Кеше, 4 қараша күні 30-ға жуық жекеменшік қосымша білім беру ұйымының иесі елорда әкімдігі ғимаратының алдына жиналып, балаларды Face ID арқылы міндетті түрде сәйкестендіру жүйесін енгізуге қарсылық білдірді. Мемлекеттен субсидия алып отырған адамдардың мұндай әрекетін ісін ашық әдепсіздік демеске амал жоқ.Белгілі болғандай, 2025 жылдан бері Астанада балаларға қосымша білім беру бойынша мемлекеттік тапсырысты бірыңғай орналастырудың пилоттық жобасы іске асырылып келеді. QOSYMSHA.KZ бағдарламасы арқылы балалар үйірмелерге, шығармашылық студияларға және спорт секцияларына мемлекет есебінен қатыса алады.Осы бағдарлама аясында балалар үйірмелері мен спорт секцияларында да Face ID арқылы баланың жеке басын анықтау жүйесі енгізіліп жатыр. Бұл технология сабаққа келмеген балаларды қатысты деп жалған белгілеудің алдын алып, бюджет қаражатының ашық әрі тиімді жұмсалуына мүмкіндік береді. Яғни жүйе арқылы үйірмеге немесе спорт секциясына шынымен келген балалардың ғана қатысуы тіркеледі.Бағдарламаның негізгі талаптарының бірі – баланың сабаққа шынымен қатысқанын растау. Ол үшін QR-код пен Face ID сияқты технологиялар арқылы сабаққа қатысуды электронды түрде тіркеу қарастырылған.Астана қаласының Білім басқармасының түсіндіруінше, бұл жүйе ең алдымен бюджет қаражатының ашық әрі мақсатты жұмсалуын бақылау үшін енгізіліп отыр. Яғни мемлекет қаржысы бөлінетін сабаққа баланың шынымен келген-келмегенін анықтауға мүмкіндік береді. Осылайша, қаржыландырудың ашықтығы артып, бюджет қаражатының дұрыс жұмсалуын бақылау жеңілдейді.Сонымен қатар балалардың жеке деректерін қорғауға да ерекше көңіл бөлінеді. Білім басқармасының мәліметінше, жеке және биометриялық деректерді жинау мен өңдеу «Дербес деректер және оларды қорғау туралы» Қазақстан Республикасы Заңының талаптарына сай жүргізіледі.Бұдан бөлек, қолданыстағы жүйе 2025 жылы мемлекеттік техникалық реттеу жүйесі аясында «Инфосерт» ЖШС-нің аккредиттелген сынақ орталығында тексерілген. Сынақ қорытындысы бойынша хаттамалар жасалып, жүйенің белгіленген талаптарға сай екенін растайтын құжаттар берілген.Қазір бұл жүйе Астанадағы екі жекеменшік қосымша білім беру ұйымында сынақ ретінде қолданылып жатыр. Жоба аясында қажетті жабдықтар тегін берілген. Оларды сатып алуға қала бюджетінен ақша бөлінбеген.Білім басқармасының мәліметінше, пилоттық жоба басталғалы бері ата-аналар мен балалардан ешқандай шағым түспеген. Ал сабаққа қатысуды электронды түрде растау талабы нормативтік құжаттарда да қарастырылған.Атап айтқанда, бұл талаптар уәкілетті мемлекеттік органдардың 2025 жылғы 28-30 мамырда қабылдаған бірлескен бұйрықтарымен бекітілген. Құжатта балаларға қосымша білім беру бойынша мемлекеттік тапсырысты бірыңғай орналастыруға арналған пилоттық жобаны іске асыру тәртібі көрсетілген.Білім басқармасы өкілдерінің айтуынша, қызмет көрсетушілер арасында жүйені енгізудің мақсаты, оны қолданудың құқықтық негіздері мен балалардың сабаққа қатысуын растау тәртібі бойынша бірнеше рет түсіндіру жұмысы жүргізілген.Сонымен қатар қосымша білім беру ұйымдарының өкілдеріне арнайы оқыту ұйымдастырылған. Сабаққа қатысуды электронды бақылау тетіктері Астанада бөлек, Қазақстанның өзге де өңірлерінде, оның ішінде Атырау, Қарағанды, Қызылорда және Ақтөбе облыстарында енгізілуде.Өкінішке қарай, Қазақстанда түсініксіз жағдай қалыптасқан. Мемлекеттен субсидия алып отырған жекеменшік білім беру ұйымдарының иелері жұмыс тәртібін реттеп, ашықтықты қамтамасыз етуге бағытталған талаптар енгізілгенде, әкімдік алдына жиналып, наразылық білдіреді.

