Хельсинки, 2025 жылғы 4 желтоқсан - Қазақстанның Финляндиядағы Елшілігінде еліміздің туристік әлеуетіне арналған презентация өтті. Іс-шара фин қоғамдастығын Қазақстанның бай табиғаты, мәдени мұрасы және қарқынды дамуы жөнінде кеңінен таныстыру алаңына айналды.Презентация барысында туризм Қазақстан мен Финляндия арасындағы екіжақты ынтымақтастықтың маңызды салаларының бірі екені атап өтілді. Сондай-ақ Қазақстанда туристік саланы дамыту мемлекеттік саясаттың басым бағыттарының қатарына енетіні және Президент Қасым-Жомарт Тоқаевтың халықаралық ашықтықты кеңейтуге, мәдени дипломатияны нығайтуға және орнықты экономикалық бастамаларды ілгерілетуге бағытталған саяси бағытымен үндесетіні ерекше назарға алынды. Сонымен қатар екі ел арасындағы өзара туристік ағынды арттырудың, туристік және білім беру ұйымдары арасындағы тікелей байланыстарды нығайтудың маңызы атап көрсетілді.Іс-шара аясында қатысушыларға Қазақстанның негізгі туристік бағыттары таныстырылды: заманауи қалалар мен іскерлік туризм орталықтарынан бастап Ұлы Жібек жолының мәдени мұра нысандарына дейін. Сондай-ақ елдің бірегей туристік өнімін қалыптастыратын табиғи көрікті жерлерге – таулы бағыттарға, ұлттық парктерге, дала ландшафттарына және мөлдір таза көлдерге ерекше көңіл бөлінді.Презентацияға бизнес, Финляндияның жетекші университеттерінің өкілдері мен студенттері, сондай-ақ туристік контент пен халықаралық шолуларға маманданған блогерлер мен медиа-коммуникаторлар қатысты.Ресми бөлім аяқталған соң қонақтар қазақтың ұлттық тағамдарынан дәм татып, Қазақстанның табиғи және мәдени көрікті жерлерін бейнелейтін фотосуреттер көрмесін тамашалады.Ақпарат көзі : https://www.gov.kz/memleket/entities/mfa-helsinki/press/news/details/1118974?lang=kk

2025 жылғы 1 желтоқсанда Иерусалим қаласында Қазақстан Республикасының Төтенше және Өкілетті Елшісі мен Израиль Мемлекетінің Туризм министрлігі Бас директоры мырза Михаил Ицхаков арасында туризм саласындағы екіжақты ынтымақтастықтың негізгі бағыттары талқыланған жұмыс кездесуі өтті.Кездесу барысында Қазақстан мен Израиль арасында тікелей әуе қатынасын қалпына келтіру, туристік алмасуларды дамыту және бірлескен турөнімдерді жасау мәселелеріне ерекше көңіл бөлінді. Қазақстан тарапы әуе тасымалдаушыларына сұранысты бағалау және бағыттарды бірлесіп ілгерілету бойынша қолдау көрсетуге дайын екенін білдіріп, сондай-ақ БАҚ өкілдеріне арналған пресс-турлар мен танысу сапарларын ұйымдастыруды ұсынды.Тараптар қажылық, сауықтыру және экотуризм салаларындағы ынтымақтастық перспективаларын, сондай-ақ инфрақұрылымды дамыту, цифрлық шешімдер және туристік ағындарды басқару бойынша тәжірибе алмасу мүмкіндіктерін қарастырды. Талқылау барысында Қазақстан мен Израиль арасындағы қажылық туризмнің жоғары әлеуетке ие екені атап өтілді: Қазақстан азаматтары дәстүрлі түрде Израильдің христиандық қасиетті орындарын, сондай-ақ Әл-Ақса кешенін қоса алғандағы исламдық киелі жерлерді зиярат етеді, ал израильдік қажылар Қазақстанның рухани мұрасына, соның ішінде Алматыдағы раввин Леви Ицхак Шнеерсонның жерленген жері орналасқан Хабад-Любавич Еврей орталығына қызығушылық танытады. Бұл діни-мәдени бағыттарды кеңейтуге және екі ел арасындағы гуманитарлық байланыстарды нығайтуға негіз қалайды.Қазақстан тарапы сондай-ақ өз туристік мүмкіндіктерін Израиль нарығында ілгерілетуге мүдделілік танытып, Израильдің Туризм министрлігін Алматыдағы «KITF» және «Astana Tourism Forum» сияқты елдің ірі салалық іс-шараларына қатысуға шақырды.Тараптар конструктивті диалогты жалғастыруға және бірлескен маркетингтік бастамаларды іске асыруға мүдделілік бар екенін растады. Ақпарат көзі : https://www.gov.kz/memleket/entities/mfa-tel-aviv/press/news/details/1118976?lang=kk

Лакителек, 29 қараша 2025 жыл - Мажарстандағы жетекші жоғары оқу орындарында білім алып жүрген 30-дан астам қазақстандық студент  Лакителек Халық университетінде («Lakitelek Népfőiskola») ұйымдастырылған арнайы кездесуге қатысты. Шараға «ELTE», «Corvinus», «Debrecen», «BUEB» және «Pecs» университеттерінің студенттері келді. Іс-шара Мажарстан Парламентінің вице-спикері Шандор Лежактың патронаждығымен өтіп, Қазақстанға арналды.Кездесуге Қазақстанның Мажарстандағы Төтенше және Өкілетті Елшісі Абзал Сапарбекұлы, «Отандастар қоры» КеАҚ Президенті Данияр Қадыров, сондай-ақ Лакителек Халық университетінің профессоры әрі Мажарстан Парламентінің вице-спикері Шандор Лежак қатысты. Сонымен қатар, Қазақстан мәдениеті мен ұлттық спорт түрлеріне қызығушылық танытатын мажарлық азаматтар да шақырылды.Іс-шараның негізгі мақсаты – шетелде білім алып жүрген қазақстандық жастармен байланысты нығайту, олардың отансүйгіштік рухын көтеру, мәдени және білім саласындағы ынтымақтастықты кеңейту.Кездесу барысында Елші Абзал Сапарбекұлының қазақ-мажар стратегиялық серіктестігі туралы дәрісі тыңдалды, студенттер Қазақстан туралы әзірлеген баяндамаларын ұсынды. Сонымен қатар Жанаргүл Феньвеши жетекшілік еткен «Мажар-қазақ этноспорт және мәдениет қауымдастығының» асық ату және тоғызқұмалақ ойындары бойынша шеберлік сабақтары өткізілді.Анықтама: «Lakitelek Népfőiskola» (Лакителек Халық университеті) - Мажарстандағы ең ірі мәдени-ағартушылық орталықтардың бірі. Оқу орны 1991 жылы Мажарстан Парламентінің вице-спикері, қоғам қайраткері және жазушы Шандор Лежактың бастамасымен құрылды. Университет Лакителек қаласында орналасқан және тәуелсіз білім беру әрі мәдени мекеме ретінде жұмыс істейді.«Lakitelek Népfőiskola»-ның негізгі миссиясы - гуманитарлық және мәдени білімді дамыту, ұлттық дәстүрлерді сақтау, сондай-ақ қоғамдық дипломатия мен халықаралық жастар байланыстарын нығайту. Университет жастар мен ересектерге арналған білім беру бағдарламаларын жүзеге асырады, конференциялар, гуманитарлық форумдар, мәдени шаралар, тарих, әдебиет, мәдени мұра және ұлттық болмыс тақырыптарында оқыту бағдарламаларын өткізеді. Сондай-ақ түркі әлемі елдерімен ынтымақтастықты қамтитын халықаралық алмасуларға белсенді қатысады. «Lakitelek Népfőiskola» «Hungarikum Liget» ұйымының құрылымына кіреді. Қор кампусты дамыту, мәдени және ғылыми орталықтар құру, қоғамдық және ғылыми бастамаларды қолдау бағытында жұмыс істейді.«ELTE» университетінің Халықаралық қатынастар факультетінің 3-курс студенті Тәуекел Шадияр қазақстандық жастардың бастамасы туралы айтты: «Мажарстанда оқитын қазақстандық студенттерді біріктіру үшін «Quryltai Hu» қауымдастығын құрдық. Ай сайын мәдени-білім шараларын өткіземіз. Сондай-ақ Еуропаның 11 еліндегі қазақстандық студенттік ұйымдарды біріктіретін «Qazaq Society» қауымдастығының мүшесіміз. Мақсатымыз – бірлікті нығайту және байланыстарды кеңейту», – деді ол.«Corvinus» университетінің «Бизнес әкімшілігі және менеджмент» мамандығының 4-курс студенті Елнара Исрайл өз әсерімен бөлісті: «Біз студенттер жиі бас қосамыз. Елшілік ұйымдастыратын және өзіміз өткізетін іс-шараларға белсенді қатысамыз. Мерекелерде жиналып бешбармақ дайындаймыз, тек қазақша сөйлесеміз. Осындай басқосулар Отанды ұмыттырмайды. Қазақстан - әрқашан жүрегімде», – деді ол.Кездесу аясында «Отандастар қоры» Президенті Данияр Қадыров Мажарстандағы «Барыс» мажар-қазақ қоғамы мен «Мажар-Қазақ» мәдени ұйымдарының жетекшілерімен және белсенділерімен жүздесті. Жиын соңында қазақ ұйымдарына «Қоржын» жобасы аясында домбыралар мен ұлттық киімдер табысталды.Ақпарат көзі : https://www.gov.kz/memleket/entities/mfa-budapest/press/news/details/1118909?lang=kk

