Бұл шаралар жол жабынының температурасын төмендетуге, ауадағы шаң-тозаңды азайтуға, елді мекендердің санитарлық жағдайын жақсартуға және жоғары температураның жол инфрақұрылымына кері әсерін азайтуға бағытталған.Аэрация жұмыстары күніне төрт рет – сағат 11:00, 13:00, 15:00 және 17:00-де жүргізіледі. Ол үшін суару-жуу құрылғыларымен жабдықталған, сыйымдылығы 8 текше метр болатын ондаған су таситын көлік жұмылдырылды.Ауаны ылғалдандыру шаралары Қонаев қаласында, Қарасай, Іле, Еңбекшіқазақ және Талғар аудандарында жүргізіліп, 15 көше мен қоғамдық нысанды қамтыды. Атап айтқанда:• Қонаев қаласы – Қонаев көшесі → Алматинская көшесі → Абай көшесі; Жамбыл көшесі → Сейфуллин көшесі → Сырдария көшесі → Қойшыманов көшесі бағыттары, сондай-ақ №6 қалалық жағажай және Сейфуллин көшесі, 8А мекенжайындағы балалар ойын алаңы.• Қарасай ауданы (Қаскелең қаласы) – Абылай хан, Наурызбай батыр, Байғазиев және Омарәлиев көшелері.• Іле ауданы – Жансүгіров және Батталханов көшелері.• Еңбекшіқазақ ауданы (Есік қаласы) – Есік аллеясы және Абай көшесі.• Талғар ауданы (Талғар қаласы) – Қонаев көшесі → Ломоносов көшесі → Талғар қаласының қақпасынан әкімдік ғимаратына дейінгі бөлік → әкімдік маңынан ХҚКО-ға дейінгі аралық → Абай көшесі.Бұл жұмыстарды атқару үшін 11 мердігер ұйым тартылды. Олар арнайы техниканың уақытылы шығуын қадағалап, жұмысты бекітілген кестеге сәйкес іске асырады.Сонымен қатар тұрғындар көп жиналатын қоғамдық орындарға арнайы техника су бүркіп, аптап ыстықты жеңіл өткеруге көмектесуде. Бұл әсіресе балалар үшін жазғы демалысын қызық әрі қауіпсіз өткізуге мүмкіндік беруде. Аталған жұмыстар 20 шілдеге дейін жалғасады.Ақпарат көзі : https://www.gov.kz/memleket/entities/almobl/press/news/details/1259692?lang=ru

ҚАЗАЛЫЛЫҚТАР «ТАЗА ҚАЗАҚСТАН» АКЦИЯСЫНА БЕЛСЕНДІ АТСАЛЫСУДААқпарат көзі : https://www.gov.kz/memleket/entities/kyzylorda-kazaly-maidakol/press/news/details/1259695?lang=ru

