Қазақстан Республикасының Экология және табиғи ресурстар министрлігі Потсдам Климаттық зерттеулер институтымен (PIK) бірлесіп CОР29 шеңберінде Қазақстан павильонына іс-шара өткізді. Сессияның тақырыбы «Қазақстанның климаттық сын-қатерлері жағдайындағы ғылыми коммуникация» болды.Сессия Қазақстанның Экология және табиғи ресурстар министрлігі мен Потсдам Климаттық зерттеулер институты (PIK) арасында қол қойылған өзара түсіністік туралы Меморандум алмасудан басталды. Вице-министр М.Ошурбаев пен PІK директоры, профессор Оттмар Эденхофер бұл келісім климаттық зерттеулер, бейімделу және ғылыми коммуникация саласындағы ынтымақтастықты нығайтуға негіз болатынын атап өтті.Қазақстанда өткен су тасқынының климаттық тұрақтылығы мен сабақтары бойынша панельдік пікірталас барысында сарапшылар ғылыми ақпаратты жұртшылыққа тиімді жеткізу тәсілдерін талқылады. Климаттық өзгерістер туралы диалогқа ауылдық өңірлерді енгізу, экологиялық проблемаларды жариялаудағы бұқаралық ақпарат құралдарының рөлі және осы саладағы халықаралық ынтымақтастық мәселелері қозғалды.Ақпарат көзі : https://www.gov.kz/memleket/entities/ecogeo/press/news/details/885112

Петропавлда Ұлттық ұлан академиясының жаңа казармасы ашылды. Оның ашылуына СҚО әкімі Ғауез Нұрмұхамбетов, ҚР Ішкі істер министрінің орынбасары — Ұлттық ұланның Бас қолбасшысы Аңсаған Балтабеков пен ҚР ІІМ Ұлттық ұланы «Орталық» өңірлік қолбасшылығының қолбасшысы Сакентай Шекарбеков қатысты. Бұл маңызды шара әскерилеріміздің қызметі мен өміріне қолайлы жағдай жасауға деген жоғары деңгейдегі қамқорлықтың белгісі болып табылады. Заманауи казарма ғимараты жеке құрамның жайлы орналасуына бар жағдай жасалған. Кең жатын бөлмелер, жаттығу залдары мен демалыс бөлмелері ең жоғары стандарттарға сай жасақталған. "Мұның бәрі ұлан сарбаздарының жауынгерлік дайындығын және рухын нығайтуға бағытталған. Жаңа казарманың ашылуы – ел азаматтарының қауіпсіздігін қамтамасыз ететін күш құрылымдарының инфрақұрылымын дамытудағы тағы бір маңызды қадам", - деп атап өтті өңір басшысы.Ақпарат көзі : https://www.gov.kz/memleket/entities/sko/press/news/details/885041

Қазақстан СОР29 аясында БҰҰ РКИК құрамына кіретін 197 елдің ішінен тек 9-ы ғана ұсынған Транспаренттілік бойынша екі жылдық есепті (Biennial Transparency report-BTR1) ұсынған ел болды.Осындай ауқымды жұмысты Жапония, Испания, Түркия, Сингапур және Нидерланды Республикасынан басқа аяқтағандардың қатарында. Мұны БҰҰ РКИК атқарушы хатшысы – Саймон Стил атап өтті.Бұл Париж келісімінде қойылған Климаттық мақсаттарға қол жеткізу бойынша Қазақстанның Орталық Азия өңіріндегі көшбасшылығын растайды. Осыған сәйкес, Қазақстан Республикасы 2024 жылғы 31 желтоқсанға дейінгі мерзімде транспаренттілік бойынша екі жылдық баяндаманы (Biennial Transparency report – BTR1) ұсынуға міндетті.BTR1 парниктік газдарды түгендеу және ОНУВ орындалуын бақылау туралы міндетті ақпаратты қамтиды. Сондай-ақ, BTR 1 климаттың өзгеруінің әсері және технологияларды әзірлеу және беру және әлеуетті арттыру саласындағы бейімделу және қаржылық қолдау туралы ақпаратты қамтиды.BTR1 әзірлеуді БҰҰДБ «Жасыл даму» АҚ-мен ынтымақтастықта «9-шы Ұлттық хабарлама мен бірінші және екінші BTR дайындау» ЖЭҚ халықаралық жобасы шеңберінде іске асырды.BTR1 негізгі бөлігі «Жасыл даму»АҚ дайындаған парниктік газдар көздерінен антропогендік шығарындылар және сіңіргіштердің сіңірілуі туралы Ұлттық баяндама болып табылады.БҰҰ РКИК Хатшылығының сайтында https://unfccc.int/first-biennial-transparency-reports толығырақ танысуға болады.Ақпарат көзі : https://www.gov.kz/memleket/entities/ecogeo/press/news/details/885027

