Қаратал ауылдық округінде Ұлы Отан соғысы ескерткішіне ағымдағы жөндеу жұмыстары басталды. Ұлы Отан соғысына қатысқан жауынгерлерге ескерткіш 1985 жылдың қыркүйегінде орнатылды. Ол Қаратал ауылының орталығында Алмабал Жетпісбайқызы көшесінің бойында орналасқан. Жеңіс күні - 9 Мамыр жыл сайын ескерткішке гүл шоқтары қойылады, онда әр ұрпақтың ауыл тұрғындары Отаны үшін өз өмірін қиған жерлестерімізді құрметтеу үшін жиналады, сондықтан Ұлы Отан соғысының ескерткіші өскелең ұрпақтың бойында патриотизм сезімін тәрбиелейтін объект болып табылады. Ескерткішті қайта құрудың негізгі мақсаты-Ұлы Отан соғысына қатысқан қаза тапқан жауынгерлерді еске алатын мемориалдық құрылыстарды сақтау. Тарихи өткенге деген құрмет сезімін, өз тамырына, аға буын адамдарына, Отанына деген құрмет пен сүйіспеншілік сезімін тәрбиелеу.Ақпарат көзі : https://www.gov.kz/memleket/entities/zhetysu-eskeldy-karatal/press/news/details/967849?lang=kk

💻eGov.kz порталында және eGov Mobile-да наркологиялық ұйымнан анықтаманы жылдам әрі ыңғайлы түрде алуға болады.Ол үшін:- egov.kz порталында авторизациядан өтіңіз;- басты бетте «Денсаулық сақтау» - «Медициналық көмек» бөлімін таңдаңыз;- «Наркология» Психикалық денсаулық орталығынан мәліметтер ұсыну» қызметіне өтіңіз;- қызметті кім үшін сұратып жатқаныңызды таңдаңыз: өзіңізге, балаңызға немесе заңды өкілге;- қол қоюдың қолжетімді әдістерінің бірімен өтінімге қол қойыңыз.📲Сондай-ақ қызметті eGov mobile-да «Қызметтер» - «Денсаулық сақтау» бөлімінде алуға болады.✅Сұрау сәтті өңдеген жағдайда сіз 30 минут ішінде анықтама аласыз.Ақпарат көзі : https://www.gov.kz/memleket/entities/saran-aktas/press/news/details/969979?lang=kk

🔶 29 наурызда "Белоусовка кенті әкімінің аппараты" ММ қызметкерлері шахмат және дойбы ойындарынан аудандық біріншілікке қатысты. 🔶14 команда арасында күресте Белоусовка кентінің командасы 4-ші орынды иеленді. 🔶Барлық қатысушыларға табысты өнер көрсеткені үшін алғыс айтамыз және одан әрі жеңістер тілеймізАқпарат көзі : https://www.gov.kz/memleket/entities/vko-glubokoe-belousov/press/news/details/967842?lang=kk

ҚР АШМ Балық шаруашылығы комитетінің төрағасы Серік Сермағамбетов Атырау бекіре зауытында болды.Сапар аясында комитет басшысы кәсіпорынның қызметімен танысып, өндірістік қуаттарды аралап, зауыт басшылығымен бекіре балықтарын жасанды молықтыру мәселелерін талқылады. Бағалы балық түрлерінің кәмелетке толмағандарын өсіруге және материалдық-техникалық базаны нығайтуға мемлекеттік тапсырысты орындауға ерекше назар аударылды.С. Сермағамбетов бекіре зауытының Азық-түлік қауіпсіздігін қамтамасыз етудегі және Жайық-Каспий бассейніндегі бекіре балықтарының популяциясын сақтаудағы жұмысының маңыздылығын атап өтті. Ол сондай-ақ уылдырық шашу кезеңінде браконьерліктің алдын алу шараларын күшейту қажеттігін атап өтті.Сапар қорытындысы бойынша кәсіпорын жұмысының тиімділігін арттыру және балық ресурстарын қалпына келтіру жөніндегі мемлекеттік бағдарламаларды қолдау бойынша одан әрі қадамдар белгіленді.Ақпарат көзі : https://www.gov.kz/memleket/entities/fishery/press/news/details/967834?lang=kk

