Жетісу облысының Ескелді ауданында осы жылдың он айында ірі қара, ұсақ мал, мен жылқы саны ұлғайды. Сонымен бірге ет, сүт өндірісі артып, мал бордақылау алаңдарының жүктемесі өткен жылғы көрсеткіштен 1,6 есеге өсті. Бұл туралы бүгін Ескелді ауданының тұрғындарымен кездесуі кезінде облыс әкімі Бейбіт Исабаев айтты, - деп хабарлайды Жетісу облысы әкімінің баспасөз қызметі.Атап айтқанда, ірі қара 41,2 мың басқа, ұсақ мал 145,7 мың басқа, жылқы 13,4 мыңға жеткен.- Ауданда жобалық қуаты 2350 басқа арналған 9 тауарлы сүт фермасы, 1900 басқа арналған 4 мал бордақылау алаңы бар, олар бүгінгі күні 82%-ға жүктелген. Сол сияқты биыл ауданның ветеринариялық қызметін жақсартуға 341 млн. теңге бөлінді. Өткен жылы Бақтыбай, Жалғызағаш, Қоңыр ауылдарына модульді ветеринариялық пункттер, биыл Қайнарлы, Жетісу және Ақын Сара ауылдық округтерінде осындай пункттер қолданысқа берілді. Оған қоса соңғы екі жылда 4 арнайы автокөлік алынып, саланың материалдық-техникалық базасы жаңартылды, - деді аймақ басшысы Б. Исабаев. Жетісу облысы әкімінің баспасөз қызметіФотограф: Жеңіс Ысқабай Ақпарат көзі : https://www.gov.kz/memleket/entities/zhetysu-oblysy/press/news/details/895998

Жетісу облысының Ескелді ауданында 10 айдың қорытындысы бойынша жұмыс істеп тұрған шағын және орта бизнес субъектілерінің саны 4 мыңға жуықтады, онда 7 мың адам жұмыспен қамтылған. Бұл жайында бүгін облыс әкімі Бейбіт Исабаевтың Ескелді ауданы тұрғындарымен кездесуі барысында белгілі болды, - деп хабарлайды Жетісу облысы әкімінің баспасөз қызметі.Аудандағы бизнес субъектілерінен бюджетке 1,4 млрд. теңге салық жиналып, бұл көрсеткіш былтырғыдан 30%-ға артқан. Ал өткен 10 айда мұндағы өнеркәсіп өндірісінің көлемі 7,6 млрд. теңгені құрады, жыл соңына 3% өсіммен 8,4 млрд. теңгеге дейін жеткізу жоспарланып отыр. Осы орайда саланы мемлекеттік қолдау аясында биыл ауданда 653 млн. теңгеге 16 жоба субсидияланып, 10 жобаға кепілдік берілді.Жыл басынан ауданға 25,5 млрд. теңге инвестиция тартылды, бұл өткен жылдың сәйкес мерзімінен 1,8 есеге артық, тартылған инвестициялардың20,4 млрд. теңгесі немесе 80%-ы бюджеттен тыс көздерге тиесілі. Биыл ауданда 10,3 млрд. теңгеге жоспарланған, 5 жобаның 3-еуі жүзеге асырылды.- Қалған 2 жобаны жылдың аяғына дейін іске асыру көзделген. Олардың ішіндегі ірісі – құны 10,2 млрд. теңгені құрайтын Қора су электр станциясы. Сонымен қатар 2025-2027 жылдары Қора өзенінде қуаттылығы жылына 18,5 млн. кВт/сағ болатын тағы бір ГЭС құрылысы жоспарланып отыр, - деді Б. Исабаев. Жетісу облысы әкімінің баспасөз қызметіФотограф: Жеңіс ЫсқабайАқпарат көзі : https://www.gov.kz/memleket/entities/zhetysu-oblysy/press/news/details/896007

Жетісу облысының Ескелді ауданында соңғы екі жылда 39 мыңның астам тұрғынның көгілдір отынға қол жеткізуіне мүмкіндік жасалған, яғни газдандырылуға жататын 21 елді мекеннің 12-сіне газ құбыры тартылды. Бұл туралы бүгін Ескелді ауданының халқымен кездесуі кезінде облыс әкімі Бейбіт Исабаев айтты, - деп хабарлайды Жетісу облысы әкімінің баспасөз қызметі.- Тағы 7 елді мекенде – Көкжазық, Теректі, Қаратал, Абай, Шымыр, Жастар, Ақтасты ауылдарында газ тарату желілерін салу жұмыстары жүргізілуде. Оның ішінде 5 елді мекеннің жұмыстары жылдың соңына дейін бітеді. Ал Көкжазық, Теректі ауылдарында келесі жылы аяқталады, - деді өңір басшысы Б. Исабаев.Оған қоса Қайнарлы мен Жалғызағаш ауылдарына газ тарту үшін республикалық бюджетке өтінім ұсынылды. Соның нәтижесінде 2025 жылдың соңына дейін жалпы саны 48 мың адам тұратын 21 елді мекен газға толық қол жеткізіледі. Осылайша 2025 жылы Ескелді ауданы толық газдандырылады.Жетісу облысы әкімінің баспасөз қызметі. Фотограф: Жеңіс ЫсқабайАқпарат көзі : https://www.gov.kz/memleket/entities/zhetysu-oblysy/press/news/details/896010