Будапешт, 2025 жылғы 1 желтоқсан – Қазақстан Республикасының Мажарстандағы Төтенше және Өкілетті Елшісі Абзал Сапарбекұлы Мажарстан Ауыл шаруашылығы министрлігінің ауыл шаруашылығы мәселелері жөніндегі Мемлекеттік хатшысы Имре Хубай мырзамен кездесті. Кездесу барысында Қазақстан мен Мажарстан арасындағы ауыл шаруашылығы саласындағы ынтымақтастықтың қазіргі жағдайы мен даму перспективалары туралы жан-жақты ақпарат ұсынылды.Тараптар мажар компанияларының Қазақстанның аграрлық секторын дамытуға қатысу мәселелерін талқылады. Атап айтқанда, Қазақстанда құрама жем және премикс өндіру жобаларын жүзеге асыруды жоспарлап отырған UBM компаниялар тобының қызметі сөз болды. Мажар агробизнес компаниялары өсімдіктерді қорғау құралдары, генетика, ирригациялық технологиялар және азық-түлік өңдеу салаларындағы қазақстан-мажар бірлескен жобаларға белсенді қатысып жатқаны атап өтілді. Қазақстан мен Мажарстанда жүргізілген сорго, бидай, тритикале, арпа және жоңышқа бойынша экологиялық сынақтар оң нәтижелер көрсетткеніне де мән берілді.Осы ретте, өсімдік және мал шаруашылығы салаларында тәжірибе алмасуды, сондай-ақ мажарлардың жоғары өнімді сорттары мен будандарын сынау жөніндегі жобаларды жүзеге асыруды жалғастыруға кездесу барысында келісілді. Тұқым шаруашылығындағы халықаралық стандарттау саласындағы ынтымақтастыққа қызығушылық та сөз болды. Қазақстан үшін ЕО стандарттары мен осы саладағы басқа да нормативтерді қабылдау ерекше маңызға ие екендігі атап өтіліп, сорттық сертификаттау схемаларын енгізу және халықаралық саудадағы тұқым айналымын бақылау мәселелері қаралды.Кездесуде логистикалық әріптестікті өзара тиімді кеңейту мәселесі де қаралды. Бұл бағыт қосымша мүмкіндіктер ашады: Мажарстан қазақстандық аграрлық өнімдер үшін Еуропаға шығатын қақпа бола алады, ал Қазақстан өз тарапынан Орталық Азия және Қытай нарықтарына қол жеткізуді қамтамасыз етеді.Отандық ауыл шаруашылығы өнімдерінің экспорттық әлеуеті бойынша мәселе талқыланды. Атап айтқанда, Еуропа, соның ішінде Мажарстанның нарықтарына қайта өңделген ауыл шаруашылығы өнімдері мен биопродукция жеткізуге елеулі әлеуеттің бар екені ерекше атап өтілді. Сондай-ақ, Елші А.Сапарбекұлы мажар тарапын Қазақстанның агроөнеркәсіптік кешеніндегі инвестициялық жобаларды іске асыруға белсенді қатысуға шақырды. Осы орайда, сүтті ірі қара шаруашылығын, құс шаруашылығын, тұқым шаруашылығын, ара шаруашылығын және қазақстандық АӨК-тің өзара байланысты бағыттары – өсімдік шаруашылығын, биожем мен биотыңайтқыштардың қарқынды дамып келе жатқан салаларын дамыту бойынша әртүрлі инвестициялық мүмкіндіктер таныстырылды.Еліміздің инвестиция саласындағы мемлекеттік қолдау шаралары, салықтық ынталандырулар және инфрақұрылымдық қолдау туралы ақпарат берілді.Талқылау барысында ауыл шаруашылығы саласындағы ынтымақтастық бағытында Қазақстан-Мажарстан Үкіметаралық комиссиясының жұмысы мен нәтижелері де атап өтілді.Кездесу қорытындысы бойынша 2026 жылдың басында Мажарстан Ауыл шаруашылығы министрлігінің делегациясының Қазақстанға сапарын ұйымдастыру туралы келісімге қол жеткізілді. Сапар барысында мажар сарапшылары инвестициялық перспективаларды зерттеп, қазақстандық нарықпен және агроөнеркәсіптік кешенді мемлекеттік қолдау шараларымен таныса алады. Тараптар сондай-ақ екі елдің агроөнеркәсіптік секторын дамыту бойынша белгіленген бағыттарда ынтымақтастықты жалғастыруға уағдаласты.Ақпарат көзі : https://www.gov.kz/memleket/entities/mfa-budapest/press/news/details/1118884?lang=kk

