Алматы қаласының 2030 жылға дейінгі «Электр желілерін дамыту жоспары» әзірленді. Бұл туралы Алматы қаласы мәслихатының кезекті сессиясында энергетика және сумен жабдықтау басқармасы басшысының міндетін атқарушы Нұрбақыт Серікбай хабарлады. Құжат электрмен жабдықтау сенімділігін арттыруға, энергия сапасын жақсартуға және қаланың энергетикалық инфрақұрылымын дамытуға бағытталған.Электр желілерін дамыту жоспары энергетикалық инфрақұрылым нысандарын жаңғырту және салу бағдарламасын қамтиды, ол 2030 жылға дейінгі кезеңді, ал болашақта 2040 жылға дейінгі даму перспективасын көздейді. Құжатты әзірлеу барысында қаланың энергия жүйесінің даму болжамы жасалды, бұл алдағы онжылдықта қажетті ресурстарды тиімді жоспарлауға мүмкіндік береді.Алматының энергетика саласын талдау шұғыл шешімді қажет ететін бірқатар өзекті мәселелер мен ерекшеліктерді анықтады. Атап айтқанда, 2030 жылға қарай мегаполистің тұтыну қуаты 468 МВт-қа (48%-ға) өсіп, 1450 МВт-ты құрайды деп күтілуде.Аталған деректерді ескере отырып, Жоспарда негізгі міндеттер қарастырылған: жаңа қосалқы станцияларды салу, электр желілерін қайта құру және жаңғырту, әуе желілерін кабельдік желілерге ауыстыру, жаңа тарату пункттерін орнату және электр беру желілерін ауыстыру, сондай-ақ жаңа тұтынушыларды қосу шектеулерін жою.Осы іс-шараларды іске асыру электрмен жабдықтаудың сенімділігін айтарлықтай арттырып, тұтынушылар үшін электр энергиясының сапасын жақсартады және жаңа нысандарды қосу мүмкіндіктерін жасайды.Ақпарат көзі : https://www.gov.kz/memleket/entities/almaty/press/news/details/893580

Алматыда қала әкімі Ерболат Досаевтың бастамасымен «Алматы жастары» тұрғын үй бағдарламасын қаржыландыру жалғастырылады. Бұл туралы Алматы қаласы мәслихатының кезектен тыс сессиясы барысында қаржы басқармасының басшысы Қанат Сухамбеков мәлімдеді.Алматы қаласының бюджетін нақтылау шеңберінде халықтың әлеуметтік осал топтары санатындағы азаматтар үшін әлеуметтік көмек көлемі ұлғайтылды: 585 млн теңге аудандық әкімдіктерге азаматтарға үйде әлеуметтік қолдау көрсетуге, сондай-ақ ерекше қажеттіліктері бар адамдарды қолдауға бөлінеді.Қанат Сухамбеков атап өткендей, «Алматы жастары» тұрғын үй бағдарламасын қаржыландыру үшін бюджеттен қосымша 1,4 млрд теңге бөлінеді.Бұл, оның айтуынша, әлеуметтік, құқық қорғау, коммуналдық және басқа да салаларда еңбек ететін жас азаматтар үшін қосымша 80 ипотекалық қарыз беруге мүмкіндік береді.Сондай-ақ, тұрғын үй жағдайын жақсарту үшін ішкі істер органдарының 2 510 қызметкеріне жергілікті бюджеттен қосымша 2,5 млрд теңге бөлу жоспарлануда.Ақпарат көзі : https://www.gov.kz/memleket/entities/almaty/press/news/details/893585

Алматы қаласының мәслихаты «Алматы қаласының тұрғын үйін 2030 жылға дейін Реновациялау бағдарламасын» қабылдады, оның мақсаты қала тұрғындарының өмір сүру жағдайларын жақсарту, қалалық ортаны жаңарту және апатты тұрғын үй қорының ұлғаюына жол бермеу болып табылады.Бағдарлама әкімшісі болып «Алматы Әлеуметтік-кәсіпкерлік корпорациясы» АҚ (ӘКК), ал Уәкілетті ұйым болып «Алматы қаласы әкімдігінің Күрделі құрылыс кәсіпорны» ЖШС (КҚК) тағайындалды.Бағдарлама 1930-1980 жылдар аралығында салынған екі қабатқа дейінгі тозығы жеткен көппәтерлі үйлерді, сондай-ақ аумақ пен инфрақұрылымды жаңартуды талап ететін жеке тұрғын үйлерді, өнеркәсіптік, коммерциялық және өзге де объектілерді қамтиды. Оны іске асыру Алматының 2040 жылға дейінгі Бас жоспарына сәйкес, құрылыс салудың тығыздығын, әлеуметтік, инженерлік және көлік инфрақұрылымының қолжетімділігін, сондай-ақ қауіпсіздік пен эстетиканың заманауи талаптарын ескере отырып, тұрғын аумақтарды дамытуды көздейтін болады.Жаңа бағдарламаның басты ерекшеліктерінің бірі тұрғын үй иелерінің құқықтарын қорғау тетіктерін енгізу және тұрғындармен әрі жұртшылықпен өзара іс-қимылды жақсарту болды.Реновация бағдарламасы объектілерінің тізімі үш санатқа бөлінген:Инвестициялық тартымсыз (1-санат):Қызыл сызықтарда орналасқан немесе инженерлік инфрақұрылымды, әлеуметтік немесе өзге де объектілерді салуға арналған объектілер. Мұндай ғимараттарды сатып алуды және бұзуды жер заңнамасының нормаларына сәйкес қала әкімдігі жүргізеді.Инвестициялық тартымсыз (2-санат): Қала үшін басым тұрғын, әлеуметтік және коммерциялық ғимараттар салуға арналған объектілер.Тұрғындарды көшіру және учаскелерді босату КҚК-ны қамтамасыз етеді, инвесторларға жерді нарықтық құны бойынша сату көзделеді.Инвестициялық тартымды (3-санат):Кешенді жаңартуды қажет ететін кварталдар, полиорталықтар немесе өнеркәсіптік аумақтар шегінде орналасқан объектілер.Тұрғындарды көшіру және осындай объектілерді бұзуды инвесторлар қаржыландырылатын болады.Ескі тұрғын үй иелері үшін өтемақының үш нұсқасы қарастырылған:Айырбастау шарты: тұрғындардың санына қарамастан, "бөлме үшін бөлме" қағидаты бойынша ескі тұрғын үйді жаңасына айырбастау.Меншікке беру шарты: баламалы тұрғын үй жаңа үй тапсырылғаннан кейін беріледі. Бұған дейін тұрғындар уақытша баспанамен қамтамасыз етіледі.Сатып алу-сату шарты: тәуелсіз бағалау компаниясы анықтаған нарықтық құны бойынша тұрғын үйді сатып алу.Ғимараттарды көшіру және бұзу барлық меншік иелерінің келісімімен ғана жүзеге асырылады. Ерекше қажеттіліктері бар азаматтар үшін бірінші қабаттарға немесе лифттермен, пандустармен және кедергісіз кірумен жабдықталған үйлерге көшу шарттары көзделген. Мегаполис тұрғындарының қауіпсіздігін қамтамасыз ететін тектоникалық ақауларда орналасқан қаңқалы-қамысты үйлер мен ғимараттарды бұзуға баса назар аударылады.2030 жылға дейін кем дегенде 676 ескі үйді жаңарту жоспарлануда, бұл 7500-ге жуық меншік иесін заманауи абаттандырылған пәтерлерге көшіруге мүмкіндік береді.Бағдарлама аясында сарапшылар мен қоғамдық ұйымдардан бастап уәкілетті мемлекеттік ведомстволарға дейінгі барлық реновацияға қатысушылардың өзара іс – қимылын үйлестіретін Реновация офисі (жобалау тобы) құрылды.Реновация бағдарламасы-Алматы қаласын жайлы, тұрақты және инновациялық мегаполиске айналдыруға бағытталған стратегиялық даму жоспарының негізгі элементтерінің бірі. Бұл бағдарламаны табысты іске асыру сапалы қалалық ортаны қалыптастыруды, қала тұрғындарының өмір сүру деңгейін жақсартуды және инвесторларды тарту үшін қолайлы климат құруды қамтамасыз етеді.Ақпарат көзі : https://www.gov.kz/memleket/entities/almaty/press/news/details/893588

