Абай облысында «AGRO OIL GROUP» компаниясы жоғары технологиялық өсімдік майын өндіру зауытын іске қосты. Жобаның жалпы құны – 17,3 млрд теңге.Зауыттың қуаттылығы жылына 180 мың тонна күнбағыс дәнін өңдеуге мүмкіндік береді. Осы көлемнен 50 мың тонна жоғары сапалы өсімдік майы өндірілетін болады.Жаңа өндірістің ашылуы Семей қаласы үшін әлеуметтік-экономикалық тұрғыдан маңызды оқиға болып табылады. Бұл өңдеу өнеркәсібінің дамуына, аймақтың экспорттық әлеуетінің артуына және жаңа жұмыс орындарының ашылуына ықпал етеді.Зауытта заманауи жабдықтар орнатылып, өндіріс барысында инновациялық технологиялар қолданылады. Ақпарат көзі : https://www.gov.kz/memleket/entities/moa/press/news/details/901695

Осындай атаумен Алматыда халықаралық форум өтті.Бұл шараның мақсаты – 2027–2030 жылдар аралығында Қазақстанның ғылыми және технологиялық дамуының басым бағыттарын айқындау, сондай-ақ Академия жүргізген форсайт-зерттеулерінің нәтижелерін ұсыну болды. Шараның ұйымдастырушысы – ҚР Президенті жанындағы Қазақстан Ұлттық ғылым академиясы.Форум жұмысына ауыл шаруашылығы вице-министрі Бағлан Бекбауов, ҚР Мәдениет және спорт министрлігі мен Денсаулық сақтау министрлігінің өкілдері, Ресей ғылым академиясының делегациясы, Оңтүстік Кореяның жетекші ғалымдары, ҚР Президенті жанындағы ҰҒА академиктері, жоғары оқу орындарының, ғылыми-зерттеу институттарының, ірі қазақстандық және халықаралық технологиялық ұйымдардың жетекшілері, кәсіпкерлер қатысты.Форумда ақпараттық және ғарыштық технологиялар, биомедицина және денсаулық сақтау, экология және тұрақты даму сияқты маңызды бағыттар талқыланды.ҚР Президенті жанындағы Қазақстан Ұлттық ғылым академиясының президенті Ақылбек Күрішбаев форсайт-зерттеулерінің ғылым мен технологияларды дамытудың басым бағыттарын айқындаудағы стратегиялық маңыздылығын атап өтті.«Біз 30 форсайт-сессиясын өткізіп, 1100-ден астам сұхбат жүргіздік, бұл 200-ден астам перспективалық ғылыми міндеттерді анықтауға мүмкіндік берді», – деді ол. Сонымен қатар, ол аймақтық форсайт-орталықтарын құруға ерекше назар аударылғанын, олардың алғашқысы С. Аманжолов атындағы Шығыс Қазақстан университетінің базасында ашылғанын жеткізді. Келесі жылы тағы жеті осындай орталық ашу жоспарлануда.Ауыл шаруашылығы вице-министрі Бағлан Бекбауов аграрлық ғылымның АӨК дамуындағы маңызды рөлін атап өтіп, ғылым мен өндіріс арасындағы тығыз өзара әрекеттестіктің қажеттілігін айтты. Ол ғылыми-білім беру саласындағы реформалар, бағдарламалық-мақсатты қаржыландыруды жүзеге асыру және селекция мен тұқым шаруашылығын дамыту жөніндегі кешенді шаралар туралы баяндап, форум қатысушыларының бірлескен жұмысының нәтижелі боларына сенім білдірді.Форум барысында Кореяның ғылыми-техникалық ақпарат институтымен, сондай-ақ Ресей ғылым академиясымен IT, АӨК, ТМК, медицина және басқа бағыттар бойынша ынтымақтастық туралы меморандумдарға қол қойылды.Форум отандық ғылымның бәсекеге қабілеттілігін арттыру стратегияларын қалыптастыру және қазіргі заманғы технологиялық дәуірдің өзекті сын-қатерлерін талқылау үшін маңызды алаңға айналды.Ақпарат көзі : https://www.gov.kz/memleket/entities/moa/press/news/details/902137

Қостанай облысында тауарлы балық шаруашылығы айтарлықтай өсім көрсетіп отыр: соңғы төрт жылда бұл саладағы қожалық саны 18 есе артып, 70-ке жетті. Аймақтағы көлдерде дәстүрлі түрде тұқы және ақбалық түрлері өсіріледі, ал биыл осетр балығын өсіру алғаш рет қолға алынды.Тобыл – Торғай облысаралық бассейндік балық шаруашылығы инспекциясының басшысы Серік Бейсембаев мұндай өсімді аквакультураны дамыту бағдарламасының қабылдануымен және мемлекеттік қолдаумен байланыстырады. Биыл қожалықтарға 50 миллион теңгеден астам субсидия берілді.Кәсіпкер Валентин Ищенко құны 300 миллион теңге болатын бағалы балық түрлерін өсіру және өңдеу бойынша алғашқы ірі жобаны жүзеге асырды. Жобаның қуаттылығы – жылына 45 тонна өнім.Қожалықта күн сайын шамамен 500 келі балық өңделеді. Болашақта өнім түрлерін көбейтіп, шамамен 100 түрлі өнімді өңдеу жоспарланып отыр.Аквакультураны дамыту бағдарламасы аясында аймақта тауарлы балық өндірісін жыл сайын арттырып, бес жыл ішінде бұл көрсеткішті 10 мың тонна өнімге жеткізу жоспарланған.Ақпарат көзі : https://www.gov.kz/memleket/entities/moa/press/news/details/902166

Бүгін еліміздің Тәуелсіздігі күні қарсаңында “Оңтүстік” арнайы экономикалық аймағында үш жаңа өндіріс орны іске қосылды. Салтанатты ашылуына қала әкімі Ғабит Сыздықбеков қатысып, жобалардың маңыздылығын атап өтті.«Dapter-Line» ЖШС – мектеп дәптерлері мен жазу қағаздарын өндіретін кәсіпорын. Жобаның жалпы құны – 500 млн теңге. Жаңа кәсіпорында 40 жұмыс орны ашылды. Фабриканың жылдық қуаттылығы – 70 млн дәптер.Шұлық бұйымдарын өндірумен айналысатын «Balabi Textile» зауытында 500 жұмыс орны ашылды. Жобаға 6, 5 млрд теңге инвестиция тартылған. Өндірістік қуаттылығы жылына 24 млн жұп шұлықты құрайды.Аяқ киім өндірісіне бағытталған «Nappa.kz» кәсіпорнының инвестиция көлемі – 400 млн теңге, 60 жаңа жұмыс орны құрылды. Фабрика жылына 200 мың жұп аяқ киім өндіруге қауқарлы.Барлық өндірістердің құрылыс-монтаж жұмыстары аяқталып, жабдықтары орнатылған. Бұл жобалар мегаполистің экономикалық дамуына, жаңа жұмыс орындарының ашылуына және импортты алмастыруға айтарлықтай үлес қосады.Ел тарихындағы атаулы күн қарсаңында іске қосылған бұл кәсіпорындар өңірдің өнеркәсіптік әлеуетін арттырып, отандық өнімнің үлесін көбейтуге мүмкіндік береді. Инвесторларға қолайлы жағдай жасау бағытындағы жұмыстар жалғасын табады.Шымкент қаласы әкімінің баспасөз қызметіАқпарат көзі : https://www.gov.kz/memleket/entities/shymkent/press/news/details/901749

