«Таза Қазақстан» экобағдарламасы аясында өткен «Таза Қазақстан – таза Астана» байқауының жеңімпаздары марапатталды, деп хабарлады елорда әкімдігінің ресми сайты.Байқаудың мақсаты – «Таза Қазақстан» экобағдарламасы аясында Астана қаласының, оның маңындағы елді мекендердің санитарлық жағдайын қамтамасыз ету, қоқыстарды жинау және кәдеге жарату; су тасқынына қарсы іс-шаралар жүргізу; «Таза Қазақстан» мемлекеттік экологиялық бағдарламасы шеңберінде «Астана Тазалық» қызметінің қалыптасуы, дамуы, жетістіктері мен келешегі туралы айту.«Байқауға 60-тан астам журналист пен блогер қатысып, 100-ден астам материал келіп түсті. «Астана Тазалық» ұйымы бірінші рет өткізіп отырған байқау үшін бұл өте жақсы көрсеткіш. «Таза Қазақстан» акциясын қолдау мақсатында түрлі материал жарияланды. Бұл – үлкен шара. Біз мұндай байқауды жыл сайын дәстүрлі түрде өткізуді жоспарлап отырмыз», - деді «Астана Тазалық» ЖШС директоры Замир Сагинов.Байқау 4 номинация бойынша өткізілді: «Үздік телевизиялық материал», «Әлеуметтік желілердегі үздік жарияланым», «Баспа басылымындағы үздік мақала», «Интернет-басылымдағы үздік жарияланым».«Үздік телевизиялық материал» номинациясы бойынша жеңімпаздар:1 орын – Томирис Біләл, «24KZ» телеарнасы;2 орын – Карима Садуақас, «QAZAQSTAN» телеарнасы;3 орын – Мөлдір Сыздықбаева, «Хабар» телеарнасы;3 орын – Дильназ Ерланова, «Астана» телеарнасы.«Әлеуметтік желілердегі үздік жарияланым» номинациясы бойынша жеңімпаздар:1 орын – Тимур Асылханов, блогер;2 орын – Назым Бөлесова, Baq.kz;3 орын – Данияр Сейсенбаев, блогер;3 орын – Аршат Оразов, блогер;«Баспа басылымындағы үздік мақала» номинациясы бойынша жеңімпаздар:1 орын – Райхан Рахметова, «Астана ақшамы» газеті;2 орын – Кәмила Дүйсенова, «Айқын» газеті;3 орын – Шернияз Жалғасбекұлы, «Заң» газеті;3 орын – Бақытбек Қадыр, «Егемен Қазақстан» газеті;«Интернет-басылымдағы үздік жарияланым» номинациясы бойынша жеңімпаздар:1 орын – Мақпал Орынбекқызы, Baq.kz сайты;2 орын – Сабина Кәкімжан, Elordainfo.kz сайты;3 орын – Ләззат Салимова, Nur.kz сайты;Сондай-ақ, бірнеше БАҚ өкілі «Астана Тазалық» компаниясының арнайы сыйлығымен марапатталды:Мөлдір Молдағали, «24KZ» телеарнасы;Ажар Лаубаева, El.kz;Қалмахан Құрманғали, «Turaninform.kz»;Мария Конюхова, «Elordainfo.kz» сайты;Даля Насипова, «Алматы» телеарнасы;Екатерина Тыщенко, «Вечерняя Астана» газеті;Оксана Даирова, «Комсомольская правда» газеті;Лаура Түсіпбекова, «Казахстанская правда» газеті.БАҚ өкілдері «Таза Қазақстан» экоакциясының Астанада жүзеге асырылуын материалдарында жан-жақты насихаттаған.Айта кетейік, байқауға қатысу үшін биыл 7 қазан мен 10 желтоқсан аралығында шыққан мемлекеттік немесе орыс тілдеріндегі материалдар қабылданды.Биыл сәуір айынан бастап «Таза Қазақстан. Астана – тазалық пен тәртіптің үлгісі» ауқымды экологиялық акциясы аясында елорда тұрғындары жалпықалалық сенбіліктерге қатысты. Олардың әрқайсысы бекітілген аумақты қоқыстан тазартып, ағаштардың түбін қопсытып, жасыл желектер отырғызды. Мұндағы мақсат – көпшілік арасында тазалық мәдениетін дәріптеу.Ақпарат көзі : https://www.gov.kz/memleket/entities/astana/press/news/details/905033

Су ресурстары және ирригация министрі Нұржан Нұржігітов су тасқынын болжау және модельдеуге арналған Tasqyn.gov.kz, Talsim және Delft-FEWS жүйелерін көрді. Төтенше жағдайлар министрлігінің Командалық орталығының базасында жаңа ақпараттық жүйелердің таныстырылымы өтті.Tasqyn.gov.kz жүйесі төтенше жағдайлардың алдын алуға және стратегиялық шешімдер қабылдау үшін болжам жасауға мүмкіндік береді. Жүйені «Қазақстан ғарыш сапары» ұлттық компаниясы мен «Қазгидромет» мамандары көрсетті.Бүгінгі таңда су тасқынын болжау және модельдеу әдістемесі әзірленіп, бекітілді. Әдістемеге сәйкес, уәкілетті органдар ақпараттық жүйеге су қоймаларындағы су көлемі, су жіберу және гидрометеоболжам секілді деректерді енгізеді. Жүйе жинақталған мәліметтер негізінде су тасқынының ықтимал сценарийлерін модельдейді.Алдағы уақытта мүдделі мемлекеттік органдар мен ұйымдардың өкілдеріне оқыту семинарларын өткізу жоспарланып отыр.TalsimNG бағдарламасы – голландиялық DELFT-FEWS платформасына біріктірілген неміс әзірлемесі. Жүйе су ресурстарын болжау және басқару модельдерін жетілдіруге, су қоймаларына ағын көлемін болжауды жақсартуға мүмкіндік береді. Бағдарламаны Су ресурстары ақпараттық-талдау орталығының төрағасы Хайрулла Қайратғали көрсетті.DELFT-FEWS платформасын пайдалану ҚР Су ресурстары және ирригация министрлігі мен Нидерландының IHE Delft су білім беру институты арасындағы өзара түсіністік туралы меморандум аясында жүзеге асырылуда.Жобалармен танысқаннан кейін Нұржан Нұржігітов әзірлеушілерге сұрақтарын қойып, болжау жүйелері арасында тұрақты деректер алмасу мүмкіндігін қарастыруды атап өтті.«Қазіргі заманғы болжау және модельдеу жүйелерін енгізу – су тасқыны тәуекелдерін басқарудағы маңызды қадам. Дұрыс болжам су тасқынына жан-жақты дайындалып, басқа мемлекеттік және жергілікті атқарушы органдармен бірлесіп маңызды шешімдерді уақтылы қабылдауға мүмкіндік береді», - деді Су ресурстары және ирригация министрі Нұржан Нұржігітов.Ақпарат көзі : https://www.gov.kz/memleket/entities/water/press/news/details/904988

«Батыс» өңірлік қолбасшылығының теңіз жаяу әскерлері бригадасы әскери қызметшілерінің жеке дайындық сабақтары 25744 әскери бөлімінде және «Оймаша» оқу полигонында ұйымдастырылды.Қысқы оқу кезеңі аясында 1400-ге жуық маман даярланады. Ол үшін 79 оқу тобы құрылып, оған 160-тан астам үздік нұсқаушы тартылды.Олардың басшылығымен әскери қызметшілер тактикалық, инженерлік, атыс, саптық, арнайы, медициналық, сондай-ақ радиациялық, биологиялық және химиялық қатерлерден қорғауды қоса алғанда, дайындықтың әртүрлі бағыттары бойынша нормативтерді пысықтайды. – Теориялық бөлімнен кейін қару қолдану мен әскери техниканы пайдаланудың практикалық дағдыларын пысықтауға кірісеміз, – деп нақтылады бригада командирінің жауынгерлік және дене шынықтыру дайындығы жөніндегі орынбасары гвардия майоры Берік Алманиязов.Арнайы жабдықталған сыныптарда әскери қызметшілер функционалдық міндеттерді меңгеріп, штаттық қару-жарақ пен әскери техниканың материалдық бөлігін, сондай-ақ оларды пайдалану тәртібін зерделейді. Оқытудың маңызды аспектісі қаруды жауынгерлік дайындыққа келтіру және штаттық қару мен жауынгерлік машиналардың қару-жарағын ату дағдыларын жетілдіру болмақ.Дайындықтың келесі кезеңі – оқу-жауынгерлік тапсырмаларды орындау бойынша бірлескен іс-қимылдарды пысықтау кезінде бөлімшелерді жауынгерлік үйлестіру. Бұл тәсіл жеке құрамның бейбіт уақытта да, мүмкін әскери қақтығыс жағдайында да тапсырмаларды тиімді орындауға дайындығына ықпал етеді.Ақпарат көзі : https://www.gov.kz/memleket/entities/mod/press/news/details/904582

