Миролюбовка ауылында сенбілік өткізілді. Осы шара аясында мұсылман және христиан зираттарына апаратын жолдар тегістелді. 10 техника бірлігі жұмылдырылды. Миролюбовка ауыл шаруашылығы кооперативінен 1 дана КамАЗ, 1 дана жүк тиегіш, Калиссатарулы Б.К. ауыл шаруашылығы кооперативінен 1 дана КамАЗ, Самар КГП на ПХВ-дан 1 дана КамАЗ, 1 дана жүк тиегіш, 1 дана грейдер, Тищенко ауыл шаруашылығы кооперативінен 1 дана МТЗ-82, Намыс ауыл шаруашылығы кооперативінен 1 дана МТЗ-82, Кимадиев ауыл шаруашылығы кооперативінен 1 дана МТЗ-82, Тищенко П. ауылынан 1 дана Т-40 болды.Ақпарат көзі : https://www.gov.kz/memleket/entities/vko-samar-mirolubovka/press/news/details/1012507?lang=kk

Отандық машина жасау тарихында тұңғыш рет автобустардың шанақ элементтері халықаралық сапа стандарттары бойынша сертификатталған қазақстандық металды пайдалана отырып шығарылатын болады. Qarmet металлургиялық комбинаты Саранда орналасқан QazTehna зауытында шанақ бөлшектерін жаңа штампылау өндірісі үшін 08КП маркалы мырышталған болат жеткізуге кірісті.Бұл туралы Qarmet компаниясының баспасөз қызметі хабарлады.QazTehna инвестициялық бағдарлама аясында Қазақстанда ауданы 10 000 шаршы метрден асатын алғашқы мамандандырылған штампылау корпусын құру жобасын іске асыруда. Өндіріс күрделі шанақ компоненттерін дайындауға арналған бірегей гидравликалық престермен жарақтандырылатын болады. Жобаның құны 20 млрд теңгеден асады, қаржыландыру Өнеркәсіпті дамыту қорының қолдауымен QazTehna-ның өз қаражаты есебінен жүзеге асырылады. Пайдалануға беру 2025 жылдың тамызына жоспарланған.Бірінші кезеңде Yutong қалалық, туристік және мектеп автобустары үшін, ал кейіннен HOWO коммерциялық техникасы үшін шанақ бөлшектерін шығару жоспарланған."Машина жасау сегментіне шығу – бұл Qarmet үшін стратегиялық маңызды қадам. Біз қазақстандық металлургия ірі инвестициялық жобаларды ескере отырып, отандық өндірісті қолдау және ел ішінде қосымша құн жасау жөніндегі барлық міндеттерді орындауға қабілетті екенін растаймыз", – деп түсінік берді Qarmet баспасөз қызметінде.Ақпарат көзі : https://www.gov.kz/memleket/entities/karaganda/press/news/details/1012518?lang=kk

Павлодар облысы бойынша мемлекеттік кірістер Департаменті салық заңнамасының сақталуын қамтамасыз ету және салық тәртібінің деңгейін арттыру үшін қызмет көрсету саласында айналысатын кәсіпкерлік қызмет субъектілеріне қатысты салықтық бақылау іс-шараларын жүргізеді.Талдау объектісі облыс орталығының аумағында қызметін жүзеге асыратын мейрамханалар мен фитнес-клубтар болды. Салық төлеушілердің салық есептілігін, сондай-ақ басқа көздерден алынған ақпаратты зерделеу жолымен камералдық бақылау жүргізу барысында кірістерді төмендету, салық салынатын табысты жасыру, есептілікті беру және салық төлеу мерзімдерін бұзу және т. б. фактілер анықталды.Салық төлеушілердің салық есептілігін, сондай-ақ басқа көздерден алынған ақпаратты зерделеу жолымен камералдық бақылау жүргізу барысында кірістерді төмендету, салық салынатын табысты жасыру, есептілікті беру және салық төлеу мерзімдерін бұзу және т. б. фактілер анықталды.Жүргізілген жұмыс нәтижелері бойынша бизнес субъектілері шамамен 400 млн. теңге кіріс сомасына нақтыланған қосымша салық есептіліктерін ұсынды, бюджетке шамамен 9 млн.теңге төленді.Облыстың мемлекеттік кіріс органдары салық төлеуден әдейі жалтарған, "сұр схемаларды" қолданатын, "конверттерде" жалақы төлейтін, сатып алынған тауарлар мен қызметтер үшін фискалдық чектерді ұрмайтын кәсіпкерлерді анықтау бойынша талдамалық жұмысты жандандырады және күшейтеді.Павлодар облысы бойынша МКД облыс тұрғындарына фискалдық чектерді беруден бас тарту жағдайларына азаматтық жауапкершілік пен төзбеушілік танытуға жүгінеді. Бей-жай қалмауға және әрбір сатып алу немесе қызмет үшін чек талап етуге шақырамыз. Әрбір берілмеген чек-бұл бюджетке түспеу, одан жолдар, мектептер, медицина қаржыландырылады. Тек бірлескен күш-жігермен әділ салық салуды қамтамасыз етуге болады. Павлодар облысы бойынша МКДтүсіндіру жұмысы және Байланыс-орталығы басқармасы Ақпарат көзі : https://www.gov.kz/memleket/entities/kgd-pavlodar/press/news/details/1012524?lang=kk

