Бүгін қала әкімі Ғ.Сыздықбековтің қатысуымен өткен аппараттық мәжілісте күн тәртібіндегі маңызды мәселелер қаралды. Мегаполис басшысы ең алдымен жылыту маусымында тұрғындардан келіп түскен проблемаларға тез арада кері байланыс орнату керек екенін айтты. Сондай-ақ азаматтарға құбырларды тазалау бойынша түсіндірме жұмысын тұрақты жүргізу қажет деді. Күн тәртібіне сәйкес кәсіпкерлік және индустриалды-инновациялық даму басқармасының басшысы Б.Әзімбердиев өнеркәсіп саласының дамуына қатысты баяндама жасады. Айтуынша, жыл басынан бері кәсіпорындар 913,9 млрд. теңгенің өнімін өндірген. Бұдан бөлек жыл соңына дейін 78,2 млрд. теңгені құрайтын 16 инвестициялық жоба іске асырылып, нәтижесінде 1 693 жаңа жұмыс орны ашылады деп жоспарланып отыр. Биыл 1 шілдеде ҚР Президенті Қ.Тоқаев «Мемлекеттiк сатып алу туралы» Қазақстан Республикасының жаңа Заңына қол қойды. Жиында Шымкент қаласының мемлекеттік сатып алу басқарма басшысы А.Абаев аталған заңдағы өзгерістер туралы баяндады. Қазіргі таңда жаңа Заңға сәйкес жұмыс жүргізу үшін басқарманың құрылымына өзгерістер енгізілген. Шағымдарды қарау мақсатында жаңа бөлім ашылды және 1 штаттық бірлікте басшы орынбасары лауазымымен толықтырылды. Өйткені, басқармаға жыл басынан бері 2430 шағым келіп түскен. «Мемлекеттік сатып алу саласында бірқатар заңсыздықтар бар екенін рас. Мұны тоқтату керек. Біз мемлекеттің ақшасын жымқыратындар үшін емес, халық үшін жұмыс істейміз. Сондықтан, барлық басқармаларды қатаң тексеріп, тиісті шара қолданыңыздар. Өнім берушілерден келіп түскен шағымдарды да ескеру керек. Қабылданған заң ашықтықты қамтамасыз етуге және сыбайлас жемқорлықты жоюға бағытталған»,-деді қала әкімі.Ақпарат көзі : https://www.gov.kz/memleket/entities/shymkent/press/news/details/885845

Ағымдағы жылы Шымкент қаласы бойынша 16 көпқабатты тұрғын үйде, 29 жедел саты (лифт) қондырғылары ауыстыру жоспарланға. Қазіргі таңда, 12 көпқабатты тұрғын үйдің 22 жедел саты (лифт) қондырғыларын ауыстыру жұмыстары жүргізілуде. Жыл соңына дейін қосымша 4 көпқабатты тұрғын үйге 6 жедел сатыны (лифт) ауыстыру жұмыстары жүргізілетін болады. Сонымен қатар, Нұрсат шағын ауданындағы № 128, 132, 135В, 135Б, 135А тұрғын үйлердің пәтер иелері жедел саты (лифт) қондырғыларын ауыстырылуы қажет екендігі туралы өтініш білдірген болатын. Осыған орай, көпқабатты тұрғын үйлердің пәтер иелерімен жалпы жиналыс өткізіліп, заңнама талаптары толық түсіндіру жұмыстары жүргізіліп, хаттама берілді. Айта кетейік Тұрғын үй заңнамасына сәйкес нысанның ортақ мүлкіне күрделі жөндеу жүргізу (жаңғырту, реконструкциялау, реставрациялау, жедел саты (лифт) туралы шешім пәтерлер, тұрғын емес үй-жайлардың меншік иелерінің жалпы санының жартысынан астамы қатысатын жиналыста қабылданады. Шешім пәтерлер, тұрғын емес үй-жайлар меншік иелерінің жалпы санының көпшілігі келіскен жағдайда қабылданады.Ақпарат көзі : https://www.gov.kz/memleket/entities/shymkent/press/news/details/885852

Шымкент қаласы бойынша 35 жасқа дейінгі жұмыс істейтін жастарға арналған бағдарламаға өтінім қабылдау 2024 жылдың 27 қараша күні сағат 9:00-ден 29 қараша сағат 19:00 аралығында жүргізіледі. «Жастар» бағдарламасына қатысушыларға қойылатын негізгі талаптар: -Жалпы білім беретін мектептердің және (немесе) техникалық және кәсіптік және (немесе) орта білімнен кейінгі және (немесе) жоғары және (немесе) жоғары оқу орнынан кейінгі білім беру ұйымдарының білім беретін оқу бағдарламаларын меңгерген және еңбек қызметін жүзеге асырып жүрген 35 жасқа толмаған (34 жасқа дейін) Қазақстан Республикасының азаматы; − ай сайынғы табысы 40 айлық есептік көрсеткіштен (147 680) кем емес болуы (соңғы 6 ай ішіндегі); − өтініш берушінің Шымкент қаласында өтінім берер алдында соңғы 3 (үш) жылдан кем емес тұрақты тіркеуінің болуы; − өтініш берушінің отбасы мүшелерінің Шымкент қаласында тұрақты тіркеуінің болуы; − өтініш берушінің, жұбайының (зайыбының), балалары (бар болса) апатты жағдайда тұрған, құлау (қирау) қаупі бар тұрғын үйлерді қоспағанда, өтініш берер алдында соңғы 5 (бес) жыл ішінде Қазақстан Республикасының аумағында тұрғын үйінің болмауы; − тұрғын үй құрылыс жинақтары жүйесі шеңберінде қызметін жүзеге асыратын екінші деңгейдегі банк болып табылатын квазимемлекеттік сектор субъектісінде жинақ шотының (депозиттің) болуы. Пәтер саны – 900.1 бөлмелі – 2382 бөлмелі – 4123 бөлмелі – 250 Пәтерлер Шымкент қаласы, Абай және Қаратау аудандарында орналасқан. Жастар бағдарламасына қатысушылар «kezekte.kz» электронды порталында электронды цифрлық қолтаңбасы арқылы өтініш бере алады.Ақпарат көзі : https://www.gov.kz/memleket/entities/shymkent/press/news/details/885856

