Прага, 2026 жылғы 31 мамыр - Прага-Кбелы әскери әуеайлағынан «Жабайы жылқыларды қайтару» халықаралық жобасы аясында Қазақстанға жеткізілетін Пржевальский жылқыларының кезекті тобын алып шыққан Чехия Республикасы Қарулы күштерінің әскери-көлік ұшағы ұшып шықты.Биыл Қазақстанға төрт айғыр мен төрт биеден тұратын сегіз Пржевальский жылқысын жеткізу жоспарланған. Жануарлардың алғашқы тобы Прагадан аттандырылса, қалған төрт бас жылқы Германиядағы Tierpark Berlin хайуанаттар бағынан жөнелтіледі. Олар Қазақстандағы осы сирек түрді қалпына келтірудің маңызды орталықтарының біріне айналып келе жатқан «Алтын Дала» мемлекеттік табиғи резерватына орналастырылады. Бұл 2024 жылы жобаны іске қосқаннан бері жүзеге асырылған үшінші тасымал болып табылады.Осыған орай Қазақстан Елшісінің, Прага қаласы әкімінің қоршаған орта мәселелері жөніндегі орынбасарының, Прага хайуанаттар бағы өкілдерінің және Пржевальский жылқысын өсіру жөніндегі еуропалық үйлестірушілердің қатысуымен баспасөз конференциясы өтті. Сөз сөйлегендер бұл жобаның Қазақстан үшін айрықша маңызға ие екенін атап өтті. Өйткені бастама сирек кездесетін жануарларды тасымалдаумен ғана шектелмей, дала экожүйелеріндегі табиғи тепе-теңдікті қалпына келтіруге, биологиялық әртүрлілікті сақтауға және Пржевальский жылқысын өзінің тарихи мекендеу ортасына қайтаруға бағытталған.Қазақстан Республикасының Елшісі Қайрат Әбдірахманов жобаны іске асыруға нақты үлес қосқан Чехия астанасы мен Еуропаның өзге қалаларындағы хайуанаттар бақтарының әкімшіліктеріне, әскери құрылымдарға, сондай-ақ екі елдің табиғат қорғау ұйымдарына ризашылығын білдірді. Сонымен қатар Пржевальский жылқысын сақтау ісінде мол халықаралық тәжірибесі бар Прага хайуанаттар бағының рөлі және жануарларды тасымалдаудың күрделі логистикасын қамтамасыз етудегі Чехия армиясының қолдауы ерекше аталып өтті.Қазақстан тарапынан жобаға Ауыл шаруашылығы министрлігі, Экология және табиғи ресурстар министрлігі, Қазақстанның биоалуантүрлілікті сақтау қауымдастығы және «Алтын Дала» мемлекеттік табиғи резерватының мамандары қатысуда. Олар жануарлардың жаңа ортаға бейімделуін қамтамасыз етіп, олардың жай-күйіне тұрақты мониторинг жүргізеді әрі табиғи жағдайда орнықты популяция қалыптастыру жұмыстарын жүзеге асырады.Аталған жоба биоалуантүрлілікті қорғау және дала экожүйелерін қалпына келтіру саласындағы қазақстан-чех ынтымақтастығының нақты нәтижелерінің бірі болып табылады. Сонымен қатар ол Қазақстанның ерекше қорғалатын табиғи аумақтарды дамытуға және табиғат қорғау бағытындағы халықаралық әріптестікті нығайтуға арналған кең ауқымды экологиялық күн тәртібімен үндеседі.Осы тұрғыда ағымдағы жылдың сәуір айында Астана қаласында өткен, орнықты даму, қоршаған ортаны қорғау және өңірлік ынтымақтастық мәселелеріне арналған Өңірлік экологиялық саммиттің маңызы атап өтілді.Тараптар сондай-ақ Қазақстан мен Чехияның бейінді мекемелері мен хайуанаттар бақтары арасындағы ынтымақтастықты одан әрі дамыту перспективаларын талқылады. Атап айтқанда, тәжірибе алмасу, кәсіби байланыстарды кеңейту және биоалуантүрлілікті сақтау саласындағы бірлескен ғылыми бастамаларды іске асыру мүмкіндіктері сөз болды.Ақпарат көзі : https://www.gov.kz/memleket/entities/mfa-prague/press/news/details/1232171?lang=ru

