Техникалық реттеу және метрология комитетінің Қызылорда облысы бойынша департаменті және «Қазақстан стандарттау және сертификаттау институты» РМК-ы Қызылорда филиалы қызметкерлерімен 2017 жылдың 10 қазанында Қызылорда қаласында орналасқан «Электротехнология» ЖШС-де техникалық реттеу және метрология саласына қатысты қолданыстағы заңнамалар мен нормативтік актілер талаптарына түсіндірме жұмыстарын жүргізді. 

«Электротехнология» ЖШС-гі 2003 жылдың 6 тамызында  құрылған. Компания Алматы қаласындағы «KЭИ» ЖШС және Қызылорда қаласындағы «Теплотехникс» ЖШС сияқты ірі кәсіпорындардың екі бөлімшесінің бірігуінің нәтижесінде қалыптасқан. «Электротехнология» ЖШС компаниясы  қызмет ету мерзімінде Қазақстан Республикасында қызмет көрсету нарығында сенімді  ұстанымға ие болған кәсіпорын.

Компанияның негізгі қызмет түрлері: электр жабдықтарына сервистік қызмет көрсету; электр желілері мен қосалқы станциялардың жұмысы; жарылысқа төзімді электр жабдықтарын жөндеу; іске қосу, баптау жұмыстары; электромонтаждау жұмыстары.

Компанияның даму мақсаты - тапсырыс берушінің талаптарын толық қанағаттандыру.

«Электротехнология» ЖШС-і  2017 жылдың маусым айында өткен «Қазақстанның үздік тауары-2017» көрмесінің аймақтық кезеңінде «Өнеркәсіптік мақсаттардағы үздік тауарлар» номинациясына ие болып, Астана қаласында өтетін республикалық көрменің финалына  жолдама жеңіп алды. Компания өзінің дамуын - автоматтандырылған басқару станциясын (САУ) ұсынды. Құрылғы математикалық модельге негізделген «ақылды» жүйені қамтиды, жылжымалы машинамен бірге мұнай кен орындарын механикаландырылған өндірудегі барлық мәселелерді ақылмен, тиімді шешуге мүмкіндік береді. «Электротехнология» ЖШС-да бұл автоматты басқару станциясын «ақылды» шкаф деп атайды. 

Компания Сапа менеджмент жүйесі (халықаралық стандарт ISO 9001), Экологиялық менеджмент жүйесі (халықаралық стандарт ISO 14001), Өндіріс қауіпсіздігі және денсаулық сақтау менеджмент жүйесі (халықаралық стандарт OHSAS 18001), Энергия менеджмент жүйелері (халықаралық стандарт ISO 50001) стандарттарының талаптарына сәйкес интеграцияланған басқару жүйесін енгізген  және осы стандарттардың талаптарына сәйкес үнемі жақсарып отыруды көздейді .

«Электротехнология» ЖШС-гі еліміздегі ірі мұнай компаниялары: «СП «Казгермунай» ЖШС, «Торғай-Пертолеум» АҚ, «Казахойл Актобе» ЖШС, «Эмбамунайгаз» АҚ, «Каражанбасмунай» АҚ, «Мангыстаумунайгаз» АҚ, «Озенмунайгаз» АҚ компанияларымен өзара тиімді ынтымақтастық орнатып жұмыс атқарады.

«Электротехнология» ЖШС-гі кәсіпорынын аралау кезінде департамент қызметкерлерімен «Интернет-магазин» ақпараттық жүйесімен қызмет көрсету, нормативті құжаттарды өзектендіру, 2018-2020 жылдарға арналған Мемлекеттік стандарттау жоспарын қалыптастыру тәртібі, стандарттау бойынша нормативті құжаттардың мәліметтер базасын қалыптастыру жөнінде кеңестер беріп, Кеден одағы және евразиялық Экономикалық одақ  (ЕЭАО)  техникалық регламенттерінің  және басқа да  нормативтік актілер  талаптарын түсіндіріп өтті. Аралау барысында техникалық реттеу, метрология және ЕАЭС техникалық регламенті және т.б нормативтік құжаттардың талаптары бойынша түскен сұрақтарға толық және тыңғылықты жауаптар берілді.

Ақпарат көзі : https://www.gov.kz/memleket/entities/mti-ktrm/press/news/details/17123?lang=kk