Астанада мемлекеттік қаржы жүйесін басқарудағы цифрландыру мәселелеріне арналған Digital Finance Day іс-шарасы өткізіліп жатыр. Ауқымды жиын ҚР Қаржы министрлігінің бастамасымен ұйымдастырылып, онда министрліктердің, мемлекеттік компаниялардың және банк секторының, соның ішінде Қазақстан Ұлттық Банкінің, Halyk Bank, Kaspi Bank, Bereke Bank және басқа да қаржы институттары мен іскер топтардың өкілдері жиналды. Іс-шара кезінде азаматтар мен бизнестің мемлекеттік қызметтерді алудағы өзара байланысын жеңілдетіп, қаржы индустриясындағы цифрлы технологиялардың мүмкіндіктері талқыланды.Ведомство бірнеше жылдан бері мемлекеттік қызметтердің сапасы мен қауіпсіздігін арттыруға ден қойып, цифрлы технологияларды белсенді түрде енгізіп келеді. Кейінгі үш жылда құзырлы орган мемлекеттік қаржы жүйесін әкімшілендіруді жеңілдетіп, жеке және заңды тұлғаларға арналған ыңғайлы сервистер құру бойынша көптеген цифрлық шешімді іске қосқанын айта кетейік. Аталған жобалар қызмет көрсету сапасын айтарлықтай жақсартып, мемлекеттік органдармен өзара байланысты қарапайым, жылдам және ашық қылуға мүмкіндік береді.«Мемлекет басшысы Қазақстан халқына Жолдауында бірнеше рет барлық салада цифрландыруды енгізудің маңыздылығын айтып, тиісті міндетті жүктеген-ді. Қазіргі әлемде цифрландыру кез келген экономиканың орнықты дамуының маңызды элементіне айналып отыр. Біздің міндетіміз – мемлекеттік қаржы жүйесінің және онымен байланысты барлық процестің қолжетімділігін күшейтіп, ашық және азаматтардың ыңғайлығына бағдарланған қызметті жолға қою», деді ҚР Қаржы вице-министрі Әсет Тұрысов.Digital Finance Day аясында министрлік Салықтық әкімшілендірудің бірыңғай цифрлы платформасын, Smart Data Finance, «Электрондық мемлекеттік сатып алу» ақпарат жүйесін, Кәсіпкердің бірыңғай жеке кабинетін, Тауарлардың цифрлы каталогы мен E-Qazyna платформасы сынды бірнеше цифрлы өнімнің артықшылықтарын көпшілікке таныстырды. Бұл жүйелер салық төлеушілердің түрлі санаттарына, атап айтқанда заңды тұлғаларға, кәсіпкерлер мен жеке тұлғаларға – мемлекеттік қызметтерді тез әрі ыңғайлы алып, сондай-ақ импорттан немесе өндірістен бөлшек саудаға және экспортқа дейінгі тауарлар тізбегін қашықтан бақылап, тәуекелдерді азайту мен ашықтықты арттыруға мүмкіндік береді.Сонымен қатар іс-шараға қатысып жатқан Halyk Bank, Kaspi Bank және Bereke Bank секілді банктермен интеграция арқылы Қаржы министрлігі бизнес пен халыққа арналған қызметтердің қолжетімділігі мен сапасын айтарлықтай жақсартып келеді. Министрліктің электронды қызметтері банктерге қызмет көрсету аясын кеңейтіп, ыңғайлы заманауи бизнес шешімдерді ұсынуға, сондай-ақ клиенттерге қауіпсіз әрі жайлы сервисті көрсетуге септігін тигізуде.«Digital Finance Day – тек идеялармен бөлісуді ғана емес, сонымен қатар жаңа серіктестіктерді тауып, іскерлік байланысты нығайтуға мүмкіндік беретін алаң. Бірлескен жұмыс арқылы біз кез келген қиындықты еңсеріп, қоғамның мүддесіне бағытталған орнықты цифрлы қаржы инфрақұрылымын құра алатынымызға сенімдімін», деді Әсет Нұрланұлы.Мемлекеттік қаржы жүйесінің цифрлы трансформациясының қызмет көрсетудің жаңа деңгейін қалыптастыруда септігі мол. Бұл арқылы отандық бизнестің өрісі кеңейіп, азаматтардың бақуаттылығы арта түседі. Қаржы министрлігінің жобалары шешім қабылдау кезінде адами фактордың алдын алуға, сыбайлас жемқорлықты азайтып, манипуляциялық мүмкіндіктерді болдырмауға бағытталған. Сәйкесінше осы арқылы азаматтар мен бизнестің мемлекеттік жүйеге деген сенімі нығаяды.Бұдан бөлек іс-шара кезінде ҚР Қаржы министрлігінің жаңа логотипі таныстырылғанын айта кеткен орынды. Ол ведомствоның цифрлы дәуірдегі инновациялар мен орнықты дамуға деген ұмтылысын бейнелейді. Сонымен қатар бас қаржы органның таңбасы дәстүр сабақтастығы мен заман ағымына қарай өрлеудің мәнін айғақтайды.Ақпарат көзі : https://www.gov.kz/memleket/entities/minfin/press/news/details/878924

Жамбыл облысына ҚР Премьер-Министрінің кеңесшісі Ералы Тоғжанов жұмыс сапарымен келіп, «Ауыл аманаты» жобасының іске асырылу барысымен танысты.Алдымен Ералы Тоғжанов Байзақ ауданына ат басын бұрды. Ол «Ауыл аманаты» жобасы аясында құрылған мал бордақылау алаңы мен автокөлік жуу нысанының жұмысымен танысты. Бұдан соң «Әулие-Ата Феникс» ЖШС-де құс етін экспортқа шығару қарқынын бақылады.Сонымен бірге Меркі ауданындағы «AMANAT» оқу-әдістемелік орталығының жұмысымен танысты. Мұнда егін және мал шаруашылығы саласында жеке шаруашылықты жүргізу бойынша білім беріледі.Жұмыс сапары аясында ҚР Премьер-Министрінің кеңесшісі Жамбыл облысының әкімі Ербол Қарашөкеевпен бірге барлық деңгейдегі әкімдердің басын қосып, кеңес өткізді.Алдымен ауыл шаруашылығы басқармасының басшысы Қайрат Көшенов жобаның нәтижелерін баяндап, алдағы жоспарларды таныстырды.Аталған жобаға 2019-2023 жылдары аралығында 42,2 млрд.теңге бөлінген. Бұл қаржыға 62 ауылдық округтегі 8 028 жоба несиелендірілді.Тарқатып айтар болсақ, 252 мың бас мал сатып алуға 38,4 млрд.теңге несие берілді. 57 кооператив құрылып, лизинг жүйесі арқылы 533 ауыл шаруашылығы техникасы сатып алдынды. Кәсіп ашуға құлықты тұрғындардың 91 жобасы қаржыландырылды. 4 жыл ішінде 8 мыңнан астам жаңа жұмыс орындары құрылды.2024 жылы жобаға 10,5 млрд. теңге бөлу қарастырылып, бұл қаржы көлеміне 1200 өтінімді несиелендіру арқылы 1672 жұмыс орнын құру жоспарланды.Ералы Тоғжанов жобаға қатысқан жамбылдықтардың жемісті жұмысын жоғары бағалап, өзекті мәселелерді кеңес барысында жіпке тізді.– «Ауыл аманаты» жобасының басты мақсаты – ауылды жерлердегі халықтың табысын арттыру.Бұл күнде жоба аясында жаңа жұмыс орындарының ашылуы 25 пайызға дейін өсіп отыр. Атаулы әлеуметтік көмек алатын азаматтардың қатары 50,4 пайызға төмендеген. Осы ретте бұл бағыттағы жұмыстарды жалғастыру қажет. Әлі де атқаратын жұмыс көп. Шаруалар тек қана мал шаруашылығымен айналыспауы керек. Ауылдықтардың өзге де кәсіппен шұғылдануына жағдай жасалуы тиіс. Оның ішінде жылыжай салып, түрлі көкөністерді өсіруге және құс шаруашылығын дамытуға күш салу керек, – деді Ералы Тоғжанов.Үкімет басшысының кеңесшісі «Ауыл аманаты» жобасы аясында тауарлы несие беру мәселесін көтеріп, өзге өңірлердегі шаруа қожалықтарының жұмысын үлгі ретінде таныстырды. Ол ауылды өркендету – ортақ міндет екенін алға тартып, жауаптыларды жұмыла жұмыс істеуге шақырды.Басқосу барысында ауыл әкімдеріне сұрақтар қойылып, жауаптар алынды.Кеңес қорытындысы бойынша өңірдің ірі кәсіпорындарын жергілікті азық-түлік өнімдерімен қамту үлесін ұлғайту мақсатында 4 ірі кәсіпорынмен ынтымақтастық момарандумына қол қойылды.Ақпарат көзі : https://www.gov.kz/memleket/entities/zhambyl/press/news/details/879366