Қазақстан Республикасы Премьер-министрінің орынбасары – ұлттық экономика министрі Серік Жұманғарин Астанаға жоғары деңгейдегі делегацияны басқарып келген Гонконг әкімшілігінің басшысы Джон Лимен келіссөздер өткізді. Тараптар сауда-экономикалық және инвестициялық ынтымақтастықты кеңейту перспективасын, қаржылық әріптестікті дамытуды, сондай-ақ Қазақстан мен Гонконг арасындағы көлік байланысын нығайту мәселесін талқылады.Гонконг делегациясының құрамына бизнес пен мемлекеттік құрылымдардың 70-тен астам өкілі кірген. Олардың ішінде жасыл энергетика, қаржы технологиясы, жасанды интеллект, робот техникасы, урбанистика, өндіруші өнеркәсіп және инновациялық даму саласындағы жетекші компаниялардың басшылары бар.Кездесу кезінде Серік Жұманғарин еліміздің егеменді кредиттік рейтингінің жақсаруы расталған Қазақстан экономикасының тұрақты өсуін атап өтіп, қосылған құны жоғары жобаларға инвестиция тартуға мүдделілігін атап өтті.Экономиканың нақты секторындағы ынтымақтастықты дамытуға ерекше көңіл бөлінеді. Қазақстан агроөнеркәсіптік кешенде жобаларды бірлесіп іске асыру, ауыл шаруашылығы шикізаты мен табиғи ресурстарды терең өңдеу, мұнай-газ химиясы, көмір химиясы, минералды тыңайтқыш пен пестицид өндіру, сондай-ақ түсті металдан дайын өнім шығару мүмкіндігін қарастыруды ұсынды. Пысықталып жатқан жобалардың жиынтық әлеуеті $100 млрд-тан асады деп бағалануда.Келіссөздердің тағы бір негізгі бағыты — қаржылық ынтымақтастық. Қазақстан Қытай мен Гонконг нарығына қарыз құралдарын шығару арқылы, сондай-ақ бірлескен инвестициялық қорларды құру арқылы Гонконг капиталын тартуға дайын екендігін білдірді. «Бәйтерек»  ұлттық инвестициялық холдингі инвестициялық бастамаларды ұзақ мерзімді қолдауды қамтамасыз ете отырып, перспективалық жобалардың қаржылық әріптесі және бірлескен инвесторы болуға дайын.«Гонконгпен ынтымақтастықты кеңейтудің келешегін талқылау біз үшін зор мәртебе. Қазақстан инвесторларға тартымды жобаларды ғана емес, сонымен қатар көрші мемлекеттермен трансшекаралық өнеркәсіптік кооперация мүмкіндіктерін қосқанда, Орталық Азия нарығына шығуды ұсынуға дайын», — деп атап өтті Серік Жұманғарин.Кездесу барысында Қазақстан вице-премьері сауда-экономикалық ынтымақтастықты дамыту жөніндегі бірлескен жол картасын әзірлеуді, «Қазақстан - Гонконг» екіжақты инвестициялық қорын құру және Қазақстан – Гонконг – Шыңжаң форматындағы өзара іс-қимыл жасау мүмкіндігін қарастыруды ұсынды.Серік Жұманғарин сондай-ақ Қазақстанның Гонконг өкілдерімен, жетекші халықаралық компаниялармен бірлескен кәсіпорындар құруға мүдделілігін атап өтті. Инвесторлар үшін жаңа жобаларды іске асыру үшін кедергілерді азайтуға бағытталған мемлекеттік қолдау және бірлесіп қаржыландыру тетіктері көзделген. Қазақстан бизнесті жүргізу үшін қолайлы жағдайларды, қажетті инфрақұрылымды және келешегі зор бастамаларды қолдауды ұсынуға дайын. Бұл ретте жобалардың экономикалық тиімділігі, сондай-ақ тараптардың инвестициялық мүмкіндікті, технологиялар мен сараптаманы біріктіруге дайындығы негізгі факторлар болып қала береді.Тараптар өзара сауданы ұлғайтудың зор мүмкіндігі бар екенін атап өтті. Қазақстан Гонконг нарығына металлургия, мұнай-химия және тамақ өнеркәсібі өнімдерін, сондай-ақ астық пен ұн жеткізуді арттыруға мүдделі. Бұл ретте Қазақстан өңірдегі астық, майлы дақыл мен мал шаруашылығы өнімдерінің ірі экспорттаушысы болып табылады. Өткен жылғы қорытынды бойынша астық экспорты 15 млн тоннадан асқан. Бұл соңғы 20 жылдағы ең жақсы нәтиже. Бірлескен кәсіпорындар құру және ауыл шаруашылығы өнімдерін терең өңдеу бойынша жобаларды іске асырудың болашағына ерекше назар аударылды.Өз кезегінде Джон Ли Қазақстанның экономикалық даму қарқынын және оның Азия мен Еуропа арасындағы негізгі транзиттік торап ретіндегі рөлін жоғары бағалады. Оның айтуынша, екі аймақ арасындағы құрлықтағы жүк тасымалының шамамен 85%-ы ел аумағы арқылы өтеді.Гонконг әкімшілігінің басшысы жетекші әлемдік қаржы орталықтарының бірі мәртебесін нығайтумен қатар инновациялар мен технологияларды дамытуға бағытталған АӘА экономикасының жүргізіліп жатқан трансформациясы туралы айтты. Алдағы жылдары Гонконг инновациялық инфрақұрылымды едәуір кеңейтуді, ғылыми-технологиялық парктер санын ұлғайтуды және жоғары технологиялық салаларға халықаралық мамандарды тартуды жалғастыруды жоспарлап отыр.«Біз Гонконг пен Қазақстан арасындағы ынтымақтастықты кеңейтудің елеулі әлеуетін көріп отырмыз. Біздің экономикалар қаржы, инновация, технология, логистика және инвестиция салаларында бір-бірін тиімді толықтыра алады. Байланысымызды одан әрі нығайтудың маңызды қадамы Гонконг пен Қазақстан арасындағы тікелей әуе қатынасын қалпына келтіру болуы мүмкін», — деп атап өтті Джон Ли.Кездесуді түйіндей келіп, тараптар мемлекеттік органдар мен іскер топтар арасындағы өзара іс-қимылды одан әрі дамытуға мүдделі екендіктерін жеткізді. Сондай-ақ ынтымақтастықтың перспективалық бағыттарындағы жұмысты жандандыруға уағдаласты.Анықтама:2025 жылдың қорытындысы бойынша Қазақстан мен Гонконг арасындағы тауар айналымы $180 млн-ға жеткен. Осылайша, өзара сауда көлемі 2024 жылғы $130 млн-мен салыстырғанда 40%-ға өсіп отыр.Ақпарат көзі : https://www.gov.kz/memleket/entities/economy/press/news/details/1232202?lang=ru