Primeminister.kz сайтының редакциясы Қазақстанның 2024 жылғы даму қорытындылары туралы жарияланым топтамасын жалғастырады. Мемлекет басшысы «Әділетті Қазақстан: заң мен тәртіп, экономикалық өсім, қоғамдық оптимизм» атты ел халқына Жолдауында цифрландыру саласында қол жеткізілген нәтижелерді күшейтудің маңызын атап өтті. Жасанды интеллект технологияларын «Электронды үкімет» платформасына енгізу саласында жұмысты ерекше жандандыру қажет.Бүгінде БҰҰ бағалауы бойынша Қазақстан цифрландыру саласында ілгері жетістіктерді көрсетіп отыр. Біздің еліміз 193 мемлекет арасында 24-ші орында, сондай-ақ онлайн-қызметтер индексі бойынша 10 көшбасшының қатарына кіреді. Мысалы, интернет арқылы мемлекеттік қызметтерге қол жеткізу 92%-ға жетті.Сонымен қатар биометриялық сәйкестендіру және QR-қолтаңба қызметтері енгізілуде, бұл электронды қызметтерді алу үдерісін едәуір жеңілдетті. 2024 жылы QR-кодтардың көмегімен 8 млн-нан астам қол қойылды, ал Digital ID жүйесі арқылы 18 млн-нан астам сәйкестендіру жүргізілді.«Электронды үкімет» платформасын жетілдіру және жаңғырту процесі үздіксіз және үшінші нұсқаға көшудің белсенді кезеңінде. Жаңа eGov ЖИ технологияларын қолдану арқылы айтарлықтай тұрақты әрі ыңғайлы болады. Қазақстан Тәжікстан, Того, Сьерра-Леоне сияқты елдермен электронды үкімет саласындағы озық шешімдерін бөлісе бастады. Мемлекет тіркеуден бастап компанияларды таратуға дейінгі қолдаудың толық циклін қамтамасыз ете отырып, бизнес үшін де осындай сервистерді әзірлейді. IT саласындағы инновациялар 2024 жылы Қазақстанның IT саласы қарқынды өсімді көрсетті. IT-компаниялардың саны 18 683-ке жетті. Соңғы үш жылда 16% өсім. Мәселен, елімізде «Astana Hub» халықаралық технология паркі жұмыс істейді. Бүгінде ол Қазақстандағы IT-стартаптарды дамыту орталығы ретіндегі рөлін айқындады. Технопарк 1,5 мыңнан астам қатысушыны біріктірді. Олардың ішінде 1102 қазақстандық және 437 шетелдік компания бар. Қатысушылардың жалпы табысы 1,2 трлн теңгені құрады. Өсім соңғы бес жылда 31 есе артты. Биыл экспорттық түсім 140 млрд теңгеден асты. Төрт жылдағы жылдық өсім де 10 еседен астам. Осылайша, «Astana Hub» өңірдегі жетекші технопарк ретінде өз позициясын нығайтуды жалғастыруда.Инновациялық экожүйенің негізгі элементі – аймақтық хабтардың дамуы. Бүгінгі таңда бүкіл еліміз бойынша осындай 18 алаң жұмыс істейді. Олар жергілікті стартаптар мен кәсіпкерлікті дамытуға белсенді ықпал етеді. Стартаптар мен IT индустриясын дамыту жөніндегі барлық бағдарламалар аймақтық IT-хабтар үшін қолжетімді. Осыған сәйкес, өңірлік хабтар дарындарды ашуға және күшті инновациялық экожүйені құруға ықпал ететін Қазақстандағы IT-индустрияны дамытудың маңызды драйверіне айналуда.Қазақстанда IT-саланың әлеуетін толыққанды ашу үшін «Ұлттық инновациялық жүйенің «бірыңғай терезесі» құрылды, онда IT-мамандарға, инноваторларға және ғылыми қайраткерлерге мемлекеттік қолдау шараларының көпшілігі шығарылды. Портал мемлекеттік қолдау шараларын бөлудің ашықтығы мен тиімділігін қамтамасыз етеді. Бүгінде оны жыл сайын жарты млн-нан астам адам пайдаланады. Портал EGOV секілді бірыңғай терезеге айналды деп айтуға болады.Сонымен қатар әлемнің түкпір-түкпірінен дарынды мамандарды тарту үшін жағдайлар жасалуда. АХҚО базасында Экспат орталығы жұмыс істейді. Ол шетелдік мамандар үшін мемлекеттік қызметтерді алудың бірыңғай терезесі ретінде қызмет етеді. IT қызметтерін экспорттау Қазақстанның IT-қызметтерінің экспорты қарқынды өсімді көрсетіп отыр. 2023 жылы оның көлемі $529 млн-ға жетті, ал 2024 жылдың бірінші жартыжылдығында бұл көрсеткіш $305 млн-нан асты. Яғни, Мемлекет басшысының 2026 жылға қарай IT-қызметтер экспортын $1 млрд-қа дейін жеткізу жөніндегі тапсырмасы сенімді түрде орындалуда.Ол үшін Қазақстанда жетекші сарапшылар мен инвесторлар тартылатын түрлі акселерациялық бағдарламалар жүргізілуде. Осылайша, коммерциялық өнімдердің сыртқы нарықтарға шығуын жеңілдетеді.Сонымен қатар халықаралық желі де кеңейіп келеді. Қазір АҚШ, Сауд Арабиясы және Сингапурда үш шетелдік IT-хаб табысты жұмыс істеуде. Осы бастамалардың барлығы дарындардың басын қосуға көмектеседі әрі қазақстандық стартаптарға халықаралық ынтымақтастық үшін жаңа мүмкіндіктер ашады.Айта кетейік, Қазақстан қазірдің өзінде жасалған венчурлық мәмілелер көлемі бойынша өңірде көшбасшы саналады. Маңызды инвестицияларды CITIX, Hero's Journey, Higgsfield AI және басқа да компаниялар салды. Осы компаниялардың кейбірі қазірдің өзінде $100 млн бағалауға қол жеткізді. Шын мәнінде, Қазақстан өңірдегі инновациялардың негізгі орталығына айналуда.Бүгінде Қазақстаннан IT-қызметтер 86 елге экспортталады, бұл отандық компаниялардың жоғары сұранысы мен жаһандық деңгейде табысты бәсекелесу қабілетін растайды. Экспорттың негізгі бағыттары – Ресей, Ирландия, Мексика, АҚШ және Сингапур. IT-мамандарды даярлау2024 жылы IT-мамандардың орташа айлық жалақысы 54%-ға өсіп, 673 мың теңгеге жетті, бұл білікті кадрларға және бәсекеге қабілетті еңбек жағдайларына жоғары сұранысты көрсетеді. IT-саладағы жұмыспен қамту 12%-ға артып, 187 мың адамға жетті.Мемлекет басшысының тапсырмасын іске асыру мақсатында жеке IT-мектептерді ынталандыру арқылы 2025 жылға қарай 20 мың IT-маман даярлауға бағытталған Tech Orda бағдарламасы іске қосылды. Жеке IT-мектептер ақпараттық технологиялар саласында 16 мыңнан астам сарапшы дайындады. Бұл бағыттағы жұмыс еңбек нарығын білікті кадрлармен қамтамасыз ету шеңберінде жүргізілуде. Айтпақшы, басқа салалардан IT саласына ауыса алған Tech Orda бағдарламасының түлектерінің сәтті мысалы да аз емес. Жасанды интеллектіні дамыту Мемлекет басшысы «Әділетті Қазақстан: заң мен тәртіп, экономикалық өсім, қоғамдық оптимизм» атты ел халқына Жолдауында тұрақты даму үшін жасанды интеллект пен цифрлық технологияларды енгізудің маңызын атап өтті. Осыған байланысты, Цифрлық даму, инновациялар және аэроғарыш өнеркәсібі министрлігі бірнеше маңызды бастамаларды жүзеге асырды: - саланың дамуын үйлестіретін ЖИ комитеті құрылды; - 2024-2029 жылдарға арналған ЖИ дамыту тұжырымдамасы бекітілді; - ЖИ туралы заң жобасы әзірленді, ол одан әрі өсу үшін қажетті нормативтік-құқықтық базаны қамтамасыз етеді.Мемлекет басшысының тапсырмасы бойынша Астана қаласында Жасанды интеллект орталығын ашу бойынша жұмыстар жүргізілуде. Орталықтың миссиясы өңірдің түкпір-түкпірінен дарындарды тарту арқылы Қазақстанның ЖИ-трансформациясына жәрдемдесу. Жыл сайын мыңдаған мамандарды, жүздеген стартаптарды және жасанды интеллект саласындағы ондаған ғылыми жобаларды дайындау жоспарлануда.Сонымен қатар қазіргі уақытта мектеп оқушыларына арналған TUMO креативті технологиялар орталығын қосқанда, білім беру жобаларын іске қосу жоспарлануда. Сондай-ақ биылғы қазан айында ЖИ саласындағы мамандарды даярлау үшін өңірдегі алғашқы жасанды интеллект мектебі Tomorrow School ашылды.Сонымен қатар Президенттің тапсырмасы бойынша Қазақстанда KazLLM жеке тілдік моделі әзірленуде. Ол қазақстандық компаниялар әзірлейтін бірқатар технологиялық шешімдер үшін негіз болуға тиіс. Бұл шетелдік технологияларға тәуелділікті азайтуға мүмкіндік береді, әсіресе ұлттық мүдделерді, дербес деректерді қорғау және еліміздің идеологиялық тәуелсіздігін қамтамасыз ету үшін маңызды. Өз тілдік моделін қолдану IT-қызметтердің ішкі нарығын дамытуға ықпал етеді. Бүгінгі таңда жиналған 148 млрд таңбалауышта модельдік жаттығулар белсенді жүргізілуде.Айта кету керек, оның негізінде ЖИ негізінде өнімдер жасалуда. Бұл eGov, E-otinish және заң көмекшісі сияқты бағыттардағы IT-көмекшілері.#Инновациялар #Цифрландыру Ақпарат көзі : https://www.gov.kz/memleket/entities/aqmola/press/news/details/901571