Ақтөбе облысында мемлекеттік органдардың қызметкерлерімен жасалған сыбайлас жемқорлық қылмыстарының төмендегені байқалады. Ал, өңірдің ішкі істер органдарында сыбайлас жемқорлық көрсеткіші сәл өсіп отыр.Партияның Ақтөбе облыстық филиалында өткен «Amanat» партиясы жанындағы Сыбайлас жемқорлыққа қарсы іс-қимыл жөніндегі республикалық кеңестің отырысы барысында өңірдегі сыбайлас жемқорлыққа қарсы іс-қимыл жөніндегі шаралар талқыланды, сондай-ақ партияның Сайлауалды бағдарламасының орындалу барысы қаралды.Кеңеске «AMANAT» партиясы жанындағы Сыбайлас жемқорлыққа қарсы іс-қимыл жөніндегі республикалық кеңестің төрағасы Ерлан Сайыров, «AMANAT» партиясының хатшысы Ержан Жылқыбаев, Ақтөбе облысының әкімі Асхат Шахаров, кеңес мүшелері, өңірдің Сыбайлас жемқорлыққа қарсы қызметі және құқыққорғау органдарының өкілдері қатысты.Жиынға төрағалық еткен «AMANAT» партиясы жанындағы Сыбайлас жемқорлыққа қарсы іс-қимыл жөніндегі республикалық қоғамдық кеңестің төрағасы Ерлан Сайыров әрбір азамат елінің патриоты болып, сыбайлас жемқорлықпен күресу қажет екенін айтты.«ҚР Президенті Қасым Жомарт Тоқаев қоғамдағы барлық келеңсіздіктерді шешу үшін өзіміздің жұртшылықпен, азаматтармен бірге жұмыс істеу қажет екенін айтқан болатын. Ендеше мемлекеттің ісіне араласу үшін, патриот болу үшін ешқандай мемлекеттік қызметкер болудың қажет жоқ. Мәселен Францияда француз революциясы болған кезде ең бірінші патриот деген ұғым пайда болды. Бұл ұғым халық үшін қызмет ететін азамат дегенді білдіреді. Сондықтан да өзіміздің азаматтарымыз, бала-шағамыз ұлы қоғамда өмір сүрсін десек, оның фундаментін бүгіннен бастағанымыз дұрыс. Еліміздегі кемшіліктерді жасырмауымыз керек, бірақ кемшілікті жою үшін әрқайсысымыз қызмет етуіміз керек», - деді ол.Өз кезегінде облыс әкімі Асхат Шахаров өңірде сыбайлас жемқорлыққа қарсы іс-қимыл және қылмыстардың алдын алу бойынша жүйелі жұмыстар жүргізіліп жатқанын атап өтті. Сыбайлас жемқорлыққа қарсы іс-қимыл жөніндегі облыстық комиссияның 42 отырысы өткізілді, 108 мәселе талқыланды. 350 тапсырманың 250-і орындалды, қалғандары – орындалу сатысында.«Жыл сайын мемлекеттік органдарда сыбайлас жемқорлық тәуекелдеріне ішкі және сыртқы талдау жүргізіледі. Осы жылдың тоғыз айында сыбайлас жемқорлық тәуекелдері анықталып, оларды жою бойынша 300-ден астам іс-шара өткізілді. Ішкі аудит қызметі тексеру жүргізіп, бұзушылықтарды анықтады. Төрт материал құқыққорғау органдарына жіберілді. Алты лауазымды тұлғаға қатысты тиісті шаралар қабылданды. Мемлекеттік қызметшілерді қайта даярлау және олардың біліктілігін арттыруға қатысты жұмыстар ұйымдастырылды. 2024 жылы 27 адам сондай курстан өтті. Жалпы сыбайлас жемқорлыққа қарсы мәдениетті насихаттау бойынша 7250-ден астам іс-шара өткізілді. Партияның жол картасы аясында сыбайлас жемқорлыққа қарсы шаралар бойынша 122 іс-шара өткізіледі. Жол картасын іске асыру – тұрақты бақылауда», - деді Асхат Шахаров.«AMANAT» партиясы жанындағы сыбайлас жемқорлыққа қарсы іс-қимыл жөніндегі республикалық кеңестің мүшесі Абзал Құспан тоғыз айдың қорытындысына тоқталып, құқыққорғау органдары, сондай-ақ құрылыс, ТҮКШ, жер қатынастары салаларындағы проблемалық мәселелерді атап өтті. Есепті кезеңде 46 сыбайлас жемқорлыққа қарсы құқықбұзушылық тіркелді. Былтыр 58 жағдай болыпты. Баяндамашы былтырғы жылмен салыстырғанда облыста мемлекеттік қызметшілер арасында сыбайлас жемқорлық қылмыстарының төмендеуі байқалғанын (2022ж – 8, 2023ж – 17, 2024ж – 6), ал құқыққорғау жүйесінің қызметкерлері арасында өсім сәл өскенін алға тартты (2022ж – 7, 2023ж – 3, 2024ж – 4).Кеңес барысында «AMANAT» партиясының сайлауалды бағдарламасының Жол картасын іске асыру мәселелері қаралды.Республикалық кеңес төрағасы Ерлан Сайыров сыбайлас жемқорлық көріністеріне жол бергені үшін, сондай-ақ сыбайлас жемқорлыққа қарсы жұмысты жүргізуге, партияның Сайлауалды бағдарламасын іске асыру бойынша Жол карталарын орындауға формальды көзқарас танытқаны үшін бірқатар лауазымды тұлғаны партиялық жауапкершілікке тартуды ұсынды.Ақпарат көзі : https://www.gov.kz/memleket/entities/aktobe/press/news/details/879350

