысының әкімі Құмар Ақсақалов өңірдің орман мекемелеріне 79 бірлік арнайы өртке қарсы техниканы табыстады. Орман шаруашылықтарының қарамағына 36 орман-өрт кешені, 17 трактор және 26 жеңіл патрульдік автокөлік берілді. Бұл техника өрт ошақтарына жедел әрекет етуге мүмкіндік беріп, өрт қауіпті кезеңде алдын алу жұмыстарын күшейтуге септігін тигізеді.«Соңғы үш жылда орман мекемелерін жарақтандыруға 8 млрд теңге бағытталды. Осы кезеңде 26 өрт сөндіру көлігі, 86 трактор, 39 орман өртін сөндіру кешені және 78 автокөлік сатып алынды.Биыл қосымша 25 өрт сөндіру көлігі мен 9 трактор жеткізу жоспарланып отыр. Бұл саланың материалдық-техникалық базасын одан әрі нығайта түседі», – деп атап өтті Қостанай облысының әкімі.Техниканы жаңартумен қатар, өңірде кадрлық әлеуетті күшейту жұмыстары да жүргізілуде. Орман күзеті қызметкерлерінің штаты бір жарым есеге артты, ал жалақысы 100 пайызға ұлғайтылды. Бұл орман қорғау жүйесінің тұрақтылығы мен қызметкерлердің ынтасын арттыруға ықпал етеді.«Біз бүгін 17 бірлік арнайы техниканы қабылдап алдық. Бұл – орман мекемелерінің материалдық-техникалық базасын дамытуға қосылған үлкен үлес. Ең бастысы, бұл техника қызметкерлеріміз бен елді мекендердің өрт қауіпсіздігі деңгейін арттырады», – деп «Үзынкөл орман шаруашылығы мекемесі» КММ басшысының орынбасары Валентина Андрейчук өз әсерімен бөлісті.Қостанай облысының әкімі материалдық-техникалық базаны жаңарту жұмыстары алдағы уақытта да жалғасатынын, сонымен қатар кадр даярлау, цифрландыру және өрттің алдын алу бағыттарына баса назар аударылатынын атап өтті.Ақпарат көзі : https://www.gov.kz/memleket/entities/kostanay/press/news/details/1151517?lang=kk

Астана қаласында ҚР ІІМ Ұлттық ұланының 5573 әскери бөлімінде әскери психологтарға арналған семинар-тренинг ұйымдастырылды. Іс-шара әскери қызметшілердің психологиялық тұрақтылығын арттыруға және қызмет барысында туындайтын күйзелістердің алдын алуға бағытталды.Семинар ҚР Ішкі істер министрлігінің «Психологиялық қызметтердің, күштік құрылымдар мен әскери қызметшілердің қызметін психотерапевтік сүйемелдеу» бағдарламасы аясында өтті. Ол «Әлеуметтік психотерапевтер, кеңесшілер және психотехнологтар халықаралық қауымдастығы» мен Ұлттық ұлан Бас қолбасшылығы арасындағы меморандум негізінде ұйымдастырылды.Онда әскери қызметшілердің психологиялық дағдарыстарды еңсеруі, эмоционалдық күйіп кетудің алдын алу, ішкі ресурстарды қалпына келтіру және стресс жағдайларынан шығу жолдары кеңінен қарастырылды. Қатысушылар нақты қызметтік жағдайларға негізделген заманауи психотерапиялық әдістермен және практикалық жаттығулармен танысты.Семинар-тренингті психология ғылымдарының докторы, профессор, халықаралық деңгейдегі маман Владимир Савкин жүргізді. Ол күштік құрылымдарда қызмет атқаратын мамандармен жұмыс істеуде тиімділігін дәлелдеген әдістерді ұсынып, тәжірибелік сабақтар өткізді.5573 әскери бөлімінің психологы лейтенант Салтанат Адилова психологиялық дайындықтың маңыздылығына тоқталды:– Әскери қызметшілер жоғары жауапкершілік пен тұрақты психоэмоциялық қысым жағдайында қызмет етеді. Психологиялық дайындық – жауынгерлік қабілетті сақтаудың маңызды бөлігі, – деді ол.Үш күндік жиын соңында қорытынды отырыс өтті. Онда қатысушыларға Ұлттық ұлан Бас қолбасшысының тәрбие және әлеуметтік-құқықтық жұмыстар жөніндегі орынбасары генерал-майор Қайрат Үмбетов сертификаттар табыстады. Сонымен қатар Бас қолбасшының кеңесшісі майор Әлібек Абдилов сөз сөйлеп, әскери қызметтегі психологиялық тұрақтылықтың маңызын атап өтті.Айта кетейік, мұндай іс-шаралар әскери қызметшілердің тек физикалық емес, психологиялық қауіпсіздігін қамтамасыз етуге бағытталған. Себебі мықты әскер дегеніміз – ең алдымен ішкі тепе-теңдігін сақтай алған сарбаз. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1151464?lang=kk

