2025 жылғы 22 қаңтардан бастап, 2026 жылға арналған Мемлекеттік кепілдендірілген тегін медициналық көмек (МКТМК) және Міндетті әлеуметтік медициналық сақтандыру (МӘМС) жүйесі аясында медициналық қызмет көрсетуге Міндетті әлеуметтік медициналық сақтандыру қорымен шарттың болмауына байланысты, денсаулық сақтау басқармасының бұйрығымен тіркелген халық аумақтық тиесілілігіне сәйкес аудандық медициналық ұйымдарға автоматты түрде қайта бөлінді:🔹 «Интермедикал» ЖШС (8 831 адам) және«BRT Clinic» ЖШС (1 513 адам)➡️ Талғар аудандық орталық ауруханасына бөлінді.🔹 «МЕД ЦЕНТР “МЕДИНА”» ЖШС (3 828 адам)➡️ Қарасай клиникалық көпсалалы орталық аудандық ауруханасына бөлінді.Маңызды: аумақтық қағидат бойынша жүзеге асырылған автоматты қайта бөлу пациенттің таңдау құқығын шектемейді. Әрбір азамат алғашқы медициналық-санитариялық көмек алу үшін медициналық ұйымды өз бетінше таңдауға құқылы.Ақпарат көзі : https://www.gov.kz/memleket/entities/almobl/press/news/details/1146782?lang=kk

Бас прокуратураның Құқықтық статистика және арнайы есепке алу жөніндегі комитетінің Қылмыстық қатерлер мен қоғамдық қауіпсіздік тәуекелдерін болжау орталығы интернет-алаяқтықтың жаңа схемасы туралы ескертеді.Шетелдік дереккөздердің (https://vz.ru/news/2026/1/4/1385164.html, мәліметтері бойынша https://www.ixbt.com/live/offtopic/mvd-predupredilo-ovredonosnyh-zagruzkah-cherez-knizhnye-boty-v-telegram.html) алаяқтар тегін электрондық кітаптар ретінде Telegram-ға зиянды файлдарды таратады.Алдау схемасы өте қарапайым: Сіз Telegram-нан кітаптардың үлкен кітапханасына қолжетімділік туралы шектеусіз хабарлама аласыз.Қажетті басылым сұралғаннан кейін бот нақты сервиске имитиция жасай отырып, кітап сюжетінің қысқаша сипаттамасын жасайды, бірақкітапты оқу немесе жүктеудің орнына Сізге «арнайы қосымша» деген атаумен вирустық файл жібереді.Файлды орнату өте ауыр салдарға әкеледі: парольдер мен ақшаларды ұрлау, хат алмасу және фотосуреттерге қол жеткізу, смартфонды қашықтанбасқару және жеке деректерді жоғалту.Бейресми көздерден басқа қосымшаларды орнату жағымсыз салдарларға әкеп соғуы мүмкін.Кибергигиена ережелерін сақтау және жеке қырағылық осындай қауіп-қатерлерден қорғаудың негізгі шаралары болып қалуда.Комитеттің Қылмыстық қауіпқатердің және қоғамдық қауіпсіздіктің тәуекелдерні болжау орталығы көрсетуді сұраймызАқпарат көзі : https://www.gov.kz/memleket/entities/kostanai-bmalin-audany-akimat/press/news/details/1150509?lang=kk

Абай облысында 78 жастағы әке колония қақпасынан қызын қарсы алды.        Абай облысындағы әйелдер колониясында жүрек тебірентерлік, ерекше сәт орын алды. Бұл күні үш сотталған әйел үшін колония қақпасы айқара ашылды. Әрқайсысы бұл күнді асыға күтті. Олардың әрқайсысының тағдыры бөлек, жазасы мен бабы да әртүрлі. Алайда дәл осы күні барлығын біріктірген ортақ нәрсе — бостандық болды. Бұл — еркіндікке шыққан, жаңа өмірге қадам басқан күн еді.                                Бостандыққа шыққандардың қатарында Павлодар қаласының 34 жастағы тұрғыны бар. Ол алаяқтық жасағаны үшін төрт жыл жеті ай мерзімге бас бостандығынан айырылған болатын. Бұл жылдар ол үшін үлкен өмірлік сабақ болып, өткеніне басқа көзқараспен қарап, болашағын қайта бағалауға мүмкіндік берді.           Жазасын өтеу барысында ол мекемеде өткізілген барлық іс-шараларға белсенді қатысып, тәртіптілігімен, еңбекқорлығымен және айналасындағыларға құрметпен қарауымен көзге түсті. Түзелу жолына түскенін ісімен дәлелдегені үшін оған шартты түрде мерзімінен бұрын босату қолданылды.          Колония қақпасының алдында оны 78 жастағы әкесі толқыныс пен ыстық құшақ жая қарсы алды. Қарт әке барлық осы жылдар бойы қызын үмітпен, жақсы болашаққа сеніммен күткен. Жасына және денсаулығына қарамастан, ол қызын қолдауды бір сәтке де тоқтатпаған — хат жазып, сирек болса да телефон арқылы сөйлесіп, үнемі дұға еткен.           Ұзақ жылдарғы айырылысу мен сирек байланыс екеуі үшін де ауыр сынақ болды. Ал бүгінгі күн — сол жылдар бойы жиналған сағыныш пен сезімдердің көз жасымен, үнсіз құшақпен сыртқа шыққан ерекше сәтке айналды. — Менің жасыма келіп қалғаныма қарамастан, әлі тұрмыс құрмадым, балам жоқ. Жақындарымнан тек ата-анам ғана бар, кезінде оларды қатты ренжіттім. Әкеме — 78, анама — 75 жас. Осы уақыттың бәрінде дәл солар маған ертеңге деген үміт сыйлады. Енді өмірімді таза парақтан бастап, отбасы құрып, аналық бақытты сезінгім келеді. Қоғамға да, ата-анама да пайдалы, адал өмір сүргім келеді, — деп бөлісті бостандыққа шыққан әйел.           — Мен бұл күнге жеткеніме әлі де сене алар емеспін. Қызым осында отырған кезде оны бостандықта көрмей кетем бе деген қорқынышпен өмір сүрдім. Жасым келген адаммын, денсаулығым да сыр беріп жүр. Бірақ бір күні қызым үйге оралады деген үміт маған да, жұбайыма да өмір сүруге күш берді. Ол — біздің жалғыз қызымыз. Ата-ананы да, баланы да таңдап алмайсың. Біз қызымызды жақсы көреміз және қандай жағдай болса да қолдаймыз, — деді әкесі.             — Қызметім барысында көптеген әйелдің бостандыққа шыққан сәтіне куә болдым. Туған-туыстарымен қауышу, еркіндіктің алғашқы қадамдары — мұның бәрі босатудың жай ғана рәсім емес екенін көрсетеді. Бұл — жаңа өмірге жол ашатын, адамға үміт пен сенім сыйлайтын ерекше сәт, — деді мекеменің арнайы есеп бөлімінің бастығы Светлана Голикова.            Осындай сәттер түзеу мекемелерінің басты мақсаты — адамның өз қателігін түсініп, қоғам өміріне қайта бейімделуіне көмектесу екенін тағы бір мәрте дәлелдейді. Бостандыққа шыққан әрбір адам үшін бұл — жаңа өмірдің бастау нүктесі.Ақпарат көзі : https://www.gov.kz/memleket/entities/duisabai/press/news/details/1146688?lang=kk