Бүгін ҚР Өнеркәсіп және құрылыс министрі Қанат Шарлапаев Словакия Республикасы Премьер-Министрінің орынбасары – Қорғаныс министрі Роберт Калинякпен келіссөздер жүргізді.Кездесуде басты назар Қазақстан мен Словакия арасындағы қорғаныс-техникалық ынтымақтастықты дамытуға аударылды.Тараптар бірлескен жобалардың келешегін және озық технологиялармен алмасуды талқылады. Сондай-ақ өңдеу өнеркәсібіндегі жоспарларға, оның ішінде өндіріс орындарын оқшаулау және жоғары технологиялық өндірісті басқару бойынша тәжірибе алмасу мүмкіндігіне ерекше назар аударылды.Министрлер ынтымақтастықты кеңейтуге өзара мүдделілік танытып, оның екі елдің экономикалық және өнеркәсіптік дамуы үшін маңыздылығын атап өтті.Кездесу соңында тараптар белсенді диалогты қолдауға және өзара тиімді жобаларды жүзеге асыру үшін жағдай жасауға ниетті екенін растады.Ақпарат көзі : https://www.gov.kz/memleket/entities/mps/press/news/details/879348

Видео смотрите здесь! 7 ноября 2024 года в Министерстве по чрезвычайным ситуациям Республики Казахстан состоялась первая рабочая встреча Министра по ЧС генерал-майора Чингиса Аринова с делегацией Словацкой Республики во главе с заместителем Премьер-министра – Министром обороны Робертом Калиняком. В ходе встречи стороны обсудили перспективы расширения двустороннего сотрудничества в сфере гражданской защиты и безопасности. Особое внимание было уделено вопросам обмена опытом и внедрения современных технологий для повышения готовности к чрезвычайным ситуациям. Министр по ЧС генерал-майор Чингис Аринов отметил, что ведомство заинтересовано в дальнейшем обмене опытом с международными партнерами по ключевым вопросам предупреждения и ликвидации чрезвычайных ситуаций.«Мы готовы делиться нашим опытом в области предупреждения и ликвидации последствий природных катастроф, таких как паводки и землетрясения, и активно участвовать в совместных инициативах, направленных на повышение готовности к таким ситуациям», — подчеркнул министр.Также стороны обсудили ряд других ключевых аспектов двустороннего сотрудничества, таких как обмен информацией, координация действий при чрезвычайных ситуациях, а также организация совместных учений и тренингов для повышения оперативности и эффективности работы спасательных служб обеих стран. Министр обороны Словацкой Республики Роберт Калиняк выразил заинтересованность в дальнейшем укреплении партнерства в области гражданской защиты и безопасности и подтвердил готовность к реализации совместных проектов, направленных на повышение готовности к чрезвычайным ситуациям.Ақпарат көзі : https://www.gov.kz/memleket/entities/emer/press/news/details/879326

Премьер-министр Олжас Бектенов тиісті министрлер мен өңір әкімдерінің қатысуымен 2025 жылғы су тасқыны кезеңіне дайындық мәселесі бойынша кеңес өткізді. Басты міндет – су тасқынына дайындықты қамтамасыз ету және халық пен инфрақұрылымға қауіп-қатерді азайту.Жылдағы қауіпті жерлерде орын алуы ықтимал су тасқыны жағдайының алдын алу бойынша дайындық шаралары жүргізілуде. Атырау, Қостанай, Түркістан, Батыс Қазақстан облыстарының әкімдері және экология және табиғи ресурстар, төтенше жағдайлар, көлік министрлері, сондай-ақ су ресурстары және ирригация вице-министрі баяндама жасады.Гидрологиялық болжамдарға сәйкес, қыста температура режимі климаттық норма шегінде болып, жауын-шашын мөлшері көпжылдық нормадан асады деп күтілуде. 2025 жылғы су тасқыны кезеңін болжауды жақсарту мақсатында «Қазгидромет» РМК су басу қаупі басым өзен учаскелерінде 31 деңгейлі гидрологиялық бекет ұйымдастырылып, ашылды. Бүгінгі таңда 377 гидрологиялық бекет, 25 қар өлшегіш маршрут және 347 метеорологиялық станса жұмыс істейді. 9 облыста коммуналдық меншіктегі гидротехникалық құрылыстарды күтіп ұстау және оларға қызмет көрсету бойынша мамандандырылған ұйымдар құрылды. Өзендер үшін «HBV» және «SWIM» сандық модельдерін бейімдеу бойынша жұмыстар жалғасуда, бұл алдағы су тасқыны кезеңінде су басу қаупі бар аймақтарды анықтау мүмкіндігімен судың күтілетін ең жоғары деңгейін көрсете отырып, гидрологиялық болжам жасауға мүмкіндік береді.Батыс Қазақстан және Шығыс Қазақстан облыстарында 95 км каналды механикаландырылған тазарту жұмыстары жүргізілді. Өзендердің 51 учаскесі және 10 облыста 1 көл анықталды, онда бірінші кезекте өзендердің арналарын санациялау қажет. Орталық, солтүстік және батыс өңірлердегі өзендердің басым учаскелерінде топографиялық түсірілім және жайылмалар мен арналардың батиметриясы жүргізіледі. Жұмыстар аяқталғаннан кейін деректер FLOOD.GHARYSH.KZ су тасқынын модельдеу жүйесіне жүктеу үшін ЦДИАӨМ-ге жіберіледі. Жергілікті атқарушы органдар 1110 шақырым қорғаныс бөгеттері салынып, нығайтылды, оның 275 шақырымы 2025 жылғы су тасқыны маусымына дайындалған. Биылғы тәжірибе мен апат ауқымын ескере отырып, 63 мыңнан астам адам жұмылдырылды. Сондай-ақ шамамен 7 мың бірлік техника тартылды.Су тасқыны қаупі бар учаскелерде автожолдарды реконструкциялау және жөндеу кезінде топырақ төсемі үйіндісін биікттету, қосымша көпірлер мен су өткізгіш құбырларды орнату, су өткізгіш құбырлардың диаметрлерін және олардың санын ұлғайту бойынша жұмыстар жүргізіледі. Бүгінде реконструкция жүргізілген нысандарда 63 көпір салынып, 324 су өткізгіш құбыр төселді. Республикалық жолдарды орташа жөндеу шеңберінде 6 апатты көпірді күрделі жөндеу және су тасқыны қаупі бар учаскелерде 420 су өткізу құбырын орнату жұмыстары жүргізілуде. Ол бойынша барлығы 396 су тасқыны қаупі бар учаскелер, 68 көпір және 768 су өткізу құбырлары анықталып, ерекше бақылауға алынды.Сонымен қатар ТЖМ-нің өңірлердегі су тасқынына қарсы іс-шаралардың іске асырылу барысын тексеру нәтижелері бойынша Олжас Бектеновке инженерлік жоспарларда көзделген бірқатар жұмыстардың орындалмағаны туралы баяндалды.Олжас Бектенов жергілікті жерлердегі жұмыс қарқынын сынға алып, олар тиісті деңгейде жүргізілмей жатқан өңірлердегі инфрақұрылым мен гидротехникалық құрылыстарды дайындау бойынша алдын алу шараларын күшейтуді тапсырды. Премьер-министр мұндай тәсілге жол беруге болмайтынын атап өтті. Қостанай, Ақтөбе, Батыс Қазақстан, Солтүстік Қазақстан және Абай облыстарының әкімдеріне бір ай мерзімде жоспарланған шаралардың жүзеге асырылуын қамтамасыз етуді тапсырды.«Өңір әкімдері қысқа мерзімде су тасқынына қарсы іс-шараларды жүзеге асыру бойынша барлық кешенді шараларды қабылдауы тиіс. Ең алдымен, су бұру арналарының, арықтар мен дренаж жүйелерінің дайындығын қамтамасыз ету қажет. Тасқын қаупі бар елді мекендер маңына топырақ бөгеттер тұрғызылып, үлкен судың келуінен қорғалуы тиіс», — деп атап өтті Олжас Бектенов.Премьер-министр су тасқыны қаупі бар елді мекендерді қорғауды қамтамасыз ету, азық-түлік пен дәрі-дәрмектің жеткілікті қорын дайындауды тапсырды. Дәл осындай шараларды көлік қатынасы үзіліп қалуы мүмкін жерлерде де қабылдау керек. Қыс мезгілінде, әсіресе ауылдық елді мекендерден қарды уақтылы шығаруды ұйымдастыру тапсырылды. Су тасқыны маусымына арнайы және инженерлік техника алдын ала жұмысқа сақадай сай тұруы тиіс. Сонымен қатар жергілікті бюджеттерде ықтимал төтенше жағдайларға қаражат қарастырып, қажетті ресурстарды дайындау маңызды.Су ресурстары министрлігінің алдына су қоймаларын толтыру көлемін бақылауды қамтамасыз ету, қажет болған жағдайда суды қауіпсіз ағызу жөнінде шаралар қабылдау міндеті қойылды. Көрші мемлекеттермен су шығыны және трансшекаралық өзендерде қауіптердің туындауы туралы үнемі ақпарат алмасу ұйымдастырылады.Төтенше жағдайлар министрлігіне «Көктем–2025» оқу-жаттығуы шеңберінде су тасқыны жағдайының күрделенуі кезінде нақты іс-қимылдар алгоритмін пысықтау, оның ішінде жедел ден қоюға арналған күштер мен құралдар топтамасын айқындау тапсырылды. Премьер-министр ТЖ аймақтарына, оның ішінде теміржол және әуе көлігімен күштер мен құралдарды жеткізудің нақты тетігі қажет екенін атап өтті. Сондай-ақ жарылғыш заттар мен инертті материалдардың қорын дайындау, құлақтандыру жүйелерінің дайындығын тексеру, эвакуацияланатын халықты қабылдау пункттерін анықтау және тұрғындарды белгіленген орындар туралы алдын ала хабардар ету, ауыл шаруашылығы жануарларын айдап апару үшін қауіпсіз учаскелерді қарастыру тапсырылды.Олжас Бектенов төтенше жағдайлардың салдарын жою, оның ішінде залалды өтеу кезінде ден қою мәселесіне жеке тоқталды. ТЖМ мүдделі мемлекеттік органдармен бірлесіп, осы бағыттағы мәселелерді шешу тетіктерін пысықтау қажет.Сондай-ақ елді мекендерге қауіп төнген және су басқан кездегі өзін-өзі ұстау, қауіпті аймақтардан қауіпсіз жерлерге көшіру ережелері туралы халықты уақтылы және сапалы хабардар ету мәселесіне ерекше назар аударылды. Мәдениет және ақпарат министрлігіне тиісті тапсырмалар берілді.Ақпарат көзі : https://www.gov.kz/memleket/entities/ontustik/press/news/details/879300