Қарағанды облыстық бейнелеу өнері мұражайында 20 қараша күні сағат 16:00-де қарағандылық суретші және педагог Бекен Мұқышевтің жеке көрмесі ашылады. "Мәңгілік туралы ойлар" деп аталатын экспозицияда шебердің философиялық ізденістері мен шығармашылық көзқарасын бейнелейтін 70-тен астам кескіндеме және графикалық жұмыстар ұсынылады.Бекен Мұқышев 1978 жылы Алматыдағы Н. В. Гоголь атындағы өнер училищесін бітірген. Дария теміржол станциясында жалпы орта білім беретін мектепте мұғалім болып жұмыс істеді.Шығармашылық жол 1991 жылы Қарағанды кафелері мен мейрамханаларының интерьер дизайны жобаларынан басталды. Қалалық және облыстық көрмелерге қатысқан.2016 жылы суретші Қайрат Кэй-Кэйдің тәуелсіз MonARBAT өнер галереясымен ынтымақтастықта болды. Галереямен бірлесіп қала мен республиканың салтанатты және мерекелік іс-шараларына қатысты. Осы уақыт ішінде ол балалар мен ересектерге сурет салуды үйретті.Көрме 30 қарашаға дейін жалғасады.Мұражайдың мекен-жайы: Бұқар жырау даңғылы, 76.Анықтама телефоны (8-7212) 475-475.Ақпарат көзі : https://www.gov.kz/memleket/entities/karaganda/press/news/details/884983

Қарағанды облысында жастар жұмыссыздығын төмендету бойынша белсенді жұмыс жүргізілуде. Жыл басынан бері жұмыспен 13 мыңнан астам жас қамтылды. NEET-жастарға ерекше назар аударады. Бұл санатқа әрқайсысына жеке көзқарас принципі бойынша көмект беріледі.Өңір басшысы Ермағанбет Бөлекпаев кеңес өткізіп, басқарма басшылары, қалалар мен аудандардың әкімдері нәтижелер туралы баяндады.– Облыста NEET-жастармен атаулы жұмыс жүргізу үшін "Мүмкіндіктер марафоны" жобасы жүзеге асырылуда. 10 айда 39 мыңға жуық адам қамтылды, 297 түрлі іс-шара өткізілді: бос орындар жәрмеңкелері, дөңгелек үстелдер, ашық есік күндері, жұмыс орындарына экскурсиялар және т. б., – деп хабарлады жастар саясаты мәселелері басқармасы басшысының орынбасары Жанар Дүйсетаева.Жастар заңгерлер мен психологтардан тегін кеңес ала алады. Сондай-ақ білім алуда, жұмысқа орналасуда, өз ісін ашуда мемлекеттік қолдау шаралары туралы айтылады. Мобильді топтар адамдар көп жиналатын жерлерге барады: базарларға, сауда-ойын-сауық орталықтарына, саябақтарға.Шығармашылық идеяларды іске асыруға және креативті индустрияны ілгерілетуге көмектесу үшін облыс орталығында жастар комунити-орталығы ашылды.Өңірлік жұмыспен қамту картасы өзінің тиімділігін көрсетеді, деп атап өтті кеңесте.Жұмыспен қамту және әлеуметтік бағдарламаларды үйлестіру басқармасының жетекшісі Әсем Жүніспекова "Жастар практикасы", "Бірінші жұмыс орны", "Ұрпақтар келісімшарты" жобалары жастарды жұмысқа орналастыруға қалай көмектесетінін нақты мысалдармен айтып берді.Сонымен қатар, облыста "JUMYS TAP" жобасы іске асырылуда, ол бойынша қысқа мерзімді курстарда кез келген адам жаңа мамандықты тегін меңгере алады.Кәсіпкерлік негіздеріне оқыту "Бастау Бизнес" жобасы бойынша жүргізіледі. Биыл әлеуметтік осал санаттағы 67 жас өз ісін ашуға грант алды.Шахтинск қаласының әкімі Мұрат Қыдырғанбековтың айтуынша, моноқалада NEET-жастар санын екі есеге азайтуға мүмкіндік туды.– Бұған аула аралау, деректер базасын өзектендіру мақсатында қоңырау шалу, іске асырылып жатқан мемлекеттік бағдарламаларды түсіндіру, Әлеуметтік және ақпараттық қолдау, оқыту және бос уақытты тиімді өткізу іс-шараларын ұйымдастыру ықпал етті, – деп атап өтті ол.Ермағанбет Бөлекпаев NEET-жастарға атаулы қолдауды жалғастыру жөнінде тапсырма берді. Бұл ретте ғылымды тарту қажет деп санайды. Ғалымдардың зерттеулері ықтимал олқылықтарды және қандай бағыттарда қолдау қажет екенін көрсетеді.– Бұл мәселемен белсенді айналысамыз. Белгілі бір нәтижелер бар. Кідіруге болмайды! Жергілікті жерлерде әкімдердің белсенді жұмысы қажет – сіздер қолдамасаңыздар, алға жылжу болмайды, – деп атап өтті облыс әкімі. – Мұны көріп, көмек сұрауы үшін жастарға табысты мысалдар көрсету, көбірек түсіндіру қажет. Ресурстар бар, мүмкіндіктер бар, жұмыс істеу керек!Ақпарат көзі : https://www.gov.kz/memleket/entities/karaganda/press/news/details/885525