Будапешт, 2025 жылғы 2 желтоқсан - Мажарстан астанасында Түркі мемлекеттері ұйымына (ТМҰ) мүше және бақылаушы елдердің диаспора мәселелеріне жауапты министрлері мен меморган басшыларының 7-отырысы өтті.Бұл жиын -  ТМҰ аясында Мажарстанда алғаш рет ұйымдастырылған жоғары деңгейдегі диаспоралық іс-шара болды. Кездесу Мажарстанның шетелдегі мажар қауымдастықтары жөніндегі мемлекеттік хатшысы Лёринц Начтың қонақжайлығымен өтті. Қазақстан тарапынан шараға «Отандастар қоры» КЕАҚ Президенті Данияр Қадыров және Қазақстанның Мажарстандағы Елшісі Абзал Сапарбекұлы қатысты.ТМҰ-ға мүше мемлекеттердің атынан Әзербайжан, Өзбекстан, Қырғызстан және Түркияның өкілдері қатысты. Сондай-ақ жиынға ТМҰ Бас хатшысы Құбанычбек Омуралиев және ТМҰ-ның Будапешттегі кеңсесінің атқарушы директоры Балаж Хендрих қатысты.Отандастар қоры президенті Данияр Қадыров өз сөзінде диаспоралармен жұмыс істеудің гуманитарлық дипломатияның маңызды бағытына айналғанын атап өтті. Ғаламдық өзгерістер жағдайында диаспоралардың елдер арасындағы көпір ретіндегі рөлі артып келеді.Қор басшысы «Отандастар» қызметінің басым бағыттарының бірі - шетелдегі этникалық қазақтармен және отандастармен мәдени-гуманитарлық байланыстарды нығайтып, дамыту екенін атап өтті. Сонымен қатар ол 2025 жылдың маңызды оқиғаларының бірі - 21 қараша күні Астанада өткен «Otandas Scholars Forum» атты ғалым-отандастар форумын атап өтті. Аталған іс-шараға 40-тан астам шетелдік ғалым және 100-ге жуық қазақстандық зерттеушілер қатысып, интеллектуалды диаспорамен ынтымақтастықты нығайтуға, ғылыми тәжірибе алмасуға және халықаралық байланыстарды дамытуға серпін берді.Отырыс барысында түркі мемлекеттерінің диаспора құрылымдары арасындағы өзара іс-қимыл мәселелері талқыланды. Тараптар диаспора институттарының ынтымақтастығын нығайту, жастар бағдарламалары мен стипендиялық бастамаларды дамыту, сондай-ақ мәдени және гуманитарлық жобаларды кеңейту жөнінде уағдаласты. Мемлекеттер арасындағы үйлестіруді күшейту мен тәжірибе алмасуды жүйелі түрде дамытуға ерекше көңіл бөлінді.Сонымен қатар тараптар 2026 жылға арналған диаспора күн тәртібі бойынша бірлескен іс-қимыл жоспарын мақұлдады. Онда: ведомствоаралық үйлестіруді тереңдету; жастар бастамаларын дамыту және жас отандастардың қатысуын арттыру; бірлескен мәдени жобаларды жүзеге асыру; ТМҰ елдерінің жастарына арналған академиялық және білім беру мүмкіндіктерін кеңейту шаралары көзделген. Ақпарат көзі : https://www.gov.kz/memleket/entities/mfa-budapest/press/news/details/1118891?lang=kk

ҚР Сауда және интеграция министрлігі «Ашық НҚА» порталында Қазақстан Республикасы Премьер-Министрінің орынбасары – Сауда және интеграция министрінің 2023 жылғы 11 мамырдағы №166-НҚ «Әлеуметтік маңызы бар азық-түлік тауарларының тізбесін бекіту туралы» бұйрығына өзгеріс енгізу жөніндегі бұйрық жобасын жариялады.Бұйрық жобасында әлеуметтік маңызы бар азық-түлік тауарларының қазіргі тізбесін кеңейту көзделген. Бұған дейін тізбеде 19 атау болса, жаңа жобада олардың санын 33-ке дейін арттыру ұсынады.Бұйрық жобасына сәйкес жаңартылған тізбеге қызанақ, қияр, алма, сиыр еті сүйегімен, сүйексіз сиыр еті, тартылған ет, қой еті сүйегімен, жаңа немесе салқындатылған балық, мұздатылған балық, ультрапастерленген сүт, қаймақ, қатты ірімшік, қара шайды қосу көзделген. Әр позиция бизнес қауымдастықпен, кәсіпкерлер палатасымен және мемлекеттік органдармен қосымша талқылаудан өтеді.Тізбені уақытша кеңейтудің негізгі мақсаты – халықтың күнделікті тұтынатын басты азық-түлік өнімдеріне қолжетімділігін арттыру және олардың бағасының тұрақтылығын қамтамасыз ету.ӘМАТ тізбесін кеңейту – уақытша қолданылатын шара. Ол аталған тауарлардың бағасын қалыптастыру үдерісінің ашықтығын арттыруға және жоғары үстеме баға қоятын өнімсіз делдалдарды айналымнан шығаруға бағытталған. Бұл өзгерістер аталған тауарларды өндірушілер үшін өндіріс көлемін ұлғайту мен өндіріс қуатын кеңейтуге қосымша ынталандыру болады.Тауарлардың ӘМАТ тізбесіне енгізілуі өндірушілер мен импорттаушыларды сауда желілеріне сыйақы мен ретробонустар төлеу міндетінен босатады. Бұл өз кезегінде тауарлардың түпкілікті бағасын төмендетуге және бизнестің қаражаттын өз қызметін дамытуға бағыттауына мүмкіндік береді.Тізбеге енгізілген тауарларды өндірушілер мемлекеттік қолдаудың бірқатар шараларына, мәселен әлеуметтік маңызы бар тауарларды жеңілдетілген тарифпен тасымалдау, коммуналдық қызметтер бойынша бекітілген тарифтер, жеңілдетілген айналым қаражаты және өзге де қолдау құралдарына қол жеткізе алады. Әлеуметтік маңызы бар азық-түлік тауарларының ұсынылып отырған тізбесі:1. Бірінші сұрыпты бидай ұны2. Бірінші сұрыпты бидай ұнынан жасалған бидай наны (пішінді)3. Рожки (өлшеніп салынатын)4. Қарақұмық жармасы (дән, өлшеніп салынатын)5. Тазартылған күріш (домалақ дәнді, өлшеніп салынатын )6. Картоп7. Ас сәбізі8. Пияз9. Ақ қауданды орамжапырақ10. Қызанақ11. Қияр12. Алма13. Қант – құмшекер14. Күнбағыс майы15. Сүйегі бар сиыр еті16. Сүйексіз сиыр еті17. Тартылған ет18. Сүйегі бар қой еті19. Сүйегі бар жылқы еті20. Жаңа ауланған немесе салқындатылған балық (таран, теңге балық, көксерке, шортан, сазан, ақсақа)21. Мұздатылған балық (көксерке, минтай, хек, камбала, скумбрия, сазан)22. Тауық еті (жамбасы, сирақ, тауық сан еті)23. Тауық24. 2,5% майлылықтағы жұмсақ қаптамадағы пастерленген сүт25. Ультрапастерленген, стерилденген сүт26. 2,5% майлылықтағы айран27. Қаймақ28. 5–9% майлылықтағы сүзбе29. Қатты ірімшік30. Сары май (тұзсыз, кемінде 72,5% майлылық, қоспасыз және өсімдік майларынсыз)31. Тауық жұмыртқасы (I санат)32. Қара шай33. Ас тұзы («Экстра» санатынан басқа)Сауда және интеграция министрлігі барлық мүдделі азаматтарды, бизнес өкілдерін және сарапшыларды «Ашық НҚА» порталындағы бұйрық жобасын қоғамдық талқылауға белсенді қатысуға шақырады:https://legalacts.egov.kz/npa/view?id=15715467Ақпарат көзі : https://www.gov.kz/memleket/entities/mti/press/news/details/1118845?lang=kk