Қазақстан Республикасының Денсаулық сақтау министрлігі 4 994 дәрілік препаратқа көтерме және бөлшек саудада өткізу үшін шекті бағаларды бекіткенін естеріңізге сала кетеміз.Мониторинг қорытындысы бойынша қаланың бірқатар дәріханаларында жекелеген дәрілік заттарға шекті сату бағасының асып кету фактілері анықталды. Атап айтқанда, «Адвантан» жақпа майының, сондай-ақ «Декарис» 50 мг, «Дюфастон» препараттарының және басқа да бірқатар дәрілік тауарлардың белгіленген шекті бағасының асып кетуі тіркелді.Бұдан басқа, мониторинг барысында жекелеген сұранысқа ие дәрілік препараттардың, оның ішінде «Бипрол», «Димедрол», «Аминазин», «Медаксон» жоқ екені анықталды.Анықталған фактілер бойынша ақпарат қолданыстағы заңнама шеңберінде тиісті шаралар қабылдау үшін жолданатын болады.Өскемен қаласының қоғамдық кеңесі қала дәріханаларында шекті бағалардың сақталуына және әлеуметтік маңызы бар дәрілік препараттардың болуына қоғамдық бақылауды жүзеге асыру жөніндегі жұмысты жалғастырады.Ақпарат көзі : https://www.gov.kz/memleket/entities/ukmaslihat/press/news/details/1146674?lang=kk

              Абай облысында гаражында марихуана сақтаған тұрғын қоғамдық жұмыстарға тартылды. Абай облысының 52 жастағы тұрғыны тау баурайында келе жатып жабайы марихуана өсімдігін байқаған. Ер адам оны жұлып алып, үйіне әкеліп, есірткіні жеке пайдалану үшін гаражда сақтаған. Сот оны кінәлі деп тауып, алпыс сағат мерзімге қоғамдық жұмыстарға тарту жазасын тағайындады. Үкім заңды күшіне енгеннен кейін сотталған адам Аягөз аудандық пробация қызметіне тіркелді. Тіркеу кезінде онымен заңға бағынатын мінез-құлықты қалыптастыруға және қайталанатын құқық бұзушылықтардың алдын алуға бағытталған тәрбие және құқық түсіндіру жұмыстары жүргізілді. Сот тағайындаған жазаны орындау үшін ер адам Аягөз аудандық мәдениет үйіне жұмысшы болып жұмысқа орналасты. Қазіргі уақытта ол пробация қызметкерлерінің бақылауымен аумақты тазалаумен, қар тазалаумен және басқа да қоғамдық пайдалы жұмыстарды орындаумен айналысады.            — Мен үлкен қателік жібергенімді толық түсіндім. Сол кезде оның салдары туралы ойламадым, бірақ бүгін заң бұзып, жақындарымды жерге қаратқанымды түсіндім. Менің отбасым, әйелім және екі балам бар, мен олардың алдында бұл әрекетім үшін ұяламын. Пробация қызметімен жұмыс істеу маған мінез-құлқымды қайта қарауға және дұрыс қорытынды жасауға көмектесті. Қоғамдық жұмыстар мен үшін кінәні өтеуге және ең алдымен заңға бағынып өмір сүре алатынымды өзіме дәлелдеуге мүмкіндік болды. Мен шын жүректен өкінемін және мұндай жағдай қайталанбауы үшін заң талаптарын қатаң сақтауды көздеп отырмын, — деді есептегі сотталған. —                          Пробация қызметінің негізгі мақсаты — сотталғандарды түзетуге және оларды қайта әлеуметтендіруге жәрдемдесу. Қоғамдық жұмыстар мен алдын алу жұмыстары заңға жауапкершілікпен қарауды қалыптастыруға және қайталанатын құқық бұзушылықтардың алдын алуға көмектеседі, — деп атап өтті Аягөз аудандық пробация қызметінің аға инспекторы Ермек Қалиев.Ақпарат көзі : https://www.gov.kz/memleket/entities/duisabai/press/news/details/1146676?lang=kk

Мемлекет басшысының ауқымды цифрландыруды жүзеге асыру және жасанды интеллект технологияларын Республика көлемінде белсенді енгізу жөніндегі тапсырмалары аясында Алматы қаласында «Аккредиттеу: жаңа үрдістер мен көзқарастар» тақырыбында салалық кеңес өтті. Іс-шара ҚР СИМ ТРМК «Ұлттық аккредиттеу орталығы» РМК ұйымдастыруымен әл-Фараби атындағы Қазақ ұлттық университетінің базасында өтті. Кеңеске сапа инфрақұрылымы институттарының, аккредиттеу субъектілерінің, салалық сарапшылар мен ғалымдардың өкілдері қатысты. Кеңес жұмысына Қазақстан Республикасы Сауда және интеграция Вице-министрі Асет Нүсіпов алғы сөз сөйлеп, техникалық реттеу саласындағы мемлекеттік саясаттың негізгі басымдықтарын атап өтті. Ол саланы цифрландыруға, техникалық реттеудің электрондық жүйесі — е-КТРМ платформасын дамытуға және оны одан әрі жетілдіру шараларына ерекше назар аударды. Кездесудің негізгі тақырыбы аккредиттеу жүйесінің қазіргі жай-күйі мен даму перспективаларын цифрлық шешімдер мен қашықтан бағалау құралдары арқылы талқылау болды. ҚР СИМ ТРМК «Ұлттық аккредиттеу орталығы» РМК бас директоры Искандер Хамитов қашықтан бағалауды аккредиттеу субъектілері арасында адал тәжірибені қалыптастырудың негізгі тетіктерінің бірі ретінде қарастыру қажет екенін атап өтті. «Біз рәсімдерді жетілдіруге, сыбайлас жемқорлық тәуекелдерін төмендетуге және аккредиттеу саласында бірыңғай, ашық тәсілдерді қалыптастыруға мүмкіндік беретін жүйелі шешімдерге көшу үстіндеміз. Цифрлық құралдар осы трансформацияның ажырамас бөлігіне айналуда», — деді Искандер Хамитов. Сондай-ақ ол «Аккредиттеудегі 20 жаңа тұлға» және «20 жаңа бағалаушы» жобалары туралы айтып өтті. Бұл бастамалар саланың кадрлық әлеуетін нығайтуға және сабақтастықты қамтамасыз етуге бағытталған. Сонымен қатар нарықтағы сертификаттау тәжірибесіне қатысты мәселелер де қозғалды. Қатысушылар кейбір жағдайларда көлік құралы конструкциясының қауіпсіздігі туралы куәлікті (КҚКҚТК) шамадан тыс көп берілуі байқалатынын атап өтіп, бұл сәйкестікті бағалау рәсімдерінің сапасы мен ашықтығына қосымша назар аударуды қажет ететінін айтты. Саланы жүйелеу және бірыңғай тәсілдерді қалыптастыру мақсатында жеке көлік құралдарының сәйкестігін бағалау жұмыстарын жүргізу мерзімдері мен негізгі критерийлерін айқындайтын СТ РК 4038-2016 «Жеке көлік құралдарының сәйкестігін бағалау жұмыстарын жүргізу уақыт нормалары» ұлттық стандарты әзірленді.Ақпарат көзі : https://www.gov.kz/memleket/entities/mti-ktrm/press/news/details/1146684?lang=kk