Биыл қамшының сабындай қысқа ғана ғұмырында адуынды ақын, дарынды жазушы, публицист әрі журналистика саласының майталман маманы атана білген Саттар Ерубаевтың туғанына 110 жыл толды. Осы орайда жыл басынан бері Түркістан өңірінде көптеген мәдени-танымдық іс-шара өткізіліп, Саттар мұралары дәріптеліп келеді. Бұл үрдіс ақынның кіндік қаны тамған Отырар ауданындағы Қарғалы ауылында жалғасып, Саттар Ерубаев атындағы шағын жинақты жалпы білім беретін білім ұясында жыр мүшәйрасы мен ғылыми конференция өткізілді. Іс-шараны «Отырар әдебиеті және өнері» қоғамдық бірлестігі, аудандық білім бөлімі, мектеп ұжымы, қаламгердің туған-туыстары мен ауыл тұрғындары бірлесе ұйымдастырған.Саттар Ерубаевтың өмірі, еңбек жолы мен шығармашылығы кеңінен насихатталған іс-шараға ақынның немере қарындасы Ұлжалғас Есім, «Саттартану» оқулығының авторы Дана Жуандықова, «Игілік ата» қоғамдық қорының төрағасы Нассень Қожабай, аудандық білім бөлімі әдістемелік кабинетінің меңгерушісі Дархан Ембай, аудандық мәдениет, тілдерді дамыту және спорт бөлімінің басшысы Сағынтай Құттыбай, Қарғалы ауылдық округінің әкімі Еркеғали Жұмабек арнайы қатысты. Жиынға келушілер алдымен мектеп ауласында орналасқан Саттар Ерубаевтың ескерткішіне гүл шоқтарын қойып, рухына тағзым етті. Содан соң, Түркістан қаласында орналасқан Саттар Ерубаев атындағы әдеби-мәдени мұражайдың көрмесін тамашалап, ары қарай іс-шара екі бағыт бойынша жалғасты.«Тұлғаңды таны, тарихыңды құрметте» тақырыбы аясында өткізілген жыр додасының іріктеу кезеңіне Шымкент, Түркістан қалалары мен Отырар ауданынан отызға жуық ақын қатысып, олардың оннан астамы ақтық сынға жолдама алған. Қорытынды кезеңге қатысушылар сахна төрінде Саттар Ерубаевқа арнаған және еркін тақырыптағы өлеңдерін оқып, арнайы жасақталған қазылар алқасы жыр жүйріктерін анықтады. Нәтижесінде бірінші орын Нұрғали Сердәлиевке (Отырар), ал бас бәйге отырарлық Бауыржан Мейірханұлына бұйырды. Жүлдегерлерге арнайы дипломдар мен қаржылай сыйлықтар табысталды. Айта кету керек, жыр бәйгесіне қатысқан ақындарды өлеңдер облыстық «Farab» әмбебап ғылыми кітапханасының қолдауымен арнайы кітапша болып жарық көрді. Мүшәйраға қатысушылардың жас ерекшелігіне шектеу қойылмаған.Сондай-ақ, «Жарқ еткен сәуле ғұмыр» тақырыбы бойынша өткізілген ғылыми-тәжірибелік конференцияға аудандағы бірнеше мектептің оқушылары ғылыми жұмыстарын ұсынған. Мұндағы мақсат – Саттар Ерубаев шығармашылығын дәріптеу, қазақ руханиятына қосқан үлесін насихаттау және шығармаларының бүгінгі күндегі маңыздылығын айқындау. Ғылыми конференция қорытындысына сәйкес, С.Ерубаев мектебінің оқушысы Сартай Толқын мен Жамбыл Жабаев мектебінің оқушысы Қалдан Нұрасыл екінші орынды місе тұтты. Ал бірінші орынды Отырар жалпы орта мектебінің оқушысы Әшірбай Раяна иеленді. Оқушыларға арнайы диплом мен электронды құралдар табысталды.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/879302

