Өңірде агроөнеркәсіптік кешенді, ауыл шаруашылығының экспорттық әлеуетін дамыту бойынша белсенді шаралар қабылдануда. 2024 жылы 14,6 млрд теңгенің 16 жобасы жүзеге асырылады. Оның ішінде 10,8 млрд теңгеге 12 жоба пайдалануға берілді.Олардың қатарында «Алель-Агро» АҚ инкубаторы, су үнемдеу технологияларын енгізу, мақсары майын өндіруді кеңейту, «ҚазАква Альянс» ЖШС балық шаруашылығын құру, «Эльнур Адильгрупп» ЖШС астық қоймасын салу жобалары бар. «BNK Leasing» ЖШС ауыл шаруашылығы техникасына қызмет көрсету үшін сервистік орталық, алма шырынын өндіретін «Рич голд» ЖШС іске қосылды, «Каусар» шаруа қожалығы көкөніс қоймасының құрылысы аяқталды. Жыл соңына дейін тағы төрт жоба іске қосылады деп күтілуде.Кәсіпкерлікпен айналысқысы келетін ауыл тұрғындарына кредит беру бағыттары едәуір кеңейтілді, соның арқасында ет және сүт мал шаруашылығында, құс шаруашылығында, өсімдік шаруашылығында, бау-бақша шаруашылығында бірқатар жаңа жобалар іске қосылды.Солтүстік Қазақстан облысының тәжірибесін көбейту бағдарламасы аясында 15 инвестициялық жоба жүзеге асырылды.Жақын арада картоп өндірісі және ауыл шаруашылығы малдарының терісін қайта өңдеу арқылы азық қоспаларын өндіру бойынша жобалар басталады.2024-2027 жылдары агроөнеркәсіптік кешенді дамыту бойынша Жол картасы аясында Жамбыл облысы бойынша 245,4 млрд теңгенің 36 жобасы жүзеге асырылуда. 5 тауарлы-сүт фермасы, 3 ет бағытындағы құс фабрикасы, 8 көкөніс қоймасы, 10 қайта өңдеу жобасы, су үнемдеу технологиясын енгізу бойынша 7 жоба, сондай-ақ бордақылау алаңы салынатын болады.Сондай-ақ, балық шаруашылығын дамыту, ауыл шаруашылығы техникасына қызмет көрсету бойынша жобалар іске асырылады.Ақпарат көзі : https://www.gov.kz/memleket/entities/moa/press/news/details/903933

Осы ұсынымдарды «Дәнді және майлы дақылдар. Қазақстан» зерттеу бюросы әзірледі.Дәнді дақылдарЖелтоқсанның ортасына қарай «үштіктің» бағасы 2-ден 17 теңгеге/кг дейін төмендеді, 4-класс бидай 7 теңгеге/кг арзандады. Арпа орта есеппен 2 теңгеге/кг қымбаттады.Трейдерлердің айтуынша, 3-сыныпқа сұраныс шектеулі. Экспорттық баға өсті, әсіресе Сарыағашта: 4-класс бидай 5 долларға/тонна, 5-класс бидай 10 долларға/тонна, арпа 35 долларға/тонна қымбаттады.элеватардан, ҚҚС-мен, тг/кгАғымдағы баға(элеватор)ӨзгерістерҰсынымМүмкінмаксМүмкін минжұмсақ бидай 3 сыныпты, 28 клк +88-17САТУ14590жұмсақ бидай 3 сыныпты, 25 клк дейін64-2САТУ9570жұмсақ бидай 3 сыныпты, 23 клк дейін52-11САТУ8560жұмсақ бидай 4 сыныпты, 20 клк дейін50-7ҚАЖЕТТІЛІГІНЕ ҚАРАЙ8050жұмсақ бидай 5 сыныпты, 17клк дейін48-САТУ6535арпа 2 сыныпты52+2САТУ6035Дурум (прот 14+)85-ҚАЖЕТТІЛІГІНЕ ҚАРАЙ12070Дурум (прот 15+)102-ҚАЖЕТТІЛІГІНЕ ҚАРАЙ15090қызыл – бір апта ішінде төмендеу, жасыл-жоғарылау Майлы/Бұршақ ДақылдарыМайлы дақылдар тобында күнбағыс айтарлықтай арзандады, сонымен қатар сояның да бағасы төмендеді.Трейдерлердің айтуынша, «қазір өзбектер белгісіз себептермен соя мен жүгеріні жаппай сатып ала бастады». Сауалнамаға қатысқандардың бірі Сарыағашта сояның тоннасы 400 доллардан кетіп жатқанын хабарлады.Өңдеушілердің мәліметінше, экспорттық баға бойынша тазартылмаған күнбағыс майы 980–1000 доллар/тоннаға дейін төмендеді.Өткен аптада зығыр бағасы 1 теңгеге/кг, қыша 4 теңгеге/кг қымбаттады.элеватардан, ҚҚС-мен, тг/кгАғымдағы бағаӨзгерістерҰсынымМүмкінмаксМүмкін минЗығыр203+1САТУ200170Рапс209-САТУ250180Күнбағыс164-10САТУ190160Мақсары94+4ҚАЖЕТТІЛІГІНЕ ҚАРАЙ11085Соя186-7САТУ285200Қыша қара/ақ215-ҚАЖЕТТІЛІГІНЕ ҚАРАЙ300200Бұршақ (сары)*92-ҚАЖЕТТІЛІГІНЕ ҚАРАЙ17080Жасымық қызыл**182-САТУ220180Жасымық жасыл (үлкен көлемде) **400-САТУ450350* - сыйақылы сапа кезінде солтүстік өңірлер, * * - ҚҚС-сыз Курсив жаңа өнім бөліп берді Түсіндірме:Ағымдағы баға-келісімшарттар жасалатын элеваторда немесе вагонда Қазақстан ішіндегі ҚҚС-пен орташа өлшенген бағалар. Бағалар аймаққа, сапа көрсеткіштеріне, жеткізу шарттарына байланысты өзгеруі мүмкін.Ұсыныстар: стоп-сауданы неғұрлым қолайлы бағаларға дейін тоқтата тұру ұсынылады; қажет болған жағдайда сату (техникалық, қаржылық); сату – тауарды сату ұсынылады, өйткені жақын арада қолайлы перспективалар күтілмейді.Мүмкін макс-бұл нақты брошюраның авторлары ағымдағы сауда маусымында бағаға жетуі мүмкін сияқты көрінетін бағаның жоғарғы шегі. Бұл пікір түпкілікті емес және жағдайға байланысты өзгеруі мүмкін.Мүмкін мин-бұл ағымдағы маусымда Мәдениет қол жеткізе алатын бағаның төменгі шегі.Ақпарат көзі : https://www.gov.kz/memleket/entities/moa/press/news/details/904027

