21 қараша күні таңертең Алматы облысы Балқаш ауданы Қараой ауылының маңындағы Балқаш көлінде 1980 және 1999 жылдары туған екі балықшыны іздеді, олар қайықпен балық аулау кезінде бағдарын жоғалтып, адасып кетті. Қарағанды облысы ТЖД күштері күндіз жоғалып кеткен адамдарды тапты, олармен бірге екі ит те құтқарылды.Батыс Қазақстан облысының Жаңақала ауданында ТЖД, ПД, ЖАО, жергілікті тұрғындар, волонтерлер күштері 1963 жылы туған «Текебаев» шаруа қожалығының қызметкері іздестірілді, ол 20 қарашада таңертең мал жаюға шығып, жоғалып кетті. 21 қараша күні таңертең ашық аумақта «Сүгірәлі» қыстағынан 3 км қашықтықта жоғалып кеткен адам медициналық көмекке мұқтаж емес.Қызылорда облысының Сырдария ауданында ТЖД және туыстарының күштері 1955 және 1969 жылдары туған екі ер адамды іздеді, олар 18 қарашада Түркістан облысынан жүк көлігімен Ұлытау облысына мал іздеп шығып, жете алмаған. 21 қараша күні таңертең жоғалып кеткен адамдар Қызылорда қаласынан 245 км жерде табылды, автокөлік сынған, медициналық көмекке мұқтаж емес.22 қараша күні таңертең Ұлытау облысы Ұлытау ауданы Жезді кентінің 40 км ТЖД күштері 4 адамды тауып, қар құрсауынан эвакуациялады. Олар 21 қараша күні түстен кейін жеңіл автокөлікпен мал іздеуге шығып, автокөлік балшыққа батып қалды.ТЖМ қысқы кезеңде қауіпсіздік ережелерін, балық аулау кезінде су айдындарындағы қауіпсіздік шараларын сақтауға, ауа-райының өзгеруін, жолдардағы қозғалыс шектеулерін бақылауға шақырады! Ақпарат көзі : https://www.gov.kz/memleket/entities/emer/press/news/details/888349

ҚР Төтенше жағдайлар министрлігінің басшылығы аумақтық бөлімшелердің жұмысының тиімділігін арттыру үшін материалдық-техникалық базасын жаңартуға ерекше көңіл бөлуде. ТЖД автопарктері адам өмірін құтқару, төтенше жағдайларға ден қою мен жоюға арналған арнайы техникалармен толығуда.Мәселен алты доңғалақты жүзетін жол талғамайтын Трэкол-39294 көлігі сатып алынып, Батыс Қазақстан облысы ТЖД Жедел-құтқару жасағының иелігіне берілді. Жол талғамайтын көлік төтенше жағдайларда авариялық-құтқару және іздестіру және су тасқынына қарсы жұмыстарды жүргізу үшін толық жолсыз жерлерде, сондай-ақ зардап шеккендерді эвакуациялау үшін белсенді қолданылады.Арнайы жабдықталған жол талғамайтын автомобильдер төтенше жағдайларды жою және азаматтардың қауіпсіздігін қамтамасыз ету бойынша жұмыстың тиімділігін арттыруға мүмкіндік береді. Қиын жағдайларда жұмыс істеу үшін арнайы жабдықталған жол талғамайтын көліктер төтенше жағдайларға тезірек әрекет етуге мүмкіндік береді. Өңірді техникамен жабдықтау кезінде жылдың төрт мезгілі, географиялық, климаттық жағдайлар және басқа да ерекшеліктер ескеріледі.Орталық және аумақтық бөлімшелер арасындағы тығыз және тиімді байланыс, сондай-ақ ТЖ-ға төтеп бере алу жұмыстың жоғары стандарттарын белгілеуге ықпал етіп, азаматтардың қауіпсіздігінің кепілі болып табылады.Орталық және аумақтық бөлімшелердің тығыз және тиімді байланысы, төтенше жағдайларға төзімділік, қайсарлық, талапшылдықтың қалыптасуына ықпал етеді, мұндай бірлескен жемісті жұмыс азаматтар қауіпсіздігінің кепілі болып табылады.ТЖМ аумақтық бөлімшелердің қажеттіліктері үшін құтқару техникасының әлемдік брендтерінің заманауи үлгілерін сатып алу бойынша жұмысты жүзеге асырады. Республикалық бюджет қаражаты есебінен сатып алынған осындай құтқару техникасы басқа облыстарға да бөлінетін болады.Материалдық-техникалық базаны дамыту халықтың қауіпсіздігін қамтамасыз ету және төтенше жағдайлардың салдарын барынша азайту саласындағы мемлекеттік саясаттың басымдығын айғақтайды. Ақпарат көзі : https://www.gov.kz/memleket/entities/emer/press/news/details/888365