Солтүстік-Каспий аймақтық көрмеге еліміздің және Австрия, Германия, Италия, Қытай, Нидерланды, БАӘ, Пәкістан, Ресей, Сингапурдан 97 компанияның өнімдері қойылды. Мекемелердің 61%-і тауарын алғаш рет ұсынып отыр.Аймақта мұнай-газ және құрылыс саласындағы көрме осымен 22-рет ұйымдастырылып отыр. Оған облыс әкімінің орынбасары Дарын Шамұратов қатысты.Бұл — салалардағы ұлттық міндеттерді жүзеге асыратын негізгі алаң. Халықаралық әріптестікті нығайтып, қатысушыларға жаңа технологияларды енгізуде және капитал тартуда тиімді платформалар ұсынылады.Көрмеде мұнай-газ өндіруші компаниялар, мұнай-газ жабдықтарын өндірушілер, жеке және өнеркәсіптік қорғау құралдарын өндірушілер, бақылау-өлшеу аспаптары және автоматика өндірушілері мен IT компаниялар өнімдерін ұсынады.Солтүстік Каспий аймақтық «Atyrau Oil and Gas» және «Atyrau Build» құрылыс және интерьер көрмесі үш күнге жалғасады. Шара қаладағы Әбілхайыр хан даңғылы 79 мекенжайында өтіп жатыр.Ақпарат көзі : https://www.gov.kz/memleket/entities/atyrau/press/news/details/967829?lang=kk

▫️Еліміз бойынша жүздеген ауылдар өз еркімен спиртті ішімдіктерді сатудан бас тартуда. Бұл — қарапайым халықтың саналы таңдауы. Бұл — тәртіп, денсаулық және балаларының болашағы үшін жасалған шешім.▫️Мәселен, Маңғыстау облысының Маңғыстау ауданындағы бір ауылда тұрғындар ішімдікті сатудан өз еркімен бас тартып, бұл туралы бейнероликті әлеуметтік желілерде жариялады. Осындай мысалдар Ақмола, Жамбыл, Қарағанды, Атырау және басқа да облыстарда кездеседі.▫️Иә, бұл елдегі барлық ауыл санын ескерсек, теңізге тамған тамшыдай көрінуі мүмкін. Бірақ ең маңыздысы — бұл бастамалардың қоғамдағы оң серпіні. Мұндай елді мекендер саны күн санап артып келеді. Адамдар сенім мен тұрақтылықты, тыныштықты жоғары бағалап, бір-біріне үлгі бола бастады.▫️Аталған бастама ауыл ақсақалдары мен Қоғамдық кеңестерден шықты. Оны іске асыруда прокуратура, полиция және жергілікті атқарушы органдар тарапынан үйлестіру, алдын алу және қауіпсіздік шаралары қамтамасыз етілді.▫️Ауыл кәсіпкерлері де ерекше алғысқа лайық. Жерлестерінің үнін ескеріп, олар дүкен сөрелерінен ішімдікті өз еркімен алып тастады. Бастапқыда күмәнданғанымен, табыстары азайған жоқ. Керісінше, ауыл тұрғындары ішімдіктің орнына балаларға пайдалы азық-түліктерді жиі сатып ала бастады.🔹Бүгінде нәтижелер айқын көрініп отыр:* кейбір ауылдарда қылмыс мүлде жойылды,* тұрмыстық жанжалдар тоқтады,* жастар спорт пен саналы өмір салтын таңдай бастады.▫️Бұл — «Заң және Тәртіп» қағидатының өмірдегі нақты көрінісі. Тәртіп қорқыныш арқылы емес — сенім арқылы, жаза арқылы емес — саналы таңдаумен орнайды.▫️Мемлекет басшысы Қасым-Жомарт Тоқаев: «Заң мен Тәртіп — кемел демократияның іргетасы әрі құқықтық мемлекеттің негізі», – деп атап өткен болатын.▫️Біз болашаққа деген қамқорлық, қоғамдық келісім мен заңға құрметке негізделген әрбір бастаманы қолдаймыз.▫️Айта кету керек, ресми статистика бойынша ағымдағы жылдың алғашқы үш айында алкогольдік мас күйінде жасалған қылмыстар саны азайған.Ақпарат көзі : https://www.gov.kz/memleket/entities/aktobe-hromtau/press/news/details/967801?lang=kk