Түркістан облысындағы автомобиль жолдары саласында жаңа жобалар қолға алынбақ. Бүгінгі таңда Түркістан облысының жолаушылар көлігі және автомобиль жолдары басқармасының тапсырысымен Сайрам ауданының орталығы – Ақсукент елді мекенінен Қарабұлақ бағытына қарай облыстық маңызы бар КХ-3 «Ақсукент – Шаян – Мыңбұлақ» автомобиль жолының 27 шақырым көпірді кеңейтуге жабалау-сметалық құжаттамасы әзірленуде. Кеңейту жұмыстарынан кейін көпірдегі көлік қозғалысы екі жолақтан төрт жолаққа ауыстырылады. Бұдан бөлек, Әйтеке би ауылына өтетін аумақта айналмалы жол салу жоспарлануда.Нәтижесінде, аталған жолдағы көлік кептелісі азайып, жолаушыларға оң әсер етпек. Жобаның құрылысын іске асыру 2025 жылға жоспарлануда.Айта кетейік, биыл құрылыс-жөндеу жұмыстарымен жалпы 244 нысан немесе 1100,3 шақырымды құрайтын жолдар мен көшелер қамтылды. Жыл қорытындысымен 546,6 шақырымды құрайтын 149 нысанды пайдалануға беру жоспарланып отыр.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/879303

Астана, 7 ноября 2024 года – Заместитель Премьер-Министра – Министр иностранных дел Республики Казахстан Мурат Нуртлеу провёл переговоры с Министром иностранных дел Российской Федерации Сергеем Лавровым, прибывшим в Астану с рабочим визитом.В ходе переговоров были обсуждены состояние и перспективы казахстанско-российского стратегического партнёрства, а также график предстоящих визитов на высшем и высоком уровнях.Особое внимание было уделено вопросам подготовки предстоящего государственного визита Президента РФ Владимира Путина в Казахстан. В этой связи министры подчеркнули важность встреч и переговоров на высшем уровне для укрепления стратегического партнёрства и союзничества.Также состоялся обмен мнениями по актуальным вопросам региональной и международной повестки, взаимодействия в рамках международных организаций и интеграционных объединений.По итогам встречи главы внешнеполитических ведомств Казахстана и России подписали План мероприятий по сотрудничеству между Министерством иностранных дел РК и Министерством иностранных дел РФ на 2025-2026 годы.Ақпарат көзі : https://www.gov.kz/memleket/entities/mfa/press/news/details/879307

Бүгін Астанада «Ұстаным» пікірталас клубы «Қазіргі жастардың өзекті мәселелері» тақырыбында кездесу ұйымдастырды.Отырысқа үкіметтік емес ұйымдар, мемлекеттік сектор өкілдері, ғылым, мәдениет, білім беру, денсаулық сақтау, жастар мәселелері және басқа да салалардың сарапшылары қатысты.Клуб қатысушылары жастардың әлеуметтік жауаптылығы мәселелерін талқылады.Сарапшылар жастардың өз бетінше өмір сүруіне және өз болашағын қалыптастыруға белсенді қатысуына, эмоционалды интеллект пен психологиялық тұрақтылығына ерекше көңіл бөлді.Отырыс ашық пікірталаспен аяқталып, онда қатысушылар жастар саясатындағы ахуалды жақсартуға қатысты ұсыныстар айтып, ой алмасты.Қоғамдастық пен сарапшылардың пікірталасқа белсенді қатысуы тақырыптың Қазақстан жастары арасында оң құндылықтар мен пікірлерді қалыптастырудағы маңыздылығын көрсетті. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/879286

Қазақстан Республикасы Төтенше жағдайлар министрлігінің делегациясы 4-7 қараша аралығында Сауд Арабиясының астанасы Эр-Рияд қаласында өткен өрт қауіпсіздігі жөніндегі IV халықаралық конференцияға IFOC-2024 қатысты. Конференция өрттің алдын алу, жанбайтын материалдарды пайдалану, биік ғимараттарды жобалау кезінде тәуекелдерді бағалау, жаңа технологияларды енгізу және электромобильдердің қауіпсіздігін қамтамасыз ету сияқты бағыттарды қамтиды. Халықаралық аренада сөз сөйлеген ТЖМ өкілдері елдің озық технологияларды ілгерілетуге, қауіпсіздік деңгейін арттыруға және төтенше жағдайлар тәуекелдерін азайтуға деген ұмтылысына назар аударды. Қазақстандық мамандардың осындай іс-шараларға қатысуы ТЖ алдын алуда республиканың әлеуетін нығайту үшін үздік әлемдік тәжірибелерді енгізуге ықпал ететін болады.Ақпарат көзі : https://www.gov.kz/memleket/entities/emer/press/news/details/879330