ҚР ауыл шаруашылығы вице-министрі Азат Сұлтанов Үкімет отырысында биылғы 11 айда ауыл шаруашылығы жалпы өнімінің көлемі 11,6% жылдық жоспармен 13,4%-ға артып, 7,8 трлн теңгені құрағанын хабарлады. Оның айтуынша, бұл өсім өсімдік шаруашылығындағы өндіріс көлемін 19,9%-ға, мал шаруашылығында 3,2%-ға ұлғайту есебінен қамтамасыз етілген. «Өсімдік шаруашылығында орташа өнімділік гектарына 16,1 центнер болғанда 26,7 млн тонна астық жиналды, оның ішінде бидай – 19,8 млн тонна, күріш – 563 мың тонна. Сондай-ақ 2,9 млн тонна картоп, 3,9 млн тонна көкөніс, 3,2 млн тонна майлы дақылдар және 300 мың тонна мақта жиналды. Мал шаруашылығында сойыс салмақта ет өндірісінің 4%-ға, сиыр сүтінің 4,4%-ға және тауық жұмыртқасының 1,2%-ға өскені байқалды», — деп нақтылады Азат Сұлтанов.Ауыл шаруашылығында өндірістің өсуі табиғи-климаттық жағдайлардың қолайлы болуы және Үкіметтің егіс жұмыстарын қаржылық және материалдық-техникалық қамтамасыз ету шараларын уақытында қабылдауы есебінен қамтамасыз етілді. Алғаш рет көктемгі егіс жұмыстарына берілетін жеңілдетілген кредит көлемі 3 есеге ұлғайтылып, жылдық таза 5%-бен рекордтық 580 млрд теңгеге дейін жеткізілді. Осындай қаржылай қолдаудың арқасында астықтың көп мөлшерде жиналуына байланысты енгізілген минералды тыңайтқыштар көлемі 1,2 млн.тоннаны құрады, бұл өткен жылдың деңгейінен 2 есе жоғары болды, ауыл шаруашылығы техникасын жаңарту деңгейі 5,5%-ға дейін жеткізілді.Аталған кезеңде тамақ өнімдерінің өндірісі 2,1%-ға артып, шамамен 3 трлн теңгені құрады. Атап айтқанда, келесідей импортқа тәуелді өнім түрлерінің өсімі байқалды, ірімшік пен сүзбе 8,7%-ға, шұжық өнімдері 4,1%-ға, сары май 2,9%-ға және өсімдік майы 12%-ға өсті. «Жылдың соңына дейін дәнді дақылдарды, майлы дақылдарды өңдеу есебінен және қант өндіру есебінен осы салада жоғары көрсеткіштерге қол жеткіземіз деп ойлаймыз. Саланың даму қарқынының төмендеуіне жол бермеу мақсатында келесі жылы көктемгі егіс және егін жинау жұмыстарын қаржыландыру көлемі 700 млрд теңгеге, ауыл шаруашылығы техникасының жеңілдетілген лизингі 200 млрд теңгеге жеткізілетін болады. 1,9 млн тонна минералды тыңайтқыштарды енгізу және элиталық тұқымдар үлесін 10,5%-ға ұлғайту жоспарлануда», — деп толықтырды вице-министр.Оның айтуынша, 1 желтоқсанға республикалық бюджеттен бөлінген қаражаттың игерілуі 79%-ды құрады. Жыл соңына дейін қаражат толық игерілетін болады. Ақпарат көзі : https://www.gov.kz/memleket/entities/moa/press/news/details/904431

Қазақстан Республикасы Тәуелсіздігінің 33 жылдығына орай Жамбыл облысының әкімі Ербол Қарашөкеев, облыстық, қалалық мәслихаттың, қоғамдық кеңес пен ардагерлер кеңесінің төрағалары, зиялы қауым, ардагерлер және белсенді жастардың қатысуымен «Тәуелсіздік» монументі мен Халық Қаһарманы Қайрат Рысқұлбековтің ескерткішіне гүл шоқтарын қою рәсімі өтті.Бұл күні жиналған көпшілік ел азаттығы үшін күрескен ата-бабалардың рухына тағзым етіп, құран бағыштады.Ақпарат көзі : https://www.gov.kz/memleket/entities/zhambyl/press/news/details/903436

Тәуелсіздік күніне орай Шу ауданындағы Төле би және Жаңақоғам ауылдық округтерінде ауыз су жүйесі мен су шығару ғимараты пайдалануға берілді. Осылайша, қос елді мекен тұрғындарының көп­тен күткен тілектері орындалды.– Ауыз су – ауылдықтардың өмір сүру сапасына тікелей әсер етеді. Алайда, дәл осы мәселе Төле би ауылының батыс бөлігінде көптен бері шешілмей келе жатқан түйткіл еді. Бұдан былай мұндағы тұрғындар сапалы ауыз суды тұтынбақ. Ендігі кезекте ауыл тұрғындары орталықтандырылған ауыз су жүйесіне жаппай қосылуы тиіс. Бұл ауылдықтардың сапалы ауыз су тұтынуына жол ашса, екіншіден жауапты мекеменің жұмысын жүйелі етуге сеп болады, — дейді құттықтау сөзінде аудан әкімі Бақытжан Жәнібеков.Мерейлі мерекеде Жаңақоғам ауылдық округіндегі ауыз су мәселесі де шешімін тапты.Айта кетейік, Жамбыл облысында өткен жылы халықты сапалы ауыз сумен қамтамасыз ету деңгейі 94,9 пайызды құраса, биыл жыл қорытындысына сәйкес бұл көрсеткіш 98,1 пайызға жетеді. Ағымдағы жылы 37 ауылдық елді мекенге тіршілік нәрін тарту көзделген.Ақпарат көзі : https://www.gov.kz/memleket/entities/zhambyl/press/news/details/903687

Жамбыл облысының әкімі Ербол Қарашөкеевтің төрағалығымен өткен кезекті аппараттық кеңесте мемлекеттік қызметтерді көрсетудің жай-күйі қаралды.Күн тәртібіндегі мәселе бойынша облыс әкімі аппараты басшысының орынбасары Бекжан Кеңесбек баяндама жасады.Жамбыл облысында жергілікті атқарушы органдар халыққа 286 мемлекеттік қызмет түрін көрсетеді.Ағымдағы жылдың 9 айында 9 млн 656 мың 949 мемлекеттік қызмет көрсетілсе, оның 98,3 пайызы электронды түрде ұсынылған.Бекжан Кеңесбектің айтуынша, мемлекеттік қызметтердің уақытылы көрсетілуін қамтамасыз ету үшін облыс әкімі аппараты күнделікті мониторинг жүргізеді. Қабылданған шаралардың нәтижесінде мемлекеттік қызметті көрсету мерзімін бұзу фактілері өткен жылмен салыстырғанда екі есеге азайып отыр.Өңірде мемлекеттік көрсетілетін қызметтердің 93,1 пайызы цифрландырудан өткен. Мемлекеттік қызметтерді көрсетуге арналған 26 ақпараттық жүйе жұмыс істейді.Өз кезегінде облыс әкімі мемлекеттік көрсетілетін қызметтерді жетілдіру, қызмет көрсету сапасын арттыру – кезек күттірмейтін мәселе екенін атап өтіп, жауаптыларға нақты тапсырмалар берді.Атап айтқанда, Тараз қаласы мен аудан әкімдеріне, басқарма басшыларына заң талаптарына сәйкес мемлекеттік қызметтердің көрсетілуін қамтамасыз етуді, бұзушылықтарды анықтау, жою және жол бермеу мақсатында мемлекеттік қызметтер көрсету саласында жүргізілетін ішкі бақылау жұмыстарын сапалы атқаруды, сондай-ақ жауапты қызметкерлердің біліктілігін арттыруды міндеттеді.Аппараттық кеңесте Өңірлік жастар кадр резерві жобасының іске асырылу барысы талқыланды.Ақпарат көзі : https://www.gov.kz/memleket/entities/zhambyl/press/news/details/904247