Биыл Жетісу облысының Ескелді ауданында 4 мектеп пен балабақшаға жөндеу жүргізілді, сондай-ақ денсаулық сақтау, мәдениет және спорт салаларындағы 12 жаңа нысанды іске қосу жоспарлануда. Оның 5-і пайдалануға берілді, қалған 6-ын желтоқсан айының соңына дейін іске қосу көзделген. Бұл туралы бүгін облыс әкімі Бейбіт Исабаевтың Ескелді ауданының тұрғындарымен кездесуі барысында айтылды, - деп хабарлайды Жетісу облысы әкімінің баспасөз қызметі.М. Мәметова атындағы және Қоңыр ауылындағы орта мектептер мен М. Баисов ауылындағы балабақша күрделі жөндеуден өтті, ал Алдабергенов ауылындағы балабақшаға ағымдағы жөндеу жүргізілді. Қаблиса жырау атындағы және Қайнарлы ауылындағы орта мектептерге автобус пен «Газель» автокөлігі сатып алынды. Аудандағы 11 мектептің кітапханасы жаңартылды.- Халықтың өтінішін ескере келе, Ешкіөлмес және Жаңалық ауылдарында 180 және 120 орынды екі жаңа мектеп құрылысының жобалық-сметалық құжаттары дайындалып жатыр. Мемлекеттік сараптама қорытындысы жыл соңына дейін шығады деп күтілуде. Ал Қарабұлақ ауылындағы орта мектеп пен Елтай ауылындағы С. Сейфуллин атындағы мектепке күрделі жөндеу жұмысының жобалық-сметалық құжаттамасы дайын, мемлекеттік сараптаманың қорытындысы алынды. Бюджетті нақтылау кезінде бұл екі жобаға да тиісті қаражат қарастырылады. Сонымен қатар аудандағы білім беру мекемелерін газдандыру жұмыстары жүргізілуде. Қарабұлақ ауылындағы Шестаков атындағы мектеп бюджет қаражаты есебінен, ал Сырымбет ауылындағы Жақыпбаев атындағы мектеп демеуші көмегімен газға қосылды, - деп атап өтті Б. Исабаев.Денсаулық сақтау мәселесіне келсек, саланың инфрақұрылымын жақсарту мақсатында биыл Екпінді және Жаңалық ауылдарында 2 блокты-модульді медициналық пункт орнатылды, Тәуелсіздік күні қарсаңында Ақешкі ауылында да іске қосылады. Сол сияқты «Ауылдағы денсаулық сақтауды жаңғырту» ұлттық жобасы аясында ауданда 5 нысан салынады. Соның ішінде Шымырдағы дәрігерлік амбулатория мен М.Баисов ауылындағы фельдшерлік-акушерлік пункттің құрылысы осы айда аяқталса, осындай нысандар Жастар, Қайнарлы, Жалғызағаш ауылдарында келесі жылы салынады. Соның нәтижесінде денсаулық сақтау саласының инфрақұрылымы ауданның 8 ауылында жақсарады. Мәдениет саласы да назардан тыс қалмайды. «Ауыл-ел бесігі» жобасы аясында Қаратал ауылында 100 орынға арналған мәдениет үйінің құрылысы аяқталып, Қоңыр және Жалғызағаш ауылдарында блокты-модульді клуб қолданысқа берілді. Тағы бір клуб Ақын Сара ауылында келесі аптада іске қосылады. Спорт саласында Елтай, Шымыр, Жетісу ауылдарында 3 блокты-модульды спорттық кешенінің құрылысы жүргізілуде, Тәуелсіздік күні қарсаңында қолданысқа беріледі.Жалпы, 2022-2024 жылдары ауданға инфрақұрылымдық, әлеуметтік нысандарды салуға, қайта жаңғыртуға және жобалау жұмыстарына облыстық бюджеттен 25,9 млрд. теңге бөлінген.Жетісу облысы әкімінің баспасөз қызметі.Фотограф: Жеңіс ЫсқабайАқпарат көзі : https://www.gov.kz/memleket/entities/zhetysu-oblysy/press/news/details/896025

Жетісу облысының ең негізгі табиғи әрі туристік көрнекті жерлерінің бірі – Бұрханбұлақ сарқырамасына апаратын жолдың құрылысы келесі жылы басталады. Бұл туралы облыс әкімі Бейбіт Исабаев Ескелді ауданының тұрғындарымен кездесуде мәлімдеді, - деп хабарлайды Жетісу облысы әкімінің баспасөз қызметі.- Ескелді ауданы – туристік әлеуеті жоғары өңірлердің бірі. Осы жылдың 10 айында туристерді қабылдайтын нысандарда 41 мың адамға қызмет көрсетіліп, соның ішінде ақылы қызмет көрсету көлемі 25 млн. теңгеге жетті. Осы ретте Бұрқанбұлақ сарқырамасына апаратын 31 км автожолды жөндеу жұмыстары келесі жылы басталатынын атап өту керек. Бұл мақсатқа 2025 жылы республикалық бюджеттен 3 млрд. теңге қаражат бөлінеді. Сондықтан туризмді дамыту үшін инфрақұрылымды жақсартып, жаңа қонақ үйлер, демалыс базаларын салып, жолдарды жөндеу қажет. Интернет-ресурстар мен әлеуметтік желілер арқылы көрікті жерлерді кеңінен насихаттап, экотуризм мен агротуризм бағыттарын дамыту керек, - деп атап өтті өңір басшысы Б. Исабаев.Еске салсақ, Жетісудың туризм саласы 5 дестинацияның әлеуетін тірек етеді. Олар - Алакөл мен Балқаш көлдері, «Алтынемел» және «Жоңғар Алатауы» ұлттық парктері, Жоңғар Алатауының таулы алабы.Жетісу облысы әкімінің баспасөз қызметі.Фотограф: Жеңіс Ысқабай Ақпарат көзі : https://www.gov.kz/memleket/entities/zhetysu-oblysy/press/news/details/896033