Астанада денсаулық сақтаудағы аккредиттеу жүйесінің 15 жылдығына орай «Пациент назарда» медициналық көмектің сапасы мен аккредиттеу бойынша халықаралық конференция өтті, онда қатысушылар медициналық көмектің сапасын арттырудағы тәжірибелерімен бөлісті.Аккредиттеу жүйесі медициналық ұйымның жұмысының барлық аспектілерінде стандарттарға сәйкестігін ерікті бағалау арқылы медициналық қызметтердің жоғары сапасын және пациенттердің қауіпсіздігін ынталандыруға арналған. Бүгінгі таңда аккредиттеу қазақстандық денсаулық сақтау жүйесінің ажырамас бөлігіне айналды.Денсаулық сақтаудағы аккредиттеу тәжірибесі аккредиттелген медициналық ұйымдар ұжымдарының арасында сапа стандарттарына бейілділік мәдениетін кезең-кезеңімен дамытуға, аккредиттеуші агенттіктерді тану жүйесін бағалаудың толық тәуелсіздігі бар дамыған елдердің моделіне айналдыруға, аккредиттеуден кейінгі мониторинг арқылы аккредиттеуші органның рөлін институционалдық нығайтуға, сондай-ақ сапа стандарттарына сәйкес жұмыс істейтін денсаулық сақтау жүйесінің мыңдаған қызметкерлерінің әлеуетін арттыруға мүмкіндік берді.Екі күннің ішінде Қазақстан, Греция, Моңғолия, Ресей, Сербия, АҚШ, Тәжікстан, Өзбекстан және Франциядан келген конференцияның 500-ден астам қатысушысы мен спикері медициналық көмектің сапасын арттыру және пациенттің қауіпсіздігін қамтамасыз ету саласындағы білімдерімен және озық тәжірибелерімен тиімді алмасты.Денсаулық сақтау бірінші вице-министрі Тимур Сұлтанғазиев денсаулық сақтау жүйесінің басшылары мен қызметкерлерінің арасындағы инновацияларға ашықтық пен сабақтастықтың арқасында Қазақстанда аккредиттеу агенттіктері үшін бәсекелестік ортадан, медициналық ұйымдардың 55%-дан астамының ерікті аккредиттеуге белсенді қатысуынан, аккредиттеудің халықаралық-аккредиттелген стандарттарынан және сыртқы кешенді бағалау бойынша сарапшы аудиторларды даярлаудың халықаралық-танылған бағдарламасынан тұратын толыққанды аккредиттеу жүйесі құрылғанын атап өтті.«Медициналық көмекті қаржыландыру арқылы сапа мен қауіпсіздікті қамтамасыз ету» тақырыбындағы алғашқы панелдік талқылауда ДДҰ кеңесшісі Айнұр Айыпханова модерациялауымен Халықаралық ынтымақтастық департаменті директорының орынбасары Ілияс Бәкіров; ДДҰ-ның Қазақстандағы елдік офисінің басшысы доктор Скендер Сыла; «ӘМСҚ»КеАҚ Басқарма төрағасы Әбілқайыр Сқақов; Ресей Федерациясының міндетті медициналық сақтандыру Федералдық қорының төрағасы Илья Баланин және QazMed медициналық қызметкерлерінің кәсіптік одағы төрағасының кеңесшісі, бұрынғы Денсаулық сақтау министрі Елжан Біртанов сөз сөйледі.Қазақстан мен Ресейдің медициналық сақтандыру қорларының басшылары аудиторияны медициналық сақтандыру жүйесі шеңберінде медициналық қызметтердің жоғары сапасын ынталандыру тәжірибесімен таныстырды. Қазақстан мен Ресейдің медициналық сақтандыру қорларының бірінші басшыларымен Ынтымақтастық туралы меморандумға қол қойылды.15 жылдың ішінде жүйелі жұмыстың нәтижесінде Қазақстанда бекітілген ACQH аккредиттеу ұйымының стандарттары мен қызметтерін Моңғолия, Ресей және Өзбекстанның жетекші медициналық ұйымдары пайдаланады, олардың басшыларына конференцияда қазақстандық ACQH аккредиттеу орталығының тарапынан тәуелсіз сыртқы кешенді бағалау қорытындысы бойынша халықаралық аккредиттеу туралы куәліктер салтанатты түрде табыс етілді. Іс-шараның негізгі ұйымдастырушысы «ACQH» ҚБ басшысы Ботагөз Каупбапева да жақын және алыс шетелдерден келген әріптестермен ынтымақтастық туралы бірқатар меморандумдарға қол қойды.Конференцияға қатысушылар 2009 жылы Қазақстан ТМД-да бірінші болып медициналық көмектің сапасын тұрақты арттыру үшін берік негіз қалап, Ұлттық аккредиттеу жүйесін құрғанын атап өтті. Бүгінгі таңда аккредиттеу стандарттары да, ACQH аккредиттеу агенттігі де, аудиторларды даярлау бағдарламасы да халықаралық талаптарға сәйкестігін дәлелдейтін және қазақстандық қызметтердің халықаралық экспортын қамтамасыз ететін International Society for Quality in Healthcare (ISQua) компаниясынан халықаралық аккредиттеуді алды. Енді бұл тәжірибені Ресей, Тәжікстан және Өзбекстан қабылдайды.Конференцияның шеңберінде еңбек сіңірген денсаулық сақтау саласының қызметкерлеріне, медициналық көмектің сапасын арттыруға елеулі үлес қосқан аккредиттеу жөніндегі сарапшыларға «Аккредиттеу жүйесіне қосқан үлесі үшін» медальдар табысталды. Ұйымдастырушылар аккредиттеу жүйесін дамытуға қосқан үлесі үшін 2010-2014 жылдары ҚР Денсаулық сақтау министрі Салидат Қайырбекованың қызына естелік хат пен кәдесый табыс етті.Қатысушылар денсаулық сақтау саласындағы ұлттық сапа стратегиясын қабылдау және ұлттық сапа есебін қалыптастыру қажеттілігі сияқты медициналық көмектің сапасын одан әрі арттыру үшін ұсынылатын жүйелі шараларды қамтитын конференцияның Қарарын қабылдады. Қарар барлық мүдделі тараптарға жұмыс істеуге жіберілді.Ақпарат көзі : https://www.gov.kz/memleket/entities/dsm/press/news/details/879333

2024 жылғы 7 қарашада Әділет Вице-министрі Б.Ш. Жақселекованың төрағалығымен мемлекеттік органдар мен азаматтық сектор өкілдерінің қатысуымен ҚР үкіметтік емес ұйымдарының коалициясы дайындаған № 2 және № 8 баламалы баяндамаларды талқылау бойынша отырыс өткізілді, олардың тақырыптары өмір сүру құқығы, бостандық және жеке басына қол сұғылмаушылық құқығы, азаптаудан және қатыгездік пен жазаның басқа түрлерінен бостандық құқығы, тұтқындардың құқықтары, әділ сот құқығы сияқты іргелі мәселелерді қозғайды.Әмбебап кезеңдік шолу (ӘКШ) төрт жылда бір рет жүзеге асырылатын БҰҰ-ға мүше барлық 193 мемлекеттегі адам құқықтары туралы ақпаратты шолудың бірегей механизмі болып табылады. ӘКШ Адам құқықтары жөніндегі кеңестің құрылымына кіреді және әрбір елге адам құқықтары саласындағы жағдайды жақсарту мақсатында қабылдаған шаралары туралы хабарлауға, сондай-ақ осы саладағы өз міндеттемелерін орындауға мүмкіндік береді.Өздеріңіз білетіндей, ӘКШ шеңберінде Қазақстанның қорғауының үшінші циклі 2019 жылы өтті, оның қорытындысы бойынша БҰҰ Адам құқықтары жөніндегі кеңеске қатысушы елдердің 245 ұсынымы алынды. Оның ішінде, 16 ұсыным өлім жазасын толығымен жоюға бағытталған, 8 ұсыным азаптау мен тұтқындарды қатыгездікпен қарауды жоюға, азаптау жағдайлары туралы хабарламаларға уақтылы, транспарентті және жан-жақты тергеу жүргізуді қамтамасыз етуге және кінәлілерді жауапқа тартуға қатысты, 5 ұсыным сот және құқық қорғау жүйесін реформалауға, сот билігінің тәуелсіздігін қамтамасыз етуге және барлығына әділ сот ісін жүргізу құқығы бағытталған.«Қазақстан адам құқықтары жөніндегі халықаралық бюросы» ҚБ директорының орынбасары Роза Мақсатбекқызы Ақылбекованың үйлестіруімен баламалы баяндамаларды әзірлеуге тікелей қатысқан ҚР ҮЕҰ коалициясының 4 сарапшысы, Ю.А. Гусаков, Б.А. Төрегожина, А.В. Муха, А.И. Солодова сөз сөйледі.Сонымен қатар, «Халықаралық шарттардың қазақстандық қоғамдық мониторингі орталығы» ҚБ ұсынған спикер Галина Викторовна Моисеенко балама баяндамаларға талдауын ұсынды.Отырыс қорытындысы бойынша қатысушылар адамның әмбебап құқықтарын қорғауды нығайту бойынша одан әрі жемісті ынтымақтастыққа, оның ішінде ҚР ҮЕҰ Коалициясының қалған бес балама баяндамасын талқылауды жалғастыруға дайын екендіктерін білдірді.Ақпарат көзі : https://www.gov.kz/memleket/entities/adilet/press/news/details/879340