Бухарест, 2026 жылғы 29 қаңтар — Қазақстан Республикасының Румыниядағы Елшісі Е.Әли Румынияның Шағын және орта жеке кәсіпорындар ұлттық кеңесінің Президенті Ф.Джианумен кездесті.Кездесу барысында тараптар Қазақстан–Румыния арасындағы сауда-экономикалық және инвестициялық ынтымақтастықтың қазіргі жай-күйі мен даму перспективаларын, сондай-ақ екіжақты байланыстарды тереңдетудегі шағын және орта бизнестің рөлін талқылады. Румынияда, жалпы Еуропалық Одақтағыдай, шағын және орта кәсіпорындар тіркелген компаниялардың шамамен 99,7%-ын құрайтыны, кәсіпкерлік орта мен жұмыспен қамтудың негізі екені атап өтілді.Екі елдің бизнес-қоғамдастықтары арасындағы тікелей байланыстарды кеңейтуге, өнеркәсіптік кооперацияны дамытуға және шағын және орта бизнестің қатысуымен бірлескен жобаларды іске асыруға ерекше назар аударылды. Осы тұрғыда қолайлы кәсіпкерлік ортаны қалыптастыру және институционалдық қолдау мәселелері, соның ішінде Ф.Джианудың Румынияның Кәсіпкерлік, сауда және туризм министрі қызметіндегі тәжірибесіне сүйене отырып қарастырылды.Қазақстан Елшісі сәуір айында Астана қаласында өтетін екіжақты Үкіметаралық комиссияның кезекті отырысына дайындық барысы туралы хабардар етіп, румын тарапын осы отырыс аясында жоспарланған бизнес-форумға қатысуға шақырды.Өз кезегінде Ф.Джиану екі ел кәсіпкерлері арасындағы ынтымақтастықты дамытуда зор әлеует бар екенін атап өтіп, Қазақстан мен Румынияның бизнес-қоғамдастықтары арасындағы тікелей байланыстарды, оның ішінде Астанада өтетін алдағы бизнес-форум аясында, кеңейтуге жәрдемдесуге дайын екенін білдірді.Кездесу қорытындысы бойынша тараптар өзара ынтымақтастықты одан әрі нығайтуға мүдделілігін растады және іскерлік қауымдастықтар мен салалық құрылымдар желісі бойынша практикалық диалогты жалғастыруға уағдаласты. Румынияның Шағын және орта жеке кәсіпорындар ұлттық кеңесі — елдегі барлық кәсіпорындардың шамамен 99,7%-ын құрайтын шағын және орта бизнес мүдделерін білдіретін жетекші іскерлік қауымдастық. Ұйым жүз мыңдаған компанияны біріктіреді, мемлекеттік саясатты қалыптастыруға қатысады, экспортты, инвестицияларды және бизнестің халықаралық қосылған құн тізбектеріне интеграциясын қолдайды.     Ақпарат көзі : https://www.gov.kz/memleket/entities/mfa-bucharest/press/news/details/1151469?lang=kk

Ақтөбе қаласында ҚР ІІМ Ұлттық ұланының «Батыс» өңірлік қолбасшылығына қарасты 6655 әскери бөлімінің әскери қызметшілері ҚАЖ департаментінің қызметкерлерімен бірлесіп, қылмыстық-атқару жүйесі мекемесінің аумағына тыйым салынған заттарды жеткізу әрекетінің жолын кесті.Оқиға Ақтөбе облысы бойынша Қылмыстық-атқару жүйесі департаментіне тиесілі №8 мекеменің тексеру бөлмесінде орын алды.Сәлемдемені рентген қондырғысын қолдана отырып тексеру барысында тыйым салынған заттар анықталды. Бұл тұрғыда ҚАЖ қызметкерлерімен бірлескен сержант Айзат Құрмашев пен кинолог-маман Азат Ахуновтың қырағылығы, кәсібилігі және үйлесімді іс-қимылы өз нәтижесін берді.Тексеру кезінде модем-роутер, портативті акустикалық колонка, үш зарядтау құрылғысы, сондай-ақ флеш-жинақтағыш тәркіленді. Сәлемдемені жіберген азамат ұсталып, заңнамада белгіленген тәртіппен әрі қарай тексеру үшін тиісті органдарға тапсырылды.Айта кетейік, ҚР ІІМ Ұлттық ұланы ҚАЖ органдарымен бірлесіп, мекемелерге тыйым салынған заттардың жеткізілу арналарын анықтау және жолын кесу бағытында жүйелі жұмыс жүргізіп келеді. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1151460?lang=kk