Бүгін облыс әкімі Бейбіт Исабаев Ескелді ауданына барған жұмыс сапары аясында аудан тұрғындарымен кездесу өткізді, - деп хабарлайды облыс әкімінің баспасөз қызметі.Халықпен кездесуде баяндама жасаған Бейбіт Исабаев әлеуметтік инфрақұрылымды жақсартуға бағытталған шараларға, облыстың ауыл шаруашылығы саласын дамытудағы ауданның қосқан айрықша үлесіне назар аудара отырып, өңірдің алдағы жоспарларына, басқа да негізгі бағыттарға тоқталды. Аудан басшылығының алдына жер қатынастарына қатысты бірқатар міндеттер қойды, атап айтқанда жердің мақсатты пайдаланылуын бақылау, конкурстар мен аукциондар арқылы жер беру жұмыстарын жандандыру жүктелді.- Өткен он айдың қорытындысы бойынша Жетісу облысындағы қысқа мерзімді экономикалық көрсеткіш 112,6% құрады. Бұл - республика бойынша жоғары көрсеткіштердің бірі. Біз әлеуметтік-экономикалық дамудың қол жеткізілген оң қарқынын сақтап, биылғы жылды сәтті аяқтаймыз деп жоспарлап отырмыз. Бірінші кезекте халықты сапалы ауыз сумен, табиғи газбен, жолдармен, тұрғын үймен, әлеуметтік нысандармен қамтамасыз етуге бар күш-жігерімізді жұмсаймыз. Мысалы, соңғы 2 жылда тек бір Ескелді ауданының өзінде денсаулық сақтау, мәдениет, спорт сияқты әлеуметтік салаларда 18 блок-модульді нысан іске қосылды. Соңғы деректер бойынша Ескелді және шекара маңындағы Панфилов аудандары инфрақұрылымды дамуытуда көш бастап тұр, - деп атап өтті өңір басшысы Б.Исабаев.Инфрақұрылымды дамыту жайына тоқталған облыс әкімі келесі жылы Бақтыбай ауылындағы мәдениет үйін күрделі жөндеуге және Қарабұлақ ауылында саябақ салуға қатысты мәселелер толығымен шешілетініне уәде берді. Бейбіт Исабаева газбен жабдықтау, сапалы ауыз сумен және тұрғын үймен қамтамасыз ету, сондай-ақ жолдарды жөндеу мәселелеріне де назар аударды. Атап өтсек, 2022-2024 жылдары Ескелді ауданына әлеуметтік нысандарды салуға, реконструкциялауға және жобалау жұмыстарына облыстық бюджеттен 25,9 млрд. теңге бөлінген.Сонымен қатар Бейбіт Исабаев өткен жылғы кездесуде аудан тұрғындары көтерген проблемалық мәселелерге байланысты қабылданған шараларға тоқталды. Мәселен, бүгінгі таңда 2 мәселе толығымен шешілген. Атап айтқанда, балабақша ғимаратына күрделі жөндеу және М. Баисов ауылындағы спорт алаңына жөндеу жүргізілді. Сондай-ақ Көктөбе ауылындағы жолдарды жөндеу және Шымыр ауылындағы Абай көшесін жарықтандыру үшін техникалық-экономикалық негіздемелер әзірленді. Мемлекеттік сараптаманың оң қорытындылары бар, жұмыстар келесі жылы жүргізіледі. Ақын Сара ауылында арық жүйесін салу да 2025 жылға жоспарланған.Кездесу барысында тұрғындар өздерін толғандыратын сұрақтарын қойды. Атап айтқанда, Көкжазық ауылының тұрғыны газдандыруды аяқтау, жолдарды жөндеу және ауылды жарықтандыру мерзімдері жайлы сұрады. Белгілі болғандай, қазіргі кезде көшелерді жарықтандырудың кейбір тіректері жұмыс істемейді, осыған байланысты кепілдік міндеттемесі аясында мердігер ұйым бұл мәселені қысқа уақыт ішінде реттеуге міндеттенеді. Газдандыру мен жол жөндеу жобалары өтпелі жоба қатарында, сондықтан келесі жылы аяқталады. Тағы бір тұрғын Қаратал ауылынан аудан орталығына – Қарабұлақ ауылына дейінгі жолдың сапасына алаңдайды. Осы мәселе бойынша облыс әкімі жауапты тұлғаларға нақты ұсыныстар енгізуді тапсырды.Атап өтсек, Қаратал ауылында биылғы жылы мектепке күрделі жөндеу жүргізіліп, жаңа блокты-модульді мәдениет үйі мен ауыл әкімдігі пайдалануға берілді. Облыс әкімі ауданға сапары аясында аталған жаңа нысандардың жұмысымен танысты.Жаңа 100 орындық мәдениет үйінде кітапхана, акт және спорт залдары, вокал, би, шахмат, бокс үйірмелер бар. Ауыл әкімдігіне келетін болсақ, 60-шы жылдардың соңындағы ғимарат апатты жағдайда болған. Енді қызметкерлердің тиімді жұмыс істеуі үшін жаңа ғимаратта қажетті жағдайлар бар. Еске салсақ, Қаратал ауылдық округінде 2400-ге жуық тұрғын тұрады.Сонымен қатар осы күні облыс әкімі Бейбіт Исабаев азаматтарды жеке мәселелері бойынша қабылдады.Жетісу облысы әкімінің баспасөз қызметі. Фототілші: Жеңіс ЫсқабайАқпарат көзі : https://www.gov.kz/memleket/entities/zhetysu-oblysy/press/news/details/896163

Жылы жағажай – Ақтау қаласының туристік әлеуетке ие бірден-бір аймағы. Аталған жағажай Ақтау қаласы құрылғалы бері адамдардың сүйікті демалыс орны болып табылады. Себебі, Каспий теңізінің шомылуға ыңғайлы құм жағажайлары осы аумақта орналасқан.Мемлекет басшысының тапсырмасына сәйкес облыс орталығының туристік әлеуетін арттыру мақсатында облыс әкімдігі «Жылы жағажай» аумағында орналасқан туристік нысандарға апаратын бірден-бір көліктік инфрақұрылым ұзындығы 27 км автомобиль жолын реконструкциялау жұмыстарын 2019 жылы бастады.Айта кету керек, Жылы жағажайды қажетті инфрақұрылыммен қамтамасыз ету үшін жұмыстар кешенді сипат алды. Атап айтқанда, автомобиль жолымен қатар, су, кәріз, электр энергиясы және газ желілерінің де құрылысы қатар жүргізілді.Реконструкцияланғанға дейін автомобиль жолы 1980 жылдары салынған 2 жолақты жарықтандырылмаған, жаяу жүргінші және веложолдары жоқ, заман талабына сәйкес келмейтін жол еді.Реконструкциядан соң автомобиль жолының техникалық сипаттамасы мынадай: жол бөлігінің ені– 14 метр, қозғалыс жолағының саны– 4, жарықтандыру жүйесі орнатылып, автотұрақтар, аялдамалар, жаяу жүргіншілер жолы мен веложол салынды.Жылы жағажайға баратын жолаушыларды тұрақты маршруттық автобуспен қамтамасыз ету мақсатында №6 «Әуежай-Ақтау-Жылы жағажай» тұрақты маршруты іске қосылды.Осылайша, «МАЭК» су алғышынан «Құрық» теңіз портына дейін автомобиль жолынреконструкциялау жобасы аяқталып, 2024 жылдың қыркүйек айында пайдалануға берілді. Жобаны жүзеге асыруға республикалық және жергілікті бюджеттен 9,3 млрд. теңге жұмсалды. Құрылыс жұмыстары жергілікті мердігер компаниямен жүзеге асырылды.Өңірдің туристік әлеуетін толық ашуға бағытталған кешенді жұмыстар одан әрі жалғасуда.Осы орайда, облыс әкімдігімен жоғарыда аталған жобаның логикалық жалғасы ретінде «МАЭК» су алғышынан Құрық теңіз портына дейінгі автомобиль жолын реконструкциялау 34 км (ІІ кезек)» жобасы жүзеге асырылуда.Бұл жобаны аяқтау 2026 жылға жоспарланып отыр және автомобиль жолы Ақтау порты мен Құрық портын тікелей жалғастыра отырып, Ақтау қаласының Жылы жағажай, Мұнайлы ауданының Қызылқұм жеріндегі, Қарақия ауданының Сарша жеріндегі туристік нысандардың дамуына тың серпін береді деп күтілуде.Маңғыстау облысы әкімінің баспасөз қызметіАқпарат көзі : https://www.gov.kz/memleket/entities/mangystau/press/news/details/895946