Қазақстан Республикасы Қаржы министрлігінің Мемлекеттік кірістер комитеті, қазіргі уақытта Ақтөбе облысы бойынша МКД «Жайсан» өткізу пунктіндегі Қазақстан-Ресей учаскесінде шекарада көлік құралдарының көптеп топталып тұрғаны байқалуда екенін хабарлайды.Осыған байланысты, жоғарыда көрсетілген өткізу пунктінде тоқтап тұруларды болдырмас үшін Мемлекеттік кірістер комитеті балама ретінде БҚО бойынша МКД «Сырым» (ҚР) - «Маштаков» (РФ) өткізу пункті арқылы көлік құралдарын өткізуді жүзеге асыруды ұсынады.   Ақпарат көзі : https://www.gov.kz/memleket/entities/kgd-akmola/press/news/details/1012103?lang=kk

      Бүгін біз ерекше күн – Қазақстан Республикасының Мемлекеттік рәміздері күнін атап өтудеміз. Бұл күн әрбір қазақстандық үшін маңызды, өйткені ол біздің тәуелсіздігімізді және еліміздің көпұлтты халқын біріктіретін ортақ құндылықтарды бейнелейді.Мемлекеттік рәміздер – ұлт рухының, абыройының, тарихы мен ұмтылыстарының айнасы. Қазақстанның Мемлекеттік Туы астында біз бірлік пен тәуелсіздіктің қуатын сезінеміз, Гимн шырқалғанда кеудемізді Отанға деген мақтаныш сезімі кернейді. Мемлекеттік Елтаңба – еліміздің барша азаматтарының бірлігінің нышаны. Бұл рәміздер әрбір қазақстандықтың жүрегінде елге деген шынайы мақтаныш сезімін оятады және бізді – қиын сәттерде де, ұлы жетістіктер мен жеңістер кезеңінде де біріктіреді.Бүгін біз еліміздің егемендігімен, бай мәдениетімен, мемлекеттік тілімен және теңдесі жоқ көпұлтты бірлігімізбен мақтана аламыз. Мемлекеттік рәміздер – осы ортақ тарих пен құндылықтардың ажырамас бөлігі болып табылады және олар еліміздің дамуы мен өркендеуі жолындағы біртұтас ұмтылыста барлық қазақстандықтарды біріктіреді. Сондықтан да біз балаларымызға кішкентай кезінен бастап осы рәміздерге құрметпен қарауды, Отанға деген мақтаныш сезімін және ұлттық құндылықтарды сақтау маңыздылығын сіңіреміз.Құрметті жерлестер! Біз бәріміз бір Тудың астында өмір сүріп, елдің гүлденуі мен бейбітшілігі жолында бірігіп еңбек етудеміз.Қазақ елінің Туы бейбіт аспан астында асқақ желбірей берсін, Елтаңбамыз – барша жұртты біріктірсін, ал Гимн– әр жүректе Отанға деген мақтанышпен шырқалсын!Қазақстан Республикасының Мемлекеттік рәміздер күні құтты болсын!Мерекелеріңізбен! Құрметпен Курчатов қаласының әкімі Абдралиев Б. Т.Ақпарат көзі : https://www.gov.kz/memleket/entities/abay-kurchatov/press/news/details/1012112?lang=kk

