2025 жылғы 13 қаңтардан бастап Қазақстанда төлем форматтары үшін ISO 20022 халықаралық стандартына көшуге байланысты негізгі өзгерістер күшіне енді . Бұл қадам қолма-қол ақшасыз төлемдер процесіне, атап айтқанда төлем тапсырмаларын қалыптастыру ережелеріне айтарлықтай әсер етеді.1. Төлем тапсырмаларында жаңа бағандардың пайда болуы• "Нақты төлеуші": енді төлем тапсырмаларында міндетті түрде ақша жөнелтуші ғана емес, нақты төлеуші де көрсетіледі. Бұл дегеніміз, егер төлемді өз құрылымдық бөлімшесі жасаса, олардың нақты деректерін көрсету маңызды.• "Ақша жөнелтуші ": бұл бағанда төлемді кім бастайтыны туралы мәліметтер көрсетіледі. Бұл жаңарту дәл есепке алу үшін өте маңызды, әсіресе төлемдер сот орындаушылары немесе заңды тұлғаның өзінің құрылымдық бөлімшелер арқылы жүзеге асырылса.2. Заңды тұлғалар және олардың құрылымдық бөлімшелер* Заңды тұлға өзінің жеке бөлімшесі үшін төлемдерді төлеген кезде "нақты төлеуші" бағанында енді ұйымның өзі емес, осы бөлімшенің БСН көрсетіледі. Бұл төлемдер бас компанияның шотына емес, бөлімшенің жеке шотына дұрыс аударылуы үшін қажет.3.  Сот орындаушылары арқылы төлемдерЕгер сот орындаушысы борышкердің міндеттемелері бойынша бюджетке ақша төлесе, "нақты төлеуші" бағанында борышкердің өзі — Тегі, Аты, Әкесінің аты және оның ЖСН деректерін көрсету қажет. Бұл төлемдерді борышкердің жеке шотында көрсетіледі.4. Төлемдерді шоттар бойынша тарату Енді барлық төлемдер "нақты төлеуші"бағандарында кім көрсетілгеніне байланысты салық төлеушілердің немесе төлем жүйесінің басқа қатысушыларының жеке шоттары бойынша бөлінеді:• Юридические лица будут платить за свои обособленные подразделения, указывая БИН подразделения, и платежи будут разнесены на лицевой счет подразделения.• Судебные исполнители будут перечислять платежи за должников, и средства будут зачисляться на лицевой счет должника.Дәлдік пен ашықтық: Төлем тапсырмаларындағы Жаңа бағандар төлемдерді дәл есепке алуды және есепке алуды қамтамасыз етеді, бұл қателерді азайтады және қаржылық операциялардың ашықтығын жақсартады.Төлемдеріңіздің жаңа талаптарға сай екеніне көз жеткізіңіз!.Ақпарат көзі : https://www.gov.kz/memleket/entities/kgd-akmola/press/news/details/960537?lang=kk

«KazAID» Қазақстандық халықаралық даму агенттігінің басқарма төрағасы Арыстанов А.К. «kzaif.kz» басылымына «Қазақстаннан көмек келеді» тақырыбында сұхбат берді.Сілтеме: https://kzaif.kz/politic/pomoshch-idet-iz-kazahstana?ysclid=m8896br8e7299776822Ақпарат көзі : https://www.gov.kz/memleket/entities/kazaid/press/news/details/960524?lang=kk

Квазимемлекеттік сектор субъектілерінің қызметіндегі «Заң мен тәртіп» нарративін нығайту, сондай-ақ комплаенс-бақылау саласындағы мамандарға әдістемелік қолдау көрсету мақсатында Сыбайлас жемқорлыққа қарсы қызметтің Шығыс Қазақстан облысы бойынша Департаменті өңірдің комплаенс-офицерлері үшін сыбайлас жемқорлыққа қарсы мектеп ұйымдастырды. Іс-шараға квазимемлекеттік сектор ұйымдарының 150-ден астам өкілі қатысты.Мектеп жұмысын аша отырып, Сыбайлас жемқорлыққа қарсы қызметтің Шығыс Қазақстан облысы бойынша Департаменті басшысының бірінші орынбасары Асылхан Ашиков өңірдегі комплаенс-қызметтің ағымдағы жағдайы туралы баяндама жасады. Өз сөзінде ол қол жеткізілген нәтижелерді де, комплаенс-қызметтер жұмысының тиімділігіне әсер ететін мәселелерді де атап өтті. Атап айтқанда, көптеген ұйымдарда сыбайлас жемқорлық тәуекелдерін ішкі талдау процесі стандартты ұсыныстармен шектеліп, оның практикалық маңыздылығын төмендететін ресми сипатта болатыны атап өтілді. Осыған байланысты сыбайлас жемқорлыққа қарсы тиімді тетіктерді енгізу және комплаенс-офицерлердің парасаттылық мәдениетін қалыптастыруға белсенді қатысу қажеттілігіне назар аударылды.Сонымен қатар, А.Ашиков комплаенс-офицерлердің корпоративтік этика және құқық қолдану практикасы қағидаттарын нығайтудағы рөліне, атап айтқанда, Құрылтайда Президент ұсынған «Адал азамат» тұжырымдамасын іске асыру контекстінде ерекше назар аударылды.Сондай-ақ, Шығыс Қазақстан облысы әкімі аппаратының мемлекеттік және құқықтық бөлімінің бас маманы Е.Карпова баяндама жасап, ТБН4 жобалық басқару шеңберінде комплаенс-қызметтер жұмысының негізгі аспектілерін атап өтті.Мектеп жұмысының маңызды бағыты комплаенс-офицерлердің біліктілігін арттыру болды. Осы тұрғыда Қазақстан Республикасы Президенті жанындағы Мемлекеттік басқару академиясының Шығыс Қазақстан филиалының профессоры С.Ковалев комплаенс-офицерлердің функционалдығы, олардың квазимемлекеттік сектордағы міндеттері мен мәселелерін егжей-тегжейлі түсіндіріп берді.Комплаенс-бақылау мен сыбайлас жемқорлық тәуекелдерін басқарудың практикалық аспектілерімен «Үлбі-ТВС» компаниясының комплаенс-офицері В.Натдочий бөлісті. Өз сөзінде ол тәуекелдерді бағалаудың тиімді құралдары мен әдістерін, сондай-ақ сыбайлас жемқорлыққа қарсы алдын алу шараларын енгізу жолдарын ұсынды.Іс-шараның соңғы кезеңі ҚАЕУ Педагогика және психология кафедрасының аға оқытушысы, PhD докторы Ф.Искендерованың сөз сөйлеп, ұйымдарда корпоративтік мәдениет пен сыбайлас жемқорлыққа қарсы құндылықтарды қалыптастырудың психологиялық аспектілері туралы баяндама жасады.Мектеп жұмысы аяқталғаннан кейін барлық қатысушыларға комплаенс-офицерлер үшін сыбайлас жемқорлыққа қарсы мектеп шеңберінде оқудан өткенін растайтын сертификаттар табыс етілді.#Заң_мен_тәртіп#ЗАҢменТӘРТІПАқпарат көзі : https://www.gov.kz/memleket/entities/anticorruption-vko/press/news/details/960523?lang=kk

