Қазақстанда тәртіптің мазмұнын айтарлықтай өзгертетін және Қарулы күштердің оқушыларды қызметке даярлауға қатысуын нығайтатын алғашқы әскери дайындықтың жаңартылған қағидалары бекітілді. Қорғаныс министрі бұйрыққа 4 қарашада қол қойды.Құжатты Бас штабтың Ұйымдастыру-жұмылдыру жұмысы департаменті әскери қызмет және әскери-патриоттық тәрбие туралы заңнамаға енгізілген түзетулерді ескере отырып әзірледі. Ережелер мектептерде, колледждерде және кәсіптік білім беру мекемелерінде алғашқы әскери дайындықты ұйымдастыру мен оқытудың бірыңғай тәсілдерін белгілейді, педагогтерге қойылатын талаптарды нақтылап, курстың практикалық құрамдас бөлігін кеңейтеді.Негізгі өзгерістердің бірі «алғашқы әскери дайындық» тарихи атауының пәнге қайта оралуы болды. Бағдарлама әскери қызметшілердің құқықтары, міндеттері мен әлеуметтік кепілдіктері туралы практикалық элементтерді, оқу-далалық сабақтарды көбейту және түсіндіру жұмыстарын кеңейту есебінен күшейтіледі.Қазақстан Республикасы Қорғаныс министрінің кеңесшісі Айгүл Төлембаева жаңартулар болашақ әскерге шақырылушыларды даярлау сапасын арттыруға бағытталғанын атап өтті.– Біз пәнді оның нақты мазмұнына сай етеміз. Бұл азаматтарды армияға дайындаудың бірінші кезеңі. Балалар әскери қызметшінің жарғысын, міндеттерін, қызметтен кейінгі құқықтары мен кепілдіктерін түсінуі керек. Бүгінгі әскер – бұл нақты мамандық пен білім алудың мүмкіндігі. Мектеп оқушыларының бұл жайлы алдын ала білгенін қалаймыз, – деді ол.Оқытушыларға қойылатын талаптар айтарлықтай өзгереді. АӘД-ны мамандығы бойынша педагогикалық білімі және әскери қызмет өткеру тәжірибесі бар азаматтар ғана жүргізе алады. Пән бойынша жұмыс істейтін мұғалімдер өз лауазымдарын сақтайды. Кемінде он жыл еңбек сіңірген әскери қызметшілер үшін Қорғаныс министрлігінің әскери оқу орындарының базасында тегін педагогикалық қайта даярлау мүмкіндігі енгізіледі.Бұл шешімнің кадрлық базаны нығайтып, оқушылардың пәнге деген сенімін арттыратынын айтақан Министрдің кеңесшісі: – Оқушылар әскерде қызмет еткен адамды көруі керек. Бұл қорқыныш пен сенімсіздікті болдырмайды, әрі армияның қалай жұмыс істейтінін түсіндіруге мүмкіндік береді, – деді.Жаңартылған ережелер әскери бөлімдердің рөлін кеңейтеді: оқу-далалық жиындардың практикалық құрамдас бөлігі күшейтіледі, бөлімше командирлері жекелеген сабақтарға қатысып, далалық базаны көрсетеді. АӘД оқытушыларының біліктілігін арттыру бұдан былай әскери жоғары оқу орындарының, кафедралардың және Қорғаныс министрлігінің ведомстволық бағынысты ұйымдарының базасында ғана жүргізіледі. Бұл өзекті әскери тәжірибеге қол жеткізуге ықпал етеді.Ақпарат көзі : https://www.gov.kz/memleket/entities/mod/press/news/details/1118512?lang=kk

Хельсинки, 2025 жылғы 3 желтоқсан – Қазақстанның Финляндиядағы Елшісі Азамат Әбдіраимов Финляндия Парламентіндегі Достық тобының мүшелерімен кездесті.Кездесу барысында тараптар екіжақты қатынастардың жағдайы мен дамуының перспективаларын, соның ішінде қазақ-фин парламенттік ынтымақтастығын талқылады.Казахстандық дипломат екіжақты күн тәртібінің басым бағыттары және 2025 жылғы 28-29 қазанда Астана қаласына Финляндия Республикасының Президенті А.Стуббтың ресми сапарының қорытындылары бойынша қол жеткізілген уағдаластықтар жөнінде хабардар етті.Елші Қазақстанның сенімді қатынастар мен көпқырлы әріптестік аясындағы қарқынды ынтымақтастықты одан әрі нығайтуға бейілді екенін атап өтті.Достық тобының жетекшісі В.Скинари Мемлекет басшысының реформалары мен бастамаларына қолдау білдіріп, Қазақстанда алдағы парламенттік реформаларды даярлау және іске асыру барысында парламентаризм бойынша тәжірибе алмасуға Финляндияның белсенді түрде қатысуға дайын екенін мәлімдеді.Ақпарат көзі : https://www.gov.kz/memleket/entities/mfa-helsinki/press/news/details/1118477?lang=kk

