Қазақстан Республикасының аумағында алкоголь өнімдерін өткізу лицензияланатын қызмет түрлеріне жатады. Алкоголь өнімдерін көтерме немесе бөлшек саудада заңды түрде өткізу үшін кәсіпкерлер белгіленген тәртіппен тиісті лицензия алуы қажет.Алкоголь өнімдерін өндіру аумағындағы қызметті қоспағанда, алкоголь өнімдерін сақтау және өткізуге лицензияны Қазақстан Республикасы Қаржы министрлігі Мемлекеттік кірістер комитетінің аумақтық органдары береді.Лицензия алу үшін өтінішті электрондық форматта www.egov.kz электрондық үкімет порталы арқылы беруге болады. Бұл құжаттарды қарау мерзімін едәуір қысқартып, рұқсат құжаттарын алу процесін бизнес үшін анағұрлым ыңғайлы етеді.Лицензия беру немесе оны беруден бас тарту туралы дәлелді жауап беру мерзімі – өтініш тіркелген күннен кейінгі 1 (бір) жұмыс күнінен кешіктірілмей жүзеге асырылады. Лицензияны қайта ресімдеу мерзімі – 3 (үш) жұмыс күні.Лицензия алу үшін өтініш беруші электрондық өтінішті, лицензиялық алымның төленгенін растайтын құжатты, сондай-ақ үй-жайды пайдалану құқығын растайтын құжаттарды ұсынуы қажет. Сонымен қатар сумен жабдықтау, электрмен жабдықтау, кәріз жүйесі және деректерді тіркеу мен беру функциясы бар бақылау-касса машинасының болуы туралы мәліметтер ұсынылады.Мемлекеттік қызмет көрсету кезінде көрсетілетін қызметті алушыдан алынатын төлем мөлшері және оны алу тәртібі. Қазақстан Республикасы Салық кодексінің 616-бабының 4-тармағына сәйкес, қызметтің жекелеген түрлерімен айналысу құқығы үшін лицензиялық алым мөлшерлемелері республикалық бюджет туралы заңда белгіленген және алым төленген күнге қолданыста болатын айлық есептік көрсеткіш (АЕК) мөлшеріне қарай белгіленеді және төмендегідей мөлшерде алынады:Алкоголь өнімдерін өндіру аумағындағы қызметті қоспағанда, алкоголь өнімдерін сақтау және көтерме саудада өткізу (әрбір қызмет объектісі үшін) — 200 АЕК.Алкоголь өнімдерін өндіру аумағындағы қызметті қоспағанда, алкоголь өнімдерін сақтау және бөлшек саудада өткізу (әрбір қызмет объектісі үшін):астанада, республикалық және облыстық маңызы бар қалаларда — 100 АЕК;аудандық маңызы бар қалалар мен кенттерде — 70 АЕК;ауылдық елді мекендерде — 30 АЕК.Біліктілік талаптарының сақталуына ерекше назар аударылады. Алкоголь өнімдерінің көтерме саудасын жүзеге асыру үшін алкоголь өнімдерін сақтау, қабылдау және босатуға арналған қойма үй-жайлары болуы қажет. Мұндай үй-жайлар білім беру, денсаулық сақтау ұйымдарының, спорт объектілерінің, жанармай құю станцияларының, базарлардың және мәдени-демалыс мекемелерінің аумағында орналаспауы тиіс.Алкоголь өнімдерін бөлшек саудада өткізу үшін заңнама талаптарына сәйкес келетін стационарлық үй-жайдың болуы міндетті. Үй-жай сумен жабдықтау, электрмен жабдықтау және кәріз жүйесімен қамтамасыз етіліп, тіркелген бақылау-касса машинасымен жабдықталуы қажет.Заңнамада лицензия беруден бас тарту жағдайлары да көзделген. Оларға лицензиялық алымның төленбеуі, біліктілік талаптарына сәйкес келмеу, жалған мәліметтер ұсыну немесе лицензияланатын қызметті жүзеге асыруға қатысты сот шектеулерінің болуы жатады.Өтінішті қарау нәтижесінде көрсетілетін қызметті алушы лауазымды тұлғаның электрондық цифрлық қолтаңбасымен куәландырылған электрондық лицензияны немесе бас тарту себептері көрсетілген дәлелді жауапты алады.Белгіленген талаптарды сақтау және лицензияны уақытылы рәсімдеу алкоголь өнімдерін өткізу қызметін жүзеге асырудың міндетті шарты болып табылады және кәсіпкерлік қызметтің заңдылығын қамтамасыз етуге ықпал етеді.Ақпарат көзі : https://www.gov.kz/memleket/entities/kgd-vko/press/news/details/1308494?lang=ru

2026 жылғы 9 қазанда Ақтау қаласында ЮНЕСКО-ның Дүниежүзілік мұра комитетінің 48 COM 8B.20 шешімін іске асыру жөніндегі өңірлік жұмыс кездесуі ұйымдастырылды.Кездесудің негізгі мақсаты – Маңғыстаудың жартасты мешіттері мен олармен сабақтас киелі нысандарды сақтау, қорғау және басқару бағытындағы жұмыстарды талқылау, сондай-ақ тиісті іс-шараларды іске асыру мерзімдері мен алдағы міндеттерді айқындау. Атап айтқанда, Бекет ата, Шопан ата, Қараман ата, Сұлтан үпі және Шақпақ ата жерасты мешіттерін сақтау, қорғау және олардың тарихи-мәдени құндылығын келер ұрпаққа жеткізу мәселелеріне ерекше назар аударылды.Кездесу барысында тарихи-мәдени мұра нысандарын түгендеу, оларды консервациялау стратегиясы, интеграцияланған басқару жоспары, мониторинг жүргізу және қаржыландыру мәселелері қаралды.Сонымен қатар буферлік аймақтарды белгілеу, жерді пайдалану, қала құрылысы мен инфрақұрылымды дамыту, келушілер ағынын басқару, туризм мен зиярат ету бағыттарын реттеу мәселелеріне назар аударылды.Осы кездесуге шақырылған мүдделі мемлекеттік органдар, аудандардың өкілдері қайырылымдық қоғамдық қорларының басшылары өңірдегі жерасты мешіттерін сақтау, қорғау бағыты бойынша өз ұсыныстарымен бөлісті.Өңірдің тарихи-мәдени мұрасын сақтау және оны келер ұрпаққа жеткізу – Маңғыстаудың туристік әлеуетін тұрақты дамытудағы маңызды бағыттардың бірі. Осы ретте халықаралық талаптарды ескере отырып, киелі нысандарды қорғау мен туристік қызметті тиімді ұйымдастыру мәселелерін үйлестіру ерекше маңызға ие.Ақпарат көзі : https://www.gov.kz/memleket/entities/mangystau-tourism/press/news/details/1308541?lang=ru