Заңсыз шығарылған активтерді қайтару Сыбайлас жемқорлыққа қарсы қызметтің негізгі міндеттерінің бірі.Бұл жұмыс Мемлекет басшысының тапсырмаларын іске асыру аясында «follow the money» қағидаты бойынша жүргізілуде және мемлекеттік институттарға деген қоғамның сенімін нығайтуға бағытталған сыбайлас жемқорлыққа қарсы күрес стратегиясының маңызды бөлігі болып табылады.2022 жылдан бері мемлекетке және квазимемлекеттік сектор субъектілеріне 1,12 трлн теңгеден астам актив қайтарылды.Қылмыстық жолмен алынған ақшалай қаражат пен мүлікті іздеу жұмыстары ел ішінде де, шетелде де жүргізілуде.Бұл мақсатта Қаржы мониторингі агенттігінің қаржылық барлау бөлімшесімен, сондай-ақ халықаралық әріптестермен тығыз ынтымақтастық орнатылған. «GlobE», «CARIN», «ARIN» және басқа да бейресми байланыс арналары пайдаланылып, активтерді жедел анықтауға және қайтаруға мүмкіндік беруде.Осыған ұқсас жұмыстар өңірлік департаменттер тарапынан да жүргізілуде.Мысалы, Жетісу облысының Сыбайлас жемқорлыққа қарсы қызметі білім беру саласындағы бюджет қаражатын жымқыру фактісі бойынша қылмыстық іске қатысты күдіктінің үйінде тінту жүргізу барысында шетелдік банктің реквизиттері көрсетілген қаржылық құжаттарды анықтады.Қаржы мониторингі агенттігінің қаржылық барлау бөлімшесімен бірлескен жұмыстың нәтижесінде ұрланған қаражаттың бір бөлігі көрсетілген шетелдік банктегі шоттарға аударылғаны туралы ақпарат алынды.Кейіннен Сыбайлас жемқорлыққа қарсы қызметтің байланыс офицері «GlobE» халықаралық желісі арқылы шетелдік әріптестерімен байланыс орнатып, күдікті мен оның туысына тиесілі шоттар мен қаржылық операциялардың бар екенін растады.Олар сондай-ақ ақша қаражатын алушы болған ҚР-ның резиденті емес тұлғаға қатысты деректерді ұсынды. Ақшалай қаражатқа тыйым салу және оларды кейін ықтимал тәркілеу мақсатында шет мемлекеттің құзыретті органдарына құқықтық көмек көрсету туралы халықаралық тергеу тапсырмасы жолданды.Өзара іс-қимыл жалғасуда.Қылмыстық процестік кодекстің 201-бабына сәйкес басқа мәліметтер жария етуге жатпайды.Жалпы, қаржылық тергеу жүргізу кезінде күдіктілердің туыстарына, сенімді адамдарға және жиі номиналды меншік иелері ретінде пайдаланылатын басқа тұлғаларға рәсімделген активтер тексеріледі. Әдетте, олар мүлік пен оны сатып алуға жұмсалған қаражаттың заңды шығу тегін дәлелдей алмайды, ал олардың ресми табысы активтердің құнынан едәуір төмен.Мысалы, Шығыс Қазақстан облысында сыбайлас жемқорлыққа күдікті тұлға қылмыстық жолмен алынған қаражатқа сатып алынған автокөлік пен екі пәтерді жұмыссыз туысының атына рәсімдеген.Шымкентте мемлекеттік қызметкер ұрланған ақшаға зайыбына электромобиль сатып алған.Жетісу облысында жүргізілген қаржылық тергеу нәтижесінде жалпы сомасы 2,8 млрд теңге болатын мүлік, соның ішінде ақша қаражаты, алты автокөлік және бір пәтер анықталып, тәркіленді.Бұл – бірегей жағдайлар емес.Мұндай барлық активтерге тыйым салынып, олардың тәркіленуі бойынша шешімді сот үкім шығарған кезде қабылдайды.Активтерді іздеу, тыйым салу және қайтару бойынша жұмыстарды жүргізу барысында олардың түпкілікті меншік иелерін анықтау, қажетті мәліметтер мен дәлелдерді алу бойынша Бас прокуратураның Активтерді қайтару комитетімен және басқа да құқық қорғау органдарымен, соның ішінде шетелдік құқық қорғау органдарымен тығыз өзара іс-қимыл жүзеге асырылады.Мысалы, Активтерді қайтару комитетімен бірлесіп жүргізілген жұмыстың нәтижесінде Астана қаласының азаматтық істер жөніндегі ауданаралық сотының шешімімен мемлекет пайдасына 5 млрд теңгеден астам қаржы, зергерлік бұйымдар және қымбат мүліктер қайтарылды.Жүргізілген тергеу іс-шаралары мен жиналған материалдарды талдау барысында бұл активтердің сатып алыну көздерінің заңдылығына негізді күмән анықталды. Сондай-ақ олардың құны заңды табыс көлеміне немесе өзге де заңды қаржы көздеріне сәйкес келмейтіні анықталды.Сонымен қатар, Мемлекет басшысының тапсырмасы бойынша сыбайлас жемқорлардан тәркіленген барлық қаржы әлеуметтік қажеттіліктерге бағытталуда.«Білім беру инфрақұрылымын қолдау қоры» арқылы қайтарылған 153,3 млрд теңге есебінен 89 мектептің құрылысына қаржы бөлініп, нәтижесінде елдің түрлі өңірлері мен ірі қалаларында 100 мыңға жуық оқушы орны жасақталды.Осы 89 мектептің 61-і (74,4 мың орын) салынып, пайдалануға берілді, оның 29-ы ауылдық жерлерде орналасқан.Бұл шара 6 үш ауысымды, 2 апатты және 1 тозығы жеткен мектептің мәселесін шешуге мүмкіндік берді.2024 жылы 25 жаңа мектеп салынды, олардың басым бөлігі Астана қаласында, сондай-ақ Маңғыстау, Алматы және Жамбыл облыстарында орналасқан. Барлық білім беру ұйымдары заманауи жабдықтармен қамтамасыз етіліп, оқушылар үшін қолайлы жағдай жасалған.Ағымдағы жылы 22 мың оқушыға арналған тағы 28 мектептің құрылысын жүргізу жоспарланған.Қаржыландырудың өзге көзі «Арнаулы мемлекеттік қор» болып табылады, ол мемлекет меншігіне қайтарылған мүлікті сатудан алынған түсімдер мен қаражат есебінен, оның ішінде сыбайлас жемқорлыққа қарсы қызмет күштерімен толықтырылады.Ақшаның бір бөлігі ауылдық жерлердегі 7 мектепті (Атырау, Түркістан облыстарында, Жетісу және Ұлытау облыстарында), 2 спорт кешенін (Ақмола және Алматы облыстарында), 1 жатақхананы (Шымкент қаласында) және 2 балабақшаны (Ақтөбе және Петропавл қалаларында) қоса алғанда, 12 нысан салуға бағытталды.Сонымен қатар, елордада Арнайы мемлекеттік қор қаражатына Қ. Мұнайтпасова атындағы 3598 орындық жаңа стадион салынады.Сондай – ақ денсаулық сақтау саласындағы 105 объект (Риддер қаласындағы көпфункционалды аурухана кешені, жедел жәрдем станциялары, медициналық пункттер, дәрігерлік амбулаториялар, зертханалар), 162-сумен жабдықтау жүйелері (су құбыры және тарату желілері, су тарту және қысым-реттеу құрылыстары) мақұлданды.Арнайы мемлекеттік қордан еліміздің әртүрлі өңірлерінде 223,9 млрд теңгеге 280-ге жуық әлеуметтік маңызы бар нысандарды инвестициялауға қолдау көрсетілді.Активтерді қайтару бойынша жұмыс жалғасуда.#Заң_мен_Тәртіп #ЗАҢменТӘРТІП _ ❗️Егер Сіз жемқорлық фактілеріне тап болсаңыз, 1424 нөмірі арқылы немесе WhatsApp-чат-бот: 8 777 000 1424 және @antikorkz_bot Telegram-боты арқылы шұғыл хабарлаңыз.Ақпарат көзі : https://www.gov.kz/memleket/entities/anticorruption/press/news/details/960517?lang=kk

