Кишинев, 2026 жылғы 20 тамыз. ҚР Елшісі Алмат Айдарбеков Молдова Республикасының Орталық сайлау комиссиясының Төрағасы Анжелика Караманмен кездесті.

Кездесу барысында тараптар 2026 ж. 23 тамызда өтетін Қазақстан Республикасы Құрылтайы депутаттарының алдағы сайлауын талқылады.

Молдова ОСК Төрайымы А.Караман Қазақстандағы сайлауға халықаралық байқау миссиясы аясында қатысады. Сапар барысында ол сайлау процесін ұйымдастырумен және ҚР ОСК қызметімен танысуға, сондай-ақ екі елдің сайлау органдары арасында кәсіби тәжірибе алмасуға қызығушылық танытты.

Тараптар сондай-ақ Кишинев қаласындағы Қазақстан Республикасының Елшілігі жанынан ашылатын сайлау учаскесінде Қазақстандағы сайлауды өткізу мәселесін талқылады. Молдовада тұрақты немесе уақытша тұратын Қазақстан азаматтары аталған сайлау учаскесінде өздерінің сайлау құқықтарын жүзеге асыра алады.

А.Караман Елшіге Молдова Республикасының сайлау заңнамасын жетілдіру бойынша жүргізіліп жатқан жұмыстар туралы хабардар етті. Атап айтқанда, ол Молдова Республикасының Парламентінде жаңа Сайлау кодексінің қаралып жатқанын атап өтті.

Кездесу барысында Молдова Республикасында 2026 ж. күзінде өткізілуі күтілетін кезекті жергілікті сайлауға дайындық мәселелері бойынша да пікір алмасты.

Тараптар Қазақстан мен Молдованың сайлау органдары арасындағы кәсіби байланыстарды одан әрі дамытуға, сайлауды өзара байқауға және тәжірибе алмасуға мүдделілік білдірді.

Ақпарат көзі : https://www.gov.kz/memleket/entities/mfa-kishinev/press/news/details/1277751?lang=ru