Бүгін Алматы облысында «Mercury Logistics Solutions» компаниясының өндірістік және логистикалық-қоймалық кешені құрылысының алғашқы кезеңі аяқталып, салтанатты ашылу рәсімі өтті. Ірі инвестициялық жобаның бірінші кезеңінде 44 мың шаршы метрді құрайтын инженерлік және логистикалық нысандар пайдалануға берілді. Нәтижесінде 135 адам тұрақты жұмыспен қамтылды. Кешен толық іске қосылғанда өңір азаматтары үшін 1200 жаңа жұмыс орны ашылады. Қарасай ауданы Көкөзек ауылында салынып жатқан бұл «А» класты логистикалық орталығында жүктерді қабылдау, сақтау, өңдеу, сұрыптау және тасымалдау қызметтері атқарылады, – деп хабарлайды Алматы облысы әкімінің баспасөз қызметі.Шараға облыс әкімі Марат Сұлтанғазиев қатысып, тұрғындарды республикалық деңгейдегі маңызы зор кешеннің ашылуымен құттықтады. Мемлекет басшысы Қасым-Жомарт Тоқаев өңірлердің тұрақты дамуын қамтамасыз ету, инвестиция тарту, өндіріс көлемін ұлғайту, көлік-логистика инфрақұрылымын дамыту және халықты тұрақты жұмыспен қамту міндеттерін Үкімет пен әкімдіктердің алдына нақты қойып отырғанын, осы бағытта Алматы облысында ауқымды жұмыстар жүргізіліп жатқанын атап өтті.«Бүгін іске қосылған кешен – тұрғындарды жұмыспен қамтуға, шағын және орта бизнестің дамуына, салық базасының ұлғаюына және облыс экономикасының өсіміне оң әсерін тигізетін маңызды жоба. Өңірімізде мұндай логистикалық нысандардың ашылуы ішкі нарықтағы бағаны тұрақтандыруға ықпал етеді. Себебі тауар тек тасымалданып қоймай, өңделіп, сұрыпталады. Соның нәтижесінде өңір экономикасына қосымша табыс түседі. Алдағы уақытта бұл кешен өнімді өңдеп, одан әрі өндіретін заманауи өндірістік орталыққа айналады.Бүгінде Қарасай ауданы Алматы агломерациясының экономикалық өсім нүктелерінің біріне айналып отыр. Ауданның тиімді географиялық орналасуы, көлік дәліздеріне жақындығы және инженерлік инфрақұрылымының дамуы инвесторлар үшін қолайлы жағдай қалыптастыруда», – деген Марат Елеусізұлы облыс әкімдігі алдағы уақытта да инвестициялық жобаларды қолдау, өндірісті дамыту және жаңа жұмыс орындарын ашу бағытындағы жұмыстарды жалғастыра беретінін айтты.Компанияның бас директоры Нұрмат Суеркулов жобаның алдағы жоспарлары туралы сөз қозғады.«Бүгін логистикалық экожүйеміздің бір бөлігін іске қостық. Қарапайым тілмен айтқанда, біз тауарды әлемнің кез келген нүктесінен әкеліп, тұтынушыларға тікелей жеткіземіз. Яғни мұнда халықаралық тасымалдау, құжаттарды рәсімдеу, тауарларды таңбалау, үлкен көлемдегі тауарларды тапсырысқа қарай бөлу, сондай-ақ өнімді маркетплейстерге, B2B клиенттеріне және басқа да тапсырыс берушілерге жеткізу қызметтері көрсетіледі. Осылайша, жеткізу тізбегінің барлық кезеңін өз мойнымызға аламыз.Қойма 4 блоктан тұрады. Оның 2-еуі – мультитемпературалық қоймалар. Олардың ауданы 6 000 шаршы метрден асады. Мұнда -18, -22 және +0,5 градус аралығындағы температурада түрлі өнімді сақтауға болады. Бір мезетте 45 мың паллет тауар сияды. Қойма толықтай автоматтандырылған WMS, BMS және TMS жүйелерімен жабдықталған», – деді Нұрмат Энверұлы.Шара барысында облыс әкімі Марат Елеусізұлы мен компанияның бас директоры Нұрмат Суеркулов кешеннің лентасын қиып, қонақтар нысанды аралап көрді.Жоба төрт кезең бойынша іске асырылады. Қазіргі таңда пайдалануға берілген кешен жанында екінші кезеңнің құрылысы жүріп жатыр. Болашақта Алматы, Астана және Шымкент қалаларында жаңа форматтағы заманауи логистикалық орталықтар салынады. Соңғы кезеңде кешенге теміржол тармағы қосылып, контейнерлік алаң іске қосылмақ. Осылайша, 50 гектар аумақта халықаралық талаптарға сәйкес келетін заманауи өндірістік және логистикалық хаб қалыптасады. Жобаның жалпы құны – 70 млрд теңге. Құрылыс жұмыстары 2030 жылы аяқталады деп жоспарланған.Айта кетейік, өңірдегі «А» санатты қоймалардың саны соңғы үш жылда 44 есе артқан. Жыл соңына дейін Іле және Қарасай аудандарында дәл осындай 3 жаңа кешен іске қосылмақ. Бұл өңірдің ғана емес еліміздің көлік-логистикалық әлеуетін арттыруға септігін тигізеді. Сондай-ақ халықтың әл-ауқатын жақсартуға және еліміздің бәсекеге қабілеттілігін нығайтуға ықпал етеді.Ақпарат көзі : https://www.gov.kz/memleket/entities/almobl/press/news/details/1259678?lang=ru

2026 жылғы 16 шілдеде Ақтөбе облысының жастар саясаты мәселелері басқармасының қолдауымен және облыстық «Жасыл ел» штабының ұйымдастыруымен «Jasyl El Cup – 2026» волейбол турнирі өтті. Турнирге «Jasyl El» жастар еңбек жасақтарының сарбаздары қатысты.Турнирдің басты мақсаты – жастар арасында салауатты өмір салтын насихаттау және «Jasyl El» жастар еңбек жасақтары сарбаздарының жұмыстан тыс қоғамдық іс-шараларға белсенді қатысуын дамыту.Турнирдің ашылу салтанатына Ақтөбе облысының жастар саясаты мәселелері басқармасының басшысы Тұралиев Әлімбек Жәнібекұлы және «Атамекен» студенттік жасақтарының жастар қоғамдық бірлестігінің басшысы Нұржан Құрманғалиұлы қатысып, командаларға сәттілік тіледі.Жарыс қорытындысы бойынша қатысушылар арнайы дипломдармен, алғыс хаттармен, кубоктармен, медальдармен және ақшалай сертификаттармен марапатталды.Турнирге Ақтөбе қаласынан NOVAA, GREEN POWER, ЖАЛЫН, SET&WIN, ЖАСТАР, ECO DRIVE командалары, сондай-ақ бес ауданнан Қарабұтақ құрамасы, Қобда, Әйтеке би құрамасы, Алға, Рух Орқаш, Мәртөк жастары командалары қатысып, барлығы 12 команда бақ сынады.Жарыс нәтижесі бойынша:🥇 І орын – NOVAA командасы;🥈 ІІ орын – Әйтеке би құрамасы;🥉 ІІІ орын – Қарабұтақ құрамасы.Арнайы номинациялар:«Үздік қорғаушы» – Азизова Дильназ («Мәртөк жастары»);«Үздік шабуылшы» – Тілеуіш Нұрхан («Қобда»);«Үздік ойыншы» – Мұхитқызы Әсем («Қарабұтақ»).Ақпарат көзі : https://www.gov.kz/memleket/entities/aktobe-zhastar1/press/news/details/1259643?lang=ru