Сапалы экономикалық өсуді қамтамасыз ету және макроэкономикалық талдауды одан әрі жетілдіру жөніндегі жұмыс шеңберінде ҚР Ұлттық экономика министрлігі әлеуетті жалпы ішкі өнімді (ЖІӨ) есептеудің әдістемесін бекітті.Ықтимал ЖІӨ өндірістік факторды толықтай пайдалану және инфляциялық қысым болмаған кездегі экономикадағы мүмкін болатын ең жоғары өндіріс көлемін анықтайды.Бұл көрсеткішті есептеу Қазақстандағы экономикалық өсудің табиғи шегін және оның нақты мәннен қаншалықты жоғары немесе төмен екенін анықтауға мүмкіндік береді.Әдістеме болашақтағы ЖІӨ-ні есептеудің халықаралық тәжірибесін ескеріп отыр. Бұл ретте жұмыспен қамтудың артуы, инвестиция мен негізгі капиталдың өсуі, сондай-ақ технологиялық прогресс (жиынтық факторлық өнімділік) сияқты факторлардың экономикалық өсуге қосатын үлесі бағамдалып, әлемдік тәжірибеде кең тараған Кобб-Дуглас өндірістік фукнциясы қолданылған.Есептеу үшін Ұлттық статистика бюросының ресми деректері пайдаланылады.Ықтимал ЖІӨ-ні бағалауды тоқсан сайын жүзеге асыру жоспарлануда.Нәтиже экономикалық өсудің сапасын бағалау және экономикалық цикл фазасын анықтау үшін талдамалық мақсатта пайдаланылады.Ақпарат көзі : https://www.gov.kz/memleket/entities/economy/press/news/details/1232219?lang=ru

Елімізде Президент Жарлығына сәйкес 2026 жылғы 17 наурыз бен 30 маусым аралығында өтетін көктемгі әскерге шақыру науқаны әлі жалғасып жатыр.1 маусымдағы жағдай бойынша Қарулы күштерді, сондай-ақ ҰҚК Шекара қызметін, Мемлекеттік күзет қызметін және Төтенше жағдайлар министрлігін жасақтау жоспары толық көлемде орындалды.Бас штабтың Ұйымдастыру-жұмылдыру жұмыстары департаментінің мәліметінше, жаңа шақырылғандардың басым бөлігі жас сарбаздар курсын аяқтап үлгерген. Әскери қызметшілер жалпыәскери жарғыларды оқып, саптық және атыс дайындығының негіздерін меңгерген, қару-жарақтың тактикалық-техникалық сипаттамаларымен танысқан. Дайындықтың қорытынды кезеңі ретінде салтанатты түрде әскери ант беру рәсімі өткізілді.Қазірдің өзінде мерзімді қызметтің сарбаздары әскери өмірге сәтті бейімделіп, өз міндеттерін атқаруға кірісті. Несие міндеттемелері бар әскери қызметшілер заңнамада қарастырылған мүмкіндікті пайдаланып, қызмет ету мерзімінде төлемдері кейінге қалдырылды. Сонымен қатар, олардың көпшілігі қызметін аяқтағаннан кейін мемлекеттік білім беру гранттарына арналған конкурсқа қатысуды жоспарлап отыр.Қазіргі уақытта ел өңірлерінде әкімдердің орынбасарларының басшылығымен қалалық және аудандық әскерге шақыру комиссиялары өз жұмысын жалғастырып жатыр. Негізгі күш Ұлттық ұлан бөлімшелерін жасақтауға бағытталған. Жоспарға сәйкес, оның қатарына 7 мыңнан астам жас шақырылатын болады.Азаматтарға шақыру электронды форматта SMS-хабарламалар және eGov порталы арқылы келу күніне кемінде үш күн қалғанда жіберіледі. Электрондық хабарлама ресми шақыру мәртебесіне ие. Хабарлама алған азаматтар жергілікті атқарушы органдардың әскерге шақыру пунктіне келуге міндетті. Дәлелді себепсіз келмеген жағдайда әкімшілік жауапкершілік, ал әскери қызметтен жүйелі түрде жалтарғаны үшін қылмыстық жауапкершілік қарастырылған.Жалпы көктемгі әскерге шақыру аясында Қазақстан Республикасының Қарулы күштері, басқа да әскерлері мен әскери құралымдарының қатарына 18 бен 27 жас аралығындағы 21 мыңнан астам азамат қосылады.Ақпарат көзі : https://www.gov.kz/memleket/entities/mod/press/news/details/1232220?lang=ru

2026 жылғы 1 маусымнан бастап Шығыс Қазақстан облысында жазғы мектеп жанындағы тілдік лагерьлер өз жұмысын бастады. Оған 4255 оқушы қамтылды. Оқушылардың қазақ, орыс және ағылшын тілдерінде қарым-қатынас жасау дағдыларын дамытуға, сөздік қорын кеңейтуге және қолайлы тілдік орта қалыптастыруға бағытталған.Лагерь аясында оқушыларға тілдік сабақтар, интерактивті ойындар, шығармашылық шеберлік сағаттары, зияткерлік байқаулар және мәдени-танымдық іс-шаралар өткізіледі.Ақпарат көзі : https://www.gov.kz/memleket/entities/vko-bilim/press/news/details/1232235?lang=ru