Өскемен қалалық мәслихатында Өскемен қаласының тұрғын үй-коммуналдық шаруашылық, жолаушылар көлігі және автомобиль жолдары бөлімі ұсынған 2026 жылға арналған бюджет жобасын талқылау жөніндегі уақытша комиссияның отырысы өтті.Талқылау қорытындысы бойынша ТКШ бөліміне депутаттардың ұсыныстарын ескере отырып, 2026 жылы орташа және қиыршық тас жөндеуге жоспарланған көше-жол желісі учаскелерінің тізбесін өзектендіру ұсынылды.Бұдан басқа, бюджетте қатты-тұрмыстық қалдықтарды жинауға арналған алаңқайлардың қоршаулары мен шатырларын кезең-кезеңімен жөндеуге қаржыландыруды көздеу қажет, бұл аула аумақтарының санитарлық жағдайын жақсартуға ықпал ететін болады.Сондай-ақ, қалалық зираттардың аумақтарында ағаштарды санитарлық кесу жұмыстарын жүргізуге қаражат бөлу ұсынылды.Көлік инфрақұрылымы объектілерін дамыту және күтіп ұстау мәселелеріне ерекше назар аударылды. Осыған байланысты бөлімге қоғамдық көліктің аялдама кешендерін жөндеуге арналған шығыстарды қарастыру ұсынылды.  Ақпарат көзі : https://www.gov.kz/memleket/entities/ukmaslihat/press/news/details/1118861?lang=kk

 Отырыс барысында депутаттар күн тәртібіне енгізілген мәселені қарастырды:2024 жылғы 25 желтоқсандағы № 24/2-VIII «Алтай ауданының 2025–2027 жылдарға арналған аудандық бюджеті туралы» Алтай ауданы маслихатының шешіміне өзгеріс енгізу туралы.Талқылау барысында депутаттар бірқатар сұрақтар қойып, кейін ұсынылған өзгерістерді бекіту туралы шешім қабылданды.Ақпарат көзі : https://www.gov.kz/memleket/entities/altay-maslihat/press/news/details/1118871?lang=kk

Алматы облысының делегациясы өңір әкімінің орынбасары Бақытнұр Бақытұлының жетекшілігімен Ресей Федерациясының Вологда облысына жұмыс сапарымен барып, «Ресей орманы» атты мамандандырылған көрмемен қатар өтіп жатқан 30-шы Халықаралық орман форумына қатысуда.Бұл форум – орман шаруашылығы саласындағы ең ірі халықаралық алаңдардың бірі. 2025 жылы шараға Ресейдің 22 өңірі, сондай-ақ Қытай, Беларусь және Қазақстан делегациялары қатысып отыр. Елдің ағаш дайындау мен терең өңдеу саласындағы жетекші өңірлерінің бірі саналатын Вологда облысы биыл да ауқымды салалық диалогтың ұйымдастырушысы болды.Сапар барысында қазақстандық делегация Вологда облысы Үкіметінің төрағасы Александр Мордвиновпен кездесу өткізді. Тараптар орман өнеркәсібі мен агропром кешеніндегі ынтымақтастықты кеңейту, сондай-ақ мәдениет, туризм және спорт салаларындағы өзара әрекеттестікті талқылады.Келіссөздердің негізгі нәтижесі – Вологда облысы Үкіметі мен Алматы облысы әкімдігі арасындағы өзара түсіністік туралы Меморандумға қол қою болды. Құжат екі өңір арасындағы ұзақ мерзімді серіктестіктің негізін қалайды және бірлескен жол картасын әзірлеуге мүмкіндік береді.Бақытнұр Бақытұлы өз сөзінде форумның маңызын атап өтті:«Форум жылдар бойы саланың стратегиялық бағытын анықтайтын ең беделді халықаралық алаңдардың біріне айналды. Бұл жерде орман шаруашылығының дамуы, ормандарды қорғау, қалпына келтіру, жаңа технологияларды енгізу, саланы цифрландыру сияқты өзекті мәселелер талқылануда. Бұл тақырыптар Алматы облысы үшін де ерекше маңызды. Қазақстан Президенті Қасым-Жомарт Тоқаев 12 қарашада Мәскеуде сөйлеген сөзінде: «Ресей мен Қазақстан ынтымақтастығының ауқымы ерекше. Біз байланыспайтын бірде-бір сала жоқ», – деген болатын. Бұл сөздер біздің әріптестіктің рухы мен мазмұнын толық көрсетеді», – деді облыс әкімінің орынбасары.Алматы облысы да Вологда секілді орман қоры мол аймақ саналады және табиғи ресурстарды тиімді пайдалануға, экологиялық тұрақтылықты нығайтуға басымдық береді. Осы тұрғыда қол қойылған меморандум сауда-экономикалық, ғылыми-техникалық және әлеуметтік-мәдени байланыстарды дамытуға ерекше серпін бермек.Аймақтар арасындағы ынтымақтастық көрсеткіштері де оң динамиканы байқатады. 2025 жылдың 9 айында Алматы облысы мен Ресей Федерациясының тауар айналымы 745 млн АҚШ долларын құрап, 2024 жылдың сәйкес кезеңімен салыстырғанда 29,3%-ға артты (576 млн доллар). Облыста Қазақстан-Ресей капиталы бар 77 кәсіпорын және ресейлік капиталдың қатысуымен 216 кәсіпорын жұмыс істейді.Өңірдің орман және ағаш өңдеу салалары да өсім көрсетіп отыр. 10 ай қорытындысы бойынша қағаз және қағаз өнімдерін өндіру көлемі 46 млрд теңгеге жетіп, физикалық көлем индексі 125,9% болды. Бұл бағытта «ИНТЕЛЛСЕРВИС» және «KZ Recycling» компаниялары табысты еңбек етуде. Ал жиһаз өндірісі 22,3 млрд теңгені құрады (ИФО — 87,8%). Басты өндірушілер қатарында «КПК ZETA» және «Асар құрылыс» ЖШС-нің жиһаз цехы бар.Бақытнұр Бақытұлы форум ұйымдастырушыларына алғысын білдіріп:«Халықаралық сарапшылар қауымдастығын дамытуға қосқан үлес үшін форумға қатысушыларға ризашылығымды білдіремін. Биылғы форум нәтижелері екі өңірдің орман шаруашылығы саласын дамытуға зор үлес қосады деп сенемін», – деп атап өтті.Ақпарат көзі : https://www.gov.kz/memleket/entities/almobl/press/news/details/1118792?lang=kk

Шымкент қаласында терроризмге қарсы оқу жаттығуын өткізу туралы2025 жылдың 5-6 желтоқсан күні Шымкент қаласында терроризмге қарсы оқу-жаттығу өтеді.  Оқу-жаттығу барысында террористік тұрғыдан осал объектілердегі ахуалды дамытудың түрлі сценарийлеріне жедел әрекет ету мәселелері пысықталуда.  Осы мақсатта автокөлік қозғалысы мен басқа да жағдайларға шектеу шаралары қарастырылған.Шымкент қаласының тұрғындары мен қонақтарынан осы іс-шараға түсіністікпен қарауды, қауіпсіздік шараларын сақтауды және тартылған мемлекеттік органдардың заңды талаптарын орындауды сұраймыз.

