Қазақстан Республикасы Сыртқы істер министрлігінің өкілдері Орталық Азиядағы Ядролық қарудан азат аймақ туралы шартқа (ОАЯҚАА) қатысушы мемлекеттердің жыл сайынғы консультативтік кездесуіне қатысты.Кездесу барысында 2026 жылға арналған шарт аясындағы төрағалық функциялары Қазақстанға ресми түрде тапсырылды. Сонымен қатар, тараптар БҰҰ аясындағы іс-қимылдарды үйлестіруді қоса алғанда, 2025 жылғы бірлескен жұмыс пен ағымдағы жылға арналған жоспарларды талқылады.Қазақстан делегациясы төраға ретінде биылғы жылдың мерейлі екенін – Семей қаласында қол қойылғаннан бері 20 жыл (2006 ж.) толып отырғанына тоқтала келе, Ядролық қаруды таратпау туралы шарт (ЯҚТШ) пен Ядролық қаруға тыйым салу туралы шарттың (ЯҚТСШ) Шолу конференцияларын қоса алғанда, қарусыздану және таратпау саласындағы негізгі алаңдарда тығыз өзара іс-қимылдың маңыздылығын атап өтті.2026 жыл барысында Орталық Азия мемлекеттерінің сыртқы саяси ведомстволары деңгейінде бірқатар іс-шаралар ұйымдастыру жоспарлануда.ОАЯҚАА туралы шартқа («Семей шарты») Қазақстан, Қырғызстан, Тәжікстан, Түрікменстан және Өзбекстан 2006 жылғы 8 қыркүйекте Семей қаласында қол қойып, барлық бес тарап ратификациялағаннан кейін 2009 жылғы 21 наурызда күшіне енді.Семей шартының бірқатар бірегей ерекшеліктері бар: ол бір кездері ядролық қаруды белсенді орналастыру және сынау үшін полигон болған және әскери мақсатта уран қарқынды өндірілген аймақта Солтүстік жарты шарда ядролық қарусыз бірінші аймақты құрды. Сонымен қатар басқа ұқсас аймақтардың ішінде ОАЯҚАА екі ядролық державамен бірден ең ұзын құрлық шекарасының болуымен ерекшеленеді. Ақпарат көзі : https://www.gov.kz/memleket/entities/mfa-pretoria/press/news/details/1160245?lang=kk

Жаңаөзен қалалық сайлау комиссиясында «Ашық есік» күні өтудеБүгін Жаңаөзен қалалық аумақтық сайлау комиссиясында Дүниежүзілік сайлау күніне арналған іс-шаралар аясында «Ашық есік» күні ұйымдастырылды.Іс-шараның мақсаты - азаматтардың сайлау және сайлану құқығы туралы ақпараттандыру, сайлау арқылы мемлекеттік және жергілікті маңызы бар мәселелерді басқаруға сайлаушылардың қызығушылығын арттыру, дауыс беруге саналы түрде қатысуға жағдай жасау, сондай-ақ сайлаушылардың азаматтық жауапкершілігін қалыптастыру болып табылады.Шара барысында келушілерге жыл сайын ақпан айының алғашқы бейсенбісінде атап өтілетін Дүниежүзілік сайлау күні туралы, Қазақстан Республикасы азаматтарының сайлауға қатысу тәртібі, тең, жалпыға бірдей және төте сайлау құқығы, сондай-ақ сайлауға еркін және ерікті қатысу қағидаттары жөнінде кең көлемде мәліметтер берілді.Ақпарат көзі : https://www.gov.kz/memleket/entities/akimat-goroda-zhanaozen/press/news/details/1151785?lang=kk

     2025 жылдың 24 желтоқсанында Әдебиет және өнер музейінде мәдениет саласының ардагері, тіл жанашыры Қаратай Төлекеевпен «Тіл, тәрбие, тағлым» деп аталатын кездесу кеш болып өтті.     Қаратай Бәйкенұлы көп жылдар мектепте ұстаздық етіп, ел арасында халық шығармашылығын дамытуға үлкен үлес қосқан өнерпаз. Балаларға арналған әңгімелер мен ертегілердің авторы. Бүгінде зейнет демалысында. Кейінгі жылдары сурет өнеріне қызығушылығы оянып, қылқаламды серік етіп жүр. Әуесқой суретшінің отызға тарта суретінен көрме құрылып, туындыларының каталогы жасалды. Осы кештің барысында аталған каталогтың тұсауы кесіліп, көпшілікке ұсынылды.   Іс-шарада Қаратай Бәйкенұлымен замандас әнші-жыршылар кезекпен өнер көрсетіп, көптің көңілінен шықты. Кенжебай Мұқышев, Қайрат Бешімов, Сабыржан Мәкенов әуелетіп ән салса, ақын Алмас Темірбай жырдан шашу шашты. Кеш соңында облыстық ішкі саясат басқармасы басшысының орынбасары Айгүл Талпақова мен мемлекеттік тілді оқыту орталығының директоры Қуаныш Қайыргелдіұлы сөз алып, Қаратай Бәйкенұлына шығармашылық табыс тілеп, сый-сияпат жасады.Ақпарат көзі : https://www.gov.kz/memleket/entities/aqmola-madeniet/press/news/details/1151803?lang=kk

