«Түркістан» газетінде Қазақстан Республикасы Президентінің сұхбаты жарияланғаннан кейін Шығыс Қазақстан облысының туристік саласының өкілдері материалдың негізгі тезистерімен танысып, өңірлер мен туризм саласын дамыту мәселелері бойынша кәсіби бағаларын білдірді.

Сарапшылар сұхбатта тұрақты әлеуметтік-экономикалық даму, инвестициялық өсім, сондай-ақ халықтың өмір сүру сапасын арттыру мәселелеріне ерекше назар аударылғанын атап өтті. Аталған бағыттар өңірлерде туризмді дамыту міндеттерімен тікелей сабақтас.

Туроператорлық қауымдастық, орналастыру нысандары, туристік базалар, қонақүй бизнесі және салалық ұйымдар өкілдерінің пікірінше, белгіленген басымдықтар келесі қажеттіліктерді растайды:

• өңірлік туризмді дамытудың жүйелі тәсілін қалыптастыру;

• инженерлік және көлік инфрақұрылымын жедел дамыту;

• туристік салаға инвестицияларды белсенді тарту;

• жергілікті жерлердегі кәсіпкерлік бастамаларды қолдау;

• өңірлердің туристік әлеуетін кешенді ілгерілету.

Сондай-ақ, Шығыс Қазақстан облысының табиғи және туристік әлеуеті жоғары екені атап өтіліп, көрсетілген тәсілдер жүйелі түрде іске асырылған жағдайда өңір елдің перспективалы туристік аймақтарының бірі ретінде қарастырылатыны айтылды.

Сала өкілдерінің пікірлері мен бағалары ақпараттық кеңістікте, оның ішінде әлеуметтік желілер мен медиаплатформаларда көрініс тауып, туризмді дамытудың келешегі жөніндегі кәсіби талқылау жалғасуда.

Ақпарат көзі : https://www.gov.kz/memleket/entities/tourism-vko/press/news/details/1139136?lang=kk