Вице-премьер – ұлттық экономика министрі Серік Жұманғарин Азия даму банкінің (АДБ) Орталық және Батыс Азия бойынша бас директоры Лея Гутьерреспен кездесті.Серік Жұманғарин Лея Гутьерресті жылы қарсы алып, осы жылғы шілдеде қызметке тағайындалуымен құттықтады. Ол 1994 жылдан бері жалғасып келе жатқан көпжылдық әріптестіктің маңызын атап өтті.«Азия даму банкі біз үшін стратегиялық әріптес. Ынтымақтастық кезеңінде Банк көлік, энергетика, ШОБ, цифрлық даму, әлеуметтік бірқатар маңызды жобаны қаржыландырды. Бүгінгі кездесу әріптестігімізді одан әрі нығайтуға, жаңа перспективалық бастамаларды жүзеге асыруға ықпал ететініне сенімдіміз. АДБ-ның Қазақстан бойынша 2023–2027 жылдарға арналған елдік стратегиясының негізгі басымдықтары біздің ұлттық басымдыққа толық сәйкес келетінін атап өткім келеді. Қазақстан бұдан әрі де осы стратегияны тиімді жүзеге асыруды қолдамақ», — деді ол.Ынтымақтастық орнаған сәттен бастап АДБ Қазақстанға техникалық көмек пен грант түрінде $7 млрд-тан аса қарыз берді.Өз тарапынан Лея Гутьеррес қазақстандық тарапқа сындарлы диалог үшін алғыс білдіріп, АДБ Жарғысына түзету бойынша дауыс беру кезінде Қазақстанды қолдаудың маңыздылығын ерекше атап өтті. Қажетті дауыс беру шегіне жетудің нәтижесінде түзету Банктің кредиттеудің жиынтық көлемін 50%-ға — $36 млрд-тан асыруға мүмкіндік береді. Оның айтуынша, бұл шешім АДБ-ның дамушы мүше елдердің дамудағы басым міндеттерін шешудегі күш-жігерін қолдауды едәуір кеңейтеді.«Біздің ынтымақтастығымыздың барысында 1994 жылдан бастап АДБ Қазақстанға $7 млрд-тан көп қаражат берді. Біз дәстүрлі бағытта да, жаңа секторда да әріптестікті одан әрі арттыруға сенеміз», — деп атап өтті ол.Ол сондай-ақ биыл АДБ стратегиялық материалдардың құн тізбегін қолдауға арналған аса маңызды минералдар саласындағы жаңа саясатты жүзеге асыруға кіріскенін хабарлады. Банк осы салада тұрақты әлеуеті бар Қазақстандағы жаңа жобаларды зерделеуге дайын.Вице-премьер сондай-ақ Қазақстан Үкіметі АДБ, ЕАДБ, ЕҚДБ және Дүниежүзілік банкті қосқанда, халықаралық қаржы ұйымдарының үздік әлемдік тәжірибесі мен ұсынымдарын ескере отырып, МЖӘ туралы заңнаманы жетілдіруде жүйелі жұмыс жүргізіп жатқанын хабарлады.Соңында тараптар көлік және өнеркәсіптік инфрақұрылымда, технологияда, энергетикада, сыни материалдар саласында, тұрғын үй құрылысында және басқа да сектордағы ынтымақтастықтың ағымдағы және перспективалық бағытын талқылады.Анықтама:Азия даму банкі (АДБ) – 69 мүше елден тұратын көпжақты даму қаржы институты. Оның 50-і Азия-Тынық мұхиты аймағында және 19-ы одан тыс жерде орналасқан. Қазақстан 1994 жылғы 19 қаңтарда АДБ мүшесі болды. АДБ-ның негізгі құралдары нақты жобалар мен бағдарламаларды жүзеге асыру үшін мүше елдердің үкіметтері мен жеке секторына берілетін қарыздар, гранттар, техникалық көмек. 1994–2024 жылдар аралығындағы АДБ-ның Қазақстандағы инвестициялық жобалар мен техникалық көмекті қаржыландыру көлемі $7 млрд-тан асады.https://primeminister.kz/news/serik-zumangarin-ortalyk-zane-batys-aziia-boiynsa-aziia-damu-bankinin-bas-direktorymen-kezdesti-30810 Ақпарат көзі : https://www.gov.kz/memleket/entities/economy/press/news/details/1118779?lang=kk

Шымкентте лаңкестікке қарсы оқу-жаттығу өткізу туралы 2025 жылғы 5-6 желтоқсанда Шымкентте терроризмге қарсы оқу-жаттығу өтеді.Оқу-жаттығулар терроризмге осал нысандардағы түрлі сценарийлерге жедел ден қоюға бағытталған. Осы мақсатта белгілі бір шектеу шаралары, соның ішінде көлік құралдарының қозғалысына қатысты шаралар қарастырылған. Қала тұрғындары мен қонақтарын осы оқиғаға түсіністікпен қарауды, қауіпсіздік шараларын сақтауды және тиісті мемлекеттік органдардың заң талаптарын орындауды сұраймыз.

Ұлттық әскери-патриоттық орталығында өткен дөңгелек үстел басында психологтар, дәрігерлер және Қорғаныс министрлігінің өкілдері – әскери қызметшілердің психологиялық күйі жайында айтты. Талқылауға Владимир Савкин бастаған әлеуметтік психотерапевтер қауымдастығының мамандары, «Авиценна» медициналық ақпараттық жүйесін әзірлеушілер, әскери психологтар және Қорғаныс министрлігінің бейінді департаменттерінің қызметкерлері қатысты.Қауымдастық президенті Владимир Савкин қазіргі уақытта олар бар проблемаларды анықтауда, әсіресе, әскер ортасының ерекшеліктерін және әскери ұжымдардағы қарым-қатынастарды зерделеп жатқанын мәлімдеді. Сарапшының айтуынша, қауымдастықтың негізгі міндеті – Қарулы күштердің психологиялық қызметтерінің мамандарын диагностиканың, суицидке дейінгі жағдайларды, ойынға тәуелділікті және басқа да зиянды тәуелділікті анықтау әдістеріне үйрететін алдын алу жұмыстарын жүргізу.– Бүгінгі таңда дағдарыстық жағдайларға әрекет етіп қана қоймай, оны алдын алу да маңызды. Сондықтан әскери психологтарды мазасыздықты, депрессияны және суицидке бейім мінез-құлық белгілерін ерте анықтау құралдарына үйретуге ерекше назар аударылады, – деп атап өтті ол.Тек 2025 жылғы күзгі шақыру кезінде психологтар жаңа PSY-РИСК әдісін қолдана отырып, әскери қызметке жіберілмеген және қосымша психиатриялық тексеруге жіберілген 700 әскерге шақырылушыны анықтады. Қызметтің алғашқы алты айы әскерге жаңадан келгендер үшін ең күрделі кезең. Әдеттегі ортаның күрт өзгеруі, қатаң режим, ерлер ұжымында өмір сүру – мұның бәрі бейімделуге уақытты қажет етеді. Кездесуге қатысушылардың айтуынша, отбасы қолдауының да атқаратын рөлі зор: командирлер ата-аналарымен байланыста болған кезде және қиындықтар туралы уақытында хабарланса, сарбаздар да әскери қызмет жағдайына оңай бейімделеді.Психиатриялық көмек көрсету тәртібі, бағыттау және психологтар, дәрігерлер мен командирлер арасындағы бірлескен іс-әрекет те отырыс барысында талқыланды. Барлық қатысушы қандай да бір мазасыздық неғұрлым тез байқалса, адамға бірден көмектесуге және ауыр зардаптардың алдын алуға болады десті.«Авиценна» компаниясы цифрлық шешім – жеке құрамның психологиялық мониторингі жүйесін ұсынды. Оны екі бөлікте сынап көру жоспарланып отыр. Жүйе әскери қызметшілердің жағдайын нақты уақыт режимінде бақылауға және уақытында қолайсыздық белгілері байқалғанда дабыл беруге мүмкіндік береді.Талқылау қорытындысы бойынша қатысушылар психологиялық даярлық бағдарламаларын кеңейтуге, көмекті қолжетімді етуге және әрбір әскери қызметшінің өз жағдайын бақылап отырғанын және көмектесуге дайын екенін сезінуі үшін жұмыс істеуге келісті. Жеке бағыттар бойынша жұмыс топтары құрылып, бұл жұмыс та тұрақты түрде іске асырылатын болады.Ақпарат көзі : https://www.gov.kz/memleket/entities/mod/press/news/details/1118662?lang=kk