Ақтөбеде Қазақстандағы жылқы шаруашылығын дамыту мәселелеріне арналған дөңгелек үстел өтті. Шара Мемлекет басшысы Қасым-Жомарт Тоқаевтың Жылқы шаруашылығы институтын құру туралы тапсырмасын орындау аясында ұйымдастырылды.Шараға Ақтөбе облысының әкімі Асхат Шахаров, ҚР Ауыл шаруашылығы вице-министрі Аманғали Бердалин, Мәжіліс депутаттары, еліміздің жетекші ғалымдары мен мамандары қатысты.«Мемлекет басшысы жылқының сапасы мен санын арттыру тапсырмасы аясында Ақтөбе облысындағы Тәжірибе станциясының негізінде Қазақ жылқы шаруашылығы және жемшөп өндірісі ғылыми-зерттеу институты құрылды. Бұл институтты қаржыландыру және дамытуға жергілікті атқарушы орган тарапынан жан-жақты қолдау көрсетіледі. Енді жылқы шаруашылығын дамытудың жаңа әдіс-тәсілдерін әзірлеу қажет», - деді облыс әкімі Асхат Шахаров.ҚР Ауыл шаруашылығы вице-министрі Аманғали Бердалин жылқы шаруашылығы еліміз үшін дәстүрлі әрі ұлттық мал шаруашылығы саласының бірі екенін атап өтті. Табиғат жағдайлар, кең байтақ дала мен ата-баба тәжірибесі, сондай-ақ заманауи ғылыми әзірлемелер жылқы шаруашылығын одан әрі дамытуға қолайлы жағдай туғызары анық.Бүгінде еліміздегі жылқының жалпы саны — 4,1 млн, бұл саланы дамытуға мүмкіндік те көп. Бұл ретте асыл тұқымды жылқы саны 46 мың бас немесе жалпы жалқы санының бір пайызынан астамын ғана құрайды.«Мемлекет басшысы атап өткендей, асылтұқымды жылқыларды іріктеу мен өсіруге баса назар аударып, сол арқылы асылтұқымды мал басының үлесін арттыру қажет. Жалпы, соңғы бес жылда саланы субсидиялауға 4,9 млрд теңге бөлінген. Биыл салт атты және шабандоз жылқылардың отандық тұқымдарын сақтау және көбейту туралы арнайы заң қабылданды. Үкімет заңды орындауға кірісіп те кетті. Осылайша, қазіргі мемлекеттік қолдау ережелеріне Қостанай жылқы тұқымының популяциясын жаңғырту және қалпына келтірудің жаңа бағыттары енгізілді. Оларды жүзеге асыру бұл тұқымның санын 3-4 есеге арттыруға мүмкіндік береді», - деді Аманғали Бердалин. Асылтұқымды жылқы басын көбейту — Қазақстандағы жылқы шаруашылығы саласының алдында тұрған негізгі міндеттердің бірі және мұны сапалы және кең ғылыми қолдаусыз жүзеге асыру мүмкін емес. Бұл бағыттағы маңызды қадам Адай жылқысының дербес тұқым ретінде танылуы болды.Естеріңізге сала кетейік, Мемлекет басшысының тиісті тапсырмасын жүзеге асыру нәтижесінде 2023 жылдың желтоқсан айында Адай жылқысы ресми түрде танылып, еліміздің селекциялық жетістіктер тізіміне енгізілген еді.Сондай-ақ іс-шара барысында 2024-2026 жылдарға арналған бағдарламалық-нысаналы қаржыландыру аясында Адай және Қостанай жылқыларын жақсарту, сондай-ақ, Жабы, Көшім және Мұғалжар жылқыларының санын көбейтуге бағытталған екі ғылыми-зерттеу бағдарламасы қолға алынғаны айтылды. Бұл мақсатқа республикалық бюджеттен 1,5 миллиард теңгеге жуық қаражат бөлінді.Жаңадан құрылған жылқы шаруашылығы және жем-шөп өндірісі институтының негізгі міндеті – жылқылардың асылтұқымдық қасиеттерін жақсарту бойынша ғылыми-зерттеу жұмыстарын жүргізу және отандық тұқымдарды халықаралық нарыққа белсенді түрде шығару. Институт алдағы бес жылда асылтұқымды жылқы санын 6-7 пайызға арттыруды міндет етіп отыр. Сондай-ақ, еліміздің аграрлық жоғары оқу орындарында жылқы шаруашылығын тереңдетіп оқыту жоспарлануда.Дөңгелек үстелге қатысушылар кадр тапшылығы мәселесін талқылап, пікірлерін жеткізді. Сондай-ақ өңірлерде ғылыми-зерттеу жұмыстарын жүргізетін тұрақты комиссия құру, жоғары оқу орындарында жоғары білікті кадрлар даярлау жұмысын күшейту, жылқы шаруашылығымен айналысатын ғалымдар ұрпақтары арасындағы сабақтастықты жолға қою сияқты бірқатар ұсыныс айтылды.Сонымен қатар, қатысушылар ғылыми-зерттеу институтын құру Қазақстандағы жылқы шаруашылығын тұрақты дамытудың сенімді іргетасына айналатынына сенім білдірді. Мемлекет тарапынан қолдау, сондай-ақ халықаралық серіктестермен белсенді ынтымақтастық алға қойған мақсаттарға жетуге мүмкіндік беріп қана қоймай, отандық жылқы шаруашылығын әлемдік нарықта бәсекеге қабілетті етіп, жаңа деңгейге көтереді.Ақпарат көзі : https://www.gov.kz/memleket/entities/aktobe/press/news/details/893400

Семей қаласының халықаралық әуежайы жолаушыларға ыңғайлы және қауіпсіз қызмет көрсету мүмкіндіктерін кеңейтуде. Жуырда әуежай 110 адамды тасымалдауға арналған заманауи автобусқа ие болды.«Автобуста мүмкіндігі шектеулі жандардың жайы да ескерілген. Осы арқылы біз олардың кедергісіз қатынауына мүмкіндік жасамақпыз,» - дейді әуежай директоры Ғазизбек Саматов.Жаңа көлік облыс әкімдігінің қолдауымен сатып алынды. Енді жолаушыларды терминалдан ұшаққа және кері жедел тасымалдауға мүмкіндік туып отыр.«Әуежай - алыс жақыннан келетін қонақтар үшін қақпа іспеттес. Әуежайымыз барлық талаптарға әсіресе жолаушылар сұранысын қанағаттандыратын деңгейде болуы керек. Біз жерлестеріміз бен жолаушылар үшін қолайлы орта жасау үшін өз міндеттемелерімізді орындауымыз қажет», - деді аймақ басшысы.Сондай-ақ, әуежайда ағымдағы жылдың соңына дейін мүмкіндігі шектеулі жолаушылардың ыңғайлы әрі қауіпсіз көтерілуі мен түсуін қамтамасыз ететін амбу-лифтті пайдалануға беру жоспарлануда.Ақпарат көзі : https://www.gov.kz/memleket/entities/abay/press/news/details/892649

Абай облысының әкімі Нұрлан Ұранхаевтың төрағалығымен жергілікті бюджет жоспарын орындау, уәкілетті органдармен өзара іс-қимыл және салықтық әкімшілендіру міндеттерін шешу мәселелеріне арналған отырыс өтті.Жиында Абай облыстық Мемлекеттік кірістер департаментінің басшысы Руслан Данияров баяндама жасады. Ол өз баяндамасында 2024 жылдың 11 айында жергілікті бюджетке 102,1 млрд теңге мөлшерінде белгіленген түсімдер жоспары 6,5 млрд теңгеге асыра орындалғанын атап өтті. Күтілетін түсімдер 108,6 млрд теңгені құрап, орындалудың 106% - на сәйкес келеді. Өткен жылдың сәйкес кезеңімен салыстырғанда 22 млрд теңгеге артық, бұл 125% өсімді көрсетеді.114,3 млрд теңге деңгейінде бекітілген жылдық жоспар жыл ішінде 127,4% - ға дейін ұлғайтылды. Өңірде жалпыға бірдей декларациялау белсенді енгізілуде. Бұл кірістердің ашықтығын арттыруға және көлеңкелі экономикаға қарсы күресте ықпал етеді. Өзін-өзі жұмыспен қамтыған азаматтармен жұмыс істеуге ерекше назар аударылады, олардың арасында тұрғын үйді жалға алу, жолаушылар тасымалы, іс-шараларды ұйымдастыру және блогер ретінде жұмыс істеу сияқты ең танымал қызмет түрлері бар. Алайда, бұл азаматтардың едәуір бөлігі әлі күнге дейін салық төлеуден тыс қалады. Бұл бюджетті толықтыру мүмкіндігін шектейді.Алакөл жағалауында 223 демалыс базасы мен түрлі бизнес нысандары жұмыс істейді. 2023 жылы осы субъектілерден түскен түсімдер 160,5 млн теңгені құрады, оның 89,3 млн теңгесі демалыс базаларына тиесілі. 2024 жылы бұл соманы 210 млн теңгеге дейін ұлғайту күтілуде. Туристерге қызмет көрсетуді жақсарту үшін ағымдағы жылдың жазында нысандар тексерілді. БКМ және POS-терминалдарды пайдалану ережелері түсіндірілді. Тамыз айында басталған «Salyq кэшбэк» жобасы аясында есепке алынған чектер саны 257%-ға ұлғайды. Бұл 1 млрд теңге мөлшерінде қосымша түсімдерді қамтамасыз етті.Отырысты қорытындылай келе аймақ басшысы өңірдегі салықтық әкімшілендірудің тиімділігін арттыру үшін жол картасын әзірлеуді тапсырды. Алакөл жағалауындағы кәсіпкерлік қызметті бақылауға ерекше назар аударылады. Сондай-ақ құрамына атқарушы органдардың, салық құрылымдарының және басқа да мүдделі тараптардың өкілдері кіретін жұмыс тобын құру жоспарлануда.Ақпарат көзі : https://www.gov.kz/memleket/entities/abay/press/news/details/892652