08 қазанда Ерейментау ауданы бойынша Мемлекетттік кірістер басқармасында «Ашық есік күні» өткізілді.Ақмола облысы бойынша Мемлекеттік кірістер департаментінің Түсіндіру жұмыстар және байланыс орталығы басқармасының басшысы Шынар Мусина және Мемлекеттік қызметтер басқармасы бөлімінің басшысы Ақмарал Мейірманова  салық салудың өзекті мәселелері мен салық заңнамасын қолдану жөнінде салық төлеушілермен түсіндіру жұмыстарын жүргізді, сондай-ақ мемлекеттік қызметтерді көрсету мәселелері бойынша мемлекеттік кірістер органдарының қызметкерлеріне арналған техникалық оқыту шараларын өткізді.Іс-шара барысында салық төлеушілерге салық заңнамасын қолдану және салық салу мәселелері бойынша түсініктемелер берілді. Олар сондай-ақ азаматтардың сұрақтарына жауап берді.Ақпарат көзі : https://www.gov.kz/memleket/entities/kgd-akmola/press/news/details/1308548?lang=ru

ЕҚЫҰ-ның ДИАҚБ Варшавадағы адам өлшемі жөніндегі конференциясы аясында халықаралық ұйымдар мен сарапшылар қауымдастығына арналған арнайы іс-шара барысында Қазақстан Республикасындағы Адам құқықтары жөніндегі уәкіл Артур Ластаев жаңа Конституцияның негізгі ережелерін және олардың адам құқықтары мен бостандықтарын қорғаудағы маңызын таныстырды.Өз сөзінде Омбудсмен жаңа Конституцияны әзірлеуге әртүрлі әлеуметтік топтардың, өңірлердің және кәсіби қауымдастықтардың өкілдері қатысқанын атап өтті. Конституциялық комиссия азаматтардан келіп түскен 10 мыңнан астам ұсынысты қарады. Нәтижесінде өзгерістер Негізгі заңның 77 бабын, яғни 84%-ын қамтыды.Жаңа Конституцияда адамға, оның өміріне, құқықтары мен бостандықтарына ерекше мән берілген. Негізгі кепілдіктер қатарында өмір сүру құқығы, жеке басына қол сұғылмаушылық және әділ сот талқылауына құқық, өлім жазасына тыйым салу, дербес деректерді қорғау, сөз және шығармашылық еркіндігі, сондай-ақ тұрғын үйді сот арқылы қорғау құқықтары белгіленген.Уәкіл Қазақстан Халық Кеңесі атты жаңа конституциялық институт туралы да айтып, оның қоғамдық өкілдікті кеңейтуге және мемлекет пен қоғам арасында диалог орнатуға бағытталғанын атап өтті.Қорытындылай келе, Артур Ластаев конституциялық реформаның жаңа Негізгі заңды қабылдаумен ғана шектелмейтінін, оның заңнаманы жаңарту және адам құқықтары мен бостандықтарының кепілдіктерін іс жүзінде қамтамасыз ету арқылы жалғасып жатқанын атап өтті.Ақпарат көзі : https://www.gov.kz/memleket/entities/ombudsman/press/news/details/1308549?lang=ru

2026 жылғы 8 қазанда Көкшетау қаласының Жастар ресурстық орталығы «Қоғамдық келісім» КММ және Есірткі қылмысына қарсы іс-қимыл басқармасымен (ЕҚҚІҚБ) бірлесіп, «Заң мен тәртіп» республикалық акциясы аясында есірткінің алдын алуға арналған профилактикалық дәріс пен кинокеш өткізді.  Іс-шара қалай өтті?🔹 Ақпараттық дәріс: ЕҚҚІҚБ өкілі жастарға есірткі заттарының денсаулыққа тигізер залалы, синтетикалық есірткінің қаупі және есірткі бизнесіне тартылудың құқықтық жауапкершілігі мен салдары туралы толық айтып берді.🔹 Ашық диалог: Қатысушылар сұрақтарын қойып, бұл мәселе төңірегінде өз пікірлерімен бөлісті. Белсенді қатысқан жастарға естелік сыйлықтар табысталды!🔹 Танымдық кинокеш: Кездесу соңында есірткіге тәуелділіктің қасіреті мен заңды бұзудың салдары туралы арнайы деректі фильм көрсетілді.  Өз өміріңіз бен болашағыңызға жауапкершілікпен қараңыз! Есірткісіз болашақты бірге құрайық!Ақпарат көзі : https://www.gov.kz/memleket/entities/ovp-kokshetauakmo/press/news/details/1308526?lang=ru