2025 жылғы 18 желтоқсанда сағат 15.00-де Өскемен қаласы, Қазақстан көшесі, 55 (екінші қабаттағы конференц-зал) мекенжайы бойынша Өскемен қалалық мәслихаты халық алдында атқарылған жұмыс, оның тұрақты комиссияларының қызметі туралы есеп береді.Ақпарат көзі : https://www.gov.kz/memleket/entities/ukmaslihat/press/news/details/1118606?lang=kk

Мәжіліс Қазақстан Үкіметі мен ОРЕС Халықаралық даму қоры арасындағы жеке сектордағы операцияларды ұйымдастыру туралы негіздемелік келісімді ратификациялады. Аталған құжатты Ұлттық экономика бірінші вице-министрі Азамат Әмрин таныстырды.Жұмыс тобының жетекшісі Бауыржан Смағұлов өзінің қосымша баяндамасында атап өткендей, келісім Қордың инвестициялық жобаларды қаржыландыруы үшін Үкімет кепілдіктерін талап етпей, 2,5-5 пайыз мөлшерлемемен несие беруін көздейді.– Бұл ретте Қор активтері мен кірістері тікелей салықтан босатылып, валюта айырбастау және қаражат аудару мүмкіндігі беріледі. Құжатта сондай-ақ Қордың мәртебесі мен режимін айқындау, оған артықшылықтар мен иммунитет беру, Қор мен оның бенефициарларының құқықтарын қорғау және дауларды төрелік сот арқылы шешу қарастырылған, – деді депутат.Келісімді ратификациялау Қорға энергетика, өнеркәсіп, көлік инфрақұрылымы, қаржы, ауыл шаруашылығы, су, телекоммуникация, білім беру және денсаулық сақтау сияқты салалардағы экономикалық даму мақсаттары ретінде Қазақстанға қаржылық қолдау көрсетуге мүмкіндік береді. 2026-2030 жылдар аралығында елдегі түрлі жобаларды жүзеге асыру үшін жеке компанияларға 400 миллион долларға дейін қаражат бөлу жоспарланған.Ақпарат көзі : https://www.gov.kz/memleket/entities/economy/press/news/details/1118544?lang=kk

Алматы облысында «Батыс Еуропа – Батыс Қытай» халықаралық дәлізі бойында және Құлжа тасжолына жақын орналасқан жаңа Еуразиялық индустриалды-логистикалық парк ашылды. Нысан өңірдің «Шығыс қақпасы» инфрақұрылымдық аймағына кіріп, Алматы мен облыстың кеңістіктік дамуындағы маңызды логистикалық хабқа айналмақ.Ашылу рәсіміне Алматы облысының әкімі Марат Сұлтанғазиев, Сауда және интеграция министрлігінің бірінші вице-министрі Айжан Бижанова, сондай-ақ логистика және девелопмент саласының жетекші компаниялары қатысты.Жалпы инвестиция көлемі – 22 млрд теңге. Бірінші кезеңде 50,3 мың шаршы метр болатын «А» санатындағы заманауи екі қойма корпусы іске қосылды.12 метрлік төбе биіктігі, шаршы метріне 8 тонна жүк көтеретін еден және өрт қауіпсіздігінің халықаралық стандарты кешенді жоғары класты қоймаға айналдырады.Парк толық қуатына 2026 жылы шықпақ. Сол кезде 250 адам тұрақты жұмыспен қамтылады.Алматы қаласына, БАКАД-қа, халықаралық әуежайға және ірі автожолдарға жақын орналасуы паркті Орталық Азиядағы ірі дистрибуция орталығы ретінде дамытуға мүмкіндік береді.Алматы облысының әкімі Марат Сұлтанғазиев:«Бүгін ашылып отырған логистикалық парк – елдің транзиттік мүмкіндігін арттыруға, халықаралық сауда ағымдарын тиімді басқаруға және өңірлік ықпалдастықты тереңдетуге бағытталған маңызды жоба. “А” санатындағы жаңа нысандардың іске қосылуы – облыс экономикасының тұрақты дамуы мен инвесторлардың сенімінің нақты көрінісі, сондай-ақ мемлекет пен бизнестің тиімді серіктестігінің нәтижесі»- деп жобаның маңызды тұстарын атап өтті.ҚР Сауда және интеграция министрлігінің бірінші вице-министрі Айжан Бижанова:«Бұл парк Қазақстанның халықаралық көлік дәліздеріне интеграциялануын күшейтеді. Мұндай ауқымды инфрақұрылым отандық бизнеске жаңа мүмкіндіктер ашып, еліміздің Еуразиядағы сауда хабы ретіндегі орнын бекіте түседі»-деді.«Еуразиялық логистикалық парктің» атқарушы директоры Роман Жужлев:«14 гектар аумақта 50 мың шаршы метрлік ‘А’ санатындағы қойма салынды. Төбе биіктігі – 12 метр, еденнің жүк көтерімділігі – шаршы метріне 8 тонна. Бұл кез келген стеллажды немесе көпдеңгейлі сақтау жүйесін орнатуға мүмкіндік береді»-деп бастаманың техникалық параметрлерін көпшілік назарына ұсынды.Талғар ауданының әкімі Таңат Айдарбеков жобаның аудан дамуына оң әсер ететінін айтты.«Алматы – ірі мегаполис, ал біздің аудан – оның маңызды азық-түлік белдеуі. Мұндай ірі жобалардың жүзеге асуы аудан экономикасын күшейтіп, тұрақты донорлық база қалыптастыруға жақындатады».Электрондық сауда қарқыны қойма инфрақұрылымына деген сұранысты еселеп арттырып отыр.2024 жылы e-commerce үлесі бөлшек сауданың 14,5% жеткен — бұл 2021 жылмен салыстырғанда алты есе өсім.Ozon Қазақстан компаниясының басшысы Алексей Сапон онлайн-сауда тиімділігінің заманауи қоймаларға тікелей байланысты екенін айтса, DNS компаниясының логистика жөніндегі федералдық басшысы Владимир Любимов жергілікті хабтар желісі тапсырыстарды жеткізу уақытын айтарлықтай қысқартатынын мәлімдеді.Инвесторлар парк аумағын Құлжа бағыты арқылы кеңейтуді көздеп отыр. Жоспарда 300 мың шаршы метрге дейін қосымша қоймалық алаң салу және көрші елдердің нарығына шығу қарастырылған. Sudakov Group бас директоры Алексей Судаков айтуынша, функционалды қойма нысандарына сұраныс тұрақты түрде артуда.Салтанатты шара барысында NOYTECH және «Еуразиялық логистикалық парк» арасында стратегиялық әріптестік туралы келісімге қол қойылды. NOYTECH-тің Қазақстандағы директоры Валерия Кошелева жаңа нысан жоғары технологиялық сервистерді дамыту мен қызмет түрлерін кеңейтуге мүмкіндік ашатынын жеткізді.Еуразиялық индустриалды-логистикалық парк – қойма кешені ғана емес, Қазақстанның Еуразиядағы маңызды логистикалық хаб ретінде қалыптасуына негіз қалайтын халықаралық деңгейдегі инфрақұрылымдық жоба. Ол мемлекет, бизнес және халықаралық серіктестердің мүдделерін тоғыстырып, тұрақты өсімге, инвестиция тартуға және өңірдің транзиттік әлеуетін арттыруға бағыт береді.Ақпарат көзі : https://www.gov.kz/memleket/entities/almobl/press/news/details/1118531?lang=kk