ҚР ІІМ Ұлттық ұланының Бас қолбасшылығында «Аналар жүрегі» сарбаздар аналары комитеті» республикалық қоғамдық бірлестігі мен Ұлттық ұлан арасында ынтымақтастық туралы меморандумға қол қойылды.Іс-шараға Қазақстан Республикасы Ішкі істер министрінің орынбасары – Ұлттық ұланның Бас қолбасшысы генерал-майор Аңсаған Балтабеков, «Аналар жүрегі» сарбаздар аналары комитеті» РҚБ жетекшісі Лилия Хайруллина, Бас қолбасшылықтың офицерлері, сондай-ақ қоғамдық бірлестік өкілдері қатысты.Құжат мерзімді әскери қызметтегі сарбаздардың құқықтары мен заңды мүдделерін қорғау мәселелері бойынша өзара іс-қимылды одан әрі дамытуға, азаматтық қоғам институттары мен құқықтық тәртіп әскерлері арасындағы сенімді нығайтуға, сондай-ақ әскери қызмет өткеру үшін қолайлы жағдайлар жасауға бағытталған.Генерал-майор Аңсаған Балтабеков өз сөзінде Ұлттық ұланның қоғамдық ұйымдармен көп жылдан бері жүйелі әрі нәтижелі өзара іс-қимыл орнатып келе жатқанын атап өтіп, Сарбаздар аналары комитетімен ынтымақтастықты қоғамдық бақылауды қамтамасыз етудің және жеке құрамның моральдық-психологиялық ахуалын қолдаудың маңызды тетігі ретінде бағалады.Өз кезегінде РҚБ жетекшісі Лилия Хайруллина қол жеткізілген келісімдердің маңыздылығына тоқталды:– Біз үшін бұл меморандум - нақты өзара іс-қимыл құралы. Ұлттық ұланмен бірлескен жұмыс ата-аналардың өтініштеріне жедел ден қоюға, сарбаздарға қолдау көрсетуге және әскери қызмет барысында қауіпсіз әрі сыйластыққа негізделген орта қалыптастыруға мүмкіндік береді, – деді Лилия Юрьевна.Айта кетейік, 2025 жылы тараптар 100-ден астам бірлескен іс-шара өткізді. Комитет өтініштері негізінде казармалар, асханалар мен монша-жуыну нысандарына бірлескен комиссиялық тексерулер ұйымдастырылып, медициналық және материалдық қамтамасыз ету, сондай-ақ жеке құрамның тамақтануын ұйымдастыру мәселелері қаралды.Сонымен қатар жыл басынан бері Ұлттық ұланның әскери бөлімдерінде комитет өкілдері, әскери прокуратура және жергілікті атқарушы органдардың қатысуымен «Әскер аналар көзімен» акциясы жүзеге асырылып жатыр.Тараптар меморандум ережелерін іске асыру әскери қызметшілердің әлеуметтік қорғалу деңгейін арттыруға және өзара сенім мен жауапкершілік мәдениетін нығайтуға ықпал ететініне сенім білдірді. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1151452?lang=kk

ҚР ІІМ Ұлттық ұланының Бас қолбасшылығында Қазақстан Республикасы Бас прокуратурасының Құқықтық статистика және арнайы есепке алу комитетінің Әскери департаменті жолдаған ұсынысты қарауға арналған жиын өтті. Кездесуде азаматтардың өтініштерін қарау саласындағы заңдылықтың сақталуын қамтамасыз ету және анықталған кем-кетіктерді түзеу мәселелері талқыланды.Жиынға ҚР ІІМ Ұлттық ұланы Бас қолбасшылығының Құжаттамалық қамтамасыз ету басқармасының бастығы полковник Ермек Бургебаев төрағалық етті. Іс-шараға Құқықтық статистика және арнайы есепке алу комитетінің Әскери департаментінің өкілдері, сондай-ақ «Оңтүстік», «Орталық», «Батыс», «Шығыс» өңірлік қолбасшылықтарының, Ұлттық ұлан Академиясының және тікелей бағынысты әскери бөлімдердің құжаттамалық қамтамасыз ету бөлімдерінің басшылары қатысты.Жиын барысында Құқықтық статистика және арнайы есепке алу комитеті Әскери департаментінің аға прокуроры 1-сыныпты заңгер Жадыра Әбжапбарова, Әскери департаменттің прокуроры әділет кеңесшісі Назерке Сатыбалдиева және Бас қолбасшылықтың Құжаттамалық қамтамасыз ету басқармасының бастығы полковник Ермек Бургебаев баяндама жасап, тиісті түсіндірмелер берді. Талқылау кезінде анықталған кемшіліктер жан-жақты қаралып, заң талаптарын сақтау бойынша нақты түсініктемелер ұсынылды және оларды жою жолдары айқындалды.Қатысушылар азаматтардың өтініштерімен жұмыс сапасын арттыруға, белгіленген мерзімдердің сақталуына және лауазымды тұлғалардың жауапкершілігіне ерекше назар аударды. Жиын қорытындысы бойынша Әскери департамент өкілдері өңірлік қолбасшылықтардан келген өзекті сұрақтарға жауап беріп, алдағы кезеңге арналған практикалық бағыт-бағдар берді. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1151444?lang=kk

Әл-Кувейт, 2026 жылғы 29 қаңтар – Қазақстан Республикасының Кувейт Мемлекетіндегі Елшілігі «Eurasia Agro Semey» қазақстандық компаниясы өкілдерінің Кувейт Мемлекетіне жұмыс сапарын ұйымдастырды. Аталған компания Қазақстанда ірі ет өңдеу комбинатын салу жобасын іске асыруда.Сапар аясында «Eurasia Agro Semey» компаниясы кувейттік «ALMARAI National Co.» компаниясымен ынтымақтастық туралы меморандумға қол қойды. Құжат 2026 жылдың тамыз айында кәсіпорын пайдалануға берілгеннен кейін ет өнімдерін жеткізу саласындағы ынтымақтастықты дамытуға бағытталған Тараптардың ниеттерін көздейді.Меморандумға қол қою Қазақстан мен Кувейт арасындағы сауда-экономикалық ынтымақтастықты дамытудағы маңызды қадам болып табылады және Таяу Шығыс елдерінің нарықтарында қазақстандық агроөнеркәсіптік өнімнің қатысуын кеңейтуге бағытталған.Сапар барысында қазақстандық компания басшылығы Кувейттегі азық-түлік дистрибуциясы саласындағы ірі сауда тобы – «Al-Yasra» компаниясымен, сондай-ақ Кувейттегі ең ірі супермаркет желілерінің бірі – «The Sultan Center» компаниясымен кездесулер өткізді.Кездесулер барысында тараптар өзара тиімді ынтымақтастық орнату перспективаларын, сондай-ақ Кувейт нарығына жоғары қосылған құны бар қазақстандық экспорттық өнімді жеткізудің ықтимал форматтарын талқылады.«Eurasia Agro Semey» өз жобасын кеңес дәуіріндегі саладағы ірі кәсіпорындардың бірі – Калинин атындағы Семей ет комбинатымен тарихи байланысты аумақта жүзеге асыруда. Қазіргі уақытта компания халықаралық стандарттарға сай келетін, өңірдің өндірістік дәстүрлерінің сабақтастығын сақтай отырып, заманауи жоғары технологиялық ет өңдеу кешенін салуда.Ақпарат көзі : https://www.gov.kz/memleket/entities/mfa-kuveyt/press/news/details/1151446?lang=kk