Астанада қызметте үздік нәтиже көрсеткен Қарулы күштердегі жауынгерлік жарыс жеңімпаздары Қорғаныс министрі генерал-полковник Руслан Жақсылықовтың қолынан марапатқа ие болды.Жыл сайынғы «Әскер тарланы» байқауы әскери қызметшілердің шеберлігін жетілдіруге, жауынгерлік тәжірибені таратуға және армияның имиджін арттыруға бағытталған. Марапаттау рәсімінде генерал-полковник Руслан Жақсылықов Қарулы күштер үшін 2024 жыл көптеген маңызды оқиғалармен ерекшеленгенін атап өтті. Олардың қатарында министр БҰҰ-ның бітімгерлік миссиясын өз бетінше орналастыруға және орындауға мандат алуын, сондай-ақ әскери қызметшілердің көктемгі су тасқынына қарсы күреске қатысуын бөліп атады. – Бүгін біз дәстүрлі «Әскер тарланы» байқауының қорытындысы бойынша үздік мамандарды марапаттап отырмыз. Әскери шеберлік флагмандарын бағалау кезінде жауынгерлік және мемлекеттік-құқықтық дайындық бойынша ай сайынғы сабақтардың нәтижелері, бақылау және қорытынды тексерулердің қорытындылары, оқу-жаттығуларға, түрлі конкурстарға қатысу, әскери тәртіп және моральдық-іскерлік қасиеттері ескерілді, – деп толықтырды Қорғаныс министрі.Жарыс қорытындысы бойынша Десанттық-шабуылдау әскерлері командалық пунктінің қызмет бастығы подполковник Нұржан Құлманжанов «Үздік жедел кезекші» атанды. Аталған офицер жүктелген тапсырмаларды орындауға жауаптылығымен өз ісінің үздігі деп танылып отыр.27943 әскери бөлімі барлау ротасының бөлімше командирі сержант Руслан Мақсұт «Жауынгерлік машинаның үздік командирі» атанды. Ол басқарған экипаж «Айбалта-2024», «Достарым-2023» оқу-жаттығуларында үйлесімді әрі нәтижелі қимыл жасай алды.Ал «Артиллериялық есептоптың үздік командирі» атағына 28738 әскери бөлімінің әскери қызметшісі аға сержант Еркебұлан Тілеукен ие болды. Ол басқарған әскери бөлімше атыс кезінде әрқашан жоғары нәтижелерге қол жеткізіп келеді. 31775 әскери бөлімі жаяу әскер жауынгерлік машинасының механигі сержант Дидар Мусин «Темір тұлпар жүргізуші» аталымы бойынша жеңімпаз атанды. Екі жақты штабтық оқу-жаттығуда ол жауынгерлік машинаны мінсіз ұстағаны және мотоатқыштар батальонының құрамында тапсырмаларды сауатты орындағаны үшін ерекше атап өтілді. Республикалық және халықаралық оқу-жаттығуларда ерекшеленген 44736 әскери бөлімінің аға барлаушы-атқышы ефрейтор Ерасыл Тілеуханов «Мерген» номинациясын иеленді50185 әскери бөлімі авиациялық буынының ұшқыш-штурманы лейтенант Нұрболат Молдабек жауынгерлік дайындықтағы үздік көрсеткіштері үшін «Көк қыраны» номинациясының иегері болды. Жас ұшқыштар арасында экипаж командирі Н. Молдабек бірінші болып Су-30 СМ ұшағын өз бетінше басқару құқығына ие болған.Еліміздің әуе шебін қорғауды ұйымдастыруда жоғары көрсеткіштерге қол жеткізген 31767 әскери бөлімі командирінің орынбасары майор Евгений Спижарский «Аспан қорғаны» атағының жеңімпазы атандыАрмия халықаралық ойындарының «Теңіз кубогы» конкурсына және «Бірлестік-2024» халықаралық жедел-тактикалық командалық-штабтық оқу-жаттығуына белсенді қатысқаны үшін 21814 әскери бөлімі «Орал» зымыран-артиллериялық кемесінің командирі 3 дәрежелі капитан Шахрух Абдуразаков «Теңіз тарланы» номинациясының жеңімпазы деп танылды.22750 әскери бөлімінің қару-жарақ жөніндегі маманы аға лейтенант Ақжол Молдақаш «Жаужүрек» аталымының жеңімпазы атанды. Қорғаныс министрлігі командасының құрамында ол 100 Sarbaz әскери-патриоттық реалити-жобасында бірінші орынға ие болды, онда ол тек күш-қуат жағынан ғана емес, сонымен бірге рухтың күшін де көрсете білді.Үздіктердің қатарында жөндеу цехының технигі 3-сыныпты сержант Ералы Әйнекбаев, госпиталь медбикесі 2-сыныпты сержант Аймира Шалабаева, әскери-спорт кешенінің көпсайыс және әскери үшсайыс бойынша ҚР Қарулы күштері спартакиадасының чемпионы аға сержант Асылбек Қарабай, Бітімгерлік операциялар орталығының нұсқаушысы 2-сыныпты сержант Дінмұхамед Байдуллаев, Қасым Қайсенов атындағы механикаландырылған бригада командирінің тәрбие және идеологиялық жұмыстар жөніндегі орынбасары подполковник Азамат Жұмағазиев бар.Жарыс жеңімпаздарының сапында Қарасай батыр атындағы оқу орталығының взвод командирі 2-сыныпты сержант Марат Тоғызбаев «Үлгілі отбасы» номинациясын иеленді. Ерлі-зайыптылар бүгінде үш қыз, бір ұл тәрбиелеп отыр.Әскери жарыстың жеңімпаздары қатарында 3-сыныпты сержант Дархан Аслан, оқытушы полковник Кирилл Ложкин, байланысшы сержант Алмаз Тәшкенбаев, сапер-маман кіші сержант Мұхамедияр Бөтенбаев, әскери полиция майоры Ержан Диханбаев, барлау бөлімшесінің командирі 3-сыныпты сержант Думан Қожанов, заңгер әділет полковнигі Вячеслав Краснов, аға лейтенант Жеңісбек Данебеков және подполковник Назар Бозабаевтар да бар.Жалпы іріктеу 24 номинация бойынша өтті. Кәсіби байқау жеңімпаздары дипломдармен, атаулы мүсіншелермен және ақшалай сыйлықтармен марапатталды.Ақпарат көзі : https://www.gov.kz/memleket/entities/mod/press/news/details/904832

Астана, 2024 жылғы 18 желтоқсан – Қазақстан Республикасы Сыртқы істер министрінің орынбасары Роман Василенко Сербия Республикасының Қазақстандағы Елшісі Владимир Йовичичті қабылдады.Сербияның Елшісі Сербия Президенті Александр Вучичтің Қазақстан Президенті Қасым-Жомарт Тоқаевқа жолдаған 2027 жылғы 15 мамыр мен 15 тамыз аралығында Белградта өтетін ЭКСПО-2027 мамандандырылған халықаралық көрмесіне ресми шақыруын тапсырды. Аталған көрме «Адамзат үшін ойна: спорт пен музыка барлығы үшін» тақырыбында өтеді. Серб дипломаты Қазақстанның бұл маңызды іс-шараға жоғары деңгейде қатысатынына және оның ынтымақтастықты нығайтуға және кеңейтуге ықпал ететініне үміт білдірді.Сыртқы істер министрінің орынбасары Р.Василенко шақыру үшін алғысын білдіріп, Сербияның Астанадағы ЭКСПО-2017 көрмесіне қатысуының маңыздылығын атап өтті және негізгі бағыттардағы өзара іс-қимылды тереңдетуге дайындығын растады.Оған қоса, кездесу барысында тараптар саяси, сауда-экономикалық және гуманитарлық салалардағы екіжақты қарым-қатынастардың ағымдағы жай-күйін талқылап, екі ел арасындағы алдағы ынтымақтастықтың негізгі бағыттарын айқындады.Сұхбаттастар Президент Қ.Тоқаевтың Сербияға ресми сапары (2024 ж. 18-19 қараша) және екі елдің сыртқы істер министрлері Мұрат Нұртілеу мен Марко Джуричтің Нью-Йоркте БҰҰ Бас Ассамблеясының 79-шы сессиясы (2024 ж. 24 қыркүйек) алаңындағы кездесуінің қорытындылары бойынша қол жеткізілген уағдаластықтарды іске асыруға ерекше назар аударды.Дипломаттар экономикалық байланыстарды нығайтудың, әсіресе сауда, инвестиция және экономиканың негізгі секторларында бірлескен жобаларды іске асырудың маңыздылығын атап өтті. Осы тұста 2025 жылы Астанада өтетін Сауда-экономикалық ынтымақтастық жөніндегі үкіметаралық комиссияның кезекті отырысына дайындықты жалғастыруға келісті. Ақпарат көзі : https://www.gov.kz/memleket/entities/mfa/press/news/details/905032