Қордай ауданы Қарасай ауылында 180 орындық мәдениет үйі халық игілігіне берілді.Әлеуметтік нысанның ашылу салтанатына аудан әкімі Бегзат Болатбеков, аудандық мәслихат депутаттары, ауыл ақсақалдары мен тұрғындары қатысты.- Қарасай ауылының жаңа мәдениет үйі ел игілігіне қызмет етіп, өнер мен мәдениеттің ордасына айналатынына сеніміміз зор, – деді құттықтау сөзінде аудан басшысы.Мәдениет үйінің құрылысы «Ауыл - Ел бесігі» бағдарламасы аясында жүргізілді. Ғимаратта акт залы, кітапхана, ІТ-кабинет бар, сондай-ақ вокал, би, қолөнер үйірмелерін өткізу үшін бөлмелер қарастырылған.- Бұл мәдениет үйі ауыл жастарының өнерін шыңдап, бос уақыттарын тиімді өткізуге зор мүмкіндік береді. Ұлтымыздың салт-дәстүрі, рухани құндылықтары осы ордада жаңғырады деп сенемін. Ауылдың гүлденуіне қолдау көрсетіп, осындай игі істерді атқарып жатқан азаматтарға қариялардың атынан алғысымды білдіремін! – деген ауыл ақсақалы Жұмабек Тоқаев көпшілікке ақ батасын берді.Бұдан соң жаңа нысанның лентасы қиылды. Жиналған қауым нысанды аралап, өнерпаздардың концерттік бағдарламасын тамашалады.Еске сала кетейік, Жамбыл облысында бүгінге дейін 5 мәдениет үйі мен 1 мұражай пайдалануға берілді. Жыл соңына дейін тағы 2 нысан ел игілігіне тапсырылады.Ағымдағы жылы 17 мәдениет нысаны жөндеуден өтті.2024 жылдың қортындысы бойынша халықтың мәдени инфрақұрылыммен қамтамасыз етілу деңгейі 84,8 пайызды құрайды (2023 ж. - 82,0%) деп күтілуде.Ақпарат көзі : https://www.gov.kz/memleket/entities/zhambyl/press/news/details/904311

Астана қаласы Дене шынықтыру және спорт басқармасына қарасты №10 Балалар мен жасөспірімдердің шайбалы хоккейден мамандандырылған спорт мектебінің тәрбиеленушілері Тәуелсіздік күні қарсаңында жаттығу барысында Мемлекеттік гимнді жанды дауыста орындап, патриоттық челлендж ұйымдастырды, деп хабарлайды елорда әкімдігінің ресми сайты.Мектептің шайбалы хоккейден жаттықтырушысы Николай Заводовтың айтуынша, әр жаттығу барысында тәрбиеленушілер гимнді жанды дауыста орындайды. Бұл дәстүр жас спортшылардың патриоттық рухын қалыптастыруда және Отанға деген сүйіспеншілігін арттыруда ерекше рөл атқарады."Бұл патриоттық орындау жас спортшыларға Тәуелсіздік күнінің маңыздылығын сезініп, елге деген мақтаныш сезімін ұялатады. Біз әрдайым балаларға мемлекеттік мерекелердің тарихи және рухани маңыздылығын түсіндіруге көңіл бөлеміз", – деді Николай Заводов.Айта кетейік, Тәуелсіздік күніне орай Қазақстан Республикасының Мемлекеттік гимнін Астана қаласының басқа да спортшылары жаттығу барысында орындады.Сонымен қатар мереке қарсаңында елге танымал спортшылар да барша қазақстандықты Тәуелсіздік күнімен құттықтап, өздерінің жүрекжарды тілектерін жеткізді. Олардың қатарында еркін күрестен үш салмақ дәрежесінде әлем чемпионы Ризабек Айтмұхан, бокстан Париж Олимпиадасының күміс жүлдегері Нұрбек Оралбай, ауыр атлетикадан жастар және жасөспірімдер арасында әлем чемпионы Едіге Емберді, қазақ күресінен әлем чемпионы әрі Қазақстан чемпионатының қола жүлдегері Олжас Шынкеев, сондай-ақ панкратионнан әлем чемпионы, қоян-қолтық ұрыстан Азия чемпионы және ММА шебері Жасұлан Әкімжан да бар. Ақпарат көзі : https://www.gov.kz/memleket/entities/astana/press/news/details/903389

Ретро-фестиваль барысында «Барыс Арена» спорт кешенінде бір мезгілде 12 000 адам Қазақстан Республикасының Мемлекеттік Әнұранын орындады. Бұл жарқын әрі шабыттандыратын оқиға барлық жастағы көрерменді бір арнада тоғыстырып, бірлік пен патриотизмнің символына айналды, деп хабарлайды елорда әкімдігінің ресми сайты.Ел үшін мақтаныш пен ортақ күш қатысушылардың жүрегінде ұзақ уақыт сақталатын мерекенің ұмытылмас атмосферасын құрды.Естеріңізге сала кетейік, Тәуелсіздік күніне орай Қазақстан астанасының орталық көшелеріндегі LED-экрандарында, ҚТЖ, ЭКСПО ғимараттарының медиа қасбеттерінде және айналма дөңгелегінде Мемлекеттік тудың бейнесі пайда болды.Астанада концерттер, көрмелер, конкурстар, спорттық турнирлер және т. б. жиыны 50-ден астам мерекелік іс-шара өтеді. Ақпарат көзі : https://www.gov.kz/memleket/entities/astana/press/news/details/903391

Тәуелсіздік күніне орай және Игі істер марафоны аясында елорданың Алматы ауданында коммуналдық қызмет мамандарын қолдау және қала тұрғындары арасында мерекелік көңіл күй акциясы өткізілді, деп хабарлайды Астана әкімдігінің ресми сайты.Акцияны Алматы ауданының әкімдігі ұйымдастырды. Бастама барлығының бойында мерекелік көңіл күй қалыптастыруға және қала өміріне қосқан маңызды үлесі үшін алғыс білдіруге бағытталған.Сонымен, дәмді бауырсақ пен ыстық шай дайындалып, коммуналдық қызмет мамандарына таратылды. Өйткені олардың жұмысы қалада, әсіресе суық мезгілде тәртіп пен жайлылықты сақтауда шешуші рөл атқарады. Жалпы 5 келіден астам бауырсақ пісірілді.Тұрғындарға ұлттық символикасы бар 100-ге жуық мерекелік шоколад табыс етілді. Мұндай кішкентай, бірақ жағымды сыйлықтар мерекеде әркім үшін маңызды бірлік пен жылулықты білдіреді."Бұл бастамалар нағыз мерекелік атмосфераны қалыптастырады. Әсіресе, еңбек адамдарына да, қарапайым адамдарға да көңіл бөлінгені қуантады", - деді Алматы ауданының тұрғыны Ерлан Әлімбеков.Айта кету керек, мұндай игі іс-шаралар Астанада тұрақты түрде өткізіліп тұрады. Олардың мақсаты – адамдарды өзара қолдауға шабыттандыратын және игі істердің құндылықтарын еске түсіретін бірлік рухын нығайту. Ақпарат көзі : https://www.gov.kz/memleket/entities/astana/press/news/details/903441

Елорданың полиция және жедел медициналық жәрдем қызметкерлері бейне үндеу жазып, қазақстандықтарды Тәуелсіздік күнімен құттықтады. Олар мерекенің маңыздылығын атап өтіп, өз миссиялары – халықтың игілігі үшін қызмет ету екенін еске салды, деп хабарлайды Астана әкімдігінің ресми сайты.Шұғыл жедел қызметтердің өкілдері олардың жұмысында демалыс және мереке күндері жоқ екенін атап өтті. Тәулік бойы, кез келген жағдайда, олар тұрғындарды қорғауға және денсаулығына жәрдем беру ету үшін көмекке келуге дайын. Полицейлер күндіз-түні көшелерді бақылап, азаматтарды күзетеді, дәрігерлер әрдайым байланыста болады, өмірді құтқарады және ең қиын жағдайда көмектеседі."Біз сіздің қауіпсіздігіңіз бен денсаулығыңыз үшін барлық мүмкіндікті жасай отырып, қазақстандықтардың игілігі үшін қызмет ете алатынымызды мақтан тұтамыз. Бұл айтулы күн әрқайсыңыздың жүрегіңізді еліміз үшін мақтанышпен толтырсын!"- делінген бейне хабарламада.Құттықтау мереке күндеріне қарамастан, полиция мен жедел медициналық жәрдем қызметкерлерінің әрқашан азаматтардың мүддесін, денсаулығы мен қауіпсіздігін қорғауға дайын екенін көрсетеді. Ақпарат көзі : https://www.gov.kz/memleket/entities/astana/press/news/details/903443