Форумның ашылу рәсімінде сөз сөйлеп, жастар дипломатиясын дамыту, мемлекетаралық ынтымақтастықты нығайту және ортақ құндылықтарды ілгерілетудегі жастардың рөліне ерекше тоқталды.Іссапар аясында қоғам назарын Жайық өзенінің экологиялық мәселелеріне аудару мақсатында ұйымдастырылған өзен бойымен қайықтар шеруінің ашылу рәсіміне қатысты.Сонымен қатар, Орынбор қаласы әкімінің кеңесшісімен, жастар саясаты басқармасының басшысымен, жастар орталықтары мен жетекші жастар ұйымдарының басшыларымен кездесулер өткізіп, жастар саясаты саласындағы ынтымақтастықты кеңейту, тәжірибе алмасу және бірлескен жобаларды іске асыру бағыттарын талқылады.Кездесулер барысында жергілікті әріптестер өңірдегі жастар инфрақұрылымының бірқатар нысандарының қызметімен таныстырып, жастарға ұсынылатын мүмкіндіктер мен өздерінің үздік тәжірибелерімен бөлісті.Мұндай кездесулер халықаралық ынтымақтастықты нығайтуға, жастар арасындағы өзара байланысты кеңейтуге және жастар саясатын жаңа сапалы деңгейге көтеруге ықпал етеді.Ақпарат көзі : https://www.gov.kz/memleket/entities/aktobe-zhastar1/press/news/details/1259638?lang=ru

Сеул, 2026 ж. 16 шілде – Қазақстан Республикасының Корея Республикасындағы Елшісі Асет Исенали Корея Республикасы Жұмыспен қамту және еңбек министрлігі Халықаралық ынтымақтастық бюросының Бас директоры Чан Хен Сокпен кездесті.Кездесу барысында тараптар еңбек көші-қоны, халықты жұмыспен қамту және білікті кадрлар даярлау салаларындағы Қазақстан-Корея ынтымақтастығының қазіргі жай-күйі мен одан әрі даму перспективаларын талқылады.Екіжақты ынтымақтастықтың перспективалы бағыттарына ерекше назар аударылды. Аталған бастамаларды іске асыру Қазақстан мен Корея Республикасы арасындағы еңбек, жұмыспен қамту және адами капиталды дамыту салаларындағы өзара іс-қимылды сапалы жаңа практикалық деңгейге шығаруға мүмкіндік береді.Кездесу қорытындысы бойынша тараптар тиісті бастамаларды ілгерілету жөніндегі жұмысты жалғастыруға уағдаласты.Ақпарат көзі : https://www.gov.kz/memleket/entities/mfa-seoul/press/news/details/1259620?lang=ru

Қостанай облысының әкімі Құмар Ақсақалов Федоров ауданына жұмыс сапарымен барды.Бұған дейін аудандағы 44 елді мекеннің 5-еуі ғана табиғи газға қосылған еді. Енді Лесное және Березов ауылдарының тұрғындарына көгілдір отын берілді. Осылайша, ауданда газбен қамтылған ауылдар саны 7-ге жетіп, газдандыру деңгейі 36%-ті құрады.«Федоров ауданы әкімдігі мен «Капитал Партнерс Астана» ЖШС арасында жасалған меморандум аясында кәсіпорын қаражаты есебінен Пешков және Владыкин ауылдарына газ құбырларын тарту жоспарланған. Тағы 18 ауылда магистральдық және газ тарату желілерінің жобалау жұмыстары қолға алынды», – деді облыс басшысы.Бұдан бөлек, аудандағы барлық 44 елді мекен орталықтандырылған ауыз сумен қамтамасыз етілген. Бұл көрсеткішке 2025 жылы Лесное, Березов және Новошумное ауылдарында су құбырының салынуы нәтижесінде қол жеткізілді.«Таза Қазақстан» бағдарламасы аясында кәсіпорындардың қолдауымен аудан бойынша 3 хоккей корты мен 4 балалар ойын алаңы орнатылды, сондай-ақ саябақтар мен скверлерді қалпына келтіру жұмыстары жүргізілуде.Лесное ауылындағы «Бек+» ЖШС әлеуметтік жауапкершілік аясында 4 тұрғын үй салып, 2 пәтерлі және 4 пәтерлі баспананы қалпына келтірді. Биыл кәсіпорын балалар ойын алаңын орнатуда. Инвестиция көлемі – 17,3 млн теңге.Биылғы жылдың алғашқы алты айының қорытындысы бойынша Федоров ауданының әлеуметтік-экономикалық даму көрсеткіштері тұрақты оң өсімді көрсетіп келеді.Аймақ басшысы аудан халқымен кездесу өткізіп, өңірдегі атқарылып жатқан жұмыстар жайында баяндады. Тұрғындардың сауалына жауап берді.Ақпарат көзі : https://www.gov.kz/memleket/entities/kostanay/press/news/details/1259586?lang=ru