Мамандық таңдауда жынысқа қатысты шектеу болмауы керек. Осы ұстанымды дәріптеу мақсатында Шымкент қаласындағы Достық үйінде «Мамандыққа шектеу жоқ – мүмкіндік бәріне ортақ» атты көрме ұйымдастырылды. Тұран ауданы әкімі аппаратының Әлеуметтік қорғауға қолдау көрсету бөлімінің басшысы Талғат Сәліннің айтуынша, көрменің негізгі мақсаты – гендерлік теңдікті насихаттау, жастарға мамандық таңдауда әр адамның қабілеті мен қызығушылығы басты орында екенін көрсету. Сонымен қатар кәсіпкерлік пен заманауи технологияларды дәріптеу, ерекше білім беруді қажет ететін балаларды қолдау көзделген.Тұран ауданы әкімінің аппаратының бастамасымен өткен көрмеге аудан аумағында орналасқан төрт колледждің студенттері қатысып, кәсіби дағдылары мен шығармашылық жұмыстарын көпшілік назарына ұсынды. Атап айтсақ, Ә. Қастеев атындағы өнер және дизайн колледжінің жастары картиналар, сәндік бұйымдар мен декоративті композицияларын таныстырса, Мирас колледжінің студенттері туризм, сән және сұлулық салаларындағы жұмыстарын көрсетті.Техникалық бағытта Жол-көлік колледжінің студенттері машинист және техник-электромеханик мамандықтарына қатысты құрал-жабдықтарды таныстырды. Колледждің жол қозғалысын ұйымдастыру мамандығының екінші курс студенті Динара Оспан автоматты бөлшектеп, қайта жинау арқылы кәсіби шеберлігін көрсетті. Динара автоматты көзін жұмып 45 секундта шашып, қайта жинай алады. Ал көзі ашық кезде 9 секундта бөлшектеп, 20 секундта қайта құрастырады.– Көпшілік бұл мамандықты ер балаларға тән деп ойлайды. Мен бұл пікірмен келіспеймін. Қыз балалардың да осы салада жұмыс істей алатынын дәлелдегім келеді. Болашақта жоғары білім алып, мамандығым бойынша еліме қызмет еткім келеді, – дейді Динара.Индустриалды-техникалық колледждің студенттері құралдарды қолдану тәсілдерін түсіндіріп, дәнекерлеу технологиясымен жасалған бұйымдарын көрсетті. Токарь станогында дайындалған жұмыстар да көрмеге қойылды.Құтқару және қауіпсіздік салаларының мүмкіндіктері де назардан тыс қалмады. Төтенше жағдайлар департаментінің өкілдері құтқарушылардың арнайы киімдері мен құрал-жабдықтарын таныстырды. Құтқарушы болуды мақсат еткен жастар арнайы экипировканы кию тәртібін көрсетіп, төтенше жағдай кезінде халыққа психологиялық және эмоционалдық тұрғыда қолдау көрсетудің маңызын түсіндірді.Көрмеде ерекше білім беруді қажет ететін балалардың шығармашылығына да орын берілді. Қалалық есту қабілеті бұзылған балаларға арналған №1 арнайы мектеп-интернатының 10-сынып оқушысы Кәусар Орынбасар өзі жасаған қолөнер бұйымдарын ұсынды. Ол жеті жасынан бастап қолөнермен айналысады. Эпоксидті шайырдан ұлттық ою-өрнек пішініндегі түйреуіштер жасайтын жас шебер болашақта дизайнер болуды армандайды.Көрме бағдарламасы сән көрсетілімдерімен жалғасты. Жиын соңында студенттер арнайы алғыс хаттармен марапатталды.Ұлжан КӨГІЛ«Шымкент келбеті»

Бүгін Ақордада Мемлекет басшысы Қасым-Жомарт Кемелұлының қатысуымен 19 қазан – Құтқарушы күніне орай салтанатты жиын өтті.Президент төтенше жағдай саласы қызметшілерінің еңбегін ерекше бағалап, қауіп-қатерден тайсалмайтын, сын сағатта жедел шешім қабылдай алатын, арнайы даярлықтан өткен нағыз кәсіби мамандар деп есептейтінін айтты. Салтанатты жиында кәсіби міндетін адал атқарып жүрген сырбойылық азаматтарға мемлекеттік наградалар табысталды.Атап айтқанда, Қызылорда қаласының төтенше жағдайлар басқармасына қарасты № 6 өрт сөндіру бөлімінің аға өрт сөндіруші-құтқарушысы Нұрсұлтан Жалғасов «Ерлігі үшін» медалімен, Қызылорда облысындағы «Оңталап» шаруа қожалығының директоры Әбдіхамит Аралбаев «Ауыл құтқарушысы» жобасы аясында өрт сөндіру бекетін салуға демеушілік көрсеткені үшін «Ерен еңбегі үшін» медалімен марапатталды. Ақпарат көзі : https://www.gov.kz/memleket/entities/kyzylorda/press/news/details/1313836?lang=ru