Елордалық мәслихат депутаттары қазақстандықтарды еліміздің Тәуелсіздік күнімен құттықтаған бейнероликтер топтамасын жазды, деп хабарлайды Астана әкімдігінің ресми сайты.Астана мәслихатының депутаттары қол жеткізген жетістіктері үшін алғыс білдіріп, елімізге одан әрі өркендеу тіледі.Үндеулерде халықтың бірлігіне, бейбітшілік пен келісімді сақтаудың маңыздылығына, сондай-ақ Қазақстанның одан әрі дамуы үшін тәуелсіздікке ерекше назар аударылды. "Жылдар өте келе, бүгінде біз өз еңбегі мен бірлігімен жарқын болашақты құратын халқымыздың жетістіктерін мақтан тұтамыз. Тәуелсіздік – бұл еркін болу құқығы ғана емес, болашақ ұрпақ үшін үлкен жауапкершілік. Осы ұлы құндылықты сақтау әрі ұлықтау – біздің ортақ міндетіміз", - деді қалалық мәслихат төрағасы Ерлан Каналимов. Челленджді жалғастыру үшін эстафета Қазақстанның басқа облыстарындағы депутаттарға жолданды. Ақпарат көзі : https://www.gov.kz/memleket/entities/astana/press/news/details/903446

Астананың бизнес өкілдері челлендж форматында мерекелік бастамаға қосылып, ҚР Тәуелсіздік күнін атап өтті, деп хабарлайды елорда әкімдігінің ресми сайты.Қонақ үй және мейрамхана бизнесі, сауда орталықтары, базарлар, туристік нысандар және басқа да бағыттар бойынша әртүрлі саладағы кәсіпкерлер қазақстандықтарды мерекемен құттықтады.Челлендж қатысушылары бейне құттықтаулар жазып, әрбір қазақстандық үшін бейбітшілік, амандық, бақ-береке сияқты тілектестіктерін. Бірліктің маңыздылығына және әркімнің елдің жалпы дамуына қосқан үлесіне ерекше назар аударылды."16 желтоқсан - бұл маңызды күн ғана емес, сонымен қатар Қазақстанның жетістіктері, оның тәуелсіздігі мен күші үшін мақтанышымыздың символы. Біз бірге елімізді одан да күшті және табысты ете аламыз деп сенеміз. Қазақстан әрқашан гүлденген және тәуелсіз ел болып қала берсін!" - деді челленджге қатысушылардың бірі.Кәсіпкерлер қоғамның ажырамас бөлігі бола отырып, елдің дамуы мен өркендеуіне үлес қосуды өздерінің міндеті деп санайтынын атап өтті.Айта кету керек, бұл бастама жарқын құттықтау ғана емес, сонымен қатар еліміздің басты мерекесіне орай бизнес пен қоғамды біріктірудің символына айналды. Ақпарат көзі : https://www.gov.kz/memleket/entities/astana/press/news/details/903455

Астана қаласы әкімдігінің бастамасымен қолға алынған JOLTAP жобасы қазір елордалықтар арасында кеңінен танылып отыр. Аталған жоба арқылы тегін курс оқып, кәсіби дағдыларын табыс көзіне айналдырып жатқан тұрғындардың қарасы көп. Солардың бірі Анжела Қожниязова JOLTAP жобасында үш бағыт бойынша қысқа мерзімді курс оқып, жаңа мамандықтарды игерді, деп хабарлады елорда әкімдігінің ресми сайты.JOLTAP жобасының аясында «Freelance мүмкіндік» деп аталатын бағдарлама нарықта сұранысқа ие және танымал цифрлық дағдыларды оқытуға бағытталған. Бағдарламадан курс қатысушылары SMM, таргет, видеография, мобилография, графикалық дизайн, маркетплейс, сайттарды әзірлеу сияқты сегіз базалық біліктілікті игеріп шығады.«Мен – елордадағы жеке музыкалық мектептің басқарушысымын. Онда тұрғындар фортепиано, гитара, домбыра және вокал бойынша сабақтар алады. Жүзеге асырылып жатқан жұмыстарымызды көпшілікке таныстырып, контент түсіру үшін маған мобилография дағдылары қажет болды. Ал таргетологты үйрену арқылы мектебімізге айына 300-ден астам тапсырыс түсірдік. Графикалық дизайнды білуімнің нәтижесінде әлеуметтік желіге оқырманға тартымды макеттер жасай бастадым. Мұның бәрі жұмысымыздың алға жылжуына әсер етті. Осылайша JOLTAP жобасынан үш бағыт бойынша қысқа мерзімді курс оқып шықтым», - Анжела Маратқызы.Ол қала тұрғындарына осындай теңдессіз мүмкіндік беріп отырған жобаның тиімділігін жоғары бағалады. Сондай-ақ, жоба ұйымдастырушыларына сапалы білім бергендері үшін зор алғыс білдірді.«Бұл білім арқылы шынайы өмірде шын табыс таба алатыныма сенімдімін. Сондықтан елордалықтарға осы курстарға жазылсаңыздар, өкінбейсіздер дегім келеді. Бұл - сөзсіз қажетті білім», - жоба қатысушысы.JOLTAP жобасы аясында жоғарыда аталған бағдарламадан бөлек, тігінші, кассир сияқты сауда, құрылыс және қызмет көрсету салаларына білікті жұмысшы мамандарды дайындайтын тегін қысқа мерзімді курстар да бар. Сондай-ақ, көпшілік шоғырланатын жерлерде орналасқан «Баршаға мүмкіндік» модульдік пунктері азаматтарға тұрғын үй бағдарламалары, бизнес гранттары, әлеуметтік көмектер және жұмысқа орналасу туралы да ақпараттар береді.Айта кетейік, JOLTAP қысқа мерзімді оқыту бағдарламасы 18-50 жас аралығындағы Астана тұрғындары үшін қолжетімді. Оқудан кейін қатысушыларға сертификат беріледі.Ал түлектердің кандидатуралары JUMYS TAP Telegram-ботында тегін жарнамаланатын болады. Толық ақпаратты call-орталықтың нөмірі бойынша білуге болады: +7 (707) 221 31-31.Ақпарат көзі : https://www.gov.kz/memleket/entities/astana/press/news/details/903991