WorldSkills Kazakhstan – 2024 республикалық кәсіби шеберлік чемпионатында Қарағанды облысының құрамасы сегіз медаль жеңіп алып, үшінші орынға ие болды. Команда қоржынында бір алтын, төрт күміс және үш қола бар. Сайысқа аймақтық кезеңдерден өткен 550-ден астам колледж студенттері қатысты. Олар 30 құзыреттілік бойынша жарысты, оның ішінде кондитерлік өнімдер, плиткалармен қаптау, кірпіш қалау, веб-дизайн және басқалар.Жұмысшы мамандықтарының студенттері арасындағы чемпионат Астанада өтті. Қарағанды облысының атынан 28 студент қатысты. Жоғары Теміртау политехникалық колледжінің үшінші курс студенті Евгений Евсеев аймақ құрамасы үшін "прототиптеу" құзыреттілігінде жалғыз алтын медальді жеңіп алды.– Байқауда біз дрондардың прототиптерін үш түрлі жолмен жасауымыз керек еді: 3D принтерде, ТПУ фрезерлік станокта және бұрғылау, жонғы, кескіштер сияқты қол құралдарының көмегімен. Бұл жағдайда прототипті құрастыру оңай болуы керек, ал бөлшектердің максималды қателігі 0,2 см-ден аспауы керек еді, – деді Евгений.Ол байқауға екі айдан астам уақыт дайындалды. Алда оны одан да мұқият дайындық күтіп тұр: 2025 жылы Евгений Даниядағы EuroSkills байқауының әлемдік кезеңіне қатысады.– Әрине, мен үшін жаңа әлеует ашылды. Мен өзімді көрсеттім, үлкен тәжірибе алдым, ең бастысы әлі алда. Әзірге жұмыс туралы нақты ұсыныстар жоқ, өйткені мен кеше ғана жеңдім. Жалпы, мен конструкторлық бюрода немесе өз мамандығым бойынша өндірісте жұмыс істегім келеді, – дейді студент.WorldSkills байқауы жыл сайын өтеді. Ол жұмысшы мамандықтарын насихаттауға және оқытуда жоғары стандарттарды қалыптастыруға бағытталған.Ақпарат көзі : https://www.gov.kz/memleket/entities/karaganda/press/news/details/885726

Қарағанды облысында 21 қарашада сағат 11:00-де хабарландыру жүйелерін жоспарлы тексеру өтеді. "Қыс-2024" Республикалық командалық-штабтық оқу-жаттығуы шеңберінде бүкіл өңір бойынша сиреналар іске қосылатын болады."Құрметті Қарағанды облысының тұрғындары мен қонақтары, Төтенше жағдайлар департаменті аумақтық деңгейдегі құлақтандыру жүйесінің дайындығын тексеру мақсатында "Қыс-2024" Республикалық командалық-штабтық оқу-жаттығуын өткізу шеңберінде 2024 жылдың 21 қарашасында сағат 11:00-де "Баршаның назарына!" барлық қол жетімді дыбыстық электр сиреналары іске қосылады", – делінген хабарламада.Аймақтың ТЖД тыныштық сақтауды және дүрбелең мен қауесетке бой алдырмауды сұрайды.@112_krg Ақпарат көзі : https://www.gov.kz/memleket/entities/karaganda/press/news/details/885724

Qarmet металлургиялық комбинатында жабдықтарды жаңғырту жалғасуда. Кәсіпорын тарихында алғаш рет бір жыл ішінде екі конвертер корпусы ауыстырылды, бұл өте қиын және уақытты қажет ететін міндет. Қазір үш қондырғы жұмыс істейді.Бұл туралы компанияның баспасөз қызметі хабарлады."Біз №1 конвертерді күрделі жөндеуді аяқтадық және оны сәтті іске қостық. Бұл жаңарту конвертер цехының, әсіресе балқыту учаскесінің сенімділігі мен тұрақтылығын арттырады. 11 ай бұрын біздің жұмысымызда бір ғана толық жұмыс істейтін №3 конвертер болған, ал қалған екеуінің әбден тозығы жеткен еді. Енді қазір үш конвертер жұмыс істеп тұр, олардың екеуі биыл жөнделді", – деп түсіндірді болат департаментінің директоры Андрей Берг.№1 конвертердің жаңа корпусының көлемі ұлғайып, балқыту салмағын арттыруға және техникалық-экономикалық көрсеткіштерді жақсартуға мүмкіндік беретіні атап өтілді. Сондай-ақ, конвертерде газ тазарту жүйесінің бөлігі болып табылатын жаңа кессон бар. Бұл экологиялық қауіпсіздікті жақсартуға және өндіріс тиімділігін арттыруға ықпал етеді.11 айда 3 млн тонна болат өндірілді, деп хабарлайды компания. Бұл 2023 жылдың қорытынды көрсеткішімен бірдей.Ақпарат көзі : https://www.gov.kz/memleket/entities/karaganda/press/news/details/885819

Бесінші уақыт белдеуі географиялық тұрғыдан еліміздің көп бөлігін қамтиды. Олжас Бектенов СИМ мен МАМ-ға неғұрлым түсінікті ақпараттық-түсіндіру науқанын жүргізуді тапсырдыҮкімет отырысында сауда және интеграция министрі Арман Шаққалиев Қазақстанның 5-ші уақыт белдеуіне көшуінің артықшылықтары туралы баяндады.Министр шешім қабылдау кезінде Парламент депутаттары, мемлекеттік және жергілікті органдардың өкілдері, ғалымдар, сарапшылар, институттар мен қоғамдық бірлестіктер кіретін уақытты есептеу тәртібі бойынша арнайы құрылған ведомствоаралық жұмыс тобының есебінде көрсетілген ғылыми негізделген дәлелдер пайдаланылғанын атап өтті. Табиғи уақыт жақтаушыларының халықаралық альянсы (IANT) Үкіметтің Қазақстанның орталық және шығыс облыстары үшін географиялық бойлыққа сәйкес келетін және халық үшін оңтайлы шешім болып табылатын UTC+5 уақыт белдеуін белгілеу туралы шешіміне оң қорытынды берді.«Қазақстанда уақыт есептеу жүйесінің қалыптасу тарихы алдыңғы уақыт белдеуі UTC+6 алғаш рет 1930-1931 жылдары декреттік, яғни “бұйрықтық” уақытты ("уақыт белдеуі+бір сағат") қолдану арқылы енгізілгенін көрсетеді. Аумақтардың көп бөлігі іс жүзінде 5-ші уақыт белдеуінде жатқанына қарамастан. Жалпы, советтік кезеңде Қазақстанда командалық-жоспарлы экономика мүддесі үшін табиғи уақыт белдеуі бұйрық тәртібімен 8 рет өзгерді. Нәтижесінде Қазақстан табиғи циклге сәйкес келмейтін уақыт белдеулерінде тұрды. Осылайша, UTC+5 біздің еліміз үшін жаңа белдеу емес, тарихи негізделген уақытқа оралу болып саналады», — деп атап өтті Арман Шаққалиев.UTC+5 уақыт белдеуі еліміздің халқының 76%-дан астамы тұратын (15 млн 240 мың адам) Астана, Алматы, Петропавл, Өскемен, Шымкент, Семей және Павлодар қалаларын қоса алғанда, 67,5-тен 82,5 градусқа дейінгі бойлықтарды қамтиды. Бүгінгі таңда әлемнің 195 елінің 117-сі географиялық уақытты стандартты уақыт белдеуіне мүмкіндігінше жақын етіп таңдады, өйткені адамның циркадты ырғағы табиғи күндізгі кезеңмен синхрондалады. Осылайша, уақыт белдеуін өзгерту туралы қабылданған шешім ғылыми негізделген және экономикалық тұрғыдан орынды саналады, деді министр.Премьер-министр сауда және интеграция министрі қолданыстағы уақыт белдеуінің пайдасына барлық жан-жақты дәлелдер келтіргеніне тоқталды.«Үкімет бұл шешімді қолдайды. Еліміздің аумағының көп бөлігі 5-ші уақыт белдеуінде орналасқан, сондықтан ғылыми тұрғыдан бұл дұрыс шешім. Сауда және ақпарат министрліктеріне неғұрлым түсінікті ақпараттық-түсіндіру науқанын жүргізуді тапсырамын», — деп атап өтті Олжас Бектенов. Дереккөз: https://primeminister.kz/ru/news/mti-dolozhilo-o-preimushchestvakh-edinogo-chasovogo-poyasa-pravitelstvo-podderzhivaet-utc5-29342 Ақпарат көзі : https://www.gov.kz/memleket/entities/mti/press/news/details/885829