        Абай облыстық ҚАЖД мекемесінде "Заң мен тәртіп" бейнеролигі көрсетілді.            Қазақстан Республикасы Президентінің "Қазақстан Республикасының ішкі саясатының негізгі қағидаттарын, құндылықтары мен бағыттарын бекіту туралы" Жарлығын орындау мақсатында Абай облысының қауіпсіздігі барынша жоғары мекемесінде алғаш рет келушілерге арналған "Заң мен тәртіп" ақпараттық бейнеролигінің көрсетілімі ұйымдастырылды. Бейнематериалды көру мекеменің күту бөлмесінде күнделікті қолжетімді. Бастама "Заң мен тәртіп" қағидатын іске асыруға, азаматтардың құқықтық мәдениетінің деңгейін арттыруға және заңнама талаптарына құрметпен қарауды қалыптастыруға бағытталған.             Бейнероликте заңдылықты қамтамасыз ету саласындағы мемлекеттік саясаттың негізгі ережелері, заң алдындағы барлығының теңдігі және құқықтық нормалардың сақталуы үшін жеке жауапкершілік қарапайым түсіндіріледі. Роликті көрсету сыбайлас жемқорлыққа нөлдік төзімділікті қалыптастыруға, құқықтық сауаттылықты арттыруға және азаматтардың заңдарды сақтауға саналы көзқарасын арттыруға ықпал етеді.           - Бейнеролик көрсету келушілердің құқық қорғау органдарының қызметіне деген сенімін нығайтуға және қоғамдық және жеке қауіпсіздік мәселелеріне жауапкершілікпен қарауды қалыптастыруға мүмкіндік береді, - деп атап өтті мекеме бастығы Аслан Нурбеков.             Мекеме әкімшілігі азаматтардың құқықтық тәртібі мен құқықтық санасын нығайтуға бағытталған ақпараттық бейнематериалдарды көрсету тәжірибесін жалғастыруды жоспарлап отырАқпарат көзі : https://www.gov.kz/memleket/entities/duisabai/press/news/details/1146665?lang=kk

Мемлекет пен халық арасындағы цифрлық өзара іс-қимылдың негізгі құралына айналған eOtinish платформасы қазақстандықтар арасында тұрақты сұранысқа ие екенін көрсетіп отыр. 2025 жылдың қорытындысы бойынша жүйе арқылы 5 миллионнан астам өтініш қабылданды. Бұл «Естуші мемлекет» тұжырымдамасы аясында азаматтар мен бизнес өтініштерін қараудың жаңа форматының тиімділігін айқын дәлелдейді.2022 жылғы 1 шілдеден бастап іске қосылған eOtinish жүйесі азаматтар мен ұйымдардың өтініштерін қабылдау, өңдеу және орындауды бақылау үдерістерін толық автоматтандырды. Бүгінде платформа пайдаланушылары онлайн режимде өз өтініштерінің мәртебесін қадағалап, мемлекеттік органдармен өзара әрекеттесу тарихын көре алады, жауаптардың сапасын бағалап, орындау бойынша шағымдар жолдайды, сондай-ақ Қазақстан Республикасының соттарына арыздар бере алады.«Естуші мемлекет» тұжырымдамасын енгізу және өтініштерді қараудың жаңа форматына көшу Мемлекет басшысының 2021 жылғы 26 қаңтарда Үкіметтің кеңейтілген отырысында берген тапсырмасына сәйкес «e-Өтініш» бірыңғай ақпараттық жүйесі - eOtinish.kz платформасын енгізу бойынша ауқымды жұмыстарға негіз болды. Келесі маңызды қадам ретінде 2020 жылғы 29 маусымда қабылданған №350-VI Әкімшілік рәсімдік-процестік кодекс күшіне еніп, өтініштермен жұмыс істеудің тәсілін түбегейлі өзгертті.«Бүгінде eOtinish мемлекет пен халық арасындағы цифрлық өзара іс-қимылда маңызды рөл атқарып, азаматтардың жоғары сеніміне ие болып отыр. «ҰАТ» АҚ командасы жүйені одан әрі ыңғайлы әрі тиімді ету бағытында жүйелі түрде дамытып келеді. Қазіргі таңда біз жедел әрекет ету мен деректерді талдауға арналған жасанды интеллект көмекшілерін енгізу және жетілдіру жұмыстарын жүргізіп жатырмыз», - деді «ҰАТ» АҚ Басқарма төрағасының орынбасары Гүлмира Исабекова.Бірыңғай цифрлық платформаны іске қоспас бұрын өтініштер әр ведомствоның өз арналарымен қабылданып, тіркелетін. Бұл азаматтар үшін қолайсыздық туғызып, үдерістердің ашықтығын төмендетіп, ведомствоаралық бақылау мүмкіндіктерін шектейтін. eOtinish осы үдерістерді бір жүйеге біріктіріп, ашықтықты, ыңғайлылықты және орындау мерзімдерін бақылауды қамтамасыз етті.2025 жылы платформа арқылы жеке тұлғалардан 4 миллионнан астам, заңды тұлғалардан 1 миллионға жуық өтініш келіп түсті. 2024 жылмен салыстырғанда өсім шамамен 1 миллион өтінішті құрады.Өтінішті eOtinish.kz сайты, eGov.kz порталы, eGov Mobile мобильді қосымшасы, сондай-ақ ХҚКО мен «Нәтиже» өтініштерді қабылдау орталықтары арқылы беруге болады.Алдағы уақытта жасанды интеллектке негізделген талдамалық құралдарды дамыту, мемлекеттік органдардың Бірыңғай білім базасын жаңарту және платформаның функционалын кеңейту жоспарланып отыр. Бұл азаматтардың өтініштерімен жұмыс істеудің сапасы мен ашықтығын одан әрі арттыруға мүмкіндік береді.Ақпарат көзі : https://www.gov.kz/memleket/entities/aqmola-selinograd/press/news/details/1146596?lang=kk