Облыс әкімі Нұрлан Ұранхаев Аягөз ауданының тұрғындарымен кездесіп, сұрақтарына жауап берді. Азаматтарды жеке мәселелері бойынша қабылдады. Еркін форматта өткен кездесуде өңірдің өзекті мәселелері мен ары қарайғы даму перспективалары талқыланды.«Аягөз ауданы тау-кен өнеркәсібінің арқасында облыс экономикасында маңызды рөл атқаратын стратегиялық жол айрығында орналасқан. Облыс құрылғаннан бері ауқымды жобаларды іске асырып, екі жарым жылда айтарлықтай нәтижелерге қол жеткіздік. Біздің басты мақсатымыз – өңірді одан әрі дамытып, халықтың өмір сүру сапасын арттыру», – деді Нұрлан Ұранхаев.Жиын барысында тұрғындар жол инфрақұрылымы, көлік, жарық, жылу, абаттандыру және әлеуметтік салаға қатысты мәселелерді көтерді.Облыс бойынша жақсы және қанағаттанарлық жағдайдағы жолдардың үлесі 70,2% (288,3 шақырым) құрайды. Аягөз қаласындағы Барақ батыр көшесіндегі көпір жөнделді. "Ақтоғай-Аягөз" ауданаралық (қалааралық) бағытындағы жолаушылар тасымалы субсидияланады. Ауданда республикалық маңызы бар «Қарағанды – Боғас» тас жолының Аягөз – Баршатас, Көксала – Бидайық аралығындағы бөлігінде жол жөндеу басталды. Аягөз ауданында 45 ауыл мен аудан орталығы ауыз сумен қамтылған. Аудан орталығында 2027 жылға дейін жылу қазандығы салынады. Қазіргі уақытта құрылыс алаңы анықталуда.Облыстың 2026 жылға дейінгі кешенді жоспары аясында Аягөз қаласында кәріздік тазарту құрылыстарын салу жоспарлануда. «Ауыл – ел бесігі» бағдарламасы шеңберінде Ақтоғай ауылына электр желілері тартылып, Тарбағатай ауылында бес көше жарықтандырылды. Ақши ауылында заманауи спорт алаңы салынды.Аягөзде 2028 жылға дейін «KAZ Minerals Smelting» ЖШС жаңа балқыту зауытын салуды жоспарлауда. Нәтижесінде 1083 жаңа жұмыс орны ашылады. Аягөзде 1,8 млрд теңгеге 5 қабатты, 60 пәтерлік екі тұрғын үй салынуда. Сонымен қатар, кешенді жоспар аясында Аягөз қаласында 4 автокөлікке арналған өрт сөндіру бекетін салуға жобалық-сметалық құжаттама әзірленді.Ерекше күтімді қажет ететін балаларға ерекше көңіл бөлінеді. Ауданда арнаулы әлеуметтік қызмет көрсету орталығы құрылып, мамандандырылған такси сатып алынды. 2028 жылға дейін 150 төсектік оңалту және бейімдеу орталығын салу жоспарлануда.2025 жылы Аягөз қаласында 600 орындық жаңа мектеп ашылады. Аудандағы 16 мектепті ағымдағы жөндеуге 208,6 миллион теңге бөлініп, жеті пәндік кабинет сатып алынды.Ақпарат көзі : https://www.gov.kz/memleket/entities/abay/press/news/details/902144

Тәуелсіздік күні қарсаңында «Алтын домбыра» атты республикалық ақындар айтысы өтті. Биыл «Төрлет, еңбек адамы!» тақырыбында ұйымдастырылған айтыс еңбекқор халыққа арналған.Шара аясында облысымыздың айтыс өнерінің дамуына ерекше үлес қосқан ақындар марапатталды. Көп жылғы еңбегі мен айтыстың дамуына қосқан үлесі үшін ақын, ұстаз Дәметкен Омарбаева «Еңбек Ардагері» медалімен марапатталды.Сонымен қатар, ақын, ұстаз, Халықаралық айтыс және жыршы-термеші ақындар одағының Абай облыстық филиалының төрағасы Дәулет Сметов «Мәдениет саласының үздігі» медалін иеленді.Ақпарат көзі : https://www.gov.kz/memleket/entities/abay/press/news/details/902153