Аймақ басшысы Нұрлыбек Нәлібаев бастаған Сыр өңірі делегациясының Италиядағы жұмыс сапары жалғасуда.Бүгін делегация Флоренция қаласындағы тері өңдейтін өнеркәсіп қауымдастығының жұмысымен танысты. Санта-Кроче-суль-Арно ауданындағы зауыттар негізінен аяқ киім тігуге арналған былғары өңдеумен, киім, жиһаз және басқа да өндіріспен айналысады. Өз өнімдерін әлемнің 122-ден астам еліне экспорттайды.Ауданда тері өндірісінің шамамен 35%-ы және аяқ киім өндірісінің 98%-ы шоғырланған. Былғары өндірісі тізбегінде 600-ге жуық кәсіпорын бар, оларда 8000-нан астам адам жұмыс істейді.Облыс әкімі «Aldo Gliozzi» қауымдастығының басшысы Эцио Кастелланимен мал терісін экспорттау және аймақта былғары өңдеу өндірісін дамыту бағытында келіссөздер жүргізді.«Бірінші кезекте Қызылорда облысы мен Италия арасындағы ынтымақтастықты нығайту мақсатындағы бүгінгі кездесуге қызығушылық танытқаныңыз үшін алғыс білдіремін.Қызылорда облысы экономикасының ауқымды бөлігін тау-кен саласы құрайды. Негізінен мұнай өндіріледі, сонымен бірге, агроиндустриалды аймақ. Өңірде атқарылған жұмыстар нәтижесінде өңдеу өнеркәсібінің өсімі бойынша республикада бірінші орындамыз.Елімізде және өңірімізде мал басы жыл сайын артып келеді. Кейінгі жылдары біздің облыстың өзінде екі миллионнан астам мал тіркелген. Осы ретте тері және жүн өңдейтін кәсіпорындарды дамыту керек. Жалпы алғанда, аймақ нарығын қамтуға және алыс-жақын шетелдерге экспорттауға мүмкіндік бар.Қызылорда облысының инвестициялық әлеуетін ескеріп, тері, жүн өңдеу саласында бірлесіп жұмыс жасауға дайынбыз.Серіктес қажет болған жағдайда, өз салаларында жетістікке жеткен кәсіпкерлер сіздермен келіссөздер жүргізуге, тәжірибе алмасуға арнайы іссапармен келді», – деді Н. Нәлібаев.Өңірде негізінен ет бағытындағы, ірі қылшықты жүнді және қаракөл қой тұқымдары аудандастырылған. Жобаларды іске асыруға шикізат қоры жеткілікті. Облыс бойынша өткен жылы 848,6 тонна жүн және 215,1 мың дана тері өндірілген.Жаңа жобаларды орналастыру үшін дайын инфрақұрылымы мен 300 гектардан астам жер учаскеcі бар 6 индустриялық аймақ жұмыс жасайды.Өз кезегінде Эцио Кастеллани екіжақты әріптестікке қолдау білдіріп, алдағы уақытта бірлесіп жұмыс жасауға мүмкіндік қарастырылатынын айтты.Аймақ басшысы әрбір инвесторға қолданыстағы заңнама аясында жер телімі берілетінін, Қазақстандағы түрлі даму институттарынан қаржылай көмек алу үшін құжаттар сүйемелденетінін жеткізді.Ақпарат көзі : https://www.gov.kz/memleket/entities/kyzylorda/press/news/details/895860

Ел Президенті Қ.-Ж. Тоқаевтың бастамасымен 2024 жылдың сәуір айының басында іске қосылған «Таза Қазақстан» бағдарламасын қостанайлықтар ауқымды түрде қолдауды жалғастыруда. Бұл бастаманың мақсаты – халықтың экологиялық хабардарлығын арттыру және облыстың әртүрлі аймақтарындағы қоршаған ортаны жақсарту.Бағдарлама аясында өңірде қазірдің өзінде аумақтарды тазарту және абаттандыру, қалдықтарды жинау және қайта өңдеу бойынша креативті ауқымды іс-шаралар, сондай-ақ азаматтардың экологиялық сауаттылығын арттыруға бағытталған ағарту жұмыстары – акция, дөңгелек үстел, семинарлар ұйымдастырылып жатыр.Бағдарламаны жүзеге асыруда жергілікті кәсіпорындар және қоғамдық ұйымдармен ынтымақтастық маңызды рөл атқарады. Іс-шараларға бизнес-қауымдастық, жастар, спортшылар мен этномәдени бірлестік өкілдері белсенді қатысуда.  2025 жылдың 13 маусымы күні Қостанай ауданында «Жанашыр бол» қоғамдық қоры Қостанай ауданының тұрғындары арасында алюминий банкаларын жинау бойынша экологиялық байқау өткізді.Байқаудың мақсаты – қалдықтарды бөлек жинау мәселелеріне қоғамның назарын аудару, экологиялық мәдениетті дамыту және өскелең ұрпақ арасында тұрақты әдеттерді ынталандыру. Қатысушылардан мүмкіндігінше көп алюминий банка жинап, оларды қабылдау орнына тапсыру ұсынылды. Ең көп алюминий банка жинаған бес адамға велосипед сыйлыққа беріледі.Жарыс мамырдың басында басталып, 10 маусымда аяқталды. Қатысушылар барлығы 150 келі алюминий банка жинады. Кішкентай балалар барынша белсенділік танытты, бұл жастардың экологиялық санасының артқанын көрсетеді, бұл жағдай ұйымдастырушыларды ерекше қуантты.  Жобаның үйлестірушісі Наурызбек Бірмағамбетов: «Мұндай бастамалар табиғатқа жауапкершілікпен қарауды қалыптастырып, азаматтарды қоршаған ортаны қорғау бойынша нақты әрекеттерге тартуда маңызды рөл атқарады», - деп атап өтті. Бейімбет Майлы ауданында «Таза Қазақстан» республикалық экологиялық бағдарламасы аясында Варваринка, Николаевка және Асенкритовка ауылдарында «Варваринское» АҚ-мен бірлесіп «Таза жағалау» акциясы өтті.Іс-шараны ауданның және «Варваринское» АҚ еріктілері волонтерлік қызметтің экологиялық бағытын насихаттау, қоршаған ортаға жауапкершілікпен қарауды қалыптастыру мақсатында өткізді. Акцияға ауданның 60-қа жуық еріктісі мен «Варваринское» АҚ қызметкерлері белсенді қатысты.Акция соңында Аят өзенінің 5 шақырымдық жағалауының аумағы тазартылды. Еріктілер марапатталды.«Варваринское» АҚ қоғаммен байланыс бөлімінің басшысы Антон Труханов атап өткендей: «Бүгінгідей іс-шараларға жиналу ғана емес, сонымен қатар күнделікті өмірде қоршаған ортаға қамқорлық жасау маңызды. Экологиялық жағдайды жақсартуға әрқайсымыз өз үлесімізді қоса аламыз, тіпті аз ғана күш-жігеріміз айтарлықтай нәтижелерге әкелуі мүмкін. Барлығын табиғатқа мұқият болып, қоқысты қалдырмауға шақырамын. Бұл - біздің ортақ жеріміз және оны тек бірлескен күш-жігермен болашақ ұрпақ үшін сақтай аламыз».#ТазаҚазақстан #устойчивоеразвитие #чистаястрана #экология #TazaChallenge @TazaQazaqstan.Ақпарат көзі : https://www.gov.kz/memleket/entities/kostanay/press/news/details/1016766?lang=kk