Қазақстанда балалардың қатысуымен болатын жазатайым оқиғалардың алдын алуға бағытталған ауқымды ақпараттық кампания басталды❕2025 жылдың 20 наурызы мен 23 мамыры аралығында еліміздің барлық балабақшаларында, мектептерінде және колледждерінде балалардың қауіпсіздігін қамтамасыз етуге бағытталған республикалық ақпараттық кампания өтеді.📌Кампания аясында «Қауіпсіз терезе» акциясы да өткізіледі. Оның басты мақсаты – ата-аналар мен қоғамның назарын үйдегі қауіпсіздік мәселелеріне аударып, алдын алу шараларыАқпарат көзі : https://www.gov.kz/memleket/entities/markakol-roo/press/news/details/967796?lang=kk

📣 Қазақстанда балалардың қатысуымен болатын жазатайым оқиғалардың алдын алуға бағытталған ауқымды ақпараттық кампания басталды❕2025 жылдың 20 наурызы мен 23 мамыры аралығында еліміздің барлық балабақшаларында, мектептерінде және колледждерінде балалардың қауіпсіздігін қамтамасыз етуге бағытталған республикалық ақпараттық кампания өтіп жатыр.📩 Қауіпсіздік шараларын күшейту және балалардың жарақаттануының алдын алу мақсатында ҚР Оқу-ағарту министрлігі Балалардың құқықтарын қорғау комитеті барлық білім беру ұйымдарында ата-аналар жиналысының бірыңғай күнін өткізу туралы жергілікті атқарушы органдарға тиісті хаттар жолдады. Ата-аналармен кездесудің негізгі тақырыбы су айдындарындағы қауіпсіздік ережелері мен балалардың терезеден құлау жағдайларының алдын алу мәселелері болмақ.💼 Жиналыс барысында ата-аналарға арнайы жадынамалар мен әдістемелік ұсынымдар беріледі. Сонымен қатар, балалардың жарақат алуына әкелетін негізгі себептер – ересектер тарапынан бақылаудың жеткіліксіздігі, рұқсат етілмеген орындарда шомылу және қауіпсіздік шараларының сақталмауы жан-жақты талқыланады. Осыған байланысты балалардың үйде, мектепте және көшеде қауіпсіздігін қамтамасыз етуге бағытталған алдын алу шаралары ұсынылады.👥 Профилактикалық жұмыстар еңбек ұжымдары деңгейінде де ұйымдастырылып, оған педагогтер, білім беру ұйымдарының өкілдері, жергілікті атқарушы органдар мен балалардың құқықтарын қорғау саласындағы сарапшылар қатысады.«Көктемгі жылы күндермен бірге балалардың белсенділігі де артады. Өкінішке қарай, осы кезеңде түрлі жазатайым оқиғалар жиілеп кетеді. Балалардың қауіпсіздігі – біздің ортақ міндетіміз. Барлық ата-аналарды сақтық шараларын күшейтуге, балаларға қауіпсіздік ережелерін түсіндіруге және оларды қараусыз қалдырмауға шақырамын», – деп атап өтті ҚР Оқу-ағарту министрлігі Балалардың құқықтарын қорғау комитетінің төрайымы Насымжан Оспанова.📌Кампания аясында «Қауіпсіз терезе» акциясы да өткізіледі. Оның басты мақсаты – ата-аналар мен қоғамның назарын үйдегі қауіпсіздік мәселелеріне аударып, алдын алу шаралары туралы ақпарат беру. 🔐 Айта кетейік, 2024 жылдан бастап заңнамаға енгізілген өзгерістерге сәйкес, барлық құрылыс компаниялары жаңа көпқабатты тұрғын үйлерде терезелерге қорғаныш құлыптарын орнатуға міндеттелді. Бұл талап өткен жылдан бастап пайдалануға берілген барлық тұрғын үйлерге қолданылады және балалардың қауіпсіздігін қамтамасыз ету жөніндегі кешенді мемлекеттік шаралардың бірі болып табылады.Ақпарат көзі : https://www.gov.kz/memleket/entities/zhetysu-karatal-eltai/press/news/details/969701?lang=kk

Құрметті Күршім ауданының тұрғындары!«Шығыс Қазақстан облысы Күршім ауданы бойынша коммуналдық қалдықтардың түзілу және жинақталу нормаларын есептеудің қағидаларын бекіту туралы» қаулы жобасын талқылауға белсенді қатысуға шақырамыз. НҚА жобасын талқылау үшін келесі сілтемеге өту қажетhttps://legalacts.egov.kz/npa/view?id=15504221Ақпарат көзі : https://www.gov.kz/memleket/entities/vko-kurchum/press/news/details/967817?lang=kk