 2025 жылғы 1 желтоқсанда Иерусалим қаласында Қазақстан Республикасының Төтенше және Өкілетті Елшісі мен Израиль Мемлекетінің Туризм министрлігі Бас директоры мырза Михаил Ицхаков арасында туризм саласындағы екіжақты ынтымақтастықтың негізгі бағыттары талқыланған жұмыс кездесуі өтті.Кездесу барысында Қазақстан мен Израиль арасында тікелей әуе қатынасын қалпына келтіру, туристік алмасуларды дамыту және бірлескен турөнімдерді жасау мәселелеріне ерекше көңіл бөлінді. Қазақстан тарапы әуе тасымалдаушыларына сұранысты бағалау және бағыттарды бірлесіп ілгерілету бойынша қолдау көрсетуге дайын екенін білдіріп, сондай-ақ БАҚ өкілдеріне арналған пресс-турлар мен танысу сапарларын ұйымдастыруды ұсынды.Тараптар қажылық, сауықтыру және экотуризм салаларындағы ынтымақтастық перспективаларын, сондай-ақ инфрақұрылымды дамыту, цифрлық шешімдер және туристік ағындарды басқару бойынша тәжірибе алмасу мүмкіндіктерін қарастырды. Талқылау барысында Қазақстан мен Израиль арасындағы қажылық туризмнің жоғары әлеуетке ие екені атап өтілді: Қазақстан азаматтары дәстүрлі түрде Израильдің христиандық қасиетті орындарын, сондай-ақ Әл-Ақса кешенін қоса алғандағы исламдық киелі жерлерді зиярат етеді, ал израильдік қажылар Қазақстанның рухани мұрасына, соның ішінде Алматыдағы раввин Леви Ицхак Шнеерсонның жерленген жері орналасқан Хабад-Любавич Еврей орталығына қызығушылық танытады. Бұл діни-мәдени бағыттарды кеңейтуге және екі ел арасындағы гуманитарлық байланыстарды нығайтуға негіз қалайды.Қазақстан тарапы сондай-ақ өз туристік мүмкіндіктерін Израиль нарығында ілгерілетуге мүдделілік танытып, Израильдің Туризм министрлігін Алматыдағы «KITF» және «Astana Tourism Forum» сияқты елдің ірі салалық іс-шараларына қатысуға шақырды.Тараптар конструктивті диалогты жалғастыруға және бірлескен маркетингтік бастамаларды іске асыруға мүдделілік бар екенін растады. Ақпарат көзі : https://www.gov.kz/memleket/entities/mfa-tel-aviv/press/news/details/1118483?lang=kk

Женева, 2025 жылғы 3 желтоқсан – Қазақстан Республикасының Дүниежүзілік сауда ұйымы жанындағы Тұрақты өкілдігі бүгін Женевадағы ДСҰ штаб-пәтерінде басталған екі күндік Trade in Services for Development («Даму үшін көрсетілетін қызметтер саудасы») конференциясының ашылуына қатысты.Іс-шараны ДСҰ Бас директоры д-р Нгози Оконджо-Ивеала ресми түрде ашып, көрсетілетін қызметтер саудасының жаһандық экономикалық өсудің негізгі қозғаушы күштерінің бірі екенін және дамушы елдердің қатысуын кеңейту үшін ерекше көңіл бөлуді қажет ететінін атап өтті.2024 жылғы қыркүйекте өткен ДСҰ Қоғамдық форумында іске қосылған «Даму үшін көрсетілетін қызметтер саудасы» бастамасы — ДСҰ мен Дүниежүзілік банктің бірлескен бағдарламасы. Ол дамушы экономикалардың көрсетілетін қызметтер саудасы саласындағы әлеуетін арттыруға және техникалық көмек көрсетуге бағытталған.Көрсетілетін қызметтер саудасы әлемдік экономиканың ең серпінді дамып келе жатқан сегменттерінің бірі болып табылады. Көрсеілетін қызметтердің үлесі әлемдік ЖІӨ-нің шамамен 65%-ын және жаһандық жұмыспен қамтудың 50%-дан астамын құрайды. ДСҰ деректеріне сәйкес, 2024 жылы коммерциялық қызметтер саудасының көлемі 7,5 трлн АҚШ долларынан асты. Бұл көрсе ілетін қызметтер секторын әлемдік сауданың ең ірі және ең жылдам өсіп келе жатқан құрамдас бөлігіне айналдырады. Бұл үрдістер көрсетілетін қызметтер саласындағы жаһандық құн тізбектеріне қатысуды арттыруға ұмтылатын елдерді қолдаудың маңыздылығын көрсетеді.2025 жылғы 3–4 желтоқсанда өтетін конференция барысында ДСҰ Хатшылығы мен Дүниежүзілік банк бастама аясында әзірленген немесе жаңартылған жаңа құралдарды, талдамалық материалдарды және бағдарламаларды таныстыруда. Қатысушылар олардың практикалық қолданылуын, дамушы мемлекеттердің қажеттіліктерін, оңтайлы қолдау тетіктерін және ынтымақтастықты кеңейту перспективаларын талқылауда.Іс-шараға үкімет өкілдері, халықаралық ұйымдар, жеке сектор және сарапшылар қауымдастығы қатысып, тәжірибе алмасуда, үздік практикаларды талқылауда және бірлескен жұмысты күшейту жолдарын қарастыруда.Ақпарат көзі : https://www.gov.kz/memleket/entities/mfa-wto/press/news/details/1118492?lang=kk