Елордада қысқы кезеңдегі төтенше жағдайларға шұғыл ден қою қызметтерінің Республикалық командалық-штабтық оқу-жаттығулары өтті. Арнайы қызмет өкілдері де шеберліктерін көрсетті.Оқу-жаттығу аясында республикалық штабтың кіріспе және шешімдерін пысықтау үшін қаланың азаматтық қорғау қызметтерінің қатысуымен қалалық жедел штаб жұмысын бастады.Тактикалық жоспарға сәйкес, астананың азаматтық қорғаудың мемлекеттік жүйесінің қалалық кіші жүйесінің күштері мен құралдары жерасты жылу трассасының учаскесінде ыстық судың ағуы орын алған авариялық-қалпына келтіру жұмыстарын жүргізді, сондай-ақ жерасты сымдарының тұтануы орын алған электр қосалқы станциясындағы аварияларды қалпына келтіру жұмыстарын жүргізді, өрт сөндірушілер осы өртті жою бойынша жұмыс жасады.Кейін «Астана-Көкшетау» жолаушылар рейстік автобусында авариялық-құтқару жұмыстары жүргізілді. Медицина мамандары үсік алған жолаушыларға алғашқы медициналық көмек көрсетті. Одан соң құтқарушылар көмек іздеуге шығып, қар құрсауында адасып кеткен жүргізуші мен жолаушылардың бірін табу үшін іздестіру-құтқару жұмыстарын жүргізуге көмекке асықты. Жоғалған азаматтарды іздеу үшін жедел-құтқару жасағының кинологиялық есебі тартылды.«Барлық практикалық іс-шаралар РКШОЖ өткізу жоспарына сәйкес пысықталды. Бұл оқу-жаттығулар нақты ТЖ кезінде қызметтің өз іс-әрекеттерін қалай пысықтайтынын көрсетті. Жаттығулар нақты жағдайда өтті. Қорытындылай келе, Астана қаласы бойынша азаматтық қорғау жүйесі қысқы кезеңге және қойылған міндеттерді орындауға дайын деп айтуға болады», – деп атап өтті Астана қаласы ТЖД төтенше жағдайларды жою басқармасының бастығы Еркін Кашканов.Ақпарат көзі : https://www.gov.kz/memleket/entities/emer/press/news/details/888441

Бүгін балалар омбудсмендерімен «Балалардың қауіпсіздігін қамтамасыз етудегі заманауи сын-қатерлер» тақырыбында кездесу өтті. Аталған шара Қазақстанның Бала құқықтары туралы БҰҰ Конвенциясын ратификациялағанына 30 жыл толуына орайластырылып, Дүниежүзілік балалар күніне арналған. Оған 50-ден астам балалар өкілдері, сондай-ақ балалар құқықтары жөніндегі өңірлік уәкілдер қатысты. Іс-шараның ұйымдастырушылары ҚР Оқу-ағарту министрлігі, ҚР Бала құқықтары жөніндегі уәкіл және БҰҰ-ның ЮНИСЕФ Балалар қоры болып табылады.Кездесу үш тақырыптық блоктан тұрды, онда балалар негізгі мәселелер бойынша пікір білдіріп, шешу жолдарын ұсынды. Талқылау тақырыптары бала құқықтары, цифрлық әлемдегі қорғау және экологиялық мәселелерді қамтыды.ҚР Оқу-ағарту бірінші вице-министрі Наталья Жұмаділдаева құттықтау сөз сөйледі. Ол балалардың әл-ауқаты Қазақстанның мемлекеттік саясатының негізгі басымдығы болып табылатынына назар аударды.«Балалардың құқықтарын қорғау - біздің ортақ міндетіміз. Әрбір баланың қолдау мен қамқорлықты сезініп, естуі өте маңызды. Балаларды тыңдауға мүмкіндік беретін тұғырнамаға айналған балалар өкілдіктері институтының құрылуы кездейсоқтық емес. Бүгін біздің алдымызда жаңа мүмкіндіктер ашылуда: балалар омбудсмендері қызметінің жаңа кезеңі басталып, бала құқықтары жөніндегі өңірлік уәкілдердің жұмысы жандануда. Біздің ортақ міндетіміз - балалардың игілігі үшін күш біріктіру. Сіздер әр аймақта балалардың мүдделерін білдіріп, олардың құқықтарын қорғау мен қамтамасыз ету бойынша ересектерге көмекші боласыздар», - деп атап өтті бірінші вице-министр.Тараптар жас ұрпақтың құқықтары мен қауіпсіздігін қорғаудың маңыздылығын талқылады, сондай-ақ олардың дағдылары мен білімдерін дамыту үшін тренингтер ұйымдастырылды.«Біз бүгінгі диалогқа қатысқанымыз үшін шын қуаныштымыз. Балалардың өз идеялары мен көзқарасы бар, әр баланың дамуы үшін барлық мүмкіндіктер жасалуы тиіс», - деді Астана қаласының балалар омбудсмені Руслан Захаренко.Бүгінде Қазақстанда 6,8 млн бала бар. Мемлекеттік саясаттың басым бағыттарының бірі балалардың өмір сүру сапасының халықаралық стандарттарына қол жеткізу. Бала құқықтары туралы конвенция қабылданғаннан кейінгі 30 жыл ішінде айтарлықтай оң өзгерістер орын алды. 2020 жылы әрбір өңірде оқушылардан құралатын балалар өкілдіктері құрылды, сондай-ақ балалардың мүдделерін жергілікті деңгейде неғұрлым тиімді есепке алу үшін бала құқықтары жөніндегі өңірлік уәкіл мәртебесі бекітілді.Ақпарат көзі : https://www.gov.kz/memleket/entities/edu/press/news/details/887517