Қаржы министрлігі кәсіпкерлердің жұмысын жеңілдетіп, мемлекеттік қаржы жүйесінің ашықтығын нығайтып келеді.ҚР Қаржы министрлігі бизнестің жұмысын жеңілдету, бюджеттің ашықтығын арттыру және жүйелік кемшіліктердің алдын алу үшін цифрлы құралдарды енгізуді мықтап қолға алды. Бұл бағытта атқарылып жатқан жұмыстар жөнінде Орталық коммуникациялар қызметінде өткен брифингте Қаржы вице-министрі Әсет Тұрысов айтып берді. Салықтық әкімшілендірудің интеграцияланған жүйесі (СӘИЖ) ескірген жеті жүйені алмастырып, жаңа Салық кодексіне бейімделді. Айталық, декларацияларды алдын ала толтыру енгізілді және ҚҚС бойынша айналымды есептеу автоматтандырылды. Жыл басынан бері 7,9 млн салық есебі қабылданып, мемлекеттік органдармен және банктермен 75 интеграция жасалды. Ал Smart Data Finance 80 көзден алынған деректерді біріктірді. Камералды бақылау қорытындысы бойынша 322 млрд теңге салық жинақталды. Бұған қоса ЖИ тексерулер жүргізілмес бұрын тәуекелдерді анықтауға көмектесіп келеді. Оларды цифрлы сервистердің көмегімен анықтау кәсіпкерлерге бұзушылықтарды алдын ала жоюға мүмкіндік береді. Тауарлардың ұлттық каталогында шамамен 33,5 млн тауар позициясы қамтылған. Оның негізінде құрылған Баға деректер базасы бюджеттік жоспарлауда қолданылып жүр. Тиісті бағалау бойынша 2024 жылғы деректер негізінде болжамды үнемдеу жылына - 200 млрд теңге. Бұдан бөлек KEDEN жүйесі электронды кедендік декларациялауды және «бір терезе» қағидатына сәйкес құжаттарды тапсыруды қамтамасыз етсе, Кәсіпкердің бірыңғай жеке кабинеті министрліктің сервистеріне қолжетімділікті, хабарламалар мен техникалық қолдауды біріктіреді. Бюджет қаражатының мақсатты жұмсалуын бақылау үшін цифрлы теңгені енгізу қолға алынды. Мәселен, айналымға шамамен 339 млрд цифрлы теңге шығарылып, 20-дан астам қанатқақты жоба жолға қойылды. Digital Qazyna порталы арқылы мемлекеттік ұйымдар арасында құны 433 млрд теңгеден асатын 56 мыңнан астам нысан берілді. Бұл мемлекеттік органдардың қажеттіліктерін қолда бар мүлік есебінен қамтамасыз етуге жол ашты. Сонымен қатар бұзушылықтардың алдын алу үшін Smart Audit Qazaqstan платформасы құрылып жатыр. Жыл соңына дейін оның іргесін қалыптастырып, тәуекелдерді басқару жүйесін іске қосу жоспарланған. Биыл бюджеттік жалақы төлемдерінің онлайн-мониторингін қамту 140% ұлғайды. «Бұл деректер негізінде мемлекеттік қаржыны басқарып, превентивті бақылауға, әкімшілік жүктемені азайтуға және бюджеттің әр теңгесінен түсетін кірісті арттыруға көшуді айғақтайды», деді Әсет Нұрланұлы.Ақпарат көзі : https://www.gov.kz/memleket/entities/minfin/press/news/details/1308366?lang=ru

Астана, 2026 жылғы 9 қазан – Қазақстан Республикасы Сыртқы істер министрінің орынбасары А.Исетов Қазақстан Республикасындағы Ирландияның жаңадан тағайындалған Төтенше және Өкілетті Елшісі Джулиан Клэрден сенім  грамоталарының көшірмелерін қабылдады.А.Исетов ирландиялық дипломатты тағайындалуымен құттықтап, қызметіне табыс тіледі және Қазақстан мен Ирландия арасындағы қарым-қатынастарды нығайту жөніндегі күш-жігерді жандандырудың маңыздылығын атап өтті.Кездесу барысында тараптар саяси диалогты жандандыру, сауда-экономикалық және инвестициялық байланыстарды кеңейту, сондай-ақ білім беру, мәдениет және гуманитарлық салалардағы ынтымақтастықты дамыту перспективаларын талқылады. Халықаралық ұйымдар аясындағы өзара іс-қимылға ерекше назар аударылды.Дж. Клэр министрдің орынбасарына жылы қабылдағаны үшін алғысын білдіріп, Қазақстан мен Ирландия арасындағы өзара тиімді ынтымақтастықты дамытуға ниетті екенін растады.Кездесу қорытындысы бойынша дипломаттар тұрақты байланыстарды қолдауға және екіжақты күн тәртібіндегі мәселелерді бірлесіе пысықтауға өзара мүдделілік танытты.Ақпарат көзі : https://www.gov.kz/memleket/entities/mfa/press/news/details/1308381?lang=ru

