Шымкент қаласы, Сайрам ауданы, қазіргі Қарабұлақ ауылының тумасы Қырықбаев Қуат Фазылұлы – ұзақ жылдар бойы бір мекемеде адал еңбек етіп, кәсіби жолында табандылық танытып келе жатқан үлгілі маман.

Қуат Фазылұлы 1969 жылы 6 сәуірде дүниеге келген. 1976 жылы Карл Маркс атындағы мектептің табалдырығын аттап, 1986 жылы аталған білім ордасын тәмамдады. Еңбек жолын қарапайым жұмысшы ретінде бастап, 1987–1989 жылдар аралығында Отан алдындағы азаматтық борышын абыроймен өтеді.

1991 жылы «Шымкентмай» зауытына слесарь-жөндеуші болып қабылданып, кәсіпорынның дамуына өз үлесін қоса бастады. Еңбегі мен жауапкершілігінің нәтижесінде 1997 жылы бригадир қызметіне тағайындалды. Ал 2012 жылдан бастап дайындық цехының механигі лауазымын атқарып келеді. Бүгінгі күнге дейін осы қызметте табысты еңбек етіп жүрген Қуат Фазылұлы өз жұмысын мақтан тұтады.

Орта білімді, отбасылы, төрт баланың әкесі және төрт немеренің ардақты атасы. 33 жылдық еңбек өтілі бар тәжірибелі маманның өмір жолы – жас буынға үлгі боларлықтай.

#ЕңбекАдамы
#ӨзІсініңШебері
#АдалЕңбек
#КәсібиМаман