Мемлекет басшысы бастамашылық еткен Жұмысшы мамандықтар жылының аясында Астанада ҚР Премьер-министрінің тапсырмасымен техникалық және кәсіптік білім беру ұйымдарының студенттерін қолдау мақсатында Ұлттық құзыреттілік орталық ашылады.Ұлттық құзыреттілік орталығы бизнес пен білім беру ұйымдары арасында диалог алаңының рөлін атқарады, сондай-ақ студенттерді халықаралық кәсіби шеберлік жарыстарына даярлау, сарапшылық қауымдастықты дамыту, жұмысшы мамандықтардың танымалдылығын арттыру жөніндегі бірыңғай жаттығу базасына айналады.«Мемлекет басшысының келесі жылды Жұмысшы мамандықтар жылы деп жариялауы еліміз үшін техникалық және кәсіптік білім берудің қаншалықты маңызды екенін көрсетеді. Оның ішінде Ұлттық құзыреттілік орталығының ашылуы жұмысшы мамандықтарының тартымдылығы мен білім сапасын арттыру жөніндегі стратегияны жүзеге асырудағы негізгі қадам. Орталық ұлттық құраманың әлемдік WorldSkills чемпионаттарына дайындалатын базасына айналады, сондай-ақ кадрларды қайта даярлау мен олардың біліктілігін арттыруда басты аймақтық база болады. Сондай-ақ ол жұмыс берушілер мен кадрларды даярлау жүйесінің арасындағы ынтымақтастықты арттырады», - деп атап өтті оқу-ағарту министрі Ғани Бейсембаев WorldSkills Kazakhstan – 2024 чемпионатының жабылу салтанатында сөйлеген сөзінде.Атап өту керек, мұндай орталықтар Қытай, Оңтүстік Корея, Ресей елдерінде табысты жүзеге асырылып, жоғары білікті кадрлар даярлауда өзінің тиімділігін дәлелдеді. Әлемде WorldSkills қозғалысы - жұмысшы мамандықтарының беделін арттырудың басты құралы болып табылады. Халықаралық аренада Қазақстанның ұлттық құрамасы еліміздің намысын 2014 жылдан бері қорғап келеді.Ақпарат көзі : https://www.gov.kz/memleket/entities/edu/press/news/details/887530

Оқу-ағарту министрі жеке орта білім беру ұйымдарының І республикалық конференциясы алаңында педагогикалық ұжымдармен, жеке мектептер қауымдастығының басшыларымен және өкілдерімен кездесті.Ғани Бейсембаев конференцияда сөйлеген сөзінде мемлекет тарапынан білім беру ұйымдарына меншік нысанына қарамастан жан-жақты қолдау көрсетіліп келе жатқанын атап айтты. Мәселен, тек биылғы жылдың өзінде 250 мың бала білім алатын жеке мектептерге бюджеттен 161 млрд теңге көлемінде қаражат бөлінген.«Тағы бір маңызды қадамды айта кетуіміз керек. Мәжілісте бүгінгі таңда Үкіметтің бастамашылық етуімен заң жобасы қаралып жатыр, онда жеке мектептерде білім алатын әлеуметтік осал отбасы балаларына мемлекеттік білім беру тапсырысы шеңберінде әлеуметтік көмек көрсету туралы норма бар. Бұл дегеніміз, жеке мектептерде оқитын балаларға да жалпыға міндетті білім беру қоры есебінен қажетті оқу-құралдарын алуға қаржылай қолдау көрсетіледі және олар тегін ыстық тамақтандырумен қамтылады. Бұл мемлекеттің жеке секторға қолдау көрсетуінің айқын дәлелі бола алады. Білім беру ұйымдарының меншік түріне қарамастан басты міндеті – еліміздің сапалы адами капиталын қалыптастыру. Әрбір бала сапалы білім алып, қауіпсіз әрі жайлы ортада дамуы керек», - деді министр.Елімізде 8 мыңнан астам мектепте 3,9 млн бала білім алып жатыр. Мемлекеттің қолдауының арқасында соңғы үш жылда жеке мектептердің саны 3 есе артты. Бүгінде 800-ден астам жекеменшік мектепте 250 мыңнан астам бала оқуда.Ақпарат көзі : https://www.gov.kz/memleket/entities/edu/press/news/details/887586

ҚР Оқу-ағарту министрі Ғани Бейсембаев Түркия Республикасының Қазақстан Республикасындағы Елшісі Мұстафа Капуджумен кездесті. Кездесу барысында министр Астана мен Ыстанбұл арасындағы білім беру саласындағы екіжақты ынтымақтастықты одан әрі кеңейтудің маңыздылығын атап өтті. Сондай-ақ, тараптар мектепке дейінгі, орта, техникалық және кәсіптік, инклюзивті білім беру саласындағы ынтымақтастықты одан әрі дамыту мәселелерін талқылады.Ақпарат көзі : https://www.gov.kz/memleket/entities/edu/press/news/details/888252