   4 желтоқсан 2025 жылы Әдебиет пен өнер музейінде қала мектептерінің оқушылары арасында Ахмет Байтұрсынұлы атындағы мысал өлеңдерді мәнерлеп оқу байқауы өтті. Байқаудың мақсаты – балалар мен жасөспірімдерді кітап оқуға тарту, қазақ тіл білімінің негізін қалаушы, қазақ әліпбиінің авторы, түркітанушы ғалым Ахмет Байтұрсынұлының шығармаларын кеңінен насихаттау, жас ұрпақты ұлттық тәрбиеге баулу.Өтінім берген оқушылардың ішінен қазылар алқасы сегіз үміткерді ғана іріктеп алды. Жарыстың негізгі кезеңіне шыққан сегіз бүлдіршін өнері мен білімін ортаға салып, көпшілік көрерменді тәнті етті. Тіл тазалығын сақтаған, дауыс ырғағын дұрыс қойған, әртістік қабілетін көрсете білген сайыскерлер жүзден жүйрік, мыңнан тұлпарды анықтады.     Құрамында тіл жанашыры, мәденет саласының ардагері Қаратай Төлекеев, ақын, жазушы Манарбек Қыдырбай, музей директоры Нұрбек Нұралы сынды қаламгерлер бар қазылар алқасы байқау нәтижесін қорытындылай келе төмендегідей шешім қабылдады:     Үшінші орынды Оразалы Асылым мен Бекнұр Жолданғар иеленді. Жүлделі екінші орын Ерсін Мединаға бұйырды. Сайыстың жеңімпазы болып Көкшетау қаласы №1 мектептің 6-шы сынып оқушысы Серік Инабат танылды.     Іс-шара соңында қазылар алқасының төрағасы Қаратай Бәйкенұлы жас өрендерге алғыс айта келе, оқуда озат болуға тілектестік білдірді. Ақпарат көзі : https://www.gov.kz/memleket/entities/aqmola-madeniet/press/news/details/1151819?lang=kk

2025 жылдың 18 желтоқсанында Әдебиет және өнер музейінде журналист, әнші-сазгер, өнертанушы, ұстаз Кәрім Ілиястегінің өмірі мен шығармашылығына арналған "Көкшесін асқақтатқан Кәрім еді..." атты кітаптың тұсаукесері өтті.  Музейдің жинақтау жұмыстары нәтижесінде жарық көрген кітапта Кәрім Есмағұлұлының әр жылдары баспа беттерінде жарық көрген мақалалары мен көркем туындылары, ән мәтіндері мен ноталары басылған. Сонымен қатар, өнерпаздың шығармашылығы мен өмір жолына, азаматтық тұлғасына арналған естелік мақалар, очерктер жинақталды.    Тұсаукесер рәсімінде сөз алған жазушы-драматург Жабал Ерғалиев, әдебиетші ғалым Сәбит Жәмбек Кәрім Ілиястегінің адамдық, азаматтық келбетін, журналистік қарым-қабілетін әңгімелей келе, сазгерлік қырын да ерекше атап өтті. Қазақстанның еңбек сіңірген әртісі Бисара Мәкенова Кәрім Есмағұлұлының «Көкшетау – Сарыарқаның раушан гүлі» әнін тамылжыта орындап, көпшілікті тәнті етті. Ақмола облысы мәдениет басқармасы басшысының міндетін атқарушы Дина Бейсенбаева музей ұжымының еңбегін жоғары бағалап, шығармашылық табыс тіледі. Кеш соңында Кәрім Ілиястегінің ұрпақтары мен туыстары жиылған көпшілікке ризашылығын айтып, музей басшылығына алғыс білдірді. Ақпарат көзі : https://www.gov.kz/memleket/entities/aqmola-madeniet/press/news/details/1151867?lang=kk

Сұрақ: 2026 жылы жеке тұлғалар үшін ЖТС-тан қандай негізгі өзгерістер қарастырылған. Шегерім 30 АЕК дейін ұлғайтылды деген рас па?Жауап: 2026 жылдан бастап жеке тұлғалар үшін жеке табыс салығына (ЖТС) салық салу тәртібінде бірқатар өзгерістер көзделген.Зейнетақы төлемдерін ЖТС-тан босатуЗейнетақы төлемдерін, сондай-ақ біржолғы зейнетақы төлемдерін ЖТС салудан босату көзделген.Мүгедектігі бар адамдар үшін әлеуметтік салық шегерімін ұлғайтуЖалақыдан ЖТС есептеу кезінде, сондай-ақ жалпыға бірдей белгіленген салық салу режимін қолданатын ЖК-ның, егер жеке тұлғаның            I немесе II топтағы мүгедектігі болса, әлеуметтік салық шегерімі қолданылады. 2025 жылы шегерім мөлшері 882 еселенген АЕК (3 468 024 теңге) құрады. 2026 жылдан бастап мөлшері 5 000 еселенген АЕК-ке (21 625 000 теңге) дейін ұлғайтылды.Стандартты салық шегерімін ұлғайту2025 жылы жалақыдан ЖТС есептеу кезінде айына 14 АЕК (55 048 теңге) мөлшерінде стандартты шегерім қолданылды. 2026 жылдан бастап бұл шегерім айына 30 АЕК (129 750 теңге) дейін ұлғайтылды, яғни төлеуге жататын ЖТС сомасы азаяды.Жылжымайтын мүлікті сатудан түскен табысқа салық салудағы өзгерістер2026 жылдан бастап, егер тұрғын үйлерді, саяжай құрылыстарын немесе гараждарды сату кезінде сату мен сатып алу құны арасында оң айырмашылық пайда болса және сатып алу күнінен бастап екі жылдан аз уақыт өтсе (2026 жылға дейін – бір жыл), мұндай айырмашылық мүліктік табыс деп танылады. Көрсетілген табыстан ЖТС 10% ставка бойынша төлеу қажет болады.Ақпарат көзі : https://www.gov.kz/memleket/entities/kgd-akmola/press/news/details/1151870?lang=kk

