20 мамырда Көкшетау қаласы бойынша Мемлекеттік кірістер басқармасының алаңында  Ақмола облысы бойынша Қазақстан Республикасы Мемлекеттік қызмет істері агенттігінің департаменті, Мемлекеттік кірістер департаменті, Кәсіпкерлік және өнеркәсіп басқармасы бірлесіп «Қызмет алушылар күні» акциясын өткізді.Іс-шараның мақсаты тұрғындардың құқықтық, цифрлық сауаттылығын, мемлекеттік көрсетілетін қызметтердің қолжетімділігін арттырып, заңнамадағы жаңашылдықтармен таныстыру.Қызмет алушыларға арналған мұндай іс-шаралар Мемлекеттік қызмет істері агенттігінің тапсырмасына сәйкес тұрақты негізде өткізіледі. Бүгінгі тақырып кәсіпкерлік және салық мәселелеріне арналған.Бизнес өкілдері мен мемлекеттің өзара іс-қимылы елімізде кәсіпкерлікті дамыту және қоғам үшін қолайлы жағдайлар жасауға, кәсіпкерлік бастаманы ынталандыруға бағытталады.Қазіргі уақытта салық, кәсіпкерлікті реттеу, мемлекеттік көрсетілетін қызметтер саласындағы заңнамада көптеген өзгерістер енгізілуде.Мысалы, ағымдағы жылғы 1 қаңтардан бастап жаңа Салық кодексі күшіне енді. «Мемлекеттік және әлеуметтік жауапкершілігі бар көрсетілетін қызметтер туралы» Заңға түбегейлі өзгерістер енгізілді. Оның барлығы азаматтардың құқықтарын сақтауда үлкен маңызға ие.Шара барысында Мемлекеттік кірістер департаментінің қызметкерлері кәсіпкерлерді қолдау және бухгалтерлік пен салықтық есепті жүргізу сапасын арттыру мақсатында Қазақстан Республикасы Қаржы министрлігі «Халық бухгалтері»  акциясын өткізіп жатқанын хабарлады.«Халық бухгалтері» — жеке кәсіпкерлер мен шағын бизнес субъектілеріне арналған тегін консультациялық көмек.Ақмола облысы бойынша іс-шара Көкшетау қаласы бойынша Мемлекеттік кірістер басқармасында аптасына 2 рет (сейсенбі, бейсенбі) сағат 10:00-ден 13:00-ге дейін өткізіледі.Шара барысында барлық келген салық төлеушілер сапалы мемлекеттік қызмет алды.  Ақпарат көзі : https://www.gov.kz/memleket/entities/kgd-akmola/press/news/details/1225824?lang=ru

Кения Президенті Қазақстанның ақпарат агенттігіне эксклюзивті сұхбат берді https://www.youtube.com/@KazinformNewsAgency/videos Ақпарат көзі : https://www.gov.kz/memleket/entities/mfa-nairobi/press/news/details/1225835?lang=ru

2026 жылғы 19 мамырда Астанада Қазақстан Республикасының Президенті Қасым-Жомарт Тоқаевтың қатысуымен «Алтын Орда – дала өркениетінің үлгісі: тарих, археология, мәдениет, бірегейлік» тақырыбына арналған халықаралық симпозиум өтті. Іс-шараға халықаралық ұйымдардың өкілдері, шетелдік және қазақстандық жетекші тарихшылар, археологтар, зерттеушілер мен Ұлы дала және Алтын Орда тарихына маманданған ғалымдарды қоса алғанда, 350-ден астам делегат қатысты.Симпозиум барысында негізгі назар Алтын Орданың тарихи, саяси, экономикалық және мәдени мұрасына, сондай-ақ оның еуразиялық өркениетті қалыптастырудағы рөліне аударылды.Президент өз сөзінде тарихи ғылымға объективті әрі саясаттандырылмаған көзқарастың маңыздылығын, сондай-ақ Алтын Орданың өркениеттік мәнін атап өтті. Сонымен қатар, ол Ұлы даланың ортақ мұрасын зерттеу саласындағы халықаралық ғылыми ынтымақтастықты нығайтудың қажеттігін айтты.Президент сондай-ақ Қазақстанның Жошы Ұлысының тарихи және зияткерлік мұрасын сақтау, жаңғырту және дәріптеу бағытындағы тұрақты күш-жігерін ғылыми зерттеулер, білім беру, цифрлық бастамалар және халықаралық мәдени өзара іс-қимыл арқылы жүзеге асырып отырғанын атап өтті.Ақпарат көзі : https://www.gov.kz/memleket/entities/mfa-riyadh/press/news/details/1225841?lang=ru