Тазы – ресми түрде танылған бірегей ит тұқымы. Мемлекет басшысы тазыны Қазақстанның мәдени мұрасының бір бөлігі ретінде сақтап қалуды тапсырды.Бұл бастама облыс көлемінде өтіп жатқан «Сыбаға» ұлттық дәстүрлер фестивалі аясында дәстүрлі аңшылық және ұлттық спорт түрлері бойынша «Салбурын» турнирінде жария етілді. Іс-шара еліміздің түкпір-түкпірінен келген қазақ мәдениеті мен спорты шеберлерінің басын біріктірді.Ақтөбе облысы әкімінің орынбасары Жолдас Батырхан турнирге қатысушыларды құттықтай отырып, ұлттық әдет-ғұрыптарды сақтауға және насихаттауға ықпал ететін осындай фестивальдердің маңыздылығын атап өтті.«Сыбаға» - бұл мереке ғана емес, жас ұрпаққа ата-бабалардың бай мұрасын еске түсіру мүмкіндігі», - деп атап өтті ол өз сөзінде.Жолдас Батырхан сондай-ақ Ақтөбе облысында ұлттық мұраны дамыту және қазақ тазыларын өсіріп-ұстаумен айналысатын жерлестерімізді қолдау үшін арнайы қоғамдастық құру жоспарланып отырғанын хабарлады. Бұл бастаманы іске асыру үшін жергілікті бюджеттен тиісті қаражат бөлінеді. Әкім орынбасары мұндай қоғамдастық құру дәстүрлерді насихаттап қана қоймай, Қазақстанның мәдени мұрасының бір бөлігі саналатын қазақ тазыларының бірегей тұқымын сақтап жүргендерге қолдау болатынын алға тартты.Іс-шараға Ақтөбе облысы және Қазақстанның басқа өңірлерінен ит өсірушілер, бүркітшілер мен садақшылар қатысты. Турнир аясында Құмай тазы аңшыларының «Салбурын» байқауы, Құмай тазы иттерінің жылдамдығы мен ептілігі сыналатын шырға тарту, құсбегілік жыртқыш құстармен аң аулау шеберлігі көрсетіліп, садақ ату турнирі өткізілді.Жарыс алаңы ретінде Жаңақоныс-2 және Құрашасай тұрғын үй алабы таңдалды. Сайын дала төсінде қатысушылар өз шеберліктерін көрсетіп, ал көрермендер керемет қойылымдардың куәсі болды.Спорттық жарыстармен қатар «Құмай тазы» көрмесі өтіп, онда ит өсірушілер қазақ тазыларының үздік өкілдерін таныстырды. Сондай-ақ, ұлттық мәдениеттің қыр-сырын көрсететін ат әбзелдерінің тұсаукесері ұйымдастырылды.Турнирді Ақтөбе облысының дене шынықтыру және спорт басқармасы өңірлік құмай тазы федерациясымен бірлесіп ұйымдастырды. Ұйымдастырушылар іс-шараның жоғары деңгейде өтуі және барлық қатысушылар мен қонақтар үшін есте қаларлықтай шаралар легін ұсынды.Ақпарат көзі : https://www.gov.kz/memleket/entities/aktobe/press/news/details/896182

Орталық қалалық клиникалық ауруханаға ауыр көз жарақатымен 69 жасар ер адам түсті.Науқастың айтуынша, ол үстелдің бұрышына соғылып, нәтижесінде көзіне қатты зақым келген.Диагноз өте күрделі болды: склераның жарылуымен көз алмасының ауыр соғылуы, көздің ішкі қабығының түсуі, жарақаттан кейінгі афакия, аниридия, гемофтальм және торлы қабықтың ажырауы.Дәрігерлер кезең-кезеңімен көмек көрсету туралы шешім қабылдады.Бірінші кезеңде склера жарасына алғашқы хирургиялық ем жүргізілді.Келесі кезеңде силикон енгізумен витрэктомия, торлы қабықтың лазерлік коагуляциясы (ЭЛКС) және иридохрусталдық диафрагманы имплантаттаудың бірегей процедурасын қамтитын жоғары технологиялық ота жасалды.Науқас үшін арнайы жасанды көз айнасы мен линза жиынтығы әзірленді.Отаны офтальмология бөлімшесінің меңгерушісі Гүлзат Абдраимова жүргізді.Мамандардың жоғары кәсібилігінің арқасында науқастың көру қабілеті сақталып, визуалды функциялары қалпына келтірілді.Отадан кейін науқас дәрігерлерге шын жүректен алғысын білдірді:"Орталық қалалық клиникалық аурухананың бүкіл ұжымына, әсіресе Гүлзат Абдраимоваға алғысымды білдіремін. Диагноз үкім сияқты естілді, бірақ дәрігерлер мені өз бақылауына алып, мүмкін емес нәрсені жүзеге асырды - маған көру қабілетін қайтарды!".Айта кетейік, ота міндетті әлеуметтік медициналық сақтандыру (МӘМС) жүйесі аясында жүргізілді және жоғары технологиялық процедура санатына жатады.Ақпарат көзі : https://www.gov.kz/memleket/entities/dsm/press/news/details/895932

Ауыл тұрғындары үшін медициналық қызметтердің қолжетімділігін арттыру мақсатында елдің шалғай аудандарында жылжымалы медициналық кешендер (ЖМК) белсенді жұмыс істейді.Ағымдағы жылдың қаңтар-қыркүйек айлары аралығында «дөңгелектердегі емханалар» мамандары 3072 елді мекенде тұратын 1,3 млн адамды медициналық көмекпен қамтыды.Жылжымалы кешендер арқылы 656 мың диагностикалық зерттеу, бейінді мамандардың 1,3 млн консультациясы, 332,8 мың зертханалық зерттеу жүргізілді.Тексеру мен зерттеп-қарау барысында әртүрлі аурулары бар 95 мың пациент анықталды, оның 78,3%-ы ересектер, 21,7%-ы балалар. Профилактикалық тексерудің қорытындысы бойынша 33,7 мың ауыл тұрғыны динамикалық бақылауға алынды.Диагноз қойылған аурулардың ішінде қанайналым жүйесінің ауруларына, қант диабетіне, көру қабілетінің бұзылуына күдік басым.ЖМК-ның құрамында ЖПД, акушер-гинеколог, стоматолог сияқты бейінді дәрігерлердің консультациялық қабылдауы жүзеге асырылады, ультрадыбыстық, ЭКГ, ЭхоКГ аппараттарының көмегімен скринингтік, зертханалық, рентгенологиялық және диагностикалық зерттеулер жүргізіледі.ПМК жұмысы елді мекендердің барынша көп санын қамту үшін ұйымдастырылған. Келу кестесі алдын-ала жарияланады, бұл тұрғындарға дәрігерлердің келуіне дайындалуына мүмкіндік береді.Жылжымалы медициналық кешендер үйге жақын жерде медициналық көмек алуға мүмкіндік береді, бұл әсіресе қарт адамдар мен балалары бар отбасылар үшін өте маңызды.Ақпарат көзі : https://www.gov.kz/memleket/entities/dsm/press/news/details/896040