Вена, 2025 жылғы 3 желтоқсан – Венаға сапары аясында Қазақстан Республикасының Сыртқы істер министрі Ермек Көшербаев Атом энергиясы жөніндегі халықаралық агенттіктің (АЭХА) Бас директоры Рафаэль Гроссимен кездесу өткізді.Қазақстан сыртқы саяси ведомствосының басшысы еліміздің ұлттық атом саласын дамыту және атом электр станцияларын салу жөніндегі жоспарларымен таныстырып, көміртектік бейтараптыққа қол жеткізу жөніндегі стратегиялық міндеттің өзектілігін атап өтті. Е.Көшербаев АЭХА-мен серіктестік, соның ішінде шарттық-құқықтық базаны кеңейту Қазақстан сыртқы саясатының басым бағыттарының бірі екенін айтып, Агенттіктің жаһандық қауіпсіздік архитектурасын қолдаудағы және халықаралық таратпау режимін нығайтудағы маңызды рөліне назар аударды.Министр Қазақстанмен өзара іс-қимылдың барлық бағыттары бойынша көрсетіліп келе жатқан тұрақты қолдауы үшін АЭХА басшысына алғыс білдіріп, кадрлық әлеуетті дамыту және Агенттік құрылымдарында қазақстандық мамандардың өкілдігін қамтамасыз ету жөніндегі жұмысты жалғастырудың маңыздылығына тоқталды. Қазақ дипломаты АЭХА шеңберінде мүше мемлекеттердің егемендік теңдігін қалпына келтіру мәселелері бойынша күн тәртібін ілгерілетудегі Қазақстанның елеулі үлесін де атап өтті.Р.Гросси атом энергиясын бейбіт мақсатта пайдалану саласындағы Қазақстанның маңызды үлесін және АЭС салу жоспарлары мен ядролық медицинаны дамытудан Өскемен қаласындағы АЭХА төмен байытылған уран банкінің табысты қызметіне дейінгі бастамаларын айрықша атап өтті. Ол АЭС салу жобасын іске асырудың барлық кезеңдерінде Қазақстанға жан-жақты қолдау көрсетуге дайын екенін білдіріп, ынтымақтастықтың басқа да негізгі бағыттарын қамтитын өзара іс-қимыл жөніндегі жол картасын әзірлеуді және қол қоюды ұсынды.Қазақстанда АЭХА техникалық ынтымақтастық бағдарламасы аясында жүзеге асырылып жатқан онкологиялық ауруларды емдеуге арналған инновациялық ядролық технологияларды дамыту, ауыл шаруашылығының тиімділігін арттыру, сондай-ақ бұрынғы Семей полигоны аумағын қалпына келтіру бойынша жобалар жоғары бағаланды.Кездесу қорытындысы бойынша Қазақстан мен АЭХА көпжақты ынтымақтастықты одан әрі кеңейтуге және тереңдетуге өзара мүдделілік пен дайындықты растады.Ақпарат көзі : https://www.gov.kz/memleket/entities/mfa/press/news/details/1118498?lang=kk

Бразилиа, 2025 жылғы 3 желтоқсан – Қазақстанның Елшілігінде дипломаттар бразилиялық студенттермен кездесті. Студенттерден құралған топқа Бразилияның «Ânima Educação» жоғары білім беру ұйымының мүшесі Энрике Магальес Гомес пен оларды ертіп жүрген мұғалім жетекшілік етті.Студенттер үшін Қазақстан тарихы мен мәдениеті, қазақ тілі, ұлттық тағамдар мен ел табиғаты туралы арнайы таныстырылым жасалды. Сонымен қатар, бразилиялық студенттер Елшіліктің қызметімен және Қазақстан-Бразилия екіжақты қатынастардың негізгі тұстарымен танысты.Шара барысында бразилиялық студенттер Қазақстанға, оның сыртқы саясатына, экономикасы мен білім беру жүйесіне ерекше қызығушылық танытып, оған көптеген тақырыптық сауалдар дәлел болды.«Ânima Educação» - Бразилияда 2003 жылы құрылған жекеменшік жоғары білім беру ұйымы. Студенттер саны бойынша елдегі жекеменшік оқу орындарының арасында төртінші орынға ие. Аталған ұйымның президенті болып, Марсело Баттистелла Буэно табылады. Бас кеңсесі Сан-Паулу қаласында орналасқан. Ақпарат көзі : https://www.gov.kz/memleket/entities/mfa-brazil/press/news/details/1118505?lang=kk