Құқықтық тәртіп әскерінің қатарында сирек кездесетін, жүрекке жылу сыйлайтын ерекше жағдай Атырау қаласында орын алды. ҚР ІІМ Ұлттық ұланының 5546 әскери бөлімінде қызмет атқаратын аға лейтенант Құдияр Сапарбек туған інісі – жас сарбаз Мағжан Сапарбектен Әскери ант қабылдады.Аға лейтенант Сапарбек қазіргі уақытта Ұлттық ұланның Атырау қаласында орналасқан 5546 әскери бөлімінде рота командирі лауазымында абыроймен қызмет атқарып келеді. Ал інісі Мағжан Сапарбек аталған бөлімге жас сарбаз ретінде қабылданып, әскери қызмет жолын енді ғана бастады. Қос бауыр – Шымкент қаласының тумалары.Жас сарбаз Мағжан Сапарбек үшін бұл күн өміріндегі ең маңызды кезеңдердің бірі болды.– Ағам – мен үшін бала кезден үлгі. Оның әскери қызметтегі жолын көріп өстім. Антты дәл өз ағамның алдында беру мені одан сайын жігерлендірді. Бұл – менің Отан алдындағы сертім ғана емес, отбасымның абыройын асқақтату жолындағы жауапкершілігім, – дейді жас жауынгер.Әскери бөлім басшылығы да бұл оқиғаның тәрбиелік мәніне ерекше тоқталды. Мұндай тағдыр тоғысы жастарға отансүйгіштік, әскери дәстүрге адалдық және отбасы құндылықтарының маңызын айқын көрсетті. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1151448?lang=kk

Көктемгі дала жұмыстарының басталуына орай шаруа қожалықтарға қажетті минералды тыңайытқыштар, субсидия ала алмай жүрген қожалықтарға Ұйғыр ауданы әкімінің орынбасары Самат Шайытқанұлының және Ұйғыр ауданының Ауылшаруашылық бөлімі басшысы Бауыржан Бақытұлының қатысуымен түсіндіру жұмыстары жүргізілді.Ақпарат көзі : https://www.gov.kz/memleket/entities/uigur-taskarasu/press/news/details/1151338?lang=kk

Алматы облысы Денсаулық сақтау басқармасының алқа отырысында өткен жылғы саланың даму қорытындылары шығарылып, ағымдағы жылға арналған негізгі басымдықтар айқындалды. Іс-шараға Алматы облысы әкімінің орынбасары Ғани Майлыбаев және денсаулық сақтау басқармасының басшысы Ержан Сүлейменов қатысты.Айта кетсек, Алматы облысында тұрақты демографиялық өсім сақталуда. Ағымдағы жылдың басындағы мәліметке сәйкес өңір халқының саны 1,64 млн адамға жетіп, өткен жылмен салыстырғанда 1,3%-ға артты. Өңір тұрғындарына медициналық көмекті 24 мемлекеттік және 76 жекеменшік медициналық ұйым көрсетеді.Олардың құрамына фельдшерлік - акушерлік пункттерден бастап заманауи алғашқы медициналық - санитариялық көмек орталықтарына дейінгі 356 нысан кіреді.Сондай-ақ, алқа отырысында міндетті әлеуметтік медициналық сақтандыру жүйесін дамыту мәселесіне ерекше назар аударылды.МӘМС-пен қамтылған халық саны тұрақты өсуде: соңғы айларда ғана динамикалық бақылауда тұрған пациенттер саны 12 мың адамға артты. Әлеуметтік осал санаттағы азаматтарды қолдау мақсатында алғаш рет жергілікті бюджет есебінен көмек қарастырылып, бұл медициналық көмектің қолжетімділігін арттыру жолындағы маңызды қадам болды.Денсаулық сақтау жүйесінің кадрлық әлеуеті де нығаюда. Бүгінде облыста шамамен үш мың дәрігер және тоғыз мыңға жуық орта буын медицина қызметкері еңбек етуде. Бір жыл ішінде кадр тапшылығы екі еседен астам қысқартылды. Өткен жылы 183 жас маман жұмысқа қабылданып, тапшы мамандықтар бойынша 58 білім беру гранты бөлінді. Медицина қызметкерлері Германия, Ресей және Беларусьтің жетекші клиникаларында біліктілігін арттырып, тағылымдамадан өтуде.Негізгі медициналық - демографиялық көрсеткіштер бойынша да айтарлықтай оң нәтижелерге қол жеткізілді. Өткен жылы жалпы өлім-жітім деңгейі 1,5%-ға, жүрек-қан тамырлары ауруларынан болатын өлім 3,3%-ға, онкологиялық аурулардан 4,9%-ға төмендеді, ал туберкулезден болатын өлім екі есеге азайды. Ана мен баланы қорғау қызметінің жүйелі жұмысының нәтижесінде нәресте өлімі де төмендегені ерекше атап өтілді.Алғашқы медициналық - санитариялық көмекті дамыту басым бағыт болып қала береді. Скринингтік бағдарламалармен халықтың 98,3%-ы қамтылған, жылжымалы медициналық кешендер белсенді пайдаланылуда, созылмалы аурулары бар пациенттерді динамикалық бақылау кеңейтілуде."Ауылдық денсаулық сақтауды жаңғырту" бағдарламасы аясында облыста 38 жаңа медициналық нысан салынды, 13 блокты-модульдік пункт орнатылды, 6 ұйымға күрделі жөндеу жүргізілді. Медициналық мекемелер заманауи құрал-жабдықтармен қамтамасыз етілуде: МРТ, ангиограф, жылжымалы маммограф, онкологиялық көмек пен реанимацияға арналған жабдықтар сатып алынды. Медициналық ұйымдардың жарақтандырылу деңгейі 93%-ға жетті.Жедел медициналық жәрдем қызметі де нығайтылуда: өткен жылы өңірге 10 жаңа автокөлік жеткізілді, тағы 90 көлік лизинг арқылы алынды. Автопаркті жаңарту жұмыстары жалғасуда.Алдағы кезеңге арналған негізгі міндеттердің қатарында медициналық ақпараттық жүйелерді интеграциялау, медициналық көмектің сапасы мен қауіпсіздігін арттыру, цифрлық жоспарлауды енгізу, сондай-ақ тіркеудегі бұрмалаушылықтар мен қосарланған қаржыландыруды болдырмау мәселелері белгіленді.Бүгінде Алматы облысының денсаулық сақтау саласы–жүйелі тәсілге негізделген, заманауи инфрақұрылымы мен білікті кадрлары бар сала. Бұл өңірдің әрбір тұрғынына қолжетімді, сапалы және қауіпсіз медициналық көмек көрсетуге мүмкіндік береді. Ақпарат көзі : https://www.gov.kz/memleket/entities/almobl-densaulyk/press/news/details/1151262?lang=kk