17 шілде 2026 жылы, Астана қаласы - «KazAID» Қазақстандық халықаралық даму агенттігі Басқарма төрағасының м.а. Ж.Асанов Қазақстандағы Түрік ынтымақтастық және үйлестіру агенттігінің (TİKA) Үйлестірушісі Ф. Ердогмушпен кездесу өткізді.Кездесу барысында тараптар 2026 жылғы 10-11 қыркүйекте Алматы қаласында БҰҰ Азия және Тынық мұхиты үшін экономикалық және әлеуметтік комиссиясымен ынтымақтастық өтетін бірлескен іс-шараға, оның ішінде даму саласындағы жаңа серіктес елдердің (Emerging Development Partners) үшінші отырысын және дамуға ресми көмек саласындағы техникалық семинардың дайындық мәселелерін талқылады.Ақпарат көзі : https://www.gov.kz/memleket/entities/kazaid/press/news/details/1259587?lang=ru

Аудан тарихы 1936 жылғы 29 шілдеден бастау алады. Осы жылдар ішінде өңіріміз қалыптасу мен дамудың үлкен жолынан өтіп, Қостанай облысының маңызды аграрлық және өнеркәсіптік аудандарының біріне айналды. Бүгінде Бейімбет Майлин ауданы ондаған елді мекенді, бай еңбек дәстүрлерін және туған жеріне адал азаматтарды біріктіріп отыр.Қасиетті өлкеміз қазақтың көрнекті жазушысы, ақыны және қоғам қайраткері Бейімбет Майлиннің есімімен аталады. Оның тағдыры осы өңірмен тығыз байланысты. Қаламгердің шығармашылығы, туған жерге деген сүйіспеншілігі мен халқына деген адалдығы ауданның рухани мұрасының ажырамас бөлігі болып қала береді.Ауданның басты байлығы – оның тұрғындары. Өңірдің өркендеуі мен өсіп-өркендеуі, өнеркәсіп пен ауыл шаруашылығының дамуы, жаңа нысандардың салынуы, инфрақұрылымның жаңғыртылуы және әлеуметтік жобалардың жүзеге асырылуы – барлығы да еңбек адамдарының қажырлы еңбегінің нәтижесі.Біз ардагерлерді, тың игерушілерді, ауыл еңбеккерлерін, кәсіпорын қызметкерлерін, теміржолшыларды, ұстаздарды, дәрігерлерді және туған өлкенің өркендеуіне лайықты үлес қосқан барша азаматтарды зор ризашылықпен еске аламыз. Олардың қажырлы да жасампаз еңбегі бүгінгі жетістіктеріміздің берік негізіне айналып, ауданымыздың одан әрі өсіп-өркендеуінің сенімді кепілі болды.Біз ата-баба аманатына адал болып, бірлігіміз бен ынтымағымызды сақтай отырып, алдағы уақытта да ауқымды міндеттерді абыроймен атқарып, ауданның экономикалық әлеуетін нығайтып, келер ұрпақ үшін жаңа мүмкіндіктер жасайтынымызға сенімдімін.Қадірлі жерлестер!Баршаңызға зор денсаулық, отбастарыңызға амандық, бақ-береке, татулық пен келісім тілеймін. Бейімбет Майлин ауданы одан әрі дамып, көркейе берсін, ал әр шаңырақта құт-береке мен молшылық салтанат құрсын!Аким района К. МуржакуповАқпарат көзі : https://www.gov.kz/memleket/entities/kostanai-bmalin-audany-akimat/press/news/details/1259509?lang=ru

№ 4 «Сыбайлыс жемқорлықтың алдын алу және оған қарсы іс-қимыл» үлгілік базалық бағытын іске асыру шеңберінде-ағымдағы жылдың 27 шілде сағат 15-00-де әкімдіктің мәжіліс залында жергілікті атқарушы органдар мен Риддер қаласының ведомстволық бағынысты мекемелерінің сыбайлас жемқорлық тәуекелдерін ішкі талдау нәтижелерін талқылау өтеді.Ақпарат көзі : https://www.gov.kz/memleket/entities/vko-ridder/press/news/details/1259511?lang=ru