Жыл сайын елімізде АИТВ-ның байланысқа дейінгі профилактикасын жақтаушылардың саны артып келеді, ол өткен жылы бес мыңнан биылғы жылы 11 мың адамға дейін болды. БДП немесе PrEP - АИТВ-сыз адамдар оны үнемі қолданған жағдайда АИТВ-ның берілуін болдырмаудың тиімді әдісі.«БДП тенофовир/эмтрицитабин препаратын күнделікті қабылдаудан тұрады. Әлемдік зерттеулер PrEP препараттары АИТВ жұқтыру қаупін 99% төмендететінін көрсетеді. Препараттарды АИТВ-ның профилактикасы жөніндегі өңірлік орталықтардан, үкіметтік емес қоғамдық ұйымдардан тегін және құпия түрде алуға болады.Мигранттар дәріханаларда АИТВ инфекциясының профилактикасы орталықтары немесе жеке медициналық орталықтар дәрігерлерінің рецепті бойынша сатып ала алады», – деп атап өтті ҚР ДСМ Қазақ дерматология және инфекциялық аурулар ғылыми орталығы (ҚДИАҒО) директорының міндетін атқарушы Ұлықбек Медеубеков.Өздеріңіз білетіндей, елде АИТВ негізінен халықтың негізгі топтарында таралады. Сондықтан БДП ең алдымен қауіп топтары үшін, соның ішінде есірткі қолданушылар, еркектермен жыныстық қатынасқа түсетін ер адамдар, секс жұмысшылар, транс адамдар, дискордантты жұптар (АИТВ-мен серіктестердің бірі) үшін маңызды.БДП 2023 жылдан бастап дәрі-дәрмектерді медицина қызметкерлері арқылы ұсынатын бірқатар достық ҮЕҰ арқылы қолжетімді, олардың екеуі медициналық лицензия алды. ҮЕҰ қатарындағы дәрігерлер мен тең навигаторлардың бірлескен қызметі чат-боттар, сайттар, әлеуметтік желілер және аутрич жұмысы арқылы белсенді түрде жүргізілуде.Өткен жылдан бастап елде БДП қабылдағысы келетіндерді тіркеу жеңілдетілді: тек АИТВ-ға теріс тест нәтижесі және АИТВ симптомдарының скринингі қажет. Бұл PrEP қабылдау туралы шешім қабылдамағандардың мотивациясын арттыру үшін маңызды.20 қарашадан 1 желтоқсанға дейін (Дүниежүзілік ЖИТС – ке қарсы күрес күні) елде ЮНЭЙДС «дұрыс жолды таңдаңыз - адам құқықтары жолы» ұранымен науқан өтеді. Әр адамның құқықтарын сақтау АИТВ-ға тиімді жауап берудің негізі болып табылады. Бұл Дүниежүзілік ЖИТС-ке қарсы күрес күні - әркімнің құқығын қорғау арқылы әркімнің денсаулығын сақтауға шақыру күні.Қазақстанда АИТВ-инфекциясының профилактикасы, диагностикалау және емдеу жөніндегі ұлттық заңнама үнемі жетілдіріліп отырады. Антиретровирустық терапия мемлекет есебінен беріледі. АИТВ-ға тестті тіркелген жері бойынша емханада немесе АИТВ-ның профилактикасы жөніндегі өңірлік орталықта құпия, тегін және қалауы бойынша жасырын түрде тапсыруға болады.Науқан өткізілетін күндері 1 желтоқсанға қарай еліміздің барлық өңірлерінде АИТВ-ның профилактикасы, АИТВ-ға шалдыққан адамдарға стигма мен кемсітушілікке жол бермеу туралы білімді насихаттау бойынша акциялар, дөңгелек үстелдер, флешмобтар және басқа да іс-шаралар өтеді. АИТВ-ның профилактикасы жөніндегі өңірлік орталықтарда халық үшін Ашық есік күндері өтеді. Әрбір ниет білдіруші мамандардан кеңес алып, АИТВ-ға тексеруден өте алады.26 қарашада Алматыда «АИТВ-ның профилактикасы және емдеу бойынша инновациялық шаралар: саясат, зерттеулер, практика» атты Халықаралық ғылыми-практикалық конференция өтеді. Белгілі әлемдік және отандық сарапшылардың қатысуымен өтетін бұл оқиға санитариялық-эпидемиологиялық бақылауды нығайту және АИТВ-ның, қосалқы аурулардың, сондай-ақ дерматовенерологиялық аурулар профилактикасының заманауи тәсілдерін жетілдіру жөніндегі маңызды қадам болмақ.Ақпарат көзі : https://www.gov.kz/memleket/entities/dsm/press/news/details/885012

Баку қаласында СОР29 Энергетика күні аясында Қазақстан Республикасының Энергетика министрлігі «Жасыл энергетика және инновациялар: Қазақстанның инвестициялық мүмкіндіктері» панельдік сессиясын өткізді.ҚР Энергетика вице-министрі С.Есімхановтың төрағалығымен іс-шараға қатысушылар Қазақстанның жасыл энергетиканы дамыту, елдің энергетикалық балансындағы жаңартылатын энергия көздерінің, атом және сутегі энергетикасының үлесін арттыру жөніндегі мақсаттары мен перспективаларын, сондай-ақ метанның антропогендік шығарындыларын азайтуға бағытталған мемлекет қабылдайтын шараларды талқылады. Үкіметтің «жасыл қаржыландыруды» тарту үшін қабылданып жатқан шаралары талқыланды. Панельдік сессияға «Masdar», «ЕҚДБ» және «Азия даму банкі» компаниялардың өкілдері қатысты.Бұдан басқа, ҚР Энергетика вице-министрі Қазақстанның сутегі бастамасына (Hydrogen Breakthrough Agenda) қосылуы туралы жариялады, бұл биылғы жылы қабылданған Сутегі энергетикасын дамыту тұжырымдамасын және Қазақстанның батысында «Svevind» неміс компаниясымен сутегі бойынша бірлескен жобаны іске асыру жөніндегі жоспарларды ескере отырып, елдегі сутегі энергетикасының дамуына ықпал ететін болады. С. Есімханов жасыл энергетика саласындағы мақсаттарға қол жеткізу үшін халықаралық ынтымақтастықтың маңыздылығын атап өтіп, Қазақстанның тұрақты дамуға бейілділігін атап өтті. Сондай-ақ, ҚР Энергетика вице-министрі Б.Ілиястың төрағалығымен Әзірбайжан, ЖЭК жөніндегі халықаралық агенттік (Irena), Азия Даму Банкі және АҚШ сауда министрлігі ұйымдастырған сессияларға қатысты, сессия барысында инновацияларды енгізу және «жасыл» энергетика секторына инвестициялар тарту мәселелері талқыланды. Қазақстан Республикасының Энергетика министрлігі энергияға өту және метан жөніндегі мақсаттарды ұйымдастыруды қолдады.Ақпарат көзі : https://www.gov.kz/memleket/entities/energo/press/news/details/884987