Париж, 3 желтоқсан, 2025 жыл — ЮНЕСКО-ның Париждегі бас пәтерінде мүгедектігі бар адамдар үшін инклюзия, яғни оларды қоғамға кіріктіру, жайында қысқаметражды фильмдердің екінші фестивалі аясында қазақтың кинематографисттері түсірген «Үміт сәулесі» атты туындының көрсетілімі өтті.Жыл сайын 3 желтоқсанда атап өтілетін Халықаралық мүгедектер күнінде өткен іс-шара мүмкіндігі шектеулі жандардың ажырамас құқықтары, күрделі өмірлік жолдары мен жарқын жетістіктері туралы көпшіліктің хабардарлығын арттыратын кинофильмдерді қолдауға арналған.Фестивальде Қазақстанның ЮНЕСКО жанындағы Тұрақты өкілдігінің қолдауымен ҚР Мәдениет және ақпарат министрлігі мен Ұлттық киноны қолдау мемлекеттік орталығы ұсынған фильмнің сюжеті отандық парадзюдошы Ерғали Шәмейдің тағдырына негізделген. Бұл шығармадағы орталық кейіпкердің шешуші күресі спорт алаңында емес, оның санасында өрбиді, бұл жекпе-жекте ол барлық күмән мен сынақтарға қарамастан, үрейлерін еңсеріп, үнемі алға ұмтылуды үйренеді. Dala Cinema киностудиясы түсірген картинаның режиссері Думан Еркінбек, продюсері Жалын Тілеубергенов болды, басты рөлді Назар Шерхан сомдаған.Айта кету керек, фильмнің түсірілімі аяқталғаннан кейін Ерғали Шәмей 2024 жылдың қыркүйек айында Парижде өткен Паралимпиада ойындарында тамаша күресіп, парадзюдодан 73 келіге дейінгі салмақ дәрежесінде күміс жүлдесін иемденді.ЮНЕСКО-ның Қазақстан алғаш рет қатысқан тақырыптық кинофестивалі аясында мүгедектігі бар адамдардың күнделікті тіршілігін, олардың алдында тұрған қиындықтарды және оларды жүйелі еңсерулерін көрсететін барлық құрлықтағы мемлекеттер ұсынған 25 қысқаметражды фильм көрсетілді. Баршаға ортақ киноның тілі арқылы бұл бастама мәдени әртүрліліктің құндылығын айшықтауға және білім берудегі, спорттағы және қазіргі қоғам өмірінің басқа да салаларындағы инклюзивті ұстанымдар мен тәсілдерді ілгерілетуді көздейді.Ақпарат көзі : https://www.gov.kz/memleket/entities/mfa-unesco/press/news/details/1118506?lang=kk

Таллин, 2025 ж. 3 желтоқсан – Қазақстан Республикасының Эстониядағы Елшісі А.Көлгінов әуежайларға арналған электрмен жабдықтау жүйелері мен жерүсті техникаларын әзірлейтін және өндіретін Еуропаның жетекші компанияларының бірі – ElectroAir кәсіпорнының өндірістік қуаттарымен танысты.Сапар барысында ElectroAir басшылығы әуе кемелеріне жерүсті қызмет көрсетудің заманауи шешімдерімен қатар, энергия үнемдеу және цифрлық бақылау технологияларын қамтитын өз өнімдерінің кең ауқымын таныстырды. Сондай-ақ ElectroAir компаниясының инновациялық әзірлемелерін қазақстандық авиациялық нысандарда қолдану мүмкіндіктері мен өндірісті жергілікті деңгейде ұйымдастыру перспективаларына ерекше назар аударылды.Қазақстан Елшісі авиациялық инфрақұрылым саласындағы ынтымақтастықтың жоғары әлеуетін атап өтіп, Қазақстанның озық технологияларды тартуға және еуропалық өнеркәсіптік кәсіпорындармен әріптестікті дамытуға мүдделі екенін атап өтті. Ақпарат көзі : https://www.gov.kz/memleket/entities/mfa-tallin/press/news/details/1118470?lang=kk

Брюссель, 2025 жылғы 2 желтоқсан – Қазақстан Республикасы мен Еуропалық одақ арасындағы Визалық режимді жеңілдету туралы келісім және Реадмиссия туралы келісім бойынша алғашқы ресми келіссөздер раунды өтті.Отырысты Қазақстан Республикасы Сыртқы істер министрінің орынбасары Әлібек Бақаев пен Еуропалық комиссияның Миграция және ішкі істер жөніндегі бас директораты бас директорының орынбасары Йоханнес Лухнер тең төрағалық етті.Келіссөздердің басталуы символдық әрі маңызды оқиға болды. Желтоқсан айында Қазақстан мен ЕО арасындағы Кеңейтілген серіктестік пен ынтымақтастық туралы келісімге қол қойылғанына 10 жыл толады. Жаңа келіссөздер трегінің іске қосылуы он жыл бойы жүйелі түрде дамып келе жатқан қатынастардың жетілгенін, мазмұндылығын және стратегиялық бағыттылығын көрсетеді.Тараптар келіссөздердің ашылуы сенім деңгейінің артуын, азаматтар үшін мүмкіндіктерді кеңейтуге, гуманитарлық және қоғамдық байланыстарды нығайтуға деген ортақ ұмтылысты айқын көрсететінін атап өтті. Сонымен қатар бұл келіссөздер Еуропалық одақ пен Орталық Азия мемлекеті арасындағы алғашқы процесс екені және осы қадамға тарихи мән беретіндігі ерекше аталып өтті.Талқылау конструктивті және іскерлік жағдайда өтті. Тараптар өз көзқарастарымен алмасып, бастапқы бағдарларды келісіп, алдағы жұмыстың негізгі бағыттарын айқындады. Келіссөздер екі тараптың да алға дәйекті түрде ілгерілеуге және сапарларды жеңілдетуге, адамдар арасындағы байланыстарды нығайтуға, ынтымақтастықты кеңейтуге ықпал ететін заманауи құқықтық база қалыптастыруға дайын екенін көрсетті.Ресми келіссөздердің басталғаны ҚР Сыртқы істер министрі Ермек Көшербаев пен ЕО Сыртқы саясат және қауіпсіздік саясаты жөніндегі жоғары өкілі Кая Калластың төрағалығымен 1 желтоқсанда Брюссельде өткен Қазақстан-Еуроодақ ынтымақтастық кеңесінің 22-ші отырысы кезінде жарияланды.Қазақстан мен Еуропалық одақ келіссөздерді жалғастыруға және келесі раундты 2026 жылы Астанада өткізуге уағдаласты.Ақпарат көзі : https://www.gov.kz/memleket/entities/mfa/press/news/details/1118465?lang=kk