Бұл мереке – қайсар мінезді, жоғары жауапкершілігімен және шынайы кәсібилігімен ерекшеленетін жандардың мерекесі. Сіздердің күнделікті еңбектеріңіздің арқасында ауданның өндірістік әлеуеті нығайып, экономикасы дамып, тұрғындардың әл-ауқатының берік негізі қалануда.Биыл біз ауданымыздың мерейлі белесі – 90 жылдық мерейтойын атап өтудеміз. Оның тарихы – өз кәсібіне адал, табандылығы мен туған жерге деген сүйіспеншілігінің арқасында ауданның өткені мен бүгінін қалыптастырып, жарқын болашағын жасап келе жатқан еңбек адамдарының тарихы.Ауданның 90 жылдығы қарсаңында оның заманауи тарихы жаңа жетістіктермен толығып отырғанын ерекше атап өткен жөн. Өңірдің дамуына «Варваринское» ЖШС қомақты үлес қосып келеді. Кәсіпорын өз қызметі барысында ауданның сенімді серіктестерінің біріне айналып, тұрғындарды тұрақты жұмыспен қамтып, әлеуметтік бастамаларды жүзеге асыруға атсалысып, туған өлкеміздің экономикалық әлеуетін нығайтуға зор үлес қосуда. Сіздердің күнделікті еңбектеріңіз – көптеген отбасылардың ертеңгі күнге деген сенімінің кепілі әрі ауданның өркендеуіне қосылған лайықты үлесі.Саланың берік еңбек дәстүрлерінің негізін қалаған ардагерлерге ерекше алғысымды білдіремін. Олардың кәсібилігі мен өз ісіне деген адалдығы бүгінгі күні де көпшілікке үлгі болып келеді. Қуантаратыны – бұл игі дәстүрлерді аға буынның тәжірибесін меңгеріп, заманауи технологияларды игеріп жатқан жас металлургтер лайықты жалғастыруда. Олар өз еңбектерімен кәсіпорын мен ауданның одан әрі дамуына елеулі үлес қосып келеді.Сіздерге зор денсаулық, отбасыларыңызға амандық, бейбітшілік, бақыт және жаңа кәсіби жетістіктер тілеймін. Еңбектеріңіз әрдайым жоғары бағаланып, құрметке ие болсын, әр шаңырақта татулық, бақ-береке және ертеңгі күнге деген сенім салтанат құрсын. Мерекелеріңіз құтты болсын!Аудан әкімі Қ. МыржақыповАқпарат көзі : https://www.gov.kz/memleket/entities/kostanai-bmalin-audany-akimat/press/news/details/1259504?lang=ru

«Сыбайлас жемқорлықтың алдын алу және оған қарсы күрес», №4 типтік негізгі бағытын іске асыру шеңберінде, Риддер қаласы әкімдігінің «Водоканал» ШЖҚ КМК, сыбайлас жемқорлық тәуекелдеріне жүргізілген ішкі талдау нәтижелерін қоғамдық талқылаудың басталғаны туралы хабарлайды.Ақпарат көзі : https://www.gov.kz/memleket/entities/vko-ridder/press/news/details/1259435?lang=ru

Бүгін Бейімбет Майлин ауданының 90 жылдығына арналған «Жырлаймын туған елімді» атты аудандық музыкалық-поэзиялық вернисаж жоғары деңгейде өтті.Шараға ауданымыздың ауылдық округтері мен Тобыл кентінен келген өнерпаздар қатысып, туған жерге, елге, Отанға деген ыстық ықыласын жүрекжарды жырлармен жеткізді. Көрермен назарына авторлық шығармалармен қатар қазақ және орыс ақындарының туған өлкені арқау еткен туындылары ұсынылды.Қатысушылардың өнерін кәсіби қазылар алқасы бағалап, үздік орындаушылар марапатталды.Осындай тағылымды кештің басты мақсаты – туған жерге деген сүйіспеншілікті, ұлттық рухты және рухани құндылықтарды насихаттау болды.Ақпарат көзі : https://www.gov.kz/memleket/entities/kostanai-bmalin-audany-akimat/press/news/details/1259421?lang=ru

БҰҰ-ның Ливандағы Уақытша күштерінің (UNIFIL) базасында Қазақстан Республикасының Мемлекеттік туын көтеру рәсімі салтанатты түрде өтті.Іс-шараға үнді батальонының командирі полковник Прасун Сингх, батальонның әскери қызметшілері, сондай-ақ қазақстандық бітімгерлер контингентінің командирі аға лейтенант Талғат Исмайылов пен ұлттық құрамның барлық мүшелері қатысты.Салтанатты рәсім барысында полковник Прасун Сингх база аумағында Қазақстан Республикасының Мемлекеттік туын ресми түрде көтерді. Қазақстан, Үндістан және Біріккен Ұлттар Ұйымының әнұрандары орындалғаннан кейін үнді батальонының командирі қазақстандық бітімгерлерді құттықтап, алдағы қызметтеріне сәттілік тіледі. Сонымен қатар, ол ұлттық контингент командиріне UNIFIL миссиясының естелік белгісін табыстады.Мемлекеттік туды көтеру рәсімі – UNIFIL миссиясының дәстүрлерінің бірі. Бұл рәсім ұлттық контингенттің база аумағында ресми түрде қызметін бастағанын білдіреді және олардың халықаралық міндеттерді орындауға дайын екенінің белгісі саналады.Қазақстаннан 11 бітімгер Ливанға БҰҰ-ның Уақытша күштері (UNIFIL) құрамында қызмет атқару үшін барғанын естеріңізге саламыз. Олар алты ай бойы бітімгерлік міндеттерін орындайды.Ақпарат көзі : https://www.gov.kz/memleket/entities/mod/press/news/details/1259388?lang=ru