Түркістанда халықаралық ХХVI «Қазақ романсиадасы» жас орындаушыларының байқауы өз мәресіне жетті. Салтанатты шарада облыс әкімінің орынбасары Ертай Алтаев мұндай халықаралық байқаулардың маңызы жоғары екеніне тоқталып, желтоқсан айында Мәскеу қаласында өтетін халықаралық романс орындаушыларының қорытынды байқауына жолдама алған Гран-при иегеріне табыс тіледі.Шара Қазақстан халқы Ассамблеясының ауызбіршілікті сақтау, ұлтаралық достықты нығайту мақсатындағы бастамалары аясында ұйымдастырылып отыр.Түркістан облыстық әкімдігі мен «Южный Казахстан» қоғамдық-саяси газетінің ұйымдастыруымен өткен өнер додасына Қазақстан, Өзбекстан, Қырғызстан және Тәжікстан елінен 60 үміткер қатысып, байқау ережесіне сәйкес екі кезең бойынша бақ сынады. Қазақ және орыс тілінде романс орындаған үміткерлердің өнеріне Ресейдің еңбек сіңірген әртісі, «Романсиада» халықаралық байқауы идеясының авторы және ұйымдастырушысы Галина Преображенская, Өзбекстанның халық әртісі, Науаи атындағы мемлекеттік академиялық үлкен театрдың жетекші солисі Аваз Раджабов, Қырғыз Республикасының еңбек сіңірген әртісі Игорь Воронцов, Абай атындағы мемлекеттік академиялық опера және балет театрының солисі, Қазақтың кәсіптік өнері кафедрасының доценті Гүлзат Бейсенқызы, Қазақстанның еңбек сіңірген қайраткері, «Астана опера» жетекші солисі Талғат Мұсабаев, сонымен қатар гала-концерт қонағы «Романсиада-2018» орыс романсиадасы жас орындаушылар байқауының бірінші сыйлықтың лауреаты, опера әншісі Николай Землянских төрелік етті.Қазылар алқасының шешімімен Гран-при Нұрсұлтан Ануарбекке (Астана) бұйырды. Сондай-ақ «Қазақ романсы» бағытында 1-орынды Алижан Қазбеков (Павлодар), Саят Сақитжан (Астана), 2-орынды Ораз Мұхамедияр (Шымкент), 3-орынды Акобиржон Собиржонов (Наманған), Назым Дәулетқызы (Алматы), «Орыс романсы» бағытында бойынша 1-орынды Асқат Байышов (Бішкек), Алтынбек Арыстанбек (Астана), 2-орынды Ахрорбек Абдукаххоров (Ташкент), Жаннұр Бердібекова (Астана), Роман Чеснов (Бішкек) 3-орынды Симак Сатыбалдиев (Бішкек), Данияр Айткужинов (Алматы) иеленді.«Романсиада аруы» номинациясымен Жанель Мұратбек (Шымкент), «Романсиада үміті» номинациясымен Нұрсәндібек Жақсылық (Қызылорда), Аружан Ишанбек (Қызылорда), Айжан Пернехан (Шымкент), Мағжан Өмірбеков (Алматы), «Әртістік шеберлігі мен жарқындығы» номинациясымен Ұлан Асеков (Бішкек), «Романтикаға адалдығы үшін» номинацисымен Жәнібек Болатов, (Астана), Бақыт Қыдырбаев (Нүкіс), Әзизбек Усмонов (Ташкент) марапатталды.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/884979

Қарағанды облысының ауылдарын сапалы ауыз сумен қамтамасыз ету жалғасуда. Бүгінгі таңда ауылдықтардың 93,6% орталық сумен жабдықталған. Келесі жылы бұл көрсеткіш 100%-ға жетеді деп жоспарланып отыр.– Биыл 38 жоба жүзеге асты. Жыл қорытындысына сай, "құрылыс" бағыты бойынша 14 нысанды және 26 кешенді блок-модульді пайдалануға береміз. Бұл 95,8%-ға жетеді. Барлық ауылдық елді мекендерді ауыз сумен қамтамасыз ету бойынша жобаны аяқтау келесі жылға жоспарланған, – деп хабарлады облыс әкімдігінде өткен аппараттық кеңесте энергетика және тұрғын үй-коммуналдық шаруашылық басқармасы басшысының орынбасары Арман Саттыбаев.Халықтың 100% ауыз сумен қамтамасыз етілуі келесі жылдың соңына дейін ерекше бақылауда болады, деп атап өтті облыс әкімі Ермағанбет Бөлекпаев.– Алда азаматтардың, әсіресе ауылдық жерлерде өмір сүру сапасына тікелей әсер ететін су құбыры желілерін салу және қайта құру бойынша үлкен жұмыс күтіп тұр. Мақсаты айқын, міндеттері анықталған, қаржыландыру мәселесі шешілуде. Бұл бюджетті қалыптастыру кезінде ескерілуі тиіс басым міндет. Жұмысты дұрыс ұйымдастыру және жауапкершілігімізді есте сақтауымыз маңызды, – деп атап өтті Ермағанбет Бөлекпаев.Ақпарат көзі : https://www.gov.kz/memleket/entities/karaganda/press/news/details/884916

Қарағанды облысында әлеуметтік кәсіпкерлікті дамыту үшін қажетті жағдайлар жасалуда. Осы бағытта жұмыс істейтін кәсіпкерлер 1,5 млрд теңгеге дейін жеңілдікті несиелер, айналым қаражатын толықтыруға 500 млн теңге және өтеусіз гранттар ала алады. Биыл 10 әлеуметтік кәсіпкерге 50 млн теңгеге мемлекеттік гранттар берілді.Әлеуметтік кәсіпкерлер әртүрлі салаларда жұмыс істейді – психологиялық-педагогикалық және әлеуметтік қызметтер, білім беру, денсаулық сақтау, өндіріс және сауда.– Әлеуметтік кәсіпкерлікте 136 адам жұмыспен қамтылған. Өнім мен көрсетілген қызметтердің орташа жылдық көлемі шамамен миллиард теңгені құрайды, – деп хабарлады облыс әкімдігінде өткен аппараттық кеңесте кәсіпкерлік басқармасы басшысының м. а. Абзал Рахымбаев.Жеңілдетілген несиелер мен гранттардан басқа, кәсіпкерлік басқармасы әлеуметтік кәсіпкерлерге кеңес, әдістемелік ұсыныстар береді және іскери серіктестерді іздеуге көмектеседі.Әлеуметтік кәсіпкерлерге барынша жан-жақты қолдау көрсетілуі тиіс, деп атап өтті Қарағанды облысының әкімі Ермағанбет Бөлекпаев.– Мемлекеттік органдар әлеуметтік кәсіпкерлікті дамыту үшін қабылданған қолданыстағы заңнамалар мен құқықтық актілердің толық және тиімді іске асырылуын қамтамасыз етуі қажет. Кәсіпкерлік басқармасы қажет болған жағдайда кейбір нормаларды жетілдіру үшін орталық мемлекеттік органға ұсыныстар жіберуге тиіс. Қалалар мен аудандардың әкімдері ресми веб-ресурстарға ақпаратты, сондай-ақ әлеуметтік жобаларды тіркеу, қаржылық қолдау алу, серіктестер іздеу және жаңа бастаған кәсіпкерлер үшін әлеуметтік бизнесті жүргізу бойынша қадамдық нұсқаулықты дайындауға және орналастыруға міндетті, – деді өңір басшысы.Ақпарат көзі : https://www.gov.kz/memleket/entities/karaganda/press/news/details/884929