Бүгінгі таңда Қазақстанда 162 миллион дәрілік зат таңбаланды, оның 152 миллионы Қазақстанда дәрілік заттарды міндетті таңбалау енгізілгеннен кейін таңбаланды. Бұл ретте дәрілік заттардың 16 млн қаптамасы таңбаланып, дәріханалардың бөлшек сауда желісіне енгізілді, бұл ақпараттық жүйеде препараттардың өндірушіден тұтынушыға дейінгі бүкіл қозғалыс жолын бақылауға мүмкіндік береді.Бірегей Data Matrix кодын қолданатын цифрлық таңбалау препараттың бүкіл өмірлік циклін — өндірушіден соңғы тұтынушыға дейін бақылауға мүмкіндік береді.Кодта маңызды ақпарат бар: препараттың атауы, сериясы, өндіруші туралы деректер, жарамдылық мерзімі және басқа мәліметтер. Бұл заңсыз айналым мүмкіндігін жояды және тұтынушыларды сапасыз және жалған дәрі-дәрмектерден қорғауды қамтамасыз етеді.Бүгінгі таңда дәрілік заттар айналымының барлық қатысушылары таңбалауды енгізу бойынша жұмысты аяқтады, атап айтқанда:● 19 отандық өндіруші;● 278 көтерме сауда субъектісі;● 3 169 дәріхана және бөлшек сауда нүктесі.Денсаулық сақтау министрлігі таңбаланған препараттардың қозғалысын бақылауды жалғастыруда, олардың өмірлік циклінің барлық кезеңдерінде бақылауды қамтамасыз етеді.2024 жылғы 1 шілдеден бастап Қазақстанда барлық дәрілік заттарды міндетті цифрлық таңбалау енгізілді. Бұл шара контрафактілік өнімдермен күресуге және дәрі-дәрмектер нарығының ашықтығын арттыруға бағытталған.Цифрлық таңбалау - бұл азаматтардың денсаулығын сақтауға және Қазақстан нарығында дәрілік заттардың сапасына деген сенімді арттыруға жасалған маңызды қадам.Қазақстанда дәріханаларға көмек көрсету үшін NS Pharm тегін мобилдік қосымшасы әзірленгенін естеріңізге сала кетейік. Бұл таңбаланған тауармен жұмыс істеуді жеңілдетеді және процесті тіпті шағын дәріханалар, соның ішінде ауылдық және шалғай аудандар үшін де қолжетімді етеді. Фармацевтикалық бизнеске арналған бұл заманауи цифрлық шешім барлық заңнамалық талаптарға сәйкес келеді, жабдыққа арналған шығыстарды азайтады және күрделі IT-қолдаудың қажеттілігін жояды.Ақпарат көзі : https://www.gov.kz/memleket/entities/dsm/press/news/details/904984

Қазақстан Республикасының Үкіметі, Қазақстан Республикасының Ұлттық Банкі және Стати тараптары, Tristan Oil жетекші кредиторларының қолдауымен және келісімімен, Қазақстандағы мұнай-газ активтері туралы ұзақ мерзімді дауды реттеу үдерісін сәтті аяқтады.Қол қойылған Түпкілікті реттеу туралы келісім барлық ағымдағы дауларды болашақта оларды қайта бастау құқығынсыз тоқтату үшін негіз болып табылады. Келісімнің нақты шарттары құпия болып табылады. Дэниел Чапман, CEO Argentem Creek Partners*:«Бұл реттеу және барлық тараптар үшін әділ шешу жолын іздеу мақсатында Қазақстан Республикасы қабылдаған тәсіл, бұл ел инвестордың құқықтары сақталатын орын болып табылатынын атап көрсетеді. Біз Президент Қасым-Жомарт Тоқаевқа шетелдік инвесторлардың Қазақстан туралы түсінігін өзгертудегі көшбасшылығы үшін алғыс айтамыз. Біз болашақта жаңа жобалармен жұмыс істеуді асыға күтеміз.»*Argentem Creek Partners – Стати тараптарының инвестициялық құралы Tristan Oil Limited-тің кредиторлары болып табылатын нақты қорлардың инвестициялық басқарушысы. Азамат Есқараев, Қазақстан Республикасының Әділет министрі:« Ұзақ дау аяқталғаннан кейін Қазақстанда экономиканы дамыту үшін, оның ішінде инвестициялар тарту арқылы, қосымша мүмкіндіктер пайда болады. Бұл ретте, мен бұрын атап өткендей, республикалық бюджеттен реттеу шеңберінде қаражат пайдаланылмады. »Ақпарат көзі : https://www.gov.kz/memleket/entities/adilet/press/news/details/904917

Маскатта (Оман) «Авиациялық қауіпсіздік» 17-қосымшасының 50 жылдығына және Халықаралық азаматтық авиация ұйымының (ИКАО) Чикаго конвенциясының 80 жылдығына арналған ИКАО авиациялық қауіпсіздік апталығы өтті.Іс-шара ИКАО және Оман Сұлтанатының ұлттық билігімен серіктестікте ұйымдастырылып, оған әлемнің 78 елінен авиациялық билік өкілдері, әлемнің 800-ден астам сарапшылары мен сала мамандары жиналды.Құрамында Қазақстанның авиациялық әкімшілігі, «Қазаэронавигация» РМК және Нұрсұлтан Назарбаев халықаралық әуежайының авиациялық қауіпсіздік және киберқауіпсіздік сарапшылары бар қазақстандық делегацияны ҚАӘ бас директорының орынбасары Дархан Еспотанов басқарды.Шараның мақсаты авиациялық қауіпсіздік саласындағы заманауи сын-қатерлерді талқылау, соңғы ИКАО стандарттарын енгізу және ұйымға мүше мемлекеттер арасындағы ынтымақтастықты нығайту болды.Форум аясында тәуекелдерді басқарудағы инновациялық тәсілдер мен авиациялық қауіпсіздікте жаңа технологияларды енгізу талқыланған конференциялар мен семинарлар өтті. Мамандардың біліктілігін арттыруға және халықаралық стандарттарды енгізуге бағытталған практикалық тренингтер, азаматтық авиациядағы жаңа қауіптермен күресудегі мемлекеттердің ынтымақтастығы мәселелері бойынша дөңгелек үстелдер өткізілді.Киберқауіпсіздік, ұшқышсыз ұшатын аппараттарды бақылау және азаматтық авиация қызметіне заңсыз араласудың алдын алу шараларына ерекше назар аударылды.Іс-шараға қатысушылар талқылау нәтижелері жаһандық авиациялық қауіпсіздікті дамытудағы маңызды қадам болатынын атап өтті. Тұрақты ынтымақтастық барлығына халықаралық стандарттар мен технологиялардың алдыңғы қатарында дамуға мүмкіндік береді.Халықаралық ынтымақтастықты нығайтуға және авиациялық қауіпсіздік саласындағы озық тәжірибені енгізуге бағытталған стратегиялық құжат – авиациялық қауіпсіздік және авиациялық киберқауіпсіздік бойынша Маскат декларациясына жоғары деңгейде қол қою ИКАО апталығының нәтижесі болды.Декларация сарапшылардың талқылауы мен ұсынымдарына негізделген және қатысушылардың, соның ішінде ИКАО-ға мүше мемлекеттердің, авиация саласының және халықаралық ұйымдардың өкілдерінен кең қолдау тапты. Маскат декларациясының негізгі ережелері:Жаһандық ынтымақтастықты нығайту: қатысушылар азаматтық авиациядағы заманауи қауіптермен күресу үшін ақпаратпен, технологиялармен және озық тәжірибемен белсенді алмасу қажеттілігін қуаттады;ИКАО стандарттарын енгізу: мүше елдер қауіпсіздік талаптарының жаһандық үйлесімін қамтамасыз ету үшін ИКАО стандарттары мен ұсынылатын тәжірибелерді (SARPs) енгізуді жеделдетуге міндеттеме алды;Жаңа қауіптерге қарсы тұру: декларация киберқауіптермен, ұшқышсыз ұшу аппараттарын пайдаланумен және басқа да заманауи сын-қатерлермен байланысты тәуекелдердің алдын алу бойынша бірлескен шараларды әзірлеуге және жүзеге асыруға шақырады;Мамандардың біліктілігін арттыру: авиациялық қауіпсіздік саласындағы персоналды оқыту және сертификаттау бағдарламаларын әзірлеу, сондай-ақ халықаралық тәжірибе алмасуды арттыру бойынша шаралар қабылданды;Экологиялық тұрақтылықты сақтау: декларацияның маңызды аспектісі азаматтық авиацияның көміртегі ізін азайту бастамаларымен қауіпсіздік шараларын біріктіруге ұмтылу болды.Декларация жаһандық авиациялық қауіпсіздікті нығайту жолындағы маңызды қадам ретінде танылды және оның ережелері ИКАО Ассамблеясының келесі отырысында қаралатын болады.Форум аясында ИКАО Авиациялық қауіпсіздік және жеңілдету департаментінің басшылығымен, Парсы шығанағы елдерінің авиациялық билік органдарының АҚ секторларының өкілдерімен аймақтағы жаңа қауіптер ескере отыра авиациялық қауіпсіздік пен киберқауіпсіздіктің өзекті мәселелері бойынша жұмыс кездесулері өтті.ИКАО қабылдаған құжатты іске асыру аясында қазақстандық сарапшылар декларацияның негізгі ережелерін ұлттық заңнамаға енгізеді, бұл заманауи қауіптерге қарсы тұру және қауіпсіздіктің жаңа технологияларын енгізу бойынша шараларды күшейтеді. Бұл қадамдар түптеп келгенде ұлттық авиация қауіпсіздігінің беделі мен тиімділігін арттыратын болады.Ақпарат көзі : https://www.gov.kz/memleket/entities/transport/press/news/details/904812