Тель-Авив, 2025 жылғы 4 маусым — Әлемдік және дәстүрлі діндер лидерлерінің VIII Съезіне дайындық жұмыстары аясында Қазақстан Елшісі Дәулет Ембердиев Израильдің Бас сефард раввині Давид Йосефпен және Бас ашкеназ раввині Калман Бермен кездесулер өткізді.Кездесу барысында тараптар Съезге дайындық жұмыстарын талқылап, жаһандық деңгейде конфессияаралық диалогты одан әрі нығайтудың маңыздылығын атап өтті. Әңгіме барысында Бас раввиндердің өкілдерінің Съездің XXIII Хатшылығы отырысына және Жас діни лидерлер форумының кезекті II отырысына қатысу мәселелеріне ерекше назар аударылды.Осы орайда, Елші Д.Ембердиев Қазақстанның рухани дипломатия саласындағы бастамаларын үнемі қолдап келе жатқандары үшін дін лидерлеріне ризашылығын білдіріп, Қазақстан Республикасы Парламенті Сенатының Төрағасы – Съезд Хатшылығының Басшысы Мәулен Әшімбаевтың атынан ресми шақыру хаттарын табыстады.Өз кезегінде Бас раввиндер шақыру үшін алғыс білдіріп, алдағы іс-шараларға қатысуға қызығушылықтарын растады. Олар Қазақстанның конфессияаралық және өркениетаралық диалогты ілгерілету жолындағы күш-жігерін жоғары бағалап, Съездің түрлі діни дәстүрлер мен мәдениеттер арасындағы сенім көпірлерін құрудағы ерекше рөлін атап өтті.Тараптар жаһандық ынтымақтастық пен орнықты дамудың негізі болып табылатын төзімділік, өзара түсіністік және бейбітшілік идеалдарына ортақ адалдықтарын қуаттады.Ақпарат көзі : https://www.gov.kz/memleket/entities/mfa-tel-aviv/press/news/details/1012164?lang=kk

Стокгольм, 2025 жыл 3 маусым – Швеция Парламентінің ғимаратында (Riksdag) Орталық Азия елдерінің инвестициялық әлеуетіне арналған екінші бизнес-семинар өтті. Іс-шараны «Швеция - Орталық Азия» достық тобының төрағасы Бьорн Седер, Қазақстан Республикасы мен Өзбекстан Республикасының Швециядағы елшіліктерімен бірлесіп ұйымдастырды.Семинар 2024 жылы басталған диалогтың қисынды жалғасы болды және Орталық Азиямен сауда-экономикалық ынтымақтастықты кеңейтуге тұрақты қызығушылықты растай отырып, Швецияның Парламент мүшелерін, мемлекеттік құрылымдардың, іскер топтардың және талдау орталықтарының өкілдерін біріктірді.Семинарды аша отырып, Б.Седер бай ресурстық базасы, тиімді географиялық орны және өсіп келе жатқан демографиялық әлеуеті бар аймақтың стратегиялық маңыздылығының артып келе жатқанын атап өтті. Оның айтуынша, Орталық Азия сауда және инвестиция саласында тартымды серіктес болып келе жатқанын жеткізді.Қазақстанның Швециядағы Елшісі О.Сүлейменов өз сөзінде Қазақстанда жүзеге асырылып жатқан ауқымды саяси және әлеуметтік-экономикалық өзгерістер халықаралық әріптестердің сенімін нығайтуға және елдің инвестициялық тартымдылығын арттыруға ықпал ететінін атап өтті. Осының аясында Орталық Азия, оның ішінде цифрлық трансформация және Қазақстан мен Каспий теңізі арқылы Қытай мен Еуропаны байланыстыратын Транскаспий халықаралық көлік дәлізі (TITR) сияқты негізгі көлік маршруттарын дамыту арқасында маңызды және қолжетімді өңірге айналуда.Италия Премьер–Министрі Джорджа Мелонидің жақында Астанаға жасаған сапары, сондай-ақ 2025 жылы «ОА+Италия» және «ЕО-ОА» саммиттерін өткізу Еуропаның аймаққа деген қызығушылығының артып келе жатқанының айқын дәлелі болғанын атап өтті. Елші Ericsson, Scania, Volvo, AstraZeneca, Epiroc, ABB және басқалары сияқты Қазақстандағы жетекші швед компанияларының табысты қызметін жеке атап өтті және іске асырылмаған орасан зор әлеуетті ескере отырып, Швед бизнесін перспективалы өзара тиімді жобаларды іске асыруға шақыра отырып, екі ел арасындағы ынтымақтастықты жаңа деңгейге шығарудың маңыздылығын атап өтті.Іс-шараға компания өкілдерінің сөз сөйлеуі практикалық бағыт берді. Ericsson өкілі Қазақстанды цифрландырудың жоғары деңгейін және жоғары технологиялар саласындағы әлеуетті атап өтті. Epiroc өкілі тау-кен секторындағы көпжылдық жұмыс тәжірибесімен бөлісіп, тұрақтылықты, дамудың тұрақты бағытын және қолайлы инвестициялық климатты атап өтті. Кадрларды даярлауға және әріптестік үшін берік базаны қалыптастыруға үлес ретінде қазақстандық жоғары оқу орындарымен ынтымақтастық ерекше атап өтілді.Қауіпсіздік және даму саясаты институтының (ISDP) директоры доктор Сванте Корнелл және Швецияның Шығыс Еуропаны зерттеу орталығының (SCEEUS) талдау бөлімінің бастығы Йохан Энгвалл Орталық Азияның жаңа «орта державалар аймағы» ретіндегі трансформациясы туралы аналитикалық шолу жасады. Олар Швецияның саяси және іскерлік ортасындағы Орталық Азияны – белсенді сыртқы саяси ұстанымы бар, субъективтілігі артып келе жатқан және ЕО үшін сауда, логистика және маңызды шикізат саласындағы маңыздылығы артып келе жатқан аймақ ретінде қабылдауды қайта қарастыруға шақырды.Семинар Швеция мен Орталық Азия елдері арасындағы өзара іс-қимылдың тұрақты және өзара тиімді платформасын қалыптастырудағы тағы бір қадам болды. Ұйымдастырушылар мұндай іс-шараларды ұдайы өткізу диалогты нығайтуға және нақты инвестициялық жобаларды дамытуға ықпал ететініне сенім білдірді.Ақпарат көзі : https://www.gov.kz/memleket/entities/mfa-stockholm/press/news/details/1012177?lang=kk