Шығыс Қазақстан облысы білім басқармасының «Örken» Шығыс Қазақстан өңірлік білім беруді ақпараттандыру және дамыту ғылыми-әдістемелік орталығының жоспарына сәйкес 2026 жылдың сәуір-мамыр аралығында аудан және қала мектептерінің жоғары сынып оқушылары арасында алғашқы әскери және технологиялық даярлық пәні бойынша дәстүрлі далалық оқу-жаттығу жиындары өтті.Оқу-жаттығу жиынының мақсаты — жас ұрпақтың әскери-патриоттық тәрбиесін нығайту, Отан алдындағы жауапкершілік сезімін қалыптастыру, теориялық білімдерін тәжірибе жүзінде жетілдіру.Облысымыздағы 347 мектептің жалпы оқушылар саны- 99 962, оның ішінде 10 сынып оқушыларының саны - 5792, оның ішінде ұл балалар – 2495, қыз балалар саны-3297, жалпы оқу-жаттығуға қатысқандар саны-2222, арнайы медициналық анықтамамен 273 оқушы шарадан босатылды.Зайсан ауданы бойынша Далалық оқу-жаттығу жиыны Шекара басқармасына қарасты алаңында, Тарбағатай ауданында Асусай ауылындағы «Қызыл шекара» шекара заставасында, Ұлан ауданында «Болашақ» жазғы лагерінде ұйымдастырылды.Қалған аудандарда іс-шара мектептер базасында ұйымдастырылды.Жиын барысында қатысушылар саптық, тактикалық әрекеттер, азаматтық қорғаныс, алғашқы медициналық көмек көрсету, әскери тәртіп пен қауіпсіздік ережелері бойынша арнайы дайындықтан өтті.Ақпарат көзі : https://www.gov.kz/memleket/entities/vko-bilim/press/news/details/1232239?lang=ru

2026 жылғы 1 маусымда Халықаралық балаларды қорғау күніне орай Шығыс Қазақстан облыстық филармониясында алғаш рет облыстық балалар шығармашылығының «SHYǴYS BALAFEST» фестивалі өтті. Ауқымды мәдени шараға облыстың барлық аудан-қалаларынан келген мыңға жуық дарынды бала қатысты.Фестивальдің Гала-концертіне Шығыс Қазақстан облысының әкімі Нұрымбет Сақтағанов қатысып, жеңімпаздарды марапаттау рәсіміне арнайы қатысты.«SHYǴYS BALAFEST» фестивалі өскелең ұрпақтың шығармашылық әлеуетін қолдауға және дамытуға, жас таланттардың өнерін шыңдауға, олардың арасындағы достық байланыстарды нығайтуға және балалар өнерін кеңінен насихаттауға бағытталған маңызды алаңға айналды.Гала-концерт аясында облыстық кезеңнің жеңімпаздары көрермендер назарына үздік өнер көрсетілімдерін ұсынды. Сахнада әсерлі вокалдық шығармалар шырқалып, көркем хореографиялық қойылымдар, аспаптық композициялар мен өзге де жарқын шығармашылық нөмірлер орындалды. Жас өнерпаздар өздерінің жоғары деңгейдегі шеберлігі мен шығармашылық мүмкіндіктерін паш етті.Фестивальге аудандық және қалалық кезеңдердің жеңімпаздары қатысып, туған өлкелерінің намысын абыроймен қорғап, облыстың басты сахнасында өнер көрсету мүмкіндігіне ие болды.«SHYǴYS BALAFEST» фестивалі Шығыс Қазақстандағы дарынды балаларды біріктіретін, олардың шығармашылық дамуы мен өзін-өзі жүзеге асыруына жаңа мүмкіндіктер ашатын игі дәстүрге айналуды мақсат етеді.Ақпарат көзі : https://www.gov.kz/memleket/entities/vko-bilim/press/news/details/1232240?lang=ru

✔️Халықаралық балаларды қорғау күніне орай Президент резиденциясы барлық облыстан келген 100 оқушыға есігін айқара ашты.✔️Ақордада пән олимпиадаларының жеңімпаздары мен жүлдегерлері, оқу озаттары, шығармашылық байқаулардың және спорт сайыстарының лауреаттары қонақ болды.✔️Кішкентай меймандарға ғимарат құрылысының тарихы мен сәулеттік ерекшеліктері туралы сыр шертетін қызықты экскурсия ұйымдастырылды.✔️Оқушылар ресми қабылдау өтетін залдармен, Мемлекет басшысының кітапханасымен танысып, резиденция аумағындағы бақта серуендеді.✔️Жеткіншектер Қазақстан тарихы туралы жан-жақты мәлімет алып, Тәуелсіздік құндылықтарының маңызына бойлады.✔️Экскурсия соңында балаларға Президент атынан естелік сыйлықтар табысталды.Ақпарат көзі : https://www.gov.kz/memleket/entities/vko-bilim/press/news/details/1232242?lang=ru

Халықаралық балаларды қорғау күніне орай Шығыс Қазақстан облысының әкімі өңірдің дарынды оқушыларымен дәстүрлі кездесу өткізді. Іс-шараны облыстық білім басқармасы ұйымдастырды.Кездесудің мақсаты – 2025–2026 оқу жылының қорытындысын шығарып, оқу, шығармашылық және спорт салаларында жоғары жетістіктерге жеткен оқушыларды марапаттау.Ағымдағы оқу жылында Шығыс Қазақстан облысының оқушылары халықаралық және республикалық олимпиадаларда, конкурстар мен спорттық жарыстарда табысты өнер көрсетіп, барлығы 171 медаль жеңіп алды. Оның ішінде 37 алтын, 46 күміс және 88 қола медаль бар.Жаратылыстану-математикалық бағыттағы облыс құрамасы республикалық пәндік олимпиаданың қорытындысы бойынша «Үздік олимпиадалық команда – 2026» номинациясын иеленіп, еліміздің үздік үш командасының қатарына енді. Ал ауыл мектептері оқушыларының командасы қоғамдық-гуманитарлық бағыт бойынша үздік деп танылып, III дәрежелі дипломмен марапатталды.Кездесу барысында облыс әкімі оқушыларды жетістіктерімен құттықтап, оларға жаңа белестер мен толағай табыстар тіледі. Іс-шараға қатысушылардың барлығына облыс әкімінің атынан алғыс хаттар мен ақшалай сертификаттар табысталды.Дарынды жастарды қолдау – өңірдегі білім беру саласының басым бағыттарының бірі болып қала береді.Ақпарат көзі : https://www.gov.kz/memleket/entities/vko-bilim/press/news/details/1232245?lang=ru