Қазақстан Республикасының Салық кодексі шеңберінде 2026 жылғы 1 қаңтардан бастап электрондық шот-фактуралар бөлігінде мынадай негізгі өзгерістер күшіне енеді:Түзетілген, қосымша және кері қайтарып алынған ЭШФ алушының міндетті растауы:Түзетілген, қосымша және кері қайтарып алынған ЭШФ ЭШФ АЖ-де алушы – ҚҚС төлеуші міндетті растауға жатады, бұл ретте түзетілген және қосымша ЭШФ осындай ЭШФ алушысынан растау болған кезде жазып берілген, ал кері қайтарып алынған – кері қайтарып алынған болып есептеледі.ҚҚС төлеуші болып табылмайтын алушылар үшін реакция болмаған кезде белгіленген мерзім өткеннен кейін автоматты растау көзделген.ЭШФ жазуға міндетті субъектілер шеңберін кеңейту, оның ішінде:- ҚҚС төлеушілер:Қазақстан Республикасы Салық кодексінің нормаларын іске асыру шеңберінде бейрезиденттен жұмыстар мен көрсетілетін қызметтерді сатып алу кезінде, егер өткізу орны Қазақстан Республикасының аумағы деп танылса, салық төлеуші бейрезидент үшін ЭШФ жазып беруге міндетті;- ҚҚС төлемеушілер:оңайлатылған декларация негізінде арнаулы салық режимін қолданатын салық төлеуші;Қазақстан Республикасының әлеуметтік қорғау туралы заңнамасына сәйкес медициналық көрсетілетін қызметтер бойынша, дәрілік заттарды, медициналық бұйымдарды, медициналық бұйымдардың жиынтықтауыштарын, сондай-ақ техникалық қосалқы (компенсаторлық) құралдарды өткізу бойынша – салық төлеуші;двокаттық кеңсе жасаған шарттар бойынша адвокаттық осындай кеңсені дербес немесе басқа адвокаттармен бірлесіп құрған адвокат көрсеткен заң көмегі жөніндегі адвокаттық кеңсе.Бұл ретте, Қазақстан Республикасының Салық кодексі шеңберінде құны айлық есептік көрсеткіштің 1000 еселенген мөлшерінен асатын азаматтық-құқықтық мәміле бойынша ЭШФ жазып беру міндеттемесі бойынша норма алынып тасталғанын атап өтеміз.Биометриялық сәйкестендіруден өту:- ЭШФ АЖ-нің қатысушысын ЭШФ АЖ-де тіркеу кезінде;- ЭШФ куәландырылған кезде – салық төлеушіге қатысты ЭШФ Салық кодексінің 93-бабына сәйкес тәуекелдерді басқару жүйесінің негізінде тәуекел анықталған жағдайларда.Бұл ретте биометриядан өтудің жалпы саны 3 (үш) табысты растаумен шектеледі, содан кейін салық төлеушіге биометриядан өтпей ЭШФ одан әрі жазып беру мүмкіндігі беріледі.«Сауда қызметін реттеу туралы» Қазақстан Республикасының Заңында көзделген жағдайларда Ұлттық каталогына сәйкес тауар кодын көрсету.ҚҚС сомасын есепке жатқызу.ЭШФ АЖ-де есепке жатқызылатын ҚҚС сомасы танылған жағдайда тауарларды, жұмыстарды, көрсетілетін қызметтерді алу күні келетін кезеңді көрсете отырып, ҚҚС бойынша декларация ұсынылғанға дейін осындай тану туралы белгі қойылады.Комиссионерлердің, экспедиторлардың сыйақы сомасын бөлек жолмен бөлініп көрсетуі.Комиссия шартының талаптарына сәйкес келетін шарт бойынша, сондай-ақ көлік экспедициясы шарты бойынша шот-фактураны жазып берген кезде шот-фактурадағы сыйақы сомасы бөлек жолмен бөлініп көрсетіледі.«Жеткізушінің деректемелері» В бөлімінде «ҚҚС төлеушінің тіркеу есебіне қою күні» деген 9-жол қосылды. Ақпарат көзі : https://www.gov.kz/memleket/entities/kgd-pavlodar/press/news/details/1151871?lang=kk

Әкімдік отырысына Жақсы аудандық мәслихатының төрағасы, ауылдар мен ауылдық округтердің әкімдері, жергілікті бюджеттен қаржыландырылатын атқарушы органдардың, аудандық аумақтық мемлекеттік органдардың басшылары, БАҚ өкілдері шақырылды. Отырыс барысында осы мәселелер қаралды:1. Жақсы ауданының әлеуметтік-экономикалық даму қорытындылары және 2025 жылғы аудан бюджетінің атқарылуы туралы;2. Ауданда су тасқынына қарсы іс-шараларды іске асыру барысы туралы.Аудан әкімдігінің отырысынан кейін ағымдағы мәселелер бойынша кеңес өтті.Кеңес күн тәртібінде келесі мәселелер қаралды:1. «Кен Дала 2» кредиттеу бағдарламасы және форвардтық сатып алу шеңберінде берешекті өтеу;2. Ауданда жаңа жұмыс орындарын құру және 2026 жылға арналған жоспарлар туралы.Ақпарат көзі : https://www.gov.kz/memleket/entities/aqmola-zhaksy/press/news/details/1151873?lang=kk