Абай облысы әкімінің орынбасары Жасұлан Сәрсебаев жұмыс сапарымен Аягөз ауданында болды. Сапар барысында аудандағы негізгі әлеуметтік нысандардың тыныс-тіршілігімен танысты.Солардың бірі – «Аягөз ауданы әкімдігінің аумақтық әлеуметтік қызмет көрсету орталығы» МКМ-де халықтың әртүрлі санаттарына көмек көрсетіледі. Орталық 1995 жылы құрылған. 1970 жылы салынған ғимарат заманауи кабинеттермен және әлеуметтік қызметтің сегіз түрін көрсетуге арналған құрал-жабдықтармен жабдықталған. Орталықта 50 қызмет алушыға жартылай стационар жағдайында қызмет көрсетілсе, тағы 243 адамға үй жағдайында көмек көрсетіледі.«Біз үшін көмекке мұқтаж әрбір адамның негізгі қолдауды ғана емес, сонымен бірге ортаға бейімделуі мен өсу мүмкіндігін алуы маңызды. Сондықтан мұндай мекемелер облыстың әлеуметтік қорғау жүйесінің негізгі буындары», - деп атап өтті Жасұлан Сәрсебаев.Әкім орынбасары орталықтың материалдық-техникалық базасын нығайтуды, қажеттіліктерді сараптап, мүмкіндігі шектеулі жандарға мамандандырылған қызметтерді дамыту бойынша ұсыныстар дайындауды тапсырды.Сондай-ақ 2014 жылдан бері психоневрологиялық сырқаты бар 1 және 2 топтағы мүгедектерге арнаулы әлеуметтік қызмет көрсетіп келе жатқан «Аягөз мүгедектер бірлестігі» ҚБ қызметіне де назар аударылды. Бүгінде бірлестік ғимараты күрделі жөндеуді қажет етеді. Жасұлан Сәрсебаев ғимаратты жөндеуге рұқсат беруді жеделдету, қосымша қаржыландыру мүмкіндіктерін пысықтау және еңбек шеберханаларында жұмыс орындарын кеңейту нұсқаларын қарастыру жөнінде тапсырмалар берді.Әкім орынбасары аудандық балалар мен жасөспірімдер спорт мектебінде де болды. Мектепте жеті спорт нысаны бар, оның ішіне заманауи спорт залы мен мәдениет үйі кіреді. Балалар мен жастарды спортқа тарту жұмыстарын жандандыру, сондай-ақ спорт нысандарының қуатын кеңейту бойынша ұсыныстар әзірлеу тапсырылды. Осылайша денешықтыру-сауықтыру кешені мен бассейн салу мәселесі көтерілді.Ақпарат көзі : https://www.gov.kz/memleket/entities/abay/press/news/details/892654

Жаңа форматтағы көшбасшыларды іріктеуге және оқытуға бағытталған «Білім берудегі өзгерістердің 1000 көшбасшысы» жобасының екінші легі қорытындыланды. Абай облысынан биыл 11 мұғалім сертификат алды.Іріктеу бес кезең бойынша өтті: кәсіби және басқарушылық құзыреттерді бағалау бойынша тестілеу, оқу, еліміздің жетекші мектептерінде тағылымдамадан өту, қорытынды бағалау және республикалық комиссиядан әңгімелесуден өту. Үміткерлерді іріктеу және олардың біліктілігін арттыру бойынша іс-шараларды Педагогикалық шеберлік орталығы жүргізді.Бес кезеңінің қорытындысы бойынша елімізден 376 үміткер Республикалық кадр резервіне алынды. Оларға конкурссыз қызметке тағайындау туралы сертификаттар табыс етілді. Жаңа буынның менеджерлері кадр мәселесін шешуге өз үлесін қосады. Сонымен қатар жаңа мектептерді, оның ішінде «Жайлы мектеп» ұлттық жобасы аясында салынып жатқан мектептерді де басқарады деп күтілуде.Өткен жылы кадрлық резервке Абай облысының 15 педагогі енген еді.Ақпарат көзі : https://www.gov.kz/memleket/entities/abay/press/news/details/892670

Абай облысының әкімі Нұрлан Ұранхаев Жарма ауданына жасаған жұмыс сапарында техникалық колледждің бүгінгі тыныс-тіршілігімен танысты. 2023 жылы аталған оқу орнының инфрақұрылымын жақсарту мен жаңғырту бағытында ауқымды құрылыс жұмыстары жүргізілді.Атқарылған істер қатарында қазандықпен оқу ғимараты арасындағы жылу трассасын ауыстыру, жылу және су инженерлік желілерін жөндеу, жаңа жылу қазандықтарын орнату сияқты жұмыстар бар. Бұдан бөлек, ұлдар және қыздар жатақханасы, шеберханалар мен қоғамдық-тұрмыстық корпусы жөнделді. «БГП» ЖШС - мен қайырымдылық келісімшарт негізінде оқу процесіне қажет жаңа экскаватор және БелАЗ жаттықтырушыларын алу маңызды қадам болды.Ағымдағы жылдың мамыр айында аталған серіктестікпен арадағы келісімге сәйкес Пайдалы қазбалардың орнын ашық өңдеу» мамандығы үшін 2 симулятор алынды. Бұл студенттердің теориялық білімін тәжірибемен ұштастыруға көмектеседі.Колледж ғимаратында 28 оқу кабинеті, 150 орынға арналған асхана, спорт, конференц залдары, кітапхана, 60 студентке арналған 2 жатақхана бар.«Жарма техникалық колледжі өңірде білікті мамандарды әзірлеуде негізгі рөл атқарады. Біз колледждің инфрақұрылымын жаңғырту мен оқу сапасын жақсарту бағытындағы жұмысты жалғастырамыз. Бастысы студенттеріміздің талапқа сай білім алып, еңбек нарығына дайын болуы керек», — деді аймақ басшысы.2024 жылы колледж аумағы мен шеберхана, гараждарға ағымдағы жөндеу, жаңғырту жалғасуда. Алдағы уақытта мүмкіндігі шектеулі азаматтардың жағдайын жақсарту мен оқу, жатақхана ғимараттарын ары қарай жаңғырту үшін жөндеу жұмыстары жалғасады.Ақпарат көзі : https://www.gov.kz/memleket/entities/abay/press/news/details/893103

Аймақ басшысы Нұрлан Ұранхаев Жарма ауданы тұрғындары алдында есеп берді. Есеп беру барысында 10 айда атқарылған жұмысты қорытындылаған әкім экономика мен әлеуметтік саладағы маңызды жобаларға тоқталды. Сонымен бірге азаматтардың өтініштерін тыңдады.«Мұндай кездесулердің басты мақсаты – өзекті мәселелерді жедел шешу әрі кері байланыс орнату. Бұл біз үшін өте маңызды. Аудан тұрғындарымен өткен алдыңғы кездесуімде 30-дан аса сұрақ қойылған. Олардың кейбіріне тікелей жауап берілсе, қалғандары бойынша тиісті басқармаларға тапсырма берілді. Әр тапсырманың орындалуы менің жеке бақылауымда», - деді облыс әкімі.Өңірде Жарық-Жаңғызтөбе және Әуезов-Шар бағытындағы жолдарға жөндеу жұмысы жалғасуда. Облыстық бюджеттен қаржы бөлініп, Жаңғызтөбе-Қалбатау-Семей бағытында автобус маршруты мәселесі шешілуде. Жыл соңына дейін Әуезов кентінде «Қазақстан халқына» қоғамдық қоры қаржыландырған, 170 миллион теңге бөлінген спорт модулін пайдалануға беру жоспарлануда. Сондай-ақ «Ауыл – ел бесігі» бағдарламасы аясында аудандық Мәдениет үйіне күрделі жөндеу жүргізілді.«Шар қаласын дамытуға ерекше көңіл бөлінуде. Қаланы дамытудың 2028 жылға дейінгі Жол картасы бекітілді. Биыл үлкен басымдыққа ие міндеттерді жүзеге асыруға облыстық бюджеттен 3,4 млрд теңге бөлінді. Негізгі қаражат қала ішіндегі жол жамылғыларына орташа жөндеу жұмысын жүргізуге, халықтың әлеуметтік әлсіз топтары үшін 18 жалдамалы пәтер сатып алуға, қала инфрақұрылымын жақсартуға, Семей-Шар бағыты бойынша теміржол жолаушылар тасымалын субсидиялауға, материалдық-техникалық базаны нығайтуға, әлеуметтік инфрақұрылымның бес нысанын жөндеуге бағытталған. Шар – облыс үшін маңызды қала. Оның дамуы қарқынды әрі жүйелі түрде жүруі үшін қолдан келгеннің бәрін жасап жатырмыз», – деді аймақ басшысы.Жарма аудандық ауруханасының материалдық-техникалық базасын нығайтуға 395,7 млн.теңге бөлінді. Мекемеге 350 миллион теңгеге компьютерлік томограф сатып алынды. Келер жылы Шар қаласында жүзу бассейнінің құрылысы басталып, Қалбатау ауылында жаңа стадион пайда болады.Есептік кездесуден облыс әкімі азаматтарды жеке мәселелермен қабылдады. Қойылған сұрақтарға жауап берілді.Ақпарат көзі : https://www.gov.kz/memleket/entities/abay/press/news/details/893153