Бүгін халықаралық гуманитарлық құқыққа саяси бейілділікті күшейту жөніндегі жаһандық бастаманың алты негізін қалаушы мемлекет 2026 жылдың төртінші тоқсанында Иордания Хашимит Корольдігінде соғыс кезінде адамзаттық құндылықтарды сақтауға арналған жоғары деңгейлі конференция өтетінін жариялайды.Ұлы Мәртебелі Иордания Хашимит Корольдігінің Королі II Абдалла бен әл-Хусейн және Бразилия, Иордания, Қазақстан, Қытай, Франция және Оңтүстік Африка Республикасы басшылары Халықаралық Қызыл Крест Комитетімен әріптестікте барлық мемлекеттердің басшыларын осы шешуші кезеңде бірлесіп әрекет етуге шақырады. Біз соғыс жүргізу ережелерінің қақтығыс кезіндегі ортақ адамгершілігімізді сақтауда іргелі маңызға ие екенін және бұл ережелердің әмбебап, әділ әрі дәйекті түрде сақталуы тиіс екенін бір ауыздан растап, бірлік танытуымыз қажет.Соғыстағы қатыгездікті, ақылға қонымсыз адамзаттық азап-қайғыны және залалды тоқтатуға деген терең жауапкершілік пен шұғыл қажеттілікті сезіне отырып, Бразилия, Иордания, Қазақстан, Қытай, Франция және Оңтүстік Африка Республикасы Халықаралық Қызыл Крест Комитетімен бірлесіп, 2024 жылғы қыркүйекте халықаралық гуманитарлық құқық жөніндегі жаһандық бастаманы іске қосты.Бүгінгі күнге дейін әлемнің барлық өңірлерінен тоқсан тоғыз мемлекет халықаралық гуманитарлық құқық жөніндегі жаһандық бастамаға ресми түрде қосылды. Жиырма жеті мемлекет халықаралық гуманитарлық құқықты құрметтеуді нығайтуға және соғыс жүргізудің қазіргі заманғы өзгерістері туындатқан сын-қатерлерді шешуге бағытталған практикалық ұсынымдар әзірлеу үшін жеті тақырыптық жұмыс бағытын бірлесіп үйлестіруде. Біз барлық мемлекеттерді осы күш-жігерге қосылып, соғыс уақытында зұлымдықтың алдын алып, адамзаттық құндылықтарды қорғау бойынша ортақ жауапкершілігіміз төңірегінде бірігуге шақырамыз.Ақпарат көзі : https://www.gov.kz/memleket/entities/mfa-pretoria/press/news/details/1147226?lang=kk

Жаңа салық кодексінде келесі үш арнаулы салық режимі көзделген: өзін-өзі жұмыспен қамтылғандар үшін; оңайлатылған декларация негізіндегі режим; шаруа және фермер қожалықтары үшін.1️⃣ Оңайлатылған декларация негізіндегі АСР🔹 Осы режимді қолдануды жоспарлап отырған салық төлеушілер 2026 жылғы 1 наурызға дейін қолданылатын салық салу режимі туралы хабарлама ұсынуы қажет.🔹 Егер көрсетілген мерзімде хабарлама ұсынылмаса, салық төлеушілер 2026 жылғы 1 қаңтардан бастап автоматты түрде жалпыға бірдей белгіленген салық салу тәртібіне ауыстырылады.🔸 Хабарламаны:🟦Салық төлеушінің кабинеті (АЖ СӘИЖ жүйесінде «Құжаттарды тапсыру» — «Қолданылатын салық салу режимі туралы хабарлама» бөлімі).🟦«E-Salyq Business» арнайы мобильді қосымшасы арқылы («Қызмет» — «ЖК салық салу режимін өзгерту» бөлімі).🟦Қағаз нұсқада орналасқан жері бойынша МКБ арқылы;🟦Банктердің мобильді қосымшалары арқылы (қазіргі уақытта бұл сервис Kaspi Bank қосымшасында «Мемлекеттік қызметтер» — «ЖК реквизиттері мен салық режимін өзгерту» бөлімінде іске асырылған) беруге болады.2️⃣ Өзін-өзі жұмыспен қамтығандарға арналған арнаулы салық режиміне көшу🔹 2026 жылғы 1 наурыздан бастап салық органдары 2025 жылы патент негізіндегі АСР немесе арнайы мобильді қосымшасы арқылы АСР қолданған салық төлеушілерді ЖК ретінде есептен автоматты түрде шығарады.🔹 Есептен шығару күні ретінде 2026 жылғы 1 қаңтар танылады, бұл ретте салық төлеушінің есептен шығу туралы өтінішті өз бетінше беру құқығы сақталады.🔹 Егер салық төлеуші қолданылатын салық салу режимі туралы хабарлама тапсырып, өзге режимді таңдаған жағдайда, есептен шығару жүргізілмейді. Бұл ретте өзін-өзі жұмыспен қамтығандарға арналған АСР қолдана басталған күні ретінде «E-Salyq Business» мобильді қосымшасында алғашқы чек қалыптастырылған күннен танылады.3️⃣ Шаруа және фермер қожалықтары (ШФҚ) үшін арнаулы салық режиміне көшу🔹 Аталған режимге көшу 2026 жылғы 1 наурызға дейін салық органдары арқылы автоматты түрде жүзеге асырылады және хабарлама тапсыруды талап етпейді.Ақпарат көзі : https://www.gov.kz/memleket/entities/kgd-shymkent/press/news/details/1146580?lang=kk

