8 тамызда Өскемен қаласында, Үлбі өзенінің Жаңа жағалауында ұлы қазақ ақыны, философы және ағартушысы Абай Құнанбайұлының 180 жылдығына арналған «Адам болам десеңіз» әдеби-музыкалық композициясы өтті.

Шараға келген өскемендіктер мен қала қонақтары ұлы ақынның шығармаларымен танысып, туған жердің сұлулығы мен ұлылығын жырлаған әндерді тыңдап, мерекелік, шабытқа толы атмосфераны сезіне алды. Қонақтар «Ашық микрофон» аймағына қатысып, Абай туралы өз ойларын ортаға салып, оның өлеңдерін мәнерлеп оқыды.

Ауқымды кітап көрмесі Абайдың шығармашылық әлеміне тереңірек үңілуге мүмкіндік берді: шәкірттері мен ізбасарлары — Шәкәрім Құдайбердіұлы, Тәңірберген Әміренов, Сапарғали Әлімбетовтың еңбектері ұсынылды. Шеберлер жәрмеңкесі мен Абайдың әйгілі шығармаларына негізделген картиналар көрмесі тамаша толықтыру болды.

Көрермендер назарына Абайдың он жетінші қара сөзіне негізделген «Жүректің көзі ашылса» атты театрландырылған қойылым ұсынылды.

Сонымен қатар, QR-код арқылы қатысушылар ақын өлеңдерінің аудионұсқасын тыңдап, ұлы ойшылдың терең идеяларын қабылдауды одан әрі жеңіл әрі қызықты етті.

«Абай әлемі — балалар көзімен» комикс алаңында «Ғылым таппай мақтанба», «Жаз», «Бес нәрседен қашық бол», «Қыс» шығармаларының иллюстрациялық интерпретациялары ұсынылды. Ал қорытынды бөлімде «Көзімнің қарасы», «Желсіз түнде жарық ай», «Айттым сәлем, Қаламқас» сияқты сүйікті әуендерден құралған музыкалық аймақ орын алды.

Іс-шара ұрпақтар арасындағы тірі көпірге айналып, әр адамға Абай мұрасына үңіліп, оның сөзі мен музыкасының қуатын сезінуге мүмкіндік берді.

Ақпарат көзі : https://www.gov.kz/memleket/entities/vko-cultura-arhiv/press/news/details/1048640?lang=kk