Орталық саябақ аумағындағы шаңғы тасжолында отбасылық эстафета ұйымдастырылды, деп хабарлайды елорда әкімдігінің ресми сайты.Эстафеталық жүгіру, доппен жүгіру, шайба таяғымен допты межеге жеткізу, допты қоқыс жәшігіне дәл түсіру сияқты сайыстарда 15 отбасы бақ сынады.«Отбасылық эстафета Президентіміздің бастауымен «Таза Қазақстан» экологиялық акциясын қолдау мақсатында өткізілді. Отан – отбасыдан басталады. Әрбір жас бала өзінің ата-анасына қарап үлгі алатындықтан, іс-шараның тәрбиелік мәні зор. Осы эстафетаның арқасында қатысушылар тазалық сақтаудың маңыздылығын түсінеді деп ойлаймын. Қыс мезгілінде осындай эстафеталарды өткізудің өзіндік ерекшелігі бар. Таза ауада қыстың суығына қарамастан, спорттық іс-шараға қатысудың өзі ерекше әсер сыйлайды. Сондықтан «Шаңғы роллер» тасжолын таңдадық. Бұл жердің орналасқан жері де өте керемет. Біз осымен тоқтап қалмаймыз. Әлі де көптеген турнир мен жарыстар өткізіп, Астанамыздың спорт мәдениетін көтеруге атсалысамыз» - деді Астана қаласы әкімдігінің «Спорттық-бұқаралық іс-шараларды өткізу дирекциясы» КММ спорттық-бұқаралық іс-шараларды жоспарлау бөлімінің басшысы Көлбай Жанбек.Эстафетадан бөлек, қатысушыларға қоқысты өңдеу, қоршаған айналаны таза ұстау бойынша өзекті мәселелерді түсіндіруге қатысты арнайы шеберлік дәрісі де өткізілді.«Отбасымызбен бірге осындай эстафетаға бірінші рет қатыстым. Көңіл күй тамаша. Спортпен күнделікті айналыссақ та, жарыстағы атмосфераның орны бөлек. Бәсекелестік жоғары деңгейде болды. Бос уақытымызды тиімді өткізіп, бала-шағамызбен жақсы эмоция алдық», - деді отбасылық эстафетаның қатысушысы Серікбай Әлімханов.Іс-шара соңында барлық отбасы «Таза Қазақстан» экологиялық акциясын қолдап, қоқыстарды арнайы жәшіктерге жинады.Ақпарат көзі : https://www.gov.kz/memleket/entities/astana/press/news/details/904854

Астана қаласындағы №8 мектеп-лицейінің 5-сынып оқушылары «Жасыл клуб» жобасы аясында «Жасыл мектеп» жылыжайында екі жылдан бері баптап келе жатқан лимон ағашы жемісін берді, деп хабарлайды елорда әкімдігінің ресми сайты.Лимон ағашымен қатар жылыжайда қияр, қызанақ, аскөк көкөністері мен құлпынай, жидектер және жалбыз да өсіріліп жатыр. Жоба жетекшілері оқушылармен бірге бос уақыттарын пайдалана отырып, өсімдіктерге күтім жасайды.Жалпы Астана қаласындағы 19 мектеп пен 1 колледжде, атап айтқанда Б №8, 20, 37, 42, 43, 49, 58, 61, 67, 68, 69, 80, 83, 88, 78, 90, 87, 82, 79 және Сервис және туризм колледжінеде . Б Өтемұратов қорының қорымен жылыжай ашылған.Сондай-ақ «Таза Қазақстан» акциясы аясында Астана мектептерінде экологиялық тәрбие мен қоршаған ортаны қорғау бойынша көптеген маңызды іс-шаралар жүргізілуде.1-11 сынып оқушылары жасыл экология мәселелеріне белсенді қатысып, табиғатты сақтап, оны қорғау үшін түрлі жобалар мен бастамаларды жүзеге асыруда.Оқушылардың қатысуымен өткізілген іс-шаралар:«Таза аула», «Жасыл Қазақстан» және «Жерімізді сақтайық» сияқты Табиғатты қорғау экологиялық акциялар аясында оқушылар мектеп ауласында ағаш отырғызып, қоршаған ортаны тазарту жұмыстарын жүргізеді.Табиғатқа саяхат бойынша оқушылар қоршаған ортаға жауапкершілікпен қарауды үйреніп, экологиялық тақырыптарға арналған экскурсияларға қатысады.Жасыл жобалар мен стартаптар бойынша оқушылар мектеп ішінде және сыртында экологиялық проблемаларды шешуге бағытталған шығармашылық жұмыстар мен жобалар әзірлейді.Экологиялық білім беру сабақтары негізінде мектепте экологияны түсіндіруге арналған арнайы сабақтар, тренингтер мен семинарлар өткізіледі. Бұл сабақтар оқушыларға табиғатты қорғаудың маңыздылығын және экологиялық өмір салтының қажеттілігін түсіндіруге бағытталған.Қаладағы жиырма меткепте қоршаған ортаны қорғау және тазалықты сақтау мақсатында жаңа қоқыс жәшіктері қойылды. Олар мектептің әр қабатында және әртүрлі орындарда орналасқан. Қоқыс жәшіктері органикалық және қайта өңделетін материалдарды бөлек жинауға арналған. Барлық оқушы мен қызметкерден осы жаңа жүйеге жауапкершілікпен қарап, қоқыстарды дұрыс орналастырады.Бұл жұмыстардың басты мақсаты – жас ұрпақты экологиялық мәселелерге жауапкершілікпен қарауға тәрбиелеу, табиғатқа деген сүйіспеншілік пен қамқорлық сезімін ояту. Мектептердегі экологиялық жобалар мен іс-шаралар арқылы оқушылар табиғатқа деген құрметті арттырып, жасыл экономика мен тұрақты даму принциптерін меңгеруде.Ақпарат көзі : https://www.gov.kz/memleket/entities/astana/press/news/details/904877

Биыл 470 мың гектарға жуық егіс алқабы су үнемдейтін технологияларды қолдана отырып суарылды. Бұдан бөлек, 58 мың гектарға жуық жер лазерлік жоспарлаушы арқылы тегістелді. Бұл іс-шаралар суармалы су шығынын азайтуға мүмкіндік берді.Еске салсақ, Су ресурстары және ирригация министрлігі «2024-2026 жылдарға арналған су үнемдеудің жол картасын» әзірлеген болатын. Жоспарда 39 іс-шара қарастырылған.Министрлік су үнемдеу саясатын одан әрі іске асыру және шаруаларды су үнемдеу технологияларына көшуге ынталандыру мақсатында су үнемдеу жүйелерін орнату шығындарын субсидиялау мөлшерін 50%-дан 80%-ға дейін ұлғайтты.«Мемлекет басшысының тапсырмаларын орындау үшін әр өңірге су үнемдеу жүйелері орнатылған егіс алқаптарын ұлғайту бойынша нақты индикаторлар белгілеп, кезеңдік жоспар әзірледі. Осылайша, министрлік 2030 жылдың соңына қарай жылына 2,2 млрд текше метрге дейін су үнемдеуге ниетті», - деді ҚР СРИМ Суды үнемдеу технологияларын дамыту департаментінің директоры Берікбол Мәндібаев.Ақпарат көзі : https://www.gov.kz/memleket/entities/water/press/news/details/904763

Өткен демалыс күндері өңірлерде 20-дан астам азық-түлік өнімдерінің жәрмеңкесі өтті. Жәрмеңкелерде жалпы көлемі 1 600 тоннадан астам тағам саудаланды. Мысалы, Шымкент қаласының өзінде жәрмеңкеге шығарылған 150 тоннаға жуық азық-түлік өніміның, 126 тоннасын жергілікті жұрт сатып алды. Одан бөлек С1 санатындағы жұмыртқа 52-57 теңгеден саудаланып, 105 000 данасы сатылған. Ал 26 тонна пияздың келісін шымкенттіктер 80 теңгеден сатып алған. Одан бөлек шымкенттіктер күнбағыс майының литрін 620 теңгеден, сиыр етінің келісін 2400-2600 теңге аралығында сатып алған.Алматыда 865 тонна өнім жәрмеңкеге шығарылса, соның 806 тоннасы сатылған. Алматыда өткен жәрмеңкелерге 300-ге жуық отандық тауар өндіруші мен кәсіпкер қатысқан. Алматыда қанттың 1 келісі 370 теңгеден, С1 санаттағы жұмыртқаның данасын 52 теңгеден, күнбағыс майының литрі 650 теңгеден сатылды.Ал Астанада дәстүрлі түрде «Соғым Fest» жәрмеңкесі өтті. Осының алдындағы жәрмеңкеде 100 тонна ет өнімі сатылса, бұл жолғы жәрмеңкеде 150 тонна ірі қара еті сатылды. Баға әдеттегідей арзан. Жылқы еті 2300-2500 теңге, сиыр еті 2100-2300 теңгеден. Одан бөлек 11 тонна көкөніс, 800 келі ұн (келісі 186 теңгеден басталады), 200 келі қант (келісі 350 теңгеден) сатылған.Жалпы жәрмеңкелерде тек әлеуметтік маңызы бар азық-түлік өнімдері ғана емес, халық арасында сұранысқа ие жеміс-жидек, бал, құрт, қаймақ секілді өнімдер сатылады.Өткен аптадағы жәрмеңкелердің ерекшелігі – бірнеше өңірде тұрақтандыру қорындағы өнімдер жәрмеңкелерде саудаланды. Мысалы, Абай облысында тұрақтандыру қорындағы 5 тонна картоп,сәбіз, пияз бен орамжапырақ жәрмеңкеде келісі 115 теңгеден сатылды. Ақтөбеде тұрақтандыру қорындағы картоп (2,8т) 116 теңгеден, пияз (1,9т) 170 теңгеден, орамжапырақ 160 теңгеден, сәбіз 110 теңгеден(1-1 тоннадан), қант 350 теңгеден (200 кг) сатылған. Ал Қостанайда өткен жәрмеңкелерге тұрақтандыру қорынан 11 тонна өнім шығарылса, оның 8 тоннасы сатылған. Атап айтар болсам, 1 тонна тауық еті (1000 тг), 2 тонна қарақұмық жармасы (135 тг), 1 тонна рожки (250 тг), 72 000 дана С санаттағы жұмыртқа (450-480 тг), 1 тонна сәбіз (140 тг), 3 тонна картоп (140 тг).Бұдан өзге тұрақтандыру қорындағы азық-түлік Алматы, ШҚО, Қызылорда, Павлодар, Орал, Жетісу, Ақмола облыстарында өткен жәрмеңкелерде сатылды.Ұлттық статистика бюросының ресми мәліметіне сай өткен аптадағы ӘМАТ тауарларының баға индексі 100,1% (+0,1%) құрады. 1 апта ішінде кейбір тауар түрлерінің бағасы арзандаған. Мысалы сиыр еті 0,1, қарақұмық жармасы 0,7, күріш 0,8, қант 1,0, сәбіз 0,1 пайызға арзандаған. Ұн мен айранның бағасы тұрақты. Картоп (1,4%) пен пияз(1,2%) бағасының аздаған қымбаттауы байқалады.Ақпарат көзі : https://www.gov.kz/memleket/entities/mti/press/news/details/904813