Қарабалық ауданы 2025 жылдың алғашқы 11 айын тұрақты экономикалық даму көрсеткіштерімен қорытындылап отыр. Қаржы саласындағы оң динамика, аграрлық сектордағы нәтижелі науқан, инфрақұрылымның жаңаруы және әлеуметтік жобалардың жүзеге асуы ауданның орнықты дамуға бет алғанын айқын көрсетеді.Аудан бюджеті биыл 7 млрд теңгені құрады. Оның ішінде республикалық трансферттер — 3,4 млрд теңге, облыстық трансферттер — 3 млрд теңге.Ең маңызды көрсеткіш — кіріс бөлігінің жоспартан асыра орындалуы.Қаңтар–қараша айларында аудан бюджетіне 2,9 млрд теңге түсті. Жоспар 2,6 млрд теңге болғанын ескерсек, орындалу деңгейі 111,8%-ға жетті. Бұл экономикалық белсенділіктің артқанын және бюджет басқарудың тиімділігі жоғарылағанын көрсетеді.Шағын және орта бизнес: кәсіпкерлердің белсенділігі жоғарыАуданда 1 418 шағын және орта бизнес субъектісі тіркелген, олардың 99%-ы нақты жұмыс істеп тұр. Бұл — өңірдегі іскерлік ахуалдың тұрақты екенінің айғағы.Шағын және орта бизнес аудан экономикасында маңызды орын алып, жұмыспен қамтуды қамтамасыз етеді және жергілікті кірістерді қалыптастыруға елеулі үлес қосып келеді.Ауыл шаруашылығы: өнімділік артты, инвестиция көбейдіАграрлық сала — аудан экономикасының негізгі бағыты. Биыл егіс жұмыстары 297,1 мың гектарға жүргізілді. Зерновые және бұршақ дақылдары 194,5 мың гектарға орналастырылды.Егістік құрылымын әртараптандыруға ерекше көңіл бөлінді:майлы дақылдар көлемі 28%-ға артып, 73,3 мың гектарға жетті,мал азықтық дақылдар 5,4 мың гектарға дейін көбейді.Орақ науқаны толық аяқталып, орташа өнімділік 19,5 ц/га болды. Бұл өткен жылғы көрсеткіштен жоғары (2024 — 17 ц/га). Жалпы жиналған өнім көлемі 379,3 мың тоннаны құрады.Инвестициялық жобалар:Надеждинка ауылында тәулігіне 10–15 тонна өнім шығаратын сүйек-ет ұны цехының құрылысы басталды (680 млн теңге).Қарабалық кентінде жылына 108 мың тонна өнім өндіретін комбикорм зауыты мен силостар кешені салынуда (1,5 млрд теңге, өз қаражаты).Бұл жобалар ауыл шаруашылығы өнімдерін терең өңдеуді дамытып, жаңа жұмыс орындарын ашуға бағытталған.Инфрақұрылым: ауылдарда жаңа желілер пайда болдыИнженерлік инфрақұрылымды нығайту бағытында биыл бірқатар елді мекендерде — Михайловка, Боскөл, Станционное, Ворошиловка, Приуральское және Лесное ауылдарында тарату желілерінің құрылысы аяқталды.Қысқы маусымға дайындық аясында Святославка, Научное және Станционное ауылдарында 600 метрден астам жылу желілері жаңартылды.Тоғызақ ауылында әлеуметтік нысандарға арналған блочно-модульді қазандықтар орнатылып, пайдалануға берілді. Святославка ауылындағы осындай жоба аяқталу сатысында.Жолдар: маңызды учаскелер жөнделдіАудандық маңызы бар жолдарды жөндеу жұмыстары 2025 жылы екі бағытта жүргізілді:Песчаное – Славенка (17 км),Новотроицкое – Магнай станциясы (15,6 км).Бұл жолдардағы жөндеу жұмыстары ауылдар арасындағы қатынас сапасын жақсартып, қауіпсіздікті қамтамасыз етеді.Құрылыc және тұрғын үй: жаңа үйлер пайдалануға берілдіАудан аумағында жеке құрылысшылар 9 екіпәтерлі үйдің құрылысын аяқтап, тұрғындарға 18 пәтер ұсынды. Жалпы алаңы — 1 500 шаршы метрден асады.Білім саласында 300 млн теңгеге жұмыстар атқарылды. Оның 250 млн теңгесін «Қазақстан халқына» қоры бөлді.Перспектива: шекара әскерлері оқу орталығының көшуіАудан үшін стратегиялық маңызы бар жаңалық — шекара қызметінің оқу орталығын Ақмола облысынан Қарабалық ауданына көшіру жоспары.Бұл — экономикалық әрі әлеуметтік серпін беретін шешім. Орталықтың құрамындағы 60-тан астам отбасы ауданға қоныс аударады, сондай-ақ жыл сайын 1000-нан астам әскери қызметкер оқу үшін келеді.Нәтижесінде тұрғын үйге, инфрақұрылымға, білім беру және қызмет көрсету салаларына деген сұраныс арта түседі.Ақпарат көзі : https://www.gov.kz/memleket/entities/kostanay/press/news/details/1118535?lang=kk