Алматы облысында 2025 жылғы 6-8 маусым аралығында қасиетті Құрбан айт мерекесі атап өтіледі. Осыған орай өңірде құрбандық шалу рәсімін ұйымдастыру үшін 25 арнайы орын белгіленді.Әкімдіктің мәліметінше, бұл орындар ветеринариялық-санитариялық талаптарға сай инфрақұрылыммен жабдықталған. Онда жануарларды тексеру, құрбандық шалу және қалдықтарды залалсыздандыру процестері белгіленген тәртіппен жүзеге асырылады.Құрбандық шалу тек арнайы бекітілген орындарда өткізілуі тиіс. Бұл – адам мен жануарлар денсаулығын сақтау және жұқпалы аурулардың алдын алу үшін маңызды. Қоғамдық тәртіп пен санитарлық талаптарды сақтау – барша азаматтың ортақ міндеті.Әкімдік өкілдері рұқсат етілмеген жерлерде құрбандық шалу және заңсыз мал саудасымен айналысуға қатаң тыйым салынатынын ескертеді. Мұндай заңбұзушылықтар анықталған жағдайда кінәлі тұлғалар әкімшілік жауапкершілікке тартылып, айыппұл салынады.Алматы облысының әкімдігі тұрғындарды Құрбан айт мерекесін санитариялық-эпидемиологиялық талаптарды сақтай отырып, арнайы белгіленген орындарда өткізуге шақырады.Ақпарат көзі : https://www.gov.kz/memleket/entities/almobl/press/news/details/1012216?lang=kk

Атырауда экологиялық мәдениетті қалыптастыруға бағытталған «Таза Қазақстан: Иман. Ынтымақ. Тазалық» тақырыбында кездесу өтті. Келелі жиынға облыстық Табиғи ресурстар және табиғат пайдалануды реттеу басқармасының басшысы Нұрлан Жантоқов, түрлі дін өкілдері, облыс және қала мәслихаттарының депутаттары, Қазақстан халқы Ассамблеясының мүшелері, экобелсенділер мен үкіметтік емес ұйым жетекшілері қатысты, - деп хабарлайды Өңірлік коммуникациялар қызметі.Рухани тазалық пен экологиялық мәдениетті ұштастыру мақсатында ұйымдастырылған іс-шарада Табиғи ресурстар және табиғат пайдалануды реттеу басқармасының басшысы Нұрлан Жантоқов аймақта атқарылып жатқан жұмыстарға тоқталып, «Таза Қазақстан» тұжырымдамасы аясында жүзеге асырылып жатқан жобалар жөнінде кеңінен баяндады. Оның айтуынша, бұл бастама тек жергілікті деңгейде емес, ұлттық құндылықтарға негізделген ортақ міндетке айналып отыр.- Елімізде былтырдан бері “Таза Қазақстан” экологиялық акциясы аясында бірнеше іс-шара өтті. Бұл бағытта Атырау облысында да жүйелі жұмыстар жүргізілуде. «Таза Қазақстан» тұжырымдамасы әзірленіп, осы бастама төңірегінде тазалық акциялары, сенбіліктер, экологиялық білім беру жобалары қолға алынуда. Бұл тек тазалықты сақтау емес, әр азаматтың туған жердің табиғатты қорғауға деген жауапкершілігін ояту, - деді Н.Жантоқов.Кездесу барысында «Иманғали» орталық мешітінің бас имамы Болатбек Абуов, Успен шіркеуінің діни қызметкері Александр Ермаков, Римдік-католиктік Апостол әкімшілігінің өкілі Штефан Белко өз баяндамаларын жасап, діннің табиғатты аялауға, тазалықты сақтауға, бейбітшілік пен бірлікке үндейтін рухани негіздерін түсіндірді. Олар өз сөзінде табиғатты қорғау — Жаратушының аманатына адал болу екенін ерекше атап өтті.- Иман – адамның жүрегіндегі сенім. Ол тазалықпен, адалдықпен, әділетпен ұштасады. Табиғатты аялау – иманды адамның ісі,– деді Б.Абуов.Атырау облысы Ішкі саясат басқармасы “Қоғамдық келісім” мекемесі ұйымдастыру бөлімінің бас сарапшысы Мұратбек Сәттіғұл Ассамблея жастарының экологиялық жобаларға белсенді атсалысып жүргенін тілге тиек етті. Оның айтуынша, жаңа буын – елдің экологиялық санасын қалыптастырып жатқан көшбасшылар.Жиын соңында «Таза Қазақстан» экологиялық бағдарламасы аясында Атырау облысы әкімдігі мен дін өкілдері арасында өзара ынтымақтастық туралы меморандумға қол қою рәсімі өтті. Бұл құжат – дін мен мемлекеттік құрылымдардың табиғатты қорғау бағытында бірлескен жауапкершілігін білдіретін маңызды қадамдардың бірі.#ТазаҚазақстан #устойчивоеразвитие #чистаястрана #экология #TazaChallenge @TazaQazaqstanАқпарат көзі : https://www.gov.kz/memleket/entities/atyrau/press/news/details/1012218?lang=kk