Қала көлемінде жер қойнауын заңсыз пайдаланушыларды анықтау мақсатында қала әкімі Жандос Тасовтың өкімімен жұмысшы топ құрылған.Сонымен қатар, қала әкімінің орынбасарымен Кентау қаласы аумағында және қалаға қарасты 4 ауылда жер қойнауын өз бетінше пайдалануды болдырмау жөніндегі мобильдік топтар құрылып, рейдтік іс-шаралар ұйымдастырылып келеді.Рейд нәтижесінде, қала аумағында жер қойнауын заңсыз тасымалдап жүрген ауыр жүк көліктері анықталды.Анықталған фактілер бойынша қалалық полиция бөлімі тарапынан ауыр жүк көліктеріне әкімшілік құқық бұзушылық туралы шара көру жұмыстары жүруде.ҚР-ның әкімшілік құқық бұзушылық туралы кодексінің 139 бап жер қойнауын өз бетінше заңсыз пайдаланған үшін жауапкершілік қарастырылған, ал ірі көлемде жер қойнауын өз бетінше заңсыз пайдаланған үшін ҚР ҚК-ның қылмыс кодексінің 334 бабымен жауапкершілік қаралып, үш мың айлық есептік көрсеткішке дейінгі мөлшерде айыппұл салуға әкеп соғады немесе бес жылға дейінгі мерзімге бас бостандығына айыру жазасы қарастырылған.Айта кетейік, жер қойнауын заңсыз пайдаланушыларды тоқтату жұмыстары қала әкімінің тікелей бақылауында.Құрметті қала тұрғындары табиғатқа залал келтірушілер жайлы нақты дәлел-дәйектер немесе өзгеде мәліметтер болса 102 немесе 109 номеріне жолдауды сұраймыз.Ақпарат көзі : https://www.gov.kz/memleket/entities/turkestan-kentau-kalasy/press/news/details/967769?lang=kk

Қала әкімінің орынбасары Нұрбол Көкенов Хантағы ауылының кәсіпкерлері және тұрғындарымен кездесті. Жиында мемлекеттік“Ауыл аманаты” бағдарламасы, ауыл кәсіпкерлеріне көрсетілетін қолдау мен жаңа мүмкіндіктер туралы баяндады.Сонымен қатар, “TURKISTAN кәсіпкерлерге қызмет көрсету орталығы” КММ Кентау бөлімінің басшысы Халил Маденбай ауыл тұрғындарына мемлекеттен бөлінетін гранттар туралы толық түсіндірді.Тұрғындар көкейінде жүрген сұрақтарын қойып, нақты ақпарат алды. Сондай-ақ кәсібін дамытушы кәсіпкерлерге мемлекеттік бағдарламалар аясында жеңілдіктер мен қаржылай қолдау көрсету жолдары талқыланды.Мұндай кездесулер ауылдың әлеуметтік-экономикалық дамуына серпін беріп, жергілікті кәсіпкерлерге үлкен мүмкіндік береді.Ақпарат көзі : https://www.gov.kz/memleket/entities/turkestan-kentau-kalasy/press/news/details/967767?lang=kk

СҚО полиция департаменті құрамындағы өзіндік қауіпсіздік басқармасының қызметкері ПД аппаратының жеке құрамына мемлекет және облыс бойынша ІІМ жүйесіндегі заңдылықтың жай-күйіне шолу жасады. Сыбайлас жемқорлыққа қарсы іс-қимыл агенттігінің СҚО бойынша департаментінің инспекторы Светлана Зайцева сыбайлас жемқорлықты анықтау және жолын кесу үшін мемлекет қабылдап жатқан шаралар туралы хабардар етті.Баяндамада 2023 жылдың наурызынан бастап күшіне енген жемқорлыққа қарсы реформалардың төртінші пакетіне баса назар аударылды. Оған кірістер мен шығыстар деңгейін бақылау, сыбайлас жемқорлық фактілері туралы хабарлаған адамдарды қорғауға бағытталған түзетулер және тағы басқа тармақтар кіреді.Өз қатарындағы сыбайлас жемқорлық фактілеріне жол бермеу – полиция қызметіндегі маңызды бағыттардың бірі, өйткені онымен адамдардың сенімі тікелей байланысты. «Заң мен тәртіп» қағидатын іске асыру мақсатында тек осындай оң нәтиженің негізінде ғана полиция мен қоғамның тиімді өзара іс-қимылын құруға болады.Ақпарат көзі : https://www.gov.kz/memleket/entities/mvd-sko/press/news/details/967761?lang=kk