Қазақстанда тәртіптің мазмұнын айтарлықтай өзгертетін және Қарулы күштердің оқушыларды қызметке даярлауға қатысуын нығайтатын алғашқы әскери дайындықтың жаңартылған қағидалары бекітілді. Қорғаныс министрі бұйрыққа 4 қарашада қол қойды.Құжатты Бас штабтың Ұйымдастыру-жұмылдыру жұмысы департаменті әскери қызмет және әскери-патриоттық тәрбие туралы заңнамаға енгізілген түзетулерді ескере отырып әзірледі. Ережелер мектептерде, колледждерде және кәсіптік білім беру мекемелерінде алғашқы әскери дайындықты ұйымдастыру мен оқытудың бірыңғай тәсілдерін белгілейді, педагогтерге қойылатын талаптарды нақтылап, курстың практикалық құрамдас бөлігін кеңейтеді.Негізгі өзгерістердің бірі «алғашқы әскери дайындық» тарихи атауының пәнге қайта оралуы болды. Бағдарлама әскери қызметшілердің құқықтары, міндеттері мен әлеуметтік кепілдіктері туралы практикалық элементтерді, оқу-далалық сабақтарды көбейту және түсіндіру жұмыстарын кеңейту есебінен күшейтіледі.Қазақстан Республикасы Қорғаныс министрінің кеңесшісі Айгүл Төлембаева жаңартулар болашақ әскерге шақырылушыларды даярлау сапасын арттыруға бағытталғанын атап өтті.– Біз пәнді оның нақты мазмұнына сай етеміз. Бұл азаматтарды армияға дайындаудың бірінші кезеңі. Балалар әскери қызметшінің жарғысын, міндеттерін, қызметтен кейінгі құқықтары мен кепілдіктерін түсінуі керек. Бүгінгі әскер – бұл нақты мамандық пен білім алудың мүмкіндігі. Мектеп оқушыларының бұл жайлы алдын ала білгенін қалаймыз, – деді ол.Оқытушыларға қойылатын талаптар айтарлықтай өзгереді. АӘД-ны мамандығы бойынша педагогикалық білімі және әскери қызмет өткеру тәжірибесі бар азаматтар ғана жүргізе алады. Пән бойынша жұмыс істейтін мұғалімдер өз лауазымдарын сақтайды. Кемінде он жыл еңбек сіңірген әскери қызметшілер үшін Қорғаныс министрлігінің әскери оқу орындарының базасында тегін педагогикалық қайта даярлау мүмкіндігі енгізіледі.Бұл шешімнің кадрлық базаны нығайтып, оқушылардың пәнге деген сенімін арттыратынын айтақан Министрдің кеңесшісі: – Оқушылар әскерде қызмет еткен адамды көруі керек. Бұл қорқыныш пен сенімсіздікті болдырмайды, әрі армияның қалай жұмыс істейтінін түсіндіруге мүмкіндік береді, – деді.Жаңартылған ережелер әскери бөлімдердің рөлін кеңейтеді: оқу-далалық жиындардың практикалық құрамдас бөлігі күшейтіледі, бөлімше командирлері жекелеген сабақтарға қатысып, далалық базаны көрсетеді. АӘД оқытушыларының біліктілігін арттыру бұдан былай әскери жоғары оқу орындарының, кафедралардың және Қорғаныс министрлігінің ведомстволық бағынысты ұйымдарының базасында ғана жүргізіледі. Бұл өзекті әскери тәжірибеге қол жеткізуге ықпал етеді.Ақпарат көзі : https://www.gov.kz/memleket/entities/mod/press/news/details/1118512?lang=kk

Хельсинки, 2025 жылғы 3 желтоқсан – Қазақстанның Финляндиядағы Елшісі Азамат Әбдіраимов Финляндия Парламентіндегі Достық тобының мүшелерімен кездесті.Кездесу барысында тараптар екіжақты қатынастардың жағдайы мен дамуының перспективаларын, соның ішінде қазақ-фин парламенттік ынтымақтастығын талқылады.Казахстандық дипломат екіжақты күн тәртібінің басым бағыттары және 2025 жылғы 28-29 қазанда Астана қаласына Финляндия Республикасының Президенті А.Стуббтың ресми сапарының қорытындылары бойынша қол жеткізілген уағдаластықтар жөнінде хабардар етті.Елші Қазақстанның сенімді қатынастар мен көпқырлы әріптестік аясындағы қарқынды ынтымақтастықты одан әрі нығайтуға бейілді екенін атап өтті.Достық тобының жетекшісі В.Скинари Мемлекет басшысының реформалары мен бастамаларына қолдау білдіріп, Қазақстанда алдағы парламенттік реформаларды даярлау және іске асыру барысында парламентаризм бойынша тәжірибе алмасуға Финляндияның белсенді түрде қатысуға дайын екенін мәлімдеді.Ақпарат көзі : https://www.gov.kz/memleket/entities/mfa-helsinki/press/news/details/1118477?lang=kk

 2025 жылғы 1 желтоқсанда Иерусалим қаласында Қазақстан Республикасының Төтенше және Өкілетті Елшісі мен Израиль Мемлекетінің Туризм министрлігі Бас директоры мырза Михаил Ицхаков арасында туризм саласындағы екіжақты ынтымақтастықтың негізгі бағыттары талқыланған жұмыс кездесуі өтті.Кездесу барысында Қазақстан мен Израиль арасында тікелей әуе қатынасын қалпына келтіру, туристік алмасуларды дамыту және бірлескен турөнімдерді жасау мәселелеріне ерекше көңіл бөлінді. Қазақстан тарапы әуе тасымалдаушыларына сұранысты бағалау және бағыттарды бірлесіп ілгерілету бойынша қолдау көрсетуге дайын екенін білдіріп, сондай-ақ БАҚ өкілдеріне арналған пресс-турлар мен танысу сапарларын ұйымдастыруды ұсынды.Тараптар қажылық, сауықтыру және экотуризм салаларындағы ынтымақтастық перспективаларын, сондай-ақ инфрақұрылымды дамыту, цифрлық шешімдер және туристік ағындарды басқару бойынша тәжірибе алмасу мүмкіндіктерін қарастырды. Талқылау барысында Қазақстан мен Израиль арасындағы қажылық туризмнің жоғары әлеуетке ие екені атап өтілді: Қазақстан азаматтары дәстүрлі түрде Израильдің христиандық қасиетті орындарын, сондай-ақ Әл-Ақса кешенін қоса алғандағы исламдық киелі жерлерді зиярат етеді, ал израильдік қажылар Қазақстанның рухани мұрасына, соның ішінде Алматыдағы раввин Леви Ицхак Шнеерсонның жерленген жері орналасқан Хабад-Любавич Еврей орталығына қызығушылық танытады. Бұл діни-мәдени бағыттарды кеңейтуге және екі ел арасындағы гуманитарлық байланыстарды нығайтуға негіз қалайды.Қазақстан тарапы сондай-ақ өз туристік мүмкіндіктерін Израиль нарығында ілгерілетуге мүдделілік танытып, Израильдің Туризм министрлігін Алматыдағы «KITF» және «Astana Tourism Forum» сияқты елдің ірі салалық іс-шараларына қатысуға шақырды.Тараптар конструктивті диалогты жалғастыруға және бірлескен маркетингтік бастамаларды іске асыруға мүдделілік бар екенін растады. Ақпарат көзі : https://www.gov.kz/memleket/entities/mfa-tel-aviv/press/news/details/1118483?lang=kk