Алматы облысындағы №39 гимназияның 11-сынып оқушысы Сақийдулла Алмат АҚШ-тың жеті беделді университетінен шақырту алып, алтауы ұсынған ірі көлемдегі гранттарға ие болды. Жалпы сомасы – шамамен 320 миллион теңге. Сонымен қатар, Малайзиядағы Xiamen University Malaysia оқу ордасы да оны толық грантпен қабылдаған.Болашақ студент білімге деген ынтасы мен қажырлы еңбегінің арқасында University of Miami, Elmhurst, Caldwell, Augustana, UNO, FIU және басқа да оқу орындарынан оқуға ұсыныс алды.IELTS нәтижесі – 7.0, ал SAT – 1420 балл (математикадан 780/800). Қазір ол Назарбаев Университетінен де ресми жауап күтуде.Сақийдулла Алмат – «Алтын белгі» үміткері. Оның жетістігі – жастардың әлеуетіне сенімді арттыратын жарқын мысал.Ақпарат көзі : https://www.gov.kz/memleket/entities/almobl/press/news/details/1012224?lang=kk

Облыстық балалар клиникалық ауруханасына ми қан айналымының жедел бұзылуы диагнозымен түскен нәрестеге сәтті ота жасалды. Емхана қабырғасына шақалақ ауыр хәлде жеткізілген. Дәрігерлер қажетті тексерулерден кейін баладан геморрагиялық типтегі жіті ми қанайналымының бұзылысын анықтаған. Сол жақ самай-төбе аймағында масс-эффектпен байқалатын жіті миішілік қан ісігін көрген. Шұғыл көрсеткіштер бойынша нейрохирургтер сәбиді ота үстеліне жіберуге шешім қабылдапты.«Науқас ауыр хәлде жеткізілді. Краниотомия, яғни субдуралдық ісікті дренаждау отасын жасау шешілді. Қуанышымызға орай бәрі сәтті аяқталды. Нәресте одан кейін неонатолог Арайлым Болат, анестезиолог-реаниматолог Ұлжан Маханованың бақылауында болды. Дәрігерлердің жоғары біліктілігі нәтижесінде баланы аман алып қалдық», - дейді отаны жүргізген нейрохирург Рахим Ахмаров.Ақ халатты жандардың айтуында, нейрохирургиялық араласудан кейінгі кезең асқынусыз өтіп, бала денсаулығында оң динамика байқалыпты. Сәби 12 күннен кейін қанағаттанарлық жағдайда үйіне жіберілген. Қазіргі таңда оның дені сау, жасына сай дамып келеді, - дейді дәрігерлер. Айта кетерлігі, ота міндетті әлеуметтік медициналық сақтандыру жүйесі есебінен тегін жүргізілді.Ақпарат көзі : https://www.gov.kz/memleket/entities/almobl-densaulyk/press/news/details/1012228?lang=kk