Ақмола облысы бойынша Мемлекеттік кірістер департаментінің қызметкерлері Қазақстан Республикасының Салық кодексіне енгізілген өзгерістер бойынша түсіндіру жұмыстарын белсенді жүргізуде.Іс-шаралар барысында кәсіпкерлер жаңа заңнамалар бойынша түсіндірмелер алып, практикалық сұрақтарына жауаптар алуда. Сонымен қатар бизнес өкілдеріне  кәсіпкерлерді қолдау және бухгалтерлік пен салықтық есепті жүргізу сапасын арттыру мақсатында Қазақстан Республикасы Қаржы министрлігі «Халық бухгалтері» акциясы өткізіліп жатқаны туралы ақпарат жеткізілуде.    Акция 2026 жылғы 5 қаңтарда басталып, 2026 жылғы 30 маусымға дейін жалғасады.      «Халық бухгалтері» — жеке кәсіпкерлер мен шағын бизнес субъектілеріне арналған тегін консультациялық көмек.       Кәсіпкерлер бухгалтерлік есеп, салықтық есептілік және ақпараттық жүйелермен жұмыс істеу мәселелері бойынша түсінікті әрі практикалық түсіндірмелер ала алады.       2026 жылғы қаңтар–ақпан айларында консультациялар аптасына 3 рет (дүйсенбі, сәрсенбі, жұма) сағат 10:00-ден 13:00-ге дейін өткізіледі.      2026 жылғы наурыздан бастап консультациялар аптасына 2 рет жүргізіледі.          Акция аясында консультацияларды кәсіби бухгалтерлер мен аудиторлар, кәсіби бухгалтерлік бірлестіктердің өкілдері, сондай-ақ заңнама нормаларын түсіндіру үшін мемлекеттік кірістер органдарының ең тәжірибелі қызметкерлері жүргізеді.   Ақмола облысы бойынша іс-шара Көкшетау қаласы, Назарбаев даңғылы, 21А мекенжайында орналасқан Көкшетау қаласы бойынша Мемлекеттік кірістер басқармасында өтеді.       Сондай-ақ қабылдау уақытында аудандық және қалалық басқармалар арасында бейнебайланыс пен телефон арқылы кеңес беру мүмкіндігі көзделген.Ақпарат көзі : https://www.gov.kz/memleket/entities/kgd-akmola/press/news/details/1146545?lang=kk

Мол өнім тек күн сәулесі мен суға ғана байланысты емес. Табысты егіншіліктің басты шарты — өсімдіктерді дұрыс әрі теңгерімді қоректендіру. Тіпті ең сапалы тұқымдардың өзі қажетті қоректік заттармен қамтамасыз етілмесе, өз мүмкіндігін толық көрсете алмайды. Сондықтан арнайы биологиялық және минералды қоспаларды қолдану аса маңызды.Алматы облысы Еңбекшіқазақ ауданына қарасты Саймасай ауылында сәндік өсімдіктерге, көкөніс дақылдарына, жеміс-жидек ағаштарына арналған «Агроцен» биопрепаратының өндірісі іске қосылған. Бұл өнімді отандық Kazagrocen компаниясы әзірлеген және қазіргі таңда нарықта теңдесі жоқ құралдардың бірі саналады.Жеті жыл бұрын аталған жобаны дамытуға 700 миллион теңгеден астам инвестиция салынған. Қаражат отандық жемдік қоспалар мен минералды тыңайтқыштар өндіруге, сондай-ақ органикалық йод негізіндегі сусын концентраттарын әзірлеуге бағытталды. Қысқа мерзім ішінде кәсіпорын отандық нарықта ғана емес, ТМД елдерінде де өзін сенімді өндіруші ретінде көрсете білді. Минералды тыңайтқыштар көлемі 10 литрлік ыдыстарда шығарылады. Бүгінде компания шамамен 20 жергілікті тұрғынды тұрақты жұмыспен қамтып, жылына 25 тоннадан астам өнім өндіреді.Кәсіпорын қызметі ұрпақтар сабақтастығының нақты үлгісі болып отыр. Компанияның негізін қалаушы Иван Божков әкесі — Евгений Алексеевич Божков қалыптастырған ғылыми-өндірістік бағытты жалғастырып келеді. Ол шамамен 40 жыл бойы адам мен жануарлар ауруларының алдын алу, анықтау және емдеуге арналған йодорганикалық қосылыстар негізіндегі жаңа дәрілік препараттар мен биологиялық белсенді қоспаларды әзірлеумен айналысқан.Йод — адам, жануар және өсімдік ағзасының дұрыс дамуы мен қалыпты тіршілігі үшін аса маңызды микроэлемент. «Стеко ЛТД» компаниясымен бірлесіп, құрамына қосымша микроэлементтер енгізілген «Агроцен» биопрепараты жасалды. Бұл құрал өсімдіктердегі йод жетіспеушілігін тез әрі тиімді толықтырып, түрлі ауруларға қарсы тұру қабілетін арттырады. Препараттың ерекшелігі — құрамындағы органикалық йодтың қолданылуында. Бұл тәсіл өнімнің экологиялық қауіпсіздігін қамтамасыз етіп, мөлшері артқан жағдайда да уытты әсердің болмауына мүмкіндік береді.Препарат тұқымды егу алдында өңдеуге, сондай-ақ жапырақ арқылы қосымша қоректендіруге пайдаланылады. Соның нәтижесінде өнім көлемі артып, өсімдіктердің құрғақшылыққа, артық ылғалға, үсікке, көшет отырғызу кезінде болатын күйзелістерге және басқа да қолайсыз табиғи жағдайларға төзімділігі күшейеді. Ең жоғары тиімділік өсімдіктердің қарқынды өсу кезеңінде байқалады.Минералды тыңайтқыштарға арналған тәжірибелік зерттеулер Новосибирск мемлекеттік аграрлық университетінің базасында жүргізілуде. Мұнда өсімдіктерді қорғау құралдары, тыңайтқыштар және өсімдік шаруашылығына арналған басқа да өнімдер зерттеледі. Сонымен қатар Алматы облысындағы жылыжай шаруашылықтарында арнайы тәжірибелік алқаптар құрылып, препарат тұқымды залалсыздандыруға арналған өңдегіш ретінде және гербицидтермен бірге қолданылатын антидепрессант ретінде пайдаланылды. Зерттеу нәтижелері өсімдік сапасының жақсарғанын және өнім мөлшерінің артқанын көрсетті. Әсіресе «Агроцен» өсімдіктердің күйзелісін төмендету мақсатында қолданылған алқаптарда нәтиже жоғары болды.Ғылыми зерттеулер йод құрамды тыңайтқыштардың экологиялық таза, адам денсаулығына пайдалы, микроэлементтерге бай өнім — астық, жеміс және жидек алуға мүмкіндік беретінін дәлелдеді. Бұл көрсеткіштер бүгінде органикалық өнім өндіретін және экспортқа бағытталған жергілікті жылыжай кешендерінде тәжірибе жүзінде расталып отыр.2024 жылы кәсіпорын Cert International ұйымы берген ISO 9001 халықаралық стандарты бойынша сертификаттаудан сәтті өтіп, сапа менеджменті жүйесінің халықаралық талаптарға толық сай екенін растады.Қазіргі таңда Kazagrocen компаниясы агроөнеркәсіп саласын дамыту бағытындағы жұмысын жүйелі түрде жалғастыруда. Өндіріс көлемі ұлғайып, өнім өз нарықтық орнын тапты. Осыған байланысты келесі кезеңде өндірістік қуатты арттыру жоспарланып отыр. Ағымдағы жылы балықтарда кездесетін вирустық және бактериялық аурулардың алдын алуға арналған жемдік қоспалар шығаратын жаңа өндірістік желіні іске қосу, жұмыс орындарын көбейту және ауыл шаруашылығы өнімдерінің түрлерін кеңейту көзделген.Айта кету керек, өткен жылы қазақстандық шаруалар егіс алқаптарында шамамен 2 миллион тонна минералды тыңайтқыш пайдаланған. Ал әлем бойынша соңғы бес жылда жыл сайын 190–200 миллион тонна тыңайтқыш қолданылады.Ауыл шаруашылығы дақылдары, әсіресе жоғары өнім беретін заманауи гибридтер мен сұрыптар қоректік заттарға өте сезімтал. Сонымен қатар ауыр ауыл шаруашылығы техникасы мен химиялық өңдеулер топырақтың құнарлылығына кері әсерін тигізеді. Сондықтан тұрақты әрі мол өнім алу үшін топырақтағы негізгі микроэлементтердің деңгейін қолдан толықтыру қажет. Себебі оларсыз өсімдіктердің өсуі, гүлдеуі және жеміс салуы мүмкін емес. Ал микроэлементтердің жетіспеушілігі өнімнің азаюына әкелетіндіктен, оған жол беруге болмайды.Ақпарат көзі : https://www.gov.kz/memleket/entities/almobl/press/news/details/1146571?lang=kk