18 желтоқсанда сағат 20.00-де Астананың алты ауданында бір мезгілде жаңа жылдық шыршалардың шамы жағылады. Барлық орында мұз айдындары, слайдтар, шағын архитектуралық нысандар, фотоаймақтар және басқа да көптеген ойын-сауық болады деп күтіледі, деп хабарлайды елорда әкімдігінің ресми сайты.Бұл күні елорданың алты ауданында 30-дан астам мерекелік шыршаның шамдары жағылады, елорданың әрбір тұрғыны мен қонақтары мерекелік атмосфераны тамашалай алады.Алматы және Сарайшық аудандарында жеті жайлы жерде шыршалар шамы жағылады. Қазақ елі монументінің алаңында 25 метрлік үлкен шырша орнатылады, алаңның аумағы ертегі сиқырлы ел болып саналады, тұрғындар мен қонақтар жарық әшекейлерінің фонында суретке түсе алады.Тәуелсіздік даңғылындағы Оқушылар сарайының теорториясындағы 20 метрлік шырша ауданның жас тұрғындары үшін көптеген ойын-сауық пен мерекелік іс-шара ұсынатын орталыққа айналады: мұз айдыны, слайд, ертегі камині, Щелкунчик және Гномик фото аймағы.17 метрлік шырша осы күні «Sana Sport» спорт кешенінің аумағында слайдпен және көңілді аюлармен жанады. Сондай-ақ Қошқарбаев даңғылы 80/1, Рысқұлбеков көшесіндегі «Алма» саябағында, Astana Music Hall (құмыра) жанында 17 метрлік жаңа жылдық шыршалар орнатылады.«Нұрлы жол» теміржол вокзалының жанында 17 метрлік шырша мен шағын сәулет нысандары (бұғы, қасқыр, қоян және аю) орнатылады.Байқоңыр ауданында бес керемет шырша келесі орындарды безендіреді:Жастар сарайының аумағы мерекелік іс-шаралар мен отбасылық серуен үшін тамаша орын болады. Алаңда 18 метрлік шырша шамы жағылады, мұз айдыны мен сырғанақ жұмыс істейді, тұрғындар мен қонақтар жарық бейнелерінің жанында мерекелік фотосуретке түсе алады.Ж. Тәшенов көшесіндегі К. Ататүрік атындағы саябақ көптеген шам мен сәндік элементтері бар қысқы ертегіге айналады, аумақта 20 метрлік шырша шамы жарқырайды, мұз айдыны, сырғанақ жұмыс істейді және жаңа жылдық кейіпкерлер түріндегі ертегі шағын сәулет формалары орнатылады.«Өндіріс» (Ақбидай мен Кемеңгерұлы көшелерінің қиылысы) және «Кирпичный» (Чехоев және Жолымбет көшелерінің қиылысы) тұрғын алаптарында, «Қоянды» саяжай алабында кез келген адам 8 метрлік шыршалардың сұлулығын және жайлы атмосфераны тамашалай алады, мұз айдынында сырғанақ тебе алады. Сонымен қатар аудан бойынша Кеншілер, 5 және Досмұхамедұлы, 6 мекенжайларында екі бес метрлік шырша орналасады.Нұра ауданында да ауқымды жаңа жылдық безендіру жүргізілді, 9 жерде жаңа жылдық шыршалар шамы жағылады. 25 метрлік басты шырша «Астана Арена» стадионының тұрағына орнатылады, онда мерекелік бағдарлама және жаңа жылдық ойын-сауық: мұз айдындары, слайдтар мен фотоаймақтар қарастырылған.Орталық саябақта ұзындығы 290 метр болатын желілік мұз айдыны жасалған, бұл жерде серуендеуге, фотоаймақтарда Аяз атаның шанасы мен сыйлықтары бар каминмен суретке түсуге болады. Орталық кіреберісте 22 метрлік шырша орнатылған, 18 желтоқсанда оның да шамы жарқырайды.«Зеленый квартал» ТК алаңындағы скверде, тоған маңында әртүрлі шағын сәулет нысандары мен фотоаймақ орнатылып, биіктігі 7 метр шырша қойылды.«Үркер» тұрғын алабындағы скверде мұз айдыны мен қар сырғанақтары ашылды. Кеңістік шыршамен безендірілді. Бұл күні биіктігі 7-ден 14 метрге дейінгі шыршалар шамы «Сарыарқа», «Керуен сити», «Азия парк», «Хан Шатыр» және «Айланд» ОСО сауда-ойын-сауық орталықтарының жанында да жарқырайды.Сығанақ пен Ш. Айтматов көшелерінің қиылысында сырғанақтар орнатылып, 8 метрлік шырша мен тақырыптық шағын сәулет нысандары орнатылды.Сарыарқа ауданында әртүрлі биіктіктегі 3-тен 18 метрге дейінгі алты шырша шамы жарқырайды. Аудан тұрғындары мен қонақтарын мұз сырғанақтары, мұз айдындары және атмосфералық фотоаймақтар күтеді. Қала алаңы биіктігі 13 метр тірі шыршамен безендіріледі. Мұнда 600 шаршы метрлік мұз айдыны, мұз сырғанағы мен фотоаймақ, бұғылар мен аюлардың жарқыраған бейнелері дайындалды. Бөгенбай батыр даңғылындағы сквер аумағында 43 500 ш.м. мұз айдыны ұйымдастырылып, шырша орнатылды. Сыйлықтары бар жарқыраған шарлар мен шана қысқы мереке атмосферасына сән беріп тұр. «Көктал» саябағында отбасылық демалыс үшін сырғанақтар, мұз айдыны және 18 метрлік шыршасы бар мерекелік аймақ ашылады.Есіл өзенінің жағасында өзеннің мұзында үлкен мұз айдыны ашылып, әртүрлі деңгейдегі 8 сырғанақ орнатылды. Аумақта биіктігі 8 метр шырша орнатылады.«Наз» театрының жанындағы алаң 3 метрлік мерекелік шырша мен тақырыптық фотоаймағы бар мәдени кеңістікке айналады.Юбилейная көшесі, 22-де биіктігі 8 метр тірі шырша безендірілген. «Агроқалашық» тұрғын алабында, Оқжетпес-Герцен көшелерінің қиылысында көңілді уақыт өткізуге арналған сырғанақ, мұз айдыны және жарқын фотоаймақтар орналасқан.Есіл ауданында төрт негізгі нүктеге мерекелік шыршалар орнатылады.ЭКСПО аумағында 23 метрлік шырша пайда болады, мұз айдыны мен сырғанақтар ашылады, елорда тұрғындары мен қонақтары шағын архитектуралық нысандар аясында фотосуреттер түсіре алады. Қабанбай батыр даңғылының бойындағы дөңгелек алаңда мерекелік шырша орнатылады, сондай-ақ аумақта жаңа жылдық жарық безендіру жасалады. Ботаникалық бақта 23 метрлік шырша пайда болады, аумақ жарық дизайнымен безендіріледі.«Бәйтерек» монументінің айналасында, «Нұр Жол» бульварында, Мәңгілік Ел даңғылында, желілік саябақта, «Ұлытау» сквері сияқты орындар шағын сәулет нысандары мен жаңа жылдық инсталляциялармен безендіріледі.«Пригородный» тұрғын алабында 10 метрлік шырша шамы жағылады, мұз айдыны жұмыс істейді, аюлар мен жұлдыздар түріндегі шағын сәулеттік формалар пайда болады.Ақпарат көзі : https://www.gov.kz/memleket/entities/astana/press/news/details/904038

Жуырда Уәлиханов ауданының орталығы - Кішкенекөлде жаңа емхана ашылады. Құрылыстың аяқталуын Уәлиханов ауданына жұмыс сапары барысында СҚО әкімі Ғауез Нұрмұхамбетов тексерді. "Жаңа нысанды шалғайдағы аудан тұрғындары көптен күтті. Осы күнге дейін емхана жарты ғасыр бұрын салынған ескі ғимаратта орналасты, медициналық қызмет тар жағдайда көрсетілетін. Жаңа емханада тіркелген 11 мың адам үшін қолайлы жағдай жасалды. Заманауи қондырғылар – цифрлы рентген, маммограф, УЗИ және басқа аппараттар орнатылды", - деп жазды өңір басшысы әлеуметтік желіде.Сондай-ақ ауданға сапар кезінде өңір басшысы әлеуметтік нысандарды, кәсіпорындарды, ұн тарту комбинатын аралап, жергілікті шаруалармен кездесу өткізді. Салынып жатқан жабық бассейнінің құрылысын да тексерді. Ғауез Нұрмұхамбетов «Еңбек» бағдарламасы бойынша облысымызға қоныс аударған Рауан Шалқаровтың отбасына қонаққа барды. Келген отбасыға Кішкенекөлде үй сатып алынды. Ал кәсіпкер Зәуреш Сәниева мемлекеттік «Ауыл аманаты» бағдарламасын пайдаланып, аудан орталығында отбасылық дәмхана ашты. Аудан тұрғындарымен кездесуде жыл қорытындысы талқыланып, 2025 жылға арналған жоспарлар белгіленді.Сондай-ақ СҚО әкімі шалғайдағы Қулыкөл ауылында болып, ауыл шаруашылығы кәсіпорындарының жұмысымен танысып, ауыл маңындағы қорғанның дайындығын тексерді. Ауылдықтармен өткен кездесуде сауалдар мен ұсыныстар айтылды, барлық мәселелер бақылауға алынды.Ақпарат көзі : https://www.gov.kz/memleket/entities/sko/press/news/details/903728