Қостанай облысында цифрлық инфрақұрылымды дамыту және тұрғындарды сапалы байланыс қызметімен қамтамасыз ету бағытындағы жұмыстар жалғасуда. Жыл басында облыс әкімдігі мен Tele2/Altel байланыс операторы – «Мобайл Телеком-Сервис» ЖШС арасында өңірдегі интернет сапасын жақсарту жөніндегі ынтымақтастық туралы меморандумға қол қойылған болатын.Құжат аясында компания жыл соңына дейін облыс аумағында 60-тан астам жаңа базалық станция орнатуды жоспарлап отыр. Жоба аудан орталықтары, моноқалалар мен шалғай елді мекендерде мобильді байланыс пен интернет сапасын арттыруға бағытталған.Меморандум шеңберіндегі алғашқы нысандар Лисаков және Рудный қалаларында іске қосылды. Жаңа базалық станциялар тұрғындарды тұрақты байланыспен қамтамасыз етіп, мобильді интернеттің жылдамдығын арттыруға мүмкіндік береді.Лисаков қаласында қазіргі қолданыстағы желіні күшейту мақсатында қосымша алты базалық станция орнату көзделген. Жобаның алғашқы кезеңінде екі станция пайдалануға берілді. Жаңа нысандар қала аумағындағы, оның ішінде саяжай массивтеріндегі байланыс сапасын жақсартуға мүмкіндік береді.Сонымен қатар қалада талшықты-оптикалық байланыс желілерін дамыту, бейнебақылау жүйелерін кеңейту және цифрлық технологияларды енгізу бағытындағы жұмыстар жүргізілуде.Рудный қаласында да телекоммуникациялық инфрақұрылымды жаңғырту жалғасып жатыр. Қалада жұмыс істеп тұрған 37 базалық станцияға қосымша тағы 14 нысан салу жоспарланған. Оның алғашқысы пайдалануға берілді. Бұл жаңа тұрғын аудандарды, өндірістік аймақтарды және байланыс сапасы төмен учаскелерді сапалы мобильді интернетпен қамтуға мүмкіндік береді.Жоба аясында өңірде 4G және 5G технологияларын кезең-кезеңімен енгізу көзделген. Сондай-ақ базалық станциялар орнату барысында инженерлік инфрақұрылымды дамытуға, көшелерді жарықтандыру мен бейнебақылау жүйелерін орналастыруға қосымша мүмкіндік жасалады.Байланыс операторының мәліметінше, жаңа нысандарды іске қосу өңір тұрғындарының интернетке қолжетімділігін арттырып, желіге түсетін жүктемені азайтуға және мобильді байланыстың тұрақтылығын қамтамасыз етуге ықпал етеді.Осылайша Қостанай облысында цифрландыруды дамыту, телекоммуникациялық инфрақұрылымды жаңғырту және халықтың өмір сүру сапасын арттыру бағытындағы жүйелі жұмыстар жалғасуда.Ақпарат көзі : https://www.gov.kz/memleket/entities/kostanay/press/news/details/1232248?lang=ru

Бүгін аудан әкімі Жандос Еркінбектің төрағалығымен аппараттық мәжіліс өтіп, аудан әкімінің орынбасарлары арасындағы міндеттерді жандандыру әрі күшейту бағытындағы мәселелер қаралды.Бұған дейін аудан әкімінің орынбасары Шыңғыс Әбділәмитұлы Сыдықов аудандық экономика және қаржы бөлімі, аудандық кәсіпкерлік және өнеркәсіп бөлімі, аудандық ауыл шаруашылығы және жер қатынастары бөліміне, сондай-ақ Жосалы кенті, Төретам кенті, Ақтөбе және ІІІ Интернационал ауылдық округтеріне жетекшілік етіп келген болатын.Бүгінгі таңда Шыңғыс Әбділәмитұлының жетекшілік ететін салаларына аудандық ауыл шаруашылығы және жер қатынастары бөлімі мен аудандық білім бөлімі бекітілді. Сонымен қатар Ақжар, Дауылкөл, Алдашбай Ахун, Қуаңдария және Т.Көмекбаев ауылдық округтеріне жетекшілік жасайтын болады. Сондай-ақ білім беру ұйымдары, аудандық аграрлық-техникалық колледж, денсаулық сақтау саласындағы мекемелер, ветеринария және ауыл шаруашылығы бағытындағы бірқатар мекемелердің қызметін үйлестіреді.Аудан әкімінің орынбасары Самат Қыдырбекұлы Смағұлов бұған дейін тұрғын үй-коммуналдық шаруашылық, жолаушылар көлігі және автомобиль жолдары бөлімі, құрылыс, сәулет және қала құрылысы бөліміне жетекшілік етіп, Ақжар, Дауылкөл, Алдашбай Ахун, Қуаңдария және Т.Көмекбаев ауылдық округтеріне жауапты болған.Жаңа міндеттерге сәйкес Самат Қыдырбекұлы аудандық тұрғын үй-коммуналдық шаруашылық, жолаушылар көлігі және автомобиль жолдары бөліміне, аудандық құрылыс, сәулет және қала құрылысы бөліміне, аудандық экономика және қаржы бөліміне, аудандық дене тәрбиесі, спорт және туризм бөліміне жетекшілік етеді. Сонымен қатар Төретам кенті, Ақай, Қармақшы және Жаңажол ауылдық округтерінің жұмысын үйлестіретін болады.Ал аудан әкімінің орынбасары Диас Асылбекұлы Молдабаев бұған дейін аудандық қоғамдық даму бөліміне, аудандық дене тәрбиесі, спорт және туризм бөліміне, аудандық мәдениет және тілдерді дамыту бөліміне, аудандық жұмыспен қамту және әлеуметтік бағдарламалар бөліміне, аудандық білім бөліміне жетекшілік етіп, Ақай, Қармақшы, Жосалы, Иіркөл және Жаңажол ауылдық округтеріне жауапты болған.Жаңадан бекітілген міндеттерге сәйкес Диас Асылбекұлы аудандық қоғамдық даму бөліміне, аудандық мәдениет және тілдерді дамыту бөліміне, аудандық жұмыспен қамту және әлеуметтік бағдарламалар бөліміне, аудандық кәсіпкерлік және өнеркәсіп бөліміне жетекшілік жасайды. Сонымен қатар Жосалы, Иіркөл, ІІІ Интернационал және Ақтөбе ауылдық округтерінің қызметін үйлестіретін болады.Ақпарат көзі : https://www.gov.kz/memleket/entities/kyzylorda-karmakshy/press/news/details/1232257?lang=ru