Психологиялық немесе психотерапиялық кеңес – мамандандырылған медициналық көмектің бір түрі. Бұл көмек нақты диагностика мен емдеуді, медициналық оңалтуды қажет ететін ауруларда, сондай-ақ телемедицина құралдарын пайдалана отырып көрсетіледі.Пациент психолог қызметін өз емханасы деңгейінде келесі бағыттар бойынша ала алады:* психологтың қабылдауы;* балалар арасындағы суицидтің алдын алу бойынша сабақтар өткізу;* мінез-құлықтық және психобелсенді бұзылыстарға күдік туған жағдайларда қабылдау;* әлеуметтік бейімделу, жас ерекшелігіне сай қиындықтар бойынша кеңес беру;* созылмалы аурулары бар пациенттерге өзін-өзі басқару тәсілдерін үйрету;* жүкті әйелдерге, жасөспірімдерге және жастарға Жастар денсаулық орталықтарында қызмет көрсету.Психологтың консультациясы ТМККК, МӘМС жүйесі аясында да қолжетімді.#мәмсАлматыоблысы #осмсАлматинскаяобластьАқпарат көзі : https://www.gov.kz/memleket/entities/almobl-densaulyk/press/news/details/1012229?lang=kk

1 наурыздан бастап елімізде «Жақсылық жаса» атты жалпыұлттық акция басталды. Бұл бастама еріктілер қозғалысын дамытуға және азаматтарды әлеуметтік әрі экологиялық жобаларға кеңінен тартуға бағытталған. Марафонның алғашқы күндерінен-ақ Алматы облысының еріктілері белсенділік танытып, екі мыңнан астам іс-шара ұйымдастырып, өңірді республика бойынша алдыңғы қатарға шығарды.Алматы облыстық Жастар саясаты мәселелері басқармасының мәліметінше, өңірде 20-дан астам ірі еріктілер ұйымы жұмыс істейді. Еріктілердің жалпы саны 10 мыңнан асып жығылады. Қозғалыс барлық аудандар мен ауылдық округтерді қамтып, әлеуметтік қолдаудан бастап экологиялық жобаларға дейін түрлі бағыттарды біріктіріп отыр. Әсіресе, Мемлекет басшысының «Тaza Қазақстан» бастамасы аясында эковолонтерлікке деген қызығушылық артып келеді.– Соңғы бір жарым жылда жастарды еріктілік қызметіне тарту бойынша жүйелі жұмыс жүргізілуде. Арнайы іс-шаралар күнтізбесі бекітіліп, Жастар ресурстық орталығы жанынан еріктілік бастамаларды дамыту және қолдау бөлімі ашылды. Сонымен қатар алғашқы көмек көрсету, көшбасшылық, іс-шара ұйымдастыру және жобалық басқару бойынша оқыту курстары іске қосылды, – деді басқарма басшысы Мәди Ахметов.Бұдан бөлек, әлеуметтік желілер мен бұқаралық ақпарат құралдарында еріктілікті насихаттау мақсатында ауқымды ақпараттық науқан жүргізілуде. Негізгі мақсат – жаңа еріктілерді тарту және қоғамда еріктілер еңбегін кеңінен таныту.Алматы облысының Еріктілер фронт-офисі өз жұмысын жаңартып, жыл бойына жүйелі түрде өткізілетін білім беру бағдарламаларын енгізуде. Бұл бағдарламалар еріктілерге тек көмек көрсетіп қана қоймай, кәсіби дағдыларын дамытуға мүмкіндік береді.Мамандардың айтуынша, «Жақсылық жаса» марафоны – жастардың азаматтық белсенділігін арттырып, қоғамда еріктілік мәдениетін нығайтатын маңызды алаңға айналмақ.Ақпарат көзі : https://www.gov.kz/memleket/entities/almobl-zkh/press/news/details/1012230?lang=kk

Ұлан-Батыр, 2025 ж. 4 маусым – Қазақстан Республикасының Моңғолиядағы Төтенше және Өкілетті Елшісі Алмас Сейтақынов Моңғолияның Сыртқы қатынастар министрлігінің Мемлекеттік хатшысы Л.Мөнхтүшигке сенім грамоталарының көшірмелерін табыстады.Кездесу барысында тараптар Қазақстан мен Моңғолия арасындағы сауда, көлік, логистика, ауыл шаруашылығы сияқты салалардағы стратегиялық әріптестікті дамыту, сондай-ақ 2025 ж. жоғары деңгейдегі өзара сапарларды іске асыру мен кезекті үкіметаралық комиссияның отырысын ұйымдастыру бойынша пікір алмасты.Ақпарат көзі : https://www.gov.kz/memleket/entities/mfa-ulaanbaatar/press/news/details/1012236?lang=kk