Қызылорда обылысы Жаңақорған ауданының Төменарық ауылында дәрігерлік амбулаториясы бар 15 төсектік жаңа ауылдық аурухана ашылды.«Ауылдық денсаулық сақтауды жаңғырту» ұлттық жобасының шеңберінде өңірдің барлық аудандарында 27 медициналық нысан салу жоспарланған, өткен жылы 16 нысан пайдалануға берілді.Оның ішінде Жаңақорған ауданының Қаратөбе ауылында бір дәрігерлік амбулатория ашылды. Қалған 11 нысанның құрылысы аяқталуда. Алдағы күндері Бесарық және Әбдіғаппар ауылдарында жаңа дәрігерлік амбулаториялар пайдалануға беріледі.Өңірдің картасында «Ауыл ел – бесігі» бағдарламасының шеңберінде салынған жаңа медициналық нысандардың қатарына медициналық пункт пен дәрігерлік амбулатория қосылды.Облыс орталығында жобалық қуаты жылына 10 мың адамды қабылдайтын «Қан орталығы» пайдалануға берілді.Ана мен баланың денсаулығын нығайту мақсатында көпбейінді облыстық аурухананың базасында 70 төсектік перинаталдық бөлімше ашылды, ол жаңа жабдықтармен жабдықталған.Облыс орталығында емхана мен онкологиялық бөлімшесі бар 300 төсектік көпбейінді аурухана, Арал ауданының Сексеуіл кентінде 40 төсектік ауылдық аурухана пайдалануға беріледі деп күтілуде.Биыл Жаңақорған ауданында «Қамқорлық» оңалту орталығы іске қосылды, жақын арада Арал ауданында да осындай орталық ашылады.Сонымен қатар, ұлттық жобаның шеңберінде 4 көпбейінді аудандық орталық аурухананың жанынан қосымша құрылыстар салу жоспарлануда.Облыстық онкология орталығына құны 1 млрд.100 млн. теңге болатын скрининг жүргізу үшін жылжымалы медициналық кешен берілді. Мұндай кешендер республика бойынша тек 3 облыста бар.Ақпарат көзі : https://www.gov.kz/memleket/entities/dsm/press/news/details/904912

Президент Әкімшілігінің және аудандық мәслихат депутаттарының келісімі бойынша 2024 жылғы 18 желтоқсандағы өкіммен Ербол Жүсіпбеков Жарқайың ауданының әкімі болып тағайындалды.Жаңа әкімді аудан активіне облыс әкімінің орынбасары Мұрат Балпан таныстырды.Жүсіпбеков Ербол Кәрімұлы 1965 жылы Көкшетау қаласының Красный яр ауылында дүниеге келген. Целиноград ауылшаруашылық институтын бітірген.Еңбек жолын 1989 жылы Көкшетау облысы Чистополь ауданы «Чистопольский» совхозында зоотехник-селекционер болып бастаған. Әр жылдары Көкшетау жылқы зауыты директорының өндіріс жөніндегі орынбасары, «Шоқан» шаруа қожалығының басшысы болып жұмыс істеді.2003-2009 жылдары Зеренді ауданының Садовое ауылдық округінің әкімі, аудандық ауыл шаруашылығы және жер қатынастары бөлімінің бастығы болды. 2009-2011 жылдары Зеренді ауданында «Қылшақты» ЖШС директоры болып жұмыс істеді.2011-2020 жылдары Зеренді ауылдық округінің әкімі, аудандық ауыл шаруашылығы бөлімінің бастығы, Зеренді ауданы әкімінің орынбасары қызметтерін атқарды.2020-2021 жылдары Ақмола облысы Ауыл шаруашылығы басқармасы басшысының орынбасары лауазымында қызмет етті.2021 жылдың ақпан айынан бастап Сандықтау ауданының әкімі болды.Ақпарат көзі : https://www.gov.kz/memleket/entities/aqmola/press/news/details/904671