Қазақстан PEFA (Public Expenditure and Financial Accountability) халықаралық жүйесіне сәйкес 31 бағыттың 17 бойынша өз нәтижелерін жақсартты. Аталған жүйе мемлекеттік қаржы саласына «диагностика» жасаудың халықаралық стандарты болып саналады. Бұл жөнінде «Мемлекеттік шығыстар мен қаржылық есептілікті бағалау (pefa)» есебін ұсынуға арналған дөңгелек үстелде айытылды. Іс-шараға ҚР Қаржы министрі Мәди Такиев, Дүниежүзілік банктің Орталық Азия бойынша аймақтық директоры Наджи Бенхасин және Қазақстандағы Азия Даму Банкі (АДБ) өкілдігінің директоры Утсав Кумар қатысты.Бұл ретте ҚР Үкіметі Дүниежүзілік банк пен АДБ қолдауымен мемлекеттік шығыстарды тиімді басқару мен қаржылық есептілікті (PEFA) бағалауды аяқтағанын айта кетейік. Оның мақсаты – халықаралық стандарттарға сәйкес бюджет процесінің тиімділігін, ашықтық деңгейін, есептілік пен мемлекеттік ресурстарды пайдалану нәтижесін объективті түрде көрсету.Осыған дейінгі (2018 жылғы) бағалаумен салыстырғанда Қазақстан айтарлықтай жетістікке жеткен. Айталық, жоғары «А» санатына сәйкес бағалау көрсеткішінің үлесі 16%-дан 39%-ға дейін артқан. Ал индикаторлардың 94%-на базалық «С» деңгей мен одан да жоғары балл берілген.«Қазақстанның 2018 жылдан кейінгі қарқынды дамуы мемлекеттік қаржыны басқаруда жауапкершіліктің күшейгенін көрсетеді», деді Дүниежүзілік банктің Орталық Азия бойынша өңірлік директоры Наджи Бенхасин. «Реформалардың келесі кезеңі мемлекеттік қаржыны басқарудың елдік стратегиясын жаңарту кезінде осы бағалаудың нәтижелерін, оның ішінде климаттық өлшеуді пайдалануды көздейді, бұл мемлекеттік шығыстардың тиімділігін және олардың азаматтар үшін қайтарымын одан әрі арттыруға мүмкіндік береді», деп нақтылады ДБ өкілі.Осы бағалаудың аясында жүйенің негізгі компоненттеріне талдау жасалғанын айта кетейік. Оның ішінде бюджетті жоспарлау мен орындау, кірістер мен шығыстарды басқару, мемлекеттік сатып алу, ішкі және сыртқы аудит, сондай-ақ фискалды ашықтық пен қаржы есептілігі қамтылды.Бұдан бөлек фискалды тәртіпті нығайту, бюджеттің тиімді орындалуы және кірістерді ашық басқару саласында атқарылған жұмыс оң бағаланды. Сонымен бірге ресурстарды стратегиялық тұрғыда бөлуге баса мән беріліпті. Халықаралық сарапшылар ортамерзімді бюджеттеу мен стратегиялық жоспарлар арасындағы өзара байланыстың жақсарғанын, сондай-ақ қаражатты бөлу кезінде тиімділіктің негізгі көрсеткіштерінің (KPI) рөлі күшейтілгенін жеткізді. Халықаралық стандарттарға сәйкес келетін ішкі бақылау және аудит жүйесі қаржылық нормаларды сақтай отырып, барлық мемлекеттік шығысты қамтып отыр.«Бұл бағалау Қазақстанның мемлекеттік қаржыны басқару жүйесінің ашықтығы мен есептілігін бірізді түрде күшейтіп келе жатқанын көрсетті. Сонымен қатар сатып алудағы бәсекелестікті арттырып, мемлекеттік қарызды басқаруды жетілдіру мен ақпарат қолжетімділігін кеңейтуді қоса алғанда, жақсартуды қажет ететін бағыттар да жоқ емес. Мемлекеттік қаржыны басқарудың тиімді жүйесі елдің тұрақтылығын нығайтады: ашық саясат азаматтарға жүйені түсінікті етіп, есептілік сенімділікті арттырады. Ал реформалардың орнықтылығы олардың ұзақмерзімді әсерін арттырады», деді АДБ Портфельді сатып алу және мемлекеттік қаржыны басқару департаментінің директоры Рут Фаррант.Тағы бір маңызды жетістердің бірі – еліміздің тарихында алғаш рет климаттық компоненті қамтитын PEFA (PEFA+Климат) бағалауы жүргізілді. Бұл Қазақстанның 2060 жылға дейінгі көміртекті бейтараптық стратегиясының мақсаттарына қол жеткізу мен халықаралық міндеттемелерді орындауға бейілділігін растайды. Аталған жұмысты ҚР Экология және табиғи ресурстар министрлігі жүргізетінін атап өткен орынды.«Қазақстан жаһандағы құбылмалы ахуалға қарамастан макроэкономикалық тұрақтылық пен мемлекеттік қаржы жүйесін тиімді басқару бағытындағы жұмысты жалғастырады. Біздің негізгі басымдығымыз – ашық қаржы жүйесі арқылы халықаралық беделді одан әрі нығайту, кредиттік рейтингті жақсарту, инвесторлардың сенімін арттыру және экономиканың өсімі үшін ұзақмерзімді кезеңге инвестиция тарту. Осы реформалар азаматтардың әл-ауқатына және мемлекетіміздің орнықты дамуына әсер ететіні күмәніз», деді М.Такиев.PEFA халықаралық бағалау тәсілі – мемлекеттік қаржы жүйесіндегі артықшылықтар мен кемшіліктерге талдау жасап, резервтерді анықтауға арналған тәуелсіз құрал. Оның нәтижелері даму көрсеткіштерін нығайта түсу үшін нақты нұсқаулар беруді көздейді.Ақпарат көзі : https://www.gov.kz/memleket/entities/minfin/press/news/details/1151886?lang=kk