Самарқанд, 2026 жылғы 19 қазан – Қазақстан Республикасының Сыртқы істер министрі Мұхтар Тілеуберді АҚШ Мемлекеттік хатшысы Марко Рубиомен кездесті.Екі елдің сыртқы саяси ведомстволарының басшылары сауда-экономикалық және инвестициялық ынтымақтастықты нығайтуға баса назар аудара отырып, кеңейтілген стратегиялық әріптестікті одан әрі дамыту перспективаларын талқылады.Тараптар екіжақты қатынастардың оң серпінін атап өтіп, практикалық өзара іс-қимылды кеңейтуге, тауар айналымын ұлғайтуға және бірлескен инвестициялық жобаларды іске асыруға өзара мүдделілігін растады.Қазақстан Президенті Қасым-Жомарт Тоқаевтың АҚШ Президенті Дональд Трамппен 2025 жылғы қарашада өткен кездесуінің қорытындыларын қоса алғанда, жоғары деңгейде қол жеткізілген уағдаластықтарды іске асыруға ерекше назар аударылды.М. Тілеуберді іскерлік байланыстарды нығайтудың, америкалық инвестициялар мен озық технологияларды тартудың, сондай-ақ энергетика, аса маңызды минералдар, цифрландыру, көлік және логистика салаларындағы ынтымақтастықты дамытудың маңыздылығын атап өтті.Сондай-ақ тараптар Майамиде өтетін алдағы G20 саммитіне дайындық мәселелері жөнінде пікір алмасты. Бұдан бөлек, М. Рубио G20 саммитінен кейін жақын арада Қазақстан Республикасына толық форматтағы сапармен келуге мүдделі екенін растады.Кездесу қорытындысы бойынша Қазақстан-Америка кеңейтілген стратегиялық әріптестігін одан әрі нығайтуға және нақты практикалық нәтижелерге қол жеткізуге өзара мүдделілік расталды.Ақпарат көзі : https://www.gov.kz/memleket/entities/mfa-tashkent/press/news/details/1313837?lang=ru

Зиянкестер шабуыл географиясын кеңейтті. Олар Қазақстан мен басқа да ТМД елдеріндегі компаниялардың құрылғыларына зиянды бағдарлама жұқтыру үшін жаңа құралдарды қолдана бастады2026 жылдың алғашқы үш тоқсанында «Касперский зертханасы» сарапшылары VasyGrek (Fluffy Wolf атауымен де белгілі) тобының Қазақстан, Ресей және Беларусь ұйымдарына 100-ден астам шабуыл жасау әрекетін тіркеді. Зиянкестер көбіне металлургия кәсіпорындарын, шикізат пен өнеркәсіптік материалдарды көтерме жеткізетін компанияларды және мемлекеттік мекемелерді нысанаға алған. Шабуыл нысаналарының арасында денсаулық сақтау, мұнай-газ, энергетика, қаржы және агроөнеркәсіп салаларындағы ұйымдар да бар.«Касперский зертханасы» сарапшылары топтың қандай құралдар қолданатынын және корпоративтік құрылғыларға зиянды бағдарламаларды қалай жұқтыратынын зерттеді. Олар бұрын сипатталмаған шабуыл тәсілін анықтады. Бұл тәсілде зиянкестер фишингтік хаттар арқылы құрылғыға бэкдор орнатқан.Шабуыл қалай жасалды? Қауіптерді бақылау кезінде «Касперский зертханасы» сарапшылары VasyGrek тобының бұрын белгісіз болған шабуылын анықтады. Зиянкестер ықтимал құрбандарға бухгалтерлік құжат ретінде көрсетілген архивтерге сілтемесі бар фишингтік хаттар жіберген. Архивтердің ішінде зиянды орнату файлдары болған. Оларды іске қосқанда кәдімгі құжатқа ұқсайтын алдамшы файл ашылған. Сол сәтте заңды бағдарлама процесі де іске қосылып, оған Golang тілінде жазылған бэкдор жүктелген. Соның көмегімен зиянкестер вирус жұққан құрылғыда командаларды қашықтан орындай алған.