"БЖЗҚ" АҚ (бұдан әрі – БЖЗҚ, Қор) enpf.kz сайтындағы "Көрсеткіштер - Инвестициялық қызмет" бөлімінде Қазақстан Республикасы Ұлттық Банкінің (бұдан әрі - ҚРҰБ) және инвестициялық портфельді басқарушылардың (бұдан әрі - ИПБ) зейнетақы активтерін басқаруы туралы есебін ұсынады.2024 жылғы 1 қарашадағы жағдай бойынша зейнетақы активтерінің жалпы көлемі - 21 564,51 млрд теңге. Осы күнгі жағдай бойынша міндетті зейнетақы жарналары (бұдан әрі - МЗЖ), міндетті кәсіптік зейнетақы жарналары (бұдан әрі - МКЗЖ), ерікті зейнетақы жарналары (бұдан әрі - ЕЗЖ) есебінен қалыптастырылған, ҚРҰБ сенімгерлік басқаруындағы БЖЗҚ зейнетақы активтері[1] 21 309,33 млрд теңге болды. ҚРҰБ сенімгерлік басқаруындағы жұмыс берушінің міндетті зейнетақы жарналары (бұдан әрі – ЖМЗЖ) есебінен қалыптастырылған зейнетақы активтерінің көлемі – 194,23 млрд теңге. ИПБ басқаруындағы зейнетақы активтері шамамен 60,95 млрд теңге. ҚРҰБ басқаруындағы зейнетақы активтерінің инвестициялық портфелі2024 жылғы 1 қарашада МЗЖ, МКЗЖ, ЕЗЖ есебінен қалыптастырылған ҚРҰБ сенімгерлік басқаруындағы зейнетақы активтерін инвестициялаудың негізгі бағыттары мынадай: ҚР Қаржы министрлігінің мемлекеттік бағалы қағаздары – 41,96%, квазимемлекеттік компаниялардың облигациялары – 9,10%, Қазақстан Республикасының екінші деңгейдегі банктерінің облигациялары – 4,46%, шет мемлекеттердің мемлекеттік бағалы қағаздары – 2,52%, ҚРҰБ депозиттері - 1,87%, ҚР эмитенттерінің акциялары мен депозитарлық қолхаттары – 1,80%, МҚҰ - 1,65%. 2024 жылғы 1 қарашадағы жағдай бойынша МЗЖ, МКЗЖ, ЕЗЖ есебінен сатып алынған қаржы құралдары номиналданған валюталар бөлінісіндегі инвестициялық портфель мынадай: ұлттық валютадағы инвестициялар – 60,33%, АҚШ долларымен – 39,66%, өзге валютада - зейнетақы активтері портфелінің 0,01%.Алынған кірістің құрылымын талдаудан бағалы қағаздар бойынша сыйақы түріндегі, оның ішінде орналастырылған салымдар мен "кері РЕПО" операциялары бойынша кіріс 1 299,53 млрд теңге болды. Бағалы қағаздарды нарықтық қайта бағалаудан түскен кірістер – 70,69 млрд теңге, шетел валютасын қайта бағалаудан – 286,65 млрд теңге, сыртқы басқарудағы активтер бойынша – 734,41 млрд теңге. Басқа шығындар – 3,51 млрд теңге. Инвестициялық қызметтің нәтижесінде, сондай-ақ, шетел валюталары бағамдарының құбылмалылығы және қаржы құралдарының нарықтық құнының өзгеруі салдарынан 2024 жылдың басынан бері 1 қарашаға есептелген инвестициялық кірістің мөлшері 2,39 трлн теңге болды. Салымшылардың (алушылардың) шоттарына бөлінген БЖЗҚ зейнетақы активтерінің кірістілігі 2024 жылдың басынан бастап 01.11.2024ж. 12,67% көрсетті.2024 жылғы 1 қарашадағы ЖМЗЖ инвестициялау бағыттары мынадай: ҚР Қаржы министрлігінің мемлекеттік бағалы қағаздары – 78,98%, ҚРҰБ депозиттері – 4,58%, инвестициялық шоттардағы ақшалай қаражат – 0,44%,ЖМЗЖ есебінен инвестициялық портфель тек ұлттық валютада номиналданған қаржы құралдарын қамтиды.2024 жылдың басынан бастап 1 қарашадағы жағдай бойынша ЖМЗЖ бойынша есептелген инвестициялық кіріс – 12,80 млрд теңге. ЖМЗЖ бойынша кірістілік – 11,00%.Естеріңізге сала кетейік, орта және ұзақ мерзімді перспективада зейнетақы жинақтарының оң нақты (жинақталған инфляциядан асатын) кірістілігі қамтамасыз етіледі.ҚРҰБ басқаруындағы қаржы құралдарының эмитенттері көрсетілген инвестициялық портфелінің егжей-тегжейлі құрылымы және инвестициялық қызметке шолу БЖЗҚ-ның ресми сайтында берілген. Сондай-ақ, enpf.kz сайтында ЖМЗЖ есебінен қалыптастырылған зейнетақы активтері бойынша портфель құрылымы туралы ақпарат орналастырылды.Инвестициялық портфельді басқарушыларИПБ басқаруындағы зейнетақы активтерінің жалпы көлемі 60,95 млрд теңгеден асады.01.11.2024ж. жағдай бойынша "Jusan Invest" АҚ сенімгерлік басқаруындағы зейнетақы активтері шамамен 9,98 млрд теңге болды.Компанияның негізгі инвестициялары: ҚР ҚМ МБҚ – 30,74%, Exchange Traded Funds (ETF) пайлары – 22,71%, ҚР екінші деңгейдегі банктерінің облигациялары – 11,79%, шетелдік эмитенттердің корпоративтік облигациялары - 8,51%, шет мемлекеттердің МБҚ – 5,35%, РЕПО – портфельдің 3,85%. Атап кетейік, портфельдің 68,93% теңгемен, 29,63% АҚШ долларымен, 1,44% басқа валютада ұсынылған. Инвестициялық қызмет нәтижесінде 2024 жылдың 10 айында есептелген инвестициялық кіріс мөлшері 1,09 млрд теңге болды. Зейнетақы активтерінің кірістілігі – 12,72%."Jusan Invest" АҚ басқаруындағы қаржы құралдарының эмитенттері көрсетілген инвестициялық портфелінің егжей-тегжейлі құрылымы БЖЗҚ сайтында ұсынылған. 01.11.2024ж. жағдай бойынша "Halyk Global Markets" АҚ сенімгерлік басқаруындағы зейнетақы активтері шамамен 4,48 млрд теңге.Портфель құрылымындағы негізгі инвестициялар: ҚР Қаржы министрлігінің мемлекеттік бағалы қағаздары – 20,35%, шетелдік эмитенттердің корпоративтік облигациялары – 16,52%, ҚР квазимемлекеттік ұйымдарының облигациялары – 13,45%, ҚР екінші деңгейдегі банктерінің облигациялары – 12,99%, ҚР ұйымдарының корпоративтік облигациялары – 12,25%,"кері РЕПО" (күнтізбелік 90 күннен аспайтын) – 8,52%, шетелдік эмитенттердің үлестік облигациялары (ETF пайлары) – 7,38%. Ұлттық валютадағы инвестициялар портфельдің 73,51%, АҚШ долларымен 26,49% тең.Инвестициялық қызметтің нәтижесінде 2024 жылдың басынан бастапбастап есептелген инвестициялық кіріс мөлшері 2024 жылдың 1 қарашасындағы жағдай бойынша 479,06 млн теңгеге жетті. Зейнетақы активтерінің кірістілігі – 11,62%."Halyk Global Markets" АҚ басқаруындағы қаржы құралдарының инвестициялық портфелінің эмитенттері көрсетілген егжей-тегжейлі құрылымы БЖЗҚ сайтында ұсынылған. 01.11.2024ж. жағдай бойынша "BCC Invest" АҚ сенімгерлік басқаруындағы БЖЗҚ зейнетақы активтері - шамамен 5,22 млрд теңге.Инвестициялардың негізгі бағыттары: Қазақстан Республикасының квазимемлекеттік ұйымдарының облигациялары – 27,10%, ҚР резидент-эмитенттерінің корпоративтік облигациялары – 16,14%, ҚР ЕДБ облигациялары – 12,07%, РЕПО – 11,20%, ҚР ҚМ МБҚ – 10,92%, шетелдік эмитенттердің корпоративтік облигациялары – 7,90%, пайлар (ETF индекстеріне) – 5,25%.Ұлттық валютадағы құралдарға портфельдің 83,04%, АҚШ долларымен 16,96% инвестицияланды. Инвестициялық қызметтің нәтижесінде 2024 жылдың 10 айына есептелген инвестициялық кіріс мөлшері 547,76 млн теңгеге жетті. Зейнетақы активтерінің кірістілігі – 11,68%."BCC Invest" АҚ басқаруындағы қаржы құралдарының инвестициялық портфелінің эмитенттері көрсетілген егжей-тегжейлі құрылымы БЖЗҚ сайтында ұсынылған. 01.11.2024ж. жағдай бойынша "Сентрас Секьюритиз" АҚ сенімгерлік басқаруындағы БЖЗҚ зейнетақы активтері шамамен 1,70 млрд теңге.ҚР ҚМ МБҚ-ға активтердің 21,31%, РЕПО – 19,57%, ҚР эмитенттерінің корпоративтік облигацияларына – 12,66%, квазимемлекеттік ұйымдардың облигацияларына – 11,72%, ҚР эмитенттерінің акциялары мен депозитарлық қолхаттарына – 10,24%, ҚР ЕДБ облигациялары – 10,18%, АҚШ мемлекеттік облигациялары – 5,69% инвестицияланды.Ұлттық валютадағы құралдарға портфельдің 77,19%, АҚШ долларында – 21,31%, канадалық долларда - 1,50% инвестицияланды.Инвестициялық қызмет және қаржы құралдарының нарықтық құнының өзгеруі нәтижесінде 2024 жылдың басынан бастап 1 қарашадағы жағдай бойынша есептелген инвестициялық кіріс мөлшері 166,74 млн теңгеге жетті. Зейнетақы активтерінің кірістілігі – 12,82%."Сентрас Секьюритиз" АҚ басқаруындағы қаржы құралдарының инвестициялық портфелінің эмитенттері көрсетілген егжей-тегжейлі құрылымы БЖЗҚ сайтында ұсынылған.2024 жылғы 1 қарашадағы жағдай бойынша "Қазақстан Халық Банкінің ЕҰ "Halyk Finance" АҚ сенімгерлік басқаруындағы зейнетақы активтері - шамамен 39,57 млрд теңге.Портфель құрылымындағы негізгі инвестициялардың сипаты мынадай: ҚР ҚМ МБҚ – 25,73%, Exchange Traded Funds (ETF) пайлары – 12,19%, Қазақстан Республикасының квазимемлекеттік ұйымдарының облигациялары – 11,06%, ҚР эмитенттерінің корпоративтік облигациялары – 10,80%, ҚР екінші деңгейдегі банктерінің облигациялары – 9,99%, шетелдікэмитенттердің корпоративтік облигациялары – 8,50%, шет мемлекеттердің МБҚ – 6,93%, "кері РЕПО" (күнтізбелік 90 күннен аспайтын) – 4,66%,.Ұлттық валютадағы құралдарға портфельдің 65,10%, АҚШ долларында – 34,90% инвестицияланды.Инвестициялық қызмет нәтижесінде 2024 жылдың басынан бастап 1 қарашадағы жағдай бойынша есептелген инвестициялық кіріс мөлшері 3 946,37 млн теңге болды. Зейнетақы активтерінің кірістілігі – 12,28%."Қазақстан Халық Банкінің ЕҰ "Halyk Finance" АҚ басқаруындағы қаржы құралдарының инвестициялық портфелінің эмитенттері көрсетілген егжей-тегжейлі құрылымы БЖЗҚ сайтында ұсынылған.Естеріңізге сала кетейік, 2023 жылғы 1 шілдеден бастап салымшылар инвестициялық портфельді басқарушының (ИПБ) сенімгерлік басқаруына міндетті зейнетақы жарналары (МЗЖ) және міндетті кәсіптік зейнетақы жарналары (МКЗЖ) есебінен қалыптастырылған зейнетақы жинақтарының 50%-дан аспайтын бөлігін ең төменгі жеткіліктілік шегін есепке алмастан бере алады. Ал ерікті зейнетақы жинақтары бар салымшыларға оны ИПБ-ға 100% көлемінде беруге болады. БЖЗҚ 2013 жылғы 22 тамызда «ГНПФ» ЖЗҚ» АҚ негізінде құрылды. БЖЗҚ құрылтайшысы және акционері – Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы Қазақстан Республикасының Үкіметі. БЖЗҚ зейнетақы активтерін сенімгерлікпен басқаруды Қазақстан Республикасының Ұлттық Банкі жүзеге асырады. Зейнетақы заңнамасына сәйкес БЖЗҚ міндетті зейнетақы жарналарын, жұмыс берушінің міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, сондай-ақ "Қазақстан Республикасының екінші деңгейдегі банктерінде орналастырылған депозиттерге міндетті кепілдік беру туралы" Қазақстан Республикасының Заңына сәйкес депозиттерге міндетті кепілдік беруді жүзеге асыратын ұйым аударған кепілдік берілген депозит бойынша кепілдік берілген өтемнің талап етілмеген сомасы есебінен қалыптастырылған ерікті зейнетақы жарналарын есепке алып, оның есебін жүргізеді, зейнетақы төлемдерін жүзеге асыруды қамтамасыз етеді. Сондай-ақ Қор нысаналы активтер мен нысаналы талаптарды есепке алуды, нысаналы жинақтау шоттарына нысаналы жинақтарды (НЖ) есепке алу мен есептеуді, НЖ төлемдерін оларды алушының банк шоттарына есептеуді, "Ұлттық қор – балаларға" бағдарламасы шеңберінде Қазақстан Республикасының Үкіметі айқындаған тәртіппен НЖ қайтарымдарын есепке алуды жүзеге асырады (толығырақ www.enpf.kz сайтында). [1] зейнетақы жарналары мен төлемдер шоттарындағы ақшаны есепке алмағандаАқпарат көзі : https://www.gov.kz/memleket/entities/abay/press/news/details/893166