18 желтоқсанда Мәлік Ғабдуллин музейінің ұйымдастыруымен Ш.Уәлиханов атындағы Көкшетау университетінде әдебиеттанушы — ғалым, ҚР Ақпарат саласының үздігі Асылбек Байтанұлының «Мәлік Ғабдуллин.Ғибратты ғұмыр» атты кітабының тұсаукесері өтті.Асылбек Байтанды көкшеліктер Мәлік Ғабдуллин музейінде қызмет істеген уақыттан бастап батыр тұлғасын ұзақ жылдар бойы дәріптеп, еңбектерін зерттеп — зерделеген, қолынан қаламын тастамаған ғалым, қазақ руханиятының жанашыры деп біледі.Танымдық еңбекке автордың Мәлік Ғабдуллин туралы зерттеулері, музейде қызмет істеген жылдардағы тағылымды іс-сапарларының баяндамалары, естеліктері енген.Іс-шараның модераторы, М.Ғабдуллин музейінің директоры М. Қонқаев қатысушы қонақтарды таныстырып, автордың музейде жұмыс істеген жылдардағы еңбегін ерекше атап өтті.Құттықтау сөздің шымылдығын ашқан жазушы — драматург, қоғам қайраткері Жабал Ерғалиұлы жарық көрген кітаптың – Мәліктану ғылымындағы ұзақ ізденістің, терең ой мен табанды еңбектің жемісі дей келе, кітап авторы Асылбек Байтанұлына Ақмола облысы әкімінің орынбасары Досұлан Айтбаевтың ықылас хатын табыстады.Қоғам қайраткері Мұрат Ыдырысұлы, Ш.Уәлиханов атындағы Көкшетау университетінің әлеуметтік — мәдени — даму жөніндегі проректоры, тарих ғылымдарының кандидаты, доцент Ардақ Қайыржанұлы, М.Ғабдуллин атындағы Азаматтық қорғау академиясының әлеуметтік-гуманитарлық пәндер, тілдер және психологиялық дайындық кафедрасының профессоры, полковник Сандуғаш Кенжебекқызы құттықтау сөз сөйлеп, кітап авторына ризашылықтарын білдіріп, сый — сияпаттарын тапсырды. Көкшетаулық достары Асылбек Байтанұлының иығына шапан жауып, ақ тілектерін жаудырды.«Мәлік Ғабдуллин. Ғибратты ғұмыр» атты еңбектің тұсауын Жабал Ерғалиев, Мұрат Ыдырысұлы, Аманжол Есмағұловтар кесіп, ақ баталарын берді. Осылайша, кітап қалың оқырманға жол тартты. Университет қабырғасындағы Мәлік Ғабдуллин атындағы клуб мүшелері Батырға арналған Төлеген Қажыбайдың, Қапан Сатыбалдының арнау өлеңдерін нақышына келтіріп оқыды. Кітаптың тұсаукесер рәсімі дәстүрлі әнші Мұрат Әлібидің орындауындағы «Көкшетау» әнімен қорытындыланды.Асылбек Байтанұлының бұл еңбегі Мәліктану ғылымына қосылған жемісті еңбек, қазақ әдебиеті мен руханиятының дамуына қосылған сүбелі үлес деп білеміз.Ақпарат көзі : https://www.gov.kz/memleket/entities/aqmola-madeniet/press/news/details/1151888?lang=kk