Оқу-ағарту бірінші вице-министрі Наталья Жұмаділдаева Қызылорда облысына жұмыс сапары кезінде халықпен есеп беру кездесуін өткізіп, азаматтарды жеке мәселелері бойынша қабылдады. Бірінші вице-министр кездесу барысында өңір тұрғындарын министрлік жұмысы мен қабылданып жатқан негізгі шаралары, оның ішінде педагогтердің кадрлық әлеуетін көтеру, қала мен ауыл мектептері арасындағы алшақтықты азайту, білім сапасын көтеру, балалар үшін білім беру ұйымдарында қауіпсіз әрі жайлы орта қалыптастыру, ата-аналармен ынтымақтастықты арттыру бағытындағы негізгі басымдықтар туралы хабардар етті. «Мемлекет басшысының тапсырмасымен елімізде өскелең ұрпақтың жан-жақты дамуына қажетті жағдай жасау және олардың сапалы білім алуын қамтамасыз ету мақсатында жүйелі жұмыс жүргізілуде. Бұл ретте Мемлекет басшысының бастамасымен қалалар мен шалғайдағы ауылдарда балалардың заманауи әрі жайлы ортада білім алуына жағдай тудырған «Жайлы мектеп» ұлттық жобасын ерекше атап өткен жөн. Техникалық және кәсіптік білім берудің тиімділігін арттыру мақсатында колледждерді өңір экономикасына қарай бейімдеу, көшбасшы колледждерді қалыптастыру, колледждерді басқару менеджментін құру қолға алынуда. Барлық білім беру ұйымдарында ұлттық құндылықтарға негізделген «Біртұтас тәрбие» бағдарламасы енгізіліп, жүзеге асырылуда», - деп атап өтті бірінші вице-министр. Кездесуге 600-ге жуық адам қатысты және олар бірінші вице министрге көкейтесті сұрақтарын қойып, тұшымды жауап алды. Сұрақтар негізінен мектепке дейінгі, орта, техникалық және кәсіптік, арнайы және инклюзивті білім беру, сондай-ақ балаларды тәрбиелеу және құқықтарын қорғау саласындағы өзекті мәселелерді қамтыды. Сонымен қатар Наталья Жұмаділдаева жұмыс сапары барысында азаматтарды жеке мәселелері бойынша қабылдады. Бірқатар білім беру ұйымдарында болып, олардың инфрақұрылымымен, жабдықталуымен, оқу-тәрбие беру процесінің ұйымдастырылуымен танысты. Айта кету керек, бүгінде Қызылорда облысында 1042 білім беру ұйымы жұмыс жасайды, оның ішінде 337 мектеп, 28 колледж және 677 мектеп бар.Ақпарат көзі : https://www.gov.kz/memleket/entities/edu/press/news/details/888258

Аталған бұзушылықтар Білім беру саласындағы сапаны қамтамасыз ету комитеті мен оның аумақтық департаменттерінің білім беру ұйымдарына мониторингі барысында анықталды.2024 жылдың басынан бері жүргізілген тексеру нәтижесі көрсеткендей, 58 мектеп білім беру қызметін лицензиясыз жүргізген. Бүгінгі таңда олардың 17-сі білім беру қызметіне қойылатын талаптарға сәйкестендірді. Лицензиясыз қызмет жүргізетін мектептерге қатысты ҚР ӘҚБтК 463-бабы бойынша айыппұл беру туралы соттардың қаулылары шығарылды. Олар негізінен Астана және Алматы қалаларында, Атырау, Алматы, Батыс Қазақстан, Түркістан, Маңғыстау және Жамбыл облыстарында орналасқан.«ҚР «Білім туралы» Заңына сәйкес барлық мектептер білім беру қызметін бастамас бұрын рұқсат алуы тиіс. Лицензияның болмауы мектептердің талаптарға сәйкестігі бойынша тексеруден өтпегенін немесе рұқсат алу үшін құжаттарды тапсырмағанын білдіреді. Білім беру ұйымдарында білім беру қызметімен айналысу құқығы лицензия алған сәттен бастап туындайды. Егер мектеп мемлекеттік тіркеуден өткен сәттен бастап алты ай ішінде лицензия алмаса, онда ол сот тәртібімен жабылуға тиіс», - деп атап өтті комитет төрағасы Ернұр Дәуенов.Лицензия алуға қойылатын негізгі талаптар тиісті материалдық-техникалық базаның, білікті педагогикалық құрамның болуын, санитарлық-эпидемиологиялық және өртке қарсы нормалардың сақталуын, сондай-ақ білім алушыларға медициналық қызмет көрсетуді ұйымдастыруды қамтиды. Осы талаптарға сәйкес келмеу әкімшілік жаза қолдану мен қайталама бұзушылықтар болған жағдайда білім беру мекемесінің қызметін тоқтата тұру үшін негіз болып табылады.Естеріңізге сала кетейік, мектептер бағыныстылығы бойынша жергілікті атқарушы органдардың қарауына жатады. Өз кезегінде аумақтық департаменттер өңірлік әкімдіктер мен білім басқармаларының басшыларына бұзушылықтарды жою жөнінде шаралар қабылдау туралы ресми талап хаттарын жолдады.Ақпарат көзі : https://www.gov.kz/memleket/entities/edu/press/news/details/888336