Қазақстан Республикасының Сыбайласжемқорлыққа қарсы іс-қимыл агенттігі (Сыбайлас жемқорлыққа қарсы қызмет) Төрағасының 2023 жылғы« 29» тамыздағы №270 бұйрығымен «Сыбайлас жемқорлық құқық бұзушылық фактісі туралы хабарлаған немесе сыбайлас жемқорлыққа қарсы іс-қимылға өзгеше түрде жәрдем көрсететін (көрсеткен) адамдарды көтермелеу қағидалары» бекітілген Сыйақы мөлшері сыбайлас жемқорлық құқық бұзушылықтың ауырлығына байланысты. Параның немесе келтірілген залалдың сомасы не ұсынылған жеңілдіктердің немесе көрсетілген қызметтердің құны бір мың айлық есептік көрсеткіштен (бұдан әрі – АЕК) аспайтын немесе залал келтірілмеген сыбайлас жемқорлық құқық бұзушылықтар бойынша біржолғы ақшалай сыйақы мынадай мөлшерлерде белгіленеді: 1) сыбайлас жемқорлық құқық бұзушылықтар туралы әкімшілік істер бойынша – 30 АЕК; 2) онша ауыр емес сыбайлас жемқорлық қылмыстар туралы қылмыстық істер бойынша – 40 АЕК; 3) ауырлығы орташа сыбайлас жемқорлық қылмыстар туралы қылмыстық істер бойынша – 50 АЕК; 4) ауыр сыбайлас жемқорлық қылмыстар туралы қылмыстық істер бойынша – 70 АЕК; 5) аса ауыр сыбайлас жемқорлық қылмыстар туралы қылмыстық істер бойынша – 100 АЕК. Пара немесе келтірілген залал сомасы немесе ұсынылған жеңілдіктер немесе көрсетілген қызметтер құны бір мың АЕК асатын сыбайлас жемқорлық құқық бұзушылықтар бойынша біржолғы ақшалай сыйақы пара немесе келтірілген залал немесе ұсынылған жеңілдіктер немесе көрсетілген қызметтер сомасының он пайызын құрайды, бірақ төрт мың АЕК-тен көп емес. Көтермелеу, егер адам берген ақпарат шындыққа сәйкес болса не адамның сыбайлас жемқорлыққа қарсы іс-қимылға өзгеше түрде жәрдемдесуі сыбайлас жемқорлық құқық бұзушылықты анықтауға, жолын кесуге, ашуға және тергеуге ықпал еткен болса және айыпты адамға қатысты: 1) әкімшілік жаза қолдану туралы сот қаулысы заңды күшіне енген; 2) айыптау үкімі заңды күшіне енген; 3) Қазақстан Республикасы Қылмыстық-процестік кодексінің 35-бабы бірінші бөлігінің 3), 4), 9), 10), 11) және 12) тармақшаларының немесе 36-бабының негізінде, соттың қылмыстық істі тоқтату туралы қаулысы заңды күшіне енген, қылмыстық қудалау органының қылмыстық істі тоқтату туралы қаулысын прокурор бекіткен жағдайда жүзеге асырылады. Сыйақы алу үшін келесі құжаттар қажет: жәрдем 1) осы Қағидаларға 1-қосымшаға сәйкес нысан бойынша сыбайлас жемқорлыққа қарсы ісқимылға көрсеткені (бұдан әрі – өтініш); үшін көтермелеуге өтініш 2) жеке басын куәландыратын құжат (жеке куәлік, азаматтығы жоқ адамның куәлігі, шетелдіктің тұруға ықтиярхаты) түпнұсқада не цифрлық құжаттар сервисі арқылы; 3) көрсетілген адамның ұлттық валютадағы ағымдағы банктік шотының бар болуы және нөмірі туралы екінші деңгейдегі банктен анықтама. Осы Қағидалардың ережелері қолданылмайды: 1) сыбайлас жемқорлық құқық бұзушылық фактісі туралы көрінеу жалған ақпаратты хабарлаған, Қазақстан Республикасының заңдарында белгіленген жауаптылықта болатын адамға; 2) жедел-іздестіру немесе қарсы барлау қызметін жүзеге асыратын органмен Қазақстан Республикасының заңнамасына сәйкес құпия негізде ынтымақтасатын адамға; 3) сыбайлас жемқорлық құқық бұзушылық фактісі туралы хабарлаған немесе сыбайлас жемқорлық құқық бұзушылықты анықтауға, оның жолын кесуге, ашуға және тергеп-тексеруге жәрдем көрсеткен, ол бойынша орындаушы немесе сыбайлас қатысушы болып табылған адамға қолданылмайды. Байланыс телефоны: біріңғай СаII-орталығы 1424 немесе т.60-98-13, т. 24-70-13Ақпарат көзі : https://www.gov.kz/memleket/entities/zhetysu-karatal/press/news/details/967724?lang=kk