Әлеуметтік желілерде Талғар қаласындағы оқиғаға қатысты Тараз қаласында митинг ұйымдастырылуда деген жалған ақпарат таралуда.Бұл шындыққа сәйкес келмейді.Кез-келген жалған ақпаратты тарату, тұрғындардың бірлігіне, бейбіт тіршілігіне нұқсан келтіретін әрекеттер заң аясында жауапкершілікке алып келетінін еске саламыз.Азаматтарды тек шынайы, ресми ақпараттарға сенуге, ешқандай арандатуларға қосылмауға шақырамыз.Жалған ақпарат таратушыларға заң аясында қатаң шаралар қарастырылған!Ақпарат көзі : https://www.gov.kz/memleket/entities/zhambyl/press/news/details/901263

Сенаторлар «Келешек» мемлекеттік білім беру жинақтау жүйесіне қатысты заңды мақұлдадыБүгін ҚР Парламенті Сенатының депутаттары Мемлекет басшысының 2023 жылғы 1 қыркүйектегі Қазақстан халқына Жолдауында айтылған тапсырмасын орындау мақсатында әзірленген «Келешек» бірыңғай ерікті жинақтау жүйесінің қызметін регламенттейтін түзетулерді мақұлдады.«Келешектің» негізгі моделі Мемлекеттік білім беру жинақтау жүйесінің қолданыстағы алаңы шеңберінде іске асырылатын болады. 2013 жылдан бастап 63 мыңнан астам банктік салымдар мен сақтандыру шарттары ашылды.«Келешек» жүйесі шеңберінде ағымдағы күнтізбелік жылы 5 жасқа толған балаларға 60 АЕК (221 520 теңге) және жетім балалар үшін 120 АЕК (443 040 теңге) мемлекеттен бастапқы білім беру капиталын белгілеу, жыл сайын 5-7% мөлшерінде мемлекеттік сыйақы төлеу көзделген.«Келешек» шоттарын екінші деңгейдегі банктерде және балаларға арналған МБЖЖ қатысушылары болып табылатын сақтандыру компанияларында ашуға болады.Осыған байланысты, ата-аналар осы шоттарды ашқаннан кейін жыл сайын ХӘОТ балалары үшін 12 АЕК және басқа балалар үшін 24 АЕК мөлшерінде ең төменгі жарна төлеуі тиіс.Мектепті аяқтағаннан кейін жинақталған қаражатты еліміздің колледждері мен жоғары оқу орындарында және шетелде оқуға пайдалануға болады. Грант алған жағдайда жинақталған қаражатты басқа білім беру қажеттіліктеріне немесе білім алу үшін аударуға болады, қаражатты үшінші тұлғаға аударуға, жинақтауды жалғастыруға, оларды тұрғын үйге пайдалануға, сондай-ақ білім туралы құжат ұсынылған жағдайда жинақталған қаражатты алуға болады.Осылайша, ата-аналардың жинақтаған қаражаты мемлекеттен бастапқы білім беру капиталын, жыл сайынғы мемлекеттік сыйлықты, инвестициялық табысты (банктердің сыйақысын), сондай-ақ «Ұлттық қор-балаларға» жобасы шеңберінде қалыптастырылған жинақтарды ескере отырып, сапалы білім алуға немесе тұрғын үй жағдайларын жақсартуға мүмкіндік береді.Осыған байланысты, нысаналы мақсатқа жеткеннен кейін – білім алу (ТжКБ немесе ЖО дипломы), салымшы «Ұлттық қор – балаларға» жобасына ұқсас тұрғын үй жағдайларын жақсартуға жинақталған қаражатты аударудың қосымша құқығын пайдалана алады.Ақпарат көзі : https://www.gov.kz/memleket/entities/sci/press/news/details/902054