Соңғы екі жыл ішінде ҚР ІІМ Ұлттық ұланы 6654 әскери бөлімінің Кинология орталығында қызметтік тұқымдағы 60 күшік өсірілді. Жақын арада олардың басым бөлігі құқықтық тәртіп әскерінің бөлімшелерінің қатарын толықтырып, қызметтік-жауынгерлік міндеттерді орындауға кіріседі.Алатау қаласында орналасқан Кинология орталығы – Ұлттық ұлан жүйесінде кинолог мамандарды даярлау мен қызметтік иттерді өсіруді қатар жүзеге асыратын бірегей мекеме. Мұнда неміс, бельгия және голланд овчаркалары өсіріледі. Өткен жылы дәл осы орталықта алғаш рет голланд овчаркасынан төл алынып, қызметтік ит тұқымдарының қатарын ұлғайтуға мүмкіндік туды.Күшіктер өмірінің алғашқы айларынан бастап мінез-құлқы, белсенділігі мен жұмысқа бейімділігі бойынша іріктеуден өтеді. Алты айлық кезеңге жеткенде мамандар олардың болашақ мамандану бағытын айқындайды. Бірі есірткі заттарын іздеуге, екіншісі жарылғыш заттарды анықтауға, ал үшіншісі патрульдік-іздестіру қызметі мен құқық бұзушыларды ұстауға бейімделіп оқытылады.Орталықта дайындықтан өткен қызметтік иттер күн сайын Ұлттық ұлан әскери қызметшілерімен бірге қоғамдық тәртіпті күзетуге, бұқаралық іс-шаралардың қауіпсіздігін қамтамасыз етуге, тыйым салынған заттар мен қаруды, сондай-ақ хабар-ошарсыз кеткен адамдарды іздестіруге қатысады.Тек 2025 жылдың өзінде Ұлттық ұланның кинологтары 3500-ден астам қызметтік міндетті орындап, оның 120-дан астамы нәтижелі аяқталды. Қызметтік иттердің көмегімен қылмыстық құқық бұзушылық жасады деген күдікпен 81 құқық бұзушы ұсталды, өсімдік және синтетикалық текті 210 келіден астам есірткі заты анықталып, тәркіленді, 14 суық қару мен 7 атыс қаруы табылды, сондай-ақ хабар-ошарсыз кеткен 17 адамның жүрген жері анықталды.Әрбір осында өсірілген күшік – болашақта әскери қызметшінің сенімді төрт аяқты серігі. Олардың сапалы дайындығы көп жағдайда азаматтардың қауіпсіздігін қамтамасыз етуге және қызметтік-жауынгерлік міндеттердің табысты орындалуына тікелей ықпал етеді. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1259382?lang=ru

Қазақстан Республикасы Сыртқы істер министрінің орынбасары Арман Исетов Саясат және қауіпсіздік мәселелері жөніндегі «Орталық Азия – Еуропалық Одақ» жоғары деңгейдегі диалогының 13-отырысына қатысты.ЕО делегациясын Еуропалық сыртқы іс-қимыл қызметі Бас хатшысының саяси мәселелер жөніндегі орынбасары Олоф Скуг басқарды.Кездесу барысында өңіраралық ынтымақтастықтың өзекті мәселелері, оның ішінде Еуропалық Одақтың Орталық Азиядағы бағдарламалық қызметі жөнінде мазмұнды пікір алмасу өтті. Атап айтқанда, тараптар «Орталық Азия – Еуропалық Одақ» саммитінің (Самарқанд қ., 2025 жылғы 3-4 сәуір) және «Орталық Азия – Еуропалық Одақ» бірлескен Жол картасының (Люксембург қ., 2023 жылғы 23 қазан) қорытындылары бойынша қол жеткізілген уағдаластықтардың іске асырылу барысын, қауіпсіздік саласындағы ынтымақтастыққа ерекше назар аудара отырып, талқылады. Сондай-ақ, делегаттар 2026-2027 жылдарға арналған бірлескен халықаралық іс-шаралардың кестесін қарастырды.Қазақ дипломаты өңірдегі ахуал, ҚР ұлттық және өңірлік деңгейлерде тұрақтылық пен орнықты дамуды қолдау бағытында қабылдап жатқан шаралары туралы ақпарат беріп, саясат, экономика және қауіпсіздік салаларындағы өңіраралық өзара іс-қимылды одан әрі кеңейту жөнінде бірқатар сындарлы ұсыныстар енгізді.Қатысушылар шекараларды басқару, терроризм мен экстремизмге, есірткінің заңсыз айналымына байланысты өңірлік сын-қатерлер мен қауіптерге ден қою, сондай-ақ, құқық қорғау органдары арасындағы ведомствоаралық ынтымақтастықты кеңейту салаларындағы өзара іс-қимылды одан әрі дамытуға ортақ мүдделіліктерін растады.Іс-шара аясында А. Исетов пен О. Скугтың екіжақты кездесуі өтті. Онда Қазақстан мен Еуроодақ арасындағы кеңейтілген әріптестік пен ынтымақтастықтың қазіргі жай-күйі мен даму перспективалары талқыланды. Қазақстан Республикасының Президенті Қасым-Жомарт Тоқаевтың 2026 жылғы 22-23 маусымда Брюссельге жасаған ресми сапары барысында қол жеткізілген уағдаластықтарды практикалық тұрғыдан іске асыру мәселелеріне ерекше назар аударылды.Брюссельдегі кеңес қорытындысы бойынша тараптар сенім мен тең құқықты әріптестік қағидаттары негізінде Орталық Азия мен Еуропалық Одақ арасындағы ынтымақтастықты одан әрі нығайтуға ортақ бейілділіктерін растады.Ақпарат көзі : https://www.gov.kz/memleket/entities/mfa/press/news/details/1259350?lang=ru