Кембридж, 2026 жылғы 30 қыркүйек – Қазақстан Республикасының Ұлыбританиядағы Елшісі Ә.Бақаев Кембридж университетінің Макдональд археологиялық зерттеулер институты ұйымдастырған «Еуразиядағы ежелгі өзара байланыстарды зерделеудің жаңа бағыттары» (New Directions in Understanding Ancient Interactions across Eurasia) атты халықаралық ғылыми конференцияның ашылуында сөз сөйледі.Іс-шараға Қазақстан, Ұлыбритания және басқа да елдердің жетекші археологтары мен зерттеушілері қатысуда. Конференция бағдарламасы қола және темір дәуірлерінен бастап орта ғасырлар мен көшпелі қоғамдар тарихына дейінгі Еуразияның тарихи дамуына қатысты кең ауқымды мәселелерді қамтиды.Конференция қатысушыларына арнаған құттықтау сөзінде қазақстандық дипломат Ұлы дала тарихын объективті ғылыми тұрғыдан зерттеудің, халықаралық академиялық ынтымақтастықты кеңейтудің және заманауи пәнаралық зерттеу әдістерін қолданудың маңыздылығын атап өтті.Қазақстан мен Ұлыбританияның ғылыми және музей мекемелері арасындағы өзара іс-қимылды дамыту перспективаларына, оның ішінде бірлескен ғылыми зерттеулер жүргізуге, академиялық алмасуларды жүзеге асыруға және жас ғалымдарды даярлауға ерекше назар аударылды.Конференция аясында Елші Ә.Бақаев Қазақстанның аса маңызды археологиялық ескерткіштерінің бірінің тарихи-мәдени мұрасына арналған «Ботай – Ұлы дала мәдениеті» көрмесінің салтанатты ашылуына да қатысты. Ашылу рәсіміне Солтүстік Қазақстан облысының делегациясы және Ботай мәдениетін халықаралық деңгейде зерттеуге елеулі үлес қосқан Эксетер университетінің археология профессоры Алан Оутрам қатысты.Өз сөзінде Қазақстан Елшісі Ботай мәдениетінің Ұлы дала тарихындағы айрықша орнын және адам мен жылқы арасындағы өзара қарым-қатынастың алғашқы түрлерін зерттеудегі маңызын атап өтті. Ол Қазақстанның бай археологиялық мұрасы ұлттық тарихтың ажырамас бөлігі ғана емес, сонымен қатар Еуразияның ортақ тарихи-мәдени мұрасының маңызды құрамдас бөлігі екенін баса айтты.Кембриджде көрме мен конференцияның өткізілуі Қазақстанның тарихи-мәдени мұрасын халықаралық деңгейде дәріптеу және қазақ-британ ғылыми әрі мәдени ынтымақтастығын нығайту бағытындағы жұмыстың жалғасы болды.Солтүстік Қазақстан облыстық музейлер бірлестігі ұсынған экспозиция археологияны, заманауи өнерді және этнографияны тоғыстырады. Көрмеге музей қорларындағы археологиялық жәдігерлер мен этнографиялық бұйымдар, сондай-ақ 2019, 2023 және 2025 жылдары өткен халықаралық суретшілер симпозиумдарына қатысушылар жасаған 22 көркемөнер туындысы қойылды.Біздің заманымызға дейінгі IV–III мыңжылдықтарға жататын Ботай қонысы ЮНЕСКО-ның Дүниежүзілік мұрасының алдын ала тізіміне енгізілген. Ақпарат көзі : https://www.gov.kz/memleket/entities/mfa-london/press/news/details/1308297?lang=ru

2026 жылғы 10 қазанда сағат 09:00-де Қостанай қаласында «Дала дәмі» республикалық жобасы аясында ауыл шаруашылығы жәрмеңкесі өтеді.Іс-шара Войнов-Интернационалистов және Генерал Арыстанбеков көшелерінің қиылысындағы жабық сауда алаңында ұйымдастырылады.Жәрмеңкеде тұрғындарға ауыл шаруашылығы өнімдері ұсынылады. Іс-шараның мақсаты – жергілікті өндірушілерді қолдау және халықты сапалы, қолжетімді азық-түлік өнімдерімен қамтамасыз ету.Ақпарат көзі : https://www.gov.kz/memleket/entities/kostanai-kalasy-akimat/press/news/details/1308309?lang=ru

Астана, 22 қыркүйек – 2026 жылғы 19-22 қыркүйек аралығында Орталық Азия елдеріне өңірлік турне аясында Ұлыбританияның Орталық Азия бойынша Сауда өкілі Лорд Джон Томас Алдердайстың Қазақстанға жұмыс сапары өтті.Сапар барысында Лорд Алдердайсты ҚР Премьер-министрінің орынбасары – Ұлттық экономика министрі С.Жұманғарин қабылдады. Сонымен қатар, оның ҚР Сауда және интеграция министрі А. Шаққалиевпен, ҚР Ғылым және жоғары білім министрі С.Нұрбекпен, ҚР Экология және табиғи ресурстар министрі Ә.Қуантыровпен, сондай-ақ ҚР Сыртқы істер, Энергетика министрліктері, Атом энергиясы жөніндегі агенттігі, «KEGOC» АҚ және Alatau City Authority басшылығымен кездесулері өтті.Кездесулер барысында сауда-экономикалық және инвестициялық ынтымақтастықты дамытуға, Стратегиялық әріптестік және ынтымақтастық туралы келісімді практикалық іске асыруға, сондай-ақ  2026 жылғы қазанда Астанада өткізу жоспарланған Қазақстандық-Британдық сауда, ғылыми-техникалық және мәдени ынтымақтастық жөніндегі Үкіметаралық комиссиясының 12-отырысына дайындыққа негізгі назар аударылдыТараптар екіжақты сауданың динамикасын талқылады. 2025 жылдың қорытындысы бойынша тауар айналымы 1,63 млрд АҚШ долларын құрап, 2024 жылмен салыстырғанда 83,7%-ға өсті. 2026 жылдың 7 айында бұл көрсеткіш 1,25 млрд АҚШ долларына жетіп, 2025 жылдың сәйкес кезеңімен салыстырғанда 68,5%-ға артты.Сауданы әртараптандыруға және жоғары қосылған құны бар шикізаттық емес өнімдер экспортын кеңейтуге ерекше назар аударылды. Британдық импорттаушылардың Қазақстанға сауда миссиясын ұйымдастыру, британдық нарықтың сапа мен сертификаттауға қойылатын талаптары, сондай-ақ өңдеу өнеркәсібіне, энергетикаға, логистикаға және жоғары технологиялық салаларға британдық инвестицияларды тарту мүмкіндіктері талқыланды.Британдық тарап Қазақстанның экономикалық даму басымдықтарына, оның ішінде электр энергиясын өндіру және беру, «жасыл» энергетика, қоршаған ортаны қорғау, экожүйелерді сақтау және биоалуантүрлілікті қорғау салаларына қызығушылық білдірді. Атом энергиясы жөніндегі агенттігімен және «KEGOC» АҚ-мен кездесулер барысында атом энергетикасы, энергетикалық инфрақұрылым және технологиялық өзара іс-қимыл салаларындағы ынтымақтастық перспективалары қарастырылды.Сапар бағдарламасында ғылыми-білім беру ынтымақтастығына маңызды орын берілді. Лорд Алдердайс Астанадағы Coventry University Kazakhstan жаңа кампусы құрылысының басталу салтанатына және британдық Ardingly Astana мектебінің жаңа ғимаратының ашылу рәсіміне қатысты. Сондай-ақ, Британдық тарап бірлескен семинарлар мен конференциялар өткізу және өзара мүдделі бағыттар бойынша зерттеу бағдарламаларын дамыту арқылы ынтымақтастықты кеңейтуді ұсынды.Сапар қорытындысы бойынша тараптар стратегиялық әріптестікті нығайтуға, сауда мен инвестицияларды кеңейтуге, өзара сауданы әртараптандыруға және нақты бірлескен жобаларды іске асыруға мүдделілігін растады.Ақпарат көзі : https://www.gov.kz/memleket/entities/mfa-london/press/news/details/1308256?lang=ru