Страсбург, 2026 жылғы 21 мамыр – Бас консул Анель Бақытбекқызы Страсбургтың әкімі Катрин Тротманнмен кездесіп, әр түрлі бағыттардағы ынтымақтастық перспективаларын талқылады.Әңгіме басында қазақстандық дипломат француздық қала басшысын ағымдағы жылдың наурыз айында әкім лауазымына сайлануымен құттықтап, Қазақстанның саяси жүйесін жаңғырту үдерісі, оның ішінде жаңа Конституцияның қабылдануы жөнінде хабардар етті. Мемлекеттік басқару жүйесін жетілдіру мен демократиялық қағидаттарды нығайту мақсатында қабылданып жатқан мемлекеттік шаралар туралы француз тілінде дайындалған ақпаратты табыстай отырып, А.Бақытбекқызы билік тармақтары арасындағы тепе-теңдікті нығайту және қоғамдық қатысу тетіктерін кеңейту қағидаттарына жан-жақты тоқталды. Бұл өз кезегінде Президент Қасым-Жомарт Тоқаевтың басшылығымен елдің одан әрі дамуының институционалдық негізін қалыптастыруға ықпал етуде.К.Тротманн сондай-ақ Қазақстан экономикасының дамуымен, оның негізгі көрсеткіштерімен және ұлттық инновациялық әлеуетімен танысты. Қазақстанда шетелдік бизнес пен инвестициялар үшін жасалып жатқан қолайлы жағдайларды ерекше атап өткен Бас консул, Эльзас әкімшілігін Қазақстан өңірлерімен әріптестікті кеңейтуге шақырды.Гуманитарлық ынтымақтастық күн тәртібін мазмұнды толықтыру аясында Страсбург қаласының әкіміне Қазақстан өңірлерінен мәдени-шығармашылық ұжымдардың қатысуымен бірлескен көрмелер, жәрмеңкелер және концерттік бағдарламалар ұйымдастыру жөніндегі бастамалар ұсынылды. Аталған іс-шаралар Еуропаның дипломатиялық орталығының тұрғындары мен қонақтарын қазақ халқының орасан мәдениеті мен дәстүрімен таныстыруға мүмкіндік берер еді. Бұл тұрғыда сұхбаттасушыға жақында ғана Астанада өткен «Алтын Орда – дала өркениетінің үлгісі: тарих, археология, мәдениет және бірегейлік» атты халықаралық симпозиум туралы ақпарат берілді.Өз кезегінде Үлкен Шығыс өңірі елордасының әкімі қаланың жаңа әкімшілігімен тығыз ынтымақтастық орнату ниетіне ризашылығын білдіріп, сондай-ақ өңіраралық өзара іс-қимылды дамытуды көздейтін, қарауға ұсынылған екіжақты құжаттардың жобаларын қарастыруға дайын екенін жеткізді.Сондай-ақ, мемлекеттік қызметтерді цифрландырудағы Қазақстанның тәжірибесін қолдану мүмкіндігіне, сондай-ақ мемлекеттік басқаруда, экономикада және әлеуметтік процестерде жасанды интеллектті тиімді пайдалануға ерекше қызығушылық білдірілді.Кездесу соңында А.Бақытбекқызы қала басшысын Қазақстанда өткізілетін маңызды халықаралық іс-шаралар мен атаулы күндер туралы хабардар етіп, француз делегациясының Қазақстанға сапарын ұйымдастыруға дайын екенін мәлімдеді.Страсбург – Эльзас өңірінің ең ірі қаласы әрі Францияның Үлкен Шығыс өңірінің астанасы. Агломерациясымен қоса алғанда шамамен 500 мың халқы бар қалада Еуропа Кеңесі, Еуропа Кеңесінің Парламенттік Ассамблеясы, сондай-ақ Еуропалық адам құқықтары соты секілді халықаралық деңгейдегі негізгі еуропалық институттар орналасқан.Ақпарат көзі : https://www.gov.kz/memleket/entities/mfa-strasbourg/press/news/details/1225865?lang=ru

2026 жылғы 21 мамырда халықаралық IT-стартаптар технопаркі Astana Hub өкілдері Кипр Республикасының Лимасол қаласында өткен Doers Summit Limassol 2026 технологиялық форумына қатысты.Іс-шара аясында Astana Hub қызметіне арналған жеке панельдік сессия ұйымдастырылып, онда Қазақстанның цифрландыру, инновациялар, жасанды интеллект және стартап-экожүйені дамыту салаларындағы жетістіктері таныстырылды.Қатысушылар халықаралық технологиялық ынтымақтастықтың перспективаларын, IT-кәсіпкерлікті дамыту мәселелерін, сондай-ақ Қазақстан мен Кипрдің технологиялық экожүйелері арасындағы өзара іс-қимылды кеңейту мүмкіндіктерін талқылады.Ақпарат көзі : https://www.gov.kz/memleket/entities/mfa-nicosia/press/news/details/1225877?lang=ru

Астанада 2027 жылы үстел теннисінен әлем чемпионаты өтеді. Алдағы спорттық іс-шара туралы елордада өткен таныстырылымда ұйымдастырушылар жан-жақты мәлімет берді, деп хабарлайды қала әкімдігінің ресми сайты.Таныстырылым Қазақстанның Халықаралық үстел теннисі федерациясының (ITTF) қолдауымен өтетін әлем чемпионатын өткізуге дайындық жөніндегі халықаралық науқанның ресми басталуына арналды.Іс-шараға мемлекеттік органдардың өкілдері, халықаралық және қазақстандық БАҚ, спорт қауымдастығы, бизнес, туризм саласының өкілдері, серіктестер мен креативті индустрия өкілдері қатысты.«Бүгін Халықаралық үстел теннисі федерациясы туының ресми таныстырылымы өтіп жатыр. 10 мамыр күні Лондонда командалық әлем чемпионаты аяқталды, оның қорытындысы бойынша туды салтанатты табыстау рәсімі өтті. Бұл – дәстүрлі, жыл сайын өтетін шара. Әлем чемпионатын өткізетін ел келесі ұйымдастырушы мемлекетке эстафетаны табыстайды», – деді Қазақстан үстел теннисі федерациясы жанындағы ұйымдастыру комитетінің директоры Ділмар Жұмаділов.Оның айтуынша, Астанаға спортшылар, халықаралық федерация өкілдері, жаттықтырушылар мен ұлттық құрамалар қатарынан шамамен 1200 адам келеді.Іс-шараның ресми бөлігі Қазақстанның мәдени ерекшелігін және әлем чемпионатының Еуразия жүрегінде өтуінің символдық мәнін айқындаған этно-музыкалық нөмірмен ашылды.Салтанатты рәсімнің басты сәттерінің бірі ITTF World Table Tennis Championships Finals Astana 2027 ресми туын алып шығу болды.Таныстырылымның тағы бір бөлімі халықаралық серіктестікті дамытуға және Astana 2027 жобасына бизнесті тартуға арналды. Қонақтарға туроператорлармен және демеушілермен жұмыс бағыттары таныстырылып, чемпионаттың ресми тұмары, кәдесый және имидждік өнімдерін әзірлеуге арналған халықаралық және республикалық байқаулар жарияланды.Астанада өтетін әлем чемпионатының Қазақстанның халықаралық имиджі үшін маңызына да ерекше назар аударылды. Әлем біріншілігіне әлемнің үздік спортшылары, ресми делегациялар, мыңдаған жанкүйер мен халықаралық БАҚ өкілдері қатысады деп жоспарланып отыр. Бұл жарыс ел тарихындағы ең ірі халықаралық спорттық іс-шаралардың біріне айналмақ.Таныстырылым барысында Астана қаласының үстел теннисі бойынша аға жаттықтырушысы Әлия Жанпейісова алдағы әлем чемпионатына қатысты пікір білдірді.«Әлемдік үстел теннисінің эстафетасын қабылдау – біз үшін үлкен мәртебе. Әлем чемпионатының туы Лондоннан ресми түрде жеткізілді. Елімізді лайықты танытып, ұйымдастыру деңгейін жоғары дәрежеде өткізуге және спортшылар мен жанкүйерлерге нағыз үстел теннисі мерекесін сыйлауға дайынбыз. Біздің спортшылар әлем чемпионатында өте жақсы нәтиже көрсетті, оның ішінде команда капитаны әрі елдің бірінші ракеткасы Кирилл Герасименко да бар. Бізде үстел теннисі қарқынды дамып келеді, бүгінде елдің барлық өңірінде дерлік үстел теннисі орталықтары салынған, бұл спорттың дамуына оң әсерін тигізіп отыр», – деді Әлия Жанпейісова.ITTF World Table Tennis Championships Finals Astana 2027 турнирі Қазақстан астанасында 2027 жылғы 22-30 мамыр аралығында өтеді және Орталық Азия елдері аумағында ұйымдастырылатын үстел теннисінен алғашқы әлем чемпионаты болады.