01.01.2024ж. бастап 31.10.2024ж. дейінгі уақыт аралығында "Бірыңғай жинақтаушы зейнетақы қоры" АҚ (бұдан әрі – БЖЗҚ, Қор) халыққа 36,5 млн астам қызмет көрсетті. Қызметтердің жалпы санының 18,4 млн астамы электрондық форматта көрсетілсе, шамамен 16,5 млн қызмет автоматты түрде атқарылды. Осылайша, автоматты, электрондық және қашықтан көрсетілген қызметтердің үлесі операциялардың жалпы санының 97,3% тең болды. Күндізгі форматта 957 мыңнан астам қызмет көрсетіліп, оның ішінде тікелей Қор кеңселерінде шамамен 924 мың қызмет ұсынылды.2024 жылғы 1 қаңтардан бастап Қазақстанда жұмыс берушінің міндетті зейнетақы жарнасының (ЖМЗЖ) енгізілуіне, сондай-ақ "Ұлттық қор-балаларға" бағдарламасы шеңберінде нысаналы талаптар мен нысаналы жинақтарды есепке алу және есептеу бойынша БЖЗҚ қызмет ауқымының кеңеюіне байланысты автоматты режимде көрсетілетін қызметтер саны өсті. Әсіресе, нысаналы талаптарға қатысушылар үшін шоттар (ЖЗШ/ШЗШ/НЖШ) мен карта ашу ерекше серпін бергенін байқауға болады. Естеріңізге сала кетсек, барлық зейнетақы шоттары БЖЗҚ-ға алғашқы жарна түскен кезде автоматты түрде ашылады. Сондай-ақ, "Ұлттық қор - балаларға" бағдарламасының қатысушыларына нысаналы талаптар мен нысаналы жинақтар автоматты түрде есептеледі.2024 жылдың есепті кезеңінде шартты зейнетақы шоттарын (жұмыс берушінің ЖМЗЖ аудару нәтижесінде ашылған ШЗШ) және нысаналы жинақтау шоттарын (НЖШ, "Ұлттық қор-балаларға" бағдарламасы шеңберінде) қоса алғанда, зейнетақы жарналарының барлық түрлері бойынша жаңадан ашылған жеке зейнетақы шоттарының (ЖЗШ) жалпы саны барлық формат бойынша 5,1 млн асты.Жеке зейнетақы шотынан, шартты зейнетақы шотынан (ШЗШ), сондай-ақ, нысаналы жинақтау шотынан (НЖШ) үзінді көшірме алу - әлі де ең танымал қызмет қатарында. Жыл басынан бері ЖЗШ, ШЗШ, НЖШ-дан 21,0 млн астам үзінді көшірме берілді. Оның ішінде 16,7 млн астам үзінді көшірме электронды түрде және 3,7 млн астамы автоматты режимде рәсімделген.БЖЗҚ сайттағы және ұялы қосымшадағы Жеке кабинетте салымшылардың (алушылардың) өз деректемелеріне, банктік деректемелеріне өзгерістер мен толықтырулар енгізу, ЖЗШ бар екендігі туралы анықтама алу, 1 немесе 2 топтағы мүгедектіктің мерзімсіз белгіленуіне байланысты немесе ерікті зейнетақы жарналары бойынша зейнетақы төлемдерін тағайындау туралы өтініш беру сияқты қызметтерді пайдалануға мүмкіндіктері бар екенін еске салады. Сондай-ақ, зейнетақы жарналарын төлеу туралы өтініштің мәртебесін қадағалау, инвестициялық портфельді басқарушыға (ИПБ) жинақтардың бір бөлігін аудару, зейнетақы калькуляторының көмегімен болашақ зейнетақыны болжамды есептеу, ерікті зейнетақы жарналарын аудару және т.б. қызметтер әлемнің кез-келген нүктесінде 24/7 режимінде қолжетімді. 2024 жылғы қаңтар-қазан айларында деректемелерді өзгертуге 171,4 мыңнан астам өтініш қабылданып, оның 156,4 мыңы Қордың кеңселерінде ұсынылды.БЖЗҚ мамандарына қандай да бір қызмет түрі бойынша жүгіне отырып, салымшылар, әдетте, жинақтарды қалыптастыруға қатысты қосымша кеңестер ала алады. Ақпараттық-түсіндіру жұмыстары аясында 35,3 мыңнан астам көшпелі таныстырылым өткізіліп, оған 740,3 мың адам қатысты. Бұқаралық ақпарат құралдарында БЖЗҚ хабарламалары бойынша 35,0 мың материал жарияланды.Салымшылардың кері байланыс арналары бойынша түскен өтініштерінің саны шамамен 528,5 мың. Естеріңізге сала кетейік, кез келген компания Қор кеңсесіне барып жинақтаушы зейнетақы жүйесінің мәселелері бойынша таныстырылым мен кеңестер өткізуге өтінім бере алады. Ол үшін 1418 нөмірі бойынша байланыс орталығына қоңырау шалып, Қор сайты немесе ұялы қосымшасы арқылы хабарласу қажет. БЖЗҚ-ның кеңес беру қызметтерін мессенджерлер (+7 777 000 14 18 нөмірі бойынша WhatsАpp және Viber чат-боттары) арқылы, 1418 нөмірі бойынша байланыс орталығынан (Қазақстан бойынша қоңырау шалу тегін), enpf.kz корпоративтік сайтынан, сондай-ақ, Instagram, Facebook, ВКонтакте, X(Twitter), Telegram, Одноклассники сияқты әлеуметтік желілердегі БЖЗҚ-ның ресми парақшаларынан алуға болады. БЖЗҚ 2013 жылғы 22 тамызда «ГНПФ» ЖЗҚ» АҚ негізінде құрылды. БЖЗҚ құрылтайшысы және акционері – Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы Қазақстан Республикасының Үкіметі. БЖЗҚ зейнетақы активтерін сенімгерлікпен басқаруды Қазақстан Республикасының Ұлттық Банкі жүзеге асырады. Зейнетақы заңнамасына сәйкес БЖЗҚ міндетті зейнетақы жарналарын, жұмыс берушінің міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, сондай-ақ "Қазақстан Республикасының екінші деңгейдегі банктерінде орналастырылған депозиттерге міндетті кепілдік беру туралы" Қазақстан Республикасының Заңына сәйкес депозиттерге міндетті кепілдік беруді жүзеге асыратын ұйым аударған кепілдік берілген депозит бойынша кепілдік берілген өтемнің талап етілмеген сомасы есебінен қалыптастырылған ерікті зейнетақы жарналарын есепке алып, оның есебін жүргізеді, зейнетақы төлемдерін жүзеге асыруды қамтамасыз етеді. Сондай-ақ Қор нысаналы активтер мен нысаналы талаптарды есепке алуды, нысаналы жинақтау шоттарына нысаналы жинақтарды (НЖ) есепке алу мен есептеуді, НЖ төлемдерін оларды алушының банк шоттарына есептеуді, "Ұлттық қор – балаларға" бағдарламасы шеңберінде Қазақстан Республикасының Үкіметі айқындаған тәртіппен НЖ қайтарымдарын есепке алуды жүзеге асырады (толығырақ www.enpf.kz сайтында).Ақпарат көзі : https://www.gov.kz/memleket/entities/abay/press/news/details/893257