2024 жылғы 20 қарашада Ұлттық экономика вице-министрі Бауыржан Омарбеков Премьер-Министрдің «Орталық атқарушы органдар басшыларының халықпен кездесулерін өткізудің кейбір мәселелері туралы» өкімі аясында Шымкент қаласына жұмыс сапарымен барды, онда Құрсай шағын ауданының тұрғындарымен кездесу өтті.Жұмыс сапары барысында вице-министр «Тұран» коммуналдық мемлекеттік мекемесінің қызметімен, сондай-ақ ірі қалалардың шеткі инфрақұрылымын дамыту бағдарламасы шеңберінде жүзеге асырылып жатқан Құрсай шағын ауданының инженерлік инфрақұрылым жүйелерінің құрылысымен танысты.Халықпен кездесуде тұрғындарды қажетті инфрақұрылыммен қамтамасыз ету бойынша өзекті мәселелер талқыланып, әлеуметтік сипаттағы мәселелер көтерілді.Бұған қоса, жұмыс сапары барысында Шымкент қаласының жергілікті өкілетті және атқарушы органдарының қатысуымен жергілікті өзін-өзі басқаруды дамыту бойынша жиын өткізілді. Жиын Қазақстан Республикасында Жергілікті өзін-өзі басқаруды дамытудың 2025 жылға дейінгі тұжырымдамасында көзделген іс-шараларды іске асыру аясында өтті.Қатысушылар халықаралық тәжірибеге сүйене отырып, Қазақстанның ірі қалаларында мемлекеттік басқаруды орталықсыздандырудың тәсілдерін ұсынды. Сондай-ақ, атқарушы органдар мен тұрғындардың өзара іс-қимылын жақсарту бойынша қала аудандары әкімдерінің ұсыныстары тыңдалды.Жиын қорытындысы бойынша алдағы жұмыста қолданылатын тиісті ұсыныстар әзірленді.Ақпарат көзі : https://www.gov.kz/memleket/entities/economy/press/news/details/887266

Премьер-министр Олжас Бектенов пен Үкімет мүшелері ҚР Парламенті Сенатының жалпы отырысына қатысты. Республикалық бюджет және Ұлттық қордан 2025-2027 жылдарға арналған кепілдендірілген трансферт туралы заң жобаларын депутаттарға Премьер-министрдің орынбасары – ұлттық экономика министрі Нұрлан Байбазаров пен қаржы министрі Мәди Такиев таныстырды.Отырыс барысында сенаторлар «Қазақстан Республикасының Ұлттық қорынан 2025 – 2027 жылдарға арналған кепілдендірілген трансферт туралы» заңды қарап, мақұлдады. Құжат нормаларына сәйкес мемлекеттік міндеттемелерді орындау бойынша шығыстарды қамтамасыз ету үшін Ұлттық қордан 2025, 2026 және 2027 жылдарға арналған республикалық бюджетке кепілдендірілген трансферттің мөлшері 2 трлн теңгені құрайды. Заңның қабылдануы бюджеттің теңгерімділігін қамтамасыз етуге және Ұлттық қордың тұрақтандыру функциясын іске асыруға мүмкіндік береді.Депутаттар «2025 – 2027 жылдарға арналған республикалық бюджет туралы» заңды да қарады. Бюджеттің басым міндеті мемлекеттің әлеуметтік міндеттемелерін орындау және ел Президентінің тапсырмаларын іске асыру болып қала береді. Мәселен, алдағы үш жылға арналған республикалық бюджеттің параметрлері бюджеттік қағидалардың сақталуын және бюджет шығыстарының әлеуметтік-экономикалық дамудың басым бағыттарына шоғырлануын ескере отырып айқындалған. Бюджет шығыстарының бірінші кезектегі бағыттары мемлекеттік әлеуметтік міндеттемелерді толық көлемде орындау, ғылымды, білім беруді, медицинаны қолдауды күшейту арқылы адами капиталды дамыту болып қала береді. Атап айтқанда, республикалық бюджет шығыстарының жалпы көлемі 2025 жылы 25 750 млрд теңге, 2026 жылы 23 168 млрд теңге және 2027 жылы 24 566 млрд теңге сомасында жоспарланып отыр. Қаражат қазіргі жағдайларға бейімделе отырып, экономикалық үлгі қалыптастыруға, сондай-ақ мемлекеттік қаржының тұрақтылығын қамтамасыз етуге және халықтың табысын арттыру үшін жағдай жасау арқылы азаматтардың әл-ауқатын жақсартуға бағытталады. Сенаторлар концептуалды түрде республикалық бюджетті қолдады, дегенмен, оны қарау барысында бірқатар өзгерістер енгізді. Нақты айтқанда, депутаттар келесі жылға қосымша 60 млрд теңге бөлуді ұсынды. Бұл қаражат өңірлік дамуға, сумен жабдықтау және су бұру проблемаларын шешуге, «Ауыл – ел бесігі» бағдарламасын іске асыруға, сондай-ақ басқа да бағыттарға арналған. Осыған байланысты ұсынылған түзетулермен заңды Мәжіліске қайтару туралы шешім қабылданды.Ақпарат көзі : https://www.gov.kz/memleket/entities/economy/press/news/details/888139