Қазақстан ғылымын дамыту мәселелері: басымдықтар мен сын-қатерлер2024 жылғы 12 желтоқсанда Алматы қаласында «Қазақстан ғылымын дамыту мәселелері: басымдықтар мен сын-қатерлер» атты Халықаралық форум өтті. Форумды Қазақстан Республикасы Президентінің жанындағы Қазақстан Республикасының Ұлттық ғылым академиясы ұйымдастырды.Халықаралық форумның мақсаты – Қазақстанның 2027–2030 жылдарға арналған ғылыми және технологиялық дамуының басым бағыттарын айқындау және Академия жүргізген форсайт-зерттеулерінің нәтижелерін таныстыру.Форум жұмысына Қазақстан Республикасының Денсаулық сақтау және Ауыл шаруашылығы вице-министрлері, ҚР Ғылым және жоғары білім министрлігі Ғылым комитетінің төрағасы, Ресей Ғылым академиясы (РҒА) Президенті орынбасарының басшылығымен РҒА делегациясы, Оңтүстік Кореяның жетекші ғалымдары, соның ішінде KISTI институтының президенті, ҚР Президенті жанындағы Ұлттық ғылым академиясының академиктері, жоғары оқу орындары мен ғылыми-зерттеу институттарының басшылары, ірі қазақстандық және халықаралық технологиялық ұйымдардың, бизнес пен өнеркәсіптің өкілдері, стейкхолдерлер, жетекші шетелдік және отандық ғалымдар, сондай-ақ тәуелсіз сарапшылар қатысты.Форум барысында мынадай негізгі бағыттар қаралды:Ақпараттық және ғарыштық технологиялар;Биомедицина және денсаулық сақтау;Экология және тұрақты даму;Энергетика және машина жасау;Жаңа материалдар мен технологияларды әзірлеу.Форумда биомедицина және IT салаларындағы этика мәселелері, сондай-ақ ғылым мен өнеркәсіп арасындағы өзара әрекеттестік арқылы ғылыми шешімдерді бизнеске енгізу жолдары талқыланды.ҚР Президентінің жанындағы ҚР Ұлттық ғылым академиясының Президенті А. Күрішбаев өз сөзінде ғылым мен технологияларды дамыту басымдықтарын айқындауда форсайт-зерттеулердің стратегиялық құрал ретіндегі маңыздылығын атап өтті. Оның айтуынша, «Форсайт тек ағымдағы жетістіктерді талдап қана қоймай, болашақты қалыптастыруға және басымдықтарды жүзеге асыру стратегияларын әзірлеуге мүмкіндік береді. Бұл оны ұзақ мерзімді жоспарлаудың маңызды элементіне айналдырады».Ол Қазақстанда форсайт-бастамаларды жүзеге асыруда жинақталған оң тәжірибе бар екенін атап өтті. Алдын ала кезеңде, яғни пре-форсайтта алты негізгі бағыт айқындалды: ақпараттық және ғарыштық технологиялар, өмір мен денсаулық туралы ғылымдар, экология, агроөнеркәсіп кешені, геология және жаңа материалдар, энергетика және машина жасау. «Біз 30 форсайт-сессия өткізіп, 1100-ден астам сұхбат жүргіздік, бұл 200-ден астам перспективалық ғылыми міндеттерді айқындауға мүмкіндік берді», – деп атап өтті А. Күрішбаев. Бұл деректер Ұлттық ғылым академиясының сайтында ашық қолжетімді түрде орналастырылған.Өз баяндамасында А. Күрішбаев өңірлік форсайт-орталықтарын құрудың маңыздылығына ерекше назар аударды. Алғашқы орталық С. Аманжолов атындағы Шығыс Қазақстан университетінің базасында ашылған. «Келесі жылы біз осындай жеті орталықты ашуды жоспарлап отырмыз. Олар өңірлік экономиканы дамытуға ықпал ететін инновацияларды енгізу алаңдарына айналады», – деді ол.Сонымен қатар, ол халықаралық ынтымақтастықтың маңыздылығын ерекше атап өтіп, Корей ғылыми-техникалық ақпарат институтымен (KISTI) меморандумға қол қойылғанын жеткізді. «Форсайттың ақпараттық-талдамалық жүйесін құру бойынша бірлескен жоба Қазақстанға ғылыми-техникалық үрдістерді болжау және серпінді технологияларды қалыптастыру үшін әлемдік озық тәжірибелерді пайдалануға мүмкіндік береді», – деп атап өтті А. Күрішбаев.Ұлттық ғылым академиясы президентінің баяндамасы форсайт-зерттеулердің қазақстандық ғылымның бәсекеге қабілеттілігін арттырудағы, оның халықаралық мәртебесін нығайтудағы және инновациялық экономиканы дамытудағы маңыздылығын айқын көрсетті.ҚР Ғылым және жоғары білім министрі Саясат Нұрбектің құттықтау сөзінде форумның отандық ғылымды дамытудағы маңызды мәселелерді талқылау және елдің бәсекеге қабілеттілігін арттыруға бағытталған стратегияларды қалыптастыру алаңы ретіндегі рөлі атап өтілді (құттықтау сөзді ҚР ҒЖБМ Ғылым комитетінің төрағасы Жанқұатов Ғ.Ж. оқып берді).ҚР Ауыл шаруашылығы вице-министрі Бекбауов Бағлан Абдашимұлы өзінің құттықтау сөзінде аграрлық ғылымның агроөнеркәсіптік кешенді дамытудағы маңызды рөлін атап өтті. Ол ғылым мен өндіріс арасындағы тығыз байланыстың қажеттілігін ерекше атап өтіп, ғылыми-білім беру саласындағы реформалар, бағдарламалық-мақсаттық қаржыландырудың жүзеге асырылуы және селекция мен тұқым шаруашылығын дамытуға бағытталған кешенді шаралар туралы айтты. Сонымен қатар, форум қатысушыларының бірлескен жұмысы жемісті болатынына сенім білдірді.ҚР Денсаулық сақтау вице-министрі Мұратов Тимур Мұратұлы өз сөзінде медициналық ғылымның денсаулық сақтау жүйесін дамытудағы маңызды рөлін атап өтті. Ол медициналық ғылымды қаржыландыруды күшейту, ғылыми инфрақұрылымды дамыту және кадрлар даярлау арқылы қазақстандық медицинаны жаһандық ғылыми қауымдастыққа интеграциялау мен заманауи зерттеулерді жүзеге асыру қажеттігін ерекше атап өтті.Форумда сондай-ақ баяндама жасағандар қатарында Ресей ғылым академиясының вице-президенті, ауыл шаруашылығы ғылымдарының докторы, РҒА академигі Чекморев П.А., Defence Global компаниясының бас директоры Jinsung HONG, The Academy at Harvard Square өкілі David YS HONG, экономика ғылымдарының докторы, Environment Europe Limited (Оксфорд) компаниясының бас директоры, Рим клубының толық мүшесі Шмелев Станислав Эдуардович, РҒА корреспондент-мүшесі, физика-математика ғылымдарының докторы, П.Н. Лебедев атындағы физика институтының директоры Николай Николаевич Колачевский, Қазақстан Республикасы ЮНЕСКО және ИСЕСКО істері жөніндегі ұлттық комиссиясының бас хатшысы Шайменова Жанар Есентаевна, РҒА корреспондент-мүшесі, "ГЕНЕРИУМ" АҚ вице-президенті Дмитрий Анатольевич Кудлай, Қазақстан Республикасы Ұлттық ғылым академиясының бас ғылыми хатшысы Токбергенов Исмаил Тасанбиевич, сондай-ақ ҚР ҰҒА академиктері мен жетекші халықаралық сарапшылар бар.Форум аясында ынтымақтастық туралы бірнеше меморандумға қол қойылды. Атап айтқанда, ақпараттық-талдамалық жүйелер саласындағы озық білім мен тәжірибені трансферлеу және ғылым мен технологияларды дамытудың серпінді бағыттарын айқындау бойынша Корей ғылыми-техникалық ақпарат институтымен (KISTI). IT, агроөнеркәсіптік кешен, тау-кен металлургия кешені және медицина салаларындағы ынтымақтастықты дамыту туралы Ресей ғылым академиясымен (РҒА). Форум идеялар алмасу, отандық ғылымның бәсекеге қабілеттілігін арттыру стратегияларын әзірлеу және заманауи технологиялық дәуірдің өзекті сын-қатерлерін талқылау үшін маңызды алаңға айналды.Өткізген күні: 2024 жылғы 12 желтоқсан (бейсенбі), уақыты: сағат 09.00 Өткізген орны: Алматы қ-сы, Шевченко к-сі 28, Ғылым Ордасы Қосымша ақпарат үшін: +7 775 943 0305 (Алиханов Қуантар Дәуленұлы)Ақпарат көзі : https://www.gov.kz/memleket/entities/sci/press/news/details/902107

2024 жылғы 12 желтоқсанда ҚР Энергетика министрлігінде энергетикавице-министрі Сұңғат Есімхановтің қатысуымен Отын-энергетикалық кешен мәселелері жөніндегі қоғамдық кеңестің кезекті отырысы өткізілді.Қоғамдық кеңестің мүшелеріне Қазақстан Республикасында АЭС салу жоспары туралы, бөлінген генерацияны дамыту моделін (нетто-тұтынушылар секторын) жетілдіру туралы ақпарат беріліп, АЭҚБК, АЭӨД, «ҰЯО» РМК, «ЯФИ» РМК, «Қазатомөнеркәсіп» ҰАК 2024 жылғы қызметі туралы есебі тыңдалды.Сонымен қатар отырысқа «Қазатомөнеркәсіп» ҰАК АҚ, «Қазақстан атом электр станциялары» ЖШС, «ҚР Ұлттық ядролық орталығы» РМК және «ҚР ЭМ Ядролық физика институты» РМК ҰАК өкілдері де қатысты.Ақпарат көзі : https://www.gov.kz/memleket/entities/energo/press/news/details/901887