СҚО әкімі Ғауез Нұрмұхамбетовтың Ақжар ауданына жұмыс сапары инфрақұрылымның жағдайын зерделеуге және ауданның даму перспективаларын талқылауға бағытталды. Өңір басшысы республикалық маңызы бар Дәуіт пен Кішкенекөл арасындағы автожолды жөндеу бойынша есепті тыңдады, бұл Ақжар және Уәлиханов аудандарының көлік инфрақұрылымын жақсартпақ. Жоба келесі жылы жалғасады. Жалпы ауданда жол саласында 8 жоба жүзеге асты, жетеуі жалғасуда.Сондай-ақ Ғауез Нұрмұхамбетов аудан орталығындағы дене шынықтыру-сауықтыру кешенінде болып, астық қабылдау пунктінде аудан диқандарымен кездесті. Маншүк Сеитова Талшықта жол бойындағы кешен ашып, 11 адамды жұмыспен қамтып отыр. Оның екеуі балалар үйінен келіп, еңбек етіп жүрген жетімдер, олар тамақ пен жатын орнымен қамтылды. Восходское ауылында «Эрсалды» шаруа қожалығының асыл тұқымды репродукторы, «Даньяров» шағын наубайханасы мен жеке кәсіпкер "Анеля" ЖК шағын-маркеті табысты жұмыс істеуде. «Ауылдық денсаулық сақтауды жаңғырту» ұлттық жобасы аясында ауыл тұрғындары үшін медициналық пункт салынып, мәдениет ошағы да толық жөндеуден өтті.Горьковское ауылында да оң өзгерістер орын алуда. «Ақниет Агро и К» серіктестігі әлеуметтік жауапты бизнестің үлгісін көрсетіп отыр. Шаруашылық ауылдықтар үшін 18 үй салып берді. Бюджет есебінен орта мектеп күрделі жөндеуден өтіп, ауыл клубы салынды. Аудан тұрғындарымен кездесу өткізіліп, өзекті мәселелер мен оларды шешу жолдары талқыланды.Ақпарат көзі : https://www.gov.kz/memleket/entities/sko/press/news/details/903792

Ақпарат көзі : https://www.gov.kz/memleket/entities/ontustik/press/news/details/904318

Қарағанды облысының әкімі Ермағанбет Бөлекпаев Саран қаласының тұрғындарымен кездесу өткізеді.Халықпен кездесу 2024 жылғы 18 желтоқсан күні сағат 15.00-де Саран қаласының мәдениет үйінде өтеді.Халықтан сұрақтар мен ұсыныстар жинау үшін жұмыс тобы құрылды. Өтініштеріңізді жұмыс күндері сағат 09:00-ден 18:30-ға дейін (түскі үзіліс 13:00-ден 14:30-ға дейін) (8-72137) 7-40-16 телефоны арқылы қалдыруға немесе sar_apparat@krg.gov.kz электрондық поштасы бойынша жіберуге болады.Ақпарат көзі : https://www.gov.kz/memleket/entities/karaganda/press/news/details/903509