Қорқыт ата атындағы Қызылорда университетінде Адам құқықтары жөніндегі уәкіл Артур Ластаевтың конституциялық реформалар аясындағы адам құқықтары мен бостандықтарын қорғау мәселелеріне арналған дәрісі өтті.Сөз сөйлеу барысында Омбудсмен студенттерге адам құқықтары саласындағы негізгі халықаралық стандарттар, Омбудсмен институтының қызметі, сондай-ақ азаптаулар мен қатыгез қарым-қатынастың алдын алу жөніндегі Ұлттық алдын алу тетігінің рөлі туралы айтып берді.Қазақстан Республикасының жаңа Конституциясындағы адам құқықтарын қорғауға қатысты ережелерге ерекше назар аударылды. Артур Ластаев Ата заңда адам құқықтары мен бостандықтарының мемлекеттің ең жоғары құндылығы ретінде бекітілгенін, сондай-ақ сот арқылы қорғалу, жеке басына қол сұғылмаушылық кепілдіктері мен азаптауға тыйым салу нормаларының күшейтілгенін атап өтті.Іс-шара соңында ашық пікірталас өтіп, оның аясында студенттер өздерін қызықтырған сұрақтарын қойып, адам құқықтарын қорғаудың өзекті мәселелерін талқылады. 

2026 жылғы 20 мамырда сағат 09:00-дан бастап 15:00-ке дейін «Ашық үкімет» (egov.kz) порталынды ««Қосылған құн салығы бойынша декларацияны (300.00 нысаны) алдын ала толтыру» сервисін жетілдіру» тақырыбында интернет-конференция өтеді. Egov.kz сайтына кіріп, https://dialog.egov.kz/conference/5857 сілтемесі бойынша аталған тақырыпта сұрақтарды қалдырыныздар.Сұрақтарға ҚР ҚМ МКК Талдау, статистика және тәуекелдерді басқару департаменті Үлкен деректермен жұмыс басқармасының бас сарапшысы Онайгалиева Айдана Құанышқызы жауап береді.Ақпарат көзі : https://www.gov.kz/memleket/entities/kgd/press/news/details/1223539?lang=ru

ҚР Премьер-министрі Олжас Бектеновтің төрағалығымен өткен Үкімет отырысында авиация саласын дамыту және цифрландыру мәселелері, өңірлердегі нысандар құрылысының сапасы талқыланды. Оған облыс әкімі Мұрат Ергешбаев селекторлық режим арқылы қатысып, «Қорқыт ата әуежайының» қазіргі жұмысы туралы баяндама жасады.Еске салсақ, 2024 жылы Мемлекет басшысының, Үкіметтің қолдауымен Қызылорда қаласында халықаралық стандарттарға сай «Қорқыт Ата әуежайының» жаңа жолаушылар терминалы пайдалануға берілген еді. Бір мезетте 250-ден астам жолаушыға сапалы қызмет көрсететін заманауи әуежай арқылы бүгінде аптасына 28 рейс қатынайды.«Облыста жолаушылар тасымалын дамыту – басты міндеттің бірі. Осы жылдың сәуір айына дейін «Қорқыт ата әуежайынан» 63 мыңнан астам жолаушы жөнелтіліп, былтырмен салыстырғанда 58,9 пайызға артқан. Бұдан бөлек, терминалда цифрлық басқару жүйесі енгізілген, яғни барлық операциялар мен процестерді автоматты түрде жүргізуге мүмкіндік бар. Жақында ғана «Вана холдинг» компаниясымен «Қорқыт Ата әуежайын» сенімгерлік басқаруға беру туралы меморандумға қол қойдық. Осылайша халықаралық стандарттарға сай логистикалық хаб қалыптасады.Әуежай маңынан арнайы экономикалық аймақ құрылды. Бұл маңызды жоба облысымыздың әлеуметтік-экономикалық дамуына жаңа серпін бермек», – деді облыс әкімі.Үкімет отырысынан кейінгі мәжілісте аймақ басшысы жолаушылар тасымалы саласына жауаптыларға бірқатар тапсырма жүктеді. Сондай-ақ, жиында төрт айдың қорытындысымен өңірдің негізгі әлеуметтік-экономикалық көрсеткіштері талқыланып, экономика және қаржы басқармасының басшысы Сәкен Мырзабек баяндама жасады. Мұрат Нәлқожаұлы өнеркәсіп және өндеу өнеркәсібі көлемі бойынша төмен көрсеткіш көрсеткен аудан әкімдеріне қатаң тапсырма берді.Мәжілісте оқу жылын қорытындылау, оқушылардың қауіпсіздігін қамтамасыз ету, әлеуметтік маңызы бар азық-түлік тауарларының бағасын тұрақтандыру бойынша жауапты басшыларға нақты міндеттер жүктелді.Ақпарат көзі : https://www.gov.kz/memleket/entities/kyzylorda/press/news/details/1223558?lang=ru