Жаздың алғашқы күнімен қатар келетін Халықаралық балаларды қорғау күні – бүлдіршіндерге деген қамқорлықты көрсететін ерекше мереке. Осыған орай бүгін орталық алаңда аудан әкімі Жандос Еркінбектің қатысуымен «Бала күлкісі – бейбіт өмірдің белгісі» атты мерекелік іс-шара ұйымдастырылды.Балалардың шаттығын еселеп, шығармашылығы мен өнерін дәріптеуге бағытталған салтанатты шара «Балалық шақтың бояулы бағы» тақырыбындағы жас бүлдіршіндердің ашық алаңдағы сурет байқауынан басталды. Түрлі-түсті бояулармен салынған суреттер арқылы балалар өз қиялындағы бақытты балалық шақты бейнеледі.Сонымен қатар бірнеше спорт түрлері өткізіліп, жас спортшылардың шеберлігі көрсетілді.Шара барысында арнайы әзірленген фотозоналар балалардың қызықты естелік сәттеріне айналса, балабақшалардың ойын және шығармашылық орталықтарының көрмесі мектепке дейінгі ұйымдарда атқарылып жатқан жұмыстарды көпшілікке таныстырды.Салтанатты жиында аудан басшысы Жандос Еркінбек бүгінгі мерекемен құттықтап:«Бала – баршамыздың бақытымыз, болашағымыз. Бүгінгі гүлдей жайнаған бүлдіршіндеріміз - ертеңгі қасиетті даламызды нұрға бөлейтін еліміздің тірегі, ата-бабамыздан қалған жеріміздің иесі. Сондықтан жас өрендер мен балдырғандар бүгінгі мерейлі мерекелеріңізбен шын жүректен құттықтай отырып, болашақтарыңыз жарқын, аспандарыңыз ашық болсын»,- деп өзінің білімі мен тәжірибесін аямай, адал еңбек етіп жүрген барша тәрбиешілерге алғысын білдірді.Мерекелік бағдарламада аудан балабақшаларының бүлдіршіндері өз өнерлерін ортаға салды. Сондай-ақ аудан өнерпаздарының шығармашылық ұжымдары концерттік бағдарлама ұсынып, мерекенің ажарын аша түсті.Айта кетсек қазір таңда жалпы аудан бойынша 45 мектепке дейінгі ұйымда 4000-ға жуық бала тәрбиеленіп келеді.Ақпарат көзі : https://www.gov.kz/memleket/entities/kyzylorda-karmakshy/press/news/details/1232261?lang=ru

Бүгін аудан әкімі Жандос Еркінбек 1 маусым – Халықаралық балаларды қорғау күніне орай «Дәметкен Ана» жеке қайырымдылық қорына арнайы барып, орталықта тәрбиеленіп жатқан бүлдіршіндерді мерекемен құттықтады.Кездесуге аудандық мәслихат төрағасы Әділ Қошалақов және аудандық ардагерлер кеңесінің төрағасы Асқар Мереков және білім саласының ардагері Дәмелі Жалғасбаева, аудандық әйелдер кеңесінің төрайымы Күлжауһар Раева қатысып, балаларға деген жылы лебіздерін білдірді.Аудан әкімі бүлдіршіндерге арнайы сыйлықтарды табыс етіп, өзінің мерекелік тілегін жеткізді:«Ерекше қамқорлықты қажет ететін балаларға қоғам тарапынан әрдайым қолдау көрсетілуі тиіс. Сіздерге зор денсаулық, бақытты балалық шақ тілеймін», – деді.Жиын барысында аудандық ардагерлер кеңесінің төрағасы Асқар Мереков те сөз алып, балалардың жарқын болашағына сенім білдірді.Айта кетсек 2019 жылдан бастап бұл мекеме 1,5 жастан 18 жасқа дейінгі ерекше қажеттілігі бар балаларға әлеуметтік қызмет көрсетіп келеді.Ақпарат көзі : https://www.gov.kz/memleket/entities/kyzylorda-karmakshy/press/news/details/1232265?lang=ru