Primeminister.kz редакциясы 2024 жыл қорытындысын жариялауды жалғастырады. Мемлекет басшысы Қасым-Жомарт Тоқаев белгілеген инфрақұрылымды жаңғыртудың кешенді тәсілі – маңызды бағыттардың бірі.Әр міндетке басымдық беру2024 жылғы ақпанда Үкіметтің кеңейтілген отырысында Қазақстан Президенті инфрақұрылымды дамыту мемлекеттік саясаттың аса маңызды басымдықтарының бірі екенін атап өтті. Ол көлік, энергетика және әлеуметтік инфрақұрылымды жаңғырту қарқынын жеделдету, сондай-ақ мемлекеттік және жеке инвестицияларды тиімді пайдалану қажеттігін баса айтты.Негізгі міндеттер қатарында логистика мен көлік коммуникацияларын жақсарту, жаңартылатын энергия көздерін дамыту, шалғай және ауылдық елді мекендердегі азаматтардың өмір сүруіне қолайлы жағдай жасау мәселесі айқындалды. Сонымен қатар Қасым-Жомарт Тоқаев инфрақұрылымдық жобалардың сапасын арттыруға, оларды жүзеге асыру мерзімдерін сақтауға және қаражаттың жұмсалуын мұқият бақылауға баса назар аударды.Осыған байланысты Үкімет 2029 жылға дейінгі Ұлттық инфрақұрылым жоспарын әзірлеп, бекітті. Құжаттың стратегиялық міндеті – басым жобаларды айқындау, нысаналы көрсеткіштер мен инфрақұрылымның негізгі бағыттарын белгілеу.Қазақстанның инфрақұрылымдық даму жоспары төрт негізгі бағытқа бөлінген 204 жобаны қамтиды:Энергетикалық инфрақұрылым (46 жоба) – жаңа нысандарды жаңғырту және салу, тұрғындарды газбен қамту деңгейін арттыру арқылы сенімді энергиямен қамтамасыз ету.Көлік инфрақұрылымы (59 жоба) – көлік дәліздерін дамыту, жолдарды реконструкциялау және теміржол желісін жаңғырту.Сумен жабдықтау және су бұру инфрақұрылымы (89 жоба) – сумен қамтамасыз ету, су бұру және сарқынды суларды тазарту нысандарын салу және жаңғырту.Цифрлық инфрақұрылым (10 жоба) – инфрақұрылымды бақылау және басқару үшін цифрлық шешімдерді енгізу.Энергетикалық инфрақұрылым: тұрақтылық және «жасыл» технологияларға көшу2024 жыл Қазақстанның энергетика саласын дамытудағы маңызды кезеңі болды. Биыл еліміздің жылу энергетикасына, жаңартылатын энергия көздеріне (ЖЭК) және электр энергетикасына айтарлықтай әсер еткен бірнеше маңызды келісім мен заңдарға қол қойылды.Энергетика министрлігінің «Жылу-электр энергетикасын дамыту» бюджеттік бағдарламасы шеңберінде 2024 жылы республикалық бюджеттен 14 жобаны іске асыруға, 52,7 млрд теңге бөлінді, оның ішінде 6 жоба жылумен қамтуға, 8 жоба электрмен жабдықтауға қатысты. Қазіргі уақытта осы жобалардың екеуі – «Ақжайық» ЕТЖК және Орал қаласының ГТС-54 аудандарындағы 110/10 кВ қосалқы стансалары пайдалануға берілді, бұл өңірді энергиямен қамту сенімділігін едәуір арттырды.Энергетикалық инфрақұрылымды жаңғыртуды ынталандыру үшін Қазақстан қайтарымды инвестициялардың жылдық лимитін 32 млрд теңгеден 428 млрд теңгеге дейін ұлғайтты. Бұл жұмыс істеп тұрған энергия өндіруші ұйымдар үшін негізгі жабдықтарды жаңғырту, реконструкциялау және кеңейту жөніндегі жобалар пулын едәуір кеңейтуге мүмкіндік берді. Қазіргі уақытта Инвестициялық келісімдер шеңберінде жалпы қуаты 2,48 ГВт болатын 19 келісім қолданыста, оның ішінде қайтарымды инвестициялар лимиті ұлғайғаннан кейін 13 келісім (жиынтық қуаты 1,4 ГВт) жасалды. Бұл еліміздің энергия жүйесінің қуатын едәуір арттыруға және оның тұрақтылығын жақсартуға мүмкіндік береді.2024 жылы Жүйелік оператор ірі энергетикалық нысандарда бірқатар күрделі жөндеу жұмысын жоспарлады. Жөндеу бағдарламасы аясында электр стансаларында 10 энергия блокты, 55 қазандықты және 45 турбинаны күрделі жөндеуден өткізу көзделген. Бүгінгі таңда 9 энергия блокта, 53 қазандықта және 39 турбинада жұмыс аяқталды. 1 энергия блогында, 2 қазандықта және 6 турбинада жұмыс түрлі аяқталу сатысында.2024 жылғы 8 шілдеде Мемлекет басшысы жылумен жабдықтау саласында жинақталған кешенді проблемаларды шешуге бағытталған «Жылу энергетикасы туралы» жаңа салалық Заңға қол қойды. Заң жылу жүйесі мен жылу энергетикасы объектілері жұмысының тиімділігін арттыруға, халық үшін көрсетілетін қызметтердің сапасын жақсартуға және жылумен жабдықтаудың сенімділігін қамтамасыз етуге арналған. Заң шеңберінде инфрақұрылымды жаңғырту және салаға инвестициялар тарту жөніндегі шаралар да көзделген.Халықаралық әріптестермен ынтымақтастық Қазақстанның экологиялық орнықты энергетика жолындағы ұстанымын нығайтты. 7 наурызда Қазақстан Республикасының Үкіметі мен Сауд Арабиясы Корольдігінің Үкіметі арасында 1 ГВт жел электр стансасының жобасын жүзеге асыру туралы келісімге қол қойылды. Бұл жоба Жетісу облысында іске асырылады, инвестор халықаралық компания – Acwa Power.2024 жылғы 12 қарашада Қазақстан Республикасының Үкіметі мен «Qazaq Wind Power» ЖШС арасында Жамбыл облысында жел электр стансасының жобасын іске асыру туралы тағы бір маңызды келісімге қол қойылды. Жобаның негізгі инвесторы – Masdar компаниясы, ал ЖЭС қуаты 1 ГВт құрайды. Бұл келісім Қазақстанның ЖЭК дамыту және көміртегі шығарындыларын азайту жөніндегі стратегиялық бағдарламасының бір бөлігіне айналды. Сондай-ақ қараша айында Қазақстан Республикасының Үкіметі мен Қытай Халық Республикасының Үкіметі арасында жаңартылатын энергия көздері саласындағы бірқатар жобаларды іске асыру туралы келісімге қол қойылды. Келісім шеңберінде жалпы қуаты 1,8 ГВт жел және күн электр стансаларын салу жоспарлануда, бұл еліміздегі энергия көздерін әртараптандыру үшін маңызды қадам болмақ. ЖЭК объектілерін салу Қазақстанның энергетикалық теңгеріміндегі жасыл технологиялардың рөлін нығайтудағы негізгі кезең болады, бұл еліміздің орнықты дамуына және көміртегі ізін төмендетуге ықпал етеді.Сонымен қатар Қазақстан Катардың қатысуымен жобаларды белсенді дамытуда. 20 наурызда Қызылорда облысында қуаты 1,1 ГВт бу-газ қондырғысы мен Абай облысында қуаты шамамен 350 МВт су электр стансасының құрылысын қосқанда, бірлескен жобаларды іске асыру туралы Катар мемлекетімен үкіметаралық келісімге қол қойылды. 17 сәуірде Ресей Федерациясымен тағы бір Үкіметаралық келісімге қол қойылды, ол Көкшетау, Семей және Өскемен қалаларында жиынтық қуаты шамамен 1 ГВт болатын үш жылу электр орталығын салу жөніндегі жобаларды іске асыруды көздейді. Бұл ЖЭО еліміздің энергетикалық қауіпсіздігін жақсарта отырып, Қазақстанның түрлі өңірлерінде сенімді энергиямен жабдықтауды қамтамасыз етеді.Көлік инфрақұрылымы: маңызды нысандарды дамыту2024 жыл Қазақстанның көлік инфрақұрылымын жөндеу, реконструкциялау және салу жөніндегі ауқымды жобаларды іске асырудағы маңызды кезең болды. Мемлекеттік бағдарлама аясында биыл 12 мың шақырым автомобиль жолдарын жөндеу және салу жұмысы басталды, оның 7 мың шақырымы жыл соңына дейін аяқталады. Еліміздің негізгі өңірлері мен халықаралық көлік бағыттарын байланыстыратын төрт маңызды автожол дәлізін реконструкциялаудың аяқталуы жылдың басты жетістіктері ішінде ерекше көзге түседі.Еліміздің орталық және оңтүстік өңірлерін байланыстыратын маңызды буын саналатын Қарағанды – Алматы (879 км) автожолын ресонструкциялау аяқталды;Қазақстанның шығысы мен оңтүстігі арасындағы көлік қатынасын қамтамасыз ететін Талдықорған – Өскемен (768 км) тас жолын рекнострукциялау аяқталды;Батыс Қазақстанда көлік қатынасын жақсартуға ықпал ететін Ақтөбе – Қандыағаш (96 км) учаскесінде жұмыстар аяқталды;Қазақстанды Ресеймен байланыстыратын Атырау – Астрахан (212 км) автомобиль жолын реконструкциялаудың аяқталуы арқылы халықаралық көлік дәлізінің дамуына үлес қосылды.Жалпы, 2024 жылы жол құрылысының басқа салаларында да айтарлықтай прогреске қол жеткізілді. Жөндеу және реконструкциялау жұмыстары күрделі және орташа жөндеулерді, сондай-ақ жергілікті маңызы бар жолдардағы жұмыстарды қосқанда, 7,5 мың шақырымнан астам жолды қамтыды.