Бүгін облыс әкімі Мұрат Ергешбаевтың төрағалығымен өткен мәжілісте ҚР Қаржылық мониторинг агенттігі төрағасының бұйрығымен Қызылорда облысы бойынша экономикалық тергеп-тексеру департаментінің басшысы лауазымына тағайындалған Кенесары Бағбанұлы таныстырылды.Облыс әкімі жаңа басшының қызметіне сәттілік тілеп, бірқатар міндет жүктеді.«Департамент алдында Мемлекет басшысының тапсырмаларын сапалы әрі нәтижелі орындау, заманауи цифрлық мүмкіндіктерді тиімді пайдалану, қоғам мен бизнестің заңды мүдделерін қорғау, өңірдің экономикалық қауіпсіздігін қамтамасыз етуді жаңа деңгейге көтеру міндеті тұр. Жоғары жауапкершілікті талап ететін күрделі саладағы Кенесары Бағбанұлының терең білімі мен мол тәжірибесі экономикалық қылмыстарды анықтауға зор үлес қосады деп сенеміз!», – деді Мұрат Нәлқожаұлы.Кенесары Бағбанұлы 1992 жылы Алматы қаласында дүниеге келген. 2015 жылы М.Ломоносов атындағы Мәскеу мемлекеттік университетін «Заңгер» мамандығы бойынша тәмамдаған. Әр жылдары Алматы қаласының прокуратурасында түрлі жауапты қызметтер атқарған.2021 жылдан осы уақытқа дейін ҚР Қаржылық мониторинг агенттігі тергеу департаменті басшысының орынбасары лауазымында абыройлы қызмет атқарып келді.Ақпарат көзі : https://www.gov.kz/memleket/entities/kyzylorda/press/news/details/1223564?lang=ru

Бүгін облыс әкімі Мұрат Ергешбаевтың төрағалығымен өткен мәжілісте жаңадан құрылған балалар құқықтарын қорғау басқармасының басшысы лауазымына тағайындалған Бәкіров Ерлан Әмірханұлы таныстырылды.Облыс әкімі Мемлекет басшысының қорғаншылық және қамқоршылық органдарының жұмысын реформалау туралы тапсырмасын орындау мақсатында балалар құқықтарын қорғау басқармасы құрылғанын атап өтті. Жаңа салаға, оның басшысына бірқатар маңызды міндет жүктеді.«Балалардың мүдделерін қорғау саласындағы бірыңғай мемлекеттік саясатты іске асыруда тиісті шараларды қабылдауды тапсырамын», – деді Мұрат Нәлқожаұлы.Ерлан Әмірханұлы 1984 жылы Қызылорда қаласында дүниеге келген. Қазақ гуманитарлық заң университетінде «Заңтану», «Болашақ» университетінде «Экономика» және «Құрылыс» мамандықтары бойынша білім алған.Әр жылдары Қызылорда облысы әкімі аппараты кадр жұмысы бөлімінің басшысы, облыстық жұмылдыру дайындығы басқармасы басшысының орынбасары, Жалағаш ауданы әкімінің орынбасары болған. 2021 жылдан бүгінгі күнге дейін Қызылорда облысы әкімі аппараты басшысының орынбасары лауазымын абыроймен атқарып келді.Ақпарат көзі : https://www.gov.kz/memleket/entities/kyzylorda/press/news/details/1223580?lang=ru

Шекарадан өтудің жеделдігі мен ашықтығы мақсатында 2026 жылдың 29 мамырдан бастап Таскала автомобиль өткізу пунктінде CarGoRuqsat электрондық кезек жүйесінің іске қосылатыны туралы хабарлаймыз.Қазіргі уақытта электрондық кезекті брондау жүйесі Қазақстанның Аксай, Жәнибек, Орда, Шаған, Сырым шекарасында іске асырылғанын және оң нәтижелерді көрсетіп отырғанын атап өту қажет.                                                                                     Электрондық кезек жүйесін мемлекет жүз пайыз қатысатын ҚР ҚМ "Ақпараттық-есепке алу орталығы" АҚ "CarGoRuqsat" онлайн брондау сервисінің отандық әзірлеушілері мен мамандары құрды және қызмет көрсетеді.Сервис цифрлық платформа негізінде іске асырылды Qoldau.kz және тегін."CarGoRuqsat" электрондық кезек жүйесінің міндеті тасымалдаушыларға кезекті алдын ала брондау және ақпараттық жүйелерде қажетті құжаттарды тексеруді автоматтандыру мүмкіндігін беру болып табылады.Бұл шекарадан өтудің жеделдігі мен ашықтығын қамтамасыз етеді, жүк машиналарының жиналуына жол бермейді, Мемлекеттік кіріс органдарына тәуекелдерді басқару жүйесін автоматты режимде қолдануға мүмкіндік береді.Таскала  автомобиль өткізу пункті арқылы Қазақстан аумағынан шығуды жоспарлап отырған тасымалдаушыларға "CarGoRuqsat"қосымшасы арқылы электрондық кезектен орын брондау қажет.Ол үшін сілтеме бойынша өту керек https://cgr.qoldau.kz/ru/start, "CarGoRuqsat" қосымшасына тіркелу және кіру, өткізу пунктін таңдау, шекарадан өту күні мен уақытын көрсету және жүргізуші мен автокөлік туралы деректерді толтыру.Өтінім мақұлданғаннан кейін шекарадан өту үшін өткізу пунктіне уақтылы келу қажет.Ақпарат көзі : https://www.gov.kz/memleket/entities/kgd-zko/press/news/details/1223590?lang=ru