Абай облысы әкімінің орынбасары Димитрий Гариковтың төрағалығымен облыс бюджетінің игерілуінің ағымдағы жылдың 11 айлық қорытындысы, бюджеттің кіріс бөлігінің орындалуы, кредиттік шарттар жасасу бойынша облыс басқармалары, департамент басшыларының және қала, аудан әкімдерінің орынбасарларының қатысуымен жиналыс өткізілді.Жиналыс барысында Қазақстан Республикасы Бюджет кодексінің 104 бабына сәйкес облыстық бюджет қаражатын тиімді, толық және сапалы игеру, бюджеттің кіріс бөлігінің орындалуын бақылауға алу және кредиттік шарттар жасасу бойынша тапсырмалар берілді.Ақпарат көзі : https://www.gov.kz/memleket/entities/abay/press/news/details/893620

Ақсуат ауданына жасаған жұмыс сапары барысында облыс әкімінің орынбасары Жасұлан Сәрсебаев негізгі әлеуметтік-мәдени нысандардың жағдайын бағамдап, алдағы даму жоспарларын талқылады.Соның ішінде Екпін ауылындағы Мәдениет үйіне ерекше көңіл бөлінді. Ғимараттың жалпы ауданы 594,1 шаршы метр, құрылыс көлемі 3158,5 текше метрді құрайды. Бұл халық шығармашылығын дамытудың маңызды алаңы. Мұнда ұлттық және мемлекеттік мерекелер аясында іс-шаралар өткізіліп, мемлекеттік тіл саясаты жүзеге асырылады. Жас таланттарға қолдау көрсетіледі. Ақсуат мәдениет үйі жас таланттарды қолдап, «Мәдени мұра» бағдарламасын жүзеге асырып жатыр.Әкім орынбасары Ы. Кабеков атындағы орта мектепке де барды. 572 орынға есептелген білім ордасы бүгінде 1-11 сыныптарда 354 оқушыға және мектеп жасына дейінгі 25 балаға білім мен тәрбие беріп отыр. Мектеп ғимараты күрделі жөндеуді қажет ететіні анықталды. Мектептегі қауіпсіздік пен оқу сапасын арттыру мақсатында тиісті шешімдер қабылдау жоспарлануда.Қожагелді батыр атындағы орта мектепте де тексеру жүргізілді. 437 орындық мектепте мектеп жасына дейінгі 91 бүлдіршінді қосқанда 849 оқып, тәрбиеленуде. Оқу процесін жақсарту үшін қажетті ресурстармен қамтамасыз ету жөнінде нақты ұсыныстар қарастырылды. Сондай-ақ сапар барысында Ақсуат колледжінің инфрақұрылымы мен оқу-өндірістік базасына ерекше назар аударылды. Қазір мұнда оқу шеберханасы құрылуда.«Оқушыларға қолайлы жағдай жасау үшін оқу үдерісін оңтайландыру және қосымша оқу ғимараттарын салу мәселесін пысықтау қажет», - деп тапсырды Жасұлан Сәрсебаев.Марат Имашев атындағы балалар мен жасөспірімдер спорт мектебінің кешенінде жүзу бассейні, спорт және бокс залы бар. Онда 10 жаттықтырушының жетекшілігімен 204 спортшы жаттығады. Кешенде барлығы 24 педагог жұмыс істейді. Ауданда жалпы ауданы 210 шаршы метрді құрайтын Еңбек мобильділігі орталығының филиалы және Арнаулы әлеуметтік қызмет көрсету орталығы орналасқан. Мекемеде заңгер, кеңесші және бағдарламашыдан құралған 23 адам бар.Жұмыспен қамту шаралары қызу талқыланды. Қазір 402 жұмыссыз тіркелген, оның 227-сі жұмыспен қамту шараларымен қамтылған. Бос жұмыс орындары арқылы 580 адам жұмысқа орналастырылды.Ақпарат көзі : https://www.gov.kz/memleket/entities/abay/press/news/details/893623