`Primeminister.kz сайтының редакциясы еліміздің 2024 жылғы даму қорытындылары туралы жарияланым топтамасын жалғастыруда. Мемлекет басшысының тапсырмасы бойынша Үкімет мұнайдан тыс секторды дамытуға бағытталған экономиканы құрылымдық өзгерту бойынша бірқатар шара қабылдады. Отандық өндірушілерді қолдау құралдарын күшейту арқылы еліміздің инвестициялық тартымдылығын арттыру және іскерлік белсенділікті күшейту үшін қолайлы жағдай жасау бойынша ауқымды жұмыс жүргізілді.\n Негізгі экономикалық көрсеткіштердің өсу қарқыны\nАлдын ала бағалау бойынша осы жылдың 11 айының қорытындысы бойынша ЖІӨ өсімі 4,4%-ды құрады, ол негізінен мұнайдан тыс секторды дамытумен қамтамасыз етілген. Экономика өсімінің 70%-дан астамы өңдеу өнеркәсібі, сауда, ауыл шаруашылығы және құрылыс есебінен қалыптасты. Салалар бөлінісінде келесідей динамика байқалады: ауыл шаруашылығында жалпы өнім шығарудың 13,4%-ға өсуі байқалды, бұл 2011 жылдан бергі ең жоғары көрсеткіш саналады; құрылыста – 10,3%; саудада – 8,2%; көлік қызметтерінде – 8,1%; байланыста – 5,3%; өңдеу өнеркәсібінде –  5,3%. Жалпы, аталған кезеңде отандық тауарлар өндірісі 5%,-ға, көрсетілген қызметтер 4,5%-ға өсті. Негізгі капиталға салынған инвестициялар көлемі 3,1%-ға артып, 15,8 трлн теңгеге жетті.\nСыртқы сауда айналымы биылғы 10 айда $116,9 млрд-ты құрады. Қазақстандық тауарлардың экспорты 5,1%-ға өсті, ақшалай баламада көрсеткіш – $68,5 млрд. Бұл ретте өңделген тауарлардың экспорты 10,2%-ға ұлғайып, $23,3 млрд-қа жетті.  Шикізаттық емес экспорттың тұрақты өсуі көбінесе қазақстандық тауарларды Қытай мен Түркияға жеткізу көлемінің артуымен, сондай-ақ Еуропа нарықтарындағы қатысудың кеңеюімен байланысты. \nҚХР-ға экспорт көлемі 5,3%-ға өсіп, $12,3 млрд-ты құрады. Бұған мемлекет пен бизнестің бірлескен белсенді жұмысы ықпал етті. Қытай тұтынушылары арасында отандық өнімдердің танымалдылығын арттыру мақсатында қазақстандық компаниялардың CIFTIS, CIIE, Digital Expo сынды үлкен көрмелерге және басқа да шараларға қатысуы қамтамасыз етілді. Сондай-ақ jd.com, Doiyin, Alibaba электронды платформаларындағы ұлттық павильондар арқылы  тауарларды ілгерілету жұмыстары жанданып, стримингтер ұйымдастырылды.\nИрландия, Швейцария және Франция сияқты ЕО елдеріне экспорттық ағындарды өсіру олардың диверсификацияланғанын көрсетеді. Сонымен қатар Қырғызстан мен Тәжікстан сияқты көршілес елдерге шикізаттық емес экспорттың өсуі Қазақстанның саудасы үшін Орталық Азия өңірінің маңыздылығын айғақтайды. \nБиылғы қызмет көрсету экспорты 10,5%-ға өсіп, $8,4 млрд деңгейінде тіркелді. Осы сектордың драйверлері болып  тасымалдау, ІТ, қаржы және басқа іскерлік қызметтер салалары аталды.  \nСонымен бірге есепті кезеңде импорт  3,3%.-ға қысқарды. Импорттың төмендеуімен қатар жүретін экспорт көлемінің ұлғаюының нәтижесі экономиканың оң сауда балансының 33,4%-ға өсуі болды. Аталған көрсеткіш  $20,1 млрд деңгейінде қалыптасты.\nҚабылданған шаралардың нәтижесінде биыл инфляция төмендеп, қараша айында жылдық мәнде 8,4%-ды құрады. 2023 жылдың тиісті кезеңінде инфляция 10,3% деңгейінде болды.\nҚазақстанның дербес несиелік рейтингі инвестициялық сенімділік деңгейінде сақталды\n2024 жылдың 9 қыркүйегінде Moody's халықаралық рейтинг агенттігі несиелік рейтингті «Тұрақты» деген болжаммен «Ваа2»-ден «Ваа1»-ге дейін көтерді. \n2024 жылдың 15 қарашасында Fitch еліміздің несиелік рейтингін «BBB» деңгейінде растады, сонымен қатар болжамды «Тұрақты» деңгейде ұстады. \n2024 жылдың 1 наурызында S&P болжамды «Тұрақты» деңгейде сақтап қалып, дербес несиелік рейтингті  «BBB-/А-3» деңгейінде растады. \nНесиелік рейтингтің жоғарылауы экономикалық және қаржылық тұрақтылықты нығайтуға, еліміздің халықаралық аренадағы беделін жақсартуға ықпал етеді, капитал нарықтарынан инвестициялар тартуға және экономикаға тікелей шетелдік инвестициялар көлемін ұлғайтуға оң әсер етеді. Айта кету керек, мемлекеттің рейтингі неғұрлым жоғары болса, сыртқы нарықта қарыз алу шарттары соғұрлым жақсы болады.\nБизнесті қолдаудың жаңа құралдары арқылы елішілік құндылықтың өсуі\nҮкімет осы жылы кәсіпорындарды одан әрі ірілендіруге және қосылған құны жоғары өнім шығаруға баса назар аудара отырып, отандық тауар өндірушілерді қолдау жөнінде бірқатар шаралар қабылдады. Осындай шаралардың бірі шетелдік әлеуетті өнім берушілердің тауарларды, жұмыстар мен көрсетілетін қызметтерді мемлекеттік сатып алуға және квазимемлекеттік компанияларды сатып алуға қатысуына қол жеткізуін шектеу болып саналады.  Биыл тізбе 3 еседен астамға – 4 536 атауға дейін кеңейтілді. Нәтижесінде, тек 2024 жылдың 9 айында мониторинг субъектілерінің тауарларды, жұмыстарды және көрсетілетін қызметтерді сатып алу көлемі 21,2 трлн теңгені құрады, оның ішінде елішілік құндылығы  11 трлн теңгеге немесе 51,8%-ға жетті. Жылдың 11 айында отандық тауар өндірушілермен жасалған шарттардың сомасы 34,4%-ға өсіп,  372,9 млрд теңгені құрады. Офтейк-келісімшарттар бойынша көлемі 14 есеге, 134 млрд теңгеге дейін өсті. Қатты пайдалы қазбалар мен ОТӨ бойынша жер қойнауын пайдаланушылар арасында жалпы сомасы 111,1 млрд теңгеге 248 ұзақ мерзімді шарт және 27,8 млрд теңгеге 42 офтейк-келісімшарт жасалды. Салыстыру үшін: 2023 жылдың сәйкес кезеңінде 47,5 млрд теңгеге 35 ұзақ мерзімді шарт және  4,8 млрд теңгеге 10 офтейк-келісімшарт жасалған болатын. 2024 жылдың қорытындысында қатты пайдалы қазбалар бойынша жер қойнауын пайдаланушылардың жұмысы мен қызметтерін сатып алудағы елішілік құндылық үлесі бойынша индикатор 81% деңгейінде айқындалды; 2025 жылға арналған жоспарда оны 82%-ға дейін жеткізу көзделген.\nБиыл мемлекеттік сатып алуды жүзеге асырудың жаңа қағидалары бекітілді. 2024 жылғы 1 шілдедегі «Мемлекеттік сатып алу туралы» Заңға сәйкес, Қағидаларда жұмыс тәжірибесі мемлекеттік сатып алу аясында орындалған шарттар бойынша және мемлекеттік органдардың ақпараттық жүйелерінде мәліметтері бар басқа да шарттар бойынша есепке алынады. Тапсырысты орындаушы қосалқы мердігерлер атқаратын жұмыстар мен көрсетілетін қызметтер бойынша біліктілік талаптарына сәйкестігін растайтын құжаттарды ұсынуы тиіс. Заңнамалық өзгерістер конкурсты өткізу мерзімдері мен өтінімдерді беру рәсімдерін қамтиды. Өтінім беру мерзімі 15 жұмыс күнінен 5 жұмыс күніне дейін қысқартылды. Қағидалар 2025 жылғы 1 қаңтардан бастап қолданысқа енгізіледі.\nЭкономикадағы ШОБ үлесін арттыру\nОтандық тауар өндірушілерді қолдаудың қабылданған шаралары экономикадағы шағын және орта бизнестің үлесін 1,8%-ға ұлғайтуға мүмкіндік берді және бүгінде ол 38,2%-ды құрайды. Осы жылдың 1 желтоқсанында жұмыс істеп тұрған ШОБ субъектілерінің саны 1,5%-ға артып, 2 млн кәсіпорыннан асты. Осы секторда барлығы 4,2 млн-нан астам қазақстандық жұмыспен қамтылды. Бұл ретте шағын және орта бизнес субъектілерінің өнім шығару көлемі 2024 жылдың 2 тоқсанында 19,1%-ға ұлғайып, 34,2 трлн теңгені құрады.\nҚазақстанда экспорттаушыларды мемлекеттік қолдау жаңа деңгейге жетті: бизнеске 6,3 млрд теңге көлемінде шығындарды өтеу қамтамасыз етілді. Салалардың әртараптандырылуына ерекше назар аударылып отыр. Бұл елдің экспорттық әлеуетін кеңейтуге ықпал етеді. Қабылданған өтінімдер саны бойынша көшбасшылар қатарында Қостанай облысы, Алматы қаласы, Алматы және Қарағанды облыстары тұр. Биыл жалпы 500-ге жуық компания түрлі қолдау шараларын алды, оның ішінде экспорттық акселерация бағдарламасына қатысу, Alibaba.com платформасына шығу, көрмелер мен сауда-экономикалық миссияларға қатысу, шығындарды өтеу және басқа да шаралар бар. Олардың 90%-дан астамы азық-түлік саласындағы шағын және орта бизнес субъектілері.\nПрезидент қол қойған Бизнесті жүргізу мәселелері жөніндегі заң аясында биыл тексеруден профилактикалық іс-шараларға көшу арқылы мемлекеттік бақылау және қадағалау жүйесі қайта қаралды. 66 саланың тәуекелдерді басқару жүйесін автоматтандыру жүргізілді. Бизнес-ахуалды жақсарту және әкімшілік кедергілерді азайту мақсатында «таза парақтан» реттеуді енгізу бойынша жұмыс жалғасуда. Өңірлік маңызы бар актілер талданып, бизнеске 1 мыңға жуық негізсіз талаптар анықталды. Әкімдіктер оларды алып тастау бойынша жұмыс жүргізуде.\nСондай-ақ биыл кәсіпкерлікке арналған міндетті талаптар тізілімі іске қосылды, оның ерекшелігі кәсіпкерлерді тізілімнен шығарылған және мерзімінде жойылмаған талаптарды бұзғаны үшін әкімшілік жауапкершіліктен босату болып саналады.\nПрезиденттің бастамасымен «Бизнестің жол картасы» және «Қарапайым заттар экономикасы» атты екі бағдарламаның құралдарын біріктірген Шағын және орта кәсіпкерлікті қолдау мен дамыту жөніндегі кешенді бағдарламаны қабылдау маңызды қадам болды. Мықты және бәсекеге қабілетті кәсіпорындар құру мақсатында тиімді жобаларға қолдау көрсету көзделген. Сонымен қатар жаңа жобаларды субсидиялау үшін бюджетті бөлу негізінен өңдеу өнеркәсібі саласындағы кәсіпорындар арасында жүзеге асырылады (шамамен 50%).\nШОБ жобаларын нарықтық жағдайларға кезең-кезеңімен көшумен субсидиялаудың сараланған әдісі көзделген.  Кредиттер бойынша кепілдік беру құралы кеңейтілді: кепілдіктер сомасы 3,5 млрд теңгеге дейін ұлғайтылды және бизнес субъектілері үшін 1 млрд теңгеден астам несие сомасы бойынша нарықтық шарттарда кепілдік алуға мүмкіндік берілді. Биыл барлығы 840,5 млрд теңге кредиттердің жалпы сомасына 14,5  мың жоба субсидияланды, төленген субсидиялар сомасы 226,2 млрд теңгені құрады. 241,2 млрд теңгеге 7,3 мың жоба бойынша кепілдіктер берілді. ШОБ-ты қолдаудың тағы бір құралы синдикатталған кредиттеу болды, ол бір мезгілде бірнеше банктер 15 млрд теңгеге дейінгі ірі жобаларды қаржыландыруды көздейді.\nОблигациялық қарыздар беру шарттары кеңейтілді: эмитент-кәсіпкер облигация шығарылған кезде купондық сыйақы мөлшерлемесін субсидиялауды ала алады және 5 жылға дейінгі мерзімде 5 млрд теңгеге дейін 6%-бен қаржыландыруға қол жеткізе алады. \nӘлеуметтік кәсіпкерлікті дамыту үшін биыл 5 млн теңгеге дейінгі мемлекеттік гранттар және салалық шектеулерсіз 7% мөлшерлеме бойынша 1,5 млрд теңгеге дейінгі кредиттер бойынша пайыздық мөлшерлемені субсидиялау енгізілді.\nКәсіпкерлікті дамыту үшін мемлекеттік қызметтерді цифрландыру\nБизнестің мемлекетпен өзара іс-қимылы саласындағы негізгі бағыттардың бірі цифрландыру болып саналады. Ыңғайлы цифрлық экожүйені қалыптастыру мақсатында кәсіпкерлердің бір порталда мемлекеттік қызметтерді, қолдау шараларын және мемлекетпен өзге де өзара іс-қимылды алуы үшін «Бизнестің цифрлық картасы» жобасы әзірленуде. Азаматтардың жеке кабинеті секілді бизнестің жеке кабинеті енгізіледі, бұл әкімшілік рәсімдерді жеңілдетеді және процестердің ашықтығы мен тиімділігін арттырады. Биыл Қазақстанда электрондық форматта барлығы 99,3% мемлекеттік қызмет көрсетілді. Қағаз құжат айналымын одан әрі оңтайландыру жүргізілуде.\nСондай-ақ бизнестің операциялық шығындарын төмендетуге бағытталған есеп-қисапты автоматтандыру бойынша жұмыс жүргізілуде. Мәселен, 2025 жылдың соңына дейін барлық есеп-қисаптың 40%-ын оңтайландыру жоспарлануда. ШОБ-ты одан әрі өсірудің тағы бір құралы арнайы келісім болады, оның шеңберінде кәсіпкерге салалық отандық және шетелдік консультанттарды тарта отырып, атаулы консалтингтік көмек көрсетіледі.   \nЖалпы биыл ел экономикасы айтарлықтай тұрақты өсім көрсетті. Бұл өсім мұнайдан тыс сектордың қарқынды дамуының нәтижесінде жүзеге асып, әртараптандыру саясатының оң әсерін көрсетіп отыр. Несиелік рейтингтің жоғарылауы мен инвестициялардың артуы халықтың әл-ауқатын жақсартуға, жаңа жұмыс орындарын ашуға және өңірлердің дамуына бағытталған маңызды инфрақұрылымдық жобаларды іске асыруға мүмкіндік берді. Сонымен қатар мемлекеттік қызметтерді цифрландыру және оңтайландыру арқылы бизнес климатқа және әрі қарай да инвестиция тартуға оң ықпал етуде. Экономикалық тұрақтылықты одан әрі нығайту Үкіметтің басым бағыттарының бірі болып қала береді.\n#Инвестициялар #Президенттің тапсырмасы #ШОБ #Экономика #Экспорт\n `Ақпарат көзі : https://www.gov.kz/memleket/entities/aqmola/press/news/details/904703