     Миролюбов ауылдық округінде Самар аудандық полиция бөлімінің учаскелік инспекторы, капитан Ә. Ибраевтың ұйымдастыруымен ауыл тұрғындарымен профилактикалық әңгіме өтті.А. іс-шара әкімдік ғимаратында өтті және округ аумағында Құқықтық тәртіп пен қауіпсіздікті қолдауға мүдделі белсенді азаматтар жиналды. Әңгіме барысында капитан Ә.Ибраев.А.азаматтардың құқықтары мен міндеттеріне қатысты заңнаманың негізгі аспектілерін, сондай-ақ құқық бұзушылықтардың алдын алу үшін қабылданатын шараларды егжей-тегжейлі атап өтті. Кездесуге қатысушылар өз округіндегі қауіпсіздікке қатысты өзекті мәселелерді талқылауға және сұрақтар қоюға мүмкіндік алды. Халық пен құқық қорғау органдары арасындағы ынтымақтастықтың маңыздылығына ерекше назар аударылды. Капитан Ибраев Ә.А.белсенді азаматтық ұстаным және полицияға құқық бұзушылықтар туралы уақтылы хабарлау өмір сүру үшін қауіпсіз және жайлы орта құруға ықпал ететінін атап өтті.Ақпарат көзі : https://www.gov.kz/memleket/entities/vko-samar-mirolubovka/press/news/details/1146574?lang=kk

Шымкентте құмар ойындар мен нашақорлықтың зияны туралы фильм көрсетілді. Шымкент қалалық прокуратурасы қала әкімшілігімен бірлесіп, жастар арасында салауатты өмір салтын насихаттау және зиянды әдеттердің алдын алу мақсатында құмар ойындар мен нашақорлықтың қоғамға кері әсеріне арналған толықметражды фильмнің көрсетілімін ұйымдастырды. Іс-шараға 700-ден астам студент пен жасөспірім қатысты. Фильм құмар ойындар мен нашақорлықтың зиянын, сондай-ақ олардың жастардың денсаулығына, психологиялық жағдайына және әлеуметтік өміріне кері әсерін айқын көрсетеді.

Шымкент қаласы прокуратурасы, Қала әкімдігімен бірлесіп дайындаған  жастар арасында салауатты өмір салтын насихаттау және зиянды әдеттердің алдын алу мақсатында лудомания мен нашақорлықтың қоғамға тигізетін кері әсерін баяндайтын толықметражды кинофильмнің көрсетілімі өтті.Аталған іс-шараға 700-ден астам студенттер мен жастар қатысты. Кинотуынды арқылы жастарға лудомания мен нашақорлықтың адам денсаулығына, психологиясына және әлеуметтік өміріне тигізетін зияны көрнекі түрде жеткізілді.

Ұлан-Батыр, 2026 жылғы 22 қаңтар – Қазақстанның Елшісі Алмас Сейтақынов Моңғолияның мәдениет, спорт, туризм және жастар ісі жөніндегі Вице-министрі Дашням Ганзоригпен кездесу өткізіп, оны жауапты қызметке тағайындалуымен құттықтап, жұмысына табыс тіледі.Кездесу барысында тараптар мәдени-гуманитарлық саладағы екіжақты ынтымақтастықтың өзекті мәселелерін талқылады. Атап айтқанда, мәдени байланыстарды дамыту, спорт саласындағы өзара іс-қимыл, туристік алмасуларды кеңейту, сондай-ақ жастар саясаты бағытындағы бірлескен бастамалардың перспективаларына назар аударылды.Қазақстан Елшісі салалық ведомстволар, шығармашылық және спорт ұйымдары арасындағы өзара ықпалдастықты нығайтудың, сондай-ақ өңірлер мен жастар бірлестіктері арасындағы тікелей байланыстарды кеңейтудің маңызын атап өтті.Өз кезегінде Вице-министр Моңғолияның әріптестікті одан әрі тереңдетуге мүдделі екенін растады және екі ел халықтарының мәдениеті мен дәстүрлерін өзара танытуға бағытталған бірлескен іс-шараларды өткізуді қолдады.Кездесу қорытындысы бойынша тараптар екіжақты өзара іс-қимылды нығайтуға ортақ қызығушылықтарын растап, тұрақты жұмыс байланыстарын сақтауға, сондай-ақ басым бағыттар бойынша ынтымақтастықты жандандыруға келісті.Ақпарат көзі : https://www.gov.kz/memleket/entities/mfa-ulaanbaatar/press/news/details/1146376?lang=kk