2024-2025 жылдарға арналған Жол картасын жүзеге асыру мақсатында Талдықорған қаласындағы мәйітхана ғимаратында жөндеу жұмыстары аяқталды. 1979 жылы салынған нысан Әділет министрлігі Сот сараптамасы орталығының сот-сараптамалық зертханасына тиесілі. Сондай-ақ, ұзақ жылдар бойы апатты жағдайда болып, күрделі жөндеуді қажет еткен.Жөндеу жұмыстары 2024 жылдың үшінші тоқсанында басталып, қасбетін кешенді жаңарту, баспалдақтарын қалпқа келтіру, терезелері мен есіктерін ауыстырумен қатар негізгі инженерлік жүйелері - жылу, су және жаңа электр жүйелерімен жабдықталды.Сонымен қатар, жеделсатысы жөнделіп, барлық стандарттар мен ережелерге сәйкес келетін заманауи тоңазытқыш қондырғылар орнатылдыАқпарат көзі : https://www.gov.kz/memleket/entities/adilet/press/news/details/879344

БАӘ-нің астанасы Абу-Даби қаласында "Genius Kids" орталығының ұйымдастыруымен менталды арифметикадан халықаралық олимпиада өтті. Білім бәйгесіне әлемнің 12 мемлекетінен үздік оқушылар қатысты. Аталған олимпиадаға Түркістан облысы Жетісай ауданының “Smart English” орталығынан 14 оқушы қатысып, Франция, БАӘ, Ресей, Әзірбайжан, Бельгия сынды мемлекеттерден келген жастармен бақ сынасты.Халықаралық деңгейде өткен байрақты білім бәсекесінде бақ сынаған Түркістан облысының білімді жастары топ жарып, жүлделі орындарға ие болды. Алмас Мұратов пен Аяна Мұратова, Нұрислам Жора, Асылзат Беркімбай - 1 орынға жайғасса, Мұхаммед Шалқаров, Мұстафа Болыс, Нәила Азимова - күміс жүлдені қоржынға салды. Ал, Мұхаммеджан Болыс, Санжар Әбдіғаппар, Мадияр Орынбай, Сезім Дүйсенбай, Әбілмансұр Жақсылық пен Кәусар Оспан үздік үштікті қорытындылады. Сондай-ақ, жетісайлық Інжу Жандарбек халықаралық білім бәйгесінің “Супер чемпионы” атанды.Түркістан облысының Өңірлік коммуникациялар қызметіАқпарат көзі : https://www.gov.kz/memleket/entities/ontustik/press/news/details/879279

WTM London 2024 – әлемнің түкпір-түкпірінен келген туризм саласының өкілдерін жинайтын ең ірі халықаралық туристік көрме. Биыл көрмеге Қазақстан Республикасының атынан Түркістан облысы да белсенді қатысуда. Аталған көрмеде Түркістан облысының Туризм басқармасы, Түркістан қаласының әкімдігі мен «Open Turkistan» туристік ақпараттық орталығы ЖШС аймақтың бірегей туристік әлеуетін ұсынуда.Бұл көрме – Түркістанның мәдени және тарихи мұрасын насихаттап, туризм саласына халықаралық инвестициялар тарту үшін маңызды алаң. Түркістан облысының өкілдері әлемнің жетекші туроператорларымен байланыс орнатуға, ынтымақтастық орнату және тәжірибе алмасу бағыттарын талқылауға мүмкіндік алуда.Қазақстанның тарихи орталығы саналатын Түркістан ежелгі сәулет ескерткіштері мен бірегей мәдениетті қамтитын әртүрлі туристік бағыттарды ұсынады. Лондондағы көрме арқылы аймақтың шынайы сұлулығы мен байлығын көрсетіп, Түркістанның халықаралық туристік аренадағы орнын нығайтуға мүмкіндік туады.WTM London 2024 көрмесіне қатысу арқылы Түркістан облысының туризм индустриясын дамытуға жаңа мүмкіндіктер ашылады деп күтіліп отыр. Халықаралық көрме аясында Түркістан облысының павильонына Қазақстан Республикасының Ұлыбританиядағы Елшісі Мағжан Ильясов келді.Елші аймақтың осындай беделді көрмеге қатысуының маңызын атап өтіп, бұл Түркістанның туристік әлеуетін ілгерілету үшін тамаша мүмкіндік екенін айтты.Мағжан Ильясов сондай-ақ туризм саласында халықаралық серіктестермен жаңа әрі нәтижелі қарым-қатынастар орнату, туристік инфрақұрылымды дамыту және аймаққа инвестициялар тарту үшін осындай көрмелерде тәжірибе алмасудың маңызды екенін атап өтті.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/879281

2024 жылғы, 7 қарашада ҚР ұлттық фтизиопульмонология ғылыми орталығының, Түркістан облысы денсаулық сақтау басқармасы және облыстық фтизиопульмонология орталығының ұйымдастыруымен «Қазақстанда туберкулезді тоқтату» ұлттық серіктестігін дамыту бойынша адвокаттық кездесу кеңесі өтті. Мақсаты – Қазақстан Республикасында 2023-2025 жылдары фтизиатриялық және пульмонологиялық қызметті дамытудың Жол картасын жүзеге асыру аясында «Стоп» ұлттық серіктестігін дамыту және туберкулез ауыртпалығын төмендетуді күшейту.Жалпы, туберкулезді тоқтату бастамасы 1998 жылы наурызда Лондонда туберкулез індетіне қарсы бірінші таңдау комитетінің отырысынан кейін құрылды. Қазақстан бұл жаһандық қозғалысқа 2017 жылдың тамыз айында, «Stop TB» Қазақстан серіктестігі (STTP) құрылған кезде ресми түрде қосылды.Маңызды жиында Түркістан облысында жалпы қоғам денсаулығын сақтаудағы проблемаларының бірі – туберкулезді жоюдың маңыздылығы қарастырылды. Осы кеңес шеңберінде жергілікті бюджеттен мемлекеттік әлеуметтік тапсырысты бөлу бойынша шешім қабылдайтын тұлғалармен облыста туберкулездің ауыртпалығын төмендету жөніндегі бағдарламалардың қолдау нұсқалары талқыланды.Адвокациялық кеңеске Түркістан облысы әкімінің орынбасары Б.Тәжібаев, ҚР ұлттық фтизиопульмонология ғылыми орталығының директоры М.Аденов, ҚР «Стоп туберкулез» серіктестігінің төрағасы Ш.Исмайлов, Түркістан облысы денсаулық сақтау басқармасының басшысы А.Байдуәлиев, Түркістан облыстық мәслихатының депутаты Ғ.Елшібай, «Түркістан облысының еңбекпен қамту және әлеуметтік бағдарламаларды үйлестіру басқармасы», «ЖИТС-тің алдын алу және оған қарсы күрес жөніндегі орталық», «Психикалық денсаулық орталығы», Түркістан облысы бойынша санитарлық-эпидемиологиялық бақылау департаменті, АССО «Үміт» үкіметтік емес ұйымдарының басшылары және өкілдері қатысты. Онлайн форматта Қазақстанның барлық өңірлік фтизиопульмонология орталықтарының басшылары да қатысып, пікір алмасты.Шара аясында Түркістан облысында «Туберкулезді тоқтату» серіктестігінің өкілдігінің ашылуына арналған декларацияға қол қойылды. Бірауыздан дауыс беру нәтижесінде «Туберкулезді тоқтату» аймақтық серіктестігінің төрағасы сайланды.Облыс әкімінің орынбасары бұл жиынның маңызына тоқталды.– Бұл – облысымызда туберкулезге қарсы күресті күшейтудегі маңызды қадам. Біз әртүрлі ведомстволар мен азаматтық сектордың күш-жігерін біріктіру арқылы қаупті дерттің таралуын шектей аламыз. Дүниежүзілік денсаулық сақтау ұйымы ұсынған туберкулезді бақылаудың барлық заманауи тәсілдері Түркістан облысына да енгізілген. Түркістан облысы әкімдігі тарапынан медицина саласына толық қолдау көрсетіледі, – деді Бейсенбай Тәжібаев.Бүгінгі таңда Қазақстанда туберкулез бойынша эпидемиологиялық жағдай тұрақтанып, туберкулезбен аурушаңдық пен өлім-жітім азайып келеді. Облыста да бұл үрдіс жалғасып, туберкулезбен аурушаңдық негізгі көрсеткіші 32,2 пайызға, яғни 2019 жылы 36,0-дан 2023 жылы 100 мың халыққа шаққанда 24,4-ке дейін төмендеген, өлім-жітім де 2019 жылы 1,0-ден 2023 жылы 0,4-ке немесе 60,0 пайызға төмендеп отыр. Туберкулез ауруының алдын алу бойынша көзделген индикаторлар орындалған.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/879283