Премьер-министрдің орынбасары Қанат Бозымбаев Алматы облысында су ресурстарын тиімді пайдалану және ауылдық аймақтарды тұрақты дамыту мәселелері бойынша кеңес өткізді.Жиынға облыс әкімі Марат Сұлтанғазиев, Су ресурстары және ирригация министрі Нұржан Нұржігітов, Ауыл шаруашылығы вице-министрі Азат Сұлтанов, Ұлттық экономика министрлігінің және «AMANAT» партиясының өкілдері, сондай-ақ өңірдің ауыл шаруашылығы тауар өндірушілері қатысты.Кеңесте вегетация кезеңінің тұрақты өтуін қамтамасыз ету, су үнемдеу технологияларын енгізу, егістік құрылымын әртараптандыру, су ресурстарын есепке алу мен бөлуді цифрландыру, тарифтік саясатты жетілдіру және суды заңсыз алудың жолын кесу шаралары талқыланды.Су ресурстары және ирригация министрлігі Бас прокуратурамен бірлесіп судың «қара нарығымен» күрес жөніндегі жол картасын әзірледі. Жол картасы аясында республикалық және өңірлік деңгейде ведомствоаралық жұмыс топтары құрылады. Құжатта анықталған заңбұзушылықтарды талдау, цифрлық мониторинг құралдарын енгізу, тексерулер мен рейдтер ұйымдастыру, сондай-ақ лауазымды тұлғалар мен су шаруашылығы ұйымдары жасайтын құқықбұзушылықтарды анықтау және алдын алу мақсатындағы сыбайлас жемқорлыққа қарсы іс-шаралар қарастырылған.Вице-премьер Күрті су қоймасынан суды заңсыз алудың жолын кесуге ерекше назар аударуды тапсырды.Суару маусымында тұрақты су пайдалануды қамтамасыз ету үшін ауыл шаруашылығы дақылдарын әртараптандыру шаралары көзделген. 2026 жылға арналған жоспарға сәйкес, Алматы облысында күріш егісінің жалпы аумағы 5,8 мың гектардан аспауы тиіс.Белгіленген лимиттерді сақтау мақсатында суды меншікті нормадан артық тұтынған, өсірілетін дақылдарды өз бетінше ауыстырған және тиісті келісімшартсыз су алған жағдайда тарифтерді ұлғайтуды көздейтін суармалы суды пайдалану қағидалары қабылданды.«Суармалы судың тапшылығы ел экономикасының дамуына кері әсерін тигізеді. Сондықтан су ресурстарын пайдалану тиімділігін арттыру мәселесі аса өзекті. Әкімдік дақылдар құрылымын әртараптандыруға және құрғақшылыққа төзімді дақылдарды енгізуге ерекше назар аударуы тиіс. Күріш дақылдарының ауданын Ауыл шаруашылығы министрлігі бекіткен индикаторларға сәйкес келтіру қажет. Былтырғы күрделі жағдайға қарамастан, вегетация кезеңінің салыстырмалы түрде жеңіл өтуіне су үнемдеу технологияларын енгізу ықпал етті. Мемлекет басшысы Ақмола облысына жұмыс сапары барысында атап өткендей, су ресурстарының 50%-дан астамы жерге сіңіп кетеді. Бұл заманауи жүйелерді қолданатын көрші елдермен трансшекаралық суды бөлу жөніндегі келіссөздерді қиындатады. Алдағы 3-4 жылда бұл мәселемен жүйелі түрде айналысу қажет», — деп атап өтті Қанат Бозымбаев.2030 жылға дейін Қазақстандағы 1,3 млн гектар суармалы жерді су үнемдеу жүйелерімен қамту жоспарланып отыр. Оның ішінде Алматы облысы бойынша көрсеткіш – 186,6 мың гектар. Осы көрсеткіштерге қол жеткізу үшін 2026-2028 жылдары республика бойынша жалпы сипаттағы трансферттер аясында су үнемдеу технологияларын енгізуді қолдауға және суару суының құнын субсидиялауға 228,2 млрд теңге қарастырылған. Бұл алдыңғы үш жылмен салыстырғанда төрт есе көп. Оның ішінде Алматы облысына 27,6 млрд теңге бекітілген. 2028 жылға дейінгі су шаруашылығын дамытудың кешенді жоспары аясында Су ресурстары және ирригация министрлігі Бартоғай су қоймасын реконструкциялау жобасын әзірлеп жатыр. Сондай-ақ жалпы ұзындығы 270 шақырым болатын топтық су құбыры мен төрт магистральдық канал салу жоспарланған. Үлкен Алматы каналының учаскелерін реконструкциялау жұмыстары жүргізіліп жатыр. Бұл жұмыстар биыл толық аяқталады. Жергілікті атқарушы органдар «Сұңқар» және «Тегермен» су қоймаларын салуға арналған жобалау-сметалық құжат дайындап жатыр. Сонымен қатар төрт су қоймасына күрделі жөндеу жүргізу және 74 гидротехникалық құрылысты көпфакторлы тексеруден өткізу көзделген. Вице-премьер облыс әкімдігіне осы жобалардың жүзеге асырылуын ерекше бақылауға алуды және нысандарды белгіленген мерзімде пайдалануға беруді қамтамасыз етуді тапсырды.Ислам даму банкімен ынтымақтастық аясында Еңбекшіқазақ, Балқаш, Ұйғыр және Райымбек аудандарында суару желілерін реконструкциялау жобаларын жүзеге асыру жоспарланып отыр. Нысандардың жалпы ұзындығы 550 шақырымнан асады. Нәтижесінде 34 мың гектардан аса ауыл шаруашылығы жері тұрақты сумен қамтамасыз етіледі. Бұл өңірдің агроөнеркәсіп кешенін дамытуға және оның климаттық тұрақтылығын арттыруға елеулі үлес қосады.Кеңесте «Ауыл аманаты» бағдарламасының жүзеге асырылу барысы да қаралды. Биыл Алматы облысында ауыл кәсіпкерлігін дамытуға 10,8 млрд теңге бөлінеді. Облыс әкімінің орынбасары Бақытнұр Бақытұлының айтуынша, бағдарлама қазірдің өзінде айқын әлеуметтік-экономикалық нәтиже көрсетіп отыр. Ауыл тұрғындарының орташа табысы 23%-ға артқан, ал кейбір кәсіпкерлердің өнімдері басқа өңірлерге және экспорттық нарықтарға шығарылып жатыр.   Соңғы үш жылда бағдарлама аясында 1436 жоба қаржыландырылып, 90 кооператив құрылды және 1616 жаңа жұмыс орны ашылды.   Қазіргі таңда Алматы облысы халқының 81%-ы ауылдық жерлерде тұрады. Қанат Бозымбаев ауылда тұрақты табыс көздерін, жұмыс орындарын және шағын бизнесті дамытуға қажетті жағдай жасаудың маңыздылығын атап өтті.Өңірде «Ауыл аманаты» бағдарламасының сапалы орындалуын бақылау Ұлттық экономика министрлігіне жүктелді. primeminister.kz #Ауыл шаруашылығы #су ресурстары #Қанат Бозымбаев #ӨңірлерАқпарат көзі : https://www.gov.kz/memleket/entities/almobl/press/news/details/1151898?lang=kk

20 қараша күні Кеңес Одағының Батыры, академик, жазушы, қоғам қайраткері Мәлік Ғабдуллиннің туғанына 110 жыл толуына орай «Жеңіс туын желбіреткен жерлесім» атты дөңгелек үстел өтті. Іс-шара Көкшетау қалалық ақпараттық кітапханалар жүйесіне қарасты «Достар» мәдениет үйінде ұйымдастырылды.Дөңгелек үстелдің құрметті қонақтары — Қазақстан Журналистер одағының мүшесі, мәдениет қайраткері Сайлау Көшкенұлы және Қазақстан Жазушылар одағының мүшесі, ақын, журналист, Көкшетау қалалық ақпараттық кітапханалар жүйесінің директоры Серік Жетпісқалиев батыр әрі ғалым жерлесіміз Мәлік Ғабдуллин туралы естеліктерімен бөлісті.Мәлік Ғабдуллин музейінің ғылыми қызметкерлері Ж.Қажыбай мен Э.Ержанова «Мәлік Ғабдуллиннің әдеби мұрасындағы ұлттық рух» және «История создания музея Малика Габдуллина» тақырыптарында баяндамалар жасап, көпшілік назарына 1943 жылғы батырдың елге сапарынан түсірілген деректі фильмі ұсынылды. Көкшетау қаласының жалпы білім беретін орта мектеп оқушылары батырға арналған ақындардың өлеңдерін оқыды.Кітапхана қызметкерлері Мәлік Ғабдуллиннің өз еңбектері мен ол туралы жазылған шығармалардан кітап көрмесін ұйымдастырып, келген қонақтарға таныстырды. Мектеп мұғалімдері оқушылар атынан танымдық ақпараттар үшін ұйымдастырушыларға ризашылықтарын жеткізді.Ақпарат көзі : https://www.gov.kz/memleket/entities/aqmola-madeniet/press/news/details/1151901?lang=kk