Мемлекет Басшысының тапсырмаларын орындау шеңберінде Сыбайлас жемқорлыққа қарсы іс-қимыл агенттігі қоғамда «Заң мен тәртіп» қағидаттарын ілгерілету бойынша жұмысты жалғастыруда.Қазіргі жағдайда кез-келген мемлекеттік орган қоғамның қолдауымен ғана жетістікке жете алады. Сыбайлас жемқорлыққа қарсы тиімді жұмыс тек халықтың белсенді қатысуының арқасында мүмкін болады.Сыбайлас жемқорлыққа қарсы іс-қимыл агенттігі түрлі байланыс арналары арқылы ашықтық қағидатын іске асырады.Біздің жұмысымыздың алғышарттары ретінде «транспаренттілік» және «ашықтық» қағидаттары тұр.Агенттік жұмысының негізгі бағыттарының бірі азаматтармен жедел және тиімді өзара іс-қимылды қамтамасыз ететін Call-орталықты ұйымдастыру және оның жұмыс істеуі болып табылады.Сыбайлас жемқорлыққа қарсы қызметтің Call-орталығы тәулік бойы жұмыс істейді, азаматтарға тегін ақпараттық-консультациялық қолдау көрсетеді.Операторлар Агенттіктің қызметі туралы сұрақтарға жауап береді, сыбайлас жемқорлыққа қарсы мәселелер бойынша шағымдарды, ұсыныстар мен пікірлерді қабылдайды.Орталық сыбайлас жемқорлық фактілері, оның ішінде орын алған немесе жоспарланып жатқан құқық бұзушылықтар туралы, сондай-ақ кәсіпкерлік қызметке кедергі жасау жағдайлары туралы телефон хабарламаларына тәулік бойы ден қояды.Сыбайлас жемқорлық қарсы іс-қимыл агенттігі операторы құқық бұзушылық жасады деген күдік туралы қоңырау түскен кезде абонентті хабарламаға тіркейтін және жедел ден қою шараларын қабылдайтын Агенттіктің кезекші офицерімен дереу байланыстырады.Осылайша, әрбір хабарлама уақтылы тексеріледі.Жеткілікті негіздер болған жағдайда сотқа дейінгі тергеу басталады.2024 жылы Call-орталыққа 26 мыңнан астам өтініш түсті:- сыбайлас жемқорлыққа қарсы қызмет мәселелері бойынша 5,8 мыңнан кеңес берілді;- Сыбайлас жемқорлық құқық бұзушылық белгілері бар 862 хабарлама;Call-орталық арқылы келіп түскен хабарламалардың нәтижелері бойынша ашылған қылмыстық істердің саны артып келеді.Сыбайлас жемқорлық құқық бұзушылық фактісі туралы хабарлаған немесе сыбайлас жемқорлыққа қарсы іс-қимылға өзге де жолмен жәрдем көрсететін адамдарға, егер кінәлі адамға қатысты сот қаулысы немесе айыптау үкімі заңды күшіне енген жағдайда, біржолғы ақшалай сыйақы төленетінін еске саламыз.Сыйақы қағидалармен регламенттелген және сыбайлас жемқорлыққа нөлдік төзімділікті қалыптастыру және азаматтық қоғамды осы қауіпті әлеуметтік құбылысқа қарсы күреске тарту жөніндегі пәрменді ынталандырушы тетік болып табылады.Сыйақы 10%-ға дейін, бірақ 4 мың АЕК-тен аспайды. Яғни, сыбайлас жемқорлық құқық бұзушылықтар туралы сенімді ақпарат бергені үшін 15,7 млн теңгеге дейін сыйақы көзделген.2024 жылы Сыбайлас жемқорлыққа қарсы қызмет жалпы сомасы 35,5 млн теңгеге 104 азаматты көтермеледі, оның ішінде 38 мемлекеттік қызметші грамоталармен марапатталды.Өтініштердің көпшілігінде мынадай фактілер бар: қылмыстық және әкімшілік жауаптылыққа тартпағаны үшін пара алғаны, өкілеттіктерін асыра пайдаланғаны, патронаттығы, мемлекеттік сатып алу саласындағы бұзушылықтар және лауазымды тұлғалардың басқа да заңсыз әрекеттері.Сыйақы алған адамдардың ең көп саны Қарағанды, Ақтөбе және Батыс Қазақстан облыстары бойынша департаменттерге тиесілі, онда 6-дан 10 адамға дейін сыйақы алды.Мемлекеттік қызметшілердің хабарламалары да артып келеді.2024 жылы Шымкент қаласында 6 млн теңге, яғни пара сомасының 10% - на «Т» және «Б» азаматтарының қылмыстық іс-әрекетінің жолын кесуге көмектескені үшін «Б» азаматы сыйақы алды.Астана қаласы бойынша департаменті 3 млн теңге сомасына полиция қызметкерлеріне пара беруге итермелеген екі азаматқа қатысты сыбайлас жемқорлық туралы хабарлағаны үшін «Т» азаматына сыйақы берді.Сонымен қатар, сыбайлас жемқорлыққа қарсы қызмет ақпарат берушілердің толық құпиялылығын қамтамасыз етеді. 2023 жылғы 3 қаңтардан бастап азаматтардың бұл санаты куәгерлерді қорғаудың кешенді бағдарламасына түсті.Енді сыбайлас жемқорлық туралы хабарлаған адамдарға қатысты физикалық қол сұғылмаушылық ғана емес, сонымен қатар құпия ақпаратты және олардың еңбек құқықтарын қорғау шаралары күшейтілді. Енді сыбайлас жемқорлық туралы хабарлаған адамдарды комиссия құрамында Сыбайлас жемқорлыққа қарсы қызмет қызметкерінің қатысуынсыз тәртіптік жауапкершілікке тартуға, жұмыстан шығаруға немесе басқа лауазымға ауыстыруға болмайды. Ал сыбайлас жемқорлық туралы хабарлаған адамдар туралы құпия ақпарат жария етілген жағдайда қылмыстық жауаптылық көзделген.Естеріңізге сала кетейік, Сыбайлас жемқорлыққа қарсы мәдениетті қалыптастыру және сыбайлас жемқорлық көріністеріне нөлдік төзімділік, сондай-ақ азаматтық белсенділікті арттыру мақсатында Сыбайлас жемқорлыққа қарсы қызмет сыбайлас жемқорлық фактілері туралы жедел хабарлау үшін жаңа WhatsApp-чат-бот Антикор 1424 құралын іске қосты.Енді әрбір азамат сыбайлас жемқорлық фактілері туралы хабарлай алады немесе WhatsApp мессенджері арқылы сыбайлас жемқорлыққа қарсы іс-қимыл мәселелері бойынша кеңес ала алады.Ол үшін 8 777 000 1424 нөміріне хабарлама жіберу жеткілікті.WhatsApp чат-бот Антикор 1424 арқылы не істеуге болады?✅ Сыбайлас жемқорлық фактілері туралы хабарлау ✅ Сыбайлас жемқорлыққа қарсы іс-қимыл мәселелері бойынша кеңес алуБіз өтініштің толық құпиялылығына кепілдік береміз.Барлық хабарламалар міндетті түрде қаралады және құқық бұзушылықтар анықталған жағдайда қолданыстағы заңнамаға сәйкес шаралар қабылданады.Алайда, сыбайлас жемқорлық туралы жалған хабарлау қылмыстық жауаптылыққа әкеп соғатынын еске саламыз.Сыбайлас жемқорлық фактісі туралы кез келген азамат 1424 телефоны бойынша 24/7 жұмыс істейтін Антикор Call-орталығына немесе WhatsApp-чат-бот Антикор 1424: 8 777 000 1424, сондай-ақ аумақтық Antikor Ortalygy-ге бара алады.Сыбайлас жемқорлыққа қарсы қызмет азаматтарды сыбайлас жемқорлық фактілері туралы ақпарат болған жағдайда 1424 нөмірі бойынша Call-орталыққа жүгінуге шақырады.#Заң_мен_Тәртіп #ЗАҢменТӘРТІП _ ❗️Егер Сіз жемқорлық фактілеріне тап болсаңыз, 1424 нөмірі арқылы немесе WhatsApp-чат-бот: 8 777 000 1424 және @antikorkz_bot Telegram-боты арқылы шұғыл хабарлаңыз.Ақпарат көзі : https://www.gov.kz/memleket/entities/anticorruption/press/news/details/960475?lang=kk