1 маусым – Халықаралық балаларды қорғау күні аясында аудан әкімі Жандос Еркінбек «Қармақшы ауданының психологиялық-педагогикалық түзету кабинеті» коммуналдық мемлекеттік мекемесіне арнайы барып, бүлдіршіндерді мерекемен құттықтады.Тағылымды іс-шараға аудандық ардагерлер кеңесінің төрағасы Асқар Мереков, білім саласының ардагерлері Дәмелі Жалғасбаева, Талмаш Жұмабаева, құқық қорғау саласының ардагері Есет Назарқұлов, ата-ана Бадирша Рагибов қатысып, ерекше балаларға ізгі тілегін білдірді.Аудан басшысы жылы лебізін айтып: «Балаларға жан-жақты қолдау көрсету, олардың сапалы білім алуы – негізгі бағытымыздың бірі. Бұл жұмыстар алдағы уақытта да жалғасын табады»,- деп атап өтіп, бүлдіршіндерге мерекеге орай сый-сияпаттар табыстады.Мекеме 20 жылдан астам 0 жастан 18 жасқа дейінгі ерекше білім беруді қажет ететін балалар мен жасөспірімдерге түзете-дамыту, оңалту және әлеуметтік бейімдеу бағытында қызмет көрсетіп келеді. Қазіргі уақытта 60-қа жуық бала тәрбиеленіп, арнайы қызметтерімен қамтылуда.Айта кету керек өткен жылы аудан әкімінің қолдауымен бұл мекеме жаңа ғимаратқа көшіріліп, балаларға қолайлы әрі заманауи жағдай жасалған болатын.Ақпарат көзі : https://www.gov.kz/memleket/entities/kyzylorda-karmakshy/press/news/details/1232269?lang=ru

Аудан әкімі Жандос Еркінбек облыстық маңызы бар «Жалағаш–Жосалы» автомобиль жолының Қармақшы ауданы аумағындағы 46-шақырымында орналасқан теміржол арқылы өтетін көпірді күрделі жөндеу жұмыстары кезінде Қызылтам елді мекені тұрғындарының қатынауына қолайлы жағдай жасау мәселесі бойынша нысан басына арнайы барып, жағдаймен танысты.Қазіргі таңда жөндеу жұмыстары жүргізілуіне орай тұрғындар уақытша ұйымдастырылған топырақ төселген айналма жол арқылы қатынауда. Осыған байланысты аудан басшысы мердігер мекемеге айналма жолдың жай-күйін реттеп, тұрғындар мен жолаушыларға қолайлы жағдай жасауды қамтамасыз ету жөнінде міндеттер жүктеп, тиісті мерзім белгіледі.Жалпы ұзындығы 69,2 метр болатын көпірдің құрылыс жұмыстары 2026 жылғы 19 мамырда басталған.Сапар барысында Жандос Еркінбек жауапты басшыларға жұмыстың сапалы әрі белгіленген мерзімде орындалуын қамтамасыз ету жөнінде тапсырмалар берді.Ақпарат көзі : https://www.gov.kz/memleket/entities/kyzylorda-karmakshy/press/news/details/1232281?lang=ru

Бүгін аудан әкімі Жандос Еркінбек аудан аумағындағы дендропарк пен жағалау (набережная) аумақтарын аралап, абаттандыру және санитарлық тазалық жұмыстарының жай-күйін бақылады.Аралау барысында аудан басшысы қоғамдық демалыс орындарының тазалығы, жасыл желектерді күтіп ұстау, жарықтандыру және абаттандыру бағытында атқарылып жатқан жұмыстарды көрді.Жандос Еркінбек жауапты сала басшыларына дендропарк пен жағалау аумағының тазалығын сақтау жұмыстарын жүйелі түрде жүргізу жөнінде өз тапсырмаларын берді.Жалпы аудан аумағында тұрғындардың жайлы демалысын қамтамасыз етуге бағытталған абаттандыру және көркейту жұмыстары өз кезеңімен жалғасып келеді.Ақпарат көзі : https://www.gov.kz/memleket/entities/kyzylorda-karmakshy/press/news/details/1232284?lang=ru

ҚР Премьер-министрі Олжас Бектеновтің төрағалығымен нашақорлықтың алдын алу және есірткі қылмысына қарсы іс-қимыл жөніндегі республикалық штаб отырысы өтті. Оған облыс әкімі Мұрат Ергешбаев селекторлық режим арқылы қатысты.Ведомствоаралық жиында нашақорлықтың, есірткі қылмысының және интернет кеңістігіндегі есірткі насихатының алдын алу бағытында атқарылып жатқан жұмыстар талқыланды.Үкімет отырысынан кейін өткен мәжілісте осы және өзге де мәселелерге орай жауапты сала басшыларына бірқатар нақты тапсырмалар берілді.Атап айтқанда, интернет кеңістігіндегі есірткі насихатына қарсы мониторингті күшейту, әлеуметтік желілер мен цифрлық платформалардағы заңсыз контентке жедел әрекет ету керек. Сондай-ақ есірткі таратудың жаңа арналарын анықтауға бағытталған жедел-профилактикалық шараларды жандандыру міндеттелді.Отырыста жастар мен жасөспірімдер арасында ақпараттық-түсіндіру жұмыстарын күшейту, тәуекел топтарымен жүйелі профилактикалық жұмыс жүргізу қажеттігі сөз болды. Бұл бағыттағы шаралар Президент Әкімшілігі мен Үкіметтің тұрақты бақылауында.Күн тәртібінде мемлекеттік қызмет туралы заңнамаға енгізілген өзгерістер де қарастырылды. Есірткіні, психотроптық заттарды медициналық емес мақсатта қолдану, масаң күйде көлік басқару мемлекеттік қызметшінің беделіне нұқсан келтіретін тәртіптік теріс қылық ретінде танылады. Ал жұмыс орнына масаң күйде келу, медициналық куәландырудан бас тарту қызметтен босатуға негіз болады.Жазғы демалыс маусымында балалардың бос уақытын тиімді ұйымдастыру маңызды. Осыған байланысты демалыс орындарының қауіпсіздік талаптарына сәйкестігі тексерілмек. Талапқа сай емес нысандардың қызметін шектеу, жол-көлік қауіпсіздігін күшейту және жазатайым оқиғалардың алдын алуда түсіндірме жұмысын жүргізу тапсырылды.Кәмелетке толмағандарды түнгі уақытта қадағалау үшін рейдтік іс-шаралар өткізу, қоғамдық қауіпсіздік назардан тыс қалмауы тиіс.Ақпарат көзі : https://www.gov.kz/memleket/entities/kyzylorda/press/news/details/1232300?lang=ru