Қарағандыда 18–22 қараша аралығында ХХХ Жазғы Олимпиада ойындарының чемпионы ҚР еңбек сіңірген спорт шебері Серік Сәпиевтің жүлдесіне арналған XII ашық республикалық турнир өтеді. Жарысқа Қазақстанның барлық облыстарынан 200-ден астам боксшы, сондай-ақ Өзбекстан, Қырғызстан, Тәжікстан және Грузия өкілдері қатысады. Жанкүйерлер үшін кіру тегін.Жарыс 2009–2010 жылдары туған ұлдар мен қыздар арасында өтеді.Турнирдің ашылуы 18 қараша күні сағат 15:00-де Серік Сәпиев атындағы Бокс орталығында өтеді (Республика даңғылы, 11/3).Негізгі ақпарат Instagram әлеуметтік желісінде: krg_boxing_federation.Ұйымдастырушылар: Қарағанды облысының дене шынықтыру және спорт басқармасы, Sport Qory спортты қолдау қоры, бас серіктес "Самұрық-Қазына" ҰӘҚ" АҚ. Ақпарат көзі : https://www.gov.kz/memleket/entities/karaganda/press/news/details/884978

Бүгінде онлайн сауда жасау дәстүрлі сауда түріне қарағанда жиі қолданылады. Ол қаржы мен уақытты үнемдеуге мүмкіндік береді. Сауда көлемі өскен сайын қызмет сапасын жақсарту қажет. Мұндай кезде кәсіпкерлерге онлайн сауданың қыр-сырын түсіндіретін оқыту курстарына да сұраныс артады. Мәселен елордада JOLTAP әлеуметтік жобасы арқылы онлайн сауда негіздерін тегін меңгеруге болады, деп хабарлайды қала әкімдігінің ресми сайты.Әлеуметтік жоба негізіндегі курс онлайн дүкен ашып, оны дамыту жолдарын түсіндіреді. Тауарды иесіне дер кезінде жеткізу қызметінен бөлек, салық түрлеріне де тоқталады. JOLTAP әлеуметтік жобасы бойынша «Онлайн сауда негіздері» курсының оқытушысы Әйгерім Омышеваның айтуынша, елордалықтар бұл мамандық түрін 6 күнде меңгере алады.«Мен осы жылдың 30 қыркүйегінен бастап жоба қатысушыларына онлайн сауда жасау бойынша курс өткізіп келемін. Негізгі мамандығым - есеп және аудит. Банк саласында 10 жылдан аса жұмыс істеп, кейін өзім онлайн кәсіп бастадым. 2020 жылы тауарларымды Kaspi дүкені арқылы сата бастадым. Міне, осылайша, онлайн саудаға келдім. Сонымен қатар қазір JOLTAP жобасы арқылы қала тұрғындарына аптасына 6 күн бойы онлайн сауда жасауды оқытып жүрмін»,- деді Әйгерім Омышева.Елордалық кәсіпкер әрі жоба оқытушысы бастапқыда өзі де JOLTAP жобасы арқылы «Таргетолог» және SMM курстарын оқыған.«Мен бұл жоба туралы естіген кезде кәсіпкер ретінде заманауи курс түрлерін таңдадым. Себебі тауарды онлайн саудада тапсырыс берушінің мақсатына қарай контент дайындау керек. Одан бөлек жарнама жасау қажет. Жоба осындай мүмкіндіктер бергендіктен, бірден екі курсқа да жазылып, оқып алдым»,- деді жоба оқытушысы.Әйгерім Омышева онлайн сауданың қыр-сырын меңгерген соң өз курсын жазып, қызығушылық білдірген адамдарға ақылы курс өткізген. Тіпті, JOLTAP жобасына оқытушы болуға өзі ниет білдірген.«Мен жоба арқылы екі курсты аяқтаған соң оқытушы болуға тілек білдірдім. Ол кезде тек басқа маркетплейс арқылы онлайн сауда жасауды үйрететін курс болды. Осылайша, өзім жүргізіп отырған онлайн дүкен арқылы сауда негіздерін түсіндіруге болатынын айтым. Жарты жылдан кейін JOLTAP жобасы менің ұсынысымды қабыл алды», - деді ол.Алты күнге жалғасатын курс алдымен интернет дүкенге қалай тіркелу қажет, салық тәртібі мен оның түрлерімен танысудан басталады.«Курс бойынша алғашқы күні онлайн сауда туралы жалпы ақпарат беріліп, онлайн дүкенге тіркелу туралы айтамын. Екінші күні тауар сату тәсіліне тоқталсақ, үшінші күні сататын өнімді қайдан алуға болатынын талқылаймыз. Ол кезде шетелдік және қазақстандық тауар өндірушілерді салыстырамыз. Төртінші күні тапсырыс берушіге тауарды жеткізуге тоқталамыз. Онда онлайн дүкендегі жеткізу қызметінің түрлерімен таныстырамын. Бесінші күні тауардың сыртын қалай орау керек, оған қажетті затты қайдан алуға болатынын айтамын. Соңғы күні платформа тәртібі, тауарды қайтаруды рәсімдеу және кемшіліктермен жұмыс істеу туралы талқылаймыз»,- деді аталған курс оқытушысы.Бүгінде Әйгерім Омышева аталған курс бойынша 209 адамды оқытқан.«Бұл курсқа елордалықтардың қызығушылығы байқалады. Әр лекте 10-15 адам жиналады. Әріптесім Абылай Қалиевпен бірге осы курс бойынша жоба қатысушылырын оқытып жатырмыз. Қазір 31-лек аяқталды. Менің ойымша, JOLTAP жобасы ұсынатын курстардың өз дәрежесі бар. Қазір оқыту курстары көп қой, бірақ кейде сертификаттары жарамай жатады. Сондықтан бұл жоба беретін сертификат әрі қарай жұмыс табуға үлкен септігін тигізеді»,- деді курс оқытушысы.Айта кетейік, елордада JOLTAP жобасы бойынша 8 мыңға жуық азамат қысқа мерзімді оқудан өтті. Қалада «Баршаға мүмкіндік» модульдік пунктері жұмыс істейді. Онда тұрғындар 52 мемлекеттік қолдау шарасы, жұмысқа орналасу мүмкіндіктері, қысқа мерзімді оқуға жазылу бойынша кеңес ала алады.Ақпарат көзі : https://www.gov.kz/memleket/entities/astana/press/news/details/884942