         Бүгін қала әкімі Б.Абдралиев  Курчатов қалалық мәслихатының кезекті жиырма алтыншы сессияның жұмысына қатысты.«2024 жылға арналған қала бюджетінің орындалуы туралы» баяндама жасады. Сондай-ақ «Әлеуметтік маңызы бар азық-түлік тауарларының бағасын тұрақтандыру және кәсіпкерлік субъектілерін қолдау жөніндегі жұмыс туралы», «Мәслихаттың заңдылық, құқықтық тәртіп, депутаттық өкілеттік және этика мәселелері жөніндегі тұрақты комиссиясының есебі туралы» ақпараттар тыңдалды.Ақпарат көзі : https://www.gov.kz/memleket/entities/abay-kurchatov/press/news/details/960469?lang=kk

«Наурызнама» онкүндігі аясындағы Жаңару күні Гвардейск гарнизоны әскери бөлімдерінің жеке құрамы ағаш егіп, қалашық аумағын абаттандыру акциясын өткізді.Тұңғыш Қорғаныс министрі армия генералы Сағадат Нұрмағамбетов атындағы аллеяға әскери қызметшілер 50 түп ағаш отырғызды.– Бүгін еліміз табиғаттың жаңару күнін атап өтуде. Біз әскери қалашықта бақ ашып, демалыс аймағын жасауды қолға алдық. Бұл акцияға қолдау көрсеткен қалашық тұрғындары да ағаш егуге құлшына кірісті, – деді Гвардейск гарнизонының штаб бастығы подполковник Дулат Серікбаев.Елімізді көгалдандыру – Мемлекет басшысы белгілеген маңызды міндеттердің бірі. Ағаш отырғызу арқылы әскери қызметшілер бұл жолы экологияны жақсартуға, табиғатқа ұқыпты қарау мәдениетін қалыптастыруға үлес қосты.Ауқымды акция мамыр айына дейін жалғасады. Тек «Мәтібұлақ» полигонының өзіне 500 түп ағаш отырғызылады. Әскери қызметшілердің күш-жігерінің арқасында әскери қалашықта шырша, қайың, қарағаш, өрік және шие ағаштары пайда болады. Олардың күтімін әскери қалашық тұрғындары жүзеге асыратын болады.Ақпарат көзі : https://www.gov.kz/memleket/entities/mod/press/news/details/960446?lang=kk

2025 жылдың 18 наурызы күні ШҚО музей-қорығының Қайсенов көшесі, 67 мекенжайындағы көрме залында Наурыз мейрамы аясында зергерлік бұйымдар мен тас өңдеу ісінің шеберлері Б. Дәлентаев (Өскемен қ.) пен О. Бекқалыйдың (ШҚО Самар ауданы) көрмесі ашылды. Вернисажға зергерлердің әріптестері мен шәкірттері және туыстары қатысып, өздерінің жылы лебіздерін білдірді. Белгілі шеберлер – Қазақстан қолөнершілер одағының мүшелері, бірнеше рет облыстық және республикалық фестивальдердің, байқаулардың қатысушылары мен жеңімпаздары атанды. Шеберлердің үздік бұйымдары Астана, Алматы және Семей қалаларының көрмелерін безендірді.Кәсіби тас өңдеуші-зергер Байболат Дәлентаев Астана қаласында өткен ЭКСПО-2017 халықаралық көрмесінде Шығыс Қазақстанды таныстырған үздік шеберлер тізіміне енді. 2019 жылы «Шебер» республикалық байқауының финалисі, 2021, 2024 жылдары «Шығыс кәдесыйы» облыстық байқауының жеңімпазы болды.Жас, келешегі зор шебер әрі зергер Оралбек Бекқалый көркем еңбек мұғалімі, ол облыстық көрмелерге, қолөнер шығармашылығы фестиваль-байқауларына белсенді қатысып, жүлделі орындарды иеленген. Осылайша, «Шығыс кәдесыйы» облыстық байқауында «Жас шебер» номинациясында (2018 ж.) «Дәстүрлілік» номинациясында (2023 ж.) жеңімпаз атанды.Келушілерді зергерлер жасаған әйелдердің әсем әшекейлері: моншақтар, алқалар, мойынтұмарлар, сақиналар, сондай-ақ, ерлер жүзігі мен білезіктер қызықтырады.  Мұның бәрі тастан және металдан, яғни күміс пен мельхиордан жасалған.Ақпарат көзі : https://www.gov.kz/memleket/entities/vko-cultura-arhiv/press/news/details/960435?lang=kk