Бүгін облыс әкімі Мұрат Ергешбаевтың төрағалығымен өткен мәжілісте жаңадан құрылған туризм басқармасының басшысы лауазымына тағайындалған Ермеков Дінмұхамед Жандарбекұлы таныстырылды.Жаңа басшыға өңірдегі туризм саласын дамытуға қатысты маңызды міндеттер жүктелді.​«Мемлекет басшысының шетелдік инвесторлардан ел экономикасына қосымша қаржы тарту, отандық туризмді дамыту туралы тапсырмасын жүзеге асыру мақсатында облыстық туризм басқармасы құрылды. Жаңа басқармаға өңірдің туристік әлеуетін арттыруға бағытталған кешенді жұмысты үйлестіруді тапсырамын», – деді Мұрат Нәлқожаұлы.​Дінмұхамед Жандарбекұлы 1992 жылы Алматы облысында дүниеге келген. Әл-Фараби атындағы Қазақ ұлттық университетінде «Құқықтану» және «Қаржы» мамандықтары бойынша білім алған. Швейцария бизнес мектебінің «Іскерлік әкімшілік» докторы.Әр жылдары Инвестициялар және даму, Ұлттық экономика, Қорғаныс және аэроғарыш өнеркәсібі министрліктерінде, Премьер-министр кеңсесінде, Президент Әкімшілігінде жауапты қызметтер атқарған. ​2023-2025 жылдары Қызылорда қаласы әкімінің орынбасары, облыстық дін істері басқармасының басшысы болған.​2025 жылдан бүгінгі күнге дейін облыс әкімі аппараты басшысының орынбасары лауазымын абыроймен атқарып келді.Ақпарат көзі : https://www.gov.kz/memleket/entities/kyzylorda/press/news/details/1223592?lang=ru

Бүгін облыс әкімі Мұрат Ергешбаевтың төрағалығымен өткен мәжілісте Қызылорда облысы бойынша сауда және тұтынушылардың құқықтарын қорғау департаментінің басшысы лауазымына тағайындалған Нұрлыбек Бимурзаев таныстырылды. Осыған дейін Қызылорда облысы бойынша сауда және тұтынушылардың құқықтарын қорғау департаментінің басшысы қызметін атқарған Сүлейменов Ерқасым Жайбергенұлына зейнетке шығуына орай, облыстың Құрмет грамотасы табысталды.Облыс әкімі жаңа басшыға әлеуметтік маңызы бар азық-түлік өнімдерінің бағасына тұрақты бақылау жүргізуді, негізсіз қымбаттауына жол бермеу жұмыстарын күшейтуді тапсырды.Нұрлыбек Шонжарұлы 1970 жылы Қызылорда облысында дүниеге келген. Қызылорда политехникалық институтында «Есеп және аудит», «Болашақ» университетінде «Құқықтану» мамандықтары бойынша білім алған.Еңбек жолын Қызылорда облысы бойынша кедендік бақылау департаментінде инспектор қызметінен бастап, әр жылдары түрлі лауазымдарда еңбек етті.2018–2023 жылдары Қызылорда, Қостанай облысы бойынша мемлекеттік кірістер департаменті басшысының орынбасары, сондай-ақ Алматы қаласы бойынша тұтынушылардың құқықтарын қорғау департаментінің басшысы болған.2023 жылдан осы уақытқа дейін Қызылорда облысы бойынша сауда және тұтынушылардың құқықтарын қорғау департаменті басшысының орынбасары қызметін абыроймен атқарып келді.Ақпарат көзі : https://www.gov.kz/memleket/entities/kyzylorda/press/news/details/1223601?lang=ru

Бүгін облыс әкімі Мұрат Ергешбаевтың төрағалығымен өткен мәжілісте «ҚазақГаз Аймақ» акционерлік қоғамы Қызылорда өндірістік филиалының директоры қызметіне тағайындалған Шаухаманов Нұрлан Сейілбекұлы таныстырылды.Облыс әкімі жаңа басшыға өңірді табиғи газбен тұрақты қамтамасыз етуді және газдандырудың жаңа жобаларын жүзеге асыруды тапсырды.Нұрлан Сейілбекұлы 1968 жылы Қызылорда облысында дүниеге келген. Жамбыл гидромелиоративтік құрылыс институтында «Инженер-гидротехник» мамандығы бойынша білім алған.Әр жылдары «Тұран-Петролеум», «Харрикейн Құмкөл мұнай» компанияларында түрлі лауазымдарда болған. 2004-2020 жылдары «Қызылорда Қаз Транс Газ», «Қызылорда газ шаруашылығы басқармасы», «Қаз Транс Газ Аймақ», «Бейнеу-Шымкент газ құбыры» газ тарату мекемелерінде басшылық лауазымдарда қызмет атқарған.2022 жылдан осы кезге дейін «Қызылорда газ тарату жүйесі» мемлекеттік кәсіпорнының директоры лауазымында абыройлы еңбек етті.Жиында Қызылорда облысының прокуроры Ризабек Кәрімұлы жаңадан тағайындалған басшыларға сәттілік тілеп, ізгі лебізін білдірді.Ақпарат көзі : https://www.gov.kz/memleket/entities/kyzylorda/press/news/details/1223611?lang=ru