Қазақстанның Қорғаныс министрлігінде Халықаралық ынтымақтастық департаментінің бастығы полковник Олжас Құсайыновтың БҰҰ құрылымы Орталық Азия үйлестіру кеңсесінің басшысы Джерен Гювен Гурес ханыммен жұмыс кездесуі өтті.Тараптар гендерлік теңдік саласындағы ынтымақтастықты дамыту және әйел құқықтары мен мүмкіндіктерін кеңейту жөніндегі алдағы қадамдарды талқылады. Бұл Қазақстанда ұлттық басымдықтар мен халықаралық стандарттарға сай іске асырылуы мүмкін бірлескен бастамалар, халықаралық тәжірибе алмасу және жобалар төңірегінде болды.Кездесуге қатысушылар институционалдық әлеуетті нығайтуға және тең құқықтар мен мүмкіндіктер саласында заманауи тәсілдерді енгізуге бағытталған өзара әрекеттің практикалық форматтарына ерекше назар аударды.Ақпарат көзі : https://www.gov.kz/memleket/entities/mod/press/news/details/1151904?lang=kk

27.01.2026 ж. Агенттік №5 қаулысымен Шухрат Алиджанович Ибрагимовке «Еуразиялық банк» Акционерлік қоғамының ірі (жанама) қатысушысы мәртебесін алу бойынша келісім берілдіАқпарат көзі : https://www.gov.kz/memleket/entities/ardfm/press/news/details/1151938?lang=kk

Ақмола облысында 2026 жылдың 2-8 ақпан аралығында өтетін мәдени іс-шаралар бағдарламасыАқпарат көзі : https://www.gov.kz/memleket/entities/aqmola-madeniet/press/news/details/1152406?lang=kk

Қостанай қаласының студенттер лигасының қалалық кезеңі аяқталдыБүгін Қостанай қаласында студент жастар арасындағы ірі спорттық жарыстардың бірі – Қостанай қаласының Студенттер лигасының қалалық кезеңі өз мәресіне жетті. Аталған турнир қаладағы жоғары оқу орындары мен колледждердің үздік командаларын біріктіріп, студенттік спорттың дамуына серпін берді.Жарыс барысында командалар жоғары деңгейдегі физикалық дайындықты, ұйымшылдықты және нағыз спорттық мінезді көрсетті. Кездесулер тартысты әрі қызықты өтіп, жанкүйерлердің ерекше ықыласына бөленді. Турнир студент жастар арасында салауатты өмір салтын насихаттауға және бұқаралық спортты дамытуға бағытталды.Қалалық кезеңнің қорытындысы бойынша жүлделі орындар келесідей бөлінді:1-орын – КИПК командасы;2-орын – КИнЭУ командасы;3-орын – КСК командасы.Студенттер лигасы жас спортшылар үшін тәжірибе алмасу алаңына айналып, командалық рухты нығайтуға және болашақта қалалық, өңірлік жарыстарда ел намысын қорғайтын спортшыларды тәрбиелеуге ықпал етті.Ақпарат көзі : https://www.gov.kz/memleket/entities/kostanai-kalasy-akimat/press/news/details/1152003?lang=kk

Мемлекеттік кірістер органдарының өкілдері Павлодар облысының Мамандандырылған ауданаралық әкімшілік сотының алаңында өткен дөңгелек үстелге қатысты.Іс-шара әкімшілік рәсімдердің біркелкілігі және Қазақстан Республикасы Әкімшілік рәсімдік-процестік кодексінің (ӘРПК) жаңа нормаларын қолдану мәселелеріне арналды.Дөңгелек үстел барысында ӘРПК құқық қолдану практикасының өзекті мәселелері, сондай-ақ әкімшілік рәсімдерді жүзеге асыру және әкімшілік актілерді қабылдау кезінде бірыңғай тәсілді қалыптастырудың маңызы талқыланды.Мемлекеттік органдар қызметінің ашықтығын арттыруға, азаматтар мен бизнестің құқықтары мен заңды мүдделерін қорғауға, сондай-ақ әкімшілік сот ісін жүргізуде заңдылық пен әділеттілік қағидаттарын нығайтуға бағытталған ӘРПК жаңалықтарына ерекше назар аударылды.Қатысушылар қабылданатын шешімдердің сапасын арттыру және әкімшілік заңнаманы біркелкі қолдану үшін соттар мен мемлекеттік органдардың сындарлы өзара іс-қимылының маңыздылығын атап өтті. Павлодар облысы бойынша МКД-ның Заң басқармасыАқпарат көзі : https://www.gov.kz/memleket/entities/kgd-pavlodar/press/news/details/1152005?lang=kk