Шығыс Қазақстан облысы бойынша Мемлекеттік кірістер департаменті 2026 жылдың 29 қантар күні«CONSTANT BUSINESS CONSULTING»ЖШС алаңында онлайн-трансляция режимында Өскемен, Риддер қаладарының, Алтай ауданының заңды тұлғаларына және жеке кәсіпкерлерлеріне вебинар өткізді. «2026 жылғы камералдық бақылау хабармалардың орындалуы барысындағы ерекшеліктері мен салық есептілігін ұсыну бойынша»тақырыпен камералдық мониторинг басқармасының басшысы Беркутова Гульжанат Алтайкановна сөз сөйледі, сонымен қатар салық төлеушінің жеке кабинетіндегі (СӘИЖ СТК) деректерінде ұсынылуға жататын салық есептілігінің нысандары алдын ала көрсетілген жағдайда ғана жүзеге асырылатынын хабардар етті.Ақпарат көзі : https://www.gov.kz/memleket/entities/kgd-vko/press/news/details/1151270?lang=kk

2026 жылдың 29 қаңтарында Шығыс Қазақстан облысының нотариустары үшін Қазақстан Республикасының 2026 жылдан бастап қолданысқа енгізілген Салық кодексіне енгізілген өзгерістерді түсіндіруге арналған онлайн вебинар өтті.Вебинарда нотариаттық салық салуға қатысты өзекті мәселелер, сондай-ақ өзгерістер мен толықтырулар енгізілген жаңа Салық кодексінің нормаларын ескере отырып, салық декларациясын тапсыру тәртібі қарастырылды.Іс-шара Zoom арқылы онлайн өткізілді. Вебинарға Шығыс Қазақстан облысындағы жеке практикамен айналысатын 100-ге жуық нотариус қатысты.Вебинар қатысушыларға салық заңнамасына енгізілген негізгі өзгерістер бойынша түсініктеме алуға және нақты уақыт режимінде сұрақтар қоюға мүмкіндік берді.Ақпарат көзі : https://www.gov.kz/memleket/entities/kgd-vko/press/news/details/1151232?lang=kk