Жыл басынан бері республикалық бюджеттен 3 трлн 436,4 млрд теңге сомасына зейнетақы төленді, оның ішінде базалық зейнетақы төлеуге – 1 трлн 81,9 млрд теңге, ынтымақты зейнетақы төлеуге – 2 трлн 354,5 млрд теңге қарастырылды.2024 жылғы 1 желтоқсандағы жағдай бойынша зейнеткерлер саны – 2 млн 428 мың адам.2024 жылғы 1 желтоқсандағы жағдай бойынша жиынтық зейнетақының орташа мөлшері 131 556 теңгені құрады, оның ішінде ынтымақты зейнетақы мөлшері – 88 967 теңге, базалық зейнетақы – 42 589 теңге.2018 жылғы 1 шілдеден бастап мемлекеттік базалық зейнетақы төлемі зейнетақы жүйесіндегі өтілін ескере отырып, әр алушыға жеке тағайындалатынын еске саламыз.Бұл ретте 1998 жылғы 1 қаңтардағы жағдай бойынша ынтымақты жүйеде жұмыс істеген уақыты, сондай-ақ міндетті зейнетақы жарналары (бұдан әрі – МЗЖ) төленген кезеңдер зейнетақы жүйесіндегі еңбек өтіліне қосылады.Егер азаматтың зейнетақы жүйесіндегі өтілі 10 жыл немесе одан аз болса, сондай-ақ мүлде жоқ болса, базалық зейнетақы ең төменгі күнкөріс деңгейінің 65%-на тең болса, содан кейін 10 жылдан асқан әр жыл үшін оның мөлшері 2 %-ға артады. Ал егер сіздің өтіліңіз 20 жыл болса, базалық зейнетақы төменгі күнкөріс деңгейінің 85 %-ын құрайды. Еңбек өтілі 30 жыл немесе одан көп болса, күнкөріс деңгейінің ең жоғарғы мөлшерінде яғни 105% белгіленеді.Егер бір ай ішінде міндетті зейнетақы жарналары Бірыңғай жинақтаушы зейнетақы қорына бірнеше рет аударылса, жинақтаушы жүйеге қатысу мерзімі бір айды құрайды.Осылайша міндетті зейнетақы жарналары неғұрлым тұрақты және толық көлемде аударылатын болса, зейнет жасына жеткенде базалық зейнетақы төлемдерінің мөлшері соғұрлым көп болады.Өз кезегінде азаматтың жасына байланысты зейнетақы төлемдерінің мөлшері 1998 жылғы 1 қаңтардағы жұмыс өтіліне (кем дегенде 6 ай қажет) және зейнеткерлікке дейінгі кезеңдегі орташа айлық табысына байланысты болады.Ақпарат көзі : https://www.gov.kz/memleket/entities/enbek/press/news/details/904531

Астанада бұл күндері армиялық қоян-қолтық ұрыстың баламасы болып табылатын нағыз жекпе-жектен Қазақстан Республикасының Кубогы өткізілді. 13-15 желтоқсан аралығында Астанада жекпе-жектің осы түрі бойынша үздік командалар жиналды. Бұл турнир «Кимоносыз АҚҰ» бөлімінде өткізілді. Ақмола облысының құтқарушысы Диас Нұртаев 67 кг дейінгі салмақ дәрежесінде өнер көрсетіп, кубоктың барлық кезеңдерінен өтіп, бірінші орынды иеленді. Сонымен қатар 2024 жылғы 12-17 желтоқсан аралығында Астана қаласында ересектер арасында өткен гір спорты бойынша Қазақстан чемпионаты еліміздің түкпір-түкпірінен мықты спортшыларды жинады. Қатысушылар арасында Алматы және Қарағанды облысы ТЖД өкілдері жоғары нәтиже көрсетті. Алматы облысы ТЖД Кеген ауданы төтенше жағдайлар бөлімінің аға инженері Дәурен Қадыр 73 кг салмақ дәрежесінде бірінші орынды иеленді. Қарағанды облысы ТЖД №22 өрт сөндіру бөлімінің қарауыл бастығы Александр Комаров пен №28 өрт сөндіру бекеті өрт сөндіру автомобилінің жүргізушісі Роман Герасименко турнирдің күміс жүлдегерлері атанды. Қиын әрі шиеленіскен бәсекеде олар жоғары дайындық деңгейін және табандылық көрсетті. Бұл жетістік тек спортшылардың жеке жетістігі ғана емес, сондай-ақ бүкіл азаматтық қорғау қызметінің мақтанышы болып табылады. Мұндай турнирлер құтқарушылар үшін өте маңызды, өйткені олар физикалық төзімділікті, реакцияны және төтенше жағдайларда тиімді жұмыс істеу үшін қажетті дағдыларды дамытады. Ақпарат көзі : https://www.gov.kz/memleket/entities/emer/press/news/details/904772