2003 жылы қабылданған Су кодексіне 20 жылда 272 өзгеріс енгізілді. Су саласының сарапшысы Әмірхан Кеншімов жаңа Су кодексі жобасына қатысты пікір білдірді. Оның сөзіңше, қолданыстағы кодексте көптеген нормалар декларативті, кей нормалар қайталанады және логикалық тұрғыда сәйкес келмейтін тұстары бар.«2003 жылы қабылданған Су кодексі сол кездегі су саясаты мен экономикалық жағдайды назарға ала отырып жасалды. Сол себепті климаттық өзгерістер орын алып жатқан қазіргі заман сұранысына сай емес. Жаңа редакцияда кодекс нормалары жүйеленіп, су ресурстарын үнемдеуге және оны қорғауға басымдық беріледі. Мәселен, бассейндік инспекцияларға мемлекеттік бақылау функцияларымен қатар тергеу функциялары да беріліп отыр. Бұл суды заңсыз пайдаланушылармен күресті күшейтуге мүмкіндік береді»,-деді инженер-гидротехник Әмірхан Кеншімов.Су ресурстары және ирригация министрлігі әзірлеген жаңа Су кодексінің жобасын Мәжіліс депутаттары бірінші оқылымда бірауыздан мақұлдады.Құжат климаттың өзгеруіне бейімделуге және су үнемдеу принциптерін енгізуге айрықша назар аударады. Алғаш рет су нысандарын сарқылудан және басқа да жағымсыз салдардан қорғайтын «экологиялық ағын» ұғымы енгізіледі. Сондай-ақ, шағын көлдерді, өзендер мен тоғандарды, мұздықтар мен сулы-батпақты аймақтарды қорғау жөнінде нормалар енгізілді.Мемлекет басшысының тапсырмасы бойынша кодекс жобасына елді мекендер мен нысандарды тасқын және еріген қар суынан қоғау және алдын алу іс-шаралары енгізілді. Су ресурстарын басқарудағы үйлестіруді жақсарту үшін мемлекеттік және жергілікті атқарушы органдардың, жергілікті уәкілетті органдардың құзыреттері айқындалды.Ақпарат көзі : https://www.gov.kz/memleket/entities/water/press/news/details/892855

Қазақстан 29 қараша мен 1 желтоқсан аралығында Гуанчжоуда өтетін 21-ші Қытай халықаралық ауыл шаруашылығы өнімдерінің көрмесінің құрметті қонағы болды.Қазақстандық ауыл шаруашылығы өнімін өндірумен айналысатын 30-дан астам жетекші кәсіпорын қазақстандық АӨК-тің халықаралық әріптестер мен инвесторлар үшін әлеуеті мен мүмкіндіктерін көрсетті.«Гуанчжоудағы көрмедегі Қазақстанның ұлттық экспозициясы-елдің ауыл шаруашылығы өнімдерінің халықаралық нарығындағы ұстанымын нығайтуға және оның жоғары сапа стандарттарын көрсетуге жасалған маңызды қадам.Бүгін мұнда өз өнімдерін Қазақстанда өндіретін ауыл шаруашылығы өнімдерінің сапасы мен алуан түрлілігін көрсететін компаниялар таныстырылды», - деп павильонның ашылуында атап өтті ауыл шаруашылығы вице-министрі Ермек Кенжеханұлы.Павильонға ауыл шаруашылығы және ауылдық істер министрі Хан Цзюнь қатысты.Павильонда made in KZ жоғары сапалы өнімдері ұсынылған: мақсары, күнбағыс, рапс майлары, түйіршіктелген жем, ет өнімдері, құс шаруашылығы өнімдері, ұн, сусындар, отандық «апорт» бренді, құрғақ бие және түйе сүті, бал, балмұздақ және т.б.Глютен, крахмал, биоэтанол сияқты астықты терең өңдеу өнімдері келушілердің ерекше қызығушылығын тудырды. Бұл тауарлар Үндістанға, АҚШ-қа, Колумбияға, ТМД елдеріне және Еуропалық Одақта сұранысқа ие және экспортталады.Сондай-ақ, көрме аясында ауыл шаруашылығын дамытуға қолдау көрсету жөніндегі форум ұйымдастырылды, онда ҚХР Ауыл шаруашылығы және ауылдық істер министрі Хан Цзюнь, Гуанчжоу провинциясы үкіметінің қызметкерлері, сарапшылар мен ғалымдар, ауыл шаруашылығы тауарын өндірушілер, қаржы және инвестициялық институттар өкілдерінің қатысуымен АӨК-нің өзекті мәселелері талқыланды.Вице-министр ҚХР Қазақстанның ауыл шаруашылығы саласындағы стратегиялық және агроөнеркәсіптік өнім саласындағы ірі сауда серіктесі болып табылатынын атап өтті. 2023 жылы Қытаймен агроөнеркәсіптік өнім айналымы 1,7 есеге артып, 1,3 млрд доллардан асты.«Қазір азық-түлік қауіпсіздігі бүкіл әлем үшін өзекті мәселе болып табылады және Қазақстан оны қамтамасыз етуде маңызды рөл атқарады. Соңғы бес жылда АӨК өнімдерінің экспорты екі есеге жуық өсті және біз оны алдағы бес жылда 10 миллиард долларға дейін жеткізуді мақсат етіп отырмыз. Біздің еліміз әлемдегі жетекші он бидай экспорттаушының арасында берік орын алады және мал шаруашылығындағы өз позициясын айтарлықтай күшейтуде. ҚР Үкіметі іске асыратын ұзақ мерзімді аграрлық саясат агробизнесті жүргізу үшін қолайлы жағдайлар жасайды және секторды қолдауды қамтамасыз етеді. Сапалы мал шаруашылығы өнімдерін экспорттау, ауыл шаруашылығы өнімдерін өндіру мен өңдеу көлемін ұлғайту біз үшін басымдық болып қала береді. Сондай - ақ біз тікелей шетелдік инвестицияларды тартуды жалғастырамыз және өзара тиімді ынтымақтастыққа баса назар аудара отырып, бірлескен өндірістер құрудамыз», - деді ол.Қытай инвесторларының қатысуымен Қазақстан аумағында бірқатар маңызды жобалар сәтті жүзеге асырылды, оның ішінде СҚО-да рапс майын өндіру, Түркістан қаласында түйе және бие құрғақ сүтін өңдеу және өндіру. Шамамен 700 млн.доллар сомасына тағы 5 инвестициялық жобаны іске асыру мәселесі пысықталуда.Ақпарат көзі : https://www.gov.kz/memleket/entities/moa/press/news/details/893063

Мемлекет басшысы жақында өткен агрофорумда агроөнеркәсіптік кешен экономикалық өсімнің негізгі күштерінің бірі саналатынын атап өтті. Үкімет АӨК дамыту жөніндегі міндеттерге қол жеткізу мақсатында кешенді шаралар қабылдауда. Қазақстанда Премьер-министрдің тапсырмасы бойынша фермерлердің өтініш-тілектерін ескере отырып, осы жылдың 29 қарашасынан бастап 2025 жылғы көктемгі егіс және егін жинау жұмыстарын жүргізуді қаржыландыру басталды.Президенттің тапсырмасын орындау шеңберінде 2025 жылғы көктемгі егіс және егін жинау жұмыстарына 700 млрд теңгеге дейін бағытталады, оның 560 млрд теңгесі капиталдың нарықтық көздерінен тартылатын болады.Бүгіннен бастап «Аграрлық несие корпорациясы» АҚ жылдық 5% деңгейінде жеңілдікті сыйақы мөлшерлемесімен «Кең дала 2» бағдарламасы бойынша қаржыландыру тетігі іске қосылды. 684 ауыл шаруашылығы тауарын өндірушілерден шамамен 82 млрд теңге сомаға өтінімдердің жалпы пулы қалыптастырылды, оның ішінде 176 өтінім жұмысқа қабылданды. Тағы 508 өтініш бойынша 59,9 млрд теңгеге құжаттар жиналады. Қаржыландыру алғаш рет көктемгі егіс және егін жинау жұмыстарын жүргізуден бұрын басталғанын атап өту маңызды, бұл фермерлерге тұқымды, тыңайтқышты алдын-ала сатып алуға, техниканы дайындауға және барлық қажетті жұмысты сапалы жүргізуге мүмкіндік береді. Үкімет қабылдаған шаралардың арқасында шаруалар өздеріне барынша қолайлы жағдайлар бойынша жедел қаржылық қолдау алады. Бұдан басқа, қарыздарды ресімдеу үшін де, оларды кейіннен өтеу үшін де жүгінуге болатын қаржы институттарының саны ұлғайды. Қаражатқа екінші деңгейлі банктер, несиелік серіктестіктер, әлеуметтік-кәсіпкерлік корпорациялар және Аграрлық несие корпорациясы арқылы қол жеткізуге болады. Сондай-ақ кәсіпкерлер жиі көтеретін кепілмен қамтамасыз етудің жетіспеушілігі мәселелерін шешу үшін «Кең дала 2» бағдарламасы бойынша қарыз сомасының 85%-ын «Даму» кәсіпкерлікті дамыту қоры кепілдік береді.Консультация алу және өтінімдер беру үшін «Аграрлық несие корпорациясы» АҚ-ның жақын маңдағы өңірлік филиалдарына жүгіну қажет. Қосымша ақпаратты Agrocredit.kz сайтынан алуға болады және Kcell, Activ, Beeline абоненттері үшін 5353 Call center нөмірі, Tele 2, Altel үшін 8 701 006 19 91 телефон нөмірі жұмыс істейді.Ақпарат көзі : https://www.gov.kz/memleket/entities/moa/press/news/details/893283