Премьер-Министрдің орынбасары – Ұлттық экономика министрі Нұрлан Байбазаров Сенат Парламентінің клуарында мемлекеттік қарыз көлемі туралы журналистердің сұрағына жауап берді.Вице-премьер өз сөзінде Халықаралық валюта қоры, Дүниежүзілік банк және халықаралық рейтинг агенттіктері жыл сайын Қазақстанның экономика даму деңгейі мен қаржылық тұрақтылық деңгейін бағалайтынын айтты.«Халықаралық кредиттік рейтингтерде болған соңғы өзгерістер еліміздің фискалдық, қаржылық тұрақтылығын айғақтайды. Бізде Ұлттық қор түріндегі қомақты валюталық резервтер және алтын-валюта резервтері бар. Олардың көлемі қазірдің өзінде 100 млрд доллардан асты және бұл инвестицияны белсенді тартуға мүмкіндік беретін қаржылық қауіпсіздік жастығы болып табылады.Біз Мемлекеттік қаржыны басқару тұжырымдамасын қабылдадық. Онда мемлекеттік қарыз, тұтастай алғанда, елдің жалпы ішкі өнімінің 32%-нан аспауы керектігі жөнінде шектеулер жазылған. Қазір бұл көрсеткіш шамамен 23%-ды құрап отыр, яғни бұл мемлекеттік қарыздың көлемі бойынша жеткілікті қауіпсіз әрі қолайлы деңгейде екенімізді білдіреді».Сондай-ақ Нұрлан Байбазаров бұл қарызды инвестиция ретінде қарастыру керектігін, осы инвестицияларды тарту арқылы жалпы экономиканы дамытуға мүмкіндік беретін активтерді жасайтындығымызды атап өтті. «Біз жол саламыз, инфрақұрылымға инвестиция саламыз, жаңа өндірісті іске қосамыз. Бұл еліміздің экономикалық өсуін қамтамасыз ету үшін, болашақта экономикалық дамудың берік негізін қалыптастырады.Ақпарат көзі : https://www.gov.kz/memleket/entities/economy/press/news/details/888194

Қазақстан БҰҰ-ның Климаттың өзгеруі жөніндегі негіздемелік конвенциясы (БҰҰ КӨНК) шеңберіндегі халықаралық ынтымақтастықты нығайта отырып, Климаттық күн тәртібін белсенді ілгерілетуді жалғастыруда. COP29-да ел өкілдері БҰҰ КӨНК ресурстарын жұмылдыру және әріптестік бөлімінің басшысы Мария Мисовиковамен ұлттық Климаттық мақсаттарды іске асыру жөніндегі негізгі бастамаларды талқылады.Қазақстанның жетістіктері мен жоспарлары:2060 жылға қарай көміртегі бейтараптығына қол жеткізу. Шығарындыларды азайту жөніндегі салалық шараларды қамтитын Жол картасын әзірлеу жүргізілуде.Ашықтық туралы екі жылдық есептер (BTR). 2024 жылдың қыркүйегінде Астанада Қазақстан 2025 жылдың басында ұйымның хатшылығына ұсынылатын баяндамаларды дайындауға бағытталған БҰҰ КӨНК-пен бірлескен іс-шара өткізді.Жаңа үлесті әзірлеу (NDC). Қазақстан экономиканың негізгі секторларындағы нақты шараларға назар аудара отырып, 2025 жылдың басында жаңартылған салымды ұсынуға дайын.Болашақ бастамалар:Қазақстан 2026 жылы Өңірлік Климаттық саммит өткізуді ұсынды, ол Орталық Азия өңіріндегі тәсілдер мен шараларды келісу үшін платформа болады. Негізгі бағыттар:Климаттық ауысуды қолдау.Климаттың өзгеруіне бейімделу.Азық-түлік қауіпсіздігін қамтамасыз ету.Инклюзивті және әділ ауысу.Күш-жігерді үйлестіру үшін Алматыда климаттың өзгеруі және жасыл энергетика жөніндегі жобалық кеңсе құрылады. Қазақстан ұйымның қамқорлығымен саммит өткізуді қоса алғанда, БҰҰ КӨНК-ті қолдауға сенеді.Меморандум жасасу:Климаттық әріптестік шеңберінде Қазақстан БҰҰ КӨНК-пен ынтымақтастық туралы Меморандумға қол қоюды ұсынды, оның мәтіні бұрын Бонндағы конференцияда ұсынылған болатын.Қазақстан қолдағаны үшін алғыс білдіреді және жаһандық климаттық мақсаттарға қол жеткізу үшін әріптестікті одан әрі нығайтуға дайын.Ақпарат көзі : https://www.gov.kz/memleket/entities/ecogeo/press/news/details/887178