Зиянкестер зиянды бағдарламаның кодын жасыратын арнайы құралдарды қолданып, оны талдауды қиындатқан. Дегенмен сарапшылар бэкдордың басқару серверлерімен байланысқанын анықтады. Шабуыл жасаушылар осы серверлер арқылы командалар жіберіп, олардың орындалу нәтижелерін алған.Топ тағы қандай тәсілдерді қолданды? «Касперский зертханасы» сарапшылары VasyGrek тобы зиянды бағдарламаларды таратудың басқа жолдарын да пайдаланғанын анықтады. Мысалы, зиянды бағдарлама бірнеше кезеңмен орнатылатын схемалар қолданылған. Ол үшін басқа зиянды компоненттерді жүктеп, орнататын дропперлер пайдаланылған.Осындай шабуылдардың бірінде зиянды скрипт қосымша компоненттерді заңды интернет-сервистерден жүктеген. Сондай-ақ зиянкестер Rust тілінде жазылған дропперлер арқылы PureRAT бэкдорын орнатқан. Бұл бағдарлама жүйеге орнығып, құрылғыны қашықтан басқаруға және құпия ақпаратқа қол жеткізуге мүмкіндік берген.2025–2026 жылдары топ PowerLoader жүктеушісін және Pay2Key шифрлаушы бағдарламасын да қолдана бастады. PowerLoader қорғаныс шешімдерін айналып өту тәсілдерін пайдаланады. Ал PureRAT бағдарламасына PluginRemoteDesktop плагині қосылды. Ол вирус жұққан құрылғының жұмыс үстелін қашықтан басқаруға мүмкіндік береді.«2026 жылы VasyGrek тобының әрекеті өзгергенін байқадық. Бұрын оның негізгі нысанасы Ресейдегі ұйымдар болса, биыл Беларусь пен Қазақстандағы компаниялар да ықтимал құрбандар қатарына қосылды. Зиянкестер бұрынғыдай әлеуметтік инженерия тәсілдерін қолданды. Мысалы, бухгалтерлік мәселелер немесе өзара есеп айырысуды салыстыру актілері туралы іскерлік хатқа ұқсайтын фишингтік хабарламалар жіберді. Бірақ шабуылдардың техникалық жағы күрделене түсті. Зиянкестер құрылғыларға зиянды бағдарламаларды бірнеше кезеңмен жұқтырып, олардың компоненттерін заңды интернет-сервистерге орналастырған. Осылайша өз әрекеттерін жасырып, шабуылдарды талдауды қиындатқан. Бұл жағдай күрделі техникалық құралдар қолданылған күннің өзінде шабуыл қызметкер күнделікті жұмыс хаты деп қабылдайтын қарапайым хабарламадан басталуы мүмкін екенін көрсетеді», — дейді «Касперский зертханасының» қауіптерді терең зерттеу бөлімінің жетекшісі Никита Назаров.«Касперский зертханасының» шешімдері жоғарыда сипатталған барлық зиянды бағдарламаларды анықтайды. Олардың қатарында Backdoor.MSIL.Agent.sb, Trojan.Win32.Shellcode.sb, Trojan-Downloader.Agent.HTTP.C&C, Trojan.JS.SAgent.sb және HEUR:Trojan-Ransom.Win32. бар.Backdoor.MSIL.Agent.sbTrojan.Win32.Shellcode.sbTrojan.JS.SAgent.sbМұндай зиянды бағдарламалардан қорғану үшін киберқауіпсіздік сарапшылары мына кеңестерді ұсынады:● Бейтаныс адамдардан келген хаттардағы сілтемелерді ашпаңыз. Орындалатын файл кеңейтімі бар тіркемелерді де іске қоспаңыз;● Жұмыс компьютерлері мен серверлердегі процестерді, желілік қосылымдарды және жүйелік тізілімдегі өзгерістерді үздіксіз бақылаңыз. Ол үшін Kaspersky EDR Expert сияқты құрылғыларды қорғау шешімін пайдалануға болады. Бұл шабуылдың бастапқы кезеңінде күмәнді әрекеттерді дер кезінде анықтауға көмектеседі;Kaspersky EDR Expert● Күдікті файлдар мен скрипттерді оқшауланған Advanced Sandbox («құмсалғыш») ортасына автоматты түрде жіберуді реттеңіз. Мұндай мүмкіндік Kaspersky Anti Targeted Attack платформасында бар;Kaspersky Anti Targeted Attack● Қорғаныс стратегиясын құру үшін қазіргі киберқауіптер туралы ақпаратты үнемі қадағалаңыз. Мысалы, Kaspersky Threat Intelligence сервистерін пайдалануға болады.Kaspersky Threat Intelligence