Елордадағы Қолжазбалар мен сирек кітаптар ұлттық орталығында Қарулы күштер Ұлттық әскери-патриоттық орталығының Әскери-тарихи мұражайымен бірлескен Кеңес Одағының Батыры, даңқты қолбасшы Бауыржан Момышұлының туғанына 115 жыл толуына арналған деректі-тарихи көрме ашылды. Іс-шара Ұлы Жеңістің 80 жылдығына орайластырып отыр. Көрмеге Бауыржан Момышұлының өмірі мен қызметіне байланысты фотосуреттер, жеке күнделіктер, қойын дәптерлер, карталар, портреттер және Ұлы Отан соғысы туралы тарихи кітаптар секілді бірегей экспонаттар қойылған. Іс-шараға Қорғаныс, Мәдениет және ақпарат министрліктерінің өкілдері, Ұлттық ұлан ардагерлер кеңесінің мүшелері, студенттер мен оқушылар қатысты.– Бауыржан Момышұлының жауынгерлік жолы қаһармандыққа толы. Батырдың өмірлік үлгісі мен шығармашылық мұрасы жас ұрпақ үшін патриотизмнің сарқылмас қайнар көзі болып табылады, – деді ғылыми-зерттеу жұмыстарын ұйымдастыру бөлімінің жетекші-сарапшысы, тарих ғылымдарының кандидаты Гүлсім Бисенова.Бауыржан Момышұлы өз оқырмандарына Ұлы Отан соғысы туралы 30 томнан астам елеулі әдеби мұра қалдырды.Ақпарат көзі : https://www.gov.kz/memleket/entities/mod/press/news/details/960431?lang=kk

Туберкулездің алдын алуЖыл сайын 24 ақпаннан 24 наурызға дейін туберкулездің алдын алу айлығы өткізіледі, ол 24 наурызға – Дүниежүзілік туберкулезге қарсы күрес күніне орайластырылған. Туберкулезге қарсы күрес айлығы: "Иә! Біз туберкулезді жеңе аламыз: міндеттеме алыңыз, инвестициялаңыз, әрекет етіңіз". Айлықтың негізгі міндеті халықты туберкулездің жеке және қоғамдық алдын алу шаралары туралы, туберкулездің алғашқы белгілері туралы, туберкулезді жұқтырудың қауіптілігі мен ауыр зардаптары туралы хабардар ету, денсаулық үшін ортақ жауапкершілікке тәрбиелеу болып табылады; міндетті профилактикалық тексеруден өту қажеттілігін түсіну. Туберкулез-кез келген басқа жұқпалы ауруға қарағанда адам өмірін қиюға қабілетті қауіпті инфекция. ДДҰ мәліметтері бойынша қазіргі уақытта әлем халқының үштен бірі туберкулезбен ауырады.Туберкулез (ежелгі атауы "тұтыну") - созылмалы жұқпалы ауру, өкпеде қабыну процесінің басым локализациясы бар. Аурудың өкпе формаларымен қатар, өкпеден тыс формалардың дамуы мүмкін, өйткені қоздырғыш адамның барлық мүшелеріне әсер етуі мүмкін. Туберкулез қоздырғышы (микобактериялар) төмен және жоғары температураға, жоғары ылғалдылыққа айтарлықтай төзімділікке ие. Табиғи жағдайда, күн сәулесі болмаған кезде туберкулез микобактериялары бірнеше ай бойы өміршеңдігін сақтай алады: көше шаңында - 10 күн, кітап беттерінде үш ай, суда -150 күнге дейін, топырақта - 6 айға дейін, шикі сүтте — 2 аптаға дейін, шикі сүтте-2 аптаға дейін сақталады. май мен ірімшік-1 жылға дейін. Туберкулезді жұқтырудың негізгі көзі науқас адам болып қала береді. Жөтел кезінде қақырық тамшылары бар туберкулез таяқшалары заттарға түсіп, топыраққа түседі. Ластанған ауаны шаң бөлшектерімен ингаляциялау кезінде туберкулез қоздырғыштары сау адамның өкпесіне енеді. Инфекция науқас қолданған тұрмыстық заттармен байланыста болуы мүмкін. Бір науқас бір жыл ішінде онымен байланыста болған 10-нан 15-ке дейін сау адамды жұқтыруы мүмкін. Сондай-ақ, инфекция туберкулезбен ауыратын сиырлардан шикі сүт пен сүт өнімдерін жегенде, осы өнімдерді кездейсоқ сатушылардан "қолмен" сатып алғанда пайда болуы мүмкін. Туберкулездің негізгі белгілері: тез шаршау және жалпы әлсіздіктің пайда болуы, тәбеттің төмендеуі немесе болмауы, салмақ жоғалту, тершеңдіктің жоғарылауы, жеңіл физикалық белсенділікпен ентігудің пайда болуы,дене температурасының 37,2-37, 8 ° C дейін көтерілуі, ұзақ мерзімді, емделмейтін жөтел немесе қақырықпен жөтел (мүмкін қанмен). Туберкулезді жұқтыруға басқаларға қарағанда бейім адамдардың санаттары: балалар, қарттар, қант диабеті, онкологиялық аурулармен ауыратын науқастар,стероидтарды қабылдайтын адамдар, иммундық жүйені әлсірететін дәрілер, АИТВ жұқтырған адамдар, қолайсыз жағдайларда өмір сүретін адамдар (пәтерде адамдардың көп болуы, үйдегі гигиеналық нормалардың болмауы), алкоголь мен нашақорлықтан зардап шегетін адамдар, дұрыс тамақтанбаған адамдар, темекі өнімдерін пайдаланады. Темекі шегу, алкогольді теріс пайдалану, дұрыс тамақтанбау, стресс, жеке гигиенаны сақтамау осы факторлардың барлығы туберкулезге шалдығу қаупін арттырады.Сіз ағзаны туберкулезден аурудың алдын алу және ерте анықтау бойынша шаралар кешенінің көмегімен қорғай аласыз: профилактиканың негізгі әдісі профилактикалық егу күнтізбесіне сәйкес БЦЖ вакциналарын пайдалана отырып жүзеге асырылатын балаларды вакцинациялау болып табылады;тәуекел тобындағы балаларға Манту сынамасын жүргізу балалар мен жасөспірімдерде туберкулездің бастапқы және жергілікті түрлерін, сондай-ақ бастапқы жұқтыру қаупін анықтауға мүмкіндік береді; ересектер арасында туберкулезді анықтаудың негізгі ерте әдісі флюорографиялық тексеру болып табылады;салауатты өмір салтының негізгі қағидаттарын сақтау (алкоголь, есірткі, темекі өнімдерін алып тастау); теңдестірілген тамақтану, денені қатайту, физикалық белсенділік және спортпен шұғылдану ағзаның қорғанысын арттырады, туберкулез қоздырғышымен байланыста болған кезде ағзаның иммунитеті мен төзімділігін арттырады. Сау болыңыз! Өзіңізге және жақындарыңызға қамқорлық жасаңыз!   Басшы  Ярушко Н.А.Ақпарат көзі : https://www.gov.kz/memleket/entities/kostanai-bmalin-audany-akimat/press/news/details/960406?lang=kk

Агенттік бағалы қағаздар нарығында басшы қызметкерді келісуден бас тартты:Усов Андрей Александрович бағалы қағаздар нарығындағы басқару органының басшысы лауазымына (2025 жылғы 18 наурыздағы №229/РЦБ/Т хаттама).Ақпарат көзі : https://www.gov.kz/memleket/entities/ardfm/press/news/details/960391?lang=kk