Афина, 2025 жылғы 4 маусым — Қазақстан Республикасының Грек Республикасындағы Төтенше және Өкілетті Елшісі Тимур Султанғожин мен Қаратеңіз сауда және даму банкінің (ҚТСДБ) Президенті Серхат Кёксал арасында бейнеконференция форматында кездесу өтті.Кездесу барысында тараптар Қазақстан мен ҚТСДБ арасындағы өзара мүдделілік тудыратын ынтымақтастықты дамыту перспективаларын, әсіресе Қазақстанның Қаратеңіз өңірі елдерімен экономикалық байланыстарды кеңейтуге ұмтылуы тұрғысынан талқылады.Елші Тимур Султанғожин Қазақстанның Қаратеңіз банкімен байланыстарды жандандыруға мүдделілігін атап өтіп, Қазақстан тарапынан банк пен мүше мемлекеттер арасындағы экономикалық қатынастарды нығайтуға бағытталған бастамаларға жан-жақты қолдау көрсетуге дайын екенін білдірді.Өз кезегінде ҚТСДБ Президенті Серхат Кёксал ашық диалогқа дайын екенін растап, Қазақстанмен екіжақты және көпжақты ынтымақтастықты нығайтуға ықпал ете алатын нақты жобалық бастамаларды қарастыруға қызығушылық білдірді.Кездесу қорытындысы бойынша тараптар ынтымақтастықтың басым бағыттары бойынша нақты өзара іс-қимыл тетіктері мен форматтарын әзірлеу мақсатында белсенді жұмыс байланыстары мен ақпарат алмасуды жалғастыруға уағдаласты.ҚР Елшілігі, ГрекияАқпарат көзі : https://www.gov.kz/memleket/entities/mfa-athens/press/news/details/1012239?lang=kk

«Заң және тәртіп» нарративі аясында  сыбайлас жемқорлыққа қарсы мәдениетті қалыптастыру мақсатында Алматы қаласы Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Департаменті жұмыс кездесуін ұйымдастырды. Іс-шараға шамамен 300 адам қатысты.Кездесу Алматы қаласы Алатау ауданының Оқушылардың инновациялық шығармашылығы орталығы алаңында өтті.Іс-шараға мектеп директорлары, балабақша меңгерушілері және осы ұйымдардың бухгалтерлері қатысты.Департамент басшысының бірінші орынбасары Ғалымов Жарқын білім беру саласындағы сыбайлас жемқорлық мәселелерін жан-жақты атап өтіп, адалдық пен парасаттылық қағидаттары әрбір қызметкердің кәсіби қызметінің ажырамас бөлігі болып табылатынын, сондай-ақ сыбайлас жемқорлыққа қарсы заңнаманың негізгі тұстарын атап өтті.Сонымен қатар, мемлекет тарапынан қабылданып жатқан сыбайлас жемқорлыққа қарсы іс-қимыл шаралары мен негізгі заңнамалық актілер таныстырылдыӨз сөзінде Алик Жатқамбайұлы Шпекбаев елдің болашағы әр азаматтың белсенділігіне, құқықтық санасы мен жауапкершілігіне тікелей байланысты екенін айтты.Іс-шара соңында қатысушылар спикерлерге сыбайлас жемқорлыққа қарсы дүниетанымды қалыптастыруға бағытталған мазмұнды дәріс және профилактикалық жұмысы үшін алғыс білдірді. #ЗАҢ менТӘРТІП#заң мен тәртіпАқпарат көзі : https://www.gov.kz/memleket/entities/anticorruption-almaty/press/news/details/1012245?lang=kk

Мереке Алмалы ауданы әкімі аппаратының, студенттердің, еріктілердің және Алматы қаласы Полиция департаменті өкілдерінің қолдауымен ұйымдастырылды.Іс-шараға 400-ден астам адам қатысты. Мерекелік көңіл-күйді Алматы қаласы Полиция департаментінің оркестрі орындаған салтанатты әуендер толықтырды.Қатысушылардың қатарында полиция қызметкерлері, еріктілер, жастар белсенділері мен ауданның белсенді тұрғындары болды.Барша қазақстандықтарды Мемлекеттік рәміздер күнімен құттықтаймыз! Рәміздеріміз әрдайым бізді игі істер мен бірлікке шабыттандыра берсін!Ақпарат көзі : https://www.gov.kz/memleket/entities/almaty-almaly/press/news/details/1012247?lang=kk