 Еліміздің оңтүстік өңірлерінде Қазақстан Республикасы Қорғаныс министрлігі әскерге дейінгі жастар арасында әскери қызметтің беделін арттыруға және патриоттық тәрбиені күшейтуге бағытталған «Біртұтас ел – біртұтас жер» ақпараттық-түсіндіру акциясын өткізуде.Қорғаныс министрлігінің Тәрбие және идеологиялық жұмыс, Әскери білім және ғылым департаменттерінің, Қарулы күштер Ұлттық әскери-патриоттық орталығының және «Жас сарбаз» қозғалысының өкілдері Жамбыл және Түркістан облыстарында, сондай-ақ Шымкент қаласында жоғары сынып оқушылары мен білім беру ұйымдарының тәрбиеленушілерімен кездесулер өткізді.Тараз қаласындағы «Баласағұн» мәдениет сарайында өткен іс-шараға мыңға жуық мектеп оқушысы қатысты. Сондай-ақ Қорғаныс министрлігінің өкілдері Бауыржан Момышұлы атындағы әскери мектеп-интернат пен Әлихан Бөкейхан атындағы № 1 мектеп-гимназиясында болып, жоғары сынып оқушыларымен кездесті. Онда оқушылар әскери мамандықтарға және әскери жоғары оқу орындарында білім алуға үлкен қызығушылық танытты. – Ашық әрі сенімді әңгіме барысында жастардың әскери мамандыққа деген шынайы қызығушылығы мен патриоттық көзқарасын байқадық. Мұндай кездесулер жастардың мамандық таңдауына саналы түрде қарауына және Отанға қызмет етуге бағыт береді, – деді Тәрбие және идеологиялық жұмыс департаментінің аға офицері полковник Дәулет Бейсеков.Түркістан облысында кездесулер Арыс қаласындағы жалпы білім беретін мектептерде де өтті. Оқушыларға әскери қызмет өткеру жағдайлары, әлеуметтік жеңілдіктер және әскери жоғары оқу орындарына түсу тәртібі туралы ақпарат берілді.Акция аясында Ұлттық әскери-патриоттық орталығының Жауынгерлік даңқ музейі Ұлы Отан соғысы жылдарындағы қазақстандық жауынгерлердің ерлігіне арналған көрмені ұсынды. Қаһармандыққа толы тарихтың беттері туралы жастарға музей жетекшісі, генерал Иван Панфиловтың немересі Алуа Байқадамова әңгімелеп берді. Сондай-ақ ҰӘПО шығармашылық ұжымының көрсеткен өнері қатысушыларға ерекше әсер қалдырды.Бүгін «Біртұтас ел – біртұтас жер» акциясы Кентау қаласында жалғасуда.Ақпарат көзі : https://www.gov.kz/memleket/entities/mod/press/news/details/1151234?lang=kk

Павлодароблысы бойынша Мемлекеттіккірістердепартаменті  мемлекеттікқызметтеркөрсетужәне салық төлеушілергеақпараттық-түсіндіруқолдауынұсынуүшінқұрылғанкөшпелісервистіктоптардыңжұмысытуралыхабарлайды.Бұл нені білдіреді?Сервистік топтар мемлекеттік кірістер органдарының әкімшілік ғимараттарынан тыс жерде қызметтерін ұсынады және салық төлеушілерге жеке тұлғалардың салық есептілігін жасауды және ұсынуды қоса алғанда, салық міндеттемелерін орындау бойынша ақпараттық-түсіндіру қолдауын көрсетеді.Қызметтер кімге көрсетіледі?Мемлекеттік қызметтер салық төлеушілердің мынадай санаттарына атаулы түрде ұсынылады:- бірінші немесе екінші топтағы мүгедектігі бар адамдарға;- екі айдан артық уақытша еңбекке жарамсыздық мерзімі белгіленуі мүмкін сырқаттары бар адамдарға;- бөгде адамның күтімі мен көмегіне мұқтаж сексен жастан асқан қарт адамдарға;- аумақтарында ортақ пайдаланылатын телекоммуникация желілері жоқ шалғай елді мекендерде тұратын жеке тұлғаларға.Шығу кестесі Департаменттің белгіленген кестесіне сәйкес сервистік топтардың шығуы аптасына екі рет – сейсенбі және бейсенбі күндері жүзеге асырылады.Өтінімді қалай беруге боладыСервистік топтың келуіне өтінімдерді қабылдау 1414 Байланыс- орталығы арқылы жүзеге асырылады. Павлодар облысы бойынша МКД-ныңмемлекеттік қызметтер басқармасы  Ақпарат көзі : https://www.gov.kz/memleket/entities/kgd-pavlodar/press/news/details/1151213?lang=kk

  30 қаңтарда Қазақстан Республикасы Қарулы күштерінің топографиялық қызметі мамандары кәсіби мерекесін – Әскери топограф күнін атап өтеді. Бүгінде олардың қызметі әскерлерді топогеодезиялық, навигациялық және гидрометеорологиялық қамтамасыз етудің толық кешенін қамтиды.  Қарулы күштердің әскери топографтары автоматтандырылған жүйелер мен үшөлшемді модельдеу технологияларын белсенді түрде енгізіп, цифрлық ұрыс алаңын қалыптастыруда және әскерлерді жер бедері туралы нақты әрі сенімді ақпаратпен қамтамасыз етуде. Олар оқу-жаттығулар мен күнделікті қызмет барысында қолданылатын топографиялық, теңіз және арнайы карталарды, сондай-ақ қала жоспарларын дайындап, басып шығарады.  Нақты уақыт режиміндегі автоматтандыру жүйелерін енгізу аса маңызды ақпаратты жеткізу мерзімін едәуір қысқартуға мүмкіндік берді. Жер бедері туралы цифрлық деректер Қарулы күштердің барлық түрлері мен әскер тектері басқару жүйелерімен жедел біріктіріліп, нысаналарды анықтауға, міндеттер қоюға және әскерлер мен техниканың жай-күйін бақылауға жағдай жасайды.  Дамудың маңызды кезеңі ретінде виртуалды шындық технологияларын қолдану және объектілердің үшөлшемді модельдерін жасау атап өтіледі. Бұл шешімдер басқару органдарына жағдайды қашықтан жан-жақты талдауға мүмкіндік беріп, әсіресе қалалық құрылыс жағдайында іс-қимылдарды жоспарлаудың дәлдігін арттырады.  2025 жылдан бастап топографиялық қызмет мамандары нақты координаттары бар тұрақты геодезиялық пункттер жиынтығынан тұратын арнайы геодезиялық желілерді қалпына келтіру және дамыту жұмыстарын бастады. Мұндай кеңістіктік негіз жоғары дәлдікті қаруды нысанаға алу және бөлімшелердің іс-қимылын тиімді үйлестіру үшін қажет.  Әскери топографтардың кәсібилігі заманауи цифрлық технологиялармен ұштасып, цифрлық ұрыс алаңының сенімді негізін қалыптастырып, әскерлердің іс-қимылындағы дәлдік, үйлесімділік пен қауіпсіздікті арттыруға ықпал етеді.Ақпарат көзі : https://www.gov.kz/memleket/entities/mod/press/news/details/1151160?lang=kk