Скопье, 2026 жылғы 14 қаңтар – Қазақстанның Солтүстік Македониядағы Елшісі Сатыбалды Бұршақов Азиямен ынтымақтастық жөніндегі Еуропалық экономикалық альянстың басшылығымен кездесті.Елші Бұршақов Балқан бизнесінің (Солтүстік Македония, Сербия, Босния және Герцеговина) өкілдерін Қазақстанның сыртқы саяси басымдықтарымен, еліміздің сауда-экономикалық әлеуетімен, Президент Қасым-Жомарт Тоқаевтың қаңтарда Қазақ баспасөз беттерінде жарияланған сұхбатының негізгі мазмұнымен таныстырды.Іскерлік байланыстарды кеңейту, агросекторда, қызмет көрсету, туризм, су үнемдеу және т.б. салаларда өзара сауданы жандандыру мүмкіндіктеріне ерекше назар аударылды.Пікір алмасу барысында өңірдің іскерлік ынтымақтастығын ілгерілету мақсатында Елшілік 2026 жылы Қазақстанда өткізуі жоспарланған көрмелер мен бизнес-конференциялардың тізбесін, сондай-ақ Македония нарығында Қазақ экспортын ілгерілету жөніндегі ақпарат берді.Кездесу Македонияның Шетелдік инвестициялар және экспортты ілгерілету агенттігінің қолдауымен ұйымдастырылды.Ақпарат көзі : https://www.gov.kz/memleket/entities/mfa-skopje/press/news/details/1146362?lang=kk

Скопье, 2026 жылғы 15 қаңтар – Қазақстанның Елшісі Сатыбалды Бұршақов Солтүстік Македония Экономикалық палатасының бас директоры Антони Пешевпен кездесті.Кездесу барысында Македония тарапы Қазақстанның сыртқы саяси және сыртқы экономикалық басымдықтарымен, Президент Қасым-Жомарт Тоқаевтың Қазақ баспасөз беттерінде жарияланған қаңтарда сұхбатының негізгі мазмұнымен танысты.Іскерлік байланыстарды кеңейту, өзара сауданы жандандыру мүмкіндіктеріне, Қазақстан-Македония іскерлік кеңесін құру жөніндегі шараларға, екі елдің өзара тиімді инвестициялық жобаларына қатысу перспективаларына ерекше назар аударылды.Пікір алмасу барысында өңірдің іскерлік ынтымақтастығын ілгерілету мақсатында Елшілік 2026 жылы Қазақстанда өткізуі жоспарланған көрмелер мен бизнес-конференциялардың тізбесін, сондай-ақ Македония нарығында Қазақ экспортын ілгерілету жөніндегі ақпарат берді. Ақпарат көзі : https://www.gov.kz/memleket/entities/mfa-skopje/press/news/details/1146363?lang=kk

Мехико, 2026 жылғы 20 қаңтар – Қазақстан Республикасының Мексика Құрама Штаттарындағы Елшілігінде Қазақстанның Мехико қаласындағы Құрметті консулдығын ашу рәсімі салтанатты түрде өтті.Іс-шараға Қазақстан Республикасының Елшілігі, Қазақстанның Мехикодағы Құрметті консулы К.Баррера, Мексика Сыртқы істер министрлігінің Африка, Орталық Азия және Таяу Шығыс жөніндегі Бас директоры А.Гомес Толедо, Бас Конгресі Депутаттар палатасының депутаты және «Қазақстан-Мексика» парламенттік достық тобының төрайымы М.Мартинес Руис, Мексика Экономика министрлігінің, Мехико қаласының «Мигель Идальго» аудандық әкімдігінің өкілдері, Мексиканың Ұлттық өңдеуші өнеркәсіп палатасына (CANACINTRA) мүше іскер топтар, сондай-ақ бұқаралық ақпарат құралдарының өкілдері қатысты.Салтанатты рәсім Қазақстан мен Мексиканың мемлекеттік әнұрандарының орындалуымен басталды. Іс-шараны құттықтау сөзімен ашып, Қазақстан Республикасының Елшілігінің кеңесшісі Е.Құбашев еліміздің қазіргі әлеуметтік-экономикалық дамуы мен елде жүзеге асырылып жатқан жүйелі реформалар туралы баяндады.Сонымен қатар, қазақстандық дипломат Мексика Сыртқы істер министрлігіне К.Баррераның кандидатурасын қолдап, тағайындағаны үшін алғыс білдіріп, оның екі ел арасындағы байланыстарын дамытуға қосып отырған елеулі үлесін және Елшілікпен тығыз өзара іс-қимылын атап өтті.Іс-шара барысында Құрметті консулдықтың ашылуы Қазақстан-Мексика қатынастарын дамытудағы маңызды кезең екені атап өтілді. Құрметті консулдар институты халықаралық байланыстарды кеңейту, сауда-экономикалық ынтымақтастықты дамыту, сондай-ақ азаматтар мен заңды тұлғалардың құқықтары мен заңды мүдделерін қорғау саласында тиімді құрал ретінде өзін жақсы қырынан көрсетті.Мексика Сыртқы істер министрлігінің Бас директоры А.Гомес Толедо екіжақты қатынастардың жүйелі түрде дамып келе жатқанын атап өтіп, Қазақстан мен Мексика арасындағы дипломатиялық қатынастардың орнағанына 34 жыл толуымен құттықтады. Ол сондай-ақ Қазақстанның Орталық Азиядағы Мексика үшін маңызды әрі сенімді серіктесі екенін айқындап, Мексикаға келетін қазақстандық туристер санының артып келе жатқанын тілге тиек етті. Оның айтуынша, бұл өзара сенімнің нығаюын және халықтар арасындағы байланыстардың кеңеюін көрсетеді.Салтанатты рәсім барысында Қазақстан Республикасының Мехико қаласындағы Құрметті консулы болып тағайындалған К.Баррера қазақстандық тарапқа, сондай-ақ Мексика Үкіметі мен Сыртқы істер министрлігіне көрсетілген жоғары сенім үшін алғыс білдірді. Ол сауда-экономикалық және инвестициялық ынтымақтастықты қоса алғанда, екіжақты байланыстарды дамытуға, сондай-ақ екі ел кәсіпкерлері арасындағы іскерлік байланыстарды ілгерілетуге барынша жәрдемдесуге дайын екенін жеткізді.Рәсім қорытындысы бойынша К.Баррераға Мексика Сыртқы істер министрлігі берген Құрметті консулдың ресми куәлігі табысталды. Қазақстан Республикасының Мехико қаласындағы Құрметті консулы болып тағайындалған К.Баррера – мексикалық кәсіпкер, Мексиканың Ұлттық өңдеуші өнеркәсіп палатасының (CANACINTRA) өнеркәсіп секторы бойынша вице-президенті.Мехико қаласындағы Қазақстанның Құрметті консулдығы 2018 жылы Халиско және Наярит штаттарын қамтитын консулдық округпен ашылған Гвадалахара қаласындағы Құрметті консулдықтан кейін Мексика аумағындағы Қазақстанның екінші құрметті консулдық мекемесі болып табылады.Ақпарат көзі : https://www.gov.kz/memleket/entities/mfa-mexico/press/news/details/1146372?lang=kk