Қате толтырылған төлем құжаты — тауардың шекарада «тұрып қалуының» ең жиі кездесетін себептерінің бірі. Тіпті бір сандағы қателік төлемнің анықталмағандар санатына түсуіне, ал кедендік декларацияның уақтылы шығарылмауына әкеп соғуы мүмкін.106104, 106201 және 105102 КБК-лары бойынша төлем жасау кезіндегі ең көп тараған қателіктер: КБК-ларды шатастыруТөлеушілер қаражатты жиі басқа кодқа аударып жатады. Еске саламыз:106104 КБК — Әкелінетін кедендік баж (ЕАЭО елдері арасында бөлінеді).106201 КБК — Кедендік алымдар (ресімдеу қызметі үшін төлем, бекітілген сома).105102 КБК — Импортталатын тауарларға салынатын ҚҚС (ЕАЭО-дан тыс елдерден келетін тауарлар үшін). Мемлекеттік кірістер органының (МКО) қате кодыҚаражат тауарды кедендік ресімдеу жүргізілетін басқармаға түсуі тиіс. Егер МКО кодынан қателессеңіз, төлем жеке шотта көрінбейді және жүйе декларация беру кезінде төлемді қабылдамайды. БСН/ЖСН қате көрсетуБұл филиалдары көп компаниялар үшін өзекті. Төлем декларацияда көрсетілген тұлғаның атынан жасалуы шарт. Соманың жетіспеуі (Валюта бағамы)Егер кедендік баждарды есептеу валютаға байланысты болса, декларация тіркелген күндегі бағамды ескеру маңызды. Бағам айырмашылығына байланысты бірнеше теңге жетпесе де, тауардың шығарылуы бұғатталуы мүмкін.✅ ТӨЛЕМДІ ЖІБЕРЕР АЛДЫНДАҒЫ ТЕКСЕРУ ПАРАҒЫ:КБК өзектілігін тексеріңіз.МКО кодын (тауар нақты қайда импортталады) нақтылаңыз.Төлеушінің БСН/ЖСН деректері құжаттармен сәйкес екеніне көз жеткізіңіз.Егер валюта бағамы тұрақсыз болса, бірнеше теңге артығымен төлеңіз.Уақытыңызды үнемдеңіз — «Төлеу» батырмасын баспай тұрып, деректерді тексеріңіз! 💻📱Ақпарат көзі : https://www.gov.kz/memleket/entities/kgd-zhetysu/press/news/details/1259346?lang=ru

МКК порталында қажетті ақпаратты алуға және салық міндеттемелерін мемлекеттік кірістер органдарына бармай-ақ орындауға мүмкіндік беретін электрондық сервистер қолжетімді. 💻 Пайдаланушылар келесі мүмкіндіктерді пайдалана алады:* салық төлеушілер мен контрагенттерді тексеру;* ҚҚС және салық берешегі туралы мәліметтерді алу;* салықтар мен бюджетке төлемдерді онлайн төлеу;* БКМ мен салық режимдерін тексеру;* онлайн кезекті брондау;* салықтар, өсімпұлдар және кедендік төлемдер бойынша калькуляторларды пайдалану;* салық есептілігінің және өтініштердің өзекті нысандарын алу. Сонымен қатар, портал арқылы кері байланыс қалдыруға және сервистерді жетілдіру бойынша ұсыныстар енгізуге болады. 🔗 МКК порталы: http://portal.kgd.gov.kz МКК-нің цифрлық мүмкіндіктерін пайдаланыңыз — жылдам, ыңғайлы және ашық! Ақпарат көзі : https://www.gov.kz/memleket/entities/kgd-zhetysu/press/news/details/1259338?lang=ru