Адам құқықтары жөніндегі уәкіл Артур Ластаев ЕҚЫҰ-ның Демократиялық институттар және адам құқықтары жөніндегі бюросының Варшавадағы адам өлшемі жөніндегі конференциясының құқық үстемдігі мәселелеріне арналған пленарлық отырысында сөз сөйледі.Өз баяндамасында Омбудсмен Қазақстандағы конституциялық реформаның негізгі жетістіктерінің бірі адам құқықтары мен бостандықтарының іргелі кепілдіктерін едәуір нығайту болғанын атап өтті. Елдің конституциялық даму тарихында алғаш рет «Миранда қағидасы» Негізгі заңда тікелей бекітілді. Сонымен қатар кінәсіздік презумпциясы, өзіне-өзі қарсы куәлік бермеу құқығы және бір әрекет үшін қайтадан жауапкершілікке тартуға тыйым салу адам құқықтарына арналған бөлімге енгізілді. Мұның барлығы жеке тұлғаның құқықтарын нақты әрі тиімді қорғауды қамтамасыз етуге бағытталған.Сот төрелігіне қолжетімділікті арттыру мақсатында 2025 жылы кассациялық соттар құрылды. Енді кассациялық шағымдар тараптардың қатысуымен өтетін сот отырысында алқалы құрамда қаралады.Адам мен мемлекет арасындағы дауларды қарайтын әкімшілік әділет жүйесі де өзін тиімді қырынан көрсетті. Сот төрелігіне қолжетімділік пен сот арқылы қорғалудың әділдігін қамтамасыз ететін маңызды кепілдіктердің бірі – соттарды толық цифрландыру және істерді автоматты түрде бөлу жүйесі болды.Сөз соңында Артур Ластаев жүргізіліп жатқан өзгерістер орталығында адам және оның сот арқылы тиімді қорғалуға деген құқығы тұрған құқықтық кепілдіктердің жаңа жүйесін дәйекті түрде қалыптастырып жатқанын атап өтті.Ақпарат көзі : https://www.gov.kz/memleket/entities/ombudsman/press/news/details/1308266?lang=ru

2026 жылғы 8 қазанда Өскемен қаласында Шығыс Қазақстан облысының әкімі Нұрымбет Сақтағановтың Қазақстан Республикасындағы Үндістанның Төтенше және Өкілетті Елшісі Сайлас Тангальмен кездесуі өтті. Кездесу барысында тараптар туризм, өнеркәсіп және инвестиция тарту салаларындағы ынтымақтастықтың перспективалық бағыттарын талқылады.Халықаралық әуе қатынасын дамытуКездесудің негізгі тақырыптарының бірі Дели – Өскемен тікелей әуе рейсін ашу мүмкіндігін қарастыру болды. Тікелей әуе қатынасын дамыту Үндістаннан келетін туристер ағынын арттыруға, іскерлік байланыстарды кеңейтуге және өңірдің халықаралық байланыстарын нығайтуға ықпал етуі мүмкін.Шығыс Қазақстан облысының туристік әлеуеті зор. Бірегей табиғи ландшафттар, мәдени-тарихи мұра, сондай-ақ этнографиялық, сауықтыру және белсенді туризмді дамыту мүмкіндіктері шетелдік туристерді тартуға қолайлы жағдай қалыптастырады. Әсіресе Катонқарағай және Марқакөл аудандарының туристік әлеуеті ерекше.Өнеркәсіптік ынтымақтастық және инвестицияларКездесу барысында маңызды минералдар мен сирек жер металдары саласындағы өзара іс-қимыл перспективалары, сондай-ақ Өскемен титан-магний комбинатымен ынтымақтастық мүмкіндіктері қарастырылды.Сонымен қатар үндістандық инвестициялар мен технологияларды тарту, Шығыс Қазақстан облысының өнімдерін Үндістан нарығына жеткізуді кеңейту және тараптар арасында тікелей іскерлік байланыстар орнату мәселелеріне ерекше назар аударылды.Үндістанмен ынтымақтастықты дамыту өңірдің халықаралық әріптестігін кеңейтудің перспективалық бағыттарының бірі ретінде қарастырылады. Туризм, өнеркәсіп және инвестиция салаларындағы бірлескен бастамаларды іске асыру экономикалық байланыстарды нығайтуға және Шығыс Қазақстанның одан әрі дамуына ықпал етуі мүмкін.Шығыс Қазақстан облысының Туризм және инвестициялар басқармасы өңірдің туристік әлеуетін ілгерілету, халықаралық ынтымақтастықты кеңейту және перспективалық инвестициялық жобаларды іске асыруға жағдай жасау бағытындағы жұмысты жалғастыруда.Ақпарат көзі : https://www.gov.kz/memleket/entities/tourism-vko/press/news/details/1308273?lang=ru