15 қараша басталған республикалық біріншілік Ақтөбе қаласында «Қоныс» спорт кешенінде өтті. Чемпионаттың жекелей сынына барлығы Астана, Алматы, Шымкент қалалары мен еліміздің 17 облысынан барлығы 510 дзюдошы қатысты. Жекелей жарыс нәтижесі бойынша жалпы медаль кестесінде 3 алтын, 1 қола жүлдемен Ақтөбе облысының спортшылары көш бастады.Қоржынында 2 алтын, 3 күміс және 2 қоласы бар Абай облысы медаль кестесінде екінші орынға жайғасса, 2 алтын, 1 қола жүлдемен Астана қаласының құрама командасы үздік үштікті түйіндеді.Сондай-ақ, ел чемпионатының соңғы күнінде аралас-командалық жарыстар бойынша үздіктер анықталды. Өте тартысты өткен финалдық кездесуде Алматы қаласының спортшылары Алматы облысының дзюдошыларын 4:2 есебімен жеңіп, Қазақстан чемпионы атағына ие болды. Финалист Алматы облысы екінші күміске қол жеткізсе, Атырау және Қарағанды облысының дзюдошылары командалық жарыстың қола жүлдегері атанды.Айта кетерлігі, Чемпионатта барлығы 12 IJF Халықаралық дәрежедегі төреші төрелік етті. Жарыстың әділ әрі жоғары дәрежеде өтуіне шетелдік мамандар, халықаралық дәрежедегі төрешілер Владимир Востриков, Евгений Рахлин мен Владимир Нутсубидзе бақылаушы-төреші қызметін атқарды.Қазақстан чемпионаты нәтижесінде 2025-2026 жылғы спорт маусымына дзюдодан Қазақстан Ұлттық құрамасы жасақталады.Ақпарат көзі : https://www.gov.kz/memleket/entities/aktobe/press/news/details/885729

Үкімет отырысында Олжас Бектенов ауыл шаруашылығы саласының бәсекеге қабілеттілігін арттыру үшін аграрлық ғылымды дамытудың маңыздылығын атап өтті. Мемлекет басшысының тапсырмаларын орындау шеңберінде Үкімет шаралар кешенін іске асыруда. Ұлттық аграрлық ғылыми-білім беру орталығының Ақтөбе филиалы базасында Жылқы шаруашылығы институты құрылып жатыр. Ауыл шаруашылығы министрлігі алдына Институттың биыл толыққанды жұмыс істеуі үшін қажетті рәсімдердің барлығын осы жылдың соңына дейін аяқтау міндеті қойылды. Инновациялық технологияларды енгізу және агроөнеркәсіптік секторды қарқынды дамыту үшін әлемдік тәжірибені қолдануға ерекше назар аударылады.«Мемлекет басшысы 2028 жылы отандық тұқым қорының көлемін 80%-ға, оның ішінде элиталық тұқым көлемін кемінде 15%-ға дейін жеткізуді тапсырды. Бізде әлеует жеткілікті. Ғылыми институттар қазірдің өзінде астықтың өнімділігін арттыратын тұқым сорттарын шығарып жатыр. Біз үздік әлемдік практикаларды қолдана отырып, агрономия ғылымын одан әрі дамытатын боламыз. Ауыл шаруашылығы және Ғылым және жоғары білім министрліктері аталған мәселе бойынша жүйелі шешімдер дайындауы керек», — деп атап өтті Үкімет басшысы.https://t.me/KZgovernment Ақпарат көзі : https://www.gov.kz/memleket/entities/aktobe/press/news/details/885758