Құрметті Көкшетау қаласының тұрғындары мен қонақтары!21-22 қараша аралығында Көкшетау қаласының аумағында «ҚЫС-2024» Республикалық командалық - штабтық оқу-жаттығулары өтеді. Іс-шаралардың мақсаты-мемлекеттік азаматтық қорғау жүйесінің басқару органдары мен күштерін даярлау.Оқу-жаттығулар азаматтық қорғау қызметтерінің және Республика мен облыстың жергілікті атқарушы органдарының қатысуымен өтеді. Қыс мезгіліндегі іс-шаралар пысықталатын болады.«ҚЫС-2024» барысында авариялық-құтқару жұмыстарын пысықтау, коммуналдық кәсіпорындардағы аварияларды жою жүргізілетін болады. Көптеген құтқару және арнайы техника тартылатын болады.Осыған байланысты Ақмола облысының ТЖ Департаменті Көкшетау қаласының тұрғындары мен қонақтарынан осы іс-шараларға түсіністікпен қарауды және шындыққа жанаспайтын ақпаратты таратпауды сұрайды.Ақпарат көзі : https://www.gov.kz/memleket/entities/aqmola/press/news/details/884961

«Таза Қазақстан» тұжырымдамасы аясында Алматыда қысқы кезеңде коммуналдық техниканың дайындығы көрсетілді. Қалалық инфрақұрылымды қыс мезгілінде сапалы қамтамасыз ету мақсатында арнайы техника паркі жаңартылды. Биыл 32 заманауи техника сатып алынып, олардың көмегімен тазалау жұмыстарының тиімділігі мен жылдамдығы арттырылмақ.Жаңа техниканың ішінде қоқысты конвейер арқылы контейнерлерге бір уақытта тиеу жүйесі бар алты сыпыру-жинау машинасы бар. Бұл машиналар қала көшелерінен қар мен қоқысты тез және сапалы тазалауға мүмкіндік береді. Сондай-ақ, төмен шу деңгейінде жұмыс істейтін бес электрлі сыпыру-жинау машинасы сатып алынды, бұл тұрғындардың тыныштығын бұзбай, түнгі уақытта тазалық жұмыстарын жүргізуге жағдай жасайды. Сонымен қатар, көктайғақпен күресуге арналған 3 сұйық реагент таратқыш техникасы бар. Олар реагенттерді жолға біркелкі себу арқылы қыс мезгілінде қала көшелеріндегі қауіпсіздікті айтарлықтай арттырады. Еріген қар суын сору арқылы су тасқынының алдын алады және қаланың дренаждық жүйесін жақсартатын екі ассенизатор машинасының маңызы зор.«Алматы тазалық» МКК директорының орынбасары Ертай Касеновтың айтуынша, қаладағы тазалау жұмыстары үнемі жетілдірілуде. «Қысқы кезеңде көше-жол желісін толық күтіп ұстауды қамтамасыз ететін 10 біріктірілген жол тазалау машинасы, сондай-ақ тротуарлар мен іргелес аумақтарды қар мен мұздан тазартуға арналған алты трактор сатып алынды», - деді ол.«Алматы Тазалық» МКК арнайы техника паркі жыл сайын жаңартылып отырады. Бұл компанияның жұмыс сапасын жақсартуға және қыс мезгілінде өнімділікті арттыруға бағытталған маңызды бөлігі. Осылайша, 2025 жылы 123 арнайы техниканы, соның ішінде жол тазалау машиналарын, жүк көліктерін, қоқыс таситын көліктерді, тротуарларды тазартуға арналған тракторларды, манипуляторлары бар автокрандарды және Jetbroom қар тазалау машиналарын сатып алу жоспарлануда, олар қала жолдарында одан да жоғары тазалау сапасы мен қауіпсіздікті қамтамасыз етеді.Арнайы техниканы жүргізетін кәсіпорын мамандары жаңа техникамен жұмыс істеу әлдеқайда ыңғайлы болғанын атады. «Бұрын бір көшені тазалауға көп уақыт кететін, қазір техниканың маневрлігінің арқасында бұл жұмыс әлдеқайда жылдам атқарылады. Бұл қала тұрғындарына ыңғайлы», - дейді арнайы техника жүргізушілерінің бірі.«Қазір бәрі техниканың қаншалықты заманауи және көпфункционалды екендігіне байланысты. Алматы бұл тұрғыда, бәлкім, алдыңғы қатарда. Панфилов көшесі мен басқа да скверді робот секілді кішкентай машиналар тазалап жүр», - дейді Алмалы ауданының тұрғыны Сымбат Байбазарова.«Қол еңбегінсіз, әрине, болмайды, бірақ өнімділік техникада. Қазір машиналар бәрін жасай алады. Бұрын мұндай жабдықты тек роликтерден көретінбіз, ал қазір олар біздің қаламызда көп. Ең бастысы, робот шаңсорғыш сияқты, бәрін таза, дыбыссыз және шығарындыларсыз жасайды. Олардың көбісі электрлі», - деді Бостандық ауданының тұрғыны Анна Листопадная сауалнама барысында.Алматыға 2024-2025 жылдардың қыс мезгілінде тиімді қызмет көрсету үшін қала көшелерінде 841 техника және 1 405 жұмысшы қызмет етеді. Бұл қар мен мұзды уақытылы тазалауға, көктайғақтың алдын алуға, сондай-ақ жол мен тротуардағы басқа қыстағы мәселелерді шешуге мүмкіндік береді. Ақпарат көзі : https://www.gov.kz/memleket/entities/almaty/press/news/details/884971

Әйтекебилік диқан, «Комсомол» ЖШС директоры Виталий Волынец еліміздің өнеркәсіптік және ауылшаруашылығы секторының дамуына ықпал етіп, әлеуметтік-экономикалық дамуына белсенді араласып, заманауи озық технологияларды ауыл шаруашылығына енгізгені үшін ҚР Президентінің Жарлығымен «Құрмет» орденінің иегері атанды.Виталий Волынец өмірінің 40 жылға жуық уақытын ауыл шаруашылығына арнап келеді. Оған Орденді Мемлекет басшысы Қасым-Жомарт Тоқаев Ауыл шаруашылығы қызметкерлерінің бірінші форумында салтанатты түрде табыстады.Виталий Волынец Ақтөбе облысы Мәртөк ауданында туып-өскен. Еңбек жолын 1981 жылы «Яйсан» совхозының тракторшы болып бастады. Қара теңіз әскери-теңіз флотында борышын өтеп келген соң, Жайсаң СПТУ №-13 механигі, сол уақытта осы оқу орнында Комсомол ұйымының хатшысы ретінде жұмыс істеді. 1998 жылы «Комсомол» өндірістік кооперативінің ауылдық жалпы жиналысында, бірауыздан «Комсомол» ЖШС төрағасы болып сайланып, бүгінге дейін басқарып келеді.«Комсомол» ЖШС – Әйтеке би ауданындағы ірі ауылшаруашылық тауарын өндірушілерінің бірі. Кәсіпорын егін салып, шөп шауып, жайылымдық жерінде мал өсіріп келеді. Машина-трактор паркі толық жабдықталған. 2024 жылы 11251,43 га жерге бидай егіп, әр гектардан 10 ц өнімділік алды. Шаруашылық тұрақты түрде 92 адамды, маусымдық жұмыс кезінде 200 адамды жұмыспен қамтып отыр.Туған өлкені өркендетуге үлес қосып жүрген меценат жағдайы төмен отбасыларға материалдық көмек көрсетуді, аудан көлемінде өтетін мәдени және спорттық шараларға үнемі ат салысып, демеушілік етуді міндетіне алған. Мәселен, үш жыл бұрын оның қаржыландыруымен ашылған «Жас арыстан» күрес мектебінде қазіргі уақытта 76 бала тегін спортпен шұғылдануда.Ақпарат көзі : https://www.gov.kz/memleket/entities/aktobe/press/news/details/884918