2024 жылғы 12 желтоқсанда Атырауда Энергетика министрлігінің жұмысы шеңберінде Теңіз, Қашаған және Қарашығанақ ірі жобаларында В тобы бойынша мұнай-газ машина жасау тауарларын оқшаулау жөніндегі IMB орталығының семинары (құбыр өнімдері, сорғылар мен тығыздағыштар, «ОВКВ» жүйелері және технологиялық сүзгілер) өткізілді.Іс-шараға 35-ке жуық отандық тауар өндірушілер мен жұмыстарды (қызметтерді) жеткізушілер, «ҚазМұнайГаз» ҰК АҚ өкілдері және қоғамдық бірлестіктер қатысты.Вице-министр Қ.Арымбек сөйлеген сөзінде ірі мұнай-газ жобаларының (НКОК, КПО, ТШО) операторларымен бірлесіп жер қойнауын пайдалану мақсатында пайдаланылатын тауарларды, жұмыстар мен қызметтерді сатып алу кезінде елішілік құндылықты арттыру және отандық өндірушілерді қолдау бойынша тұрақты негізде жүргізіліп жатқан жұмыстарды атап өтті.Жүзеге асырылатын жұмыс нәтижелерінің бірі қазақстандық жұмыстар мен қызметтерді жеткізушілерді ынталандыруға және қолдауға бағытталған құралдар мен тетіктер көзделген НКОК, КПО және ТШО жергілікті қамтуды дамыту бағдарламасын қайта қарау болып табылады. Жақында жаңартылған бағдарламаларды қабылдау күтілуде.Бүгінгі күні Операторлардың нақты көрсеткіштерді бекітуге және отандық мұнай-газ жабдықтарын өндірушілердің қолжетімділігін жеңілдетуге бағытталған тендерлік рәсімдерге өзгерістер қабылдау мәселелері соңғы кезеңдері қарастырылуда.Семинар соңында салтанатты түрде НКОК, КПО және ТШО және отандық тауар өндірушілер, жұмыстарды (қызметтерді) жеткізушілер арасында 17 млн.АҚШ долларынан астам сомаға 10 келісімшартқа қол қойылды.Энергетика министрлігінің бұл бағыттағы жұмысы жалғастырылатын болады.Сондай-ақ, бүгін Атырау қаласында вице-министр Қ.Арымбек көмірсутектер саласында жер қойнауын пайдалануға жасалған барлау келісімшарттары, сондай-ақ алдағы жылға арналған алдағы жоспарлар шеңберінде Атырау облысының жер қойнауын пайдаланушыларының атқарған жұмыстары туралы мәселелерді талқылау бойынша кеңес өткізді.Вице-министр көмірсутектер саласындағы компаниялардың бірінші басшыларының жер қойнауын пайдалануға арналған келісімшарттардың талаптарын сақтау және жобалық шешімдерді орындау жөніндегі ақпаратын тыңдады.Жер қойнауын пайдаланушыларға рәсімдерді айтарлықтай оңтайландыруға бағытталған 2024 жылы Жер қойнауы туралы заңнамаға енгізілген өзгерістер туралы ақпарат жеткізілді.Мұнай-газ компаниялары барлау ұңғымаларын бұрғылау, мұнай мен газдың жедел қорларын жасау, кен орындарын сынамалық пайдалануға беру, бұрын бұрғыланған ұңғымаларды балансқа қабылдау және т.б. туралы ақпарат берді.Энергетика министрлігі барлау мен өндірудің келесі кезеңдеріне уақтылы көшу үшін белсенді іздеу және бағалау жұмыстарын жалғастыруды ұсынды.Ақпарат көзі : https://www.gov.kz/memleket/entities/energo/press/news/details/901934

Тәуелсіздік күні қарсаңында тарту етілген жаңа көлік - балалар мен тәрбиешілер үшін көптен күткен сыйлық болды. Бұған дейін пайдаланылып келген көлік әбден тозып, жарамсыз күйге түскен. Балалар ауылының тәрбиеленушілері енді қажетті жерге 16 орындық шағын автобуспен қатынайтын болды.- Мемлекет басшысы Маңғыстау облысына үнемі қамқорлық танытады. Президентіміздің қолдауын ерекше сезініп келеміз. Бүгін де мекемеміз жаңа әрі жайлы автокөлікпен толығып, біз үшін үлкен мереке болып жатыр. Балалардың қуанышында шек жоқ. Осы мүмкіндікті сыйлаған жандарға шексіз алғысымызды айтамыз., — деді балалар ауылының директоры Айгүл Байбатырова.Арнайы ұйымдастырылған салтанатты шара барысында балаларға сыйлықтар үлестіріліп, мекеменің 15 қызметкеріне қаржылай сыйлық табысталды. Тосынсыйға толы кеш эстрада жұлдыздарының концерттік бағдарламасына ұласты. Әлемге әйгілі қазақстандық опера әншісі Сүндет Байғожин, көпшілікке хит әндерімен танымал Bytanat және жас талант Ержан Максимдер әннен шашу шашты.Айта кетейік, Ақтаудағы «Облыстық отбасылық үлгідегі балалар ауылы» 2005 жылы ашылған. Қазіргі таңда мұнда 30 тәрбиеші жұмыс істейді. Балалар мектепке дейінгі, мектептік және колледж деңгейінде білім алып, бос уақыттарында түрлі үйірмелерге қатысады.Маңғыстау облысы әкімінің баспасөз қызметіАқпарат көзі : https://www.gov.kz/memleket/entities/mangystau/press/news/details/901775

Бүгін, 12 желтоқсан күні, Маңғыстау облысының әкімі Нұрдәулет Қилыбай Ақтау қаласының тұрғындарымен ауқымды кездесу өткізді. Оған 600-ден астам адам қатысып, қаладағы түйіткілді мәселелерді жеткізді.Алдымен Ақтау қаласының әкімі Әбілқайыр Байпақов 2024 жылдың 10 айының қорытындысы бойынша қаланың әлеуметтік-экономикалық даму көрсеткіштеріне шолу жасап, атқарылған жұмыстар туралы есеп берді.Әбілқайыр Байпақовтың мәліметінше, қаладағы су тапшылығы мәселесін шешу мақсатында бес ірі жоба іске асырылып жатыр. Атап айтқанда, «Каспий» тұщыту зауытының қуаттылығын екі есеге арттыру, жеке инвесторлар есебінен жаңа тұщыту зауыттарын салу және «МАЭК» аумағында кері осмос әдісі арқылы су өндіру жобалары бар.Инфрақұрылымды дамыту аясында биыл «МАЭК» ЖШС-нің 11,4 шақырым жылу жүйелері жаңартылды. Бұл 2026 жылға дейін кезең-кезеңімен 44 шақырымды қамтиды. Сондай-ақ, қазан айынан бастап 16-шағынауданда 905 метр кәріз және су құбырлары салынды. Ал 15-шағынауданда абаттандыру жұмыстары жалғасып, 35-шағынауданда жолдар мен инженерлік желілердің құрылысы жүргізілуде.Кәсіпкерлікті қолдау бағытында, ауыл шаруашылығы өнімдерін қолжетімді бағамен ұсыну үшін жыл басынан бері облыстық мешіт жанында 50-ден астам жәрмеңке өткізілді. Жергілікті өндірушілерге өнімдерін делдалсыз сату үшін жаз мезгілінде 68 сауда орны ұйымдастырылды.Биыл Ақтауға 300 мыңнан астам турист келген, бұл өткен жылмен салыстырғанда 7%-ға көп. Туризм саласын дамыту мақсатында теңіз жағалауындағы «4» А шағынауданы абаттандырылып, жаяу жүргіншілер жолдары, шезлонгтар, жарық шамдары және арт-нысандар орнату жұмыстары басталмақ. Сонымен қатар, Ақтау Түрікменстанның Анау қаласынан «Түркі әлемінің мәдени астанасы» мәртебесін қабылдап, 2025 жылы наурыз айынан бастап бірқатар мәдени іс-шараларды ұйымдастыруға дайындық жүргізуде.Ақтау қаласында 2024 жылы 8 инвестициялық жобаны жүзеге асыру жоспарланған. Олардың ішінде газобетон өндіру зауыты, аммоний сульфатын өндіру зауыты, Абай атындағы ұлттық мектеп құрылысы, көтерме-тарату орталығы, көпфункционалды өндірістік база және тұрғын үй кешендерін салу сияқты жобалар бар. Қазіргі уақытта 7 жоба іске асырылды. Қалған бір жоба жылдың соңына дейін аяқталады. Ал алдағы үш жылда 21 жаңа инвестициялық жоба жүзеге асырылып, өңірдің экономикалық әлеуеті артпақ.Кездесу барысында жергілікті тұрғындар ауыз су, жылу жүйесі, азық-түлік бағасының тұрақтылығы, жол белгілері, тұрғын үй алу, қала ішіндегі жол, салымшылар мәселесі сынды көптеген өзекті сұрақтарды көтерді. Сондай-ақ, туризм, мәдениет және спорт салаларын дамытуға қатысты ұсыныстар айтылды.Облыс әкімі тұрғындардың өтініштерін тыңдап, жауапты сала басшыларына туындаған мәселелерді заң аясында шешуді тапсырды.Кездесуден кейін Нұрдәулет Қилыбай жеке мәселелері бойынша тіркелген қала тұрғындарын қабылдауға кірісті.Маңғыстау облысы әкімінің баспасөз қызметіАқпарат көзі : https://www.gov.kz/memleket/entities/mangystau/press/news/details/901791