Жетісу облысы Кербұлақ ауданы Қоғалы ауылында «Жанұя» отбасын қолдау орталығы ашылды. Бұл – облыстағы осындай төртінші орталық. Бұған дейін мұндай орталықтар өткен жылы Панфилов, Сарқан аудандары мен Текелі қаласында іске кіріскен болатын, - деп хабарлайды Жетісу облысы әкімінің баспасөз қызметі.«Жанұя» отбасын қолдау орталығы Мемлекет басшысының тапсырмасына сәйкес әлеуметтік жағынан осал отбасылардың өмір сүру сапасын жақсарту, олардың экономикалық дербестігіне және азаматтардың өмірлік қиын жағдайдан шығуына қолдау көрсету мақсатында жұмыс жасамақ.Қоғалыда кезінде аудандық емхана болып, кейін біршама уақыт бос тұрған ғимаратқа ағымды жөндеу жұмысы жасалып, құрал-жабдықтары сатып алынған. Оған жергілікті бюджеттен арнайы қаражат қарастырылды. Сөйтіп орталық іске кірісті.Аталған нысанның директоры Дәурен Жұмағалиевтің айтуынша, орталықта 15 адамға арналған жатын орын және балалар ойын бөлмесі бар, кір жуатын орын, асхана, тынығу бөлмесі жан-жақты жабдықталған. Алдағы уақытта мекемеге арнайы көлік беріледі деп күтілуде. Мұнда 19 адам тұрақты жұмыс істейді. Жаңа мекеме толықтай мемлекеттен қаржыландырылады.– Бұл орталықта отбасылық жанжалдарды шешуге бағытталған шаралар іске асырылып, қиын жағдайға тап болған адамдарға әлеуметтік, заңдық, психологиялық қолдау көрсетіледі. Тұрмыстық зорлық-зомбылық белгілері бар адамдарға бір айға дейінгі мерзімде уақытша тұру мүмкіндігі беріледі. Бұл мекеменің кәсіби мамандары өңірдегі түрлі әлеуметтік-тұрмыстық мәселелердің оң шешілуіне ықпал етеді деп сенемін, - дейді Д. Жұмағалиев.Жергілікті тұрғындар мұндай орталықтардың болғаны дұрыс деп есептейді.- Отбасы – мемлекеттің бір бөлшегі. Мемлекет мықты болуы үшін алдымен әр отбасы берік болуы керек. Қазіргі кезде әртүрлі әлеуметтік-тұрмыстық жағдайларға байланысты отбасылар, әсіресе жас отбасылар түрлі қиындықтармен бетпе-бет келіп жатады. Ажырасу да жиіліп кетті. Сондықтан дер кезінде отбасыларға қолдау көрсетудің маңызы зор, - дейді Қоғалы ауылдық округінің ақсақалдар кеңесінің төрағасы Серік Турбеков.Ендігі ретте өмірлік қиын жағдайға тап болған адамдарды ерте анықтау мен қолдауды ұйымдастыру үшін аудан бойынша мобильді топтар құрылады. Мобильді топ құрамында ауыл округтерінің әкімдері, әлеуметтік мәселелер жөніндегі қызметкерлер, білім беру мен денсаулық сақтау салалары және ішкі істер органдарының өкілдері қамтылады, яғни бұл істе барлық сала мамандары бірлесіп жұмыс істейді.Жалпы Жетісу облысында «Жанұя» отбасын қолдау орталықтары 2023 жылы Панфилов, Сарқан аудандары мен Текелі қаласында ашылған. Оларға 82 отбасы тіркеліп, психологиялық және әлеуметтік көмектер беріліп, қызмет көрсетілген. Ал биыл Кербұлақ ауданы Қоғалы ауылындағы орталықпен қатар жыл соңына дейін Қаратал, Алакөл аудандарында осындай нысандар ашылады, 2025 жылы Ескелді, Көксу, Ақсу аудандарында ашу жоспарланған. Жетісу облысы әкімінің баспасөз қызметі.Ақпарат көзі : https://www.gov.kz/memleket/entities/zhetysu-oblysy/press/news/details/885621

18 қараша күні Маңғыстау облысының әкімі Нұрдәулет Қилыбай Түпқараған ауданы тұрғындарымен кездескеннен кейін азаматтарды жеке сұрақтары бойынша қабылдау өткізді. Қабылдауға 100-ден астам азамат қатысып, өз өтініштерін білдірді.Азаматтардың басым бөлігі облыс әкіміне жұмыссыздық, тұрғын үйге қатысты мәселелермен келді. Сонымен бірге, іс-түссіз жоғалып кеткен балықшының отбасы іздеу жұмыстарын жалғастыруды сұрап, көмекке жүгінді.Сондай-ақ, тұрғындар ауданның туристік әлеуетін арттыруға бағытталған ұсыныстарды ортаға салды. Атап айтқанда, Тамшалы, Жығылған сияқты көрнекті туристік орындарды абаттандыру мен инфрақұрылымын жақсарту мәселелері көтерілді. Тұрғындар бұл аймақтардың табиғи сұлулығы мен ерекше келбеті туристерді тартуға үлкен мүмкіндіктер беретінін, бірақ абаттандыру жұмыстарының қажеттілігін атап өтті.Қабылдау кезінде ауданның медициналық қызметіне қатысты шағымдар да айтылды. Ерекше балалардың денсаулығына алаңдаған ата-аналар медициналық көмекке мұқтаждық мәселесін көтерді.Қабылдау нәтижесінде тұрғындармен талқыланған сұрақтардың барлығы бақылауға алынып, облыс басшысы Нұрдәулет Қилыбай әрбір өтінішті мұқият тыңдап, мәселелерді шешу бойынша тиісті тапсырмалар берді.Маңғыстау облысы әкімінің баспасөз қызметіАқпарат көзі : https://www.gov.kz/memleket/entities/mangystau/press/news/details/885517