Қазақстанның Экология және табиғи ресурстар министрлігі COP29 климаттық конференциясы аясында өткен «Мұздықтардан фермаларға» атты панельдік пікірталасқа қатысты. Талқылаудың негізгі тақырыбы трансшекаралық су ресурстарын басқару және оған бейімделу болды Орталық және Батыс Азиядағы климаттың өзгеруі.Іс-шара климаттық тәуекелдерді азайту, ауыл шаруашылығын икемді ету және суды басқаруды жақсартудың негізгі тәсілдерін қарастырды. Қатысушылар климаттың өзгеруінің салдарын барынша азайту үшін тиімді шешімдерді әзірлеу және енгізуде аймақ елдерінің күш-жігерін біріктірудің маңыздылығын атап өтті.«Мұздықтардан фермаларға» (G2F) аймақтық бағдарламасына ерекше назар аударылды. Бұл бағдарлама тұрақты инфрақұрылымды құруға, ауыл шаруашылығын қолдауға және тұрақты дамуға ықпал ететін жобаларға халықаралық қаржыландыруды тартуға бағытталған.Ақпарат көзі : https://www.gov.kz/memleket/entities/ecogeo/press/news/details/887665

Қазақстан Республикасының Экология және табиғи ресурстар вице-министрі М.Т. Ошурбаев салқындату жөніндегі жаһандық міндеттемені орындауға арналған жоғары деңгейдегі дөңгелек үстелде сөз сөйледі. Іс-шара барысында Қазақстанның климаттық мақсаттарға қол жеткізу және озон қабатын қорғау жөніндегі негізгі қадамдары айтылды.Министрліктің Монреаль хаттамасына Кигали түзетуін ратификациялау жөніндегі жұмысы туралы ерекше атап өтілді.Монреаль хаттамасын орындау шеңберінде ел гидрофторкөміртектерге түгендеу жүргізеді және оларды кезең-кезеңімен қысқарту жоспарын әзірлейді, бұл климаттың өзгеруіне қарсы күресті күшейтеді.Ақпарат көзі : https://www.gov.kz/memleket/entities/ecogeo/press/news/details/887673

Екіжақты ынтымақтастықты дамыту шеңберінде 2024 жылғы 20 қарашада Қазақстан Республикасының Экология және табиғи ресурстар вице-министрі М.Т. Ошурбаев Ресей Федерациясы Сахалин облысы Үкіметі төрағасының орынбасары В. В. Аленковпен кездесу өткізді.Кездесу барысында көміртекті реттеу жүйелерін құруда тәжірибе алмасудың негізгі мәселелері талқыланды. Екі тарап Климаттық саясатты жақсарту және экологиялық бастамаларды іске асыру бойынша бірлесіп жұмыс істеуге дайын екендіктерін білдірді.Төмендегілерге ерекше назар аударылды:Халықаралық форумға шақыру: Сахалин облысы Қазақстан Республикасының делегациясын 2025 жылғы 15-16 мамырда Сахалинде өтетін БРИКС елдерінің халықаралық экологиялық-климаттық форумына шақыруды жоспарлап отыр. Форум тұрақты даму саласындағы идеялармен және үздік тәжірибелермен алмасу үшін маңызды алаңға айналады.Сахалин облысы 2025 жылдың қорытындысы бойынша көміртегі бейтараптығына қол жеткізуді жоспарлап отыр.Өз кезегінде, Қазақстан Республикасының 2060 жылға дейінгі көміртегі бейтараптығына қол жеткізу стратегиясы осындай құжатты әзірлеу үшін үлгі болып табылады.Кездесу соңында тараптар тұрақты болашақты қамтамасыз етуге бағытталған климаттық саладағы әріптестікті одан әрі дамытуға өзара қызығушылықты растады.Ақпарат көзі : https://www.gov.kz/memleket/entities/ecogeo/press/news/details/887680

21 қарашада СОР29 алаңында «Сахалин климаттық эксперименті: іске асыру нәтижелері және халықаралық ынтымақтастықтың перспективалары» панельдік сессиясы өтті.Сессия эксперименттің негізгі аспектілерін, соның ішінде декарбонизацияны, табиғи климаттық шешімдерді, көміртекті реттеу механизмдерін және көміртегі бірліктерінің саудасын талқылауға арналды. Тұрақты шешімдерді енгізуге бағытталған халықаралық деңгейдегі өзара іс-қимыл маңызды екпін болды.Сессия спикері Қазақстан Республикасының Экология және табиғи ресурстар вице-министрі Мансұр Тұрсынұлы Ошурбаев болды. Өз баяндамасында ол Қазақстанның шығарындылар саудасының ұлттық жүйесінің (ШСЖ) жұмыс істеуі және оның көміртегі ізін азайтуға қосқан үлесі бойынша тәжірибесін ұсынды.Ақпарат көзі : https://www.gov.kz/memleket/entities/ecogeo/press/news/details/887692