Бұл жоба 2021 жылы бастау алған.Қаратоғай ауылында көптен күткен спорт кешені есігін ашты. Президенттің бұқаралық және балалар спортын дамыту туралы тапсырмасына сәйкес, жаңа нысан ауыл жастарына дене шынықтырумен және спортпен айналысуға үлкен мүмкіндік береді. 3 жыл бұрын «Ер-Қанат сервис» ЖШС-мен келісімшарт жасалып, металл конструкциялардың толық монтаждау жұмыстары жүргізілді. Алайда, 2022 жылы құрылыс материалдарының қымбаттауына байланысты жоба уақытша тоқтатылды. Мердігер жобалық-сметалық құжаттаманы қайта түзету қажеттігін алға тартты. Облыс әкімінің бақылауында болған құрылысқа биылғы жылы Мәртөк ауданының бюджетінен 219 миллион теңге бөлініп, тоқтап қалған жұмыстар қайта жанданды. Бүгінгі таңда спорт кешені толық дайын. Қазірдің өзінде спорт кешенінде 42 бала қазақ күресімен тұрақты түрде айналысуда. Алдағы уақытта кешенде волейбол, футбол, еркін күрес, тоғызқұмалақ және үстел теннисі секілді спорттық үйірмелер ашу жоспарлануда. Нысанның ашылуымен бірге 10 адам тұрақты жұмыс орнымен қамтылды. Спорт кешенінің ашылу салтанатына аудан әкімі Медет Ысқақов қатысып, жиналған ауыл тұрғындарын құттықтады. Ол өз сөзінде бұл кешен ауыл жастарының спорттық белсенділігін арттырып, салауатты өмір салтын қалыптастыруға маңызды үлес қосатынын алға тартты.Ақпарат көзі : https://www.gov.kz/memleket/entities/aktobe/press/news/details/884938

Жамбыл облысында Қазақстан Қарулы күштерінің үздік сержанты атағына орай өткізілген XIV Бүкілармиялық конкурстың қорытындысы шығарылды. Бір апта бойы «Оңтүстік» өңірлік қолбасшылығының әскери бөлімдерінде Қазақстан армиясының ең мықты деген 118 сержанты кәсіби шеберліктерін көрсетуден сайысқа түсті. Олар команда есебінде де жарысты, оған қоса жеке сайыста өздерінің шеберліктерін көрсетіп бақты.Бүкілармиялық конкурсқа өз өңірлерінде көшбасшылық қасиеттерімен көзге түскен бөлім командирлерінен бастап штаб сержанттарына дейінгі жеті санатта сержанттар қатысты. Әскери қызметшілер мықтылық, төзімділік, табандылық пен мақсатқа ұмтылысты көрсете отырып, бар күш-жігерін танытты.Байқау «Айбын», «Қайсар», «Керуен», «Мерген», «Білімпаз», «Сері» деп аталатын алты кезеңнен тұрды. Апта бойы әскери қызметшілер полигонда марш жүгіру және стадионда жүгіру кезінде ондаған шақырымды артқа тастады. Ату және граната лақтырудан талай нысананы алды, біраз шақырымға жер бауырлап жетті, шартты түрде ұрыс даласында жараланғандардың барлығын құтқарды. – Бүкілармиялық конкурс өткізу сержанттарды даярлауды жетілдіруге ықпал етіп, оларды қызметтегі жеткен жетістіктері үшін жігерлендіру факторы. Қол астындағылардан жауынгерлік және дене шынықтыруда жоғары нәтижелерді талап ете отырып, сержанттардың өздері көпке үлгі болуы керек. Олардың жетістіктері – сержанттардың кәсіби шеберлігінің дәлелі, – деп атап өтті Қарулы күштердің Бас сержанты шебер-сержант Темірбек Халықов.Жалпы командалық есепте «Оңтүстік» өңірлік қолбасшылығының командасы Бүкілармиялық сержанттар конкурсының жеңімпазы атанды. Екінші орынды Десанттық-шабуылдаушы әскерлерінің құрамасы еншіледі. Үшіншісі 14776 әскери бөлімінің сержанттарына бұйырды.Үздік сержант атағына Қазақстан Әскери-әуе күштерінің өкілі (54835 әскери бөлімі), 3-сыныпты сержант Дархан Аслан лайық деп танылды. Дархан – Халықаралық армия ойындарының «Бейбітшілік жауынгері» байқауының бірнеше дүркін қатысушысы. Көптеген адамдар оның дайындық сапасына таң қалды. – Бәсекелестік күшті болды, барлық сержанттар жақсы дайындалған, сондықтан жеңіске жету оңай болған жоқ, – деді Дархан Аслан. – Бірқатар кезеңдерде менің жолдастарым тамаша нәтижелерге қол жеткізді. Жеңіске жеткеніме өте қуаныштымын. Бұл жеңісімді өзім қызмет ететін Әскери-әуе күштеріне арнаймын. Маған қолдау көрсетіп, сенгені үшін достарым мен әріптестеріме алғыс айтамын. Екінші орынды Талдықорғандағы ДШӘ десанттық-шабуылдау бригадасының сержанты 3-сыныпты сержант Рауан Тоқтарбеков алды. Үшінші орынды Қорғаныс министрлігі Ш. Уәлиханов атындағы әскери колледжінің атынан келген 3-сыныпты сержант Темірлан Байзулин иеленді. Конкурстан тыс, алайда полигондарда нәтижелерге қол жеткізуге толық және шынайы ұмтылыспен АҚШ Ұлттық ұланының сержанттары сайысқа түсті. Шебер-сержант Темірбек Халықов атап өткендей, олардың қатысуы әскери қызметшілерге сержанттар құрамын даярлау әдістемелерін салыстыруға және тәжірибе алмасуға мүмкіндік береді. XIV Бүкілармиялық сержанттар конкурсының соңы жеңімпаздарды кубоктармен, медальдармен және грамоталармен марапаттау рәсімімен аяқталды. Енді жарыс жеңімпазы Дархан Аслан Астанаға барады, онда Қорғаныс министрі оқу жылының қорытындысы бойынша үздік әскери қызметшілерді марапаттайды. Ақпарат көзі : https://www.gov.kz/memleket/entities/mod/press/news/details/884985