Шымкент қаласының орта арнаулы білім беру ұйымдарында «Таза Қазақстан» экологиялық жобасы аясында арнайы іс-шаралар ұйымдастырылды. Солардың бірі – Шымкент қаласындағы Политехникалық колледжінде өткен экологиялық акция. Бұл шараның негізгі мақсаты жастардың экологиялық мәселелерге деген жауапкершілігін арттыру және табиғатты қорғау мәдениетін қалыптастыру болды.Іс-шараның аясында студенттер экология мәселелерін талқылап, экологиялық жауапкершіліктің жеке адамға немесе мемлекетке жүктелетінін қарастырды. «Экологиялық мәселелер – бұл әр азаматтың жеке жауапкершілігі ме, әлде мемлекеттің міндеті ме?» деген тақырыпта өткен эко-дебаттың барысында студенттер экология саласындағы жауапкершілік пен міндеттемелерді нақты дәлелдермен талқылады.Дебат барысында «Қолдау» тобы экологиялық қауіпсіздікті қамтамасыз етуде мемлекет басты рөл атқаруы тиіс деген пікір білдірді. Олар экологиялық заңдарды қабылдау, өнеркәсіптік бақылауды күшейту және қоқыс өңдеу жүйелерін дамыту мәселелерін көтеріп, осы мәселелердің мемлекеттің міндеті екендігін атап өтті.Ал «Қарсы» тобы экологиялық мәдениет әр адамның жеке әрекеті болуы тиіс деген пікірде болды. Олар қоқысты сұрыптау, табиғи ресурстарды үнемдеу және еріктілер қозғалысына қатысу секілді шараларды қоғам өздігінен жүзеге асыра алатынын алға тартты. Студенттер халықаралық тәжірибе мен түрлі ұйымдардың жетістіктеріне де тоқталды.Экология тақырыбында өткізілген тағы бір маңызды шара – «Табиғаттың жас қорғаушылары» биология бағытындағы ғылыми жобалар байқауы болды. Байқауға қатысушылар өздерінің зерттеу жұмыстарын қорғап, табиғатқа деген құрмет пен жауапкершілік сезімін арттыруға бағытталған жобаларын ұсынды. Бұл сайыс жастардың табиғатты қорғауға деген қызығушылығын күшейтті.Шара барысында «Тазалық меннен басталады!» атты көркем сурет галереясы да ұйымдастырылды. Студенттер экология тақырыбындағы ойларын шығармашылық түрде көрсетіп, табиғатты қорғау мәселесіне өз көзқарастарын жеткізді. Бұл көрме жастардың экологиялық сана-сезімін арттыруға арналған маңызды құрал болып табылды.Политехникалық колледжде өткен «Таза Қазақстан» жобасы аясындағы экологиялық акция жастарды табиғатты құрметтеуге, қоршаған ортаны қорғауға және экологиялық бастамаларға өз үлестерін қосуға шақырады. Мұндай іс-шаралар жастардың экологияға деген оң көзқарасын қалыптастыруға үлкен үлес қосады.

2025 жылғы 3 желтоқсанда Қазақстан Республикасы Сыртқы істер министрлігінің Ерекше тапсырмалар жөніндегі елшісі – Алматы қаласындағы ҚР СІМ Өкілдік басшысы, Жәнібек Әбдрашов, «Қазақстан Республикасының Қызыл Жарты Ай қоғамы» Президенті Еркебек Арғымбаевты және Бас директоры Әсел Тастанованы қабылдады. Кездесу барысында тараптар төтенше жағдайларға жедел әрекет ету саласындағы ынтымақтастық мәселелерін, халықтың осал топтарын қолдауды және гуманитарлық көмекті, әсіресе күшейіп келе жатқан климаттық сын-қатерлер контекстінде, талқылады. Соңында тараптар гуманитарлық қауіпсіздік саласындағы белсенді ынтымақты жалғастыруға келісті.Ақпарат көзі : https://www.gov.kz/memleket/entities/mfa-almaty/press/news/details/1118453?lang=kk

 Ақпарат көзі : https://www.gov.kz/memleket/entities/kostanai-kalasy-akimat/press/news/details/1118411?lang=kk