Ұлттық экономика вице-министрі Бауыржан Омарбеков Қызылорда облысына жұмыс сапары барысында «Ауыл аманаты» жобасын іске асыру жөніндегі республикалық семинарға қатысты. Бауыржан Омарбеков іс-шара шеңберінде өңірлік саясатты іске асыру, сондай-ақ бюджеттің 4 деңгейін кеңейту және жергілікті өзін-өзі басқаруды дамыту туралы баяндама жасады.Вице-министр «Ауыл аманаты» бағдарламасы шеңберінде жаңа тәсілдерді енгізудің, сондай-ақ 2023-2027 жылдарға арналған ауылдық аумақтарды дамыту және 2025 жылға дейінгі жергілікті өзін-өзі басқару тұжырымдамаларын іске асырудың маңыздылығын атап өтті. Негізгі бастамалардың ішінде сайлау заңнамасын жетілдіру, ауыл әкімдерінің өкілеттігін кеңейту, қалаларда ЖӨД дамыту және бюджеттің IV деңгейін нығайту мәселелері бар.Б. Омарбеков Қызылорда қаласы Қызылжарма ауылына барған кезде жергілікті тұрғындармен кездесті. Олар «Ауыл – Ел бесігі» жобасы мен өздері туған ауылдағы инфрақұрылымды дамытуға қызығушылық білдіруде. Вице-министр ҰЭМ бюджеттік бағдарламаларының шеңберінде Қызылорда облысының инфрақұрылымын дамытуға қомақты қаражат бөлініп отырғанын атап өтті. 2022-2024 жылдары облыс әкімдігіне 174 инфрақұрылымдық жобаны іске асыруға 31,6 млрд теңге бөлінген. Оның ішінде Қызылжарма ауылына электр желілерін орнатуға, жолдар мен көшелерді жарықтандыруға арналған 6 жобаны іске асыру үшін 1,3 млрд теңге бағытталды.Сондай-ақ, жаңа электр желілерін салу үшін 2025 жылғы республикалық бюджеттен 713,9 млн.теңге бөлу көзделген.Ақпарат көзі : https://www.gov.kz/memleket/entities/economy/press/news/details/902055

Шығармашылық академиясында «Қазақ жазушыларының ТМД елдері архивтеріндегі зерттеу жұмыстары» атты форум өтті. Шараны ҚР Мәдениет және ақпарат министрлігі мен Қазақстан Жазушылар одағы ұйымдастырды. Шараға Ресейден арнайы келген ғалымдар, Қазақстанның әр өңірінен келген тарихшылар, жазушылар және зерттеушілер қатысты.Форум аясында бірнеше кітаптың тұсаукесері өтті. Қатысушылар «Түрік халықтарының әдет-ғұрыптары», «Парсы-тәжік және қазақ халқына ортақ әдеби желілер мен арналар», «ХХ ғасырдың басындағы Түркістандық қаламгерлердің мұралары», «Ташкент және қазақ тарихнамасы», «Қазақ-Әзірбайжан руханият сабақтастығы», «Қазақ-Әзірбайжан әдеби байланысы», «Қазақстан әдебиеті бойынша Армения архивтеріндегі зерттеулер», «Қазақтың саяси тұлғалары және қазақ ақын-жазушыларының Грузиямен әдеби-мәдени байланысы», «Қазақтың Ер Едігесі», «Отыншыдай ер қайда?», «Ілиястың Ресейдегі іздері», «Қазақия... Сиберия...», «Породненные войной и целиной», «Алаш ардақтысы», «Алаштың Ақсұңқары», «Қазақ кітабының қилы тағдыры» сияқты еңбектермен танысты. Форум қазақ әдебиеті мен тарихының жаңа қырларын танып-білуге арналған маңызды алаңға айналды.Ақпарат көзі : https://www.gov.kz/memleket/entities/aktobe/press/news/details/901835

«ҚазАвтоЖол» ұлттық компаниясы Мемлекет басшысының тапсырмасын орындау мақсатында Ақтөбе облысында ұзындығы 96 шақырымды құрайтын республикалық маңызы бар «Ақтөбе-Қандыағаш» автомобиль жолын қайта жаңарту бойынша негізгі жұмыстар аяқталып, төрт жолақты қозғалыс ашылды.Ақтөбе облысындағы автожолдың жалпы ұзындығы 1869 шақырым, оның 117 шақырымында соңғы жылдары қайта жаңарту жұмыстары және 280 шақырымында орташа жөндеу жұмыстары жүргізілді. Жөндеу жұмыстары барысында республикалық маңыздағы «Ақтөбе-Атырау-РФ шекарасы (Астраханға) автожолының учаскесі «Ақтөбе-Қандыағаш» көлік дәлізінің дамуына ерекше көңіл бөлінді. Бұл дәліз аймақ пен еліміз үшін маңызды стратегиялық бағыттардың бірі. Ол Қазақстанды Ресеймен байланыстырып, Астраханға қарай шығуға мүмкіндік береді.Толығырақ: https://t.me/qazavtojol/5627Дереккөз: «ҚазАвтоЖол» ұлттық компаниясының баспасөз қызметі»Ақпарат көзі : https://www.gov.kz/memleket/entities/aktobe/press/news/details/901842

