Шымкентте аса қауіпті жұқпалы аурулардың алдын алу мәселесі талқыланды

Шымкент қалалық Денсаулық сақтау басқармасының ұйымдастыруымен аса қауіпті жұқпалы аурулардың алдын алу және санитариялық-эпидемиологиялық қауіпсіздікті қамтамасыз етуге арналған ведомствоаралық жиын өтті.

Күн тәртібінде қаладағы эпидемиологиялық ахуал, аса қауіпті инфекциялар мен туберкулез бойынша жағдай, сондай-ақ ветеринариялық және дезинфекциялық іс-шаралардың орындалу барысы қаралды.

Жиында:

🔹 Қалалық жұқпалы аурулар ауруханасының бас дәрігері Ережепов Бақтығали Аюбайұлы инфекциялық төсек-орын қорының дайындығы мен профилактикалық жұмыстар туралы баяндады.

🔹 Шымкент қаласының санитариялық-эпидемиологиялық бақылау департаментінің басшысы Серманизов Талғат Құттыбайұлы қаладағы аса қауіпті инфекциялар мен туберкулез бойынша эпидемиологиялық жағдайға тоқталды.

🔹 Ауыл шаруашылығы және ветеринария басқармасының басшысы Мекамбаев Талғат Тойлыбайұлы эпизоотиялық ахуал және жануарларды вакцинациялау шаралары туралы ақпарат берді.

🔹 Ұлттық сараптама орталығы филиалының Түркістан облысы бойынша дезинфекция орталығы директорының міндетін атқарушы Сапарова Сауле Муслімқызы Конго-Қырым геморрагиялық қызбасына қарсы жүргізілген жұмыстар жөнінде баяндады.

Жиын қорытындысы бойынша:

✔ Халық арасында ақпараттық-түсіндіру жұмыстарын күшейту;
✔ Күдікті науқастар мен байланыста болған адамдарды толық медициналық бақылаумен қамту;
✔ Конго-Қырым геморрагиялық қызбасына қарсы профилактикалық және емдік шараларды толық қамтамасыз ету;
✔ Инфекция ошақтарында залалсыздандыру жұмыстарын сапалы жүргізу;
✔ Ветеринариялық және дезинфекциялық қызметтердің үйлесімді жұмысын қамтамасыз ету жөнінде нақты тапсырмалар берілді.

Санитариялық-эпидемиологиялық қауіпсіздікті нығайту бағытындағы жұмыстар жалғасуда.

Source : https://www.gov.kz/memleket/entities/shymkent-auyal-zharuazhalyk/press/news/details/1170308?lang=kk