Аудан әкімдігінің отырысына Жақсы аудандық мәслихатының төрағасы, ауыл және ауылдық округ әкімдері, жергілікті бюджеттен қаржыландырылатын атқарушы органдардың басшылары, аудандық аумақтық мемлекеттік органдардың өкілдері, БАҚ өкілдері шақырылды.Отырыс барысында келесі мәселелер қаралды:1.Инвестицияларды тарту бойынша қабылданатын шаралар және олардың тиімділігі туралы;2.Жақсы ауданында автомобиль жолдарында жөндеу жұмыстарын аяқтау және қысқы кезеңде оларды күтіп-ұстау бойынша қабылданған шаралар туралы.Аудан әкімдігінің отырысынан кейін ағымдағы мәселелер бойынша кеңес өтті.Кеңестің күн тәртібінде келесі мәселелер қаралды:1.Желтоқсан айындағы мерекелерге арналған мәдени-бұқаралық іс-шараларды өткізу туралы;2.Ауылдық елді мекендердегі ғимараттар мен басқа да нысандарды декоративтік безендіру жұмыстарын ұйымдастыру туралы;3.«Ауыл аманаты» бағдарламасын іске асыру. Инвестициялар бойынша жылдық көрсеткіштердің орындалуы;4.ЖТҮҚ арналған жер учаскесін алу туралы. Отырыстың аяқталуында Ақмола облысының әкімі атынан «Қазақтелеком» АҚ Жақсы аудандық филиалының басшысы Қуанышпаев Нұрлан Есетовичке Республика күні мен Мемлекеттік егемендік туралы Декларацияның қабылдануына 35 жыл толуына орай, ауданның әлеуметтік-экономикалық дамуына және мемлекеттiлiктi нығайтуға қосқан белсенді үлесі үшін Құрмет грамотасы табысталды.Сондай-ақ Қазақстан статистикасының 105 жылдығына орай Ақмола облысы бойынша Қазақстан Республикасының Стратегиялық жоспарлау және реформалар Агенттігі Ұлттық статистика бюросы Департаментінің грамоталарымен Жақсы ауылының әкімі – Калентионок Евгений Евгеньевич, Ешім ауылдық округінің әкімі – Борамбаева Диана Сайрановна, Тарасов ауылдық округінің әкімі – Құдайбергенова Құралай Қойшыбайқызы марапатталды. Ақпарат көзі : https://www.gov.kz/memleket/entities/aqmola-zhaksy/press/news/details/1118413?lang=kk

 Заң зияткерлік меншік құқықтарын қорғауды күшейтуге  бағытталған.Қазақстан Республикасының зияткерлік меншік мәселелері бойынша заңнамалық актілеріне енгізілген өзгерістер:Басты жаңалық ұжымдық құқықтарды басқару  саласында Бірыңғай цифрлық платформа (БЦП) болды. Ол шығармалардың, туындылардың пайладанылуын  және сыйақы есептеуді  бірыңғай жүйеде тіркеуге мүмкіндік береді, бұл авторлармен пайдаланушылар үшін ашықтық пен қолайлықты қамтамасыз етеді. Бұл платформаны енгізу сыйақыны жинау мен бөлуді әділ етеді. Көрсетілген сыйақыны сараптама ұйымы Заңға сәйкес құқықтарды ұжымдық басқару жөніндегі ұйымдар арасында бөледі. Сыйақының мөлшерін, оны жинау, бөлу және төлеу тәртібін Қазақстан Республикасының уәкілетті органы белгілейді.Цифрландыру зияткерлік меншік саласындағы ашықтық пен тиімділікті арттыра түседі.Сонымен қатар, көру қабілеті бұзылған адамдарға жарияланған шығармаларға автор рұқсатынсыз және сыйақысыз қол жеткізу мүмкіндігі берілді.Тауар белгісін тіркеу мерзімі жеделдетілген тәртіпте 3 айға дейін қысқарды.Тауар белгісін тіркеуге қарсы шығу мерзімі 1 айдан 2 айға дейін ұзартылды.         Авторлық және сабақтас құқықтарға мемлекеттік бақылау күшейтілді.         Сонымен қатар, осы заңның  негізінде, Қазақстан Республикасының азаматтық кодексіне (ерекше бөлім),  Кәсіпкерлік кодексіне,  «Қазақстан Республикасындағы кедендік реттеу туралы» Кодексіне, «Авторлық құқық және сабақтас құқықтар туралы», «Селекциялық жетістіктерді қорғау туралы», «Қазақстан Республикасының Патент Заңы», «Тауар белгілері, қызмет көрсету белгілері, географиялық нұсқамалар және тауарлар шығарылған жерлердің атаулары туралы», «Интегралдық микросхемалар топологияларын құқықтық қорғау туралы», «Әділет органдары туралы» Заңдарына өзгерістер енгізілді.Бірқатар өзгерістер-әсіресе тауар белгісін тіркеу тәртібі, цифрлық платформа- қолданысқа 2026 жылы енгізіледі.Ақпарат көзі : https://www.gov.kz/memleket/entities/altay-maslihat/press/news/details/1118863?lang=kk