2025 жылдың 6-7 наурызы күндері Өскемен қаласында креативті индустрияларды дамыту аясында Халықаралық әйелдер күніне және Жұмысшы мамандықтарының жылына арналған «Ғасырлық дәстүрлер» атты кілем тоқу және сәндік-қолданбалы өнер бұйымдарының алғашқы республикалық фестивалі өтті.Фестивальге Қазақстан Республикасының 8 облысынан және республикалық маңызы бар 2 қаладан 27 адам қатысты. Қолөнершілер қолданатын станоктармен, иіру құралдарымен және ежелгі материалдармен өткен фестиваль дәстүрлі тоқымашылармен танысу үшін бірегей платформа болды. Көрермендердің назарына бірегей кілемдер, киізден жасалған бұйымдар, гобелендер және сәндік-қолданбалы өнердің басқа да үлгілері ұсынылды.Жұмыстарды халық өнері саласындағы жетекші сарапшылар бағалады. Фестиваль жеңімпаздары дипломдармен және ақшалай сыйлықтармен марапатталды. Фестиваль жеңімпаздары:1 орын - Анапияева Гульнар Жусуповна (Қызылорда облысы)2 орын - Кожамжарова Гульнар Даутовна (Шығыс Қазақстан облысы)3 орын - Сарсембаева Гулзира Беляловна (Алматы қаласы) Номинациялар:«Тәлімгерлік» - Дауленова Улбосын Бактыгалиевна (Алматы қаласы)«Жас шебер» - Исмаилова Дилинур Исмаиловна (Шығыс Қазақстан облысы)«Дәстүрлілік» - Капқызы Тамара (Алматы қаласы)«Кәсіпкәрлік» - Айгожина Гульмира Мухамет-Кызыровна (Абай облысы)«Жоғары шеберлік» - Ахмуханова Мария Рахымовна (Атырау облысы)Ақпарат көзі : https://www.gov.kz/memleket/entities/vko-cultura-arhiv/press/news/details/960387?lang=kk

Гаага, 2025 жылғы 14 наурыз – Нидерланд Корольдігіне жұмыс сапары аясында Ақтөбе қаласы мәслихатының депутаттары ауыл шаруашылығының тиімділігін арттыруға және су тұтынуды барынша азайтуға бағытталған заманауи агротехнологияларды енгізу мәселелері бойынша бірқатар кездесулер өткізді.Қазақстан Республикасының ең ірі өңірлерінің бірі саналатын Ақтөбе облысының делегациясын Вестланд провинциясының мэрі Бауке Арендс қабылдап, олар Dutch Greenhouse Delta қауымдастығының басшылығымен кездесу барысында Қазақстанда жоғары өнімділікке қол жеткізуді және су ресурстарын барынша тиімді пайдалануды қамтамасыз ететін инновациялық жылыжай технологияларын енгізу перспективаларын талқылады. Ерекше назар жылыжай шаруашылығында микроклиматты интеллектуалды бақылау технологияларын қолдану, энергия үнемдейтін құрылымдарды енгізу және ауыл шаруашылығы процестерін автоматтандырылған басқару жүйелері арқылы оңтайландыру мәселелеріне аударылды.Анықтама: Dutch Greenhouse Delta (DGD) – бұл Нидерланд жылыжай технологиялары мен бағбандық тәжірибесінің барлық экожүйесін ұсынатын халықаралық платформа. DGD – дені сау, қолжетімді, нәрлі және қауіпсіз тағам өнімдерін жергілікті әрі тұрақты түрде өндіруге үлес қосуға бағытталған ұйым. Ұйым «Farm to Fork» («Егістіктен үстелге дейін») қағидаты бойынша бағбандық саласының толыққанды экожүйесін қамтиды. Бұл жүйеге ғылым, бизнес, білім беру және мемлекеттік басқару салалары кіреді. DGD өзінің серіктестік желісін белсенді түрде кеңейтіп, жылыжай құрылысы, өсімдік инженериясы, тұқым селекциясы, логистика, банк және сақтандыру қызметтері салаларындағы компанияларды біріктіреді. Сондай-ақ, бұл ұйым өз мүмкіндіктерін көрсету мақсатында Agroworld Kazakhstan сияқты халықаралық сауда миссиялары мен көрмелерге қатысады.Жылыжайларда жидек дақылдарын өсіру мен өңдеудің озық әдістерімен іс жүзінде танысу үшін делегация KUBO компаниясының өндірістік алаңына барды. KUBO – инновациялық жылыжай кешендерін әзірлейтін жетекші компаниялардың бірі. Қазақстандық депутаттар қазіргі заманғы технологияларды, соның ішінде өсімдіктердің өсуін интеллектуалды басқару жүйелерін, суды және тыңайтқыштарды тиімді пайдалану әдістерін, сондай-ақ өнімді жинау мен өңдеудің жоғары автоматтандырылған процестерін көзбен көріп, бағалауға мүмкіндік алды. Сондай-ақ, кездесу барысында Қазақстанда жылыжай жабдықтарын өндіру мүмкіндіктерін ашу мәселесі де талқыланды.Нидерланд тарапы Қазақстан Республикасы басшылығының елдің агроөнеркәсіптік кешені алдында қойған басым міндеттері, сондай-ақ бірлескен жобаларды жүзеге асыру үшін отандық және шетелдік бизнес қауымдастығы үшін жасалған қолайлы инвестициялық жағдайлар туралы хабардар етілді. Қазақстандық жергілікті өзін-өзі басқару органдары өкілдерінің Нидерландқа жұмыс сапары агроөнеркәсіп секторындағы екіжақты ынтымақтастықты дамытуда маңызды қадам болды. Осы сапар барысында қол жеткізілген келісімдер Қазақстанда заманауи жылыжай технологияларын енгізуге, ауыл шаруашылығын басқарудың озық тәжірибелерін бейімдеуге және Ақтөбе облысының аграрлық секторын дамыту үшін қолайлы жағдайлар жасауға жаңа мүмкіндіктер ашады.Ақпарат көзі : https://www.gov.kz/memleket/entities/mfa-hague/press/news/details/960384?lang=kk

2024 жылдың 19 наурызында ШҚО білім басқармасының «Өrken» Шығыс Қазақстан өңірлік ақпараттандыру және білім беруді дамыту ғылыми-әдістемелік орталығы» КММ ТЖБ Аға инженері Кекиева А. бірлесіп, балалардың терезеден құлауы мәселесіне арналған вебинар өткізді.Вебинардың негізгі тақырыптары:Балалардың терезеден құлау статистикасы және себептері.Алдын алу шаралары:терезелерге блоктау құрылғыларын орнату;құлыптары бар терезе тұтқаларын пайдалану;жиһазды терезелерден алыстату;балаларды қауіпсіздік ережелеріне үйрету.Ешқашан маса торына сенбеңіз!Баланы, әсіресе терезелер мен шыны есіктердің жанында ойнап жүрген баланы қараусыз қалдырмау.Балалардың қауіпсіздігі үшін ата-аналардың жауапкершілігі.Вебинардың мақсаты: ата-аналар мен педагогтардың жазатайым оқиғалардың алдын алу үшін қауіпсіздік шаралары туралы хабардарлығын арттыру.Вебинар қорытындысы: қатысушылар балаларды терезеден құлаудан қалай қорғау керектігі туралы пайдалы ақпарат алды.Ұсыныстар:Ата-аналарға: үйдегі терезелердің қауіпсіздігін үнемі тексеріп отыру.Педагогтарға: балалармен қауіпсіздік ережелері туралы әңгімелер жүргізу.Вебинар балалардың жарақаттануының алдын алу бойынша іс-шаралар аясында өткізілді.Ақпарат көзі : https://www.gov.kz/memleket/entities/vko-bilim/press/news/details/960383?lang=kk