🎼 Бүгін Талдықорғанда қазақ музыкасының сайыпқыраны, әйгілі күйші, композитор, дирижер Нұрғиса Тілендиевтің 100 жылдығына арналған еске алу шарасы өтті. Н. Тілендиев атындағы музыка мектебінің алдында өнер саңлағының ескерткішіне гүл шоқтары қойылып, оның музыкалық шығармалары орындалды.▶️ Облыс басшылығының атынан еске алуға қатысқан облыс әкімінің орынбасары Диас Есдәулетов көпшілікті мерейтоймен құттықтап, ЮНЕСКО 2025 жылды Нұрғиса Тілендиев жылы деп жариялағанын, сондықтан бұл мерейтойдың дүниежүзілік мәнге ие болғанын атап өтті:✔️Ескерткіштің маңында Талдықорған балалар көркем сурет мектебі оқушыларының сурет салу пленэрі ұйымдастырылып, жас суретшілер дәулескер күйші-композитордың бейнесін қағаз бетіне түсірді. Сонымен қатар Жетісу облысының Дәнеш Рақышев атындағы филармониясының «Жетісу виртуозы» ансамблі шағын концерт қойып, Н.Тілендиевтің шығармаларын орындады.☝🏼 Еске салсақ, бүгін Б.Римова атындағы драма театрында Дәнеш Рақышев атындағы филармонияның Мұқан Төлебаев атындағы қазақ халық аспаптары оркестрі жүз жылдық мерейтойға орай «Өз елім» атты концерт өткізеді. 👏🏼Ақпарат көзі : https://www.gov.kz/memleket/entities/zhetysu-karatal-ushtobe/press/news/details/968034?lang=kk

ҚР Оқу-ағарту министрлігінде Кәмелетке толмағандардың істері және олардың құқықтарын қорғау жөніндегі ведомствоаралық комиссияның 2025 жылғы алғашқы отырысы өтті. Оның жұмысына орталық мемлекеттік және жергілікті атқарушы органдардың, үкіметтік емес ұйымдардың өкілдері қатысты.Жиында кәмелетке толмағандар арасындағы құқық бұзушылықтардың, қадағалаусыз және панасыз қалудың алдын алу, сондай-ақ балалардың қауіпсіздігі мен әл-ауқатын қамтамасыз етуге бағытталған жүйелі шаралар талқыланды.Ресми статистикаға сәйкес, соңғы 10 жылда елдегі жасөспірімдер қылмысының деңгейі үш есеге төмендеген. Құқықбұзушылықтарды анықтау және тіркеу көрсеткішінің өсуіне қарамастан, 2024 жылдың қорытындысы бойынша қосымша 5%-ға азайғаны байқалады. Дегенмен, Жетісу, Ұлытау, Павлодар, Ақмола, Қарағанды облыстары, сондай-ақ Астана және Шымкент қалаларында әлі де нақты және мақсатты шешімдерді талап ететін мәселелер бар.Ішкі істер министрлігінің өкілі атап өткендей, елімізде кәмелетке толмағандар арасындағы құқықбұзушылықтардың алдын алу бойынша кешенді жұмыс жүргізілуде. Алайда, әлеуметтік ортаның қарқынды өзгеруі бұл үдерісте мемлекеттік органдардан бастап ата-аналарға дейінгі барлық тараптардың белсенді қатысуын қажет етеді. Бұл тәсіл ҚР Оқу-ағарту министрлігіне қарасты Балалардың құқықтарын қорғау комитетінің талдамалық материалдарында да көрініс тапқан.Комиссия ағымдағы жағдайды, жасөспірімдер арасындағы құқыққа қарсы мінез-құлықтың негізгі себептерін егжей-тегжейлі зерделеп, оларды әлеуметтендіру және алдын алу бойынша практикалық қадамдар ұсынды.Отырысты қорытындылай келе, ҚР Оқу-ағарту министрі Ғани Бейсембаев жергілікті атқарушы органдарға алдын алу шараларын күшейтіп, жұмысты жүйелі негізде жүргізуді тапсырды. Ол құқықтық ағартуға, тәрбиелік жұмыстарға және бос уақытты тиімді ұйымдастыруға ерекше назар аудару қажет екенін атап өтті. Сонымен қатар, мектептердегі ата-аналарды педагогикалық қолдау орталықтарының және аймақтық психологиялық қызметтердің жұмысын жандандыруға басымдық берілді.Ақпарат көзі : https://www.gov.kz/memleket/entities/control-zhetysu/press/news/details/968768?lang=kk