2026 жылғы 1 қаңтарға дейін қолданыста болған редакциядағы Салық кодексінің 342-бабының 2-тармағына сәйкес жеке тұлға салықтық шегерімдерді: міндетті зейнетақы жарналары, міндетті әлеуметтік медициналық сақтандыруға жарналар, стандартты шегерімдер, көпбалалы отбасылар үшін шегерімдер түрінде – салық агентінде; міндетті зейнетақы жарналары, міндетті әлеуметтік медициналық сақтандыруға жарналар, стандартты шегерімдер, көпбалалы отбасылар үшін шегерімдер түрінде – салық агенті қолданбаған жағдайда дербес түрде; осы тармақтың 1) тармақшасында көрсетілмегендерін – дербес түрде қолданады. Бұл ретте, Салық кодексінің 342-бабының 3-тармағына сәйкес, күнтізбелік жыл ішінде салық агентінде де, жеке тұлғаның өзі дербес қолданған көпбалалы отбасыларға арналған және өзге де шегерімдердің жалпы сомасының шекті мөлшері айлық есептік көрсеткіштің 564 еселенген мөлшерінен аспауға тиіс. Осылайша, Салық кодексінің 347, 349, 351-баптарына сәйкес көпбалалы отбасы үшін, оқуға және сыйақылар бойынша салықтық шегерімдер растайтын құжаттар болған жағдайда қолданылады. Қазақстан Республикасы Қаржы министрінің 2021 жылғы 13 қыркүйектегі №927 бұйрығымен бекітілген Жеке тұлғаның кірістері мен мүлкі туралы декларацияны (бұдан әрі – Қағида) (270.00-нысан) жасау қағидаларына сәйкес №2 қосымша – «ЖТС бойынша артық соманы есепке жатқызу және қайтару туралы талап» толтырылады. «ЖТС бойынша артық соманы есепке жатқызу және қайтару туралы талап» атты 2-қосымша Декларацияда 8В жолы белгіленген жағдайда толтырылады. «В. ЖТС бойынша артық соманы есепке жатқызу туралы талап» бөлімінде салық төлеуші есепке жатқызуға жататын ЖТС артық сомасын көрсетеді. «С. ЖТС бойынша артық соманы қайтару туралы талап» бөлімінде салық төлеуші қайтаруға жататын ЖТС артық сомасын көрсетеді. Осылайша, жеке тұлға оқу шығындарына, көпбалалы отбасы үшін, сыйақылар бойынша шегерімдерді дербес қолдану үшін 2025 жылға арналған жеке табыс салығы бойынша артық соманы есепке жатқызу және қайтару туралы талапты көрсете отырып, кірістер мен мүлік туралы декларацияны (270.00-нысан) ұсынуы қажет. Техникалық мүмкіндік болмауына байланысты растайтын құжаттар ілеспе хатпен бірге жолдануға тиіс. Қосымша хабарлаймыз, мемлекеттік кірістер органдарының ақпараттық жүйесіне шегерімдер бойынша растайтын құжаттарды қоса беру мүмкіндігін енгізу бойынша жұмыстар жүргізілуде. Салық кодексінің 847-бабының 1-тармағына сәйкес жеке табыс салығы бойынша артық соманы есепке жатқызу және (немесе) қайтару тәртібі жөніндегі өтпелі ережелерге сай, жеке тұлға 2025 жылға арналған кірістер мен мүлік туралы декларацияда немесе 2025 жылға арналған қосымша декларацияда (осы баптың мақсаттары үшін – декларация) жеке табыс салығы бойынша артық сома туындаған жағдайда, осы бапта белгіленген тәртіппен салық органы жүргізетін салыстырып тексеруден кейін мұндай артық соманы есепке жатқызуға және (немесе) қайтаруға құқылы. Салық кодексінің 847-бабының 3-тармағына сәйкес жеке табыс салығы бойынша салыстырып тексеру – декларацияда көрсетілген жеке табыс салығы бойынша артық соманы растау мақсатында салық органы жүргізетін рәсім. Салыстырып тексеру барысында: кірістер мен мүлік туралы декларацияда көрсетілген мәліметтерді салық агенттері мен уәкілетті тұлғалардың деректерімен салыстыру;  салықтық шегерімдерді және салықтық шегерімдер ретінде танылатын шығыстар сомаларын қолданудың негізділігін растау;  есепке жатқызуға және (немесе) қайтаруға мәлімделген жеке табыс салығы бойынша артық соманы растау жүзеге асырылады.   Сонымен қатар, Салық кодексінің 847-бабының 11-тармағына сәйкес, 2025 жыл үшін салық агентінің жеке табыс салығы бойынша салықтық берешегі болмаған жағдайда, жеке тұлғаға жеке табыс салығы бойынша артық сома қайтарылады. Жеке тұлғаның жеке табыс салығы бойынша артық сомасын есепке жатқызу және (немесе) қайтару кірістер мен мүлік туралы декларация тапсырылған жылдан кейінгі жылдың 15 қыркүйегінен кешіктірілмей жүргізіледі. Екінші мәселе бойынша Қазақстан Республикасының 2025 жылғы 15 шілдедегі №208-VIII «Қазақстан Республикасының “Салық және бюджетке төленетін басқа да міндетті төлемдер туралы” кодексіне (Салық кодексі) және оны қолданысқа енгізу мәселелері бойынша Қазақстан Республикасының заңдарына өзгерістер мен толықтырулар енгізу туралы» Заңымен (бұдан әрі – 2025 жылғы 15 шілдедегі Заң) 2025 жылғы 1 қаңтардан бастап 2025 жылғы 31 желтоқсанға дейін қолданыста болған Салық кодексіне жекеше практикамен айналысатын тұлғалардың (бұдан әрі – ЖПАТ) салық салынатын табысын айқындау бөлігінде өзгерістер мен толықтырулар енгізілді. Осылайша, 2025 жылғы 31 желтоқсанға дейін қолданыста болған Салық кодексінің 781-бабының 1-тармағына сәйкес, аталған бап 2025 жылғы 1 қаңтардан бастап 2025 жылғы 15 шілдедегі Заң қолданысқа енгізілген айдың соңғы күніне дейінгі кезең үшін төлем көзінен салық салынатын табыстан және жекеше практикамен айналысатын тұлғалардың салық салынатын табысынан жеке табыс салығын есептеу, ұстап қалу және төлеу бойынша өтпелі ережелерді белгілейді. 2025 жылғы 15 шілдедегі Заңның 2-бабына сәйкес, ол алғаш ресми жарияланған күннен кейін күнтізбелік алпыс күн өткен соң қолданысқа енгізіледі, осы баптың 1)-6) тармақшаларында көзделген нормаларды қоспағанда (2025 жылғы 16 шілдеде «Егемен Қазақстан» №132 (31112) және «Казахстанская правда» №132 (30510) газеттерінде ресми жарияланған). Жоғарыда баяндалғанның негізінде, 2025 жыл үшін жекеше практикамен айналысатын тұлғаның жеке табыс салығы есептелетін салық салынатын табысының сомасы Салық кодексінің 364-бабында белгіленген кәсіптік шегерімдерді, 341-бабында көзделген табысқа түзетулерді және 342-бабының 1-тармағында көрсетілген салықтық шегерімдерді ескере отырып айқындалады. Жеке тұлғаның кірістері мен мүлкі туралы декларацияны жасау қағидаларына сәйкес, ЖПАТ мұндай қызметтен түскен табыстарды: 270.03-нысанында (3-қосымша) – «Жекеше практикамен айналысатын тұлғаның табыстары туралы мәліметтерде» көрсетуге міндетті. 270.03-нысанында (3-қосымша) «Кәсіптік шегерім» деген бағанның болмауына байланысты, ЖПАТ 270.03-нысанындағы (3-қосымша) «В. Жеке нотариус, жеке сот орындаушысы, адвокат, кәсіби медиатор толтырады» бөлімінде: В бағанында «Қызметті жүзеге асырудан түскен барлық табыс» – кәсіби қызметтен алынған ай сайынғы табыс сомасын; С бағанында «Бюджетке төленуге жататын ЖТС жалпы сомасы» – барлық қолданылған шегерімдер мен түзетулерді (оның ішінде кәсіптік шегерімдерді) ескере отырып есептелген және нақты төленген ЖТС сомасын көрсетуі қажет. 270.01-нысанында (1-қосымша) дербес салық салуға жататын табыстарды нақтылау және ЖПАТ қолданған шегерімдерді көрсету үшін В бөлімінде: В.7 жолында «Салық агенті болып табылмайтын тұлғадан алынған өзге де табыстар (В бөлімінің 1–6 жолдарында көрсетілмеген)» – ЖПАТ табысы; F.1 жолында «стандартты салықтық шегерімдер»; F.2 жолында «өзге де салықтық шегерімдер» – өзге және кәсіптік шегерімдер; Е.1 жолында «Табысты түзету, оның ішінде:» – Салық кодексінің 341-бабына сәйкес табысты түзету көрсетіледі. ЖПАТ салықтық міндеттемелерін дұрыс есептеу мақсатында қазіргі уақытта ақпараттық жүйеге тиісті техникалық пысықтаулар жүргізілуде, 270.01 және 270.03 нысандарын салыстыру іске асырылды. 270.01-нысанының (1-қосымша) H жолындағы есептелген ЖТС сомасы 270.03-нысанының (3-қосымша) С бағанындағы сомаға азайтылады. Бұл ретте, 2026 жылғы 1 қаңтардан бастап қолданыстағы редакциядағы Салық кодексінің 417-бабының 1-тармағына сәйкес, кірістер мен мүлік туралы декларация есепті күнтізбелік жылдан кейінгі жылдың 15 қыркүйегінен кешіктірілмей тұрғылықты (болған) жері бойынша ұсынылады.Ақпарат көзі : https://www.gov.kz/memleket/entities/kgd-sko/press/news/details/1223644?lang=ru

