2025 жылдың 13-20 мамыр күндері аралығында облысымыздың 8 аудан, 2 қала бойынша облыс әкімінің жүлдесі үшін өткен ХХІІI «ЖЕТІСУ ЖҰЛДЫЗДАРЫ-2025» облыстық балалар шығармашылығы байқауының аймақтық іріктеу кезеңі ұйымдастырылды. Ал, 1 маусым күні І.Жансүгіров атындағы мәдениет сарайында байқаудың Гала-концерті және марапаттау рәсімі өтті.

Байқаудың мақсаты: балалар шығармашылығын дамыту, үлкен сахнаға жол ашу, музыкалық-эстетикалық тәрбие беру, жас таланттарға қолдау көрсету.

Іріктеу кезеңіне облыстың барлық аудан мен қалаларынан 1172-ге жуық үміткерлер қатысты.

Байқау 4 номинация бойынша өткізілді:

1. Эстрадалық ән;
2. Дәстүрлі ән;
3. Хореография;
4. Жеке аспапта ойнау;

Байқауға қатысатын үмiткерлер 3 топ бойынша сайысқа түсті, яғни:

Кіші топ 5-8 жас аралығы;

Орта топ 9-11 жас аралығы;

Үлкен топ 12-15 жас аралығы бойынша.

Байқауға қазылық жасаған өнер қайраткерлері:

1. Нұрмыхаметов Асқар Қалиұлы - Қазақстан Республикасы Мәдениет саласының үздігі, Жетісу облысының халық шығармашылығы орталығының көркемдік жетекшісі.
2. Қалқабаева Гүлмира Мәліққызы - Жетісу облысының мәдениет, архивтер және құжаттама басқармасының мәдениет өнерді дамыту және мониторинг бөлімнің басшысы.
3. Суюндыков Нурбол Абдыкаппарович - Д.Рақышев атындағы облыстық филармониясының Жетісу би ансамбілінің педагог репетиторы, Қ. Байсейтов атындағы саз колледжінің хореография бөлімінің ұстазы.
4. Орынбасар Таңжарық Бинисламұлы – Республикалық, халықаралық байқаулардың лауреаты, Үздік аспапшы, Жетісу облысының Дәнеш Рақышев атындағы филармониясының Мұқан Төлебаев атындағы халық аспаптар оркестрінің аспапшы әртісі.
5. Айдарәли Жанатбек – ақын, дәстүрлі әнші, Жетісу облысының халық шығармашылығы орталығының бас маманы.

Байқау қорытындысы әр номинация және топ бойынша жүлдегерлер дипломдар мен сертификаттар және ақшалай сертификаттармен марапатталды.

Ақпарат көзі : https://www.gov.kz/memleket/entities/zhetysu-archive/press/news/details/1009301?lang=kk