🟦Кездесу барысында Президент Қасым-Жомарт Тоқаев CNPC Қазақстанның мұнай-газ саласындағы бұрыннан келе жатқан стратегиялық серіктесі екенін атап өтті.

🟦Ол ынтымақтастық жылдарында қол жеткізілген өзара іс-қимылдың жоғары деңгейіне тоқталып, еліміздің энергетикалық секторы үшін маңызды болып табылатын ауқымды бірлескен жобаларды одан әрі ілгерілетуге мүдделілік танытты.

🟦Көмірсутектерді өндіру және өңдеу саласындағы стратегиялық бастамаларды жүзеге асыруға ерекше назар аударылды.

🟦Президент қуаттылығы 12 миллион тоннаға жететін Шымкент мұнай өңдеу зауытын жаңғыртудың маңыздылығына тоқталды, сондай-ақ газ-химия өндірісін дамыту перспективаларын белгіледі.

🟦Агроөнеркәсіп кешеніне қосымша серпін беретін Ақтөбе облысында несепнәр өндіретін зауыт құрылысы да сөз болды.

t.me/aqorda_resmi

Ақпарат көзі : https://www.gov.kz/memleket/entities/kostanai-mendykarin-audany-akimat/press/news/details/1060262?lang=kk