ҚР Қаржы министрлігі жеке кәсіпкерлер мен шағын бизнес субъектілеріне арналған «Халық бухгалтері» акциясын іске қосады.Өткізу мерзімі:2026 жылғы 5 қаңтар – 30 маусымКімдерге арналған:Жеке кәсіпкерлер мен шағын бизнес субъектілерінеҚандай көмек көрсетіледі:Келесі мәселелер бойынша түсінікті әрі практикалық кеңестер беріледі:- бухгалтерлік есеп;- салықтық есептілік;- ақпараттық жүйелерде жұмыс істеу.Жұмыс форматы:Негізгі формат — Өскемен қаласы бойынша Мемлекеттік кірістер басқармасында офлайн қабылдау (мекенжайы: Назарбаев даңғылы, 86, 3-қабат). Облыстың басқа қалалары мен аудандарындағы салық төлеушілерде сұрақтар туындаған жағдайда — 87711238084 телефон нөмірі арқылы бейнеқоңырау жасау мүмкіндігі қарастырылған.Кеңес беру кестесі:- 2026 жылғы қаңтар–ақпан — аптасына 3 рет (дүйсенбі, сәрсенбі, жұма) сағат 10:00–13:00- 2026 жылғы наурыздан бастап — аптасына 2 ретКеңес берушілер:- кәсіби бухгалтерлер мен аудиторлар;- бухгалтерлік қауымдастықтардың өкілдері;- заңнама нормаларын түсіндіру үшін мемлекеттік кірістер органдарының тәжірибелі қызметкерлері.«Халық бухгалтері» акциясы — салық төлеушілермен жұмыс істеуде бақылау моделінен сервистік сүйемелдеуге көшу жолындағы алғашқы қадам.Алдағы уақытта құқық бұзушылықтардың алдын алуға және консультациялық қолдаудың сапасын арттыруға бағытталған қосымша шаралар іске асырылатын болады.Ақпарат көзі : https://www.gov.kz/memleket/entities/kgd-vko/press/news/details/1151171?lang=kk

Мехико, 2026 жылғы 28 қаңтар – Мексиканың астанасында Түркі тілдерінің Дүниежүзілік күніне арналған конференция өтті. Аталған шара Мексикадағы Юнус Эмре институтының ұйымдастыруымен, Қазақстан, Түркия және Әзербайжанның дипломатиялық өкілдіктерінің қатысуымен өткізілді.Іс-шарада өз ана тілдерінде Қазақстан Республикасының Мексикадағы Төтенше және Өкілетті Елшісі Алмұрат Тұрғанбеков, сондай-ақ Түркия Республикасы мен Әзербайжан Республикасының Төтенше және Өкілетті Елшілері – Мурат Салим Есенли мен Сеймур Фаталиев, құттықтау сөз сөйледі.Өз сөзінде Қазақстан Елшісі А.Тұрғанбеков түркі тілдері бауырлас халықтарының ортақ тарихи-мәдени мұрасының ажырамас бөлігі әрі олардың төл болмысы мен рухани бірегейлігін сақтаудың маңызды факторы екенін баса айтты.А.Тұрғанбеков түркі мемлекеттері арасындағы гуманитарлық және мәдени ынтымақтастықтың артып келе жатқан рөліне, сондай-ақ түркі тілдері мен мәдениетін сақтау және ілгерілету жөніндегі негізгі алаң ретінде Түркі мемлекеттері ұйымының (ТМҰ) қызметіне ерекше назар аударды. Елші Қазақстанның ТМҰ аясындағы бастамаларды іске асыруға қосып отырған белсенді үлесін, соның ішінде түркі әлемінің Латын Америкасы елдерімен халықаралық диалогын кеңейтуге бағытталған қадамдарын атап өтті.Іс-шара аясында профессор, ғылым докторы Мехмет Неджати Кутлу түркі тілдерінің дамуы мен өзара байланысына арналған дәріс оқыды. Дәріс барысында профессор түркі тілдерінің қалыптасу тарихына, олардың алғашқы түркі жазба дәстүрінің негізін құраған орхон-енисей жазба ескерткіштерінің тамыр алған барып тірелетін прототүркілік тілдерге жан-жақты тоқталды.Сонымен қатар, профессор М.Неджати Кутлу 15 желтоқсанда атап өтілетін Түркі тілдерінің дүниежүзілік күнінің маңыздылығына назар аударды. Аталған күнді белгілеу туралы шешім 2025 жылғы қараша айында Самарқанд қаласында өткен ЮНЕСКО Бас конференциясында қабылданды. Профессор бұл бастама түркі әлемінің тілдік және рухани бірлігін нығайтуға, сондай-ақ түркі елдері халықтарының өзара қарым-қатынасын кеңейтуге және олардың мәдени тұрғыдан ықпалдасуына қолайлы жағдай жасауға ықпал ететінін ерекше атап өтті.Ақпарат көзі : https://www.gov.kz/memleket/entities/mfa-mexico/press/news/details/1151131?lang=kk