2026 жылғы 9 қазанда Шығыс Қазақстан облысының әкімі Нұрымбет Сақтағанов Қазақстан Республикасының Премьер-Министрі Олжас Бектеновтің төрағалығымен өткен Инвестициялар тарту жөніндегі кеңестің отырысына қатысты.Отырыс барысында инвестициялық ахуалды жақсарту, инвесторлармен өзара іс-қимыл тиімділігін арттыру және инвестициялық жобалардың іске асырылуын қамтамасыз ету мәселелері қаралды.Өңірдің инвестициялық көрсеткіштері2026 жылдың сегіз айының қорытындысы бойынша Шығыс Қазақстан облысының негізгі капиталға салынған инвестициялар көлемі 511 млрд теңгені құрады. Нақты көлем индексі 104,6%-ға жетті.Өңірдің инвестициялық портфеліне жалпы құны 1,5 трлн теңгені құрайтын 103 жоба енгізілген. Оларды іске асыру нәтижесінде 12 мыңнан астам жұмыс орнын құру көзделген.Инвестициялық портфельдің салалық құрылымында энергетика, туризм, тау-кен металлургиясы және агроөнеркәсіптік кешен салаларындағы жобалар елеулі үлеске ие.2026 жылы өңірде жалпы құны 30 млрд теңге болатын 16 инвестициялық жоба пайдалануға берілді.Инвестициялық әлеуетті дамытуШығыс Қазақстан облысында отандық және шетелдік инвестициялар тарту, бизнес жүргізуге қолайлы жағдайлар қалыптастыру және инвестициялық жобаларды іске асырудың барлық кезеңдерінде сүйемелдеу бойынша жұмыстар жалғасуда.Экономиканың басым салаларын дамытуға, өңірдің инвестициялық мүмкіндіктерін кеңейтуге және жаңа жұмыс орындарын құруға ерекше назар аударылады.Шығыс Қазақстан облысының Туризм және инвестициялар басқармасы өңірдің инвестициялық әлеуетін ілгерілету, әлеуетті инвесторлармен өзара іс-қимыл жасау және туризм саласын қоса алғанда, перспективалық жобаларды іске асыруға жәрдемдесу бағытындағы жұмысын жалғастыруда.Ақпарат көзі : https://www.gov.kz/memleket/entities/tourism-vko/press/news/details/1308274?lang=ru

Руфат Базырбекұлы — шаруа қожалығының басшысы, өзінің сайлау округінің тұрғындары арасында жақсы танымал әрі құрметке ие азамат. Депутаттық қызметінде ол жерлестерінің өтініштері мен мәселелеріне мұқият көңіл бөліп, округтің өзекті мәселелерін шешуге белсенді атсалысып келеді. Сондай-ақ мүмкіндігіне қарай демеушілік көмек көрсетіп, тұрғындардың бастамалары мен қажеттіліктерін қолдайды.Ол үшін депутаттық мандат — ең алдымен, өзіне сенім білдірген халық алдындағы жауапкершілік.Руфат Базырбекұлын лайықты марапатымен құттықтап, зор денсаулық, толағай табыс және Алтай ауданы тұрғындарының игілігі жолындағы қызметіне одан әрі жемісті еңбек тілейміз!Ақпарат көзі : https://www.gov.kz/memleket/entities/altay-maslihat/press/news/details/1308245?lang=ru

С.Сейфуллин атындағы орталық кітапханасында Қоғам қайраткері, ауыл шаруашылығы өндірісінің білгір жетекшісі, «Социалистік Еңбек Ері», "Парасат", "Құрмет" ордендерінің иегері Зылиха Жанболатқызы Тамшыбаеваның 90 жылдық мерейтойына арналған «Еңбегімен еленген ел анасы» тұлғатану сағаты өтті.Шараның  негізгі мақсаты – ел тарихында өзіндік орны бар дара тұлға Зылиха Тамшыбаеваның өнегелі өмірі мен еңбек жолын кеңінен насихаттау, жас ұрпаққа оның елге қызмет етудегі азаматтық ұстанымын, қажырлы еңбегін, іскерлік қабілетін және адамгершілік қасиеттерін үлгі ету. Сонымен қатар тұлғаның өмір жолы арқылы адал еңбек, елге қызмет ету, жауапкершілік, отансүйгіштік, туған жерге деген сүйіспеншілік және ұрпақ сабақтастығы сынды құндылықтарды дәріптеу болды.Шара барысында кітапхана оқырмандарына Зылиха Жанболатқызының өмірі мен еңбек жолына арналған «Өнегелі өмір – ұрпаққа аманат» атты бейнеролик көрсетілді. Бейнематериал арқылы қайраткердің ел игілігі жолындағы ерен еңбегі, ауыл шаруашылығын дамытуға қосқан үлесі мен кейінгі ұрпаққа қалдырған өнегесі кеңінен таныстырылды.Сонымен қатар кітапхана қорындағы әдебиеттер негізінде ұйымдастырылған «Ел игілігі жолындағы еңбек» атты кітап көрмесіне шолу жасалды. Көрмеге Зылиха Тамшыбаеваның өмірі мен қызметі туралы деректер, тарихи-танымдық басылымдар, фотоматериалдар мен тұлғаға қатысты әдебиеттер қойылды. Арнайы шақырылған қонақтар – М. Тынышбаев атындағы музейдің бөлім меңгерушісі Айгерім Бекенқызы және Көксу ауданы, Зылиха Тамшыбай ауылдық кітапханасының кітапханашысы Диана Елтайқызы елге еңбегі сіңген ардақты тұлғаның өмір жолы мен азаматтық болмысы жайлы ой бөлісті. Жас ұрпақты еңбекқорлыққа, елжандылыққа, туған жерді қадірлеуге және ел игілігі жолында аянбай қызмет етуге үндейтін мазмұнды кездесуде «Тарихи детектив» сұрақ-жауап алаңында оқырмандар Зылиха Жанболатқызының өмірі мен еңбек жолына қатысты түрлі сұрақтарға жауап іздеп, өз білімдерін ортаға салды. Қатысушылар тұлғаның еңбек жолындағы маңызды кезеңдерді, елге сіңірген еңбегін, марапаттары мен қоғамдық қызметін саралай отырып, тарихи деректер арқылы Зылиха Тамшыбаеваның қайраткерлік қырын тереңірек таныды. Ел анасының өнегелі ғұмырының әр кезеңі – кейінгі ұрпаққа үлгі боларлық тағылым екені айқын көрініс тапты.Ақпарат көзі : https://www.gov.kz/memleket/entities/zhetysu-archive/press/news/details/1308223?lang=ru