Қазақстан Республикасы Төтенше жағдайлар министрлігі өзінің автопаркін белсенді жаңғыртуды жалғастыруда. Алдағы күндері ведомствоның аумақтық бөлімшелеріне 45 жаңа мамандандырылған автомобиль, оның ішінде авариялық-құтқару жұмыстарын орындауға арналған 20 машина келіп түседі. Техника республикалық бюджет қаражатына сатып алынды. Бұл азаматтардың қауіпсіздігін қамтамасыз ету үшін инфрақұрылымды жаңғыртуға инвестициялардың маңыздылығын көрсетеді. Автопаркті жаңарту Қазақстан ТЖМ төтенше жағдайларға жедел және сапалы ден қоюға, сондай-ақ ведомство қызметкерлері үшін жұмыс жағдайларын жақсартуға мүмкіндік береді. Қазақстан Республикасының Төтенше жағдайлар министрі генерал-майор Шыңғыс Әрінов: «Ел Президенті мен үкіметтің қолдауымен біз қазіргі заманғы автомобильдерді сатып алуды жалғастырып жатырмыз. Бұл біздің қауіпсіздікті қамтамасыз ету және төтенше жағдайларға ден қою жөніндегі міндеттерді тиімді орындау қабілетімізді айтарлықтай арттырады. Біз ТЖМ жұмысын жақсартып қана қоймай, азаматтарымыз үшін жайлылық пен қауіпсіздікті қамтамасыз етуге тырысамыз». Автопаркті жаңғырту – Төтенше жағдайлар министрлігінің жұмысын жетілдіру жолындағы тағы бір қадам. Ол жеделдікті жақсартуға, қызметкерлердің кәсібилігін арттыруға және халық үшін қауіпсіздіктің жоғары деңгейін қамтамасыз етуге ықпал етеді. Ақпарат көзі : https://www.gov.kz/memleket/entities/emer/press/news/details/901615

❕СКАЗАНО:«Фермеры и промышленники нуждаются в качественном анализе и прогнозе по воде. Это касается и ежегодных поставок, и среднесрочной перспективы. Поэтому надо планировать загодя».СДЕЛАНО:Для исполнения поручения Главы государства при Министерстве водных ресурсов и ирригации создан информационно-аналитический центр водных ресурсов. Центр станет одним из ведущих институтов страны, который будет разрабатывать предложения по эффективному использованию и защите водного фонда, развитию ирригационных сетей, а также вести информационно-аналитическую работу.Министерством цифрового развития, инноваций и аэрокосмической промышленности совместно с министерствами экологии и природных ресурсов, чрезвычайных ситуаций, а также Министерством водных ресурсов и ирригации разрабатывается информационная система прогнозирования и моделирования паводков Tasqyn. Система позволит предотвращать чрезвычайные ситуации и делать прогнозы для принятия стратегических решений. Информационную систему планируется запустить до конца года.Министерство водных ресурсов и ирригации в рамках меморандума с Делфтским институтом водного образования IHE Delft разрабатывает информационную систему по прогнозированию течения рек на основе платформ Talsim и Delft-FEWS. В рамках пилотного проекта создаются модели Есильского и Нура-Сарысуского бассейнов. Для анализа данных и интеграции моделей адаптируется программное приложение Delft-FEWS.Министерство ведет работу по цифровизации 3500 км ирригационных сетей. На сегодня реализуется проект реконструкции водных станций с установкой автоматизированной системы учета воды на 5 каналах в Кызылординской области.До 2026 года будет автоматизировано 16 ирригационных каналов в Туркестанской, Жамбылской областях и области Жетісу. До конца 2027 года будут проведены работы по цифровизации 16 ирригационных каналов в Кызылординской области.В результате министерство намерено сократить расход поливной воды на 500 млн кубометров в год.Ақпарат көзі : https://www.gov.kz/memleket/entities/water/press/news/details/901616

Қазақстан Республикасының Энергетика министрлігі Жаңартылатын энергия көздері (ЖЭК) саласындағы маңызды оқиғалар мен елеулі жетістіктерге толы жылдың қорытындысын шығаруда. Жобалардың сәтті жүзеге асуы және стратегиялық келісімдердің жасалуы Қазақстанның халықаралық энергетикалық күн тәртібіндегі ұстанымын нығайтады.ЖЭК инфрақұрылымын дамыту2024 жылы жалпы қуаты 34,75 МВт болатын үш жаңа ЖЭК нысаны пайдалануға берілді. Бұл 13,7 млрд теңге сомасына инвестициялар тартудың арқасында мүмкін болды. Жыл соңына дейін жалпы қуаты 128,4 МВт болатын тағы бес нысанның құрылысы аяқталады деп күтілуде, бұл елдің энергетикалық әлеуетін одан әрі нығайтады.Бүгінгі таңда Қазақстанда жалпы белгіленген қуаты 2903,7 МВт болатын 148 ЖЭК нысаны жұмыс істейді. Бұл нысандар көміртегі ізін азайтуда және елдің электр желісін таза және тұрақты энергиямен қамтамасыз етуде маңызды рөл атқарады.Экономикаға және жұмыспен қамтуға қосқан үлесі2024 жылы ЖЭК секторындағы жұмыс орындарының жалпы саны 1809-ға жетті. Бұл жаңартылатын энергетиканың экологиялық ауысу үшін ғана емес, ел өңірлерінің әлеуметтік-экономикалық дамуы үшін де маңыздылығын көрсетеді.Стратегиялық жобаларды іске асыруЖылдың басты оқиғасы Жамбыл облысында қуаттылығы 1 ГВт ірі жел электр станциясын салуға Masdar компаниясымен инвестициялық келісімге қол қою болды. Жоба энергияны жинақтаудың заманауи жүйелерін қамтиды, бұл Қазақстанның энергия жүйесінің сенімділігі мен тұрақтылығын арттырудағы маңызды қадам.Жалпы белгіленген қуаты 1,8 ГВт ЖЭК объектілерін салу туралы Қытаймен үкіметаралық келісімге қол қою да маңызды жетістік болды. Бұл жоба халықаралық ынтымақтастықты күшейтеді, Қазақстанға жаңа инвестициялар мен технологияларды тартады.Шағын масштабты ЖЭК нысандарын қолдау2024 жылы халық арасында шағын ауқымды ЖЭК объектілерін дамытуды ынталандыруға бағытталған Заң қабылданды. Жаңа механизм күн батареяларын және басқа да энергияны үнемдейтін технологияларды тұрмыстық деңгейдеорнатуды айтарлықтай жеңілдетеді, бұл елдегі жасыл энергияны танымал етуге маңызды үлес болады.Тұрақты энергетикалық ауысуҚазақстан жаңартылатын энергияны дамыту қарқыны бойынша Орталық Азияда көшбасшылық танытуды жалғастыруда. 2024 жылы ел ЖЭК қуатын сәтті арттырып қана қоймай, тұрақты экономика мен экологиялық таза энергетиканы дамыта отырып, өзінің энергетикалық инфрақұрылымын нығайтты.Энергетика министрлігі жаңа жобаларды іске асыру, инвестициялар тарту және инновацияларды енгізу үшін қолайлы жағдайлар жасау бойынша жұмысты жалғастыруда. Жаңартылатын энергетиканың орнықты дамуы көміртегі шығарындыларын азайту және халықтың өмір сүру сапасын арттыру жолында маңызды басымдық болып қала береді.Ақпарат көзі : https://www.gov.kz/memleket/entities/energo/press/news/details/901374