Темір жол көлігі саласында магистралды теміржол желісін жөндеу жұмыстары жалғасуда, 2024 жылы 1401 шақырымға жөндеу жүргізілді (оның ішінде күрделі жөндеу – 570 км, компоненттік жөндеу – 187 км және алдын ала жоспарлы жөндеу – 644 км). Сонымен қатар биыл 143 жолаушылар вагоны, 185 локомотив және 1,5 мың жүк вагоны жаңартылды. 2024 жылдың 10 айында Қазақстанға жаңа 113 жолаушылар вагоны жеткізілді, ал жыл соңына дейін тағы 30 вагон жеткізіледі деп күтілуде. Бұл теміржолдардағы жайлылық пен қауіпсіздікті айтарлықтай жақсартуға, сондай-ақ жолаушылар тасымалының өткізу қабілетін арттыруға мүмкіндік береді. 2024 жылғы 11 айдың қорытындысы бойынша теміржол көлігімен 19,2 млн жолаушы және 390,5 млн тонна жүк тасымалданды. Жолаушылар тасымалы 2023 жылмен салыстырғанда 5,5%-ға өсті. Бұл теміржол қызметтеріне деген сенімнің артқанын көрсетеді.2024 жылы туристік сегментті дамыту мақсатында «Алматы – Түркістан – Ташкент – Алматы» жаңа бағыты іске қосылды. Ол туристерді тартуға және Қазақстан мен Өзбекстан арасындағы мәдени алмасуды популяризациялауға ықпал етеді. Барлық экскурсияны кәсіби гидтер жүргізеді, ал жолаушылардың жайлылығы үшін заманауи автобустар қарастырылған. Бұл жоба ішкі және халықаралық туризмді дамытудағы, сондай-ақ елдер арасындағы мәдени және экономикалық байланыстарды ынталандырудағы маңызды қадам болды.Өткізу қабілетін арттыру және жүк тасымалы үшін жағдайды жақсарту мақсатында жалпы ұзындығы 1,3 мың шақырым болатын төрт ірі теміржол жобасының құрылысы жалғасуда.Олардың ішінде:● «Достық – Мойынты» (жұмыстар 75% аяқталды);● «Алматы айналма желісі»;● «Дарбаза – Мақтаарал»;● «Бақты – Аягөз».Аталған жобалар ішкі теміржол қатынасын дамытуға және еліміздің транзиттік әлеуетін арттыруға бағытталған. Бұл тауар тасымалдау және логистикалық инфрақұрылымды жақсарту үшін стратегиялық маңызға ие.2024 жылы елімізде теңіз инфрақұрылымы айтарлықтай нығайды. Ақтау портында жылына 300 мың ЖФБ өткізу қабілеті бар контейнерлік хаб салынуда. Құрық портында жаңа астық терминалы мен «Саржа» көпфункционалды терминалының құрылысы басталды. Бұл, өз кезегінде, транзиттік әлеуетті кеңейтіп, Қазақстан порттарының өткізу қабілетін жылына 30 млн тоннаға дейін арттыруды қамтамасыз етеді. Бұл жобалардың барлығы мультимодальды логистиканы айтарлықтай жақсартып, дәліздің барлық қатысушыларының үйлесімді жұмысын қамтамасыз етуге көмектеседі.Жылына 1 млн тонна қуаттылығы бар жаңа астық терминалының ашылуы Қазақстанда транзит пен логистиканы дамытудағы маңызды оқиға болды. Жоба аясында бір уақытта 28 мың тонна астық сақтауға мүмкіндік беретін 18 силос салынды. Терминалдың конвейерлерінің өнімділігі сағатына 300 тонна. Бұл терминал астық экспортын, оның ішінде Қазақстан – Иран бағыты және Кавказ аймағы елдеріне жеткізу көлемін арттыруды қамтамасыз етеді. Жоба логистикалық инфрақұрылымның маңызды элементіне айналып, Қазақстанның сыртқы саудасын кеңейтуге ықпал етеді деп күтілуде.2024 жылы Қазақстан әуе көлігін дамытуда маңызды қадамдар жасады. Алматы мен Қызылорда әуежайларында жаңа жолаушылар терминалдары пайдалануға берілді. Алматыдағы терминалдың өткізу қабілеті 6 есе артты (жылына 2,5 млн-нан 14 млн жолаушыға дейін), ал Қызылордада 7 есе өсті (жылына 300 мыңнан 2 млн жолаушыға дейін).Бұдан бөлек, жыл соңына дейін Шымкент қаласы әуежайында жаңа терминалды іске қосу жоспарланып отыр. Бұл өткізу қабілетін 7,5 есеге арттыруға мүмкіндік береді. Айта кету керек, бұл инфрақұрылымдық жобалар жалпы сомасы 150 млрд теңгеден асатын жеке инвестициялар есебінен жүзеге асырылды.Биыл еліміздегі 8 әуежайда күрделі және ағымдағы жөндеу жұмыстары жүргізілді. Атап айтқанда, Астана, Ақтөбе, Шымкент, Қарағанды, Жезқазған, Ақтау және Павлодар әуежайларындағы ұшу-қону жолақтары жөнделді, сондай-ақ Балқаш қаласы әуежайында рулеж жолы мен перрон реконструкцияланды.Аталған жұмыстар ұшу рейстерінің қауіпсіздігі мен тұрақтылығын қамтамасыз етуге бағытталған.Сонымен қатар жолаушылар үшін қолайлы жағдай жасап, еліміздің туристік және іскерлік әлеуетін арттыруға ықпал етеді.2024 жылы ірі инфрақұрылымдық бірқатар жоба аяқталды:● Шақпақ баба асуындағы туннельдің құрылысы. Бұл жыл бойы қауіпсіз қозғалысты қамтамасыз етіп, Қазақстанның оңтүстік аймақтары арасындағы көлік қатынасын айтарлықтай жақсартты. ● Бұқтырма су қоймасы арқылы өтетін көпір Шығыс Қазақстан үшін стратегиялық маңызды нысанға айналып, өңірдегі елді мекендер арасындағы сенімді қатынасты қамтамасыз етті.● Шамалған стансасындағы жолайырығы теміржол мен автомобиль көлігінің қиылысын алып тастауға мүмкіндік беріп, қозғалыс қауіпсіздігін арттырды.ТХКБ өсуі және дамуыТранскаспий халықаралық көлік бағыты (ТХКБ) тұрақты өсуді жалғастырып келеді. Өткізу қабілеті жылына 6 млн тоннаға, оның ішінде 100 мың ЖФБ контейнерлік тасымалдарға дейін ұлғаюда. 2024 жылдың 11 айында жүк тасымалының көлемі 63%-ға өсіп, 4,1 млн тоннаға жетті, ал контейнерлік тасымалдар 2,6 есеге артып, 50,5 мың ЖФБ құрады. Бұл көрсеткіштер бағыттың айтарлықтай өскенін дәлелдейді.2024 жылы Транскаспий көлік дәлізінің үйлестіру орталығы іске қосылды. Ол инфрақұрылымды дамытуға және бағыттың функционалын кеңейтуге бағытталған. Жаңа платформа ТХКБ-ның бәсекеге қабілеттілігін арттыру үшін жұмыс істейтін болады. Бұл Еуропа мен Азия арасындағы жеткізу мерзімін 15 күнге дейін қысқартуға мүмкіндік береді. Жобаға Қазақстан, Әзербайжан, Грузия, Түркия, Қытай сияқты негізгі елдер мен компаниялар белсенді қатысуда. Бұл ТХКБ-ның жаһандық сауда үшін маңыздылығын айқындайды.Өткізу қабілетін арттыруға және қызмет көрсету сапасын жақсартуға бағытталған инфрақұрылымды жаңғыртуға ерекше көңіл бөлінуде.Интеллектуалды көлік жүйелеріБүгінгі күні Қазақстанда 450 мыңнан астам жүк автокөлігі тіркелген, олар күнелікті ел аумағы бойынша жүк тасымалдайды. Бұл көлік құралдары, әсіресе олардың салмақтық және көлемдік сипаттамаларын ескере отырып, жол жамылғысының жағдайына айтарлықтай әсер етеді. Көлік жүйесінің қалыпты жұмыс істеуін қамтамасыз ету және автожолдарға артық жүктемені болдырмау үшін ауыр салмақты көліктердің салмағы мен өлшемдерін тиімді бақылау қажет.Аталған мәселелерді шешу мақсатында 2025 жылға дейін 220 автоматтандырылған өлшеу стансасын (АӨС) орнату жоспарлануда. Стансалар тәулік бойы жұмыс істейді және автокөлік құралдарының салмағы мен өлшемдерін үздіксіз бақылауды қамтамасыз етеді. Бұл көлік ағынын тиімді бақылауға, шамадан тыс жүктемелердің алдын алуға және республикалық жолдардың қалыпты пайдаланылуын қамтамасыз етуге мүмкіндік береді.Қазіргі уақытта елде 45 АӨС орнатылған, олардың ішінде:● 25 станса «ҚазАвтоЖол» АҚ орнатылған;● 7 - Астанада;● 1 - Қостанай облысында;● 12 - Үлкен Алматы айналма автожолында (ҮАААЖ) орналасқан.Бұл стансалар ауыр автокөлік құралдарының қозғалысын бақылауға және салмақ-габариттік нормалардың бұзылуын нақты уақыт режимінде тіркеуге мүмкіндік береді. Бұл жұмыс тиімділігін едәуір арттырып, адами факторды азайтады.Қазақстанда бақылау жүйесін одан әрі жетілдіру үшін қозғалыс барысында автокөлік құралдарын автоматты түрде өлшеуге арналған «Сергек» қағидатын енгізу жоспарланып отыр.Әкімшілік құқық бұзушылық туралы Кодекске өзгерістер енгізілді. Әкімшілік іс жүргізудің бірыңғай тізілімі процессинг орталығымен интеграциялау жұмыстары жүргізілуде. Бұл әкімшілік процестерді толық автоматтандыруға, оларды барынша ашық әрі жылдам жүргізуге мүмкіндік береді.primeminister.kz Ақпарат көзі : https://www.gov.kz/memleket/entities/karaganda/press/news/details/903534