Ауыл шаруашылығы министрлігі жергілікті атқарушы органдармен бірлесіп жем-шөп өндірісін дамыту бойынша жұмысты жалғастыруда.Жемшөп дақылдары үшін суармалы жерлердің алаңдарын кеңейту, жемшөп дақылдарының тұқым шаруашылығын дамыту, ауыл шаруашылығы техникасын сатып алу, жайылымдық жерлердің өнімділігін арттыру жөнінде шаралар қабылдау мақсатында ведомство жемшөп өндірісін дамытудың Жол картасын өзектендіру бойынша жұмыс жүргізуде.Ағымдағы жылы өңірлердің деректері бойынша жемшөп дақылдарының егістік алқаптары 3,2 млн.гектардан асты, бұл 2023 жылмен салыстырғанда 83,5 мың гектарға артық. Бұл ретте егістікке орналастырылатын жемшөп үлесі шамамен 14% құрады (2023 жылы-13%).24,5 млн.тонна шөп (бір жарым жылдық – 36,7 млн. тонна), пішен - 1,7 млн. тонна, сабан – 4,6 млн. тонна, концкорм – 5,5 млн. тонна және сүрлем – 2,0 млн. тонна дайындау жоспарланған.Ағымдағы жылдың 18 қарашадағы жағдайы бойынша 34,9 млн.тонна көлемінде шөп немесе бір жылдық жоспардан 142,6%, 2 млн тонна пішен немесе жылдық жоспардан 117,6%, 5,6 млн тонна құрама жем (102,2%), 2,3 млн тонна сүрлем (117,9%) және 5,1 млн тонна сабан дайындалды (111,9%).Жалпы, Қазақстанда жемшөппен қамтамасыз ету жағдайы тұрақты деп болжануда.Ақпарат көзі : https://www.gov.kz/memleket/entities/moa/press/news/details/884891

Алдағы су тасқыны кезеңінде су басу қаупін азайту мақсатында Павлодар облысының ТЖ департаменті алдын алу шаралары бойынша кешенді жұмыстар жүргізуде. Ведомство облыс әкімдігінің қаулысымен бекітілген іс-шаралар жоспарын әзірледі, ол бойынша 36 іс-шара жоспарланған. Сонымен қатар инженерлік жұмыс жоспарына сәйкес 47 іс-шара жоспарланды. Аталмыш іс-шаралардың бірқатары бүгінгі күнде орындалды.Ақтоғай ауданының Жалаулы ауылында ұзындығы 2 км созылатын үш шұңқыр, сыйымдылығы 200 мың текше метр қорғаныс үйіндісі тұрғызылды, атқарылған жұмыстар елді мекенді еріген судан тиімді қорғауға мүмкіндік береді.Шолақсор ауылында су тасқынына қарсы іс-шаралардың Жол картасы шеңберінде 2023 жылы Сілеті өзенінің жағасын нығайту, осы өзен арнасын, түбін тазарту және тереңдету бойынша жұмыстар аяқталды, бұл ағымдағы жылы ауылды су басуға жол бермеуге мүмкіндік берді.Соңғы жылдардағы жауын-шашын мен су тасқыны нормасына сүйене отырып, жасанды құрылыстарды орнату, Павлодар, Ақсу қалалары, Ақтоғай, Павлодар аудандары, Атамекен, Кенжекөл кенттерінің су тасқыны қаупі бар учаскелерінде қолда бар үйінділердің биіктігін арттыру және нығайту бойынша жұмыстар жүргізілді, бұл еріген суларды ұстауға ықпал ететін болады.«Жалпы ұзындығы 15 км құрайтын «Ақтоғай-Шолақсор» облыстық маңызы бар автокөлік жолын жөндеу жұмыстары толық көлемде аяқталды. Бұл учаскеде су өткізгіш құбырларға жөндеу жүргізілді, бұл еріген судың өткізу қабілетін арттыруға мүмкіндік береді. Инженерлік жұмыстар жоспарын іске асыру аясында Ертіс ауданының Қарақұдық ауылына кірме жолға ұқсас үш су өткізгіш құбыр орнатылды», - деп облыстық ТЖ департаментінің бастығы Рустамбек Амрин атап өтті.Сонымен қатар елді мекенді су басу қаупін болдырмау үшін Ақтоғай ауданы Жамбыл ауылы Талинка өзенінің түбін тереңдету жұмыстары жүргізілді. Павлодар ауданы Розовка ауылының дала аймағында дренаж бойынша жұмыс істейтін елді мекендерден еріген қар суын бұруға арналған бұру арналары өткізілді.«2021-2023 жылдарға арналған су тасқынына қарсы іс-шаралардың республикалық жол картасы шеңберінде толық көлемде іске асырылған 7 іс-шара қазіргі уақытта іске асырылды. Мысалы Қалқаман-Баянауыл, Үміткер-Ботақара автожолдарында екі көпірдің құрылысы аяқталды, олар автожолдардың бұзылуына, сумен толып кетуіне, тасқын және еріген сулардың кедергісіз өтуін қамтамасыз етеді», - деп ТЖ департаментінің бастығы хабарлады.Облыстағы алдағы су тасқыны кезеңіне дайындық бойынша жұмыс ерекше бақылауда және жалғастырылуда. Ақпарат көзі : https://www.gov.kz/memleket/entities/emer/press/news/details/884887