Шонжы ауылдық округінің әкім аппаратының қызметкерлері мен қоғамдық жұмыскерлердің қатысуымен «Таза Қазақстан» бағдарламасы аясында «Туған жер – таза жер» тазалық акциясы өтті. Іс-шара барысында Шонжы ауылының көшелері мен қоғамдық орындары қоқыстан тазартылып, абаттандырылды. Акцияның нәтижесінде «до и после» фотосуреттері түсіріліп, жүргізілген жұмыстардың айқын нәтижесін көрсетті.Мұндай шаралар қоршаған ортаны қорғауға және қоғамның экологиялық мәдениетін арттыруға бағытталған. Әрбір азамат өз үлесін қосып, табиғатты қорғауға атсалысуы маңызды.Ақпарат көзі : https://www.gov.kz/memleket/entities/uigur-shonzhy/press/news/details/967675?lang=kk

Өскемен қаласының әкімдігі Өскемен қаласының кәсіпорындары мен ұйымдарының басшыларын "ПАРЫЗ" бизнестің әлеуметтік жауапкершілігі жөніндегі республикалық конкурсқа қатысуға шақырады. Конкурс Қазақстан Республикасы Тұңғыш Президентінің 2008 жылғы 23 қаңтардағы № 523 Жарлығына сәйкес Қазақстан Республикасының бүкіл аумағында өткізіледі, оған жеке кәсіпкерлік субъектілері қатыса алады. Конкурс лауреаттары атақтары екі санатта беріледі: шағын және орта кәсіпкерлік субъектісі және ірі кәсіпкерлік субъектісіКонкурс Қазақстан Республикасы Тұңғыш Президентінің 2008 жылғы 23 қаңтардағы № 523 Жарлығына сәйкес Қазақстан Республикасының бүкіл аумағында өткізіледі, оған жеке кәсіпкерлік субъектілері қатыса алады. Конкурс лауреаттарының атақтары екі санат бойынша: шағын және орта кәсіпкерлік субъектісі, ірі кәсіпкерлік субъектісі және мынадай номинациялар бойынша беріледі:1.«Үздік әлеуметтік жауапты кәсіпорын».2.«Еңбекті қорғау саласындағы үздік кәсіпорын».3.«Үздік ұжымдық шарт».4.«Экологияға қосқан үлесі үшін».  Анықтама телефоны 20-85-59Эл. мекен-жайы: 700171zan@mail.ruАқпарат көзі : https://www.gov.kz/memleket/entities/vko-oskemen/press/news/details/967644?lang=kk