Бүгін Қазақстан Республикасы Төтенше жағдайлар Стратегиялық жоспарлау және жедел басқару командалық орталығы базасында азаматтық қорғау саласындағы жаңғырту және цифрландыру мәселелеріне арналған кеңес өтті. Іс-шараға Төтенше жағдайлар вице-министрі Батырбек Әбдішев, Экология және табиғи ресурстар министрі Ерлан Нысанбаев, Су ресурстары және ирригация министрі Нұржан Нұржігітов, Цифрлық даму, инновациялар және аэроғарыш өнеркәсібі вице-министрі Мәлік Олжабеков, сондай-ақ мемлекеттік ұйымдар мен ұлттық компаниялардың өкілдері қатысты. Кеңестің негізгі мәселелерінің бірі ҚР ТЖМ Командалық орталығының IT-инфрақұрылымын жаңғырту болды. Төтенше жағдайлар вице-министр Батырбек Әбдішев төтенше жағдайлар кезінде неғұрлым тиімді мониторинг пен жедел басқару үшін заманауи цифрлық шешімдерді енгізу мақсатында командалық орталықты жаңартуға айтарлықтай күш жұмсалғанын атап өтті. «Әртүрлі мемлекеттік органдардың деректерін интеграциялау және олардың мамандарының үнемі қатысуы үйлесімді жұмыс пен жедел шешім қабылдауды қамтамасыз етеді», — деп атап өтті Батырбек Әбдішев. ҚР ТЖМ Командалық орталығы азаматтық қорғау күштері мен құралдарын жедел басқаруға, сондай-ақ табиғи және техногендік сипаттағы төтенше жағдайлар туралы ақпаратты жинауға және өңдеуге жауапты негізгі құрылымдық бөлімше болып табылады. Орталықтың инфрақұрылымын жаңарту аясында биыл торлық жөндеу және ақпараттық-техникалық базаны жаңарту бойынша жұмыстар жүргізілді. Бұл процеске «Қазавиалесохра» РМК, «Қазгидромет» РМК және «Қазақстан Ғарыш Сапары» АҚ республикалық диспетчерлік қызметінің мамандары тартылды. ҚР ТЖМ Командалық орталығы азаматтық қорғау күштері мен құралдарын жедел басқаруға, сондай-ақ табиғи және техногендік сипаттағы төтенше жағдайлар туралы ақпаратты жинау мен өңдеуге жауапты негізгі құрылымдық бөлімше болып табылады. Орталықтың инфрақұрылымын жаңарту аясында биыл үй-жайларды жаңғырту және ақпараттық-техникалық базаны жаңарту бойынша жұмыстар жүргізілді. Бұл процеске «Қазавиаорманкүзеті» РМК, «Қазгидромет» РМК және «Қазақстан Ғарыш Сапары» АҚ республикалық диспетчерлік қызметінің мамандары тартылды. Кеңесте цифрлық бастамаларға және мемлекеттік органдардың төтенше жағдайларға мониторинг жүргізу мен оларды жоюдағы бірлескен күш-жігерге ерекше назар аударылды. Вице-министр Батырбек Әбдішев Tabigat.gov.kz табиғи ресурстардың интерактивті картасы сияқты ғарыштық технологиялар мен цифрлық құралдарды пайдалана отырып мониторинг жүргізілгенін хабарлады. «ҚҒС» ҰК» АҚ платформалық шешімдер департаментінің директоры Гүлнар Қабжанова Tabigat.gov.kz платформасының мүмкіндіктерін көрсетті, ал ҚР ЭТРМ орман шаруашылығы және жануарлар дүниесі комитеті төрағасының орынбасары Мақсат Елемесов орман өрттерін ерте анықтау жүйесін және республикалық диспетчерлік қызметтің есептілігін автоматтандыруды ұсынды. Сонымен қатар кеңесте ТЖМ процестерін автоматтандыру шеңберінде жүргізілетін дала және орман өрттерінің таралуын модельдеу ұсынылды. ТЖМ геоақпараттық жүйелер жобасының жетекшісі Мұрат Әбдіхалықұлы өртті модельдеу бойынша жұмыстың барысын көрсетті, ал «ҚҒС» ҰК» АҚ платформалық шешімдер департаментінің инженерлері мен «Қазгидромет» РМК бас директоры су тасқынын болжау жүйесі туралы айтты. Кеңес соңында «Су ресурстарының ақпараттық-талдау орталығы» КЕАҚ төрағасы Қайратғали Хайрулла «Talsim» және «Delft-FEWS» су тасқынын болжау жүйелерін таныстырды, содан кейін төтенше жағдайлар туралы хабарлау жүйесіндегі маңызды жаңарту көрсетілді. Оны ҚР ТЖМ байланыс және құлақтандыру басқармасының бастығы Саят Баталов ұсынды. Кездесу қорытындысы бойынша қатысушылар ақпараттық жүйелердің жұмыс істеу үдерістерін үйлестіруді және азаматтық қорғау саласындағы материалдық-техникалық сүйемелдеуді қамтамасыз ететін бірыңғай ахуалдық орталық құру жөніндегі одан арғы қадамдарды талқылады. Сонымен қатар осы жобаны іске асыру үшін ведомствоаралық техникалық тапсырма әзірлеу ұсынылды.Ақпарат көзі : https://www.gov.kz/memleket/entities/emer/press/news/details/904817

Ауа-райының нашарлауы, қатты дауыл мен көріну мүмкіндігі нөлдік боранның салдарынан Жетісу ауданындағы Үшарал-Достық тас жолында бірнеше төтенше жағдай орын алды. Төтенше жағдайлар министрлігінің құтқарушылары қар құрсауында қалып қойған жүргізушілер мен жолаушыларға жедел көмек көрсетті. Соңғы тәулікте барлығы 136-дан астам адам құтқарылды. Қатты боран мен боран салдарынан Ырғайты тас жолының учаскесінде 30 жүк көлігі мен бір жолаушылар көлігі тұрып қалды. Құтқарушылар дереу көмекке аттанды. Құтқарушылар ауысымдық көлік пен Треколь автокөлігін қоса алғанда, арнайы барлық жерүсті көліктерін пайдалана отырып, 40-тан астам адамды Үшарал қаласына жеткізді. Құтқарылғандардың арасында 28 шетел азаматы бар - Беларусь Республикасы, Қытай Халық Республикасы, Әзірбайжан Республикасы және Ресей Федерациясының азаматтары. Бақытымызға орай, ешкім медициналық көмекке мұқтаж болмады. Жолдың Ырғайты мен Жалаңашкөл аралығындағы тағы бір бөлігінде тағы 26 жүк көлігі қар құрсауында қалды. Құтқарушылар жүргізушілерді жергілікті билік ыстық тамақ ұйымдастырған Көктұма ауылына көшірді. Осы шараның нәтижесінде 26 жүргізушіге көмек көрсетілді. Сонымен қатар, Достық стансасының ПЧ-10 қызметкерлерімен эвакуациялау жұмыстары жүргізілді. Қалың қар көшкен аумақта 2 жеңіл және 19 жүк көлігі болды. 69 адам эвакуацияланды, оның ішінде «Алакөл» шекара бөлімінің 20 әскери қызметкері. Зардап шеккендердің барлығы Достық станциясына жеткізілді. Төтенше жағдайлар министрлігі азаматтарға қыста сақтық шараларын сақтау керектігін еске салады. Дауыл туралы ескертулерді орындап, ауа-райы нашарласа, сапарға шықпау маңызды. Төтенше жағдай орын алған жағдайда тәулік бойы жұмыс істейтін жедел жәрдем қызметінің 112 нөміріне қоңырау шалыңыз. Өзіңізге және жақындарыңызға қамқорлық жасаңыз! < /p>Ақпарат көзі : https://www.gov.kz/memleket/entities/emer/press/news/details/904831

Бүгін облыс әкімі Серік Шәпкенов Швейцария конфедерациясы елшісінің орынбасары Тобиас Вердер және халықаралық көші-қон ұйымы БҰҰ Көші-қон агенттігінің Қазақстандағы Миссиясының басшысы, Орта Азия бойынша үйлестірушісі Серхан Актопракпен кездесті.Қос тарап жиында басқа мемлекетте жұмыс істегісі келетіндерге қызмет көрсетуге бағытталған ХКҚҰ-ның «Алдын ала даярлық орталығы» жобасын талқылады.ХКҚҰ Қазақстандағы Миссиясының басшысы Серхан Актопрак бұл жобаның жұмыссыздықты азайтуға, серіктестікті нығайтуға және дүниежүзілік миграциялық қозғалыстарға септігі мол екенін атап өтті.Серік Шәпкенов ХКҚҰ-мен өзара ынтымақтастықты одан әрі дамытуға ниетті екенін айтты. Осы ретте өңірде халықты жұмыспен қамту мәселесі өзекті екенін айтып, жобаны Атырауда пилоттық негізде бастауға мүдделі екенін жеткізді.- Өңірімізде ірі мұнай-газ компаниялары орналасқандықтан, мамандарды жұмыспен қамту мәселесі өзекті. Бізде үлкен тәжірибесі бар білікті мамандар жұмыс істейді. Олардың бұл тәжірибесі өзге елде де сұранысқа ие. Сондықтан, қызметкерлердің әлеуетін халықаралық деңгейде жүзеге асыруға мүмкіндік беруіміз қажет. Бұл ретте, алдын ала даярлық орталығы үлкен қолдау болмақ. Ол азаматтарымыздың бәсекеге қабілеттілігін арттыруға ғана емес, қажетті ақпарат алуға, тағылымдамадан өтуге, шетелде жұмыс істеу шарттарымен, талаптарымен танысуға мүмкіндік береді. Мұндай жобаны Атырауда пилоттық негізде іске қосу – стратегиялық тұрғыдан маңызды қадам. Алдын ала дайындық орталығы азаматтарымыздың шетелде табысты жұмысқа орналасуына, серіктестік байланыстарды нығайтуға және жаһандық көші-қонның дамуына серпін береді деп сенемін,-деді С.Шәпкенов.Анықтама үшін: Атырау облысының 1000-нан астам азаматы Ресей, Катар, БАӘ, Оңтүстік Корея, Венгрия, Чехия сынды өзге мемлекеттерде еңбек етіп жүр.Ақпарат көзі : https://www.gov.kz/memleket/entities/atyrau/press/news/details/904664