«Павлодар» әуежайында оқу-жаттығулар өтті, оның мақсаты әуе кемесінің бортында төтенше жағдайлар кезінде түрлі қызметтердің іс-қимылдарына дайындықты арттыру және үйлестіру болып табылды. Павлодар облысы ТЖД бөлімшелері мен әуежай қызметкерлері адамдарды ұшақтан тез және қауіпсіз эвакуациялау бойынша жаттығулар өткізді, әуе кемесінің бортында өртті тиімді сөндіру үшін әдістер мен жабдықтар пысықталды. Оқу-жаттығудың тактикалық ойына сәйкес, Boeing 737-300 әуе кемесі қону кезінде реактивті қозғалтқыштың механикасы зақымданып 106 шаршы метр аумағында жану орын алды. Әуе кемесінің командирі әуе диспетчеріне төтенше жағдайдың туындауы, апаттық қону және өрт сөндіру экипажының қажеттілігі туралы ақпарат берді. Апатқа ұшыраған ұшақтан кейін шұғыл қызмет мамандары шартты зардап шеккендерді эвакуациялауға және өртті жоюға дереу кірісті.Сондай-ақ, осындай оқу-жаттығу «Әулие Ата» халықаралық әуежайында өткізілді. Өрт-тактикалық оқу-жаттығудың сценариі бойынша «Талдықорған-Шымкент» әуе бағыты бойынша ұшқан жолаушылар ұшағының қозғалтқыш бөлшегі ақауға ұшырап, «Әули-Ата» халықаралық әуежайына апатты жағдайда қонуға мәжбүр болды. Ұшақ апатты жағдайда қону барысында жанармай багы зақымдануы салдарынан авиациялық отынның төгілу жағдайы орын алып, өрт шыққан. Ұшақтағы өртті сөндіру үшін көмекке өрт сөндіру қызметін шақырған әуежайдағы жергілікті өрт сөндірушілер, олар келіп жеткенге дейін өрт сөндіру жұмыстарын жүргізді. Ал одан әрі оқиға орнына жедел жеткен Жамбыл облысы ТЖД күштері мен құралдары өртке оранған ұшақты сумен, көбікпен сөндіру жұмыстарын атқарып, сондай-ақ адамдарды құтқару және қауіпсіз орынға көшіру жұмыстарымен айналысқан. Өрт оқиғасы орнында 2 жауынгерлік участок құрылып, 5 адам құтқарылып, 85 адам қауіпсіз орынға көшірілді. Зардап шеккендерге алғашқы дәрігерге дейінгі көмек көрсетіліп, жедел түрде ауруханаға жөнелтілді.Өрт-тактикалық оқу-жаттығулар соңында ұшақтағы өртті сөндіру бойынша жан-жақты түсіндіру жұмыстары жүргізіліп, оқу-жаттығулар қорытындыланды.Ақпарат көзі : https://www.gov.kz/memleket/entities/emer/press/news/details/884932

«Таза Қазақстан» экологиялық акциясы аясында аудан әкімі Арман Сәбитовтің бастамасымен, аудан аумағында күзгі тал егу, сенбілік жұмыстары қарқынды жалғасуда. Айналаны абаттандыру шарасына бюджеттік мекеме, білім беру ұйымдары, «Көрікті Сайрам» мекемесі қызметкерлері және аудан тұрғындары, жалпы 9440 адам белсене атсалысты.Қоғамда экологиялық мәдениеттті қалыптастыруға бағытталған шара барысында 125 шақырым көше бойлары мен 13 шақырым аяқжолдары ретке келтіріліп, 2.2 шақырым арық-атыздары мен ирригациялық жүйелері қоқыстардан тазаланды.Бұдан бөлек, аудан аумағындағы 14 спорт және балалар алаңшалары мен 8 аялдама ретке келтіріліп, көшелердің көркін кіргізді. Жалпы 4500-ден аса түп күзгі көшеттер егіліп, көше бойының көгалдандыру жұмыстары жүргізілді.Сайрам ауданында бекітілген жоспар бойынша биылғы жылдың күз айларында 23300 түп ағаш көшеттерін отырғызу белгіленген. Бүгінгі таңда аудан аумағында 2500 түп терек көшеті, 10 000 түп қарағаш көшеттері, 5000 түп лигуструм, 250 түп раушан гүлі, 250 түп бозарша, 1000 түп сирия раушан гүлі, 1000 түп айлант, 3050 түп шаған, 250 түп арша көшеті отырғызылды.Аумақтың экологиялық жағдайын жақсартуға 36 техника жұмылдырылды. Полигон аумақтарына 16,6 тонна қоқыс тасымалданды.Түркістан облысы әкімінің баспасөз қызметі Ақпарат көзі : https://www.gov.kz/memleket/entities/ontustik/press/news/details/884701

Жетісай ауданының орталығында Жетісай қаласының 55 жылдығы аясында мерекелік іс-шара өтті. Жиынға арнайы аудан әкімі Серік Мамытов қатысып, аймақтағы үздік шаруаларды марапаттады. «Жеңіс» алаңында ауданның ауыл шаруашылығы тауар өндірушілері мен кәсіпкерлерінің өндірген өнімдерінің көрме-жәрмеңкесі өтті. Сондай-ақ, алаңда ұлттық тағамдар дайындалып, аудан тұрғындарына ұсынылды. Қаланың 55 жылдығына орай, 55 метрлік кәуап пен 55 сантиметрлік самса дайындалып, шаһар тұрғындары мен қонақтарына таратылды.Сонымен қатар, ауданда «JETISAI KITAPFest – 2024» кітап көрме-жәрмеңкесі болып өтті. Жәрмеңкеде «QAZYNA», «ОТБАСЫ хрестоматиясы», «Olja Peak», «MARFU book», «MAZMUNDAMA», «Qasym kitaphanasy», «KitapAl», «Steppe&world», «Ziyat», «KAZAKH CONTENT» секілді Алматы қаласынан шақырылған 10 баспа 15 мыңнан астам түрлі жанрларда жазылған кітаптарды көпшілік назарына ұсынды. Бұдан бөлек, ұлттық спортты дәріптеу және бұқаралық спортқа деген жастардың қызығушылығын арттыру мақсатында арқан тарту, қол күресі, гір тасын көтеру, садақ ату, қошқар көтеру сынды спорт түрлерінен жарыс өтті.Бұдан өзге, орталық саябақта жасөспірімдер арасында кіші футболдан ауданның ашық біріншілігі мен «Алыптар сайысы» өтті. Ауданда тұңғыш рет өткізілген байрақты бәсекеге V Дүниежүзілік көшпенділер ойындарының жеңімпазы Азамат Мақұлбеков қонақ ретінде арнайы қатысты.Түркістан облысының Өңірлік коммуникациялар қызметіАқпарат көзі : https://www.gov.kz/memleket/entities/ontustik/press/news/details/884704