28 қаңтар 2026 жыл, Монреаль, ИКАО штаб-пәтері. Халықаралық азаматтық авиация ұйымы (ИКАО) Кеңесі Президентінің офисімен келісуі бойынша, ИКАО жанындағы Қазақстан Республикасының Тұрақты өкілі Тимур Тлегенов мырза ИКАО Кеңесінің кезекті отырысында сөз сөйледі.ИКАО Кеңесінің 2025 жылғы 12 наурыздағы № C-DEC-234/2 шешіміне сәйкес, Қазақстан тарапы 2024 жылғы 25 желтоқсанда Ақтау қаласында (Қазақстан Республикасы) орын алған «Azerbaijan Airlines» әуекомпаниясының әуе көлігіне қатысты авиациялық оқиғаның тергеу барысы туралы Кеңес мүшелерін хабардар етті.Сөз Кеңестің Президенті, мүшелері, Ұйымның Хатшылығы, сондай-ақ Кеңестегі бақылаушы мемлекеттердің және халықаралық авиация саласының салалық құрылымдарының өкілдері тарапынан тыңдалды.Ақпарат көзі : https://www.gov.kz/memleket/entities/kazakhstanicao/press/news/details/1151132?lang=kk

Шымкентте «Жасыл сәуле» жаңғырту тұжырымдамасы аясында қалалық ортаны жақсарту және тұрғындардың өмір сүру сапасын арттыру бойынша бірқатар шаралар жүзеге асырылуда. Тұжырымдаманың негізгі кезеңдерінің бірі - ескірген ғимараттарда тұратын тұрғындарды жөндеу бағдарламасы бойынша жаңа, жақсы жабдықталған тұрғын үйлерге көшіру. Ол іске қосылғаннан бері 102 отбасы басқа жерге көшірілді. Шымкент қаласы және Тұран шағын аудандарында тұрғындарға заманауи тұрғын үй берілді. Барлық пәтерлер толығымен салынып біткен, бұрын тұрған бөлмелер санына толық сәйкес келеді және пайдалануға дайын. Бүгін бұрын Нұрлыбаев көшесі, 13-үйде тұрған тағы сегіз отбасы жаңа пәтерлердің кілттерін алды. Салтанатты рәсімге қала әкімі Ғабит Сыздықбеков қатысты. Қала әкімі жаңа тұрғындарды жаңа бастамаларымен құттықтап, оларға жайлы отбасылық өмір тіледі және тұрғындарды тозығы жеткен тұрғын үйлерден көшіру қаланы дамытудың басым бағыты екенін атап өтті. Ол барлық тұрғындар үшін жайлы және қауіпсіз орта жасауға бағытталған ауданды жаңғыртуға жүйелі тәсілдің маңыздылығын атап өтті. Зеленая Балка ауданын жаңғырту қаланың инфрақұрылымды дамытуға, қоршаған ортаны жақсартуға және тұрғындар үшін жаңа мүмкіндіктер жасауға бағытталған кешенді күш-жігерінің бір бөлігі екенін атап өткен жөн. Шымкент қаласы әкімінің баспасөз қызметі

Шымкент қаласында Көксәйек ауданын жаңғырту тұжырымдамасы аясында қалалық ортаны жақсарту және тұрғындардың өмір сүру сапасын арттыруға бағытталған кешенді шаралар жүзеге асырылуда. Тұжырымдаманың негізгі кезеңдерінің бірі – тозығы жеткен үйлердің тұрғындарын реновация бағдарламасы бойынша жаңа, жайлы үйлерге көшіру.Айта кетейік, бағдарлама басталғалы бері 102 отбасы қоныс аударды. Тұрғындарға Шымкент Сити және Тұран шағынаудандарынан заманауи пәтерлер берілді. Барлық пәтер толық әрленген, бұрынғы үйлеріндегі бөлме санына толық сәйкес келеді және қоныстануға дайын.Бүгін Нұрлыбаев көшесі, №13 үйде тұрған 8 отбасы жаңа пәтерлерінің кілтін алды. Кілт табыстау рәсіміне Шымкент қаласының әкімі Ғабит Сыздықбеков қатысты.Мегаполис басшысы жаңа қоныс иелерін маңызды оқиғамен құттықтап, отбасыларына береке-бірлік тіледі. Сондай-ақ, ескі үйлерден азаматтарды көшіру қаланы дамытудағы басым бағыттардың бірі екенін атап өтті. Ол ауданды жаңғыртуды жүйелі жүргізудің маңыздылығына тоқталып, бұл іс-шаралар барлық тұрғынға жайлы әрі қауіпсіз орта қалыптастыруға бағытталғанын айтты.Айта кету керек, Көксай ауданын жаңғырту – мегаполис инфрақұрылымын дамытуға, қалалық ортаны жақсартуға және тұрғындарға жаңа мүмкіндіктер жасауға бағытталған кешенді жұмыстың бір бөлігі.Шымкент қаласы әкімінің баспасөз қызметі