1 маусым – Халықаралық балаларды қорғау күніне орай Жетісу облысы С. Сейфуллин атындағы орталық кітапханасында «Балалық – бақыт бастауы» атты инклюзивті ойын-сауық кеші ұйымдастырылды.Мерекелік шараға облыстық «Бәйтерек» күндізгі болу орталығы мен Көксу ауданындағы «Үміт» күндізгі болу орталығының тәрбиеленушілері арнайы қатысып, көтеріңкі көңіл-күй сыйлаған думанды кештің қонағы болды.Іс-шараның басты мақсаты – ерекше білім беру қажеттілігі бар балаларды қоғам өміріне белсенді араластыру, олардың шығармашылық қабілеттерін дамыту, мерекелік көңіл-күй сыйлау және балалардың құқықтарын қорғау мәселелеріне қоғам назарын аудару.Кеш барысында балаларға арналып әсем әндер шырқалып, қызықты ойындар мен түрлі байқаулар өткізілді. Аниматорлар ұйымдастырған көңілді шоу бағдарламалар балалардың ерекше ықыласына бөленіп, мерекенің сәнін келтірді. Қатысушылар би билеп, ойындарға белсене қатысып, көтеріңкі көңіл-күйге бөленді.Мереке соңында балаларға арнайы сыйлықтар табысталып, тәтті дәмдер ұсынылды. Шара бүлдіршіндерге шаттық пен қуаныш сыйлап, олардың жарқын күлкісі мен бақытты жүздері мерекенің басты көрінісіне айналды.Аталған қайырымдылық және мерекелік шараның  өтуіне  AMANAT партиясы, Respublica партиясы, Жетісу жастар орталығы және өңірдің жанашыр меценаттары демеушілік қолдау көрсетіп, балаларға арналған сыйлықтар мен мерекелік тартулар ұсынды.«Балалық – бақыт бастауы» атты мерекелік кеш балаларға ұмытылмас әсер қалдырып, олардың көңілдеріне қуаныш пен мейірім ұялатқан тағылымды әрі жарқын шара болды.Ақпарат көзі : https://www.gov.kz/memleket/entities/zhetysu-archive/press/news/details/1232305?lang=ru

Халықаралық балаларды қорғау күнінде Президент паркі аумағында жаңадан ашылған «AI-Kerim» оқу-сауықтыру орталығында жазғы тынығу лагерлерінің маусымы салтанатты түрде ашылды.Оған облыс әкімінің орынбасары Мейрамбек Шермағанбет қатысып, жас өрендерді мерекемен және маусымның ресми ашылуымен құттықтады.«Бала – отбасының бақыты, мемлекеттің – болашағы. Ел ертеңі бүгінгі жас ұрпақтың қолында. Сондықтан балалардың дені сау, жан-жақты дамыған азамат болып қалыптасуы – мемлекетіміздің басты бағыттарының бірі.Президентіміз балалардың қауіпсіздігі мен жан-жақты дамуына ерекше мән беріп, сапалы білім алуына, шығармашылық қабілетін шыңдауға, жазғы демалысты тиімді ұйымдастыруға тұрақты қолдау көрсетіп келеді.Кейінгі жылдары біздің аймағымызда білім беру, мәдениет, спорт және қосымша білім беру ұйымдарының саны артты. Алда сіздерді қызықты кездесулерге, танымдық іс-шараларға, спорттық жарыстар мен шығармашылық байқауларға толы жарқын жаз күтіп тұр. Баршаңызды мерекемен құттықтай отырып, көтеріңкі көңіл-күй мен толайым жетістіктер тілеймін!» – деді Мейрамбек Зинабдинұлы.Бүгін облыстағы тоғыз лагерь бір мезетте өз жұмысын бастап, мыңдаған баланы қабылдады.Мемлекет басшысының қолдауымен салынған «AI-Kerim» оқу-сауықтыру лагері материалдық-техникалық базасы мен білім беру мүмкіндіктері жағынан елімізде баламасы жоқ, бірегей орталықтың қатарында. Мұнда робототехника, ұшқышсыз ұшу аппараттарын басқару, инженерлік жобалау, IT-технологиялар және басқа да инновациялық үйірмелер жұмыс істейді. Бұл балалардың болашақ мамандықтарына қызығушылығын арттырып, жаңа технологияларды меңгеруіне жол ашады.Ақпарат көзі : https://www.gov.kz/memleket/entities/kyzylorda/press/news/details/1232311?lang=ru

1 маусым – Халықаралық балаларды қорғау күніне орай Мұхамеджан Тынышбайұлы атындағы облыстық тарихи-өлкетану музейінде «Айналайын» арнаулы әлеуметтік қызметтерге мұқтаж балаларды қолдау орталығының тәрбиеленушілеріне «Өнер фабрикасы» тақырыбында шеберлік сабағы өткізілді.Шара балалардың бос уақытын пайдалы әрі қызықты өткізуіне,  олардың бір-бірімен қарым-қатынасын нығаюына, ортада еркін араласуына ықпал етті. Шығармашылық процесс балаларға жағымды эмоция сыйлап, көңіл-күйлерін көтерді. Сондай-ақ, балаларға музей залдары бойынша экскурсия жүргізілді.Ақпарат көзі : https://www.gov.kz/memleket/entities/zhetysu-archive/press/news/details/1232333?lang=ru