CОР29 аясында Әзербайжан тарапы ұйымдастырған «Климаттық тұрақтылық үшін пластикалық қалдықтарды тиімді басқару: қиындықтарды түсіну және мүмкіндіктерді іздеу»тақырыбында іс-шара өтті. Негізгі баяндамамен Қазақстан Республикасының Экология және табиғи ресурстар Вице-министрі М.Ошурбаев сөз сөйледі.Сөз сөйлеу барысында вице-министр пластик қалдықтары тек экологиялық ғана емес, сонымен қатар климаттық проблема болып табылатынын атап өтті. Пластикті өндіру, пайдалану және кәдеге жарату парниктік газдардың жоғары шығарындыларымен байланысты, бұл көміртегі ізіне айтарлықтай үлес қосады.Іс-шара барысында айналмалы экономиканы және қалдықтарды басқарудың инновациялық тәсілдерін енгізу үшін сектораралық ынтымақтастықтың маңыздылығына ерекше назар аударылды.Ақпарат көзі : https://www.gov.kz/memleket/entities/ecogeo/press/news/details/887718

Inc-5 (Пусан, Корея) пластик туралы халықаралық-құқықтық шартты әзірлеу жөніндегі негізгі келіссөздер қарсаңында COP29-дағы QAZAQSTAN павильонында «Пластиктен жасалған өнімдердің дизайны: климаттың өзгеруі контекстіндегі орнықты даму үшін сын-қатерлер мен мүмкіндіктер» атты сайд-ивент өтті. Іс-шараны Орталық Азия үшін климаттың өзгеруі және жасыл энергетика жөніндегі жобалық кеңсе ұйымдастырды.Құрметті спикерлер арасында Қазақстанның экология және табиғи ресурстар вице-министрі Мансур Ошурбаев; Жапонияның Қоршаған ортаны қорғау министрлігінің Жаһандық экологиялық мәселелер жөніндегі министрінің орынбасары Ютака Мацузава; және ЕО-ның климат және қоршаған орта мәселелері жөніндегі арнайы өкілі Энтони Агота сөз сөйледі. Пластикалық ластанумен күресу жөніндегі үкіметаралық келіссөздер комитеті Хатшылығының Атқарушы хатшысы Джоти Матур-Филипп жаһандық келіссөздер шеңберінде пластиктің тұрақты дизайнының маңыздылығын атап өтіп, арнайы бейне хабарлама жіберді. Сондай-ақ, пластмассадан жасалған бұйымдардың дизайнын жақсарту бойынша өз идеялары мен шешімдерін Panasonic-тен Шоджи Кусумото (Жапония) және GRID-Arendal-дан (Норвегия) Наталья Скрипникова ұсынды.Сессия INC-5 қарсаңында пластмассаны басқарудың жаһандық күш-жігеріне құнды ұсыныстар бере отырып, инновациялық тәсілдерді, халықаралық ынтымақтастықты және айналмалы экономиканы ілгерілетуді талқылау үшін маңызды алаңға айналды.Ақпарат көзі : https://www.gov.kz/memleket/entities/ecogeo/press/news/details/888450

ҚР Денсаулық сақтау министрі Ақмарал Әлназарова ДДҰ инфекциялық аурулар, қоршаған орта және денсаулық бөлімінің директоры Робб Батлермен кездесу өткізді.Тараптар Қазақстанда «Туберкулез індетін жоюға арналған ДДҰ үздік практикалар орталығының» ашылуын талқылады.Ел ДДҰ Еуропалық бюросының ұсыныстары мен жаһандық мақсаттарына жоғары міндеттеме көрсете отырып, туберкулезге қарсы күресте айтарлықтай ілгерілеушілік көрсетуде. Сырқаттанушылық пен өлім деңгейі төмендейді, бұл осы инфекцияны диагностикалау, емдеудің және профилактиканың ең жақсы стандарттарын енгізу арқылы жүзеге асырылады.Ведомство басшысы Туберкулезді жою ісіндегі шешімді одан әрі нығайтуға, елдер арасында тәжірибе алмасуға, Орталық Азияда ғана емес, ДДҰ-ның Еуропалық өңірінде де диалог пен қызметті үйлестіруге ықпал ете отырып, Қазақстан орталық ашу үшін ең жақсы алаң болатынына сенім білдірді.Кездесу Күн тәртібінде сондай-ақ, бүгін Астанада өтіп жатқан ДДҰ, БҰҰ, ЕО өкілдерінің қатысуымен «Қоршаған ортаны қорғау мәселелері және адам, жануарлар мен қоршаған ортаның өзара іс-әрекеті арқылы мүмкін болатын шешімдер» атты екінші әріптестер форумы талқыланды.Қазақстанның денсаулық сақтаудың негізгі бағыттары бойынша жетістіктерін атап өтіп, Робб Батлер мырза Арал өңірі саласындағы халықтың денсаулық көрсеткіштеріне әсер ететін экологиялық проблемаларды шешу жөніндегі елдік бастамаларды қолдауға дайын екенін білдірді.Кездесудің соңында тараптар экологиялық факторлардың азаматтардың денсаулығы мен әл-ауқатына әсер етуінің жағымсыз салдарын азайту мақсатында өзара іс-қимылды күшейтуге және стратегиялық тәсілдерді әзірлеуге келісті. Сондай-ақ, иммундау арқылы инфекциялардың профилактикасын нығайту мәселелерінде түсіністік пен қолдау табылды.Ақпарат көзі : https://www.gov.kz/memleket/entities/dsm/press/news/details/887848