2025 жылдың 27 мамырында аудан әкімдігінің ғимаратында ұйымдастыру комитеті өткізілді. Қаралған мәселелер: саяси қуғын-сүргін құрбандарын еске алу күнін, балаларды қорғау күнін, ҚР Мемлекеттік рәміздері күнін өткізу туралы. Барлық мәселелер пысықталды, қажеттіліктер ескерілді және барлық мүдделі ұйымдарға нақты тапсырмалар берілді.Ақпарат көзі : https://www.gov.kz/memleket/entities/kostanai-bmalin-audany-akimat/press/news/details/1012249?lang=kk

Бразилиа қ., 2025 ж. 4 маусым – Қазақстанның Бразилиядағы Елшісі Болат Нүсіпов, Бразилияның төрағалығымен өтіп жатқан БРИКС-ке мүше және серіктес елдердің 11-ші Парламенттік форумының ашылуына байланысты оның алқа отырысына қатысты. Іс-шараны Бразилия Ұлттық конгресінің Федералды Сенаты мен Депутаттар палатасы ұйымдастырды.Форумның мақсаты болып, парламентаралық ықпалдастықты нығайту, ғылыми-техникалық алмасуларды ынталандыру, орнықты дамуды ілгерілету, ғаламдық басқару реформаларын қолдау, сондай-ақ парламенттердің, азаматтық қоғам мен әйелдердің БРИКС ұжымдық күн тәртібін қалыптастырудағы рөлін күшейту табылады.Форумның негізгі сессиялары, бразилиялық төрағалықтың басымдықтарын айқындайтын: жаһандық денсаулық сақтау саласындағы ынтымақтастықты дамыту; сауда-экономикалық байланыстарды, инвестициялық әрі қаржылық ықпалдастықты нығайту; климаттың өзгеруіне қарсы тұру; жасанды интеллектіні басқарудың халықаралық әдіс-тәсілдерін қалыптастыру; әлем архитектурасы мен ғаламдық қауіпсіздік мәселелерін талқылау; сондай-ақ БРИКС шеңберіндегі көпжақты тетіктердің тиімділігін арттыруға бағытталған институционалды даму тәрізді алты іргелі бағытқа арналмақ.Қазақстан делегациясы аталған іс-шарада ҚР-дың Бразилиядағы Елшілігімен ұсынылды. Жалпы, біздің елдің парламенттік форумдағы қатысуы, БРИКС мемлекеттерімен диалогты тереңдету мен өзара мүдделілік тудыратын мәселелер бойынша ынтымақтастықты дамыту ниетін айғақтайды.  Ақпарат көзі : https://www.gov.kz/memleket/entities/mfa-brazil/press/news/details/1012261?lang=kk

Кишинев, 2025 жылғы 4 маусым – Қазақстанның Молдовадағы Елшісі Алмат Айдарбеков Джурджулешты Халықаралық еркін портына барды.Сапар барысында қазақ дипломаты порттың инфрақұрылымымен, логистика және операциялық қызмет көрсету шарттарымен танысып, портты басқаратын Danube Logistics компаниясының Бас директоры Матиас фон Тухермен келіссөздер жүргізді.Сұхбат барсында қазақстандық өнімдерді экспорттау мақсатында Джурджулешты портының әлеуетін пайдалана отырып, Қазақстан және Молдова арасында транзит және логистика саласындағы ынтымақтастықты кеңейту мүмкіндіктері қарастырылды.Қазақстан Елшісі екіжақты экономикалық қатынастардың оң қарқынын атап өтті. 2024 жылы Қазақстан мен Молдова арасындағы өзара сауда көлемі 75%-ға өсіп, 65 млн. долл. асты. Бұл көрсеткіш екі ел іскер топтарының тиісті байланыстар орнатуға деген қызығушылығының артқанын білдіреді.Осы тұрғыда А.Айдарбеков Қазақстан тарапынан Транскаспий халықаралық көлік дәлізін (ТХКД) дамыту бойынша қабылданып жатқан шаралар туралы айтып берді. Ол Джурджулешты портының ТХКД бағыты бойынша ықтимал логистикалық тораптардың бірі ретіндегі маңыздылығына назар аударды. Бұл порт қазақстандық тауарларды Еуропалық Одақ нарығына жеткізудің қосымша бағыты бола алады.Джурджулешты Халықаралық еркін порты – Молдованың Қара теңізге шығатын жалғыз порты. 2030 жылға дейін бұл аумақ еркін экономикалық аймақ мәртебесіне ие. Жыл сайын порт арқылы 2 млн. тоннадан астам жүк өңделеді.Ақпарат көзі : https://www.gov.kz/memleket/entities/mfa-kishinev/press/news/details/1012271?lang=kk