Наурыз мейрамы қарсаңында Қостанай ауданында жаңа пәтерлердің кілтін табыстау рәсімі өтті. Мемлекеттік тұрғын үй саясаты аясында 91 отбасы көптен күткен баспанасына қол жеткізді.Қостанай облысының әкімі Құмар Ақсақалов жаңа қоныстанушыларға кілттерді табыстап, халықты қолжетімді баспанамен қамтамасыз ету – мемлекеттің басты басымдықтарының бірі екенін атап өтті.Өңірдегі тұрғын үй құрылысын дамытуМемлекет басшысының тапсырмасымен елімізде халықты тұрғын үймен қамтуға бағытталған бағдарламалар белсенді түрде жүзеге асырылуда. 2024 жылы Қостанай облысында 500 мың шаршы метрге жуық тұрғын үй пайдалануға берілді, нәтижесінде 5 мыңнан астам отбасы жаңа баспаналы болды.Сонымен қатар, өңірде жалдамалы тұрғын үйді сатып алу жұмыстары қарқынды жүргізілуде. 2024 жылы бұл мақсатқа 18 млрд теңгеден астам қаражат бөлініп, 940 пәтер сатып алынды. Бұл көрсеткіш 2023 жылмен салыстырғанда 5,7 есе көп.Аталған бағыттағы жұмыстар жалғасуда. Биыл кезекте тұрған азаматтар үшін 1 000 пәтер және 253 несиеге берілетін баспана сатып алу жоспарланған, оның ішінде Қостанай ауданының тұрғындарына 100 пәтер бөлінеді.Жаңа шағын аудандар – жаңа мүмкіндіктерӨңірдің дамуындағы маңызды қадам – «Астана» және «Бәйтерек» шағын аудандарының құрылысы. Мұнда 154 көпқабатты тұрғын үй салынып, 60 мыңға жуық адамды баспанамен қамтамасыз ету жоспарланған. Жалпы 1 миллион шаршы метрден астам тұрғын үй пайдалануға беріледі.Жөндеуі толық аяқталған жайлы пәтерлерТобыл қаласында табысталған пәтерлер тұрғындардың жайлы өмір сүруіне толықтай дайын. Жаңа тұрғын үйде 40 шаршы метрден асатын бір бөлмелі пәтерлер мен 90 шаршы метрге дейінгі кең үш бөлмелі пәтерлер қарастырылған.Жаңа қоныс – жаңа бастамаҚоныс той иелері үшін бұл күн ерекше қуанышқа толы болды. Қостанай облысының әкімі Құмар Ақсақалов жаңа тұрғындарды құттықтап, олардың жаңа үйлерінде әрдайым бейбітшілік, жылулық және береке орнасын деп тіледі.«Наурыз – жаңару мен үміттің, жарқын болашақтың мерекесі. Ол әр шаңыраққа молшылық, бақыт және келісім әкелсін!» – деп атап өтті өңір басшысы.Ақпарат көзі : https://www.gov.kz/memleket/entities/kostanay/press/news/details/960373?lang=kk

Қостанай облысында өңір әкімі Құмар Ақсақалов пен WEINENGDA IMPORT AND EXPORT (HUBEI) CO., LTD компаниясының өкілдері арасында кездесу өтті. Қытай тарапынан компанияның вице-президенті Ли Шан Фин ханым қатысты. Келіссөздер барысында Бейімбет Майлин ауданына қарасты Тобыл кентінде вагон жөндеу депосын салу мүмкіндігі талқыланды. Құмар Ақсақалов Қостанай облысының үш негізгі бағытта дамып келе жатқанын атап өтті:•автомобиль өнеркәсібі,•қара металлургия,•ауыл шаруашылығы өнімдерін қайта өңдеу. Бұл салаларды тиімді дамыту үшін заманауи көлік-логистикалық инфрақұрылым қажет. Егер жоба жүзеге асса, вагон жөндеу депосы өңірдің теміржол жүйесінде маңызды буынға айналып, жылжымалы құрамды техникалық жөндеумен қатар, теміржол көлігіне арналған қосалқы бөлшектерді өндіруді қамтамасыз ететін болады. Қостанай облысы өз индустриялық әлеуетін нығайтып, стратегиялық маңызы бар жобаларға инвесторларды белсенді түрде тартуды жалғастыруда. Қытайлық серіктестермен ынтымақтастық мәселелері талқылану үстінде, ықтимал әріптестіктің шарттарын егжей-тегжейлі пысықтау жұмыстары жүргізілуде. Өңір басшылығы жаңа жұмыс орындарын құратын, облыс экономикасын нығайтып, оның инвестициялық тартымдылығын арттыратын заманауи өнеркәсіптік және инфрақұрылымдық нысандарды дамытуға мүдделі.Ақпарат көзі : https://www.gov.kz/memleket/entities/kostanay/press/news/details/960370?lang=kk