Облыс әкімі Нұрлыбек Нәлібаев Қызылорда қаласындағы құрылыс нысандарын аралап, алдымен кварталаралық жылу желілерін реконструкциялау жұмыстарын көрді.Аталған жоба бойынша 2,97 шақырым желі жаңғыртылуда. Бас мердігер «Механизатор-К», қосалқы мердігер «Асанас-Дар», жобалаушы КБ «МұнайГаз Инжиниринг», техникалық қадағалаушы «Актаустройэксперт серіктестіктері жұмыс атқаруда.Айта кетейік, «Қызылорда қаласындағы Сырдария өзенінің сол жағалау бөлігін жылумен жабдықтау. Аяқталмаған құрылыс» жобасы әзірленіп, мемлекеттік сараптаманың оң қорытындысы алынды. Қазандықтың жұмысына биыл облыстық бюджеттен 300 млн.теңге қаржы қаралып, №2 қазандықтың оттығы, отын сақтау резурвуары, суды химиялық тазалау және автоматтандыру жүйесі жаңғыртылды. Қазір қазандықтар толығымен іске қосылған.Әрі қарай аймақ басшысы Сырдария өзенінің сол жағалауындағы 300 орындық жатаханасы бар, 400 орындық физика-математика мектеп-интернатының құрылыс алаңына барды. Нысанда бас мердігер «Промстройсервис», техникалық қадағалаушы «Стройэксперт» серіктестіктері жұмыс жүргізуде.Аймақ басшысы сол жағалаудағы жеті қабатты 6 тұрғын үйдің құрылысын, бас мердігерлер «Аман құрылыс», «Орион ЛТД», «Риголит», «Промстройсервис», «Е Абу-Сер», авторлық қадағалаушы «Қазақ Жоба Құрылыс» серіктестіктері атқарған жұмыстарды да көрді.Мемлекеттік қолдаудың арқасында «Тұрғын үй-коммуналдық инфрақұрылымды дамытудың 2023-2029 жылдарға арналған тұжырымдамасы» аясында қаржыландырудың барлық көзінен 864 мың шаршы метр тұрғын үйді пайдалануға беру жоспарланған.Биыл бюджеттен тұрғын үй құрылысына және жеке салушылардан дайын пәтерлер сатып алуға 39,1 млрд теңге қаралып, жыл қорытындысымен 2,5 мыңнан аса пәтер пайдалануға беріледі.Ұлттық жоба аясында 1154 пәтерлік 21 тұрғын үйдің құрылысы жүргізілуде. Әлеуметтік жағынан осал топтар үшін 1 819 пәтер, апатты үйлер орнына 135 пәтер сатып алу жоспарланған. Бүгінде аталған топтарға 780 пәтер сатып алынды. Соңғы екі жылда 4 мыңға жуық пәтер табысталып, 17 мың тұрғынның баспана мәселесі шешілді.Тұрғын үй құрылысының көлемі 126 пайызға өсті, 2022 жылы 683 мың шаршы метрден 2023 жылы 741 мың шаршы метрге жетсе, жыл соңына дейін 864 мың шаршы метрге ұлғайту жоспарланған.Облыс әкімі жұмысқа қойылатын басты талап сапа мен мерзім екенін айтты.–Жаңа, жаңғыртылған нысандардың барлығына қойылатын басты талап – сапа. Нысандар қолданысқа берілгеннен кейін халыққа кедергісіз, ұзақ жылдар бойы қызмет көрсетуі тиіс. Сосын құрылысты аяқтау мерзімін қадағалаңыздар. Қолға алынған жұмыстың нәтижесін жұртшылық көруі уақытында керек. Жауапты сала басшылары жөндеу жұмыстарын үнемі тексеріп, кемшілікке жол бермеуі тиіс, – деді аймақ басшысы.Ақпарат көзі : https://www.gov.kz/memleket/entities/kyzylorda/press/news/details/885386

Бүгін, 18 қарашада, Қостанай облысына жұмыс сапарымен Қазақстан Республикасы Парламенті Сенатының спикері Мәулен Әшімбаев келді. Оны облыс әкімі Құмар Ақсақалов қарсы алды. Сапар барысында облыстың негізгі даму бағыттары талқыланды, оның ішінде өнеркәсіп, ауыл шаруашылығы, әлеуметтік инфрақұрылым және халықтың тұрмыс сапасын жақсарту мәселелері басты назарда болды.Машина жасау саласын дамыту және инвестициялық жобаларды қолдауҚұмар Ақсақалов атап өткендей, Қостанай облысы машина жасау саласын белсенді дамытуда. Бұл сала өңірдің өнеркәсіптік өсімінің қозғаушы күші болып табылады. Қазіргі уақытта Қазақстанда шығарылатын барлық автокөліктердің 60%-дан астамы облыстағы зауыттарда құрастырылады. Атап айтқанда, «СарыарқаАвтоПром» ЖШС кәсіпорнында биылғы жылдың 10 айында 66 мыңнан астам автокөлік шығарылды. Бұл сала қарқынды дамып келеді, алдағы уақытта өндіріс көлемін 270%-ға арттыру жоспарланған.Сонымен қатар, өңірде автомобиль жасау саласындағы ірі инвестициялық жобалар іске асырылуда. Олардың қатарында KIA автомобильдерін шығаратын зауыттың құрылысы бар. Кәсіпорынды іске қосу 2025 жылға жоспарланған, бұл 1,5 мың жаңа жұмыс орнын ашуға мүмкіндік береді. Құмар Ақсақаловтың айтуынша, мұндай жобалар өңір экономикасы үшін ғана емес, жоғары білікті мамандар даярлау үшін де маңызды. Dong-Eui оңтүстіккореялық университетімен бірлесіп Қостанай өңірлік университетінің студенттеріне арналған оқу және тәжірибе алмасу бағдарламалары әзірленуде.«Өнеркәсіптің, оның ішінде машина жасау саласының дамуы – бұл өңір экономикасына ғана емес, Мемлекет басшысы қойған стратегиялық міндетті жүзеге асыруға, яғни экономиканы әртараптандыру мен жастар мен жергілікті тұрғындарға жаңа жұмыс орындарын ашуға қосқан маңызды үлес», – деді Мәулен Әшімбаев.Инфрақұрылымды дамыту және ауылдық аймақтарды қолдауСапар барысында қозғалған басты тақырыптардың бірі – инфрақұрылымды дамыту және ауыл тұрғындары үшін қолайлы жағдай жасау болды. Құмар Ақсақаловтың айтуынша, биыл облыста сумен жабдықтау саласында ауқымды жұмыстар атқарылды. Сумен жабдықтау және су тарту бойынша 81 жобаны жүзеге асыруға 21 миллиард теңге бөлінген. Жыл соңына дейін 15 ауылдық елді мекен орталықтандырылған сумен жабдықтау жүйесіне қосылады, бұл ауылдық жерлерде ауыз суға қолжетімділікті 90%-ға дейін арттыруға мүмкіндік береді.Сонымен қатар, облыста тұрғын үй құрылысы қарқынды жүргізілуде. Жыл басынан бері 379 мың шаршы метр тұрғын үй пайдалануға берілді, ал жыл соңына дейін 5 мың пәтердің құрылысы аяқталады деп жоспарлануда. «Қостанай жастары» бағдарламасы аясында жастарға арналған тұрғын үй құрылысына ерекше көңіл бөлініп отыр. Бағдарлама арқасында шамамен 140 отбасы өздерінің тұрғын үй жағдайларын жақсарта алады. Бұл бағытта Сенат спикері өңір басшылығының ұстанымын қолдады.«Ауылдық аймақтар – бұл тек еңбек ететін орын ғана емес, сонымен бірге лайықты өмір сүру кеңістігі. Мемлекет басшысы ауылдық жерлердегі азаматтардың қала тұрғындарымен тең өмір сүру жағдайларын жасау қажеттігін нақты атап өтті», – деді облыс әкімі.Салық саясаты және бизнесті қолдауСапар барысында салық саясаты және жергілікті өндірушілерді қолдау мәселелері де талқыланды. Құмар Ақсақалов өңірдің машина жасаушылары атынан депутаттарға импортталатын жабдықтарға қосылған құн салығын төлеу жеңілдігін ұзарту туралы өтініш білдірді. Бұл қадам кәсіпорындардың қаржылық жүктемесін азайтуға және машина жасау мен ауыл шаруашылығы өндірісін одан әрі дамытуға ынталандыру болмақ.Инвестициялық климат және экономикалық өсімӨңір басшысының айтуынша, соңғы екі жылда облысқа 1 миллиард АҚШ долларынан астам шетелдік инвестиция тартылған. Алдағы жылдары шамамен 1,5 трлн теңге инвестиция тарту жоспарлануда. Құмар Ақсақаловтың пікірінше, машина жасау, металлургия және ауыл шаруашылығы өнімдерін қайта өңдеу сияқты негізгі салаларды дамыту Қостанай облысының елдегі өнеркәсіптік өндіріс көлемі бойынша үздік үштікке енуіне мүмкіндік береді.Мәулен Әшімбаевтың жұмыс сапары Сенат пен жергілікті билік органдары және мәслихат депутаттары арасындағы өзара іс-қимылды нығайтудағы маңызды оқиға болды. Өнеркәсіп, әлеуметтік инфрақұрылым және халықтың өмір сүру сапасын жақсарту мәселелерінде бірлескен жұмыс қажеттілігі облыс әкімі мен Сенат спикері тарапынан ерекше атап өтілді.Ақпарат көзі : https://www.gov.kz/memleket/entities/kostanay/press/news/details/885503

