Қазақстан Республикасының «Қазақстан Республикасындағы кедендік реттеу туралы» Кодексінің 80-бабына сәйкес кедендік төлемдерді төлеуден босатылады:

- Тұрақты халықаралық тасымал көлігі – жүктерді, багажды және жолаушыларды тасымалдайтын көлік құралдары, сондай-ақ оларды жол бойында пайдалану үшін қажетті мүлік (жабдықтар, отын, азық-түлік) және осы көлік құралдарының апарын (бұзылуын) жоюға байланысты шетелде алынған мүлік.

- Теңіз кәсіпшілігі – теңіз кәсіпшілігін жүргізетін қазақстандық немесе қазақстандық тұлғалар жалға алған теңіз кемелерінің өндірістік қызметін қамтамасыз ету үшін Еуразиялық экономикалық одақтың кедендік аумағынан тыс жерлерге әкетілетін мүлік, сондай-ақ ҚР аумағына әкелінетін олардың кәсіпшілік өнімі.

- Валюта және бағалы қағаздар – ұлттық және шетелдік валюта банкноттары мен монеталары (мәдени-тарихи құндылығы бар банкноттар мен монеталарды қоспағанда), сондай-ақ бағалы қағаздар.

- Гуманитарлық көмек – гуманитарлық көмек ретінде әкелінетін тауарлар (акцизделетін тауарларды қоспағанда).

- Кайрымдылық және техникалық көмек – мемлекеттер, мемлекеттердің үкіметтері, халықаралық ұйымдар желісі бойынша қайрымдылық көмек (соның ішінде техникалық жәрдемдесу) мақсатында әкелінетін тауарлар (акцизделетін тауарларды қоспағанда, медициналық мақсаттар үшін арнайы арналған жеңіл автомобильдерден бөлек).

- Ақша белгілерін өндіруге арналған шикізат – Қазақстан Республикасының Ұлттық Банкі және оның филиалдары, өкілдіктері мен ұйымдары ақша белгілерін өндіру үшін әкелетін шикізат.

- Дипломатиялық тауарлар – шетелдік дипломатиялық және оларға теңестірілген өкілдіктердің, консулдық мекемелердің ресми пайдалануы үшін, сондай-ақ осы өкілдіктердің дипломатиялық және әкімшілік-техникалық персоналына жататын, олармен бірге тұратын, Қазақстан Республикасының азаматтары болып табылмайтын және Қазақстан Республикасының халықаралық шарттарына сәйкес босатылатын тұлғалардың жеке пайдалануы үшін әкелінетін және әкетілетін тауарлар.

- Гранттар есебінен алынатын тауарлар – Қазақстан Республикасының салық заңнамасына сәйкес айқындалған мемлекеттер, мемлекеттердің үкіметтері, сондай-ақ халықаралық ұйымдар берген гранттар қаражаты есебінен сатып алынатын мүлік пен тауарлар.

Назар аударыңыз:

Тауарларды мемлекет пайдасына бас тарту кедендік рәсіміне орналастыру кезінде кедендік деклорациялау үшін кедендік төлем төленбейді.

Кедендік төлемдерді төлеуден босату үшін құжаттарды ұсыну тәртібін уәкілетті орган айқындайды.

Ақпарат көзі : https://www.gov.kz/memleket/entities/kgd-pavlodar/press/news/details/1276758?lang=ru