Қарағандылықтар жаңа жылдық концерттерде мерекелік көңіл-күйге шомып, көңіл көтере алады. Музыка әуесқойлары үшін академиялық оркестрлер мен сахна жұлдыздарының қойылымдары дайындалды, ал халық аспаптарының сиқыры ешкімді бей-жай қалдырмайды.21 желтоқсан"Жаңа жылдық көңіл-күй""Шалқыма" концерт залы, 17:00Е. Рахмадиев атындағы Академиялық симфониялық оркестрдің концерті. Бағдарламада Петр Чайковский, Иоганн Штраус, Джон Уильямс, Морис Равель және т. б. танымал шығармалар бар.Халықаралық байқаулардың лауреаты композитор Әбілқайыр Сағымбаев жетекшілік етеді.25 желтоқсан"Жаңа жылдық әуеннің сиқыры""Шалқыма" концерт залы, 18:30Тәттімбет атындағы Қазақ халық аспаптары академиялық оркестрінің концерті.Қатысушылар: ҚР еңбек сіңірген қайраткері Талғат Ыдырысов, Халықаралық байқаулардың лауреаттары Рысты Рахымжан, Кристина Ракша, Дулат Аханов.25 желтоқсанРождестволық концертКеншілер мәдениеті сарайы, 18:30Қарағанды академиялық музыкалық комедия театрының симфониялық оркестрінің концерті.Шақырылған қонақ – Афрокариб джазының жұлдызы Селин Лангедок. Әнші музыканттар отбасынан шыққан. Ол 5 жасында билеп, ән айта бастаған, ал 16 жасында халықаралық байқаулар мен фестивальдердің дипломдарына ие болды. Селиннің мойындауы бойынша, ол тек шығармаларды орындап қана қоймай, музыканы театрға айналдырады.Рождестволық музыканың әлемге әйгілі шедеврлері, әлемдік композиторлардың аспаптық және вокалдық шығармалары шырқалады.Халықаралық фестивальдің дипломанты Алексей Гусак дирижерлік етеді. Ақпарат көзі : https://www.gov.kz/memleket/entities/karaganda/press/news/details/895652

2024 жылғы 1-3 желтоқсан аралығында Бішкек қаласында Қазақстан Республикасының Сауда және интеграция министрлігі, «QazTrade» АҚ Қырғыз Республикасының Сауда-өнеркәсіп палатасымен бірлесіп ұйымдастырған қазақстандық экспорттаушылардың сауда-экономикалық миссиясы өтті. Миссия аясында түрлі салаларды қамтитын 30 қазақстандық компания қырғыз әріптестерімен В2В форматында келіссөз жүргізді.2 желтоқсанда Бішкекте Қазақстан–Қырғызстан Үкіметаралық кеңесі қарсаңында екіжақты ынтымақтастықтың келешегін талқылау үшін маңызды тұғырнамаға айналған Қазақстан–Қырғызстан бизнес-форумы өтті.Форум жұмысына Қазақстан мен Қырғызстанның 80 компаниясының өкілдері қатысты. Форум бағдарламасына B2B кездесулері, сондай-ақ келісімдерге қол қою рәсімі кірді. СЭМ мен форум қорытындысы бойынша жалпы сомасы $8,2 млн-нан астам 7 коммерциялық келісімге қол қойылды, бұл екі ел арасындағы экономикалық байланыстарды нығайту үшін маңызды қадам болды.Қазақстандық делегацияны Қазақстан Республикасының сауда және интеграция вице-министрі Қайрат Төребаев басқарды, сондай-ақ іс-шараға бизнес және мемлекеттік құрылымдардың өкілдері қатысты.Дереккөз: https://primeminister.kz/news/bishkektegi-kazakstan-kyrgyzstan-biznes-forumynda-82-mln-kommertsiyalyk-kelisimderge-kol-koyyldy-29417 Ақпарат көзі : https://www.gov.kz/memleket/entities/mti/press/news/details/895646

Теміртау тарихи-өлкетану мұражайы оқушыларды 6–27 желтоқсан аралығында өтетін "Тәуелсіздік шежіресі" интерактивті-танымдық квизына қатысуға шақырады. Шара Тәуелсіздік күніне арналған."Ойын Қазақстан тарихының маңызды сәттерін бес тақырыптық орын арқылы қызықты түрде білуге мүмкіндік береді. Қатысушыларды сақтардан, Алтын Орда мен Қазақ хандығы арқылы 1986 жылғы оқиғаларға және Қазақстан Тәуелсіздігінің қалыптасуына дейінгі түрлі тарихи дәуірлер күтеді", - дейді ұйымдастырушылар."Сақтар" орнында оқушылар өздерін археолог ретінде сезіне алады, Алтын адамның киімдері мен Есік қорғанынан табылған күміс тостағанды зерттей алады, сондай-ақ руна жазу негіздерімен және ежелгі аңшылық дағдыларымен танысады.Алтын Орда мен Қазақ хандығына арналған орында қатысушылар мультимедиялық бағдарламалардың көмегімен ұлы тарихи тұлғаларға қатысты сұрақтарға жауап беретін болады. Олардың қатарында Шыңғыс хан, Жошы хан, Керей хан, Жәнібек хан бар. Олар сондай-ақ Алтын Орданың құрылуынан бастап Кенесары ханның басшылығымен қазақтардың тәуелсіздік үшін күресіне дейінгі тарихтың дамуын бақылай алады."Алаш Орда" орны оқушыларды ХХ ғасырдың басындағы оқиғаларға баулып, мұрағаттық құжаттар мен фотосуреттермен таныстырады, мұнда қазақстандық мемлекеттілік тарихындағы осы қозғалыстың рөлін түсіну қажет."Өзгерістер уақыты" – бұл 1986 жылғы желтоқсандағы экскурсия, онда Қазақстан жастары демократияны талап етіп көшеге шыққан. Мұнда қатысушылар осы тарихи оқиғаларға қатысқандардың сауалнамалары хаттамаларымен танысып, елдің тәуелсіздігін алуда шешуші рөл атқарған адамдар туралы көбірек біле алады."Менің Қазақстаным" соңғы орны оқушылардың республиканың географиясы мен экономикасы туралы білімдерін тексереді. Қатысушылар Қазақстан картасын басқатырғыштар арқылы жинап, әр аймақтың экономикалық профилін көрсететін экспонаттарды дұрыс орналастыруы керек.Квизге жазылу міндетті: (8-7213) 93-19-05, +7-747-185-58-02.Ақпарат көзі : https://www.gov.kz/memleket/entities/karaganda/press/news/details/895639