Соңғы жылдары Қазақстан шетелдік инвестицияларды тарту бағытында айтарлықтай табыстарға қол жеткізіп, елдің халықаралық аренадағы позициясын нығайтуда. Инвестициялық қолайлы ахуалды қалыптастыру және ірі халықаралық жобаларды іске асыру – мемлекеттің негізгі басымдықтарының бірі. Қабылданған шаралар инфрақұрылымды дамытуға, стратегиялық экономикалық салаларды қолдауға және елдің бәсекеге қабілеттілігін арттыруға бағытталған.Қазақстан Республикасының Президенті Қасым-Жомарт Тоқаев өз Жолдауында елдің экономикалық дамуы үшін инвестициялар тартудың маңыздылығын атап өтті: «Дүние жүзінде инвестицияға талас өршіп тұрған кезде елге қаржы тарту үшін «дәл осы жерде және дәл қазір» қағидасы бойынша шешім қабылдау – ең қажет шара».ҚР Ұлттық Банкінің деректері бойынша 2024 жылдың тоғыз айында тікелей шетелдік инвестициялардың (ТШИ) жалпы ағыны 12,7 млрд АҚШ долларын құрады. Сонымен қатар БҰҰ Азия мен Тынық мұхиты үшін Экономикалық және әлеуметтік комиссияның (UN ESCAP) мәліметтері бойынша 2024 жылы Қазақстанда 15,7 миллиард АҚШ доллары көлеміндегі жаңа жобаларға инвестиция тартылып, 2023 жылмен салыстырғанда 88%-ға өсті. Бұл Солтүстік және Орталық Азия өңіріндегі барлық инвестициялардың 63%-ын құрайды.2024 жылы шетелдік инвесторлар жалпы құны 1,3 млрд АҚШ долларын құрайтын 45 жобаны жүзеге асырды, бұл 6 мыңнан астам жұмыс орындарын ашуға мүмкіндік берді. Маңызды жобалардың ішінде құны 50 млн АҚШ долларын құрайтын «Carlsberg» өндірістік алаңының ашылуын, инвестиция көлемі 450 млн АҚШ долларын құрайтын және 1000-нан астам жұмыс орнын ашатын вольфрам кенін қайта өңдеу бойынша «Жетісу Вольфрамы» зауытының бірінші кезеңінің іске қосылуын атап өтуге болады. Сондай-ақ Шымкентте «WAN SHENG CERAMIC» керамикалық плиткаларын өндіру және Қостанай облысында «SKODA» және «HONGQI» маркалы автокөліктерін ірі тораптық өндіру бойынша зауыттар ашылды. Алматы облысында жергілікті ауыл шаруашылығын қолдау аясында 160 млн АҚШ доллары көлеміндегі «PepsiCo» компаниясының жобасы да ерекше маңызға ие.2024 жылы Мемлекет басшысының сапарлары аясында экономиканың негізгі салаларында бірқатар құжаттарға қол қойылды. «Power International Holding» катарлық компаниясы «Tele2», «Altel» және «Bereke Bank» сатып алу бойынша мәмілелерді аяқтады. «UCC Holding» араб инвесторы «КС-14» жаңа компрессорлық станциясын, «КС-14-Ақтөбе-Қостанай» магистральдық газ құбырын және «Бейнеу-Бозой-Шымкент» магистральдық газ құбырының екінші желісін салу жобаларын іске асыруда. Бұл жобалар инфрақұрылымды дамытуға және өңірдің энергетикалық қауіпсіздігін нығайтуға бағытталған. Бұдан басқа «Бәйтерек» ұлттық басқарушы холдингі, «Hassad Food» және «Tiryaki Agro» жобалық қуаты жылына 250 мың тоннаға дейін бидай және 100 мың тоннаға дейін бұршақ өндіретін Астанада астық өңдеу зауытын салу бойынша ынтымақтастық туралы меморандумға қол қойды.Автомобиль жасау саласында 2025 жылы автомобиль өндірісін бастауды жоспарлап отырған «KIA», «Changan», «Haval» және «Chery» компанияларымен бірлескен жобалар ерекшеленеді.Қазақстан Үкіметі реттеуші шаралардың ашықтығын арттыра отырып, жүйелі кедергілерді жою және инвесторлар үшін қолайлы жағдайлар жасау бойынша белсенді жұмыс істеуде. Қазақстанның бәсекелестік артықшылықтары бар басым тауашалардағы өңірлердің қажеттіліктерін ескере отырып, «инвестицияларға тапсырыс беру» негізінде таргеттелген тәсілді қоса алғанда, инвестициялар тарту саласында жаңа тәсілдер енгізілді.Инвестициялық штабтың жұмысы 50 млрд АҚШ долларынан астам сомаға жобалар бойынша инвесторлардың 115 проблемалық мәселелерін шешуге мүмкіндік берді. Оның көмегімен 2,3 миллиард АҚШ долларын құрайтын алты инвестициялық келісімге қол қойылды, ал 2025 жылдың басынан екі келісімге қол қойылды және жалпы сомасы 7,5 миллиард АҚШ долларын құрайтын жеті келісім бойынша жұмыс жалғасуда. Сондай-ақ инвестициялық жобалардың іске асырылу барысы мониторингінің ашықтығын, мәселелерді жедел шешуді және инвесторлар үшін кедергілерді азайтуды қамтамасыз ететін Ұлттық цифрлық платформа іске қосылды.Бұл жетістіктер Қазақстанның қолайлы инвестициялық ахуал құруға және халықаралық аренада сенімді серіктес ретіндегі өз ұстанымын нығайтуға ұмтылысын айғақтайды.Источник: https://www.gov.kz/memleket/entities/mfa/press/news/details/960360?lang=kkАқпарат көзі : https://www.gov.kz/memleket/entities/kostanai-karasy-karasy/press/news/details/961663?lang=kk

Алтай ауданының мәслихатының тұрақты комиссияларының жұмыс отырысы 2025 жылғы 26 наурызға сағат 14-00-ге ауыстырылады, «Алтай ауданының әкім аппараты» ММ ғимаратында өтеді.Ақпарат көзі : https://www.gov.kz/memleket/entities/altay-maslihat/press/news/details/960295?lang=kk

Рига, 2025 жылғы 18 наурыз – Қазақстанның Латвиядағы Елшісі Дәурен Кәріпов Riga Investment and Tourism Agency қалалалық агенттігі басшысымен кездесу өткізді.Сұхбат барысында туристік инфрақұрылымды дамыту және осы салаға инвестициялар тарту тәжірибесімен бөлісуге ерекше назар аударылды.  Табысты латвиялық тәжірибелерді Қазақстанға бейімдеу мүмкіндіктері және керісінше қазақстандық тәжірибелерді Латвияға бейімдеу, туристік бағыттарды дамытуға арналған цифрлық құралдарды және жеке бизнесті қолдау шаралары да талқыланды.Елші Қазақстанның туристік индустрияны белсенді дамытып отырғанын және шетелдік серіктестерге бірлескен жобаларды жүзеге асыру үшін ыңғайлы шарттар ұсынуға дайын екенін білдірді. Қазақстандағы  туристік саланың күрт өскенін атап өтіп, бұл халықаралық ынтымақтастықтың нығаюына және туристік ағынның артуына ықпал ететіндігін жеткізді.Тараптар екіжақты ынтымақтастықты одан әрі нығайту және бірлескен жобаларды жүзеге асыруға қызығушылық білдірді.Ақпарат көзі : https://www.gov.kz/memleket/entities/mfa-riga/press/news/details/960227?lang=kk

Мемлекеттік кірістер комитеті салықтық әкімшілендірудің жаңа ақпараттық жүйесін (СӘИЖ), оның ішінде салық төлеушінің жаңа кабинетін (СӘИЖ СТК) кезең-кезеңімен іске қосуды жүргізілуде.      2025 жылғы 19 наурыздан бастап СӘИЖ СТК-не келесі салық есептіліктер нысандары табыс етуге қол жетімді болады:00 СЕН – Жұмыспен қамтуға көмектесу, міндетті медициналық сақтандыру, мемлекеттік әлеуметтік сақтандыру қорларына, зейнетақы төлеу жөніндегі мемлекеттік орталыққа аударымдардың және автомобиль жолдарын пайдаланушылардың аударымдары есебі;04 СЕН – Бейрезиденттің табысынан төлем көзінен ұсталатын корпоративтік табыс салығы бойынша есебі;00 СЕН – Жалға беру (пайдалану) шарттарының тізілімі;00 СЕН – корпоративтік табыс салығы бойынша декларация.      СӘИЖ СТК-не кіру үшін https://knp.kgd.gov.kz сілтеме арқылы өтуге болады.      СӘИЖ салық төлеушінің кабинетінде жұмыс істеу жөніндегі Пайдаланушы нұсқаулығы СӘИЖ салық төлеуші кабинетінің Қолдау – Көмек – Анықтамалық ақпарат бөлімінде орналастырылған      Сұрақтарыңыз болған жағдайда сіз:knpsd@ecc.kz электронды мекен-жайы арқылы8(7172)73 55 11 және +7(705) 956 53 71 телефондары арқылы;СӘИЖ СТК-нің Қолдау – Кері байланыс бөліміндегі өтініш нысанын пайдалана отырып Қолдау қызметіне хабарласа аласыз.Ақпарат көзі : https://www.gov.kz/memleket/entities/kgd-akmola/press/news/details/960222?lang=kk