Қарағанды облысы Бұқар Жырау ауданы Ботақара кентінде жасөспірімдер мен жастар арасында аңшы құстармен аң аулау бойынша Қазақстан чемпионаты өтті. Ең мықты бүркітші атағы үшін еліміздің 11 облысынан, Астана мен Алматыдан 60 спортшы бақ сынасты.Жарысқа олар 40 бүркіт, 17 қаршыға және 9 сұңқар алып келді. Аңшылар құстарды қолына тарту, аң аулау және олжа іздеу кезінде оларды бағыттау қабілетімен жарысты.Қарағанды облысынан өнер көрсеткен Қазбек Жандаулет бүркітпен аң аулауда үшінші болды. Бірінші және екінші орындарды Жамбыл және Алматы облыстарының өкілдері иеленді.Бір бүркітшіге бірден белгілі бір санаттағы бірнеше түрлі құстармен өнер көрсетуге рұқсат етілді. Ақмола облысынан Дархан Кеңес бүркіт пен де сұңқармен де жарысқа қатысты.– Менің үлкен ағам алдымен дәстүрлі аң аулауды бастады. Мен де бірте-бірте қызығушылық танытып, онымен бірге жаттығуды бастадым. Бізде сұңқарлар да, бүркіттер де бар. Уақыт болса, әртүрлі құстармен жұмыс істеуді үйренуге болады, – дейді ол. Чемпионатта Дархан сұңқарымен екінші орын алды. Ол сондай-ақ бүркіттермен аң аулайтын финалистердің қатарына кірді, бірақ бұл санатта жүлделі орын алған жоқ.– Дәстүрлі аң аулауда көптеген факторлар рөл атқаруы мүмкін. Бұл ауа-райы, жер бедері, қысым, құстың көңіл-күйі. Барлығы әрқашан бүркіттің шеберлігі мен тәжірибесіне байланысты бола бермейді, дегенмен олар да шешуші рөл атқарады. Менде әлі көп тәжірибе жоқ: әдетте менің ағам жарысқа барады, Мен үйде құстарды бақылап отырамын. Бірақ өткен жылы Көкшетаудағы жарыстарда бүркітпен үшінші орынға ие болдым, – деді Дархан Кеңес.Сұңқар аулауда бірінші орында Алматы облысының өкілі, ал үшінші орында – елорда тұрғыны болды.Түркістан, Жамбыл және Алматы облыстарының қатысушылары сұңқармен аң аулауда үздік атанды.Жеңімпаздар мен жүлдегерлерге 500, 300 және 200 мың теңгеге ақшалай сертификаттар табысталды.Фото Бұқар жырау ауданы әкімдігінен Ақпарат көзі : https://www.gov.kz/memleket/entities/karaganda/press/news/details/885259

Бүгін магистратураға түсуге арналған кешенді тестілеу басталды, ол 23 қарашаға дейін жалғасады. Естеріңізге сала кетсек, Кешенді тестілеуді тапсыруға өтініш қабылдау 28 қазан мен 10 қараша аралығында ҚР ҒЖБМ Ұлттық тестілеу орталығының сайтында app.testcenter.kz жүзеге асырылды.Магистратураға түсуге арналған кешенді тестілеуге 11 мыңға жуық өтініш қабылданды. Ең көп таңдалған білім беру бағыттары қатарында «Педагогикалық ғылымдар», «Инженерлік, өңдеу және құрылыс салалары» және «Бизнес, басқару және құқық» бар.Ғылыми-педагогикалық магистратураға түсу үшін кешенді тестілеу электрондық форматта өткізіледі және үш бөлімнен тұрады: шет тілі бойынша тест, оқуға дайындығын анықтауға арналған тест және білім беру бағдарламалары тобының бейіні бойынша тест. Барлығына 3 сағат 55 минут беріледі. Шекті балл – 75 балл.Естеріңізге сала кетсек, биыл бейінді магистратураға түсу форматына өзгерістер енгізілді. Бейінді магистратураға түсуге ниетті үміткерлер «Оқуға дайындығын анықтауға арналған тест» бөлімінен босатылды. Осылайша, олар тек білім беру бағдарламалары тобының бейіні бойынша тест тапсырады. Шекті балл кемінде 30 балл, оның ішінде әрбір бейінді пән бойынша кемінде 7 балды құрайды.Тестіленуші апелляцияға техникалық себептер бойынша тестілеу барысында, тестілеу тапсырмаларының мазмұны бойынша тестілеу аяқталғаннан кейін 30 минут ішінде өтініш бере алады. Апелляция бес күн ішінде қарастырылады, одан соң сертификат оқуға түсушінің Жеке кабинетінде қолжетімді болады.Магистратурада оқу үшін қысқы қабылдауға 4 мыңнан астам грант бөлінген.ҚР Ғылым және жоғары білім министрлігінің баспасөз қызметіМАГИСТРАТУРАҒА ТҮСУГЕ АРНАЛҒАН КЕШЕНДІ ТЕСТІЛЕУ БАСТАЛДЫАқпарат көзі : https://www.gov.kz/memleket/entities/zhetysu-oblysy/press/news/details/885283