Президент Қасым-Жомарт Тоқаев ауыл шаруашылығы қызметкерлерінің бірінші форумында сөйлеген сөзінде елімізде жылқы шаруашылығын дамытудың маңыздылығын атап өтіп, Үкіметке қысқа мерзімде жылқы шаруашылығы институтын құруды тапсырды. Мемлекет басшысының алға қойған міндетін орындау мақсатында қазақ жылқы шаруашылығы және жем өндіру ғылыми-зерттеу институты Ақтөбе облысындағы тәжірибе станциясының базасында құрылды.Бүгін Ақтөбеде Қазақстанда жылқы шаруашылығын дамыту және ҒЗИ ашу мәселелеріне арналған дөңгелек үстел өтті. Оған ҚР Ауыл шаруашылығы вице-министрі Аманғали Бердалин, Мәжіліс депутаттары, еліміздің жетекші ғалымдары мен мамандары қатысты.Іс-шараны облыс әкімі Асхат Шахаров ашты. Ол жергілікті атқарушы орган тарапынан жаңа ғылыми-зерттеу институтын дамытуға жан-жақты қолдау көрсетілетінін атап өтіп, дөңгелек үстел мүдделі тараптар арасындағы диалогты тереңдетуге ықпал ететініне сенім білдірді.Бұдан кейін облыс әкімі ҚР Ауыл шаруашылығы вице-министрі Аманғали Бердалинге сөз беріп, вице-министр отандық жылқы шаруашылығындағы жағдай туралы айтып берді. Бүгінде Қазақстанда жылқылардың жалпы саны 4,1 миллион басты құрайды. Сонымен бірге асыл тұқымды жылқылардың саны 46 мың басты құрайды немесе барлық малдың бір пайызынан сәл ғана асады.«Мемлекет басшысы асыл тұқымды жылқыларды іріктеу мен өсіруге ерекше назар аудару, сол арқылы асыл тұқымды мал басының үлесін арттыру қажеттігін атап өтті. Жалпы, соңғы бес жылда саланы субсидиялауға 4,9 млрд. теңге бағытталды. Ағымдағы жылы атқа мінетін бағыттағы жылқылардың отандық тұқымдарын сақтау және өсімін молайту жөніндегі арнайы заң қабылданды. Үкімет заңды жүзеге асыруға кірісті», - деді Аманғали Бердалин.Вице-министр 2024-2026 жылдарға арналған бағдарламалық-нысаналы қаржыландыру шеңберінде Адай және Қостанай жылқыларын жетілдіруге, сондай-ақ Жебе, Көшім және Мұғалжар сияқты бағыттарда өнімді жылқы шаруашылығын дамытуға бағытталған екі ғылыми-зерттеу бағдарламасы басталғанын атап өтті. Бұл мақсаттарға мемлекеттік бюджеттен шамамен 1,5 млрд теңге бөлінді.Жаңа Жылқы шаруашылығы және жемшөп өндіру институтының негізгі міндеті жылқылардың асыл тұқымды қасиеттерін жақсарту және отандық тұқымдарды халықаралық нарықтарда белсенді ілгерілету бойынша ғылыми-зерттеу жұмыстарын жүргізу болып табылады. Институт алдағы бес жыл ішінде асыл тұқымды жылқылардың санын 6-7%-ға көбейтуді мақсат етіп отыр. Сонымен қатар, еліміздің аграрлық университеттерінде жылқы шаруашылығы бойынша тереңдетіп оқыту жоспарлануда.Кадр тапшылығы мәселесі дөңгелек үстелге қатысушылар арасында ең көп талқыланатын мәселелердің біріне айналды. Сондай-ақ бірқатар ұсыныстар айтылды, оның ішінде өңірлерде зерттеу жұмыстарын жүргізу үшін тұрақты комиссия құру, жоғары оқу орындарында жоғары білікті кадрларды даярлау жөніндегі жұмысты күшейту, жылқы шаруашылығымен айналысатын ғалымдардың ұрпақтары арасында сабақтастық байланыс орнату.Дөңгелек үстелге қатысушылар жүйелі көзқарас пен ғылыми-зерттеу институтын құру Қазақстанда жылқы шаруашылығын тұрақты дамыту үшін сенімді іргетас болатынына сенім білдірді.Ақпарат көзі : https://www.gov.kz/memleket/entities/moa/press/news/details/893399

Қазақстан құрметті қонақ болып табылатын 21-ші қытайлық халықаралық ауыл шаруашылығы өнімдері көрмесі аясында ҚР делегациясы Гуандун провинциясының жетекші ауыл шаруашылығы компанияларымен кездесу өткізді.ҚР Ауыл шаруашылығы вице-министрі Ермек Кенжеханұлы Қытай Қазақстанның басым сауда-экономикалық және инвестициялық серіктестерінің бірі болып табылатынын атап өтті.«Ауыл шаруашылығы екіжақты қатынастардың негізгі құрамдас бөлігі болып табылады. 2023 жылы Қытаймен агроөнеркәсіптік өнімнің тауар айналымы 1,7 есе өсіп,1,3 млрд.доллардан асты. Бұл біздің осы саланы дамытуға деген қызығушылығымызды көрсетеді.Қытайға ең көп дәнді және майлы дақылдарды, өсімдік майларын экспорттаймыз. ҚХР-дан жеміс-көкөніс өнімдері, цитрус жемістері, жаңғақтар импортталады.Бұл айналым динамикасының шегі емес. Біздің елдеріміз арасында үлкен іске асырылмаған әлеует бар»,-деді вице-министр.Қазақстанда жыл сайын шамамен 20 млрд. ауыл шаруашылығы өнімдері, қайта өңдеу өнімдері-6 млрд. өндіріледі.Соңғы 5 жылда АӨК өнімі экспортының жалпы көлемі 2 есеге артып, 5,4 млрд.долларға жетті. Алдағы бес жылда бұл көрсеткішті 10 млрд.долларға жеткізу жоспарлануда.Қазақстан бидайдың әлемдегі жетекші 10 экспорттаушысының қатарына кіреді және ұн экспорты бойынша жетекші орынға ие. Өнімдер Қытайда да жақсы сұранысқа ие.Қазақстандық делегация мүшелері басым бағыттардың қатарында жоғары сапалы мал шаруашылығы, өсімдік шаруашылығы өнімдерін және оны қайта өңдеу өнімдерін экспорттау бар екенін атап өтті.«Біз қытайлық инвесторлардың Қазақстанның АӨК секторына деген қызығушылығының айтарлықтай өскенін байқаймыз.Қытай инвесторларының қатысуымен Қазақстан аумағында АӨК саласындағы бірқатар маңызды жобалар сәтті іске асырылды, тағы 5 инвестициялық жобаны іске асыру жоспарлануда.Бұл Қазақстанға деген үлкен сенімнің белгісі және біздің елімізде ауыл шаруашылығын дамытуға және инвестициялық ахуалды жақсартуға ерекше көңіл бөлінетіндігінің дәлелі», - деп атап өтті ҚХР жетекші компанияларын ынтымақтастыққа шақырған вице-министр.Тараптар тауар айналымын, инвестицияларды ұлғайту мәселелерін талқылады.Ақпарат көзі : https://www.gov.kz/memleket/entities/moa/press/news/details/893424

ҚР Әділет министрлігінде Әділет министрі Азамат Есқараев пен Францияның Қазақстандағы Төтенше және Өкілетті Елшісі Гиоге Сильванның кездесуі өтті.Азамат Есқараев Сильван мырзаны жақында Францияның Қазақстандағы Елшісі қызметіне тағайындалуымен құттықтап, оның негізгі дипломатиялық міндеттерді шешудегі кәсіби тәжірибесін атап өтті. Министр Қазақстан мен Франция арасындағы заң үстемдігі мен әділеттілік қағидаттарына негізделген әріптестік қарым-қатынастардың одан әрі нығая түсетініне сенім білдірді.Әділет министрі Сильван мырзаға сапары үшін алғыс білдіріп, екіжақты қарым-қатынастарды дамытуға ықпал ететін нәтижелі диалогтың жалғасын табатынын айтып өтті.Кездесу қорытындысы бойынша тараптар осы бағытта әрі қарай өзара іс-қимыл жасауға және құқықтық саладағы ынтымақтастықты нығайтуға дайын екендіктерін білдірді.Ақпарат көзі : https://www.gov.kz/memleket/entities/adilet/press/news/details/892765