Мемлекеттік қызметтерді көрсету кезінде халықтың құқықтарын, бостандықтары мен заңды мүдделерін сақтауды қамтамасыз ету белгілерінің бірі болып, әкімшілік кедергілерді азайту, халыққа мемлекеттік қызметтерді көрсету, тиімділігін арттыру және мемлекеттік қызметтерді сапалы көрсету болып табылады.Қазіргі қоғамда мемлекеттік қызмет қоғам өмірінде үлкен орын алады. Көрсетілетін мемлекеттік қызмет сапасының деңгейі еліміздің экономикалық және әлеуметтік көрсеткіші болып табылады. Осыған байланысты, «Шелек ауылдық округі әкімінің аппараты» мемлекеттік мекемесінің мемлекеттік қызметтер көрсету сұрақтары бойынша негізгі бағыттары туралы ақпарат ұсынамыз."Жер учаскесінің жалдау мерзімін ұзарту" мемлекеттік қызметін көрсетуге қойылатын негізгі талаптардың тізбесіКөрсетілетін қызметті берушінің атауы: ауылдардың, ауылдық округтердің әкімдері .Мемлекеттік көрсетілетін қызметті ұсыну тәсілдері:1) көрсетілетін қызметті берушінің кеңсесі;2) "электрондық үкіметтің" www.egov.kz веб-порталы.Мемлекеттік қызметті көрсету мерзімі:10 (он) жұмыс күні ішінде. Көрсетілген мерзімге шарт жасау кезеңі кірмейді.Мемлекеттік қызметті көрсету нысаны:Электрондық (ішінара автоматтандырылған/қағаз түрінде).5.Мемлекеттік қызметті көрсету нәтижесіКөрсетілетін қызметті берушінің жер учаскесіне уақытша (қысқа мерзімді, ұзақ мерзімді) өтеулі жер пайдалану (жалдау) құқығын беру туралы шешімі және уақытша (қысқа мерзімді, ұзақ мерзімді) өтеулі жер пайдалану (жалдау) шарты не мемлекеттік қызмет көрсетуден бас тарту туралы уәжді жауап.Мемлекеттік қызметті көрсету кезінде көрсетілетін қызметті алушыдан алынатын төлем мөлшері және Қазақстан Республикасының заңнамасында көзделген жағдайларда оны алу тәсілдері: Тегін.Көрсетілетін қызметті берушінің және ақпарат объектілерінің жұмыс графигі1) көрсетілетін қызметті берушінің – Қазақстан Республикасының Еңбек кодексіне сәйкес демалыс және мереке күндерін қоспағанда 12.30-14.00-ке дейінгі түскі үзіліс пен дүйсенбіден жұмаға дейін 8.00-ден 17.30-ға дейін;Мемлекеттік қызмет көрсету орындарының мекенжайлары:Шелек ауылы, Жібе жолы көшесі №40, телефон: 87277621430. Толығырақ ақпаратты «Шелек ауылдық округі әкімінің аппараты» ММ алуға болады.Ақпарат көзі : https://www.gov.kz/memleket/entities/enbekshikazakh-shelek/press/news/details/1223649?lang=ru