Су ресурстары және ирригация министрлігі су тасқынымен бірлесіп күресу үшін қытайлық әріптестерімен трансшекаралық өзендер бойынша ақпарат алмасуда. 2005 жылдан бері Қазақстан мен ҚХР арасында трансшекаралық өзендердегі табиғи апаттар туралы шұғыл хабарлау туралы Келісім бар. Тараптар бір-біріне су тасқыны, мұз қозғалысы мен құбылыстары туралы ақпарат беруге міндетті. Іле өзеніндегі «Саньдаохэцзы», Ертіс өзеніндегі «Наньвань» және Текес өзеніндегі «Текес» су бекеттерінде бақылау жүргізіледі.«Министрлік Қытай, Ресей Федерациясы және Орталық Азия елдерінің су ведомстволарымен үнемі байланыста. Барлық трансшекаралық өзендер бойынша ақпарат алмасып отырмыз. Бұл деректер әкімдіктерге және ТЖД-ға беріледі. Гидротехникалық құрылыстарда тәулік бойы кезекшілік ұйымдастырылған. Төтенше жағдай туындаған жағдайда «Қазсушар» және бассейндік инспекциялардың мамандары қажетті іс-шараларды қабылдауға дайын»,- деді Су ресурстары және ирригация министрі Нұржан Нұржігітов.Еске салсақ, наурыз айында Қазақстан мен Қытайдың су ведомстволары алғаш рет су ресурстары саласында өзара түсіністік пен ынтымақтастық туралы Меморандумға қол қойды. Құжат суды ұтымды және тұрақты пайдалану, заманауи технологияларды енгізу, баламалы су көздерін бөлу және оны игеру, сондай-ақ тәжірибе алмасу және бірлесіп маман даярлау бағыттарындағы екіжақты ынтымақтастықты нығайтуды көздейді.Ақпарат көзі : https://www.gov.kz/memleket/entities/water/press/news/details/967637?lang=kk

Шығыс Қазақстан облысындағы Оба өзенінде салынатын гидроэлектростанция каскады Үкімет қаулысымен ерекше стратегиялық маңызы бар су шаруашылығы құрылыстарының тізіміне енді.ГЭС каскадын салу су тасқыны қаупін азайтады, өңірдің елді мекендерін қорғау үшін тасқын суларды сенімді бақылауды қамтамасыз етуге мүмкіндік береді.Сондай-ақ азаматтарды және өнеркәсіптік нысандарды сумен жабдықтау үшін жалпы сыйымдылығы 500 млн текше метрге дейінгі резервуарлар кешені құруға мүмкіндік береді. 3 мың гектардан астам ауыл шаруашылығы алқабын суаруға және қосымша экологиялық таза электр қуатын өндіру үшін жағдай жасалады.«Оба өзенінде ГЭС каскадын салу жобасы өңірдің гидроэнергетикалық инфрақұрылымын дамытуға елеуді жеке инвестиция тартуды көздейді. Гидроэлектростанция жаңартылатын көздерден электр қуатының қосымша көлемін өндіреді, бұл жасыл экономиканы дамыту жөніндегі ұлттық стратегияға сәйкес келеді»,- деді Су ресурстары және ирригация министрі Нұржан Нұржігітов.Ақпарат көзі : https://www.gov.kz/memleket/entities/water/press/news/details/967633?lang=kk

ҚМА Түркістан облысы бойынша Департаменті азаматтардың өмірі мен денсаулығына қауіп төндіретін заңсыз темекі өнімдерін (снюс) өндіру, сату және айналымға енгізумен айналысқан қылмыстық топтың қызметін тоқтатты.Арнайы операцияның нәтижесінде 1 000 шаршы метр аумақта күнделікті 30-дан астам жұмыскерлер жұмыс істейтін заңсыз цех жойылды.Шикізат дайындау мен логистиканы ұйымдастырудан бастап Астана, Алматы, Шымкент қалаларында және басқа өңірлерде ірі көтерме жеткізушілер арқылы өткізу арналарына дейінгі қылмыстық қызметтің барлық схемасы анықталды.Заңсыз айналымнан 10 млн астам тыйым салынған дайын өнім, 28,8 млн бір реттік дозаны құрайтын 14,4 тоннадан астам темекі, 3,3 мың литрден астам хош иістендіргіш пен улы қоспалар, сондай-ақ өндірістік жабдықтар алынды.Қосымша ақпарат ҚПК-тің 201-бабына сәйкес жариялауға жатпайды. Егер Сізге экономикалық құқық бұзушылық жасау фактілері белгілі болса, бұл туралы "АФМ Insider" телеграм ботына хабарлауыңызды сұраймыз. Анонимділікке кепілдік беріледі. ҚР ҚМА Баспасөз қызметіАқпарат көзі : https://www.gov.kz/memleket/entities/afm/press/news/details/967630?lang=kk