Облыс әкімі Асхат Шахаровтың төрағалығымен өткен аппараттық жиында өңірдің азық-түлік қауіпсіздігін нығайту мәселесі қаралды.Ақтөбе облыстық ауыл шаруашылығы басқармасының басшысы Құсайын Сәрсембай ішкі нарықта тауарлардың қауіпсіздігін қамтамасыз ету және сапасын арттыруға қатысты қабылданып жатқан шаралар туралы мәлімдеді.Оның айтуынша, бүгінгі таңда Ақтөбе облысы азық-түліктің 32 түрінен 26 негізгі азық-түлік өнімі бойынша өзін-өзі қамтамасыз етеді. Бұл – ұн, нан, макарон, сиыр еті, қой еті, жылқы еті, қияр, қызанақ, ашытылған сүт өнімдері, өсімдік майы және т.б. Қалған 6 түрі – қарақұмық, күріш, қант, тұз, бұрыш, балық басқа аймақтардан жеткізіледі және ішінара импортталады.Бүгінгі таңда тұрақтандыру қорына 26 тонна қарақұмық жармасы, 594 тонна қант, 7 880 тонна бірінші сұрыпты ұн және 37 тонна күріш салынды.«Биылғы егіннен 61,8 мың тонна картоп, 43,4 мың тонна көкөніс, 40,0 мың тонна майлы дақылдар жиналды. Бұдан басқа, 2024 жылғы күзгі егіннен бастап желтоқсаннан сәуірге дейінгі маусымаралық кезеңде жергілікті тауар өндірушілермен «Пригородный» ЖШС, «Болат ЛТД» ЖШС, «Арман» ШҚ 4846 тонна картоп, 390 тонна сәбіз, 400 тонна пияз, 448 тонна қырыққабат жеткізуге шарттар жасалды. Бұл көлемдер көрсетілген кезеңге жеткілікті», - деді Құсайын Сәрсембай.Сонымен қатар, облыста қызанақ пен қияр өсірілетін 40 жылыжай жұмыс істейді. Биыл жылыжайларда 17,5 мың тонна қызанақ және 0,7 мың тонна қияр өсірілді. Жылыжай өнімдері облыстың базарлары мен дүкендеріне түседі.Жыл басынан бері 569 ауылшаруашылық жәрмеңкесі өткізіліп, онда тұрғындар жаңа өнімдерді нарық құнынан 10-15% төмен бағамен сатып алды.Жалпы, әлеуметтік маңызы бар азық-түлік тауарларының бағасын тұрақтандыру үшін жергілікті бюджеттен кәсіпкерлік субъектілеріне өңірге қажетті азық-түлікті жеткізуге кредиттер беруге 3764,3 млн. теңге бөлінді. Сондай-ақ, жергілікті жеткізушілер және өндірушілермен азық-түлік жеткізуге келісімшарттар жасалады. Бүгінгі таңда әлеуметтік маңызы бар азық-түлік тауарлары сауда желілеріне, дүкендерге және коммуналдық базарларға белгіленген бағамен жеткізілуде.Облыс әкімі Асхат Шахаров өңір көлемінде өткізіліп жатқан жәрмеңкелерде халық қарасы көп екенін, оны ұйымдастыру өз тиімділігін көрсеткенін және тоқтатпау қажеттігін алға тартты. Сондай-ақ, әлеуметтік маңызы бар азық-түлік өнімдерінің негізсіз өсуіне жол бермеу үшін олардың бағасына мониторингті күшейтуді тапсырды.Ақпарат көзі : https://www.gov.kz/memleket/entities/aktobe/press/news/details/885336

Биыл Форт-Шевченко қаласында 100 орындық жатақхана мен 260 орындық өнер мектебі салынуда. Жатақхана құрылысы 95%-ға аяқталып, жыл соңына дейін пайдалануға беріледі. Бұл нысан аудандағы тапшы мамандарды қызметтік пәтерлермен қамтамасыз ету үшін қарастырылған. Жалпы аумағы 1,6 гектарды құрайтын өнер мектебінің құрылысы 85%-ға дайын. Жыл соңына дейін ашылуы жоспарланған мектепте балалар мен ересектерге арналған мәдени және өнер секциялары жұмыс істейтін болады.Сондай-ақ, үш ауысымды оқытуды жою және оқу орындарының тапшылығын азайту мақсатында Түпқараған ауданына қарасты Сайын Шапағатов ауылдық округінде 1200 орындық, 3 қабатты, заманауи талапқа сай жаңа мектеп құрылысы қарқынды жүріп жатыр. Жоспар бойынша білім ордасы 2025 жылы пайдалануға беріледі деп күтілуде.Маңғыстау облысы әкімінің баспасөз қызметіАқпарат көзі : https://www.gov.kz/memleket/entities/mangystau/press/news/details/885150

Маңғыстау облысына қарасты Түпқараған ауданында халық санының артуына байланысты маңызды әлеуметтік нысандардың құрылысы жүргізілуде.Аудан орталығы Форт-Шевченко, Баутин және Аташ елді мекендерін сумен қамтамасыз ету мақсатында тәулігіне 5000 текшеметр теңіз суын тұщытатын зауыт салынуда. Қазіргі уақытта зауыттың құрылысы 80%-ға аяқталған. Бүгінде бұл елді мекендерге ащы су құбырлар арқылы жеткізіліп, ал тұщы су жер асты көздерінен арнайы тасымалдаушылармен жеткізілуде. Жыл соңына дейін зауыт толық іске қосылып, құбырлар арқылы тұщыландырылған су тұрғындарға берілмек.Аудан инфрақұрылымын жақсарту бағытында тағы бір маңызды жоба – тәулігіне 1000 текшеметр кәріз суын тазартуға арналған жаңа тазарту жүйесінің құрылысы. Бұл жобаның 95%-ы аяқталып, жақын арада іске қосылады деп жоспарлануда.Маңғыстау облысы әкімінің баспасөз қызметіАқпарат көзі : https://www.gov.kz/memleket/entities/mangystau/press/news/details/885162