Білім мен ғылым саласын дамытуда ел жастарына үлкен қамқорлықтар мен мол мүмкіндіктер жасалып жатыр. Өйткені, елдің болашағы бүгінгі жастардың қолында. Бәсекеге қабілетті, білімді, кез-келген елмен иық тіресе алатын деңгейге жетулері үшін олардың білім алатын мектептерінің заманауи болуы да үлкен маңызға ие.Жетісай ауданына арнайы іссапармен келген «KEMELDEN GROUP» ЖШС басшысы Берік Қасымбековты қабылдаған Жетісай ауданының әкімі Серік Мамытов отандық ғылыми-техникалық даму, оқушыларға жаратылыстану-математика пәндері мен ағылшын тілін оқытудың маңыздылығы, ұрпақ мүддесі үшін оқу-ағарту саласының популистік санадан арылып, балалардың мүддесін қорғауға тиіс екендігі, жеке инвестициялар есебінен заманауи мектептердің санын арттыру мәселелерін кеңінен талқылады.Екіжақты жүргізілген алдын ала келіссөздердің нәтижесінде «KEMELDEN GROUP» ЖШС басшысы Берік Қасымбеков 2025-2026 жылдары аудан аумағынан 1000 оқушыға арналған 2 мектеп салуға, нақтырағы, Ш.Ділдәбеков ауылдық округінің Қызылтаң елді мекенінен жалпы аумағы 2 га жерге 500 орындық, Қызылқұм ауылдық округінің Қызылқұм елді мекенінен жалпы аумағы 2 га жерге 500 орындық заманауи мектептің құрылысын жүргізетін болды.Одан бөлек, «OLZHA SMART» ЖШС Жаңа ауыл ауылдық округінің Мырзашөл елді мекенінен жалпы аумағы 1,6 га жерге 320 оқушыға арналған мектеп салынады деп жоспарлануда.Айта кетейік, биыл жеке инвестиция есебінен Жетісай қаласынан «ЕРЖИГИТ» ЖШС 420 орындық, «ЛИДЕР» ЖШС 300 орындық 2 мектепті іске қосқан.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/879285

Түлкібас ауданында жылдағы дәстүрге сай «Алтын күз 2024» мерекелік іс-шарасы өтті. Шараның ашылу салтанатында сөз алған аудан әкімі Нұржан Ізтілеуов және аудандық мәслихаттың төрағасы Хамит Байысбаев аудан кәсіпкерлерін, еңбек адамдарын мерекелерімен құттықтап, ауыл шарушылығы саласында жоғарғы көрсеткіштерге қол жеткізген еңбек озаттарын алғыс хат, төс белгі және бағалы сыйлықтармен марапаттады. Басқосу соңы концерттік бағдарламаға ұласып, аудан өнерпаздары жиналған қауымға көтеріңкі көңіл күй сыйлады.Еңбегінің жемісін көріп отырған ауданның еңбек озаттары мемлекеттік қолдаулардың арқасында тыңғылықты жұмыстар жүргізіп, өзіндік жақсы көрсеткіштерімен жылды қорытындылауда. Атап айтсақ, биылғы 9 айда ауыл шаруашылығы саласында 39,1 млрд. теңгенің ауыл шаруашылығы өнімі өндірілген. Оның ішінде мал шаруашылығы 17,6 млрд. теңгені құраса, өсімдік шаруашылығы өнімі 21,5 млрд. теңгеге жетіп отыр.Сонымен бірге аудан әкімдігінің ұйымдастыруымен ауыл шаруашылығы өнімдерінің жәрмеңкесі ұйымдастырылды. Жәрмеңкеде Түлкібаста өндірілетін ауыл шаруашылығы тауарлары жергілікті тұрғындарға 15-20 пайыз арзан бағада ұсынылды. Мол өнімді тиімді бағада алған аудан тұрғындары шаруалардың еңбегіне дән риза екендіктерін жеткізді.Аталған шараға аудан әкімі Нұржан Ізтілеуов қатысып, сауда қатарларын аралады. Іс-шараның негізгі мақсаты – шаруалар өндірген өнімдерді тұтынушыларға делдалсыз, тікелей ұсыну.Жәрмеңке барысында 20 тоннадан астам ауыл шаруашылығы өнімі жеңілдетілген бағада сатылды. Сонымен қатар мерекеге орай ауыл шарушылығы техникасы мен асыл тұқымды төрт түліктің көрмесі ұйымдастырылды.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/879289

Алматы қаласында жүзуден Қазақстан Республикасының қысқы чемпионатының екінші күні аяқталды. Су айдынындағы додада кіл мықтылар өнер көрсетуде. Айтулы жарыста Түркістан облысының спортшылары тарихи нәтиже көрсетті. Олай дейтін себебіміз, 2014 жылы қойылған рекордты 10 секундқа жаңартып, өз мықтылықтарын дәлелдеді. Жарыста 4×200 метр эстафета еркін жүзуден Бөтакөз Оспанова алтыннан алқа тақса, 100 метрге брасс әдісімен жүзуде Аделаида Пчелинцеваға тең келер қарсылас болмады.Айта кетейік, ел чемпионатына 21 команда, 233 спортшы қатысты. Оның ішінде 139 ер және 94 әйел бар. Осындай аламанда ғаламат нәтиже тіркеген сайыпқырандар – Түркістан облыстық су спорт түрлері мектебі мен облыстық жоғары спорт шеберлігі мектебінің шәкірттері. Жаттықтырушысы – Жанас Шалдарбеков.Түркістан облысы әкімінің баспасөз қызметі Ақпарат көзі : https://www.gov.kz/memleket/entities/ontustik/press/news/details/879292