Ақтөбеде «Сыбаға» дәстүрлер фестивалі аясында «Дәуір дефилесі» шарасы ұйымдастырылды. Ұлттық мәдениетті дәріптейтін мәдени шара қала тұрғындары мен қонақтарын қазақтың бай дәстүрімен таныстырып, ұлттық нақыштағы сәннің әсемдігін паш етуге бағытталды.Көрсетілімге Ақтөбемен қатар, Алматы, Ақтау және Шымкент қалаларынан келген отандық дизайнерлер ұлттық нақыштағы топтамаларын көптің назарына ұсынды. Киімдерге қазақ халқының ою-өрнектері, табиғи материалдар және дәстүрлі пішімдер ерекше үйлесіммен қолданылған. Әйелдердің әшекей бұйымдарымен толықтырылған камзолдары, ерлерге арналған шапан мен тымақтар, сондай-ақ заманауи үлгіде бейімделген этностильдегі көйлектер көрермендер ықыласына ие болды. Көрсетілім соңында олар дизайнерлерге алғыстарын білдіріп, ұлттық мәдениеттің осындай жаңа қырынан таныстырылғанына ризашылықтарын жеткізді.Ұлттық құндылықтарды насихаттау, жастардың дәстүрге қызығушылығын арттыру және ұлттық өнерді заманауи трендтермен үйлестіру мақсат еткен шараның соңында облыс әкімінің орынбасары Жолдас Батырхан «Дәуір дефилесіне» қатысқан барлық этнодизайнерлерге Ақтөбе облысы әкімінің Алғыс хатын табыстады. Ақпарат көзі : https://www.gov.kz/memleket/entities/aktobe/press/news/details/895578

Жамбыл облысының әкімі Ербол Қарашөкеевтің төрағалығымен өткен аппараттық кеңесте халықты ауыз сумен қамту мәселесі қаралды.Бұл бойынша энергетика және тұрғын үй-коммуналдық шаруашылық басқармасының басшысы Ғалым Исақов баяндама жасап, ауыз су нысандарының құрылысы мен кешенді блок-модуль орнату жұмыстарының талдау қорытындыларымен бөлісті.Жамбыл облысында 4 қала мен 367 ауылдық елді мекен бар. Оның ішінде Тараз, Шу қалаларындағы 9 тұрғын алқап пен 54 ауылдық елді мекен сапалы ауыз сумен қамтамасыз етілмеген.Ағымдағы жылы 37 елді мекен мен 2 қаладағы 5 тұрғын алқапқа тіршілік нәрін тарту, 16 елді мекеннің ауыз су жүйелерін қалпына келтіру жоспарланған.Нәтижесінде халықты ауыз сумен қамту деңгейі қалаларда 98,8 пайызға (2023 ж. - 97,5%), ауылдық елді мекендерде 98,1 пайызға (2023 ж. - 94,9%) жетуі тиіс. 1 желтоқсандағы жағдай бойынша 19 ауылдық елді мекен ауыз сумен қамтылды.Басқосуда Ербол Қарашөкеев ауыз сумен қамтудың төмен деңгейі қалыптасқан аудан әкімдерінен есеп алып, құрылысы кешеуілдеген жобаларды жіпке тізді. Бұдан бөлек, ауыз суға қатысты тұрғындардың шағымына назар аударды.- Мемлекет басшысы халықты 2025 жылдың соңына дейін 100 пайыз ауыз сумен қамту бойынша алдымызға нақты міндет қойды. Бұл тапсырма мүлтіксіз орындалуы тиіс. Уақыт өте тығыз, — деді облыс әкімі.Аппараттық кеңес қорытындысы бойынша жауаптыларға мердігерлердің жұмысын қатаң бақылауға ала отырып, ауыз су нысандарының сапалы әрі мерзімінде тапсырылуына ерекше көңіл бөлу, келесі жылдың еншісіндегі жобаларды жете пысықтау тапсырылды.Ақпарат көзі : https://www.gov.kz/memleket/entities/zhambyl/press/news/details/895283

Шымкент қаласында 35 жасқа дейінгі жұмыс істейтін жастарды баспанамен қамтуға арналған бағдарлама бойынша өткізілген конкурсқа 3852 өтінім түскен. Өтінімдер жұмыс күндері қаралады. «Жастар» бағдарламасы балдық жүйе арқылы жүзеге асырылады. Конкурс нәтижесі түскен өтінімдердің қаралу уақытына қарай ауқымдылығына байланысты 55 жұмыс күнде шығарылады.Айта кетейік, «Жастар» бағдарламасына өтінім қабылдау 2024 жылдың 27 қарашада сағат 9:00-ден 29 қарашада сағат 19:00-ге дейін жүргізілді.Ақпарат көзі : https://www.gov.kz/memleket/entities/shymkent/press/news/details/895316

Бүгін Ақтөбе облысында алғаш рет ұйымдастырылған «Сыбаға» фестивалі аясында «Дәуір дефилесі» шарасы өткізілуде.Екінші күн заманауи қазақтың ұлттық киімдерін тігіп жүрген этнодизайнерлер мен қолөнер шеберлеріне арналды.Шараның салтанатты ашылуында өңір басшысы Асхат Шахаров сөз сөйлеп, фестивальдің маңыздылығына тоқталды. Өз сөзінде ол Мемлекет басшысының Ұлттық құрылтайда айқындап берген еліміздің маңызды идеологиялық тұжырымдары мен негізгі бағыттарын атап өтіп, «Сыбаға» фестивалі ұлттық дәстүрлерді дәріптеуге айырықша үлес қосады деді.«Президент Қасым-Жомарт Кемелұлы Ұлттық құрылтайдың үшінші отырысында ұлтымыздың жаңа келбетін айқындайтын негізгі құндылықтарды айтты. Оның ішінде тәуелсіздік пен отаншылдықтан бастап, заңды сақтау мен тәртіп те бар. Осы идеялық негіздерді басшылыққа алса, еліміз болжаусыз және қарқынды дамып келе жатқан ХХІ ғасырда әлемде лайықты орнын табатындығына сенімін білдірді.Салт-дәстүр – адамзат үшін ілгерілеудің сарқылмас қайнар көзі. Өңірімізде тұңғыш рет, бір апта көлемінде «Сыбаға» ұлттық дәстүрлер фестивалін өткізіп жатырмыз. Біз жастарға, өскелең ұрпаққа бабалар салған сара жолдан ажырамау үшін дәстүріміз бен салтымызды саралап, озық үлгілерді үздіксіз дәріптеу, дағдыға айналдыруды мақсат еттік. Фестиваль бес күнге созылады. Әр күні ұлттық рухани құндылықтарды насихаттауға арналған арнайы іс-шаралар ұйымдастырылады. Соңын қайырымдылық акциясымен аяқталауды жоспарлап отырмыз», - деп атап өтті Асхат Шахаров.Ұлттық нақышта безендірілген Өнер орталығында ақтөбелік қолөнер және тігін шеберлері, зергерлер қаз-қатар тізіліп, көрме-жәрмеңкеде саудаларын қыздырды. Қазақтың ою-өрнегімен көмкерілген түрлі әшекей бұйымдар, көрпе-жастықтар, ұлттық киімдер көздің жауын алады. Әр шебердің қолынан авторлық туындылармен облыс әкімі жеке-жеке танысып шықты. Көрме-жәрмеңкеге 50-ге жуық қолөнерші шақырылған.Сондай-ақ, шара аясында ақтөбеліктерге шеберлік сағаттары өткізілді. «Зерлеу және қолданбалы өнер» тақырыбында Айжан Абдубаитова (Алматы қ.), жадағайлар туралы «Маңғыстау мұнарасының» жетекшісі Айжан Сембиғалиева (Ақтау қ.), ұлттық киімдер маңыздылығы жайлы Бұлбұл Кәпқызы дәріс оқыды және зергерлік бұйымдарды жасаудың қыр-сырын ақтөбелік зергер Болат Атыраубаев айтып берді.Фестивальдің екінші бөлігі «Дәуір дефилесі» ұлттық киімдер сән көрсетілімімен жалғасады. Онда Ақтөбемен қатар, Алматы, Ақтау және Шымкент қалаларынан келген 15 отандық дизайнер ұлттық нақыштағы топтамаларын көпке көрсетеді.Айтып өту керек, «Сыбаға» фестивалі Ақтөбе қаласы мен 12 ауданда өткізіліп жатыр.Ақпарат көзі : https://www.gov.kz/memleket/entities/aktobe/press/news/details/895337