Жетісу облысының Сәкен Сейфуллин атындағы орталық кітапханасының ұйымдастыруымен жас кітапханашылар арасында мамандықтың беделін арттырып, кәсіби құзіреттілігі мен шеберлігін дамыту мақсатында «Үздік жас кітапханашы-2026» облыстық байқау өтті. Байқау 3 кезеңнен тұрды: 1 кезең:  Қатысушылардың соңғы 1–3 жылда жүзеге асырған жобаларын таныстыру;2 кезең: 20 тест сұрақ;3 кезең: Оқырманға қызмет көрсетудің заманауи үлгісін ұсыну.Байқауға 5 аудан, 2 қала кітапханаларынан 7 кітапханашы қатысып,жас маман ретінде шығармашылық ізденістерін өз шеберлігі мен біліктілігін жоғары дәрежеде көрсеткені үшін «Үздік жас кітапханашысы-2026» облыстық байқауының І дәрежелі дипломымен Көксу аудандық кітапханасының кітапханашысы Нұрмұхамбетова Айым, ІІ дәрежелі дипломымен Ескелді аудандық кітапханасының кітапханашысы  Бекмырза Меруерт, ІІІ дәрежелі дипломымен Кербұлақ аудандық кітапханасының кітапханашысы Ержигитова Куралай марапатталды. Байқауға қатысқан барлық үміткерлерге алғыс хаттар берілді.Ақпарат көзі : https://www.gov.kz/memleket/entities/zhetysu-archive/press/news/details/1308209?lang=ru

КЕЙС: 2026 ЖЫЛЫ ЖК АШПАЙ ЖҰМЫС ІСТЕУГЕ БОЛА МА?Мысалы, азамат өз бетінше қызмет көрсетеді және табыс алады. Оның жалдамалы қызметкерлері жоқ.Міндетті түрде жеке кәсіпкер ретінде тіркелу қажет пе?Әрдайым емес. 2026 жылы жеке тұлғалар белгіленген талаптарды сақтаған жағдайда өзін-өзі жұмыспен қамтығандар үшін арнайы салық режимін қолдана алады.Негізгі талаптар:жеке тұлға жеке кәсіпкер болып тіркелмеуі тиіс;жалдамалы қызметкерлердің еңбегін пайдаланбауы тиіс;рұқсат етілген қызмет түрін жүзеге асыруы тиіс;айлық табысы белгіленген шектен — 300 АЕК-тен аспауы тиіс.Бұл режимді қолданған кезде жеке табыс салығы төленбейді, ал әлеуметтік төлемдер мөлшері табысқа 4% құрайды.Алайда бұл режимді таңдамас бұрын өз қызмет түріңіздің рұқсат етілген қызмет түрлерінің тізбесіне кіретінін және барлық талаптардың сақталатынын тексеру қажет.Сіз қандай қызмет көрсетесіз? Қызмет түріңізді пікірге жазыңыз — салық режимін таңдауға қатысты сұрақтарыңызды қойыңыз.#Қостанай #Салық2026 #ӨзінӨзіЖұмыспенҚамтығандар #СалықРежимі #СалықКодексі2026 ҚРМҚКАқпарат көзі : https://www.gov.kz/memleket/entities/kgd-kostanay/press/news/details/1308175?lang=ru

Қазақстан Республикасы Салық кодексінің 484-бабына сәйкес есепке жатқызылатын қосылған құн салығының (бұдан әрі – ҚҚС) сомасын түзету осы бапта және Салық кодексінің 485-бабында белгіленген жағдайларда есепке жатқызылатын ҚҚС сомасын ұлғайту немесе азайту болып табылады.Есепке жатқызылатын ҚҚС сомасын азайту бұрын есепке жатқызылған тауарлар, жұмыстар, көрсетілетін қызметтер бойынша, атап айтқанда, Қазақстан Республикасы Салық кодексінің 484-бабы 2-тармағының 7) тармақшасына сәйкес нөлдік мөлшерлеме бойынша салық салынатын өткізу бойынша айналым мақсатында пайдаланылған ауыл шаруашылығы өнімдері, балық өсіру өнімі немесе кәсіпшілік балық аулау өнімі бойынша жүргізіледі. Бұл жағдайда есепке жатқызылатын ҚҚС сомасын түзету нөлдік мөлшерлеме бойынша салық салынатын өткізу бойынша айналым мақсатында пайдаланылған ауыл шаруашылығы өнімдері, балық өсіру өнімі немесе кәсіпшілік балық аулау өнімі бойынша есепке жатқызылған ҚҚС сомасының 80 пайызын азайту арқылы жүзеге асырылады.Сонымен қатар, Қазақстан Республикасы Ұлттық экономика министрлігінің түсіндірмелеріне сәйкес, «Агроөнеркәсіптік кешенді және ауылдық аумақтарды дамытуды мемлекеттік реттеу туралы» 2005 жылғы 8 шілдедегі № 66 Қазақстан Республикасы Заңының ережелерін ескере отырып, ауыл шаруашылығы шикізатын қайта өңдеу нәтижесінде алынған өнімді экспорттау жағдайында жоғарыда көрсетілген түзету қолданылмайды.Мысалы, ұнды экспорттау кезінде салық заңнамасының талаптары сақталған жағдайда, ҚҚС-ты қайтару қайта өңдеу өнімі болып табылатын ұнға қатысты жалпыға бірдей белгіленген тәртіппен толық көлемде жүзеге асырылады.#Заң_мен_тәртіп#Закон_и_порядокАқпарат көзі : https://www.gov.kz/memleket/entities/kgd-sko/press/news/details/1308134?lang=ru