Нью-Дели, 2026 жылғы 15 шілде. Қазақстан Республикасының Үндістандағы Елшісі Азамат Есқараев Ченнай қаласына (Тамилнад штаты) жұмыс сапарымен барды.Штаттың Бас министрі Ч.Д. Виджаймен кездесу барысында тараптар сауда-экономикалық және инвестициялық ынтымақтастықты кеңейту перспективаларын талқылады. Елші Қазақстанның инвестициялық әлеуетін таныстырып, жүргізіліп жатқан экономикалық реформалар, шетелдік инвесторларды мемлекеттік қолдау шаралары туралы айтып, Тамилнад компанияларын Қазақстанда жобаларды жүзеге асыруға шақырды. Үндістан тарапы, ең алдымен, машина жасау, энергетика, денсаулық сақтау, білім беру және жоғары технологиялар салаларындағы ынтымақтастықты дамытуға мүдделі екенін білдірді.2026 жылдың қыркүйегінде Ченнай қаласында өтетін Қазақстан-Үндістан іскерлік сауда-инвестициялық форумына дайындыққа ерекше назар аударылды. Қазақстанның ірі бизнес-делегациясының қатысуы жаңа іскерлік байланыстар орнатуға мүмкіндік беретіні және екіжақты экономикалық байланыстардың дамуына қосымша серпін беретіні атап өтілді.Сапар аясында Елші штаттың жетекші компанияларының басшыларымен және Оңтүстік Үндістанның Сауда-өнеркәсіп палатасының (SICCI) өкілдерімен кездесулер өткізіп, оларды Қазақстанның инвестициялық мүмкіндіктерімен, қолданыстағы преференциялармен және ынтымақтастықтың перспективалық бағыттарымен таныстырды.Сонымен қатар, қазақстандық дипломатиялық миссия басшысы энергетика және өнеркәсіптік автоматтандыру саласында жұмыс істейтін «Voltech Engineers Pvt. Ltd.» компаниясының өндірістік алаңында болып қайтты. Компания Алматыдағы кеңсесі арқылы Қазақстанда жұмыс істеуде, ел аумағында жобаларды жүзеге асырады және қазақстандық нарықтағы қызметін одан әрі кеңейту жоспарларын растады.Жалпы, сапар Тамилнад штатының басшылығымен және өңірдің жетекші компанияларымен өзара іс-қимылды жандандыруға, сондай-ақ қазақстандық инвестициялық мүмкіндіктерді ілгерілетуге және бірлескен экономикалық іс-шараларды дайындауға қосымша серпін беруге мүмкіндік берді.Анықтама: Тамилнад штаты — Үндістанның оңтүстігінде орналасқан, ең дамыған өнеркәсіптік аймақтарының бірі. Халқы 79 млн-ға жуық. Штаттың экономикасы Үндістандағы ең ірі экономикалардың бірі және жоғары деңгейдегі индустрияландырумен ерекшеленеді. Негізгі салалар - автомобиль жасау, машина жасау, электроника, ақпараттық технологиялар, тоқыма өнеркәсібі, энергетика және денсаулық сақтау. Ақпарат көзі : https://www.gov.kz/memleket/entities/mfa-delhi/press/news/details/1259316?lang=ru

Қазақстан Республикасы (ҚР) Сыртқы істер министрінің бірінші орынбасары Ержан Ашықбаев Еуропалық қайта құру және даму банкінің (ЕҚДБ) Климаттық стратегия және іске асыру департаментінің директоры – Тұрақты инфрақұрылым бағытының жетекшісі Фелисити Спорс бастаған делегациямен кездесу өткізді.Кездесу барысында тараптар ҚР мен ЕҚДБ арасындағы ынтымақтастықтың қазіргі жай-күйі мен даму перспективаларын, сондай-ақ тұрақты даму, «жасыл» қаржыландыру, энергетикалық көшу, көлік және коммуналдық инфрақұрылымды дамыту, цифрландыру және жеке секторды қолдау салаларындағы бірлескен бастамаларды іске асыру мәселелерін талқылады.Кездесуде ҚР-дың әділетті энергетикалық көшу жөніндегі ұлттық инвестициялық платформасы – QaJET жобасына ерекше назар аударылды. Аталған бастаманы ҚР Президенті Қасым-Жомарт Тоқаев 2023 жылы БҰҰ Бас Ассамблеясының 78-сессиясында ұсынған болатын. ҚР Энергетика министрлігі, ҚР Экология және табиғи ресурстар министрлігі мен ЕҚДБ қолдауымен іске асырылып жатқан Платформаны одан әрі дамыту жөніндегі қадамдар, оның ішінде COP31 Конференциясы аясында ү.ж. қарашада Анталия қаласында ресми іске қосуға дайындықты, сондай-ақ халықаралық климаттық және инвестициялық қаржыландыруды тарту мәселелері қарастырылды.Е.Ашықбаев Қазақстанның ЕҚДБ-мен стратегиялық әріптестікке ерекше мән беретінін және Банктің ҚР Президенті Қ.К.Тоқаевтың басшылығымен жүзеге асырылып жатқан экономикалық реформаларды ілгерілетуге, сондай-ақ ұлттық климаттық күн тәртібін қолдауға қосқан үлесін жоғары бағалайтынын атап өтті.Сыртқы істер министрінің бірінші орынбасары ҚР Сыртқы істер министрлігінің QaJET платформасын халықаралық деңгейде ілгерілетуге, оның ішінде халықаралық қаржы институттарымен, серіктес мемлекеттермен, климаттық қорлармен және басқа да мүдделі тараптармен өзара іс-қимылды дамытуға жан-жақты дипломатиялық қолдау көрсетуге дайын екенін растады.Кездесу қорытындысы бойынша тараптар стратегиялық әріптестікті одан әрі нығайтуға және тұрақты экономикалық өсуді қамтамасыз ету мен Қазақстанның климаттық мақсаттарына қол жеткізуге бағытталған бірлескен жобаларды іске асыру бойынша тығыз ынтымақтастықты жалғастыруға өзара мүдделілігін растады.Ақпарат көзі : https://www.gov.kz/memleket/entities/mfa/press/news/details/1259249?lang=ru