Құрметті есеп жүйелерін әзірлеушілер және салық төлеушілер!      Қазақстан Республикасы Қаржы министрлігінің Мемлекеттік кірістер комитеті Сіздің назарыңызға, ілеспе жүкқұжаттарды (ТІЖ) рәсімдеу және электрондық шот-фактураларды (ЭШФ) жазып беру қағидаларына сәйкес ТІЖ және ЭШФ жаңа нысандары әзірленгенін хабарлайды. Қазіргі уақытта аталған нысандар «Электрондық шот-фактуралар» ақпараттық жүйесінің тестілік серверінде қолжетімді https://test3.esf.kgd.gov.kz:8443.     Сонымен қатар, аталған нысандарды іске асыру барысында келесі өзгерістер енгізілгенін хабарлаймыз:     ТІЖ нысанында G-G10 бөлімдеріндегі бағандардың нөмірленуі өзгертілді және G6, G7, G10 бөлімдеріне «Тауар коды» өрістері қосылды.      ЭШФ нысанында:G бөліміндегі бағандардың нөмірленуі өзгертілді;«В» бөліміндегі «Жеткізуші санаты» өрісінен «Жеке сот орындаушысы», «Медиатор», «Нотариус» санаттары алынып тасталды;«С» бөліміндегі «Жеткізуші санаты» өрісінен «Адвокат», «Жеке сот орындаушысы», «Медиатор», «Нотариус» санаттары алынып тасталды;жаңа өріс қосылды;«Шарт бойынша төлем талаптары» өрісі «Есеп айырысу тәсілі» өрісіне ауыстырылды - аталған өріс ЭШФ қағидаларында белгіленген тәртіпке сәйкес толтырылуға тиіс.      Өзгертілген функционалмен танысып, қажет болған жағдайда аталған өзгерістерді есеп жүйелеріңізде ескерулеріңізді сұраймыз.     Әзірлеуші жиынтығы (ТІЖ, ЭШФ нысаны бойынша жаңартулары бар SDK) келесі сілтеме бойынша жүктеуге қолжетімді https://kgd.gov.kz/sites/default/files/ftpdata/ESF/esf-sdk-311225.rar.     Пайдаланушы нұсқаулығымен МКК сайтында келесі сілтеме арқылы танысуға болады https://kgd.gov.kz/ru/content/rukovodstvo-polzovatelya-1.    ТІЖ, ЭШФ нысанындағы өзгерістер бойынша сұрақтар туындаған жағдайда esfsd@kgd.minfin.gov.kz электрондық поштасына немесе +7 (7172) 72-51-61 телефон нөміріне хабарласуыңызды сұраймыз. Ақпарат көзі : https://www.gov.kz/memleket/entities/kgd-akmola/press/news/details/1223708?lang=ru

   Қоршаған ортаға теріс әсер еткені үшін төлем: IV санаттағы объектілер операторлары нені білуі керек Қазақстан Республикасының экологиялық және салық заңнамасына сәйкес қоршаған ортаға теріс әсер еткені үшін төлем қоршаған ортаға әсер ететін объектілердің операторларынан алынады. Бұл ретте IV санаттағы объектілер үшін ерекше тәртіп көзделген. Қазақстан Республикасының Салық кодексіне сәйкес төлем төлеушілер болып I, II және III санаттағы объектілердің операторлары табылады.                  IV санаттағы объектілердің операторлары қоршаған ортаға теріс әсер еткені үшін төлем төлеушілер қатарына жатпайды. Объект IV санатқа жатқызылған жағдайда салық төлеушіде: төлемді есептеу бойынша міндеттемелер туындамайды; осы төлем бойынша салықтық есептілікті тапсыру міндеті болмайды; қоршаған ортаға теріс әсер еткені үшін төлем төленбейді.                 Қосымша хабарлаймыз: IV санаттағы объектілер бойынша қате төленген төлем сомалары Қазақстан Республикасының салық заңнамасында көзделген тәртіппен есепке жатқызуға немесе қайтаруға жатады.Ақпарат көзі : https://www.gov.kz/memleket/entities/kgd-sko/press/news/details/1223709?lang=ru

18 мамыр – Халықаралық музейлер күніне орай Жетісу облысының Мұхамеджан Тынышбайұлы атындағы тарихи-өлкетану музейінің ұйымдастыруымен «Өткеннің ізі, болашақтың тілі» атты мәдени іс-шара өтті.Шараға облыстық мәдениет, архивтер және құжаттама басқармасының басшысы Сүлейменов Қуаныш Сұлтанұлы, Жетісу өңірінің зиялы қауым өкілдері, мәдениет мекемелерінің қызметкерлері, қала тұрғындары мен қонақтары қатысты. Іс-шара барысында музей қызметкерлері марапатталып, жасанды интеллект жылына орай қала оқушыларының робототехника, жаңа технологиялар және жасанды интеллект саласындағы жетістіктері таныстырылды. Атап айтқанда, Назарбаев Зияткерлік мектебі, Талдықорған жоғары политехникалық колледжі және TkRobotics робототехника мектебі дайындаған роботтардан құралған «Роботтар әлемі» көрмесі көпшілік назарына ұсынылды. Сонымен қатар, робототехника бойынша шеберлік сағаттары өткізілді.Мереке аясында музей залдарында жаңартылған форматтағы экскурсиялар, QR-кодтар арқылы таныстырылымдар, интерактивті көрмелер, танымдық кездесулер, квест ойындары, Марат Хасеновтың жеке коллекциясы және концерттік бағдарлама көрермендерге ұсынылды. Ақпарат көзі : https://www.gov.kz/memleket/entities/zhetysu-archive/press/news/details/1223780?lang=ru