КЕЙС: 2026 жылы сатып алынған пәтерді сатқан кезде салық төлене ме?Мысалы:Азамат 2026 жылы пәтерді 25 млн теңгеге сатып алды.1 жылдан кейін оны 30 млн теңгеге сатты.Бұл жағдайда салық төлеу қажет пе?Иә, қажет.2026 жылдан бастап жылжымайтын мүлікті өткізу кезінде салық салу тәртібі өзгерді.Егер меншік құқығы 2026 жылғы 1 қаңтардан кейін тіркелген болса, тұрғын үйді  2 жылға толмай сатқан кезде мүліктік табыс туындауы мүмкін.Бұл жағдайда:Сатып алу құны — 25 млн теңгеСату құны — 30 млн теңгеБаға өсімі (табыс) — 5 млн теңгеЕгер салық салынатын табыс 8 500 АЕК-тен аспаса, жеке табыс салығы 10% мөлшерінде есептеледі.5 000 000 × 10% = 500 000 теңгеЯғни, мысалдағы азаматтың жеке табыс салығы 500 мың теңгені құрайды.Маңызды!Егер меншік құқығы 2026 жылғы 1 қаңтарға дейін тіркелген  болса, өтпелі кезеңге байланысты бұрынғы 1 жылдық мерзім қолданылады.Салық салынатын мүліктік табыс болған жағдайда, жеке тұлға 270.00 нысанды келесі жылдың 15 қыркүйегінен кешіктірмей  ұсынуға, ал есептелген салықты 25 қыркүйектен кешіктірмей төлеуге тиіс.Пәтерді қашан сатып алғаныңыз ғана емес, меншік құқығының қашан тіркелгені де маңызды#Салық2026 #ЖылжымайтынМүлік #ПәтерСату #ЖТС #СалықКодексі2026 #Кейс #МемлекеттікКірістерАқпарат көзі : https://www.gov.kz/memleket/entities/kgd-kostanay/press/news/details/1308152?lang=ru

Биыл елордалық колледждің жеті түлегі ҚР ІІМ Ұлттық ұланында мерзімді әскери қызмет өткеруге шешім қабылдады. Олардың барлығы фельдшер мамандығының иесі. Қазір олар Алматы қаласындағы 5571 әскери бөлімінің оқу пунктінде әскери қызметтің негіздерін меңгеріп, Отан алдында ант беруге дайындалып жатыр.Бұл бастаманы қатардағы Кәдіржан Байтенов көтерді. Ол алғашқылардың бірі болып әскери басқару органына барып, медициналық комиссиядан өтті. Кейін бірге оқыған достарына әскерге баруға жол көрсетті.Бұл ұсынысты сол кезде Шымкентте жүрген қатардағы Думан Қорғанбаев та қолдады. Достарының әскерге жиналып жатқанын естіген ол Астанаға билет алып, сол күні әскери басқару органына келді. Осылайша бұрын бір топта білім алған жеті жігіттің қайтадан бастары қосылды. Бұл жолы олар әскери киіммен сап түзеді.Қазір ұландықтар жас сарбаз курсынан өтіп жатыр. Олар әскери күн тәртібіне бейімделіп, саптық даярлық пен әскери істің негіздерін меңгеруде.  Айтуларынша, бірге келген достарының жанында болуы жаңа ортаға бейімделуді жеңілдетеді.– Біз бір-бірімізді бұрыннан жақсы білеміз. Сондықтан мұнда өзімізді сенімдірек сезінеміз. Қандай жағдай болмасын, бір-бірімізден көмек сұрай аламыз. Бірге қызмет етудің өз қызығы бар. Күнделікті сәттерді де, әскери өмірдің алғашқы қиындықтарын да бірге өткеріп жатырмыз. Қандай жағдайда да бір-бірімізге қолдау көрсете аламыз, – дейді қатардағы Алмас Болысбек.Жас сарбаздардың Ұлттық ұланды таңдауына әскердегі заманауи технологиялар да әсер еткен. Олардың назарын құқықтық тәртіп әскерлеріндегі цифрландыру, интеллектуалды бейнебақылау жүйелері және тамақтандыру саласындағы жаңа шешімдер аударған.Жеті досты алда әлі бірнеше айлық әскери қызмет күтіп тұр. Жауынгерлік дайындықтан кейін олар Алматы қаласында қоғамдық тәртіп пен қауіпсіздікті қамтамасыз ету бойынша міндеттер атқаратын болады.Олардың кейбірі болашақта Ұлттық ұланның әскери медицина саласында қызметін жалғастыруды ойлап жүр. Бірнеше ұландық Әскери-медициналық басқармада қызмет етіп, колледжде алған фельдшерлік білімін әскери салада пайдалануға ниетті. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1308013?lang=ru