Бүгін облыс әкімі Бейбіт Исабаев өңірдің үздік ауыл шаруашылығы қызметкерлерін марапаттау рәсімін өткізіп, олардың бірқатарына ел Президентінің атынан мемлекеттік наградалар табыстады, - деп хабарлайды Жетісу облысы әкімінің баспасөз қызметі.\n- Биыл Астанада ел тарихында тұңғыш рет Ауыл шаруашылығы қызметкерлерінің I форумы өтіп, соның аясында Мемлекет басшысы еліміздің әр өңірінен, соның ішінде Жетісу облысынан барған ауыл шаруашылығы саласының өкілдерін марапаттады. Экономиканың өсуі ауыл шаруашылығының дамуына тікелей байланысты. Біздің өңірдің табиғи-климаттық жағдайының қолайлылығы осы маңызды саланың дамуына үлкен ықпал етеді. Бұл ретте біздің өңірде өсірілетін ауыл шаруашылығы өнімдерінің шамамен 65%-ы өзімізде өңделеді. Биыл негізгі ауыл шаруашылығы дақылдарынан жоғары өнім алдық. Мәселен, осы жылы облыста алғаш рет 640 мың тонна қант қызылшасын аламыз. Жалпы 510,1 мың гектар егіс алқабынан 2,1 млн.тонна ауыл шаруашылығы дақылдары жиналады деп күтілуде. Осы жетістіктердің барлығында сіздердің қажырлы еңбектеріңіз, үлкен үлестеріңіз  бар. Біз өз тарапымыздан мемлекеттік қолдау көрсетуді жалғастырамыз. Мысалы, биыл өңірдің агроөнеркәсіп кешенін қолдауға бюджеттен 35 млрд. теңге бөлінді, - деп атап өткен облыс әкімі Б. Исабаев өңірдің ауыл шаруашылығын дамытуға қосқан үлесі үшін шаруашылық өкілдеріне алғысын білдіріп, марапаттау рәсіміне көшті.\n«Парасат» орденімен Талдықорған қаласындағы «Самай» шаруа қожалығының басшысы Еркімбек Слямов марапатталды. Ол өзінің шаруа қожалығының жұмысын 30 жылға жуық уақыт бойы жүргізіп, егіншілікпен, және мал шаруашылығымен қатар айналысып келеді. Қант қызылшасы, жүгері, соя, бидай, арпа, сондай-ақ ірі қара мен жылқы өсіреді. Шаруашылықта 50-ге жуық ауыл шаруашылығы техникасы бар.\nАл Ақсу ауданынан «Дәулет» шаруа қожалығының басшысы Дәулет Биәділов пен Алакөл ауданынан «Асыл тұяқ» ЖШС құрылтайшысы, бас директоры Думан Нағашбекұлы «Құрмет» орденіне ие болды.\nДәулет Көшербайұлы ауыл шаруашылығы саласында 22 жылдан бері еңбек етіп келеді. Негізгі бағыты – қызылша өсіру. Бүгінгі таңда «Дәулет-Б» шаруа қожалығы - Ақсу қант зауытына қызылша өткізетін аудандағы ірі шаруашылықтың бірі. Сонымен қатар фермер ауданның аз қамтылған және көп балалы отбасыларына тұрақты қолдау көрсетіп, қайырымдылықпен белсенді айналысып келеді.\nСол сияқты «Асыл тұяқ» ЖШС асыл тұқымды ірі қара мен қой өсіріп, малдың жаңа тұқымдарын шығарады. Сөйтіп экспорттық әлеуетін арттырып, етті мал шаруашылығын дамытуға елеулі үлес қосып жүр.\nӨңірдің ауыл шаруашылығын дамытуға қосқан үлесі ескеріліп, 2002 жылдан бастап Кербұлақ ауданындағы «Нұрқадам» ШҚ жүргізушісі әрі механизаторы болып жүрген Нұрбол Сайдақұлов «Ерен еңбегі үшін» медалімен марапатталды.\nМарапатталғандардың атынан «Самай» ШҚ басшысы Еркімбек Слямов сөйледі.\n- Менің шаруашылығымның жері тасты. Сондықтан жоғары өнімділікке қол жеткізу өте қиын. Бірақ қазіргі заманғы техниканың, агротехнологияларды сақтаудың, мемлекет тарапынан көрсетілетін қолдаудың және шыдамдылықтың арқасында қазір осы учаскелерден 550-600 центнерден қант қызылшасын алып отырмын. Біз табысты дамудың осы қарқынын сақтап қалуға бар күш-жігерімізді жұмсаймыз, - деді ол.\nЕске салсақ, жуырда Астана қаласында өткен ауыл шаруашылығы қызметкерлерінің I форумында Жетісу облысының тағы бір шаруашылығының өкілі, Панфилов ауданында тамшылатып суару технологиясымен жұмыс істейтін «Әйгерім» шаруа қожалығының басшысы Ұлан Сарпеков Президенттің қолынан «Құрмет» орденін алған болатын.\nЖалпы Жетісу облысында 10 айдың қорытындысы бойынша ауыл шаруашылығы өнімінің көлемі 362 млрд. теңгеден асты, ал жыл қорытындысы бойынша бұл көрсеткішті 102,5%-ға, яғни 518,2 млрд. теңгеге жеткізу жоспарланып отыр.\nЖетісу облысы әкімінің баспасөз қызметі.\nФотограф: Жеңіс ЫсқабайАқпарат көзі : https://www.gov.kz/memleket/entities/zhetysu-oblysy/press/news/details/895197