Ереван, 2026 жылғы 28 қаңтар - Қазақстанның Армениядағы Елшісі Б.Иманбаев Арменияның сараптамалық қауымдастығының өкілдері - Армян саяси сарапшылар қауымдастығының төрағасы М.Шахзадеянмен, Еуразиялық сарапшылар клубының үйлестірушісі, «Интеграция және даму» қоғамдық ұйымының жетекшісі, саяси талдаушы А.Сафарянмен және «Ануш» армян қорының негізін қалаушы А.Климчукпен кездесу өткізді. Кездесу барысында Қазақстан мен Армения арасындағы екіжақты қатынастарды одан әрі дамыту, сондай-ақ екі елдің сараптамалық және аналитикалық қауымдастықтары арасындағы өзара ықпалдастықты кеңейту мәселелері бойынша жан-жақты пікір алмасу өтті. Армениялық сарапшылар Мемлекет басшысы бастамашы болған, мемлекеттік жүйенің жаңа архитектурасын қалыптастыруға, демократиялық институттарды одан әрі нығайтуға, сондай-ақ мемлекет пен қоғам арасындағы диалогты институционализациялауға бағытталған конституциялық реформаның негізгі ережелерімен таныстырылды. Қатысушылар аталған өзгерістердің елдің тұрақты дамуы үшін шешуші маңызға ие екендігі туралы ортақ пікірге келді. Сараптамалық қауымдастық өкілдері Қазақстанның өңірлік және халықаралық деңгейде сенімді нығайтуға бағытталған жүйелі саясатын ерекше атап өтті. Астананың сыртқы саяси бағыты Қазақстан мен Армения арасындағы стратегиялық әріптестікті одан әрі тереңдетуге қолайлы жағдай қалыптастыратыны баса айтылды. Жүйелі диалогтың маңыздылығын ескере отырып, армениялық саясаттанушылар Ереванда сараптамалық дөңгелек үстел өткізу бастамасын ұсынды. Аталған іс-шара екіжақты қатынастардың өзекті мәселелері бойынша пікір алмасуға, сондай-ақ бірлескен ұсыныстар мен ұсынымдар әзірлеуге бағытталмақ.Ақпарат көзі : https://www.gov.kz/memleket/entities/mfa-erevan/press/news/details/1152017?lang=kk

Ереван, 2026 жылғы 29 қаңтар - Елші Болат Иманбаевтың Армения Республикасы Сыртқы істер министрінің орынбасары Мнацакан Сафарянмен кездесуі өтті.Келіссөздер барысында тараптар өткен жылдағы екіжақты ынтымақтастықтың қорытындыларын шығарып, қазақ-армян қатынастарының тұрақты оң серпінін және практикалық бағыттылығын атап өтті. Тұрақты саяси диалог пен қол жеткізілген уағдаластықтарды жүйелі түрде іске асыру ынтымақтастықтың кең ауқымды бағыттар бойынша кеңеюіне және қатынастардың стратегиялық әріптестік деңгейіне көтерілуіне ықпал еткені атап өтілді.Қазақстан Елшісі конституциялық реформаның негізгі бағыттарын таныстырып, олардың мемлекеттік басқару жүйесін жаңғыртуға және мемлекеттік институттардың орнықтылығын нығайтуға бағытталғанын атап өтті.Тараптар екіжақты ынтымақтастықтың практикалық аспектілеріне, оның ішінде өзара тауар айналымын арттыруға, инвестициялық белсенділікті ынталандыруға, өнеркәсіптік және технологиялық кооперацияны кеңейтуге, сондай-ақ сауда-экономикалық саладағы бірлескен жобаларды іске асыруға ерекше назар аударды. Сондай-ақ Армения Республикасының Премьер-министрі Никол Пашинянның Қазақстан Республикасына жасаған ресми сапарының қорытындысы бойынша қол жеткізілген уағдаластықтардың орындалу барысы қаралды. Осы тұрғыда елдер арасындағы тікелей әуе рейстерін қайта бастаудың іскерлік, гуманитарлық және туристік байланыстарды жандандырудағы маңызды фактор ретіндегі өзектілігі расталды.Тараптар ағымдағы жылға арналған бірлескен іс-шаралар жоспарын талқылап, қазақ-армян қатынастарын одан әрі нығайту мен кезең-кезеңімен дамытуға бағытталған тұрақты байланыстар мен практикалық жұмысты жалғастыруға дайын екендіктерін растады.Ақпарат көзі : https://www.gov.kz/memleket/entities/mfa-erevan/press/news/details/1152026?lang=kk

 Қазақстан Республикасы Сыртқы істер министрінің орынбасары Әлібек Қуантыров Иран Ислам Республикасының Елшісі Али Акбар Джоукармен кездесу өткізді.Кездесу барысында Қазақстан-Иран сауда-экономикалық ынтымақтастығының өзекті мәселелері, өзара сауданың ағымдағы жай-күйі мен серпіні, сондай-ақ логистика, транзит және инвестициялық ынтымақтастық салаларындағы өзара іс-қимылды кеңейту перспективалары талқыланды. 2025 жылдың қорытындысы бойынша Қазақстан мен Иран арасындағы тауар айналымы 430,2 млн АҚШ долларын құрап, алдыңғы жылмен салыстырғанда 26,4%-ға артқан. Бұл ретте Қазақстаннан экспорт көлемі 239,3 млн АҚШ долларына жетіп, шамамен екі есеге өсті.Тараптар Иран Президенті М.Пезешкианның 2025 жылғы 10-11 желтоқсанда Қазақстанға жасаған ресми сапары барысында мемлекет басшылары деңгейінде екіжақты тауар айналымын 1 млрд АҚШ долларына дейін ұлғайту жөніндегі стратегиялық мақсат айқындалғанын атап өтті. Осы тұрғыда шаруашылық жүргізуші субъектілердің қызметі үшін орнықты жағдайлар қалыптастырудың, көлік-логистикалық бағыттарды дамытудың және екі елдің бейінді ведомстволары мен іскер топтары арасындағы практикалық өзара іс-қимылды жандандырудың маңыздылығы көрсетілді.Кездесу қорытындысы бойынша тараптар сауда-экономикалық байланыстарды одан әрі кезең-кезеңімен дамытуға және Қазақстан мен Иран Ислам арасындағы өзара тиімді ынтымақтастықты нығайтуға бағытталған сындарлы диалогты жалғастыруға өзара мүдделілігін растады.Ақпарат көзі : https://www.gov.kz/memleket/entities/mfa/press/news/details/1152029?lang=kk