Пхукет, 2026 жылғы 22 қаңтар – Пхукет аралында Қазақстан консулдығының салтанатты түрде ашылу рәсімі өтті. Бұл оқиға қазақ-тай қарым-қатынастарының дамуы жолындағы елеулі кезеңге айналып, екі ел арасындағы дипломатиялық, экономикалық, мәдени және туристік ынтымақтастықты нығайтудағы маңызды қадам болды.Қазақстанның Пхукеттегі Консулдығының ашылуы ерекше мәнге ие, себебі бұл аралда ашылған үшінші ресми дипломатиялық өкілдік болып отыр. Аталған жайт екіжақты байланыстардағы өзара сенімнің жоғары деңгейі мен қарым-қатынастардың қарқынды дамуын айқындайды. Бұл ретте, Қазақстан азаматтарына практикалық көмек көрсетуге бағытталған ресми дипломатиялық қатысуын жүйелі түрде кеңейтіп келеді.Жаңа мекеменің консулдық округі Таиландтың оңтүстігіндегі 14 провинцияны қамтиды, бұл оны елдің оңтүстігіндегі өзара іс-қимылдың маңызды орталығына айналдырады. Мұндай аумақтық қамту Қазақстан азаматтарының құқықтары мен заңды мүдделерін жүйелі түрде қорғауға, төтенше жағдайларда жедел әрекет етуге, сондай-ақ өңірдегі туристік, іскерлік және мәдени байланыстарды дамытуға мүмкіндік береді.Салтанатты ашылу рәсіміне Таиланд Сыртқы істер министрінің орынбасары Виджават Исарабхакди, Пхукет провинциясының губернаторы Нират Понгситтаворн, Таиландтың оңтүстік провинцияларының басшылығы, Пхукеттегі мемлекеттік органдардың өкілдері, дипломатиялық корпус, қазақ диаспорасы, іскер топтар, туристік қауымдастықтар мен БАҚ өкілдері қатысты.Салтанатты рәсім барысында сөз сөйлеген Қазақстанның Елшісі Марғұлан Баймұхан Пхукетте Консулдықтың ашылуы Қазақстан мен Таиланд арасындағы сенімді әрі достық қарым-қатынастардың практикалық дәлелі екенін атап өтті:«Пхукет Қазақстан азаматтары үшін маңызды бағыттардың біріне айналды. Консулдықтың ашылуы отандастарымызға жақын болуға, олардың құқықтары мен заңды мүдделерін қорғауға, жедел қолдау көрсетуге, сондай-ақ Таиландтың оңтүстік өңірлерімен жан-жақты ынтымақтастықты кеңейтуге мүмкіндік береді».Таиланд Сыртқы істер министрінің орынбасары Виджават Исарабхакди өз сөзінде тай-қазақ қарым-қатынастарының бірізді әрі орнықты даму сипатын атап өтіп, Пхукетте Консулдықтың ашылуын екіжақты ынтымақтастықтың серпінді дамуын айқындайтын практикалық қадам ретінде бағалады:«Қазақстан Таиланд үшін Орталық Азиядағы маңызды әріптес болып табылады. Пхукетте Консулдықтың ашылуы туризм, сауда, инвестициялар және гуманитарлық алмасулар салаларындағы өзара іс-қимылды одан әрі дамытуға ықпал етеді».Пхукет провинциясының губернаторы Нират Понгситтаворн өз сөзінде Қазақстанның Таиланд үшін сенімді әріптес ретіндегі маңызын атап өтіп, Консулдықтың ашылуы туризм, сауда және мәдени алмасулардың дамуына жаңа серпін беретініне сенім білдірді:«Пхукет қаласында Қазақстан Республикасының Консулдығының ашылуын қуанышпен қарсы аламыз. Бұл оқиға халықтарымыз арасындағы байланыстарды нығайтып, ынтымақтастықты дамытуға жаңа мүмкіндіктер ашады».Іс-шараның салтанатты бағдарламасы барысында домбырамен музыкалық шығармалар орындалды. Оның әуені қонақтардың назарын жаулап, мәдени диалог пен өзара түсіністік атмосферасын қалыптастырды. Қонақтарға қазақтың ұлттық тағамдары ұсынылып, Қазақстанның бай тарихи әрі аспаздық мұрасымен жақынырақ танысуға мүмкіндік берді.Пхукет қаласында Қазақстан Республикасының Консулдығының ашылуы Қазақстан мен Таиландтың әріптестігін одан әрі тереңдетуге, азаматтардың мүдделеріне сай келетін жан-жақты ынтымақтастықты дамытуға және екі ел арасындағы достықты нығайтуға ұмтылысын тағы бір мәрте растады.Анықтама ретінде:Пхукет – Оңтүстік-Шығыс Азиядағы жетекші туристік орталықтардың бірі әрі халықаралық туризмнің ең танымал бағыттарының қатарына жатады.Таиландқа жыл сайын шамамен 35 миллион шетелдік турист келеді, соның ішінде 12 миллионға жуығы Пхукет аралына тиесілі. 2025 жылы Таиландқа 200 мыңға жуық Қазақстан азаматы келген.Консулдықтың округіне Таиланд Корольдігінің оңтүстігіндегі 14 провинция кіреді: Чумпхон, Краби, Накхон Си Тхаммарат, Наратхиват, Паттани, Пхангнга, Пхаттхалунг, Пхукет, Ранонг, Сатун, Сонгкхла, Сурат Тхани, Транг және Яла.Ақпарат көзі : https://www.gov.kz/memleket/entities/mfa-phuket/press/news/details/1178228?lang=kk