Ағымдағы жылдың 2 желтоқсан күні Басқұдық ауылдық мәдениет үйінде Қазақстан халқы Ассамблеясының 30 жылдығына орай концерттік шара өтті. Іс-шара Маңғыстау облыстық Ақпарат және қоғамдық даму басқармасының қолдауымен және "Parasat Aktau" қоғамдық бірлестігінің ұйымдастыруымен өткізілді. Бұл шара еліміздегі бейбітшілік пен келісімді, ұлтаралық татулықты дәріптеуге арналған маңызды мерекелік кеш болды.Концерттік кешті "Parasat Aktau" қоғамдық бірлестігінің басшысы Толқын Бердібайқызы ашып, Қазақстан халқы Ассамблеясының қоғамдағы орны мен рөлін ерекше атап өтті. Ол өз сөзінде елдегі татулық пен тұрақтылық – әрбір азаматтың ортақ құндылығы екенін тілге тиек етті.Шара барысында әр түрлі ұлт өкілдерінің өнерпаздары өз мәдениеттерін таныстырып, ән мен биден шашу шашты. Ұлттық киімдер киіп шыққан өнер ұжымдары көрерменге көтеріңкі көңіл күй сыйлап, көпұлтты Қазақстанның біртұтас рухын бейнеледі.Ақпарат көзі : https://www.gov.kz/memleket/entities/mangystau-munaily-basqudyq/press/news/details/1118383?lang=kk

Кербұлақ ауданы бойынша УГД-де азаматтар мен кәсіпкерлер арасында салық заңнамасындағы алдағы өзгерістер туралы ақпаратты кеңінен тарату мақсатында кең ауқымды «Ашық есік күні» өткізілді. Іс-шараның басты мақсаты – 2026 жылдан бастап күшіне енетін жаңа Салық кодексінің негізгі ережелерін түсінікті әрі қолжетімді түрде жеткізу.Кездесуге қатысқан шағын және орта бизнес өкілдері, жеке кәсіпкерлер және жергілікті қауымдастық мүшелері жаңа кодексте қарастырылған жаңашылдықтар жөнінде жан-жақты мәлімет алды. Атап айтқанда, салықтық әкімшілендіруді жеңілдету, есептілікті оңтайландыру, цифрландыруды арттыру және бюрократиялық тосқауылдарды жоюға бағытталған нормалар егжей-тегжейлі түсіндірілді.Шара барысында қатысушылар өздерін қызықтырған сұрақтарын қойып, практикалық жағдайларға қатысты нақты мысалдар арқылы түсініктемелер алды. Сонымен қатар, жаңа талаптарға алдын ала дайындалу және оларды дұрыс орындау бойынша ұсыныстар берілді.Мұндай «Ашық есік күндері» тұрғындар мен кәсіпкерлік субъектілерінің құқықтық сауаттылығын арттыруға, салық жүйесіне деген сенімді нығайтуға және мемлекеттік органдардың ашықтығын қамтамасыз етуге бағытталған.Ақпарат көзі : https://www.gov.kz/memleket/entities/kgd-zhetysu/press/news/details/1118284?lang=kk

2025 жылғы 3 желтоқсанда «Майқапшагай» кеден бекетінде бекет қызметкерлері және сыртқы экономикалық қызметке (СЭҚ) қатысушылардың өкілдері қатысқан кеңейтілген дөңгелек үстел өтті. Іс-шара сыбайлас жемқорлыққа қарсы іс-қимыл, мемлекеттік қызмет туралы заңнама және мемлекеттік қызметшілердің Әдеп кодексі талаптарын сақтау мәселелеріне арналды.Дөңгелек үстелдің мақсаты – қызметкерлер мен бизнес өкілдерінің құқықтық сауаттылығын арттыру, сыбайлас жемқорлыққа қарсы мәдениетті нығайту, мемлекеттік органдар мен ВЭД қатысушылары арасындағы ашық диалогты дамыту.Кездесу барысында Қазақстан Республикасының «Сыбайлас жемқорлыққа қарсы іс-қимыл туралы» және «Мемлекеттік қызмет туралы» заңдарының негізгі қағидалары, сыбайлас жемқорлық құқықбұзушылықтары үшін жауапкершілік, тәуекелдердің алдын алу тетіктері және қызметтік әдеп нормаларын сақтау мәселелері талқыланды.Талқылау барысында кедендік рәсімдеу кезінде туындайтын практикалық жағдайлар, мүдделер қақтығысын болдырмау жолдары, транспаренттілікті арттыру және бизнес пен мемлекеттік органдар арасындағы сенімді нығайту мәселелері қарастырылды.«Майқапшагай» кеден бекеті сыбайлас жемқорлыққа қарсы стандарттарды нығайту, заңнаманы сақтау және ВЭД қатысушыларымен серіктестік қарым-қатынасты дамыту бағытындағы жүйелі жұмысты жалғастыра береді.Ақпарат көзі : https://www.gov.kz/memleket/entities/kgd-vko/press/news/details/1118290?lang=kk

ЖАУЫН-ШАШЫН САЛДАРЫНАН ЖИНАЛҒАН СУЛАРДЫ АЛУ ЖҰМЫСТАРЫ ЖҮРГІЗІЛУДЕЖиналған суға қатысты фото және видео материалдарыңызды Атамекен ауылдық округі әкімінің орынбасарына WhatsApp арқылы жолдауға болады. Берілген материалдар мәселені нақты анықтап, тиісті шаралардың уақытылы атқарылуына көмектеседі.Кемежанов Әнет: +7 701 136 3226Ақпарат көзі : https://www.gov.kz/memleket/entities/mangystau-munaily-atameken/press/news/details/1118299?lang=kk

Аксу ауданының Мемлекеттік кірістер басқармасында алдағы салық заңнамасындағы өзгерістер туралы халық пен кәсіпкерлерді кеңінен ақпараттандыру мақсатында «Ашық есік күні» ұйымдастырылды.Іс-шараның басты мақсаты – 2026 жылдан бастап күшіне енетін жаңа Салық кодексінің негізгі ережелерімен қатысушыларды таныстыру болды.Кездесу барысында жаңа кодекстегі нормалар жан-жақты түсіндіріліп, әсіресе қосылған құн салығы (ҚҚС), корпоративтік табыс салығы (КТС) және жеке табыс салығына (ЖТС) қатысты жаңашылдықтарға ерекше назар аударылды.Сонымен қатар кәсіпкерлер шағын және орта бизнеске арналған салық салудың ерекшеліктері, салықтық әкімшілендіруді жеңілдету және бизнес үшін бюрократиялық кедергілерді азайтуға бағытталған шаралар туралы толық ақпарат алды.Іс-шара ашық диалог форматында өтіп, қатысушылар өздерін қызықтырған барлық сұрақтарға жауап алды.Ақпарат көзі : https://www.gov.kz/memleket/entities/kgd-zhetysu/press/news/details/1118212?lang=kk

2026 жылғы 1 қаңтардан бастап жаңа Салық кодексіне сәйкес қосылған құн салығы (ҚҚС) бойынша тіркеу есебіне қоюдың жаңа тәртібі күшіне енеді.Бұл өзгерістер салықтық әкімшілендіруді оңайлатуға, салықтық процедуралардың ашықтығын жоғарылатуға және бизнесті жасау үшін неғұрлым қолайлы жағдай жасауға бағытталған.ҚҚС бойынша тіркеу есебіне қою үш нысанда жүзеге асырылатын болады:- ерікті – салық төлеушінің қалауы бойынша, айналым шегіне жеткенге дейін;- міндетті – жылдық айналым 10 000 АЕК-тен (шамамен 43 млн теңге) асқан жағдайда;- шартты – қазақстандық тұтынушыларға электрондық қызмет көрсететін немесе онлайн-сатуды жүзеге асыратын шетелдік компаниялар үшін.ҚҚС бойынша тіркеу есебінен қоюға жатпайтындар:- мемлекеттік мекемелер;- филиалдар;- жеке практикамен айналысатын тұлғалар (адвокаттар, нотариустар, медиаторлар, сот орындаушылар);- дара кәсіпкер болып табылмайтын жеке тұлғалар;- арнайы салық режимін (АСР) қолданатын салық төлеушілер.       Шекті мәндерОңайлатылған декларация бойынша АСР қолдану үшін жылдық айналымның шекті мөлшері 600 000 АЕК (шамамен 2,6 млрд теңге) құрайды.Бұл шағын бизнес субъектілерінің ҚҚС бойынша тіркеу есебінен қоймай оңайлатылған жүйе бойынша жұмыс істеуіне мүмкіндік береді.ҚҚС бойынша міндетті түрде тіркеу есебіне қою тек жалпыға бірдей белгіленген салық салу режимі бойынша жұмыс істейтін салық төлеушілер үшін ғана көзделген.Жалпыға бірдей белгіленген тәртіпке көшу2026 жылдан бастап арнайы салық режимін қолданатын салық төлеушілер ҚҚС төлеуші бола алмайды.ҚҚС төлеуші мәртебесін сақтау үшін 2026 жылғы 1 қаңтардан бастап жалпыға бірдей белгіленген тәртіпке көшуі тиіс.Таңдалған режим туралы хабарлама 2026 жылғы 1 наурызға дейін ұсынылады.Оңайлатылған режимде қалатындарға ұсынылады:- 2025 жылдың соңына дейін ҚҚС бойынша тіркеу есебінен шығу;- 2025 жылғы IV тоқсан үшін 300.00-нысаны бойынша декларацияны 2026 жылғы 16 ақпаннан кешіктірмей тапсыру.       Тіркеу мониторингі және бақылаудың жаңа іс-шараларыСалықтық тіркеуді қадағалау мониторингі енгізіледі. Бұзушылықтар анықталған жағдайда салық төлеушіге 30 жұмыс күні ішінде оны жою туралы хабарлама жіберіледі.2026 жылдан бастап салық органдары ҚҚС бойынша тіркеу есебінен мәжбүрлі түрде шығару шараларын қолданбайды.Оның орнына, бұзушылықтар болған кезде (мысалы, орналасқан жері бойынша болмауы) бұзушылықтар жойылғанға дейін электрондық шот-фактураларды (ЭСФ) жазып беру уақытша тоқтатылатын болады.       ҚҚС бойынша тіркеу және есептен шығу мәселелері бойынша барлық өтініштерді «Салық төлеушінің кабинеті» арқылы немесе eGov.kz порталы арқылы электронды түрде беруге болады. Павлодар облысы бойынша Мемлекеттік кірістер департаменті салық төлеушілерге ҚҚС бойынша жаңа тіркеу тәртібімен алдын ала танысуды және өздеріңіздің қызметтеріңіз үшін салықтық режимді уақытынан бұрын анықтауға ұсынады. Ақпарат көзі : https://www.gov.kz/memleket/entities/kgd-pavlodar/press/news/details/1118172?lang=kk